#КухняБеларусі

🎃 Гарбузоўнік — сонца ў печы

Беларусы заўсёды ўмелі рабіць святочнае з простага.
Гарбузоўнік — страва, што пахне восенню, цеплынёй і дзяцінствам. Яго пяклі, калі на градках спелі гарбузы: духмяныя, салодкія, нібы самі захоўвалі сонца.

👩‍🍳 Што трэба:

500 г гарбуза,

2 яйкі,

3 сталовыя лыжкі смятаны,

2–3 сталовыя лыжкі мукі,

2 сталовыя лыжкі мёду ці цукру,

шчопаць солі,

крыху алею або масла для формы.

🔥 Як гатаваць:

Гарбуз ачысці, нарэж дробнымі кавалачкамі або натры на буйную тарку.

Дадай яйкі, смятану, мёд і муку — каб маса была густая, як цеста на аладкі.

Перамяшай, выкладзі ў змазаную форму.

Выпякай у печы (ці духоўцы) пры 180 °C каля 35–40 хвілін, пакуль верх не стане залацістым.

🍽 Як падаваць:
Смачна цёплым, але не менш духмяна — халодным.
Часта пасыпалі цукровай пудрай або палівалі смятанай.

💬 Цікава:
У некаторых рэгіёнах гарбузоўнік называлі “сонечнікам” — бо пасля яго ў хаце пахла, нібы пасля лета.

“Дзе гарбуз на стале — там радасць у хаце.” 🌞

#Падарожжа

Беларускія замалёўкі ад
https://www.tiktok.com/@kastusj?_t=ZM-90jGC7fSqxX&_r=1

У 1840-я гады паблізу ўрочышча Доўгі Брод сталі хаваць салдат, якія памерлі ў гарадскім ваенным лазарэце. Так быў пакладзены пачатак Ваенным могілкам. Пазней тамака супакоілі загінуўшых удзельнікаў Руска-турэцкай вайны 1877-78 гадоў i ў іх гонар збудавалі драўляную царкву. У 1896-98 гадах на яе месцы быў пабудаваны мураваны храм-помнік у стылі рускага барока - царква Святога князя Аляксандра Неўскага (фота прыкладна 1905 года). Усяго на Ваенных могілках пахавана 11 Герояў Савецкага Саюза, шмат іншых воінаў, а таксама выдатных дзеячаў беларускай культуры і навукі. #iмя_на_мапе

Новы від птушак для Беларусі

Учора, 21 кастрычніка, віцеблянка Паліна Дубавая звярнула ўвагу на птушку каля гандлёвага цэнтра. Аказалася, што гэта белаваллёвы дрозд (Turdus torquatus, белозобый дрозд) – від, які раней не адзначаўся ў нашай краіне. На жаль, птушка разбілася аб шкляны будынак.

Белаваллёвыя дразды гняздуюцца ў горных раёнах Скандынавіі, а на поўдзень на зімоўку штогод мігруюць праз Беларусь. Так думалі арнітолагі, і гэтая знаходка пацвердзіла гіпотэзу.

🐦‍⬛️ Знешне белаваллёвы дрозд вельмі падобны на звычайнага ў нас чорнага дразда. Калі ярка-чорны самец добра адрозніваецца ад чорнага дразда белай плямай на грудзях, то маладыя птушкі і самкі амаль не адрозніваюцца ад самак і маладых чорнага. Асабліва цяжка іх адрозніць у полі ў палёце.

Гэта будзе 344 від у беларускім спісе птушак.

Тыдзень таму ў Бельгіі вельмі рэдкая ў Еўропе каральковая пячураўка (корольковая пеночка) разбілася аб шыбу будынка. Аб шыбы толькі ў Беларусі падчас міграцыі забіваюцца сотні тысяч птушак штогод. Сярод іх ёсць і рэдкія, і новыя для краіны віды. Для іх абароны нічога не робіцца ні дзяржавай, ні архітэктарамі. Каля некаторых будынкаў дворнікі амаль штодзень змятаюць мёртвых птушак з асфальту ў сметнік.

☝️ Перш-наперш трэба засцерагчы птушак ад гібелі, а па-другое прыглядацца і да мёртвых птушак (дзіўны выгляд, кольцы), каб ніякая каштоўная інфармацыя не прапала для навукі. Назіраннямі можна дзяліцца ў Тэлеграм-чаце "Ціў-ціў" @ptushkachat.

📷 Фота Паліны Дубавой.

#Літаратурная_хвілінка

ВОСЕНЬСКІ ПАРК

Фарбуе каменны дыван
У золата жоўклае лісце;
Прабуджаны ноччу, туман,
На золках, сыходзіць кудысьці.
А вецер, падкінуўшы фарбы,
Вядзе закаханых да лаўцы,
А потым, іх сэрцы, гарачыя скарбы,
Ад думак халодных схаваўшы,
Задумліва сцішыцца ў дрэвах
І моўчкі аддасца ўспамінам,
Мінулых спатканняў у скверах
І просьбаў прысвечаных льдзінам.

Андрусь Вясёлка

#КухняБеларусі

🍒 Кісель з журавін

Кісель для беларусаў быў не проста напоем, а паўнавартаснай стравай — асабліва ў постныя дні. Журавіны давалі яму і насычаны смак, прыгожы колер, і карысць для здароўя. Асвяжальны, лёгкі, крыху кіславаты — ён выдатна падыходзіў і як дэсерт, і як дапаўненне да бліноў ці булачак.

📜 Інгрэдыенты:

200 г журавін

3–4 сталовыя лыжкі цукру (ці мёду)

2 сталовыя лыжкі бульбянага крухмалу

1 літр вады

Як гатаваць:

Журавіны расціснуць і заліць вадой. Давесці да кіпення, працадзіць праз сіта, каб аддзяліць лупіну.

У цёплую журавінавую ваду дадаць цукар і зноў паставіць на агонь.

Бульбяны крухмал развесці ў невялікай колькасці халоднай вады і ўліць у гарачую сумесь, памешваючы.

Дачакацца, пакуль кісель загусцее, і зняць з агню.

👉 Падаваць можна як цёплым, так і халодным. Асабліва смачна — з блінамі ці свежай булачкай.

✨ Кісель з журавін — гэта смак дзяцінства, напой, які зберагаў сілы і вітаміны ў халодныя сезоны.

🤔 Спрабуйма сказаць знаёмы выраз па-беларуску, ці скарыстаймася падказкаю.

❓Обещанного три года ждут.

✅ Абяцанкі-цацанкі, а дурню радасць
✅ Панская абацянка на здохлым кані едзе
✅ Абяцаная шапка вушэй не грэе (на вушы не лезе)
✅ Дасць на лета, але не на гэта
✅ Дадуць, як штаны ападуць
✅ Аддам на святы Адам.

#згадаймаВыраз

#ДумкіЎслых

О, я згодна. Кожнай краіне армію робатаў, прэзідэнтам пульт кіравання.
І тады кожны няхай выводзіць у поле сваіх салтацікаў і ваююць там хоць да ўсёру.
А людзі тым часам будуць сваімі патрэбнымі справамі займацца: зямлю абрабляць ды дзяцей гадаваць.

Зоя С

#ДумкіЎслых

Прычым тут беларускае ці не?
Сучасныя дзеці проста рэальна не хочуць есці тое, што нармальна прыгатавана. Можа дома да такога не прывучаны, можа проста "зажралісь", але адрабіўшы 29 гадоў у дзіцячым садзе гэту тэндэнцыю бачыла на самавоч.

Калі ў нейкім 96-ым дзеці такія стравы як зацірка, бліны, пельмені, дранікі, бялёныя макароны, боршч, катлеты з пюрэ з'ядалі падчыстую, то цяпер бывае што і лыжку не памочаць.
Што ядуць? Батон, сасіску, ну катлеты яшчэ, і то не ўсе. Ну і ўсё, увесь спіс любімых страў.

Таму, можна проста нормы харвання перагледзець і не пхнуць ім столькі ежы. І праўда, толькі перавод грошай.

Зоя С