مثل عينيكِ بلا وطن..

لو تدرون شكد عزيزة على گلبي
هيج من اسمها عبالك روحي تنفصل وتدور وترتكز

١٠/١٠ اليوم العالمي للصحة النفسية.🌿
اسمحولي اگللكم العقل السليم يكون بالنفسية السليمة، الجسد شگدما چان قوي، اذا مرضت النفسيّة حينعكس تلقائيًا على الجسد.
رغم صعوبة هالشيء بمحيطنا المريض بس لابد اكو ضوه حتى لو صغير نگدر نستعين بي وندير بالنا على نفسيتنا.
تذكر دائمًا انه تعامل نفسك بلطف ورحمة!
انتبه للطريقة الي تحاور بيها نفسك وخليك ليّن.
اسمع نفسك واحتياجاتها من خلال انتباهك لردات فعلك ومشاعرك وافكارك.
اذا چان عندك المقدرة تروح لأستشاري نفسي او دكتور، لا تتردد! انت محظوظ لهل شي ، غيرك يتمنى تصحله الفرصة، واعظم شي يسوي الانسان تجاه نفسه انه يشفيها من اي شي يأذي نفسيًا وجسديًا.
مفهوم التشافي هسه انتشر بشكل اكبر والوعي تجاهه احسن، قبل مچان اكو هالشي ومحد يحچي اساسًا.
مو الا تعاني من مشكلة نفسية او اضطراب يلّه تفكر تهتم بهل موضوع ، بالعكس، اسمع محاضرات او بودكاست واقرأ مقالات او كتب، وسع معلوماتك بالصحة النفسية بمختلف اتجاهاتها
اذا مو لنفسك تحديدًا ف ممكن هالمعلومات تگدر تساعد بيها اهلك واصدقائك او اي احد حواليك.
المرض او الاضطراب مثلما نلگاه بينه بس بنفس الوقت الدوه والشفا هم موجود جوانا.. نحتاج نفهم نفسنا ونسمعها ونحبها حتى نگدر نداويها ونساندها شوكت ما احتاجت 🤍.

من الممارسات البسيطة بس تأثيرها على النفسية مهم وإيجابي:
القراءة
الكتابة
الرياضة
شرب المي والأكل الصحي
التأمل
اليوغا
الأمتنان
النوم الكافي " گعدة الصبح وتقليل السهر"
سماع الموسيقى
تقليل استخدام مواقع التواصل
التواجد بالطبيعة بشكل مستمر
تبني هواية معينة وممارستها للابداع والتفريغ مثل الرسم التصوير الخ..

والمَرءُ لا تُشقِيهِ إلا نَفسُهُ
‏حَاشَى الحَياةَ بأنَّها تُشقِيهِ

‏مَا أجهلَ الإنسانَ يُضنِي بَعضُهُ
‏بَعضًا ويَشْكو كلَّ مَا يُضنِيهِ

‏ويَظنُّ أنّ عدوَّه فِي غيرِهِ
‏وعَدوّه يُمْسِي ويُضحِي فِيـه.

يا الله الحياة شكد غريبة ومتنحزر

صديقتي سوت حادث سير ومن البارحة بالانعاش
اسمها هدى كمال
اتمنى الي يشوف هالرسالة يدعي يارب هدى تكوم بالسلامة باسرع وقت وترجع سالمة معافاية لاهلها وناسها ..
يارب امين