Новы від птушак для Беларусі

Учора, 21 кастрычніка, віцеблянка Паліна Дубавая звярнула ўвагу на птушку каля гандлёвага цэнтра. Аказалася, што гэта белаваллёвы дрозд (Turdus torquatus, белозобый дрозд) – від, які раней не адзначаўся ў нашай краіне. На жаль, птушка разбілася аб шкляны будынак.

Белаваллёвыя дразды гняздуюцца ў горных раёнах Скандынавіі, а на поўдзень на зімоўку штогод мігруюць праз Беларусь. Так думалі арнітолагі, і гэтая знаходка пацвердзіла гіпотэзу.

🐦‍⬛️ Знешне белаваллёвы дрозд вельмі падобны на звычайнага ў нас чорнага дразда. Калі ярка-чорны самец добра адрозніваецца ад чорнага дразда белай плямай на грудзях, то маладыя птушкі і самкі амаль не адрозніваюцца ад самак і маладых чорнага. Асабліва цяжка іх адрозніць у полі ў палёце.

Гэта будзе 344 від у беларускім спісе птушак.

Тыдзень таму ў Бельгіі вельмі рэдкая ў Еўропе каральковая пячураўка (корольковая пеночка) разбілася аб шыбу будынка. Аб шыбы толькі ў Беларусі падчас міграцыі забіваюцца сотні тысяч птушак штогод. Сярод іх ёсць і рэдкія, і новыя для краіны віды. Для іх абароны нічога не робіцца ні дзяржавай, ні архітэктарамі. Каля некаторых будынкаў дворнікі амаль штодзень змятаюць мёртвых птушак з асфальту ў сметнік.

☝️ Перш-наперш трэба засцерагчы птушак ад гібелі, а па-другое прыглядацца і да мёртвых птушак (дзіўны выгляд, кольцы), каб ніякая каштоўная інфармацыя не прапала для навукі. Назіраннямі можна дзяліцца ў Тэлеграм-чаце "Ціў-ціў" @ptushkachat.

📷 Фота Паліны Дубавой.

#Літаратурная_хвілінка

ВОСЕНЬСКІ ПАРК

Фарбуе каменны дыван
У золата жоўклае лісце;
Прабуджаны ноччу, туман,
На золках, сыходзіць кудысьці.
А вецер, падкінуўшы фарбы,
Вядзе закаханых да лаўцы,
А потым, іх сэрцы, гарачыя скарбы,
Ад думак халодных схаваўшы,
Задумліва сцішыцца ў дрэвах
І моўчкі аддасца ўспамінам,
Мінулых спатканняў у скверах
І просьбаў прысвечаных льдзінам.

Андрусь Вясёлка

#КухняБеларусі

🍒 Кісель з журавін

Кісель для беларусаў быў не проста напоем, а паўнавартаснай стравай — асабліва ў постныя дні. Журавіны давалі яму і насычаны смак, прыгожы колер, і карысць для здароўя. Асвяжальны, лёгкі, крыху кіславаты — ён выдатна падыходзіў і як дэсерт, і як дапаўненне да бліноў ці булачак.

📜 Інгрэдыенты:

200 г журавін

3–4 сталовыя лыжкі цукру (ці мёду)

2 сталовыя лыжкі бульбянага крухмалу

1 літр вады

Як гатаваць:

Журавіны расціснуць і заліць вадой. Давесці да кіпення, працадзіць праз сіта, каб аддзяліць лупіну.

У цёплую журавінавую ваду дадаць цукар і зноў паставіць на агонь.

Бульбяны крухмал развесці ў невялікай колькасці халоднай вады і ўліць у гарачую сумесь, памешваючы.

Дачакацца, пакуль кісель загусцее, і зняць з агню.

👉 Падаваць можна як цёплым, так і халодным. Асабліва смачна — з блінамі ці свежай булачкай.

✨ Кісель з журавін — гэта смак дзяцінства, напой, які зберагаў сілы і вітаміны ў халодныя сезоны.

🤔 Спрабуйма сказаць знаёмы выраз па-беларуску, ці скарыстаймася падказкаю.

❓Обещанного три года ждут.

✅ Абяцанкі-цацанкі, а дурню радасць
✅ Панская абацянка на здохлым кані едзе
✅ Абяцаная шапка вушэй не грэе (на вушы не лезе)
✅ Дасць на лета, але не на гэта
✅ Дадуць, як штаны ападуць
✅ Аддам на святы Адам.

#згадаймаВыраз

#ДумкіЎслых

О, я згодна. Кожнай краіне армію робатаў, прэзідэнтам пульт кіравання.
І тады кожны няхай выводзіць у поле сваіх салтацікаў і ваююць там хоць да ўсёру.
А людзі тым часам будуць сваімі патрэбнымі справамі займацца: зямлю абрабляць ды дзяцей гадаваць.

Зоя С

#ДумкіЎслых

Прычым тут беларускае ці не?
Сучасныя дзеці проста рэальна не хочуць есці тое, што нармальна прыгатавана. Можа дома да такога не прывучаны, можа проста "зажралісь", але адрабіўшы 29 гадоў у дзіцячым садзе гэту тэндэнцыю бачыла на самавоч.

Калі ў нейкім 96-ым дзеці такія стравы як зацірка, бліны, пельмені, дранікі, бялёныя макароны, боршч, катлеты з пюрэ з'ядалі падчыстую, то цяпер бывае што і лыжку не памочаць.
Што ядуць? Батон, сасіску, ну катлеты яшчэ, і то не ўсе. Ну і ўсё, увесь спіс любімых страў.

Таму, можна проста нормы харвання перагледзець і не пхнуць ім столькі ежы. І праўда, толькі перавод грошай.

Зоя С

У Беларусі абралі расліну 2026 года - гэта верас звычайны!
Па выніках нацыянальнага конкурсу, праведзенага Інстытутам эксперыментальнай батанікі НАН Беларусі, пераможцам стаў верас звычайны (Calluna vulgaris) - вечназялёны хмызняк, які можа жыць да 50 гадоў.
У анлайн-галасаванні ён абыйшоў канюшыну лугавую і дуб чарэчаты. Прыняць удзел мог кожны ахвотнік.
Навошта праводзіцца акцыя "Расліна года"?
Каб прыцягнуць увагу да дзікарослых выглядаў Беларусі
Падкрэсліць важнасць іх аховы і вывучэнні
Арганізаваць тэматычныя мерапрыемствы і асветніцкія акцыі

☝🏻24 кастрычніка 1945 года ўступіў у сілу Статут Арганізацыі Аб'яднаных Нацый

За 80 гадоў свайго існавання Арганізацыя Аб’яднаных Нацый, створаная адразу пасля самай крывавай у гісторыі чалавецтва вайны, прайшла розныя этапы. Сёння яна ўжо не з’яўляецца той самай аўтарытэтнай пляцоўкай, дзе знаходзілі вырашэнне глабальныя найважнейшыя пытанні, дзе слухалі і чулі ўсіх. Аднак гэта пляцоўка, хоць у нейкім сэнсе і фармальна, існуе. І Рэспубліка Беларусь (пераемніца БССР) — адна з яе заснавальнікаў. Разам з прадстаўніком СССР (беларусам Андрэем Грамыкам) Статут ААН падпісалі асобна прадстаўнікі савецкіх рэспублік, якія найбольш пацярпелі ў вайну, — БССР і УССР.

Як гэта адбывалася 80 гадоў таму — не цягам аднаго дня, а некалькіх месяцаў, бо падпісваўся Статут у канцы чэрвеня 1945-га, можна прасачыць, пагартаўшы старонкі тагачаснай «Звязды»⚡️, якая публікавала як матэрыялы з Сан-Францыска, так і поўны тэкст Статута ААН на беларускай мове.

Таварыства вынаходнікаў БССР. Аблігацыя "Пазыка рабочай смякалкі імя Другой пяцігодкі" Магілёўскага скурзавода. 1930-я гг.
#вынаходнікі
#аблігацыя #магілёўскіскурзавод #пяцігодка
#дакументы

Машыны-адкрывашкі? Ці прыклад інтэлекту дзікіх птушак🌰🐦‍⬛️
• Можа вы калі-небудзь бачылі, як варона скідае арэх, каштан ці жолуд на дарогу, а пасля сядзіць і чакае, пакуль яго раздушаць машыны? Вы не сталі сведкам збегу абставін, толькі аднаго з цікавых прыкладаў інтэлекту дзікіх птушак
• Птушкі робяць гэта не выпадкова - назіранні у Японіі паказалі, што яны часта выбіраюць месцы з інтэнсіўным рухам і нават улічваюць святлафор: вароны кідаюць арэх і чакаюць у баку, калі зялёнае святло для машын, і вяртаюцца, калі загараецца чырвонае. Гэта сведчыць пра разуменне паслядоўнасці падзей і здольнасць планавання — тое, што ўласціва толькі некалькім відам жывёл
• Такі метад вароны выкарстоўваюць, калі арэх яшчэ трывалы і простым кідком з вышыні вырашыць праблему не атрымаецца. Гэта паказвае, што птушкі маюць здольнасць прабудоўваць простыя лагічныя ланцужкі і прыстасоўвацца да абставін