Навукоўцы пацвердзілі: многія гістарычныя будынкі ў Рызе пабудаваныя з беларускай драўніны

Беларускі навуковец Максім Ярмохін (Бернскі ўніверсітэт, Швейцарыя) распрацаваў 831-гадовую храналогію гадавых кольцаў хвоі з паўночнай Беларусі (раней ён стварыў першую тысячагадовую кальцавую храналогію хвоі ў Беларусі). Разам з Марысам Зундэ з Інстытута гісторыі Латвіі ў свежым артыкуле ў часопісе Dendrochronologia ён паведамляе: узоры для храналогіі ўзялі з археалагічных раскопак Полацка і Віцебска, а таксама з дома Даненштэрна ў Рызе (на здымку).

Атрыманыя дадзеныя сведчаць, што гандаль хвояй паміж басейнам верхняй і ніжняй Дзвіны/Даўгавы пачаўся ў XIV стагоддзі і дасягнуў піку ў XVI-XVII ст. У выніку многія гістарычныя будынкі ў Рызе складаюцца з драўніны з Беларусі.

Акрамя таго, драўніна з паўночнай Беларусі выкарыстоўвалася ў XVIII ст. у Вялікабрытаніі, што пацвярджае экспарт беларускага дрэва па ўсёй Еўропе. У еўрапейскіх калекцыях драўніна з Беларусі фігуравала як «балтыйскі дуб» і «рыжскія хвоі».

Фота: Geely
"БЕЛДЖЫ" плануе ў лістападзе вывесці на рынак новую мадэль электрамабіля GEELY EX2, паведамляе БЕЛТА са спасылкай на дырэктара СЗАТ "БЕЛДЖЫ" Генадзя Свідзерскага.

Аб гэтым ён расказаў на VII Навукова-практычнай канферэнцыі "Электрычны транспарт: рэальнасць і перспектывы" на палях Беларускага энергетычнага і экалагічнага форуму .

Ён адзначыў, што ў лістападзе 2025 года плануецца вывад мадэлі GEELY EX2 на рынак. "Прэзентацыя будзе на "Мотаршоу" 15 кастрычніка. На наш погляд, яна можа служыць як для гарадскога прымянення юрыдычнымі асобамі, так і другім аўтамабілем для фізічных асоб", - падкрэсліў дырэктар СЗАТ "БЕЛДЖЫ".

Гэты аўтамабіль з'яўляецца самым запатрабаваным электрамабілем і бэстсэлерам на аўтарынку Кітая
са студзеня па жнівень 2025 года. На дадзены момант EX2 праходзіць сертыфікацыю для краін Еўразійскага эканамічнага саюза (ЕАЭС).
Крыніца

https://youtu.be/pO8wkI62pQA?si=F0a_d_s8NSJ2OJoR

Госць радыё «Культура» – фатограф і дырэктар выдавецтва «Рифтур» Сяргей Плыткевіч.

Тэмы размовы:
• фотаальбом «Беларусь. Погляд праз стагоддзі» і іншыя праекты;
• калегі і паплечнікі;
• архіў фатографа за 30 гадоў;
• складнікі поспеху: працавітасць, талент і ўдача.

‼️Беларусам забаранілі тэлефоны і навушнікі там, дзе гэта смяротна небяспечна

Цяпер на чыгуначных пешаходных пераходах грамадзянам забаронена:

🔹карыстацца мабільнымі тэлефонамі, навушнікамі (акрамя слыхавых апаратаў), планшэтамі і іншымі электроннымі прыладамі;
🔹перасякаць пуці пры ўключаным чырвоным сігнале або калі набліжаецца цягнік.

На пасажырскіх платформах забаронена:

🔹выкарыстоўваць навушнікі і лазерныя ўказкі,
🔹саскокваць з платформы,
🔹разводзіць вогнішчы,
🔹займацца рыбалкай ці купаннем побач з мастамі.

‼️Дзяцей малодшых да 14 гадоў пры пераходзе праз пуці неабходна трымаць за руку або на руках (без выкарыстання каляскі).

Птушаняткі-блізняткі? Ці падвойнае жаўкаванне🐣👫
• У курыных яйцках часам сустракаецца з’ява, вядомая як падвойнае жаўткаванне. Яна ўзнікае ў выніку таго, што ў яйкаводзе куркі амаль адначасова вызваляюцца дзве яйцаклеткі, якія потым пакрываюцца агульнай абалонкай шкарлупіны. Найчасцей гэтая з'ява назіраецца ў маладых нясушак, у якіх яшчэ не сфармаваны стабільны гарманальны цыкл авуляцыі, але часам і ў старэйшых курэй, калі адбываецца гарманальны збой або занадта хуткая авуляцыя. Атрымліваецца, што падвайное жаўткаванне — гэта вынік гарманальнага парушання рытму авуляцыі.
• На першы погляд можа здавацца, што такое яйка — хатка для блізнят і, калі б мы не вырашылі сёння падсмажыць сябе яйка, птушаняткі-блізнюкі вылупілісь з аднаго яйка. Але ў рэальнасці гэтага не адбываецца
• Па-першае, аб’ём бялковага асяроддзя і кіслародны абмен унутры яйка прызначаныя для адзінкавага эмбрыёна. Пры наяўнасці двух — адбываецца дэфіцыт пажыўных рэчываў і кіслароду

#Літаратурная_хвілінка

АСЫПАЕЦЦА СПЕЛАЕ ЛІСЦЕ

Асыпаецца спелае лісце,
Карагодзячы думкі мае –
Што й мяне мая восень калісьці
Халадэчай апошняй кране.

Што і я мушу так адарвацца
Ад уласнага дрэва жыцця,
І зляцець, і ў паветры матляцца,
І шукаць існавання працяг.

Удыхаць пах асенняга тлення –
Горкі водар знямелай тугі,
І не мець ад самоты збаўлення,
Пакідаючы дом дарагі.

Ды, сыходзячы прахам да праху,
Узнімаць вольны дух да вышынь,
Нібы голуба - Божую птаху -
У нябесную, звонкую сінь…

Таццяна Дзям'янава

#МоваНашаРодная

🪶 «Сумны — не тое, што журботны»

Беларуская мова любіць нюансы.
Яна ніколі не скажа проста «сумны» — у яе ёсць дзясяткі спосабаў расказаць, што баліць, але ціхенька, без крыку.

Сумны — гэта не пра бяду. Гэта пра нешта лёгкае, як восеньскі туман. Калі ў сэрцы спакой, але нешта ўсё ж не даказана.
Журботны — глыбей. Там ужо пахне старымі фотакарткамі, лістамі без адрасата і споведдзю, якую не паспеў сказаць.
Ёсць яшчэ тужлівы — калі болей не балюча, але памяць трымае.
А бывае смутны — гэта калі сэрца проста не разумее, чаго яму не хапае.

У іншых мовах гэтыя словы перакладаюць адным – “sad”.
Але ў нашай кожнае мае сваю інтанацыю, свой подых.
Бо беларуская мова ўмее гаварыць нават шэптам сэрца.

Выйшла кніга «І даўней так пелі : музычны фальклор старавераў паўночна-заходняй Беларусі»

Выданне Вольгі Барышнікавай прысвечана музычнаму фальклору старавераў Падзвіння. У кнізе — 45 аўтэнтычных песень (іх можна паслухаць у аўтэнтычным выкананні), расшыфроўкі, этнамузыкалагічныя каментары на беларускай, рускай і англійскай мовах. А таксама рэдкія запісы гутарак і здымкі, сабраныя альбо зробленыя падчас фальклорна-этнаграфічных экспедыцый.

Самыя раннія аўдыязапісы — з 1963 года, а самая старая спявачка, голас якой можна пачуць у выданні, — 1890-х гадоў нараджэння. Кніга складаецца з трох раздзелаў: «Валачобныя песні», «Крутухі, хараводы, пахадушкі», «Лірычныя песні».

Аўтар кнігі – этнамузыколаг, выкладчык традыцыйнага спеву Вольга Барышнікава, ураджэнка вёскі Германавічы Шаркаўшчынскага раёна Віцебска вобласці.

Колькі будуць адпачываць беларусы ў новым годзе❓

Афіцыйнымі непрацоўнымі днямі стануць:

📍1 і 2 студзеня (чацвер і пятніца) — Новы год.
📍7 студзеня (серада) — Раство Хрыстова.

Пры гэтым 3 і 4 студзеня — гэта субота і нядзеля, якія ў суме са святочнымі днямі 1 і 2 студзеня створаць чатырохдзённы бесперапынны адпачынак у пачатку месяца. Аднак у адрозненне ад Расіі, 31 снежня ў Беларусі будзе рабочым днём.

На гэтым бесперапынны адпачынак завершыцца.

zviazda.by

https://www.tg-me.com/AzarenokCTV/59579

З нецярпеннем чакаем як Рыгор Азаронак будзе каментаваць на канале перамогі нашых футбольных каманд на міжнароднай арэне 😂😂😂 як напрыклад учорашнюю цудоўную гульню нашай нацыянальнай зборнай са саборнай Даніі 😏