بتراب الگاع ياما خرمشت الخدود
مو ذلاً تواضع مني للعالي.

جانب من المحفل الذي اقامته جامعة بغداد. بمناسبة ولادة الامام المهدي عج
بحضور عميد كلية العلوم الإسلامية الدكتور( نعمه دهش)
والسيد المفضّال ( محسن المدرسي).
وجمعٌ غفير من الأساتذة والطلبة.

#احمد_النوري
❤️

يا ربّ اليل..... طولي اليل
بس يم الباب..... اطيني الحيل
يا ربي بجاه الزهره
خليني اوصل الفقره
اطيني الحيل.
#########################

عيالك يا إلهي الفقرة بلباب
يا ربي التحبهم ذوله الاحباب
رادولي سبب عن هذا الغياب
ما يدرون راح اسكن بالتراب

والمحمل طال..... وجروحي ثگال
صافن محتار..... مشدوه البال
وانحب بدموعي الحمره
خليني اوصل للفقره
اطيني الحيل
########################

من الباب اسمعه عالي الونين
وسألوني شعجب كل هاي السنين
متخفي علينه ها يبو حسين؟
يابو الفقره لتعوف المساكين

جا وين نروح.... يا روح الروح
نخلص والله..... بعدك بالنوح
ترحل يا روح الخضره؟
خليني اوصل للفقره
اطيني الحيل.

#########################
هاي (٣) ليالي ماكو ما جيت
وحسينه بخطر من ما تعنيت
جينه نشوف طولك ضاوي بلبيت
تالي منجرح ما ندري ضليت

والصدمة بهاي.... جينه وما جاي
ضل هوسه البال..... من راي لراي
ياهو البعدك ننتظره؟
خليني اوصل للفقره
اطيني الحيل
#########################

محتار وشسوي بهذا أمري
شيبت الصبر من عاش عمري
ما ضل بي صبر ضل يبجي صبري
لمن حظروا گدامي گبري.

حاجاني بصوت.... المثلك ميموت
يا سر الكون.... يشيلك تابوت
وشلون اطمك حفره
خليني اوصل للفقره
اطيني الحيل
#########################


ذوله احبابك وأنت ادره بالحال
ما باقي أنه وچم لحظه وانشال
ما رايد تركنه بإذني تنگال
ضعفان وگمت اشبه للخيال

ودمعي بطولي..... وضّل يحجولي
ابقى ولتروح.... شگد گلولي
خنشوفك آخر مره.
خليني اوصل للفقره
اطيني الحيل

#########################

#احمد_النوري

لحن قصيدة (يا رب اليل)

ملا عقيل الناصري
اهواز.

مثل الحرك مثل النار
بيتي اشتعل جن جُمار
شنهي الجره وشنهي الصار

يروحي... يروحي
................... ...........................
جن زينب بليل اهدعش حاير بقيت بروحي
وجت مثل ذيج الخيم يا ماي يطفي جروحي
مثل خيم زينب... بيتي انظره يلهب
والمشتعل كلبه... يبقى بألم ينحب

واكف بقيت ومحتار
شنهي الجره وشنهي الصار
يروحي... يروحي
................................................
من اتروعن رحت بعجل كلت انه الم عيالي
وتذكرت زينب لمن راحت ركض للغالي
رحت بدمع يجري .... زينب خذت عمري
بعيالي لو بيها.... لو انشغل بامري

ابجي الخيم لو للدار
شنهي الجره وشنهي الصار
يروحي.... يروحي
...............................................................
بالنار من بابي اشتعل ضليت اون بحسره
محسن تذكرته وصحت يا جدتي يا زهره
وانتي مره يمه.... جرحج منوا يلمه
لا والد وحيدر... متكيد بهمه

وبيت الأحزان التذكار
شنهي الجره وشنهي الصار
يروحي... يروحي
.........................................................................
وي كربله العاش بألم ما ينصدم بالنيران
عنواني بيتي أمن احترك للطف يصح يا عنوان؟
رزية ما صارت.... مثلها لا دارت
موقف يحز كلبي... زينب لمن حارت

بالطف رمل كلش حار
شنهي الجره وشنهي الصار
يروحي... يروحي
.......................................................................
بالشام جم لوعة مره وجم حسره فوك الناكة
وزينب والحسين التگو وشلون صار ملاگة
بّرمح اجه عليها... بس ما يحاجيها
وگالتله يا خوية... ما ردّ عجب ليها

ومن العتب راسه اندار
شنهي الجره وشنهي الصار
يروحي.... يروحي
.........................................................................
السيد احمد النوري

وصية الامام الصادق ع إلى الخدام.......

كلالي دمع العين ... خله وقف لحسين

هاي المجالس مدارس يماي العين.
__________
يا خادم، الفاهم، العالم، أنّتَ أعلم
هالخدمه ،بس كلمه،لا تعمه، تتسلم
كل واحد ، يساند ،يساعد ، المسلم
يتعله، بالخله، والذله، ما يحلم

الخدمه مثل الماي ... وتروي كل وفاي
وطهر الخادم اليعتني ومو زين
______
الدمعه ،مو سمعه ،من تنعه ، فكر بهاي!
لا تكبر ، ادبر ، المنبر ، أو بهداي
ضل صافي ، متوافي، لجافي، مثل الماي
أكتبهن، ادرسهن ،افهمهن، أفضل راي

جائز يكون النوح.... متعايش أو يالروح
والمستحب عمرك اتخلصه بس ونين.
______
كل الفلك ، والملك ،مو الك أفهم
من تبچي اله، وتوصله ،وتسأله ، لتهم
خلي الجرح ، ينفظح ، كالصبح، ب الهم
وجروحك، بروحك، أو نوحك، المُلهم

نزل دموعك أه ... وتشوق الملكاه
واستوطن الغربه خاطر تعيش حسين
_____
كل واحد، يواعد، يساعد ، أو يخدم
ما يخسر ،أو يكبر ، اليگدر ،يقدم
أحچيله،كل ليله،وبچيله ،بس من دم
وبدربة، اليحبة، من گلبة، ما يندم

هذا العشگ يا ناس .... حب أو وفه أو أحساس
وبدرب الحسين أذاً ماكو بس حنين
________
أحبابة، يم بابة، لمصابة، مثل الشمع
ذابولة، يم طولة، يحچولة،عن الوضع
يحسيني، حاچيني،أرويني ،كسرة ضلع
يا روحي،وجروحي،خل نوحي،ما ينگطع

عيشني غربة شام ... گلبي إلك محتام
ذولة الخدامة ألي ما هادو بكل حين
__________
#السيد_احمد_النوري

الإمام الصادق ع....

يا عِنوانَ المجّدي ..... يا بَسملة الحمدي

منصوراً ...... يا نوراً

_______
بيك شرد احجي أو اسولف يا كلام
انته بدر اليل والحب والسلام
من كثر ما يعرف اصلك يا امام
من تمر من يمه ميفز الحمام
يا نعمة الربِ .... يا أصلُ للحُبِ
مشكوراً .... يا نوراً
_______
صوتك اشكد سكت اصوات اليهود
رغم عشت بغابه واليمك اسود
ما غضبت أعليهم وتحجي أبرود
جاوبتهم سيدي بأجمل ردود
للضالمِ كم تُلقي.... يا صوتً لِلحَقّي
منشوراً ..... يا نوراً
_______
عينك شكد.. بيها ألام وحزن
كل مسه وكل يوم لحبابك تحن
عله الما رحمو رضيعه شكد تون
عله الجف والخيمه وزراك المتن
قدّ ذابَك الدَمعي .... أمسَيته كالشَمعي
مقهوراً ..... يا نوراً
_______
شلون حالك من شفت تركض هلك
شلون بيك وهالخيم محتاجه الك
الخيم واهل الخيم . تتوسلك
غير أهل الخيمه يا صادق شلك
يا فانيَ العمري ... نوحًُ من الصُغري
مكسوراً ...... يا نوراً
_______
خلصت ليلك عله احبابك تنوح
دمع واهات وحزن بيك وجروح
من الخيم دخان واصلك يفوح
ونته روحك سيدي محتاجه روح
في اليلِ لا تَحكي .... للطفِ كم تَبكي
مجموراً ..... يا نوراً
_______

#السيد_احمد_النوري

زواج النورين
امير المؤمنين
من السيدة الزهراء عليهم السلام.

#متباركين_أحبتي

احمد عرب.

انتظرتك طيف بلكي تمر علية
انه اشتاكيت يا بوية الرقية

يبوية بحالي تدري
وراكم ضاع عمري

العليلة انه.... العليلة انه
.....................................................................
يا مرهم جروحي .... خذت وياك روحي ... بسفر ليلك
مشتاكه الخواتي ... وطفت كل امنياتي .. وي خيلك
صباحي بغربتك يشبه المغرب
وانه حكي عليكم لمن اعتب
اشوفك ويه روحي إذا تحجب
رحت ضليت بالحيطان اجلب

غيابك مّر يبوية وما جرعته
ومثل الشمعه عمري مات سكته

واحس انحفر گبري
وراكم ضاع عمري

العليلة انه.... العليلة انه
................................................................
كبر حزني بغيابك.... ومنتضرة اعله بابك ... شوكت ترجع
حزني مغطي ديرة... الوجه المن اديرة... الحزن منبع
انه بتكم يبوية بلايه والي
خذت عمري وكصت بيه اليالي
الحبايب ودعتهم غالي غالي
اليشاهدني يضل يبجي اعله حالي

الحزن ما عاف روحي وعذباني
امنهد ما رحتوا بس عالباب اتاني

الدمع شلال يجري
وراكم ضاع عمري

العليلة انه..... العليلة انه
............................................................................
مشت كثره اليالي.... ومشغول انه بالي ... عن حالك
وينك انت هسه... شعوفن كلي شنسه... وانه خيالك
اذا بعدك عدل طمني عنك
ابو فاضل بقى لو راح منك
هم مثلي اعله كلبك فاض حزنك
وكل خوفي الحوافر لا يجنك

اذا جنك الخيل او أنت دامي
بلايه اخوان جا بيمن تحامي

وانه شنهو عذري
وراكم ضاع عمري

العلية انه ... العليلة انه
......................................................................
شفت بالطيف خيمه... وحرم تركض بهيمه.... وحرت بيهم بس لا عمتي هايه... منو وي السبايا .... يحاميهم
شفت دخان صاعد بالسمه هواي
وجود اعله الجرف وجفوف عالماي
وشفت واحد محدب عن بعد جاي
ويصيح انكسر ضهري بروحتك هاي

يمكن هذا ابوي وهذا عباس
شفته بحضنه حطه وقبل الراس

ويصيح انكسر ضهري
وراكم ضاع عمري

العليلة انه.... العليلة انه
............................................................................
المهم من حلمي فزيت ... وعلى الوليان ونيت ... الطمت خدي
هلي راحوا سوية... او خنكه المغربية.... منو عندي

القارورة نملت بالدم بدية
وطلع منها حجي زينب سبيه
تعالي يم حسن يمه عليه
او شوفي كربله وشصار بيه

بجت ام البنين بصوت عالي
فده يحسين الك كلهم جهالي

انحنيت وزاد كسري
وراكم ضاع عمري

العليلة انه.... العليلة انه
............................................................................
السيد أحمد النوري .

فاركوني...... الما عفتهم
بروس اجوني.... من ردتهم
_
من مشوا صارات حياتي، مضلمه بلايه خواتي
                 . شلون اعيشن هالعمر .
ليلي مو مثل اليالي، فاركت غالي او يغالي
                  .شيب رموشي الصبر .
عذب حالي .. او دمعي يلالي... وين الغالي. هم يجي
يابو ضنوني. تبجي عيوني. واصفر لوني . هم يجي

ما لفوني،،، وانه بتهم
بروس اجوني،، من ردتهم
___
من مشه الحادي وخذاهم،، جَلبّت عيني بكفاهم
                  شكد صحت ما ريضوا
يا هلي بتكم غريبه،، شلون اعيش بهالمصيبه
                 الهسه اناطر ما اجوا
راحوا عني، ودمعي بردني، وزايد وني، من مشوا
تبجي جروحي، زايد نوحي ، وشاطت روحي، وما أجوا

ضيعوني،،،، أو ما شفتهم
بروس اجوني،،، من ردتهم
_
شابحه العين لدربهم ،، عني ما غابت صورهم
                كل مسه بروحي سفر
يلتئم صعبة انكساري، ومثل يعگوب انتظاري
                 امن البچي راح النظر
لومر ليلي، ينهد حيلي، واصرخ ويلي، امن الزمن
ما أنصفني، ولا ساعدني، بس عذبني ، بهالمحن

مرمروني،،،، وانه اختهم
بروس اجوني،،، من ردتهم
___
تاكل بروحي الحسافة، وعن هلي بعيدة المسافة
                 وين انه وطف كربلة
عالجفن ارسم صورهم، بلكي طيف يمرني منهم
                  بلكي اشوف العايلة
دمعي اليجري، خلص عمري، ياهو اليدري، بهالألم
الگلبي يودهم، راحوا كلهم، هسه اطلبهم، بس حلم

شيبوني،،،،، الگلبي حبهم
بروس اجوني،، من ردتهم
___
آخر متاعي دمعتي، خَلصّت عمري غربتي
             وما أجه منهم خبر
صارات القارورة حمرة، وگمت بال (يس) أقره
               والتم بعيني نهر
يعني الراحوا، كلهم ماتوا، لا ما عاشوا، يا گلب
شاب خيالي، وابچي الحالي، نام الغالي، عالترب

موتوني،،،،، وي خيمهم
بروس اجوني،، من ردتهم
___

#احمد_النوري.

عند لقاء الضعن بعليلة الحسين ع
قالت لهم :


وين زينب عندي وياها كلام
عيوني سهرانة ارد أكلها ما تنام
من مشيتو ، من مشيتو
__________
دلوني عن عمتي وانه امشيلها
عن غيبة الوالد أريد أحجيلها
عن فكد أهلي رايدة أشكيلها
من أول اغروب شصار بيه أبديلها

لا اخو لا اخت يمي أو لا أمام
عيوني سهرانة أرد أكلها ما تنام
من مشيتو، من مشيتو
_______
ارد أگعد أو أشكيلها عن حالي
غير الدمع والحزن ما ضلالي
مو وحدي أونن يبچي حته خيالي
كلشي ذبل من فارگاني الغالي

من المرض أقرو علية انه السلام
عيوني سهرانة أرد أكلها ما تنام
__________
وين أختي يا أهل الرحم دلوني
أرقية وين أنتي يضي عيوني
ألمشو للطف ليش ما أخذوني
فاركو عيني الجانو يحبوني

ضليت وحدي وياكل بروحي الملام
عيوني سهرانة أرد أكلها ما تنام
__________
حزّني صّبح متعايش بنص روحي
ما ضن بعد يهده ويبطل نوحي
أكثر امن ايام العشتها جروحي
هذا الحزن يا أهلي ألكم يوّحي،

من وني كام ينوح وياي الحمام
عيوني سهرانة أرد أكلها ما تنام
__________
فراگ الأبو ما ينحمل وجّرعتة
كل ليلة اونن لچن وني بسكتة
الغايب حبيبه ياهو يفهم علتة
ليش المشه ما أخذ ويا بتة

للفارك عيوني تره كلبي هام
عيوني سهرانة أرد أكلها ما تنام
__________

القصيدة مهداة الى صاحب الزمان عج ، بنية دفع البلاء عنه ،ولسلامتة، والتعجيل في فرجة الشريف بعليلة الحسين ع.

#السيد_احمد_النوري

#مقدمة

من الزغر يا فاطمة .... لجلج نذرت سنيني
___________
يامن وجودي امن المهد ،،، بيمينج
لو ضاگت الدنيا انادي ،،، دخيلج
اتمنى كون بهالعمر  ،،،ألگيلج
گبة ومنارة وكل سنة،،، أمشيلج

وبجي اضل يم الصحن،، حدما تخلص عيني
___________
شفتج منارة بكل درب ،،، تضويلي
يم الحسن بالحيرة حَلّ ،،،، تلگيلي
عنچ شكو گمرة وضوة ،،،، يحچيلي
كلما اضيع او ابتعد ،،، تسعيلي

وتعوفني كل الخلگ  ،،، انتي فلا تعوفيني
___________
يا رحمة الله الواسعة بهذا ،،، الكون
ما عوفه دربج فاطمة شما ،،، يحجون
انتي أمي كبل أمي لچن ،،ما يدرون
ابچي اعله ضلعج للگبر ،،، وعمي عيون

خادم الج يم الحسن ،،، اتمنى بس سجليني
___________
يخلص غداً هذا العمر ،،، كلنه نموت
ونسافر لذاك الگبر ،،،، بالتابوت 
ينگطع بالرية النفس،،يهدى الصوت
الما عندة حبج فاطمة ،،، شلون يفوت

بداعت علي وحسينج،،، وسط الكبر حضريني
___________
حضريني من ترحل علي ،،، كل الناس
انه اعرف بطبعج محنه ،،، او احساس
تاج انتي ما ينحط فقط،، فوك الراس
حضريني بداعت علي ،،،، والعباس

ينسوني أعرف هالناس،،، وانتي فلا تنسيني
___________
#السيد_احمد_النوري