⚫အထက်လူကြီးတွေနဲ့ ဘီယာအတူသောက်ဖို့ အတင်းဖိအားပေးခံရပြီး လိင်ပိုင်းဆိုင်ရာ အမြတ်ထုတ်တာ ခံရတာကြောင့် တရုတ် ကျောင်းဆရာမ (၂)ဦး အလုပ်ကထွက်ခဲ့
https://www.tg-me.com/wanewsland24/768

Ai Sidaing, ဇူလိုင် ၂ ရက်၊ ဟိုပန်

UWSA၊ "ဝ" ဟိုပန်ခရိုင်၊ ဟိုပန်မြို့မှာ အထက်လူကြီးတွေနဲ့ ဘီယာအတူသောက်ဖို့ အတင်းဖိအားပေးခံရပြီး လိင်ပိုင်းဆိုင်ရာ အမြတ်ထုတ်တာ ခံခဲ့ရတဲ့ တရုတ် ကျောင်းဆရာမ (၂) ဦး၊ လက်ရှိကျောင်းဆရာမ အလုပ်ကို ဆက်မလုပ်ကြတော့ပဲ အလုပ်ကထွက်ခဲ့ကြောင်း "ဝ" လူငယ့်အသံက စုံစမ်းသိရှိရပါတယ်။

ဟိုပန်ခရိုင်၊ ဟိုပန်မြို့၊ ပန်လုံလမ်းရပ်ကွက်ထဲရှိစာသင်ကျောင်းတစ်ခုမှာ တရုတ်စာပိုင်း သင်ပြပေးနေတဲ့ ဆရာမတွေပဲ ဖြစ်ပါတယ်။

ပြီးခဲ့တဲ့ ဇွန်လဒုတိယ အပတ်ထဲမှာ ဖြစ်ပွားခဲ့တာဖြစ်ပြီး အထက်လူကြီးတွေဘက်ကဖိတ်တဲ့ မိတ်စုံစားပွဲတစ်ခုကို အဲ့ဒီတရုတ်ကျောင်းဆရာမ (၂) ဦးက တက်ရောက်ခဲ့တာ ဖြစ်တယ်လို့ ဖြစ်စဥ်သိရှိတဲ့ သတင်းအရင်းအမြစ်က ပြောပါတယ်။

"တရုတ်ကျောင်းဆရာမ ၂ ယောက်လုံးက ချောကြတယ်။ ရုပ်ရည်လည်းရှိတယ်လေ။ ပညာရေးလူကြီးထဲက သူတို့အသိ အထက်လူကြီးတွေလာရင် အရက်၊ ဘီယာတို့ ငဲ့ဖို့ခေါ်တာ။ တချို့က မိတ်စုံစားပွဲတွေမှာ အတူစားဖို့၊ သောက်ဖို့ ခေါ်ကြတာပေါ့။ ဒီဘက်မှာ ဒါတွေက ယဥ်ကျေးမှု တစ်ခုလို ဖြစ်နေပြီ။ ဆရာမ ၂ ယောက်ကကြတော့ သူတို့စိတ်မပါဘူးလေ။ အတင်းဖိအားပေးပြီး မူးအောင်သောက်ခိုင်းတော့။ သူတို့လည်း မိန်းကလေးဖြစ်တဲ့အတွက် စိုးရိမ်ပြီး ကြောက်သွားတာပေါ့"

အထက်က လူကြီးတွေနဲ့ ဘီယာအတူသောက်ဖို့ လွန်ဆန်မရခဲ့သလို နောက်ပိုင်းမှာလည်း အခုလိုဖိအားထပ်ပေးလာမှာ စိုးရိမ်တာကြောင့် ကျောင်းဆရာမ အလုပ်ကနေ ထွက်ခဲ့ကြတာ ဖြစ်တယ်လို့၎င်းက ဆက်ပြောပါတယ်။

"သူတို့လည်း လူကြီးဆိုတော့ မငြင်းချင်တာနဲ့ အလုပ်က ထွက်လိုက်ကြတယ်။ နောက်ပိုင်းထပ်ဖိအားပေးတာတွေ ရှိလာနိုင်တာကြောင့်။ အခုတော့ ဇာတိမြေကို ပြန်သွားကြပြီ။ သူတို့တာဝန်ယူပြီး သင်ပေးခဲ့တဲ့ စာသင်ခန်းလည်း လွှတ်နေတော့ ကလေးတွေကို အခြားအတန်းက ဆရာမတွေဆီ ခွဲပေးလိုက်ကြတယ်လေ"

အလားတူ "ဝ" ဒေသမှာ အသက် (၁၈) မပြည့်သေးတဲ့ ကလေးငယ်တွေအပြင် အပျိုအရွယ် မိန်းကလေးတွေ အနေနဲ့လည်း အခုလိုအထက်လူကြီး အာဏာပိုင်တွေရဲ့ လိင်ပိုင်းဆိုင်ရာ အမြတ်ထုတ်ခံနေရတဲ့ ဖြစ်စဥ်တွေ ထပ်ရှိနေသေးတာကြောင့် သက်ဆိုင်ရာ တာဝန်ရှိသူတွေအနေနဲ့ ထိရောက်တဲ့ အရေးယူမှုတွေ ဆောင်ရွက်ပေးကြဖို့ကို တိုက်တွန်းထားပါတယ်။



ဓာတ်ပုံ - WNL (ဟိုပန်ခရိုင်ရှိ ကျောင်းဆရာ/ဆရာမများ ဆရာဖြစ် မွမ်းမံသင်တန်း တက်ရောက်စဥ်မြင်ကွင်း)

#Wanewsland Independent
#UWSA #Hopang
#လိင်ပိုင်းဆိုင်ရာအမြတ်ထုတ်မှု

Pdf များကို ထောက်ပံ့မှူဖြင့် အင်ဒိုနီးရှားနိုင်ငံသားကို ထောင် ၇ နှစ်ချ
--

အသက် ၃၃ နှစ်အရွယ် အင်ဒိုနီးရှားနိုင်ငံသားကို pdf များကို ထောက်ပံ့ကူညီမှုဖြင့် ထောင်ဒဏ် ၇ နှစ်ချမှတ်ပြီး ရန်ကုန်မြို့ အင်းစိန်အကျဉ်းထောင်တွင် ထိန်းသိမ်းထားကြောင်း ဇူလိုင် ၁ ရက်နေ့က အင်ဒိုနီးရှားနိုင်ငံခြားဝန်ကြီး ဌာန၏ အတည်ပြုချက်ကို ကိုးကားပြီး အင်ဒိုနီးရှားသတင်းဌာနများက ဖော်ပြကြသည်။

Selebgram Arnold Putra အမည်ရှိ ဆိုရှယ်မီဒီယာများပေါ်တွင် လူသိများသော ထိုလူကို ၂၀၂၄ ခုနှစ်၊ ဒီဇင်ဘာ ၂၀ ရက်နေ့ ဖမ်းဆီးရမိခဲ့ပြီး pdf များကို ငွေကြေး ထောက်ပံ့ခြင်း နှင့် နိုင်ငံတွင်းသို့ တရားမဝင် ဝင်ရောက်မှုတို့ဖြင့်ခုလို အရေးယူခံရခြင်း ဖြစ်သည်။

ထိုအင်ဒိုနီးရှားနိုင်ငံသားကို အကြမ်းဖက်မှု တိုက်ဖျက်ရေးဥပဒေ၊ မတရားအသင်းများအက်ဥပဒေ၊ လူဝင်မှုကြီးကြပ်ရေးဥပဒေ အစရှိသော ဥပဒေများဖြင့် တရားစွဲဆိုပြီး ထောင်ဒဏ်ချမှတ်ခြင်း ဖြစ်ကြောင်း သိရသည်။

ရန်ကုန်မြို့မှ အင်ဒိုနီးရှားသံရုံးသည် ၎င်း၏ အခြေအနေများကို အနီးကပ်စောင့်ကြည့်နေပြီး မိသားစုနှင့် အဆက်အသွယ်ရရှိရေး နှင့် လွတ်ငြိမ်းချမ်းသာခွင့်ရရှိရေးအတွက်လည်း ကူညီလုပ်ဆောင်ပေးလျက်ရှိ သည်ဟု အင်ဒိုနီးရှားနိုင်ငံခြားဝန်ကြီးဌာနဘက်က ထုတ်ဖော်ပြောဆိုထားသည်။

၎င်းအား မြန်မာနိုင်ငံတွင်း မည့်သည်နေရာတွင် ဖမ်းဆီးခံခဲ့ရသည်ကိုမူ မသိရသေးသလို နစက ဘက်ကလည်း သတင်းထုတ်ပြန်ခဲ့ခြင်းမရှိပါ။

ဖမ်းဆီးခံအင်ဒိုနီးရှားနိုင်ငံသား၏ ဆိုရှယ်မီဒီယာအကောင့်တစ်ခုဖြစ်သော arnoldputra အမည်ရှိ အင်စတာဂရမ်(Instagram) အကောင့်တွင် ၂၀၂၄ခုနှစ်၊ နိုဝင်ဘာ ၂၀ ရက်နေ့တွင် ကရင်နီပြည်နယ်(ကယား) နေရာတစ်ခုတွင် pdf တချို့နှင့် အတူတူရိုက်ကူးထားသော ဓာတ်ပုံတချို့တင်ခဲ့သည်ကို တွေ့ရှိရသည်။

ထို့နောက် နိုဝင်ဘာ ၂၁ ရက်နေ့ နှင့် ၂၂ တို့တွင်လည်း ကရင်အမျိုးသားအစည်းအရုံး(KNU) နှင့် အမျိုးသားညီညွှတ်ရေးအစိုးရ(NUG)လက်အောက်မှ ပြည်သူ့ကာကွယ်ရေးတပ်မတော် (PDF)တို့ ထိန်းချုပ်ရာ တနင်္သာရီတိုင်းအတွင်းရှိ နေရာတချို့ကို ရောက်ရှိနေကြောင်း ဓာတ်ပုံ နှင့် ဗီဒီယိုတချို့ ထပ်မံတင်ခဲ့သည်။

၎င်းသည် KNU တပ်ဖွဲ့ဝင်များ၊ PDF တပ်ဖွဲ့ဝင်များနှင့်အတူ ဓာတ်ပုံ နှင့် ဗီဒီယိုများ ရိုက်ကူးထားသည်။

AA ဆီ တောင်း