ليلة عيد ومطر!
سبحان رحمتك وكرمك يارب 🤍
الحمدلله ♥️

الله أكبر و لله الحمد 🌙

عيدكم مبارك يا احباب!
اتمنالكم كل الخير بالدنيا وينعاد عليكم باليمن والبركات 🙏🏽🤍

"يا نيسان المقدّس الذي يأتي مليئًا
بالشّمس والعطر "

الوعي الجمعي كلش خطير والله
تكدرون تلاحظون من يلتمون الاقرباء
تقريبا تقريبا الكل حيكون عنده فدمشكلة مشتركة
ويسولفوها دائمًا ومن زمان موجودة
هل برأيكم حتنحل؟
لا
هي صح مشكلة بس لان مشتركة بين الكل ف يحسوها طبيعية وعادي تكون موجودة
فنشوف محد منهم دور حل وحاول يحلها
وحتى الي يحاول يحلها وحده حيكون كلش صعب واكو مقاومة لان ديطلع من المجموعة
محيبقى انتماءه الهم
فغالبًا يفشل

ف اي المشكلة من تكون مشتركة ويه مجموعة حلها كلش حيكون صعب او ان نفكر نحلها حيكون احتمال ضئيل لان هنا دنجازف بأنتمائنا لهاي المجموعة،

والانتماء لمجموعة هو كلش مهم للبقاء

ف برأيي اذا نريد نحل هالمعضلة راح نحتاج نبحث عن مجموعة اخرى اهدافها مثل اهدافنا او اقرب .

ومو بسهولة حنكدر ننتمي
ف حنحتاج نثبت الهم جديتنا لان بالنهاية ممكن نكون خطر عليهم ونخلّ توازنهم لهذا يحتاج افعال حتى يثقون
وبهيج يبدي الشغل على المشكلة وحلها

نسيت اكتب مثال عملي؛

ف مثلا من شعبة كل طلابها مو مهتمين بالدراسة، بنسبة كلش جبيرة ان هالشعبة حيبقى مستوى طلابها هيج للاخير
لان هذا الطبيعي بالشعبة، ان ميهتمون بالدراسة وماعدهم هدف درجة عالية او فهم افضل او تساؤلات علمية مستمرة
بحيث كلهم درجاتهم قليلة وكلش طبيعي مادام اصدقائهم نفسهم.
هنا المشكلة مشتركة وعامة، فهذا صار الوعي الجمعي .


والعكس لو شعبة اغلبها متفوقين وفد طالب جاب درجة قليلة، شحيصير؟ كلش يتحبط وينقهر وراح يريد يحسن
لان الوعي الجمعي هنا والطبيعي هو التفوق.

واذا هذا الطالب الشلة مالته من بين الشعبة جانت هم درجاتها قليلة
فنسبة ان يحسن درجته راح تقل همين
لان المقربين من عنده من الشلة هدفهم مو نفس هدفه
فكلش راح يستصعب لان الامر يمس الانتماء مالته.


كلنا بفترة المدرسة من جبنا درجة قليلة وكل طلاب شعبتنا هم ويانه،
راح نكون مرتاحين ونكول لاهلنا
والله ماما كل الشعبة مو بس اني 😆

اصبحنا واصبح الملك للهِ والحمدلله.

"سُبُّوحٌ قُدُّوسٌ، رَبُّ الْمَلَائِكَةِ وَالرُّوحِ"

-

هنا حيكون اكو رحلة تفكر وتعلّم عن الدين، لو احد مهتم او عنده فضول يكدر ينضم 🤍

جانب آخر للـ Authentic self :’)