#جديد
ليلة علي الأكبر


وينك يا علي يبني..... خلص وني
يغالي.
____
اركض وحدي بالهيمه بكلب يسعر وانادي
ما يحمل تره بدونك يضل يلهب فؤادي

وينك يا علي الأكبر
جسمك سالم موذر
اوكف لحظه لحظه اعثر
كون اوصل الك

بدموعي وجيت اركض... كلب ينبض... يوالي
____
ضيعتك مثل وركه بوسط غابه واتاني
ترجعلي بأمل باقي وكَلت روحي الثواني

ضليت بأمل ترجع
مو ماي انت لا منبع
يالبسمك جبل يركع
يا أعظم رزق .

عتني لمصرعك شوكي .. يمعشوكي... يعالي
__
شفتك يبني عالغبرة وطريح انت بدمائك
نايم عالترب وحدك والك حزنت سمائك

شفتك والهوه بصدري
ضاگ وما بعد يجري
يمك ما ردت عمري
واتمنيت اموت

نزلت دمعت عيوني .... وطفه لوني .... اليلالي
_ ____.
توسدت وصرت يمك واحس خلصت حياتي
من شفتك طريح انت تمنيته مماتي

معقولة هذا انت
حاجيتك بس سكته
جرحك انه ما رفته
بيا جرحي ابتدي

يمك وافرك براحي... وعله مناحي... شبكالي
__
خلصت الحجي بكربك. عجب ساكت يبابا
عمتك يبني اذا ارحل يخلوها بخرابه

صعبه يا علي صعبه
باجر عمتك بغربه
عيني اعله الخيم تربه
بلا والي الحرم

ويشتد الضمه بروحي ... يمذبوحي.. اعله حالي
___

السيد أحمد النوري

اصرخت من سلبونا.... وين الحسين

وتمنيته بمكاني ... وين الحسين

امن بعيد وسمعته... ون الحسين
وفزعت امن الحرك دخان بيه

#السيد_احمد_النوري

لحن قصيدة (وينك يا علي يبني ) .
عقيل الناصري
اهواز

ليلة ١ محرم
مراسيم رفع راية الإمام الحسين عليه السلام 🖤

شعجب هيج.وبطه عني ... ميالاي
وعرفه الغيري ما مايل... ميالاي (ميال الي)
أمنيتي اكعد وخبرنه
وكله الشمر عذبنه
ما ضلت خيم عدنه

يا كّافل. العلويه
السبي هدمها رجليه
الك.ما ضن بعد جيه

ترجع بعد؟ ما ضنك
مشتاگه أنه اشمنك
أرحل ما ردت عنك

بس الشمر ما يرضه
عفت حسين عالرمضه
خويه او راسك اشضه

أنه عدي حچي هوايه
عن الجود والرايه
سبي گادو تره الآيه

ليلك هم مثل ليلي
وياك اشجره احجيلي
عباس انهدم حيلي .

اخبرك رايده أو أحچي .... ميالاي(ما يلي)
أمن الأول حد دخولي ألآل أميه


#السيد_احمد_النوري

فزاعيات للسيدة زينب ع

مشت والحادي ما هود مسيرة بيوم
درب بي كلشي غربة ونايحه وهموم
أميرة حيدرة اعليها الغريب يحوم

ويصيح بصوت  ،،، جا وينه الكفلجن
 
التمت والحزن واصل لسابع روح
جرية دموعها وشالت هواي جروح
بدها تنوح بس ما بيها حيل تنوح

وشلون تنام ،،، يم وادم غريبة

طبت والشماته تشمتت بيها  
غريبه او بالضعن من دون واليها
زينب هاي وسفه الشمر حاديها

وين العباس .... زينب طبت الشام

دخلت مجلس ابن زياد روح حسين
زينب وينها وهاي المجالس وين
والسجاد يمها يكلها لا تبجين

طبت ويزيد ... عاتبها اعله اخوها

رادتها المنية وما اجتها هناك
كلتله ابو فاضل كون اموت احذاك
مو وي الشمر ردت اني اروح وياك

واختك عباس ... ركبوها الهزيلة

#السيد_احمد_النوري

طحت ما تاني جيتك ،،، شامتاني

وعدوك عكب فيك ،،، شامتاني

الخيم عباس راحت ،، شامتاني

يگيدوني وشمر يحديش بيه

#احمد_النوري

#جديد
ليلة فاطمة بنت الحسين ع(العليلة)


انتظرتك طيف بلكي تمر علية
انه اشتاكيت يا بوية الرقية

يبوية بحالي تدري
وراكم ضاع عمري

العليلة انه.... العليلة انه
.....................................................................
يا مرهم جروحي .... خذت وياك روحي ... بسفر ليلك
مشتاكه الخواتي ... وطفت كل امنياتي .. وي خيلك
صباحي بغربتك يشبه المغرب
وانه حكي عليكم لمن اعتب
اشوفك ويه روحي إذا تحجب
رحت ضليت بالحيطان اجلب

غيابك مّر يبوية وما جرعته
ومثل الشمعه عمري مات سكته

واحس انحفر گبري
وراكم ضاع عمري

العليلة انه.... العليلة انه
................................................................
كبر حزني بغيابك.... ومنتضرة اعله بابك ... شوكت ترجع
حزني مغطي ديرة... الوجه المن اديرة... الحزن منبع
انه بتكم يبوية بلايه والي
خذت عمري وكصت بيه اليالي
الحبايب ودعتهم غالي غالي
اليشاهدني يضل يبجي اعله حالي

الحزن ما عاف روحي وعذباني
امنهد ما رحتوا بس عالباب اتاني

الدمع شلال يجري
وراكم ضاع عمري

العليلة انه..... العليلة انه
............................................................................
مشت كثره اليالي.... ومشغول انه بالي ... عن حالك
وينك انت هسه... شعوفن كلي شنسه... وانه خيالك
اذا بعدك عدل طمني عنك
ابو فاضل بقى لو راح منك
هم مثلي اعله كلبك فاض حزنك
وكل خوفي الحوافر لا يجنك

اذا جنك الخيل او أنت دامي
بلايه اخوان جا بيمن تحامي

وانه شنهو عذري
وراكم ضاع عمري

العلية انه ... العليلة انه
......................................................................
شفت بالطيف خيمه... وحرم تركض بهيمه.... وحرت بيهم بس لا عمتي هايه... منو وي السبايا .... يحاميهم
شفت دخان صاعد بالسمه هواي
وجود اعله الجرف وجفوف عالماي
وشفت واحد محدب عن بعد جاي
ويصيح انكسر ضهري بروحتك هاي

يمكن هذا ابوي وهذا عباس
شفته بحضنه حطه وقبل الراس

ويصيح انكسر ضهري
وراكم ضاع عمري

العليلة انه.... العليلة انه
............................................................................
المهم من حلمي فزيت ... وعلى الوليان ونيت ... الطمت خدي
هلي راحوا سوية... او خنكه المغربية.... منو عندي

القارورة نملت بالدم بدية
وطلع منها حجي زينب سبيه
تعالي يم حسن يمه عليه
او شوفي كربله وشصار بيه

بجت ام البنين بصوت عالي
فده يحسين الك كلهم جهالي

انحنيت وزاد كسري
وراكم ضاع عمري

العليلة انه.... العليلة انه
............................................................................
السيد أحمد عرب النوري .

متى يحين اللقاء وياك ..... وشتام

عطرك ، ولعن الداساك.... وشتام

شبقى منك يبو السجاد ....وشتام ...؟

اذا صدرك صفه بخيمة رقية .!


#احمد_عرب_النوري

#جديد


شيخ الأنصار بكربلة من هوس اعليهم
جن صاعقه ومن السمه برعب نزلت ليهم
لإم الأربع بدور .... كللهم افدي نحور
............................................................................
لمّ ربعه حسين بخيمه وكللهم بس هاليله
باجر لله السفره صير الواحد خل يشد حيله
دخن راس العباس وكلاله الكل عد عيناك
لجل عيونك الدم باجر بالطف ينضح سيله

دك بيمينه نافع صدرة وكلاله الكل حاظر
وياك الواحد محلاته لله من يسافر

وشيخ الأنصار يفور.... كللهم افدي نحور
............................................................................
طر الفجر بيهم وشيخ الأنصار يناطر
يمته الحرب تبدي وبقى بمجانه ويكابر
ينطي العزيمه لصحبته وهوه بعمر تسعين
مثل الشمس ينزل ستر يصعد ضوة الباجر

ضهضب حبيب وللحرب سل سيفه بيمنته
واللاكاه من عدهم بس الأمه ما جابته

والما ميت مكسور ... كللهم افدي نحور
............................................................................
طباهم يشبه حيدره بالحومه صاير زلزال
او ويا برز وين الشهم اهل الافعال الثكال
صار النهار بكربله ليل وعليهم خيم
طبهم حبيب بشيبته وسواهم ويالمحچال


شبل الرسول وحيدرة محلاته بالحومه
من كربله لهذا الوكت تتسولف علومه

وناخذ من عنده نذور..... كللهم افدي نحور
............................................................................
سوو علي جن دائرة ضنهم يكدروله
تسلم محال وتنكتل بالحومه كلوله
شد وزرته وخله الجثث تشهد عله افعاله
ركعوا اكباله استسلموا شافوا جبل طوله

الما لاحه سيفه امن الرعب تلكا وكف كلبه
والشارد بذيج الحرب تيه تره دربه

حاوطهم مثل السور.... كللهم افدي نحور
............................................................................
زمجر عليهم بالحرب والكل سمع صوته
اليدّنه يم هاي الخيم يرجع بتابوته
تراجعوا كلهم من اجه يصهل اعله المهره
والراد يوكف بالدرب بس اليحب موته

والنعم من وكفه حبيب اعله الخيم حارس
تربات حيدر بالحرب يا محله هالفارس

چن گمره وطالع نور .... كللهم افدي نحور .
............................................................................
#احمد_عرب_النوري

لحن
(شيخ الأنصار )
مقتدى عادل

نعي

اجيتك والدرب وحشة
ومن بعيد اناديلك

وينك يا ضوة عيوني
اگعد رايدة اشكيلك

تيهت الدرب يحسين
گمت بچفوفي أوميلك

ما تگعد تحاچي أختك
صوتي ما يرد حيلك ...؟

لو بيدي گبل متموت
اجي يمك وحاميلك

لگیتك يا بعد گلبي
لجروحك شخليلك

متحيرة اگعدت يمك
هسه انه شسويلك ...؟

عينك من طفت يحسين
ردْت عيوني أوديلك 

شبّو نار يبن أمي
وحترگت صواوينك

وانه چي ما الي والي
حشمتك صحت وينك

معقولة انت اخوي حسين
انوح وما تفك عينك

شگلك هسه متحيرة
الله يعيني يعينك ....؟



#احمد_عرب_النوري

▪️تذهيب القبة▪️

نقلا عن احد الفضلاء. كنت في مجلس احد العلماء يوماً فسالته عن كرامة لابي الفضل العباس على ان تكون الكرامه مما لم اسمع بها او اقرأها فقال لي تعال معي الى كربلاء المعركه لاريك امراً فقلتُ نعم فقال هل سمعت ان اهل الحسين واصحابه كانوا عطاشى؟ قلت نعم قال هل سمعت ان الحسين قال لاصحابه واهل بيته سيسقيكم جدي بكاسه الاوفى شربة لا تظمأون بعدها ابدا؟ فقلت له نعم فقال لي كل الذين استشهدوا حتى القاسم بن الحسن وعلي الاكبر لما وقعوا نادوا الحسين هذا جدي رسول الله قد سقانا بكاسه الاوفى شربة لا اظمأ بعدها ابدا ؟فقلت له نعم فقال الا العباس رفض ان يشرب من هذا الكاس الاوفى !!!!!فقلت له لماذا؟فقال لي كان يقول لا اشرب حتى ياتي الحسين ويشرب قبلي من كاسك يا رسول الله ثم اشرب بعده !!!فهل رايت هذا العظيم كم هو وفي؟ فاذهلني هذا الكلام فانهرت ولم اتكلم ثم قال لي اسمع هذه الكرامه وهي ليست بعيده زمناً عن وقتنا فقلت نعم ماهي؟فقال حين جاء الشاه الصفوي وقام بتذهيب قباب ائمة اهل البيت وكان قد شرّع بتذهيب قبة الامام الحسين وابي الفضل العباس صلوات الله عليهما سويا...ً وفي وقت واحد فكان الذهب يلتصق على قبة الامام الحسين ولا يلتصق بقبة ابي الفضل العباس واحتار البناءون الذين كانوا يعملون على التذهيب وفعلوا ذلك بعدة طرق لكن الذهب يسقط من قبة ابي الفضل العباس صلوات الله وسلامه عليه حتى قال لهم الشاه يبدوا اني عرفت المغزى اوقفوا التذهيب في قبة العباس واكملوا التذهيب في قبة الحسين وفعلا ما ان قاموا باكمال قبة الامام الحسين عليه السلام باشروا بتذهيب قبة ابي الفضل العباس واذا بهم يفاجئون بان الذهب كان يلتصق بشكل طبيعي ولم تسقط منه قطعة واحده فقال لي هل تعلم مالذي كان يحصل؟؟؟ فقلت لا هل تعلم؟؟ فقال لي كان ابو الفضل صلوات الله عليه يأبى الا ان يكتمل تذهيب قبة الحسين اولا ثم يسمح بتذهيب قبته فكان هذا مما اذهل عقلي وقلبي وفكري لا الشمسٌ ينبغي لها ان تدرك القمر.
السلام عليك ايها العبد الصالح ابي الفضل العباس ابن امير المؤمنين فدتك مهجتي ووجداني وكل جوارحي
~.~.~.~.~.~.~.~.~.~.~.~

كل نعمة ذكرها الإمام الحُسين صلوات الله وسلامه عليه يوم عرفة، بذلها في سبيل الله تعالى يوم عاشوراء ..💔.

الرادود : محمد زناد
كلمات : احمد عرب

برنامج (مع الحسين ع) .