عمه
:: شنو ؟
- - عمه هذني من تعب المرحوم تسوي بيهن مثوبه للناس
الرايحه واجرة السيارات والفندق ولا تخلي شي ناقص
انا ردت احجي بس خالتي ام بهاء سبقتني
- - يمه سلام انت واخوك ماكو فرق بس هذني من فلوسه
وتعبه لازم يطلع من تعبه شي وانت
ما قصرت بكل شي اخذهن يمه ماكو فرق ابيناتكم
عرفت رضوى دزتهن ردت ارجعهن بس تدخل خالتي ام بهاء
وماحبيت صبيحه وعمامي يسمعون
وينطوون اراء ورحنا للنجف طلعنا بالليل الفجر وصلنا للامام
زرنا وصلينا وبعدين طلعنا للمقبره
فارس هو الي ساق السياره وصلنا اشر الهم يوكفون راح يمهم
كلهم
تبقون محد ينزل الى ان نروح للقبر
ونقرا الفاتحه ودعاء اهل القبور بعدين تنزلون بدون ما
تصرخون انزلو سلمو واقرو الفاتحه خلي توصله بهدوء
وبعدين ما نملك بس البجي والدعاء
وراح فارس هو ورحمن وصار فارس يقرا قران
بصوت خاشع اما عمي رحمن فصار يحدث القبر ويكله
- - يا عبدالله السلام عليكم انت ترانا ونحن لانراك جئناك
مشتاقين ونطلب من الله ان يغفر لك ويرحمك
ويسكنك فسيح جناته انت العبد الفقير المسكين المستكين
والله هو الغني ذو الرحمه والمغفره
بعدين صار يبجي واشرلنه ونزلنا نزلت وانا احس گلبي
سابقني كل ظني اشوف فواز منتظرني وهو مبتسم
وفاتحلي اديناته ويحضني وصلت شفت القبر مسيج ومبنيه
قبه وصور للمرحوم من كل جانب
وهو واكف وهو يضحك وهو رافع ايده وفوك القبر ايات قرانيه
ورد اصطناعي اخواتي صارن يصرخن
وخالاتي وعماتي انا ما اتحملت رحت حضنته وصرت اصرخ
بكل قوتي واگله
فواز وينك اطلعلي ياخوي مشتاقلك
اسمع الكل يبچي على كلامي الي لفت نظري عطاء لازمه
القران وتقرا واكفه ورا القبر وتقرا
ودموعها ما بطلن اما سهير مرت عمي صاحب جانت تبجي
بحركه وشايله الجهال
وصبيحه تلطم وتنعى جان الموقف صعب صعب وانا اشوف
الكل واكف ويبجي ويسولف
ويمشي بين القبور اله فواز فواز الي جانت ضحكته ماليه
وجهه او صوته ومشيته هيبه هسه الكل واكف اله
هو نايم وما يجاوب احد انا اتصورت الموقف كعدت وصرت
انحب بصوت عالي من شافوني الكل
سكت وعمي طاهر كال خلو يم اخو الكل ابتعد بس بقو يمي
التوم انمار واخو واكفين ويباعون للكبر ويبجون
اجت سهير واخذتهم

انا ظليت اعاتب بي /
::فواز تدري شكد كسرتني تدري يافواز انا تايه بدونك ما
صرت احب الناس ولا الحياة وكل
ما اقرر اترك هاي العالم واهج اتذكر وصيتك ما اعرف تره والله
حيرتني وانا ما فاهم شي
خويه فواز ليش تسوي بيه هيج مو انا سلام المدلل والي كل
شي اريده تجيبه الي هسه
وداعتك ما اعرف شسوي شؤ تايه وباقي بس روح خاويه ما
الي خلك روحي غصبن عليه لازم
اعيش ولازم احفظ امانتك نام خويه الي تريده يجرالك رغم
انت ظلمتني وظلمت نفسك وظلمت هاي
المسكينه عطاء نام خويه الله يغفر لك
بعدين حظنت القبر وظليت ابجي واجو يمي عمامي او ولد
عمي وفارس ورحمن وعزوز وكوموني
اجو العمال صارو يصرخون ويبجون هذا الي يكله
عمي ابو الفوز ما انسى من ساعدتني ابناء البيت
وذاك يكله استادي الله يرحمك فلوس زواجي منك
والثالث يكله ابو كلب الطيب ما يوم عليت صوتك علينه
وانت ابو المال والحلال ولا كسرت خاطرنا
وهواي كلام وهواي فواز مسوي اشياء زينه
عمي طاهر كلي //يالله بويه سلام الشمس حاره والناس
تعبت
رحمن ظل ينحب حيل ويكول
- - عمي ابو الفوز شويه وتاذينا من الشمس ابو رووح العزيزه
وانت جوه التراب ساكت كووم اتشاقى ويانه
واضحك علينه دگوم عمي واويلا عليك وعلى شبابك يابو
ضحكة الحلوه الله يهون عليك
انا صرت انحب لان احس ما بقى بيه حييل اجاني فارس هو
وبهاء وكلي //يالله سلام لابد من الفراق ولا تنسى
النا رجعه
انا كمت ورحت يم قبر ابوي وامي وصرت احچي كلام مقطع
لان ابچي واشهك
::بويه يمه تره انا والله خطيه ساعدوني فواز كسر ظهري وانا
تايه ما اعرف شسوي ساعدوني
يمه لاتزعلين عليه محتاج رضاج اعرف انتي ما قابله بس الي
صار غصبن عليه
وراحو الكل صعد بالسيارات انا رجعت الكبر فواز ولكيت عطاء
وسهير يم الكبر يبجن عطاء تعاتب بي
وتكله //ليش فواز ليش غدرتني وخنتني ويه اعز انسانه ليش
خليتني مثل الضايعه وانا اشوف
اختي هي عدوتي ما لكيت غير رضوى وهسه انت هالرحت
وبقينا احنا بس لا تصدك يافواز
بيوم اسامح رضوى لو اسامحك
خنكتها العبره وحاجته //مو انت ربيتني وحبيتني او وين ما
تروح تكول هاي مرتي بعدين عفتني وخنتني
سهير هم تبجي وتكلها //لا عطاء سامحي هو هسه لا حول ولا
قوه
عطاء /:ااه خاله سهير انا مسامحته وهو عدل والله اضحك
على روحي فواز ياروحي مسامحتك
الله يسامحك
انا مسامحتك من كلبي الربي بس رضوى لا والله ما اسامحها
ولو بيدي اشرب من دمها
من شافني سكتن وعطاء تناشغ وبعدها راحن وانا بقيت
شويه يمه حجيت
::فواز خويه انا مسامحك ومو زعلان منك ارتاح خويه ارتاح
يابعد اخوك والشي الي امنتني بي احفظه
واسوي حتى لو على حساب كرامتي نام خويه الله يهون عليك
وحضنت الكبر وكمت ابوس بي بكل مكان وانا اكله
::ارتاح ياخويه واامن خويه امانتك بركبتي بس انت لا

تزعل
عليه انا قسيت وياك سامحني فواز

واجوني فارس وعزوز وكوموني واجانه الدفان وسلم علينه انا
سالته ::هم الك يمنا فلوس
كال/:لا كلها دفعتها ارملة المرحوم دزت مقداد وكله هذا هي
سوته وانطت زايد مو ناقص وما اطلب اي شي
اتسالمنا ويا ورحت وانا بس ابجي من صعدت السياره
صرخت حيل يمكن طلعت العبره الي
خانكتني بعدين سكتت
وطلعنا انا كلت الفارس يودينا للمطعم الي متفق ويا وفعلا
لكيناهم كل شي محضرين اتغدو الناس الي اجو
وانا طلبت يسوون سفري كلت اوزعه بثواب اخوي انا ما
تغديت لان ما اشتهي بس شربت جاي وبعدين
رحنا الكربلاء وزرنا وصلينا واجرنا فندق وثاني يوم رحنا للكوفه
وبعدين رجعنا للبصره وطيلة الطريق كل
شويه انزل اجيب فواكه وماي وانزلهم للمطعم انا ما اتقربت
يم اي وحده بس دزيت على كوثر وعطاء
انطيتهن فلوس كتلهن
يجوز تريدن تشترن شي
اشوف كوثر بس تخزر بيه ومتنكه وانا ولا سالتها
خالتي ام بهاء تكلي تحجي وتسمع بعليه
- - شنو ما نشبه المفروض انا اصعد يمه ماخذلي العمال ويا
بالسياره ولا جني مرته
وصلنه بالليل وكلت للسايق كل واحد يوصله يم بيتهم اما
خالتي ام عادل وابنها وبيت حجي مهدي نزلت
اجرت الهم سياره توديهم للمزارع لان ما قبلو يباتون يمنه
وانا رحت للشقه ويه فارس
ونمت ما دريت بنفسي الا ثاني يووم الظهر كعدني فارس
وكلي
- - سلام اكعد اتغدا شنو ما جعت
انا باوعت ورجعت غفيت بس هو ما خلاني كمت دخلت
للحمام وصحصحت وطلعت لكيته جايب غدا واتغدينا
وشربنا چاي ظلينه نسولف بامور الشغل فارس كلي
- - من باجر ابدي اتصل بالديانه يعني اخاف احد يتصل بيك
انت فهمهم انو انا ما جاي من بحدي انت تريد تلم
دين اخوك
جاوبته ::فارس انت واحد من عدنا ومخول بالي تسوي مو
كافي عفت شغلك بعد انت المسؤول عن شغل فواز
فارس/: هاي شنو منك شنو عفت شغلي ليش وكفاتك وياي
شويه لو شما اسوي ما اجازيك لا انت ولا المرحوم
وبقيت بالشقه ثاني يوم طلعنا انا وفارس للشغل وصلت
وتلكوني العمال وانا وصيت الهم على ريوك وبدينا نشتغل
لمن ما اتصل بيه عمي طاهر تقريبا الساعه بالعشره الصبح
جاوبته
:: الو هلا عمي
طاهر /:اشلونك سلام
الحمد لله والشكر
طاهر/:اكلك سلام ما تشوف نفسك مصختها وسويتها بلا
ملح
اتفاجأت من كلامه :: شنو عمي سلامات اشو حامي علينا
من الصبح خيير
طاهر/:ااه هيج تحجي وياي نسيت انا عمك الجبير
:: على عيني وراسي بس خير شكو
طاهر/:ادري بابا الى متى عايف مرتك وتبات بره شنو انت ما
تفهم
جريت نفس قوي :: عمي ما اله داعي هذا الحجي نسيت احنا
عدنا مره ماسكه عده وانا محرم عليها
بعدين بتك جاي يوصلها مسواك للبيت ومصرف للكليه واي
شي تحتاجه توصي العامل وادزه بعد شنو المشكله
طاهر/ المشكله يا سلام كوثر مرتك والها حق عليك مثل ما
انت الك حق عليها
:: عمي مو وكته هالكلام تره كلش مشغول وعندي امور لازم
اخلصها
طاهر/:هاا وتعوف مرتك بيا قانون هذا الي جاي اتسوي اگلك
عمي اذا ما تريدها وشايفلك شوفه وخلالك
الجو طلكها بعد شكو جاي تتحجج
من سمعته اتهيأ لي صبيحه هي الي جاي تحجي مو عمي
طاهر جاوبته
:: شنو هالحجي هذا مو عيب شنو خلالي الجو شقصدك
طاهر // انت فاهم قصدي اريد اعرف انت ليش هيچ
تتصرف ويه مرتك وليش ما تجي البيتك
:: والله عمي همزين ما اجي
طاهر //. وليش فهمني
:: ما افهمك تگدر تسال بتك ومرتك من اجيت وبعده فواز
عدل ولكيتهن لازمات مرته ويكتلن بيها حتى اديان
وياهن اسالهن شكالت صبيحه من كتلها اخذي بتج اسالهن
وانوب تعال احجي وياي تره مو هسه انا وبتك
ما نتحاچى لا من قبل وفاة فواز وردت اجي واسولفلك لكن
الحادث صار وبعد ما اله داعي الكلام
من رخصتك عمي عدي شغل

وسديت التلفون وانا منهار واحجي ويه نفسي ::فواز والله
محنتني وما اعرف اتصرف رجال يلزم ايد اخو يكله
اخذ مرتي ودير بالك على جهالي وانا محتار وكوثر وصبيحه بدن
بافلامهن
بقيت بالمكتب مالي خلك شي الظهر دزيت واحد من العمال
على غدا وجابولنه وتغدينا سووا انا رحت اغسل
اجيت لكيت عمي طاهر متصل ماحبيت اتصل اشوفه شيريد
لكن هو رجع اتصل مره ثانيه
اضطريت ارفعه وانا اخوط باستكان الجاي
::هلا عمي
طاهر /:هلابيك سلام
:: اامر عمي
طاهر/:سلام بويه انا عرفت كل شي وهاي اصبيحه وكويثر
موتتهن وانا ابوها اكلك عمي
طلكها انا هسه راح اخذها للبيت واتانيك يمته ما تريد جيب
السيد وطلكها لان هي مو مال رجل
واحترام هاي جلبه مثل امها انا ابوها واكلك لاتصير مثلي لحك
على روحك
وسد النقال انا ما مصدك الي اسمعه عمي طاهر اخيرا عرفت
مرتك وبتك شنو سوون وشلون اتصرفن
بوكتها حسيت براحه وانا بودي اخذ السيد هسه واروح اطلك
لان بصراحه ما اطيق لا اسمع باسمها ولا اشوفها
جان عدنا شغل العصر مر عليه بهاء ابن خالتي تسالمنا وكعدنا
كلي
بهاء/:سلام خالتك تكول خلي يجي يتعشى يمنا
عكفت حواجبي :: ليش شكو
بهاء/:شبيك سلام شنو شكو خالتك وتريدك لا وتكلي اذا ما
تجيبه وياك لا تجي
::يا ستار قلقتني
بها

ء ابتسم /:ياخي ما صاير شي تكول هو بالليل يحب ياكل
عروك وانا اليوم مسويتله جيبه وتعال
و يالله گوم امشينا هو منو يلحك ع الشغل
وصيت العمال يقفلون المحلات ورحت ويه بهاء بسيارته
ودزيت سيارتي بيد عزوز الفارس يرجع بيها ورحت البيت
خالتي تلكتني وجابت العشا مسويتلي عروك وكبه وزلاطه
وجاي وكعدت انا وياها وبهاء وتعشينا خالتي عدها غير
بهاء صفاء وهذا صف سادس اعدادي يعني محد يشوفه
وعدها بنات اثنين مروة مدرسه وصفا مهندسه واثنينهن
متزوجات بهاء متزوج بت خالي جليل وعنده منها اثنين جهال
انا تعشيت ويه خالتي وبهاء بعدها بهاءءاستاذن كال
اروح ارتاح وانا بقيت يم خالتي الي قبل ما سالتها كلتلي
ام بهاء/ عرفت عمك شنو سووا بمرته وبناته
::اي خابرني بس انتي منو گلج
— انا چنت هناك يم رضوى لمن ما اجه طاهر عيونه براسه ما
يشوف احد گدامه ما نسمع بس العياط
وصريخهن يوصل العاشر جار جرم بيهن
:: يستاهلن الحقيرات
ام بهاء/:هنه من ناحية يستاهلن يستاهلن بس يمه سلام
اسمعني وافهمني انا خالتك مثل امك
وادري شنو شايل بكلبك من ضيم وقهر بس ابد لا تفكر هسه
تطلك كوثر
انا جاوبتها بدون تردد::لا لا خاله لكمه واجت للحلك شلون ما
اطلكها
ربيعه /:يمه صبيحه ما تنظف تخبلك وما تخليك تطلك بتها
ما شفتها شلون وكفت الك وتكلك
اسهل منها ماكو لكيته ويه مرت اخو يعني ما عدها مانع تروح
العمام رضوى وتكلهم طلك بتي
جي شفته ويه بتكم ويجون يذبحون البت صير ذكي صبيحه
مو هينه سحرت طاهر بين يوم وليله
لاتعم على روحك وعلى هالمسكينه رضوى
جاوبتها باستغراب ::خاله رضوى شجابها بالنص ؟
ربيعه/:خاله هو عمك من خابرك بالبدايه شكلك
:: گلي ليش ما تجي للبيت وتسال على مرتك
ام بهاء // بس هذا الكلام
باوعت الها :: شقصدج خاله
— بروح ابوك بس هذا الكلام گاله
جريت نفس :: خاله گلي اذا خلالك الجو طلك بتي
ربيعه/:يعني شنو قصده
::اعرف بيها هاي افلام صبيحه
ربيعه /:وما طول تعرف بيها خاله لا تتهور اريدك تسمعني دير
بالك منهن هذني كل شي
يسون انا چنت هناك واجه طاهر وسألهن وهنه نكرن بعدين
من حلف عطاء بالقران هي كالتله
وانوب صاح على اديان وكتلها كتله وهي كل شي حجت
وهو لزمهن وكطعهن نريد نفكه ماكو حتى انا حصلتلي دفعه
وانوب لزم كوثر من شعرها وسح البيتهم
::اي خاله يستاهلن
ربيعه /:ادري يمه بس شتتصور صبيحه تسكت لا والله هاي
انا الي اعرفها وطاهر شويه ويفش
لان صبيحه عاميته وكلمتها هي التمشي وانت سلام رگبه
وحده وشوف اخوك بيمن وصاك
وشكلك شغل اخوك وفلوسه وتعبه ابني فكر ولا عبالك طاهر
من گلك طلك وتطلك بته راح يسكت
لا وداعتك يصير ضدك ويصير عدوك وهنه موخوش يمه انا
الاعرفهن

::خاله ما اطيقها اكرهها من انا زغير لان اعرف بيها خبيثه
ربيعه/:ادري والله بس لازم تتحمل على ما تشوفلك چاره
نفخت وسالتها ::يعني شسوي ؟
ربيعه/:يمه صير اذكى منهن لا تنطي صبيحه مجال تتمشغل
بيك مثل ما يكول ابو المثل
اتغدى كبل لا يتعشون
::شلون خاله ؟
ربيعه/:هسه انا افهمك هسه تخابر عمك وتكله عمي انا كوثر
مرتي وما ابدلها بنسوان الدنيا هي غلطت لان تغار
عليه وانا مسامحها ما الكى وحده مثلها اتحملتني عمي هسه
انا جاي واخذ مرتي وانت عمي هم وصيها
خلي تتحملني وتدير بالها عليه
وبعدين يمه انتبه مو الا تاكل لو تشرب حتى من تجيبلك جاي
سوي روحك تشربه اطلع
للحديقه يم السنك وذبه
انا اخاف عليك وهسه ما طول رضوى لازمه عده عذرك وياك
تكعد بالديوانيه
:: ها خاله يعني تعرفين بصبيحه مو تمام
— كلنه ندري بيها السان وجسره وانا اخاف عليك منهن
::خاله انتي شتحچين اگلج انا ما اطيقها ولا اريدها غلطه عمري
ودفعت ثمنها
ربيعه بنتر /:خايب ادري واكبر غلطه غلطتها
ردت اگللها كل هذا الي صار ابن اختج ورضوى هو السبب
بي
خالتي كسرت سكوتي // خاله لازم تتحمل الخاطير نفسك
والخاطير اخوك وهو بكبره
وهاي المسكينه رضوى والخاطير عطاء اتحمل ياوليدي وهسه
يالله خابره وروح امرك لله
تره يمه سلام حاسه بيك وبعذابك بس لا تنسى يا سلام انت
اختاريت حتى ما استشاريت احد عبالك عدك
سباق نسيت امك الله يرحمها شجانت تكول على صبيحه
وبتها وشوصتك
ظليت صافن ومحتار واعض بشفتي واضرب ايد بالثانيه
خالتي كالت
- - يمه سلام كل شي بالهدوء ينحل والعصبيه تجني على
صاحبها ما تتذكر فواز الله يرحمه شلون
جان ياخذ الامور بضحك وشقى وهدوء بس من احد يدوسله
على طرف يعرف يمته وشلون
ياخذ حقه وكلها تهابه عمت عيني عليك خاله
انا جريت حسره وخابرت عمي طاهر الي ما قبل يرجعها وكلي
- - لا عمي لا تغلط غلطتي هاي تشلع كلبك
وانا كتله ::مي خالف اتحملها الخاطرك عمي انت مثل ايوي
وهي وصيها خلي تحترمني
وطلعت من بيت خالتي اخذت تكسي ما قبلت بهاء يوصلني
دخلت للبيت وبوجهي للديوانبه انا لكيت كوثر
وعمي متانيني
طاهر/:تره وجهي اسود منك سلام واله منو يصدك بتي
المهندسه المثقفه هيج تسوي هذا كله تعلووم امها بس
هاي هي تسمعني بعد اذا وصلت يم امها لو امها اجت يمها
ا

ثنينهن اموتهن موت وما الها غرض
بمرت فواز تخلص العده ويصير خير
انا ساكت وهي بس تبجي بدون صوت ما باوعت بوجهه راح
عمي وطلعت ورا هو باسني براسي وكلي
طاهر/:احسبها عليه بابا سلام
::لا عمي ولا يهمك انت عمي بمثابة ابوي
طاهر/:الله يرضى عليك ويبرد كلبك
ورجعت للديوانيه شفتها الكوثر طبعا عباره عن قطعه زركه
يعني عمي كافر بيها وجهه عبالك مصارع خسران
عمي مسوي خريطه ازرك على اخضر على احمر الخشم مورم
العين وحده تريد تطلع والثانيه حمره يعني بعد تفكر
الف مره كبل لا تدنه يم رضوى
ما اعرف ليش دائما اجيب اسمها الرضوى ليش هي تروح من
بالي انا اتمددت ع القنفه بدون
ما احجي وياها وخليت ايدي على عيوني هي اتدنت عليه جان
صوتها كوه يطلع وهي تبجي وتكول

كوثر/:سلام فدوه سامحني والله لان احبك هيج اسوي
سامحني بعد ما اعيدها
گعدت وجريت نفس ::وانا لو ما احبج ما خليت عمي يرجعج
كوثر/:صدك سلام
هزيت راسي ::طبعا انتي حبيبتي الي وكفتي وياي وتحملتيني
وانا عذبتج هواي
انا اسف كوثر سامحيني
هي حظنتني وبقت تعتذر وانا اسفه وبعد ما اعيدها سامحني
وصارت تبجي وتعتذر
انا ما لمستها وهي بقت نايمه يمي بالديون انا سويت كل
الكالته الي خالتي ام بهاء بس ما اتقربت الها
كوثر واحنا زغار اشوفها بت عمي المكروهه الحاقده الي كل
شي تريده تاخذه وذا ما تكدر تاخذه لازم تخربه
كوثر الي تكره رضوى وما تشوفها الا عدوه الها
اتذكر رضوى من چنا زغار تسميها بت الساحره الشريره انا
ابتسمت لان اتذكر من اسالها ليش بت الساحره تكلي
=لان صبيحه هي الساحره الي تركب ع المكناسه
اسالها ::رضوى منو المكناسه
هي تسكت انا اكلها ::بداعتي رضوى منو المكناسه
تتقرب عليه وتشاورني =بس مو تكول عفيه
انا اضحك ::والله ما اكول منو المكناسه التصعد علي صبيحه
رضوى =خالي طاهر
ضحكت بسري
انا من اتزوجت كوثر جان بنيتي ابدي اول خطوه للانتقام من
رضوى وردت كوثر تساعدني بس هي
ما قبلت تحتويني بالعكس صارت تمشي ورا كلام امها
الصبح طلعت رحت للمحل من وصلت كتبت الها مسج
::حبيبتي انتي ارتاحي انا ارجع بالليل احبج
بقيت بالمحل واتصلت بيه خالتي وفهمتها انو انا ما قابل ع
السويته وعمي بنفسه كلي طلك خالتي باستهزاء كلتلي
- - لا تستعجل وابقى هيج يجوز تحب مرتك
:: خاله شتحچين انا ما اتصور بيوم من الايام احب كوثر لو
هي تتبدل
خالتي /:جا شتريد سلام انت تحبمن گول
::اح خاله انا سمعت كلامج لان اريد اوگف على صورة حل
- - الله كريم مثل ما وصيتك دير بالك
::اي خاله اليوم منو بايته يم مرت فواز
- - اليوم اجت عليه تبقى يمها
::خيير ان شاء الله
بالليل اتعشيت بالمحل واخذت وياي اربع بواكيت بقلاوة
ومريت ع الصيدليه اخذت شيت حبوب ورجعت
دخلت للديوانيه تلكتني كوثر وحظنتني كعدت ع القنفه واجت
كعدت بالكاع وخلت راسها على رجليه انا صرت
العب بشعرها كتلها وانا اجر نفس
::اخذي هذن بواكيت البقلاوه واحد الاهلج اوواحد البيت عمي
صاحب وانطي واحد العمتي عليه وهذا النه
هي من سمعت باسم عليه امتعضت بس ما حجت خافت
اخذتهن وراحت بعدين رجعت جايبه وياها ماعونين وبطلين
ماي وهي جاي تخلي بالبقلاوة سمعت صوت عمي طاهر وهو
يكول
يالله يالله
انا كتله ::هله عمي اتفضل
دخل جايب ويا صبيحه والعائله كلها تذكرت من كالت خالتي
ربيعه طاهر شويه ويفش انا كمت سلمت على عمي
والولد واجت صبيحه وبس شافتني حضنتني وباست خدي
وتبجي وتكول
- - يمه سلام انت وليدي وانا جان محترك كلبي وهيج حجيت
لاتزعل مني وهاي كوثر مو بس
مرتك خدامه الك
جاوبتها ::لا خاله كوثر ام بيتي وتاج راسي وانا بس تكمل مرت
فواز عدتها نتبايع ع البيت واعزل بمرتي اريد
راحتي وكوثر ما قصرت اتحملتني
طاهر //عفيه ابني اعرفك خوش ولد وهالطيتك بتي
انا ويه روحي ::علواه ترجعها عدك عبالي رجال طلعت طلي،،،
🐑

كعدو ما شاء الله قضوا ع البقلاوه تذكرت بليلة وفاة اهلي لمن
اجو وما خلو لا حب ولا بقلاوة ورضوى وعطاء
بليلتها شبعن قهر وصعدن وانوب نزلت رضوى وهي ابدها
تنتحر بيه جي كاعد واضحك انا صافن واجت عمه
عليه دكت الباب سلمت وصلت يم طاهر گالت
— اشلونك خويه ابو صلاح
هو رد عليها من وره خشمه // هلا هلا
اتقربت يمي // شلونك يمه سلام
::هلا عمه شلونج
عليه/ الحمد لله بخير اجيت اسلم عليك واتشكرك ع البقلاوه
والله ما الها داعي احنه ماناكل لا انا
ولا اختك وكوثر خطيه جابتهن النه (باوعت الكوثر)هاج حبيبتي
اخذي الماعون لاينكسر انا فرغتهن
وغسلت الماعون
انا باوعت الكوثر وعرفت انها ما موديه الباكيت
انا باوعت العمتي وحجيت ::عمه تعاي كعدي اريد اشوفج
كامت صبيحه ولزمتها من ايدها وجابتها وهي تكلها //يا خيه
عليه شلقصه دا اكعدي يم ابن اخوج
من زمان ما شايفج
كعدت عمتي وهي ساكته ومبينه متاثره ومقهوره شويه
وكامت وهمه بقوا يسولفون ويضحكون وصبيحه
سيدة الموقف من طلعو انا ما سالت كوثر ليش خلت
بماعون البقلاوة لان ادري بيها تكره رضوى ولو بيدها
ترش سم وتقدمه اتقربت منها وانااجر

نفس ولزمتها من
حنجها وكتلها
::حبيبتي كوكوا تدرين انتي بعد الج مرحله وتكملين الكليه وما
اريد شي يشغلج عن دراستج وانا لازم
اوكف على رجليه واوسع شغلي لذلك ياعمري لاتزعلين يوميه
بايدي اشربج حباية مانع لان ادري بيج مثل
عمتي صبيحه اذا حملتي باول واحد بعدج ما جايبته تحملين
بالثاني
كوثر //يا سلام شبيك بس تحجي على امي
::ما احجي ياروحي بس تدرين من اتزوجنا الهسه ما ارتاحينا
وانا كوثر اريد ارتاح وانتي زوجتي ريحيني
اخذت الحبايه وخليتها بحلكها وشربتها ماي وكتلها
::كوثر هذا الشي مو يطلع بيناتننا ومثل ما كتلج بس تخلص
مرت فواز عده ما تبقى كل من ياخذ حقه وتروح الامها
العمامها ما يهمني
هي حسيت بيها فرحت وكامت وحضنتني ونمنا كاي زوج
وزوجته ولازم امثل عليها الصبح كعدتني وهي تبوس
بيه ولكيتها محضرتلي الحمام الخارجي وهي راحت تسبح
بغرفتها يعني ما يصير نمت وياها وما تخلي رضوى
وعمتي يعرفن تطلع مو كوثر سبحت واجت يمي حضنتني
وكالت
- - يالله تعال اتريك
::لا يمعوده متاخر خابروني العمال اكو حمل من البارحه وانا
ناسي اليوم خاف اتاخر لا يظل
بالج وانتي داومي واليسالج ع الزراك الي بوجهج كولي عثرت
وكعت من الدرج
كوثر/:اي راح البس نظاره
بستها واخذت سويج السياره والموبايل وطلعت وانا اضحك
على روحي من الي جاي اسوي
واحجي ويه روحي ::شنو خالتي تعرف شي وضامته علي اي
اكيد تعرف
وبقيت على هالمنوال اروح بالليل للديوانيه واطلع من الصبح
وكوثر ما تفاركني خانكتني همزين
اجي بس بالليل
فد يوم انا بالمحل واجه رجال نزل من السياره شايل جنطه
بايده لاكا واحد من العمال كله اريد استاذ سلام انا
كت للعامل خلي يتفضل دخل كان رجل عمره اكثر من
اربعين سنه اتسالم وياي وكعد
انا صحت على عزوز جاب جاي باوعلي ونزع نظارته وكلي
- - اقدم لك نفسي انا المحامي رافت حميد
::اهلا وسهلا اتفضل استاذءبيش اكدر اخدمك
بهاي الاثناء اجه مقداد ابن عمتي اجاني ودخل سلم عليه
وعلى استاذ رافت الي عرفته بي
كال المحامي //استاذ سلام عندي موضوع مهم ويه حضرتك
ياريت اتكلم بي بيناتنا لان عندي شغل
انا ::اي استاذ مقداد ابن عمتي مثل اخوي مو غريب تفضل
بيش اخدمك
- - لا العفو بس انا محامي اخوك المرحوم فواز واكو هواي امور
يرادلها حل ويه زوجته المدعوة رضوى
انا باهتمام ::اي استاذ اسمعك
- - بالحقيقه المرحوم عنده املاك وفلوس ويطلب ناس واحنه
لازم نحصر التركه وانت وزوجة اخوك
لازم كل واحد ياخذ حقه وانا بما اني المحامي للمرحوم ارتايت
ان اجي واتكلم وياك قبل ان
اشوف ارملة اخوك
انا ::اي استاذ مثل ما تعرف انو ارملة المرحوم ماسكه عده
فالي اشوفه تخلص عدتها ونكعد
انا وهي وعمي ونشوف الي النه والي علينه
المحامي/:العفو استاذ سلام عمك شدخله بالموضوع
انا تلافيت الموقف لان حسيت راح يصير نقاش وكتله
::اقصد عمامي يكونون حاضرين ويانه لان همه تقريبا عايشين
بنفس البيت
المحامي /:ع العموم استاذ سلام انا اروح وهذا كرتي من
تخلص ارملة اخوك العده اتصلو
بيه وانا بالخدمه الاي استشاره
::ان شالله استاذ
- - استاذن
::شرفتنا اهلا وسهلا
وراح المحامي وبقى مقداد سمع كل شي جان جاي ياخذ
بضاعه الصديقه والفلوس يتاخرن بس بضمانته انا انطيته
وراح انا ما اعرف ليش ما مرتاح من جية المحامي خصوصا
لمن كلي ياعم هذا
انا جان قصدي على حصة عمي صاحب بالبيت بس ما حبيت
اطول النقاش بشي ما اعرفه راح مقداد بعد ان كتله
::خلي صاحبك يجي وياخذ البضاعه الي يريدها ما طول
بكفالتك
من راح مقداد انا اتصلت بالمحامي رد عليه
- الو
::الو السلام عليكم
اهلا منو وياي
:: انا سلام اخو المرحوم فواز
اهلا بيك استاذ سلام اتفضل
::استاذ رأفت حاب اشوفك
كلي //اي اتفضل يمي الساعه بالسبعه بالليل بمكتبي موجود
العنوان
بقيت بالمحل وانا افكر بكلامه ورا الصلاة طلعت رحت
للمحامي بمكتبه جان كل همي استفسر على حصة عمي
صاحب بالبيت وليش من كلت يكعد عمي ويانه المحامي ما
وافق وصلت بعد ما خابرت كوثر كتلها
:: جايني حمل راح اجيك علي بالمخازن انتي نامي بغرفتج اذا
اكدر اجي اخابرج واذا اتاخر انام بالمحل
وصلت للمحامي وكعدنا بالمكتب وبادرت بالكلام
::استاذ رافت انا ما كدرت اطول بالكلام كدام مقداد لان
تعرف هاي اسرار خاصه بينا
المحامي/:اعرف هذا الشي استاذ سلام وانا ردت نسولف
ابحدنا .
::استاذ رافت بالحقيقه من كتلك عمي يكعد ويانا جنت اقصد
،،،
ما خلاني اكمل هو بادر //جنت تقصد عمك صاحب وحصته
من البيت
::اهاا طلعت تعرف كل شي
المحامي/:اي مو انا المحامي مال فواز الله يرحمه وفواز كان
اكثر من صديق وانا على معرفه باغلب شغله
:: ما دام تعرف كل شي اكيد تعرف حصتنا بالبيت
هز راسه // اي اعرف بس الي انت ما تعرفه انو عمك باع
حصته بالبيت على فوازوقبض فلوسه زايدات مو ناقصات
وهذا الشي مصدق بالمحكمه وتكدر تتاكد من عمك فالتركه
راح تنحصر بينك وبين ارملة اخوك وللامانه السيده رضوى الها
الحصه الاكبر
انا اتفاجئت من كلام المحامي كتله ::

ان شالله نجتمع بعد ان
تنتهي عدتها
المحامي/ وانا بالانتظار ومن حق السيده رضوى ان توكل اي
احد يدير العمل بدالها يعني
تسوي وكاله عامه
::ان شالله استاذ نبقى على تواصل
وسلمت وطلعت من المكتب وانا اريد انفجر من الغضب
يعني ما كفاج يارضوى اخذتي فواز انوب هسه تاخذين تعبه
وحلاله
انتي ينطبق عليج المثل الي يكول ( يامن تعب يامن شكى
يامن على الحاضر لكى )

يتبع

#بارت15

/////سلام////
طلعت من المحامي وانا عباره عن بركان من الغضب واحجي
ويه نفسي رضوى ما كفاج اخذتي فواز
لا وانوب راح تورثينه انتي يارضوى ينطبق عليج المثل الي
يكول
(يامن تعب يامن شكى يامن على الحاضر لكى )ظليت افتر
بالسياره بعدين رحت للشقه لكيت فارس
من شافني كلي //ها سلام شبيك مو استقريت ابيتك
شعدك جاي
::تعبان فارس تعبان حدي
فارس /:هاخيير ياستار
وسولفت الفارس شكال المحامي فارس لملم حلگه
فارس/:وهسه شناوي سلام
هزيت راسي :: ما اعرف فكري بعده مشتت
فارس/:زين ياصاحبي هسه اوصيلك على عشا ونتعشى
ونطلع شويه نغير جو بالكوفي ونرجع
بعدين فكر براحتك
دخنت :: لا لا فارس مالي خلك اطلع الاي مكان
فارس/:دمشي سلام يالله ما ناخذ سيارتنه نروح نتمشى
نحرك رجلينه
وطلعنا بعدالحاح من فارس رحنا تعشينا وكعدنا بالكوفي
فارس حجى وياي وكلي
سلام اليوم خابرت ناس يطلبهم فواز الله يرحمه او واعدوني
باجر ان شالله يجيبولك الفلوس
:: زين بعد يمك السجلات الي ينطيك احذفهن واذا جابوهن
الي اخابرك وانت من يمك احذفهن
- - اي طبعا وانت سلام شراح تسوي
جريت نفس :: هسه اخابر عمي اخلي يمرلي للمحل واسولف
ويا وافتهم منه (باوعتله ) هذا الكلام ما اريده
يطلع الاي احد
فارس /:صدك جذب اعتمد بس
:: بس شنو
- - سلام لا تعتبره تدخل مني تره مرت فواز تورثه بالشرع
والقانون
هزيت راسي :: ادري لكن انت تعرف شگد يملك فواز معقوله
كل الي ايملكه يروح الها هيچ بكل بساطه
- - لازم تگعد وياها وتحچي وتتوصل ن الحل
بقيت صافن واحچي ويه نفسي :: نتوصل الحل
هزيت راسي وانا اباوع الفارس حاولت اغير الموضوع :: ابو
الفوارس بوجهك كلام احجي
فارس/:هاا اي سلام لا ماكو شي
::شنو اي شنو لا ما كو شي احجي وفضها
فارس/:والله سلام بس ردت اسالك عن عايلة عمي رحمن
تعرفهم
درت وجهي علي وانا عاكف حواجبي ::اي اعرفهم والنعم بيهم
خيير فارس شكو
فارس/: خير ان شالله سلام ذاك اليوم وصلت عمي رحمن
للبيت وبالباب شفت بنيه مؤدبه الله يستر عليها
باوعتله ::اي وبعد
فارس مدنك /: انا ثاني يوم الصبح مريت على مود اخذ عمي
رحمن وياي وشفت نفس البنيه
رايحه يمكن للدوام
انا بخبث ::يمكن شلك بيها هاي انوار بت عمي رحمن تداوم
مرحله ثالثه تربيه بس انت ليش تسال
فارس/: سلام والله اريد اعرف اخلاقهم لان شفت اخلاق عمي
رحمن
::وانا كتلك والنعم
فارس/:يعني سلام شتگول اتوكل
ابتسمت :: وانا وياك ياصاحبي انا الي اخطبها الك تستاهل
فارس/:تسلم ياصاحبي
::اي فارس ومرت عمك شنو وضعها
فارس بحسره /:والله شكلك جاي تخابر وتدز مسجات
::وانت ؟
فارس/:انا سلام ولا اجاوبها اتصور انطيتها حضر حاچتني من
غير رقم
:: تحچي صدك
فارس هز راسه // اي سلام وبكل وكت تتصل وتدز مسجات
وانا ما اجاوبها
:: اويلي شكد خاينه
فارس ضم شفايفه // يمكن تكون خاينه
انا جاوبته وانا اباوعله بنص عين /: هاا يمكن شنو ما تعرف
شلون الخيانه خيانه هي مو اختارت عمك
بالبدايه من حسبتها وشافت امورك زينه رجعت لفت عليك
فارس/:الله يهديها وعمي ما عايز هم عنده خير
انا جريت حسره لان تذكرت رضوى ::ادري فارس بس
اسمحلي الخيانه سجيه بالبشر مثل النفاق الجذب ومرت
عمك سجيتها الخيانه
فارس/:والله ما ادري سلام الله يهديها
:: بعدك تحبها
فارس انتفض // لا سلام شنو احبها بس ما احب احكم ع
البشر راسا احب انطيها عذر
حاولت اغير الموضوع ::ياالله عيني العاشك الولهان امشي
خلي نرجع ورانا شغل وباجر الصبح مو تنسى
مر على عمك رحمن على مود تشوف ست الحسن والجمال
فارس/:شنو هاي سلام سويتها قصيده
::جا شنو القصيده هواي عليك بس انت توكل وانا اسوي
ديوان باسمك
ضحكنا وكل واحد بينه شايل هم وحزن بگلبهررجعت انا
وفارس قريب الساعه11بالليل ورحت غيرت ملابسي
واتصلت بعمي صاحب هو جاوبني
الو هلا عمي سلام
::هلا عمي اشلونك
صاحب /:انا الحمد لله انت شلونك اليوم ما شفتك
::صار عندي شغل حتى للبيت ما اجيت اكلك عمي باجر
الصبح بلكي تمر عليه محتاجك بشغله ضروريه
صاحب/:خير سلوم
::كل الخير بس عندي شغله ضروريه وحاب استشيرك بيها
صاحب/:تدلل ان شالله الصبح يمك
::وانا منتظرك ولا تگل الاي احد
- - خير سلام قلقتني
:: كل الخير عندي استشاره وياك ما اريد احد يعرف بيها يالله
تستمر القصة أدناه

صاحب /: تدلل
:: يالله تصبح على خير
- - وانت من اهل الخير
نمت الصبح كعدت اخذت حمام وطلعت وفارس هم طلع
وياي قريب الساعه تسعه اجه عمي صاحب
دخل للمكتب وصيت على جايات وكت العزوز
اي احد يجي انا ما موجود اتصرف من يمك وقفلت المكتب
واجيت كعدت يمه هو يشرب بالجاي ويكلي
.
- - ها عمي سلام خير شنو الاستشاره الرايدها مني تره انا
بالخدمه
::تسلم عمي ما تقصر بس هي الحقيقه مو استشاره
صاحب وهو يشرب بالجاي /:جا شنو عم

ي ؟
::الصدك عمي ابو انمار الشغله تخصك الك مو الي
هو استعدل بكعدته /:ها وشنو هاي الشغله
::عمي امس اجاني محامي فواز الله يرحمه على حصر التركه
عمي صاحب ارتبك وكال //ياتركه
::شلقصه عمي حلال فواز وفلوسه
صاحب/:اي وشنو
::ابو انمار بلا لف ودوران البيت اقصد بيت ابوي الله يرحمه
الي اشترا فواز وبقت حصتي وحصة مرته
ووحصتك بس الي عرفته انت ما الك شي بالبيت شنو
القضيه اريد افتهم
صاحب // هو المحامي هيچ گلك
هزيت راسي :: اي وگلي موجود هذا الشي باوراق رسميه
عمي صاحب جر حسره وكال //الصدك عمي سلام انا كبل لا
يتوفى فواز بخمس تشهر انا دخلت مشروع ويه
نسيبي تعرفه ناجي اخو مرتي واحتاجيت فلوس كلت ابيع
حصتي والي احصله بعدين اشتري بي بيت
واستقر بس سبحان الله
وسكت عمي انا حاجيته
::بس شنو عمي وضح
صاحب /:الصراحه فواز الله يرحمه ما قصر هي حصتي 85
مليون انطاني 150 واتنازلت
لكن الي صار انا خسرت فلوسي
انا بتعجب ::عمي شتحجي انت
صاحب/:اي سلام الي صار خسرنا انا وناجي كل شي
انا باستهزاء :: شنو هالحچي هذا عمي هاي بس انتم الي
يدخل بمشروع راس ماله 300 مليون لازم حاسب
الف حساب ولا تكلي اتقشمرتو
صاحب بقلة صبر/:هذا الي صارسلام وبس فواز الله يرحمه
يدري وكلي تبقى بالبيت على ما تلم نفسك بس الله
سبحانه ما راد الي الستر ويه هالجهال الي انشلع كلبي يالله
حاصلتهم لو البنيه الي عاشت كل عمرها مكسور خاطرها
دنگ وهوومقهور كتله وانا انفخ ::الله كريم عمي الله كريم
نلكالها حل
صاحب/:حليش سلام البيت الك والمرته الفواز
انا بصوت ناصي ::يصير خير بعد جم يوم اشوف المحامي
وافتهم منه
صاحب/:ما اعرف ياعمي بس سهير تكول اذا ما تلكى حل
اتطلكني
انا بتساؤل ::ليش عمي سهير شتريد ؟
صاحب/:عمي تريدلها بيت تكول انا مو وحد وانت كبرت لازم
تامن مستقبل اولادك
:: الصراحه ما طلبت غير حقها بس هم الفلوس ما لعبت
بيهن اقمار انت واخوها اتشاركتو وخسرتو
(باوعتله وگلت )الله كريم عمي تنحل
كام عمي صاحب وكال //والله ياعمي من بعت حصتي الفواز
كلت اول وتالي ياخذ عطاء ويخلينه ويا على ما
الله يرزقنا
انا حاجيته /: ابو انمار ال 150 جانن ممكن يجيبلك بيت وبيت
زين لكن انت اله يسلمك والله عمي ما ادري شكلك
صاحب ::صحيح كلامك بعد هذا الي صار واتمنى ياسلام
هذاالشي محد يدري بي وياريت تلكالي صورة حل
انا ::ان شالله عمي اطمن ماراح احد يدري باي شي
تستمر القصة أدناه

وراح عمي وانا بقيت بالمحل افكر واكول
::اشلون لو عرفت رضوى بان اكثر املاك فواز الها شراح
تسوي ومن تعرف البيت الحصه الجبيره
الها وبس انا الي وياها وعمي ما اله شلون راح تتصرف
لو هذا عمي صاحب الصاير محبس بايد مرته واهل مرته عاف
الدنيا كلها راح شاركلي
ناجي اخو سهير وهو اكبر قفاص
ظليت افكر اتصلت بعمتي عليه
عليه/:الو هلا عمه سلام شلونك
::الله يسلمج انتي شلونج
عمه/:زينه الحمد لله
::اكول عمه انتي اليوم وين
عمه/:ها يمه انا يم بتي
::ها ابيتنا خو ما محتاحات شي
عمه/:لا عمه سلامتك
::اكلج عمه رايدج بشغله وما اريد احد يدري بيها
عمه/:كول عمه اامر
::استغفر الله بس اريد تبلغين ارملة المرحوم اريد الحاسبه
مالته محتاجها لان بيها شغل يخصنا
عمه/:اي عمه مي خالف هسه اكللها
::انتي حضريها ومن ادز عليها العامل طلعيها لان كلش
محتاجها بيها حسابات ضروري اراجعهن
عمه/:بس دقيقه ظل وياي
اسمعها تسالها وانفتح باب وانسد عمتي جاوبتني
الو يمه سلام
::وياج عمه
عمه/:هاي الحاسبه دز العامل ياخذها
::ان شالله عمه وبالليل من اجي ارجعها
عمه/:بكيفك عمه على راحتك
::مع السلامه
عمه/:الله وياك
دزيت عزوز يجيبها مسافة الطريق اجه ويا الحاسبه هي بيها
رقم سري بس انا وفواز نعرفه جان الرقم السري
مالته مواليدي والرقم السري مالتي مواليده فتحتها وصرت
اتصفح بيها
انا بالاساس ما اعرف ليش دزيت عليها بس الامور بيها وما
تتشعب
بقيت اتصفح هاي اول مره اتصفح الحاسبه مالت فواز رغم
اكثر شغلنا سووا بس جان بيناتنا احترام واحد ما
يتجسر على شغلات الثاني نعتبره اسرار شخصيه
بالبدايه شفت خال صورة ابوي وامي وكاتب جواهم اعز الناس
انوب موسيقى بعدين خال البوم صور صورنا
من واحنا زغار واحنى نلعب طوبه واحنا رايحين للمدرسه
وصور اعياد ميلادي وصوري بالكليه ومن اتخرجت
انا ما اتحملت ما سيطرت على نفسي صرت ابچي وخال
صوره عطاء وكاتب
(يا اغلى من الروح فدتكي الروح والعين )
وصورتي انا ورضوى وكاتب
(يارب اشوفكم اسعد زوجين ولكم خبلتوني ما شايف حب
مثل حبكم تزوجو وفضوني )
انا من شفت صورتي انا ورضوى اتذكرت خيانتهم وظليت
صافن ما ادري شنو صار بيه ظليت بس اتنفس قوي
سديت الحاسبه وبقيت بالمكتب بس ادخن واحاجي نفسي
والدمعه بعيني
::فواز انت مو اخوي انا مو سامحتك ليش مصر اتعذبني
وتعيشني بدوامه
وگفت وانا ادخن :: اي لازم اتعذبني خال صورتي وكاتب
جواها يمته تتزوجون وانت تخوني وياها
رجعت فتحت اللابتوب بقيت اتصفح بيه شفت فوا

ز هواي
متراسل ويه جماعه على شغل لكن الي لفت نظري
مراسلاته ويه وحده تكله
&جهالك يراد الهم ملابس
- مية مره كايلج لا تكولين جهالك
&هاا جا جهالمن
- - غلطه انتي ما تفهمين وجاي احاسب روحي عليها
& بس من صارت بذيك اللحظه ما كلت غلطه
- - وهسه شتردين
& اريد فلوس اريد اشتري اغراض وملابس
- - صار تدللين
& شقابضه بس الحجي
& ليش شتردين انا ما مخليج محتاجه شي
- - اي مبين انت حتى ما تحاجيني من نقالك اتحاچيني من
الحاسبه
& وانتي شيفرق عدج من النقال من الحاسبه من الشارع
افهمي كل الي بينه انتهى
- - مو بكيفك والله افضحك اذا ما اتامن مستقبلي ومستقبل
جهالك
تستمر القصة أدناه

بعدين قبل سفره بيومين كاتب الها
- - اتحضري باجر اخذج تشوفين البيت واسجله باسم الجهال
وانتي عود كولي اخوتي اشترو الي
وسجلو باسم الجهال حتى ما افكر ابيعه
& بس انت تدري فواز باخوتي ما تعبر عليهم هيج سالفه
- - انا الي اعرفهم عود اكلهم انا داينتكم فلوس واشتريتو البيت
خو ادري باخوتج اذا يطلعون الخمس تالاف
نشيلهم اسعاف
&اي غير اعرف شتكلهم
- - انتي ما عليج اعرف شحجي وياهم خليها عليه
ضميت الحاسبه وقررت ما ارجعها لان البيها اسرار تخص
اخوي تصدكون خصوصا وهو كل المراسلات
محتفظ بيهن حتى غيرت الرقم السري
حاولت اتواصل وياها الهاي الي تراسل بفواز بس لكيتها
حاذفه البرنامج ظليت افكر
::يعني فواز عنده علاقه مو شريفه ويه وحده غير رضوى
::وهو فواز يمته علاقاته شريفه
::بس هو وصاني على ولده الي طلعو استغفر الله اولاد حرام
::لا لك سلام من يكوول
::شنو منو يكول لو ولد حلال جا اجت مرته اهلها طالبو بالورث

::الله يرحمك يافواز عيشتني بدوامه
1
بالليل رحت للبيت وصلت لاكتني كوثر حضنتني وحضرتلي
الحمام البره سبحت وطلعت لابس تراك اسود
وجابتلي عشا انا كتلها ما ااشتهي بس اريد فواكه هي جابتلي
وبالليل اجه عمي طاهر وصبيحه الي بادرت
بالسلام وظلينه نسولف واجت سهير وعطاء لان عمي عنده
حمل بالميناءءسهير مو مثل قبل من يروح عمي
تروح الاهلها صارت تبقى بالبيت احنا نسولف صبيحه
اتعمدت تسال كوثر بصوت عالي
صبيحه/:شنو كوكا ماكو بالطريق شي منا منا
كوثر بارتباك //ها لا ماما بعد وكت عليمن مستعجلين
عمي طاهر عبالك عمه جنتها ما تحبل //شنو بابا بعد وكت
الطفل الاول استقرار لو شتكول سلام
هزيت راسي ::الله كريم عمي يصير خير
عرفت من كلامهم انو كوثر كايلتلهم ع الاتفاق الي صار بيني
وبينها وعرفت هم انو كوثر مو هي المره الي ينشد
بيها الظهر اتندمت ياريتني ما متزوج او متزوج وحده مثل
عطاء اقلها هادئه ورزنه
يعني حياة زوجيه لازم المره تحفظ سر زوجها لكن الظاهر هاي
المره مو كوثر
الساعه 11 راحو وبقيت بالديوانيه طلعت وراهم كوثر اتاخرت
انا اتمددت لان فراشي بالديوان اتذكرت ساره
ما اعرف ليش طرت على بالي وشنو السبب اتمنيت اخابرها
بس خجلت منها بصراحه ظليت متمدد شويه
واجت كوثر لابسه بدله نوم وردي فوكها روب اتدنت يمي انا
درت وجهي عنها هي صارت تبوس بيه وخلت
ايدها ع خصري وانفاسها تضرب بركبتي حسيت من اتقربت
عليه لاعبه نفسي منها من شافت برودي دارت
الجهتي وحاجتني بدلال
كوثر /:حبيبي انت مو كاعد ليش ما تتجاوب وياي مو تعرف
شكد احبك
انا ما جاوبتها
كوثر/:سلام شبيك مو احجي وياك شلي صاير ليش ما
تجاوبني
::تعبان ومالي خلك
كوثر/:ها سلام رجعنا مثل قبل نفس البرود
::ما كو كل برود جاي اكلج انا تعبان
كوثر/:وانا مرتك واريد حقي
كمت كعدت وهي كعدت باوعتلها رغم حلوة ولبسها مغري
بس انا ما عجبني اتقرب منها
انا كتلها ::انتي كلتيها مرتك يعني زوجتي شريكتي بكل شي
بهمومي اسراري مو
كوثر/:اي طبعا --واتقربت وهي تحضن بيه -انا شمرت ايدها
::زين ما طول هيج شبساع رحتي يم امج وابوج وحجيتي انو انا
ما اريد اطفال بالوقت الحاضر
كوثر ولا تكليلي ما حاجيه ولا كايلتلهم اصلا اليوم جيتهم حتى
ايسمعوني انو انتي لازم يصير عندج طفل
( هزيت راسي ) مع الاسف عبالي فعلا اتغيرتي بس الظاهر انا
غلطان
كوثر /:لا انى ما كتلهم بس ماما سالتني ليش ما حملتي كتلها
بعده وكت
انا بنتر :: انتي شنو ما شبعتي تمثيل وجذب وج اصلا اليوم
جايين على مود يحجون هاي الكلمتين ليش الهسه
ما حبلتي ويفهموني بطريقه غير مباشره تره احنا نعرف ليش
بتنا ما تحمل
كوثر كانما تستفزني //وبعد طلع كل شي بگلبك لان انا صرت
حايط انصيص الك والابوي وامي
انا بنفس عصبيتي :: مع الاسف عبالي تاخذين الكلام
وتحفظين السر لكن طلعت غلطان
كوثر بعصبيه //. على شنو غلطان اصلا ادري بيك انت ما تريد
يصير عندك طفل مني على مود ما تبقى
وياي وحتى تلكى حجه تعوفني
انا هزيت راسي وكتلها وانا اتصنع الابتسامه ::كوثر تدرين شنو
غلطة عمري
كوثر باستهزاء/:اي بالله شنو استاذ سلام
::اني تزوجتج لان اعرف انتي بت امج ما تحاولين تكونين انتي
البنيه المثقفه المهندسه الي شلون تسعد زوجها
والي تحافظ على اسراره والي تحتوي وتنسي كل شي من
يكون وياها
كوث

ر باستهزاء /؛اسعد زوجي واحتوي مو هو زوجي باله يمي
علمود اسعده باله يم ست الحسن
حبيبة كلبه الي باكها اخو انوب اخو مات ينتظر بس تخلص
العده ويتزوجها بس شوف يا سلام
رضوى اموتها خلاص ولا اخليها تاخذك
انا ظليت اتنفس بقوة وحچيت بعصبيه ::مو من اكول انتي
ادب سزز محد يصدكني شوفي ولچ هذا الي تسوينه
مو حب انتي ما تحبيني لا انتي تردين تملكيني (اتقربت
وضربت خفيف على راسها ) لكن هذا الشي بعيد عنج
كوثر وهي تاشر باديها //اي اريد املكك جا شنو اخليك لبت
عليه ام الزلم التلعب على عشرين حبل دشوف
ختخلص العده وتجييك الاخبار
::وج انتي ما تخجلين انتي حرامات عليج حتى الدراسه الي
درستيها انتي وحده همجيه
كوثر تخوصرت وتهز برجلها //اي عيني انا اكبر همجيه احنا ما
نشبه النمثقفات الي من حضن الحضن
::وج مو صوجج صوج الزمال الكاعد يمج ويحجي وياج بعدين
انا شمكعدني يمج انتي حيوانه لا فهم ولا علم
كوثر/:مخليه الفهم والعلم الك انت وحبيبة الگلب رضوى اصلا
انت مو مال مره مهندسه مثقفه شريفه مال
وحده كل ساع تتلاكفها الزلم وحد كح،،، تربية شوارع
لزمتها من حنجها وكتلها وانا اكز على اسناني
::تربية شوارع مو زيين انا اعلمج ما اوصخ ايدي بيج لان ما
تستاهلين حتى الكف بس انا اعلمج
شوفي ولج اكدر هسه الزمج واجرم بيج واكسر راسج وتجيني
امج البيك وابوج الطلي
ويعاتبوني وانتي ما تسوين فلس بسوك النسوان
كوثر وهي ترجف // اي طبعا ما اسوى اصلا منو انا قابل انا
الي ضحكت عليك فوك ال 15 سنه وبعدين شفتني
مصلخه بحضن اخوك طبعا ما اسوى لان شريفه مو مثلها
ساقطه
تستمر القصة أدناه

ضميت ايدي حييل وانا ودي اكتلي واحد مووت بس تمالكت
اعصابي وضربت الحايط
اخذت السويج والموبايل وطلعت سقت السياره ردت اطلع
للشقهه لكن استحييت من فارس وطلعت للمحل
وانا اسوق شفت وحده لابسه عبايه اسلاميه وتمشي باعتلي
واشرت فترت السياره وانا اشوف السيارات
شلون تدك الها هورن فترت او وكفت اجت يمي باوعتلي
كلتلي //وين توصل
شفت بنيه شابه عمرها تقريبا 24 سنه حلوة بس مبينه مو
راحه
انتي وين تحبين انا اوصلج
هي راسا صعدت يمي وباوعتلي //وين ما تحب المهم تدفع
عرفتها من بنات الليل اخذتها وياي لان بصراحه جنت تعبان
ومقهور نزلت للمحل ونزلت وراي وهي تكلي
- - هيي بس انت مووو
جاوبتها وانا ااشر على حلگي ::اشش وادخلي وانتي ساكته
طلعت نقالي خابرت ابو وسام الحارس كتله ::هلا ايو وسام تره
انا بالمحل وسيارتي خليتها كبال المحل
مو يظل بالك
- - ها عمي سلام خو ما كو شي
::لا بس حسابات واريد ابقى ابحدي
- - محتاج شي اجيبلك شي
::لا كل شي ما اريد بس اكمل انام
ودخلت للمحل وشفت شي عجيب شفتها كاعده ع القنفه
وذابه العبايه الاسلاميه ولابسه شورت قصير وبدي
بدون اردان جسمها عباره عن قطعة ثلج باوعت الها شفتها
حاطه رجل على رجل وتدخن اجيت كعدت يمها باوعتلي
انا اخذت جكاره وبقيت ادخن اتدنت يمي بس انا ما تحركت
لان جاي اباوع الجسمها والوجهها هي اتقربت مني اكثر
وحاجتني //شنو استاذ نخلص الليل كعده ونشرب جكاير
::هاا ليش
طكتها ضحكه بصوت عالي تقربت منها صميت حلكها حجيت

::اشش بت الكلب لا تفضحينه
هي باوعتلي وبعيونها عتب اتقربت كتلها //اسف مو قصدي
اغلط عليج
::لا عادي هذا من ضمن الشغل (وضحكت بس على كييف )
سالتها ::شمطلعج بهالليل والدنيا تخوف
هي ضحكت وجاوبت //ما طلعت بس اكو واحد زماال حشاك
طلعني وصلنه للبيت خابرته مرته هي جايه
لان تعاركت ويه مرت اخوها اشو هذا صارلك نعجه من
الخوف كام يرجف وطلعني بس وداعتك ما طلعت لمن
ما ابتزيته
::وتمشيين بهالليل ابحدج ما خفتي
- - لا عادي اذااشوف واحد اخاف منه اكله اخوي سووا حادث
وانطي اسم اي مستسفى ويوصلني بس انا جنت
اريد اخذ تكسي ومن شفتك كلت ليش ارجع هيج وتنحسب
علي طلعه
واتقربت مني وبدت تستميلني جانت تعرف للشغله
وهاضمتها بس انا انقهرت عليها انا مااتقربت الها رغم جنت
محتاجها لان تعبان لكن ما حبيت اصير حيوان امام نفسي
هي من شافتني هيج استعدلت وكلتلتي
- - شنو عيني ما نعجب لو انت مو رجال -وضحكت--
انا دخنت جكاره وسالتها ::شسمج
- - اسمي عفاف سابقا لان بشغلتي ما يليق هذا الاسم بس
الشهره دانه
::من يمته تشتغلييين بهاي الشغله
- - من خمس سنوات
::شابه وحلوه ليش
هي باستهزاء - - اكيد الجواب الدائما نردده الظروف بس لا انا
شغلتي حكم القوي ع الضعيف
::هههه حكم منو
- - انت ليش مهتم
::احب اعرف
- - هاا يعني بدال الونسه تحقق وياي
::اي وكل شي بثمنه
- - تمام ما طول تدفع اگلك ما عندك مشروب
1
هزيت راسي هي ضحكت وگالت - - بصراحه انا امي توفت
من جنت بصف سادس ابتدائي سنه وابوي تزوج
صرت خدامه ومربية اطفال (ما ادري ليش اتذكرت عطاء
ومعاناتها )
ما عرفت الي خوال بس من جانت امي تروح تاخذني وياها
من توفت يمكن خافو ع اللكمه محد
سال بقيت بالمدرسه السنه بسنتين لان ملتهيه اخدم واربي
جهال صار عندي من مرت ابوي تلث بنات او ولد واحد
عمر اخوي

سبع اشهر جنت ناجحه من الثالث متوسط اتوفه
ابوي راجع من الدوام نام ما كعد بس خلصت الاربعينيه
مالت ابوي صاحتلي زوجته ودخلتني للغرفه وكلتلي
تستمر القصة أدناه

$من باجر تطلعين تشتغلين
..خاله وين اشتغل وليشءمو ابوي عنده تقاعد
$انجبي هذني الا فلاس تعتبرينهن يعيشنج ويعيشن اخوتج
..خاله وين اشتغل
$خدامه بالبيوت لو اكلج البسي بوشي وجدي بالاشاره
..ليش خاله حرام عليج هذا بيت ابوي وكاعده بي والي من
الراتب
$انجبي واسمعي الكلام
..والله خاله ارووح العمامي واكلهم
$عمه العماج همه وينهم عمامج ام عمام رووحي اسهل منها
ماكو اكلهم بتكم جذابه طالعه من
الطريق واجيب ابدل الواحد عشره يشهدون ولج جلبه غصبن
عليج تشتغلين وتجيبين فلووس مو
عبالج لان مات ابوج انا من جان ابوج عدل اخلي يشتغل تلث
شغلات
..من هيج ابوي مات من التعب
$انجبي وحطي نعال بحلكج وافتهمي انا اهم شي عدي
الفلوس
سكتت وذعنت للامر الواقع ورحت اول ايام ما اعرف اي شي
بس ماده ايدي اسبوع هضمتها
للشغله فد يوم اجيت يم واحد سيارته تخبل مديت ايدي كلي
ارفعي البوشي وانا انطيج 25 الف
رفعته شافني اتخبل كلي روحي كدام وتعاي اصعدي وياي انا
استسهلت الشغله وصعدت اخذني البيت ما ادري
قصر اتقرب مني انا ما قبلت كلي
::ليش تره الجداوه تسقيط للكرامه وهذا الشي هم تسقيط
للكرامه
انا حسبتها شفتها نفس الشي اقلها انت ذليل بس بلحظه
اتذلك واحد خصوصا اذا جان حيوان ويرغب بالجمال
وبقيت اكثر من شهر ومرت ابوي خابرتها كتلها عدي شغل
بالبدايه تعد وتصف بس من كتلها راح اجيبلج فلوس
وفلوس هواي فرحت وسكتت وره الشهر مل مني ما اعرف
شلي صار انطاني مبلغ محترم وركبني بالسياره
ورجعني النفس المكان بس رجعت مو عفاف لا رجعت وحده
تبيع جسدها للي يدفع على مود ترضي مرت ابوها
الي فرحت بالشغله وهي تگلي محد يدري بيج بعدين شفت
وحده هاي شغلتها ورحت اشتغل عدها
وهاي انا تشوفني كل شهر ادز المرت ابوي فلوس وما خليتها
تعرف طريقي ومن اروح اشووفها اذلها بكد ما ذلتني
احتقرها وانا اشوفها كاعده جوه رجليه
:زين عمامج خوالج
..ما يجوون ولا يسالون واذا سالو هي تعرف شتجاوبهم
:انتي مرتاحه بحياتج
هي ضحكت وجرت نفس جكاره وسالتني //انت مرتاح ؟
قبل ما اجاوب هي جاوبت
..انت رجال وامرك بيدك وعندك سياره ومحل ويجوز جهال
وحبيبه بس انت ما مرتاح هسه تسال وحده مثلي مرتاحه
:البسي خلي اوصلج
..ليش ما تونست وياي
:بصراحه ما احب اسوي هيج اشياء
هي جاوبتني بثقه //لا ياحلو مو ما تحب بس انت عقلك ويه
غيري تحب وحده وما تريد تخونها موو
انا سكتت ما جاوبتها انطيتها فلوس وكتلها خلي اوصلج هي
اخذتهن وما حجت صعدت وياي ورحت نزلتها
باقرب شارع باوعتلي وكالت
..اذا تحب لا تضيع حبك شوف احنا انا وياك تلاكينا بالشارع
وافترقنا بالشارع رووح الحبك ولا تضيعه
من نزلت عرفت هي من حجت هيج جانت تحب بس ظروفها
خلتها تتخلى عن حبها رجعت وانا اتذكر كلامها
لمن تكلي ارجع الحبك ولا تضيعه ليش انا الي ضيعته لو هي
ما اعرف ليش تمنيت بذيج اللحظه الزم رضوى واشبعها
ضرب واطلع حركت كلبي بلعت ريكي واحس بروحي
خاويه ومقهور ودي اصرخ ابجي ما ادري بقيت بالسياره
وطلعت للنجف وصلت وره الظهر حجزت فندق
غسلت واتوضيت ورحت للامام العصر وتميت حد الليل وانا
اصلي واقرا قران واستغفر وصلت يم الضريح الشريف
وهناك انهاريت صدكوني لزمت الشباك وانا انحب بصوت
عالي وابجي بعدين حجيت ويه ربي وانا لازم الشباك
تستمر القصة أدناه

::ياربي نور دربي بحق امير المؤمتين ياربي مالي غيرك انا تايه
ساعدني ياالله بحق علي ساعدني
ما احس الا ايد انمدت وصوت يهمس باذني ويكلي
##انت خير من دعيت وهو خير من يجيب وما طول طرقت
باب رب العالمين ما راح يخيب ظنك
درت والدمعه بعيني وشفت رجل كبير بالعمر تقريبا عمره
سبعين سنه بس وجهه نوراني لابس دشداشه بيضه
وجفية مالت عرب ابيض واسود بدون عكال انا من شفته
ردت ابوس ايده بس هو ما قبل وكلي بهدوء مو طبيعي
تحس بكلامه روحانيه غريبه
##انت بحضرة الامام واهنا كلنه بحاجته وعدنا حاجات رووح
ياابني الله ينور طريقك
انا حسيت براحه يمكن من ليلة الحادث الهسه ما حسيت
بهاي الراحه بقيت اصلي واقرا قران وبعدين رحت اتعشيت
ورحت للفندق صدكوني بس خليت راسي نمت
الصبح كعدت سمعت قران يقرا عرفت بعده اذان الفجر كمت
اتوضيت وسبحت ورحت للامام صليت وزرت
وبعدين رحت للمقبره وصلت توها الشمس شارقه اخذت
ماي ورد وبخور وغسلت قبر ابوي وامي ورحت
على قبر فواز غسلته وشعلت يمه بخوور وكتله
:فواز تره الامانه ثكيله وما مفتهم شي منها --تكسرت العبره
بكلبي ما اتحملت صحت --
::ولك فواز ليش هيج سويت بيه دمرتني ودمرت عطاء ولك
فوازعرفت شگد عدك املاك
وكله تعبنا راح يروح الرضوى جنت ما اخلي بخاطرك واكول
الجيب واحد طلعت تشتري عقارات
ومزارع وانا ما ادري ليش يا خوي ليش ولك خويه ليش وهاي
التوفت وياك منين وشنو قصتها
ماتت ومات السر مات وياها او وياك لو ما طالعه ابنيه ج

ا
كلت هاي هي ام جهالك الي ما ادري
وين همه ولا اعرف اوصل الهم
ظليت كاعد وانا مره ابجي ومره اعاتب بفواز بعدين درت
الامي وابوي وانا ابجي واكول
:يابا يمه ساعدوني والله محتار وتايه يمه لاتزعلين عليه جي
اخذت كوثر يمه اتعذبت من اخوي
وما جان كدامي حل الا اخذءكوثر الي ما قصرت اذتني موتتني
قهر يمه فدوه ساعديني
ارضي علي يمه فدوه ارضي عليه من ترضين كل مشاكلي
تنحل
ورجعت وانا احس بهدوء مو طبيعي رجعت الشغلي وصرت ما
اروح يوميه للبيت لان اشوف كوثر
وانا حتى نفسي تلعب من اشوفها بس متحمل حجي ما
احجي وياها ولا اتقرب حتى ماي ما اشرب من ايدها
اروح للشقه واسبح واكل بالمحل لو ابيت خالتي ام بهاء رغم
خالتي تكلي دير بالك من بت صبيحه جاريها
بس شجاري اذا هي كلبه بت كلب تميت اسبوعين
وبعدبن وانا متمدد واجت يمي صارت تبوس وتبجي وتعتذر
وما اسويها وهاي الحبوب بايدي
وشربني بس لا تعوفني انا احبك ومن هالحجي بس انا كوه
عليه اتقربت الها وفهمتها انو اذا طلعتي حامل
لو تضحكين عليه بالحبوب بايدي اطرحج لان مو انا الي تلوي
ايدي مره
كوثر /:لا والله سلام انا منو يفيدني غيرك انت رجلي ابو بيتي
::اي تعودت على هذا الكلام يومين وترجع حليمه العادتها
القديمه
كوثر //سلام انت تدري بيه احبك واموت عليك وانت تتعمد
تغثني وتقهرني
::لا حبيبتي مو انا انتي ما عندج ثقه بنفسح وبس ملتهيه
تراقبين بارملة فواز وتسمعين الامج
كوثر /:مو بيدي سلام اكرهها لان من جنا زغار اخذتك مني
وفضلتها عليه
:ليش ما تكلبين صفحه
كوثر /:احنا جاي نحجي ليش صرت عصبي
:مو عصبي اريدج تفهمين انتي زوجتي والشي الي صار ماضي
لازم ننسا بس انتي مو بيدج
ناسيه نفسج ومتعايشه ويه ماضي ابد ما يرجع
كوثر/:يعني افهم انو رضوى ما الها مكان بكلبك ما تتزوجها
من تخلص عده
ضربتها ضربات خفيفه على راسها وانا ابدي الزمها اكسرها ::
من اكول غبيه محد يصدكني
ومن اكلج لاتسمعين الامج ما تفتهمين ولج شلون الي نفس
اخذ مرت اخوي لا والي خانتني
ويا بس انتي وامج مريضات هي حجايه كوثر حافظي علي
واحتويني لان انا بحاجتج ومحد ايفيدج
غيري لا تبقيين تسمعين الامج تره صدكي ما تفيدج
هي كامت علي تحضني وتبوسني وتكلي /:اوعدك سلام بعد
شتكلي اكلك صار وما اسمع بس الك
ورجعنا هي ساكته ومطيعه واهلها يجوون شويه ويرحون وانا
متحذر اتذكر كلام خالتي ربيعه الى ان اجاني عمي
صاحب هو وسهير


يازمن لمن رحت وخذت وياك الابتسامه
هذا ياليل اليمر اكدر انامه
ليلي ظلمه وروحي غربه والوكت وياي واتذكر كلامه
ااه يليلي وحسرتي
اااه يادمعي وغربتي
ااه ياروحي البقت بس للملامه


#بارت16
/////////////////////////////
رضوى
من جابو خبر فواز ما اعرف شنو كان احساسي وانا اشوف
الناس تبچي على فواز
فواز الي جان الي سد منيع جان قوتي بلحظة ضعفي فواز الي
جان اخوي الي بجاله مدللا وراسي عالي الي
يكول رضوى اختي وانا اخوها عن مية رجال لكن بذيج الليله
المشؤومه راح كل شي وطاحت صورة فواز الاخ
والعضيد بقت صورة فواز النذل الي نفسه دنيه على خطيبة
اخو
تدرون كرهته واتمنيت اكتله مووت جنت من اشوفه اكره
نفسي واحقد علي
اشلون الك نفس وانت تكلي رضوى انتي اختي
بقيت ست اشهر وانا انتقم من نفسي مره بالانتحار ومره
بالبجي ومره لا بالتحدي خصوصا
من صبيحه وبتها وسهير لمن اتمادن علي
بذاك اليوم من وكفت استعطف سلام بنظره ان يدافع عني
وهو ساكت بس من اجه فواز وسكت
الكل وكال بيتي وبيت مرتي والي يدخل يحترم راعية البيت
صحيح حسيت بالامان والشماته
من كوثر وامها لكن كل هذا ما شفع الفواز ولا غير نظرة الحقد
والكره اله
اتذكر لمن كطعت شريان ايدي واخذوني للمستشفى وعرفت
من خاله ام بهاء انو سلام هو اتصل
بيها لان هو اجه يسوق بالسياره ويه فواز عبالهم متت
اجاني فواز ثاني يووم للمستشفى واتذكرت حنيته من جنا
زغار وخوفه عليه باوعلي وكلي بعتب
1
- - رضوى بعدج تحبينه حتى من صرتي مرتي
جاوبته بعصبيه = لا تكول مرتي العقد باطل والله وانت تعرف
العقد باطل
فواز عض على شفته //ادري رضوى وهسه امر واقع شتردين
صرت ابجي واكله =فواز اريد الحقيقه اريد اتبرأني وتبيض
صفحتي حرام عليك الله يخليك اتوسلك انت مو تكول
انا اختك اريد الصدك محتاجه احافظ على احترامي گدام
نفسي وگدام الناس
فواز رد بهدوء //؛اشش رضوى لاتبجيين الي تريدي يصير
بس انطيني مجال انطيني وكت اصحح
كل الغلط الي صار
باوعتله =احلف
/:وداعتج
هزيت راسي وانا ابچي =لا كول وداعت رضوى اختي وداعت
عطاء
هو من سمع باسم عطاء جر حسره وكال /:خطيه انظلمت من
هي زغيره وانوب انا كملت عليها
انا بقلة صبر =هسه فواز احلف
فواز/:وداعت اعز اخت بالدنيا رضوى وداعت عطاء التردينه
يصير بس محتاج وكت واريدج تساعديني
بدون ما تسالين
ورجعنا للبيت وصارت هواي اموور انا ما اباوع بوجهه ولا
اسولف ويا ولا انزع الحجاب كدامه وه

و هم لا يخابر
ولا يسولف حدا بس يجيب الاكل وما انسى من علمني على
الرقم السري مال القاصه وامني على ذهب عطاء
وبيوم الي يريد يسافر اخر مره اجه وجنت كاعده بالغرفه طلع
ملابسه وراح للحمام وطلع مشط وخلا ملابس اله
بالجنطه وباوعلي وحجى
::رضوى هاي اخر سفره وبس الله يكتبلي وارجع راح احجي كل
شي وراح تعرفون كل شي
وسلام راح يتزوجج بس يبقى شي واحد وهو انتم كلكم راح
تكرهوني
جاوبته =لا فواز انا مو على مود سلام يتزوجني بس انا بنظر
الناس ونظر امي واختي خاينه والله يدري
وانت تدري انا مو خاينه
فواز /: رضوى انتي مكرمه انتي مو خاينه انا الخاين انتي
ضحيه وكلهم صارو يكرهونج من وراي
بس وداعتج وداعت خوتنا يارضوى ما باوعت الج الا مثل
اختي ومن اجيت ذيج المره ردت
اجربج كلت اذا تقبل بالوضع انطيها حقها كزوجه بس انتي وين
اكو مثلج وفيه وما تخونين
انا اتدنيت منه وكتله =فواز عفيه سويلي حل الله يخليك
فواز /:ان شالله اسوي وما يصير خاطرج اله طيب ومن
اخابرج او ادز مسج اخاف اريد فلوس
شي اتصرفي على كد كلامي
=ان شالله
فواز/:رضوى انتي اختي وتاج راسي واريدج تسامحيني ع الي
سويته والي راح تعرفينه ابد لا تكرهيني
تستمر القصة أدناه

= ليش الچذب انا كرهتك واتمنيتلك الموت لكن بعد الي
صارفواز انت اخوي كافي السويته وما خليت احد يوصللي
اتقرب مني وباس راسي وكلي /:بعده ابطن امه الي يمسج
بكلمه او يحاول يتقرب عليج الا احسب الله ما خلقه
وحتى من اموت محد يوصلج
=جاوبته وگلبي رجف =اسم الله عليك
هو ضحك وگلي //لا تگولين خايفه عليه ادري بيج تردين
تموتين على اسليم الله يساعده اخذ كوثر شلون عايش وياها
انا ضجت ==منو گلك ارجع له رجال اتزوج عسا بالخير
هو هزلي راسه ويضحك رغم مبينن علي التعب والحيره ويگلي
//والله چذب تردين تموتين من الغيره اختي واعرفچ
(بعدين باوعلي وگال )مع السلامه اطمني كل شي واله حل
انا هدئت من كلام فواز الي بث بيه الامل گتله =الله وياك
توصل بالسلامه
باوعلي وگال //ديري بالج على نفسج وما عليج باي شي يصير
انتي اهنا ام البيت ومحد لو يتجسر ايسمعج كلمه
ما اعرف ليش حسيت بيني وبين نفسي بعد ما اشوفه الفواز
ما اعرف هيج حسيت
وفعلا جان احساسي بمكانه من جابو الخبر وانو جانت ويا بنيه
بس قبلها هو دزلي مسج
رضوى طلعي 150 مليون وانطيهن العمي رحمن هسه يجي
انا طلعت وخليتهن بعلاكه بالكنتور كلت بس يجي رحمن
انطيهن لكن بدل ما يجي رحمن جابولي خبر فواز
من سمعت الدنيا اظلمت بعيني وحسيت بروحي فارغه ما
صرخت مثل اخواته لو مثل كوثر لو امها
لو سهير لا بس دموع وروحي مبهوته وانا اباوع العطاء وشلون
تعاتبني بعيومها وتكلي
:انتي السبب بعدتيني عنه وهو يحبني وما خليتيني ارتاح ويا
ولا يشوف السعاده وياي
انغمى عليه وامي وخالتي صارن يغسلن وجهي وانا اباوع
واسمع كلام النسوان
- خطيه يجوز حامل الله يساعدها بعدهي زغيره
- وهاي الي ماتت ويا بالسياره منو هسه مرته شناقصها ويدور
سوالف مكسره
وهواي كلام ولغط بقيت اباوع بعيوني وساكته ومن جابو وخلو
ع الجربايه اتدنيت من التابوت وفتحته وانوب
ميلت القماش عن وجهه شفته ما بي شي عبالك نايم كت
الخاله ربيعه خلي يجن اخواته وعطاء انا ردت بس عطاء
تشوفه وتبري ذمه لان اعرف هو يحبها وهي تحبه ودخلت
عطاء واخواته الي ما قصرن بالكلام والمسبه عليه
وطلعوهن وبقيت انا ويا اتقربت منه وبقيت احجي واعاتب
وابجي
وبعدها ودعته بيد الله ورشيت علي العطر الي يحبه وبسته
بخده ورديت علي القماش وطلعت النزله خليتها من
اجو الزلم انا كتله
...الله وياك فواز الله يهوون عليك
اهنا انا صرخت وطلعت عبرتي
وطيلة ايام الفاتحه انا كاعده يم النسوان واخواته وصبيحه
وكوثر وعطاء وسهير سوون جبهه يذبن حجي انا انطيت الاذن
الطرشه خصوصا وانا ما اعرف شنو راح يصير من اهل البنيه
جانت تجي نسوان من الي يحبن القال والقلت يحجن /:يا
شبي خاطب وما يكوول اشو مرته تخبل
ونسوان يكولن /:لا يمعوده هي صاحبته وطالعه ويا بس همه
سووها خطيبته على مود يداروون الفضيحه
انا ما مهتمه لان انطي الفواز العذر ومنو ما جانت هاي البنيه
راحت واندفن السر وياها
يوم الثالث بالليل قررت امسك عده ورحت سبحت ونويت
ولبست ودخلت للغرفه الغرفه الي اول مره احس بتانيب
الضمير ليش ما خليت فواز ينام بيها ليش قسيت علي
جانت صورته وياي من اكعد من انام من ابجي ابتسامته
الحلوة
(تره انا للموت ابقى احب فواز وما اكرهه احبه مثل اخوي وهو
اخوي )
انا من اتوفه فواز ما نمت على الجربايه كله انام بالكاع ما
اعرف اتخيله وابجي واحس بي شكد انحرم
تستمر القصة أدناه

ليلة السابعه كملو الختمه وبقن نسوان ع العشا وبعدين
سلمن وطلعن وانا دخلت الغرفتي وما احس الا
الباب انفتح واجت زينب وغدير امي وخاله ام بهاء جانن يمي
وهنه يكللي
زينب /:رضوى بسرعه انطينا مفتاح الغرفه ولمي جوالاتج
وطلعي
انا ما جاوبت بس بقيت متفاجئه ام بهاءءطلعت وامي حجت
عمه شنو هالحجي رضوى بيا حال وهيج

تحجن وياها
غدير باستهزاء /:اسم الله وشبيها اخونا الراح من فكرنا وهسه
بدوون مطرود اطلعي انتي وبتج
وصار حجي هواي جانن ناويات ع الشر واذا ما اطلع يجوز
يضربني انا وامي بس سمعت صوت سلام
وهو يصيح عليهن وشلون لبسهن العبي وطردهن وظل يحجي
وانوب كال الامي ورقيه وخالتي يتناوبن
لان ادري بي يخاف علي من صبيحه وكوثر
ثاني يوم اجت خاله ربيعه وامي واختي وخالتي قسيمه بعد ان
كللولهن سلام رايدجن وسولفن
بالبدايه انا كلت =لا الفصل تشيله العشيره خصوصا وانا
اعرف فواز شكد جان يخسر للعشيره
لكن من سمعت انو ممكن يكتلون سلام والناس تتعطل
امورها وسمعت شلون سلام كال ابيع كل شي وافصل
ولا اخوي ينسب بگبره انا كمت وطلعت الفلوس وانطيتهن
الخالته
بعدها كل شي ما سمعت عن سلام انا بس مقداد احجي ويا
ويجي هو ورقيه ويدخل للغرفه باعتباره زوج اختي
محرم عليه فد يوم انا دزيت على مقداد واجه طلعتله فلوس
وكتله
=ابو احمد رايدتك بخدمه
مقداد /؛تامرين رضوى كولي
=اريدك تروح للنجف وهاك هاي الفلوس اريد تبني قبر فواز
وتسيجه وتخلي فوكه مثل القبه واريد هذن
الصور --راويته صور بالنقال -اريدهن تخلوهن بكل جهه
واريدهن كبار وشكد يكلف ادفع
مقداد /:صار رضوى الي تردي بس اخو عمامه
=انت مالك غرض ولا تجيب طاري الكل احد اتصرف وما
عليك
مقداد/:ان شالله عكب باجر اسافر اتامرين امر
=شكرا خويه ابو احمد
انا ما اطلع من غرفتي بس من يجن النسوان للقرايه وعرفت
انو خاله ربيعه وامي كايلات السلام على زينب
وغدير يسمح الهن يجن كدام الناس وصارن يجن ما يحتكن
بيه كاعدات يم سهير وصبيحه وبس تخلص القرايه
والعشا يرحن لاكلمه زايده ولا كلمه ناقصه
وصار الاربعين وراحو وبقت يمي رقيه ومقداد ورجعو وهمه
كلهم حزن انا لاكيت امي وخالتي وانا اشهك
من البجي واسال بامي /:يمه شلونه فواز
امي تبجي وتكلي /:يمه هو الجوه التراب شلونه ابو ضحكت
الحلوة والعيون الي يخبلن والخد اليلمع كله
صار جوه التراب رحنا كل شي ما حصلنه عمت عيني عمه فواز
لا ولد ولا تلد
انا بجييت كلت بكلبي/: يمكن لو متزوجين جا هسه انا حامل
بطفل شايل اسمه ااخ منك متت والسر مات
وياك عبالي تلحك تبيض صفحتي
بقيت لازمه عده وشفت شلون خالي طاهر لزم صبيحه وكوثر
وكطعهن لان عرف شنو حاجايات بس وره يوم
اجت كوثر وهي تسمعني عود سلام نام وياها
انا سلام ما سامعه صوته من ليلة سابعة فواز وعرفت من
امي وخالته انو اكثر الايام يبات لو يم فارس لو بالمحل
وساعات يجي بالليل للديوانيه
الصبح من يطلعون اطلع شويه افتر بالبيت لان الصبح بس
سهير تبقى نايمه كوثر وعطاء يداومن وانى صفا سوتلي
تاجيل لان ماسكه عده
جنت دائما اقرا قران واصلي الفواز وابجي علي خصوصا من
اتذكر كعداتنا سووا انا ويا وسلام وعطاء
فواز الي مات وماتت كومه اسرار ويا
اجتني رقيه تبات يمي وحجتلي
رقيه/: امس مقداد مر على سلام للمحل على مود ولد صديقه
يريد بضاعه وما جوه ايده فلوس
=اي وشلي غرض
رقيه /:على كيفج رضوى مقداد يكول شاف يمه رجال يكول
انا محامي المرحوم فواز وعرف انو جاي على
مود يحصر التركه بينج وبين سلام
=يا تركه رقيه
رقيه //شنو يا تركه اموال فواز ورثج من رجلج ناسيه فواز
رجلج
=والله ولا على بالي هذا الشي
رقيه /:بس هسه خلي يصير على بالج ناسيه فواز شكد عده
فلوس
=اسكتي رقيه مو وكت هذا الكلام
رقيه /:جا يمته وكته اسمعي رضوى لا تتنازلين عن فلس
واحد من حقج مو بس اتكبعتي بالعار والمذله

انا من سمعت هيج صفنت وصارن عيوني يجرن اجت يمي
رقيه وكلتلي
- - ليش تبجيين
باوعتلها وانا مبرطمه =ليش ابجي والله يارقيه ما ادري ابجي
على حظي لو على فواز الراح محسر وكل شي ما حصل
رقيه/:رضوى خيه فواز الله ويا بس انتي لازم تنتبهين النفسج
=اعرف بس هسه مو وكت هذا الحجي فدوه ام احمد كلي
المقداد لا يحجي يم كل احد عفيه خليني اخلص العده
وبعدين يصير خير
رقيه/:اطمني اصلا مقداد هو كلي لا تجيبن طاري لان يصير
بيها حجي وتدخل خصوصا من يشم خبر طاهر وصبيحه
بقيت صافنه على روحي واحجي ويه نفسي =شنو انا اورث
فواز باي حق وشلون اخذ شي مو الي
بعدين اكول =انا زوجته حتى لو ما ماسني بس كدام الناس انا
زوجته
ويجيني صوت =وكدام الله انتي شنو رضوى
=اهوو عليج يارقيه انا عايزه همووم وانتي جملتيهن
=خلي اخلص العده وبعدين يحلها الحلال
وتمييت بالعده ويتناوبن عليه امي ورقيه وخاله ام بهاء الي
احس بيها تعرف نفس الشي الي فواز يعرفه بس
ساكته ليش ما ادري

سلام
جنت كاعد بالديوانيه وتوهم طلعو بيت عمي طاهر وطلعت
وراهم كوثر على مود تبدل لان هي ماتنام بملابس
سوود فجانت ترووح للغرفه تغير ملايسها وتجي مجرد ما
طلعت راسا رجعت وهي تكلي
كوثر/:سلام اجه عمي صاحب وسهير
انا استعدلت بكعدتي لان جنت متمدد دخلو وسلمو وراحت
كوثر جابت ماي واجت جانت الساعه تقريبا
11 وربع عمي صاحب كال الكوثر //عشتي يابت اخوي الورده
بس عمج اليوم

مشتهي شي من جوه
اديج الحلوى
كوثر بقلة صبر //كول عمي شنو مشتهي
صاحب /:كوثر انتي تسوين كيك حلو وانا حتى ما اتعشيت
كلت اجي وكوكا اتسويلي
كوثر /:تدلل عمي باجر من عيوني اسويلك هسه الساعه 12
صاحب /:اكلها ما متعشي تكلي باجر دكومي كومي
انا اشرت الكوثر بعيوني يعني كومي سهير كالت /:روحي كوثر
للمطبخ وانا جايه وراج بس اخلي الجهال يم ابوهم
وراحت كوثر وهي مزعوجه وعمي صاحب ولا يمها من طلعت
كامت سهير وباوعت وراها واشرت
العمي يعني راحت عمي باوعلي وهو شبه مبتسم
- - تره سلام انا ما احب الكيك ومتعشي بس ردت احجي وياك
وكوثر ما موجوده يعني الحجي بيناتنا
::عمي خيير شصاير
صاحب /:كل خيير بابا اريد احجي بخصوص اخووك الله
يرحمه
::الله يرحمه شنو عمي وضح
صاحب /:تعرف ياسلام انا فلوسي خسرتهن وحتى لو بقى
عندي شويه ما يجيبن غرفه بهذا الغلا
::اعرف عمي بس انت غلطان
صاحب /:هسه الصار صار ما يفيد العتب
::صدك مثل ما تكول شنو مطلوب مني
صاحب /:سلام عمي انت مو كلت اشوفلك حل تره عمي مو
هينه عليه انفضح تالي عمري واطلع بايع حصة
ابوي وحتى غرفه ملك ما عدي لو باجر رضوى تطردني
:انت شتحجي ابو انمار رضوى تطردك شنو بكيفها هذا بيتك
وانت تكعد وياي
صاحب /:لا والله عمي اطلع من البصره كلها ولا اكعد وياك مو
بيك شي لا بس يم طاهر وصبيحه بالرايحه
والنازله كاعد بحلال بتنا من ترجع للصدك رضوى ارحم منهم
انا ابتسمت من جاب طاري صبيحه وطاهر كتله
:: لا والله تكعد انت ومرتك وجهالك معزز مكرم وابن امه الي
يفك حلكه اله اعتبر امه ما جايبته
صاحب بقهر يحجي /؛عمي لو تردلي بس انا سهله انام بالتريله
متعلم وحتى انمار واخو تاخذهم سهير
الاهلها بس انا افكر بهاي المسكينه بعطاء الي كل عمرها ما
شافت راحه عاشت يتيمه وهي امها وابوها موجودين
گلت تاخذ فواز وترتاح شويه بس الله ما راد الها الراحه
انا تقربت منه لان حسيت شكد هو مقهور بسته براسه وكتله
::عمي لا تضوج ولا تنقهر باجر اشوف المحامي وما يصير
خاطرك اله طيب
صاحب/:عمي المحامي يتعامل بورق ومستندات وهو نفسه
رافت المحامي الي سووا سند البيع الفواز
هزيت راسي // مي خالف احاول واشوف ويصير خير انت
بس لا تضوج
سهير/:تدري بعمك لا ياكل ولا يشرب يكول المصيبه من
يدري طاهر شيسوي وشراح يحچي
:محد راح يدري انا احلها
صاحب /:اكلك سلام انا باجر ارووح احجي ويه رضوى
:ها شتحجي شتكلها وهي بعدهي ما تعرف شي
صاحب /:هي بعد اسبوعين وتكمل العده وكل شي ينكشف
انا خلي ارووح اشوف شنو مايها
:: شلون عمي شتكلها
صاحب /:عمي انت مو كلت من اجاك المحامي جان مقداد
موجود وحجى كدامه وانت ما خليته يكمل اكيد هسه
مقداد كللها بالي سمعه خلي اشوف شنو حجيها
:بكيفك عمي بس لا تطول وياها خلي كلامك كلام عابر
سهير اتقربت عليه وگالت /:اكلك خاله سلام انت ليش ما
تتزوج رضوى
انا كانما صافن وانضربت راشدي رفعت راسي ::شنو ام انمار
انتي شتحجين
سهير وكفت وراحت يم الباب ومدت راسها ورجعت /:سلام
هذا هو الكلام الي لازم ينحجي شنو نسيت
انو كل هاي الماليه انت شريك بيها مو انت جنت تشتغل
حالك حال فواز لا والله اكثر اقلها فواز يسافر
ويتونس وحتى من مات ماتت ويا وحده ما نعرف منو وشنو
وضعها
::ام انمار اذكرو محاسن موتاكم
سهير تكسرت العبره بصدرها وبجت /:الله يرحمه فواز بس مو
حق رضوى تاكل تعبك وهي بقت ويا يومين
خلصتها بالمستشفى يوميه منتحره وحتى مو حامل شنو
باعت اشترت فواز خلصها ركضه وشغل وانت نفس
الشي خاله سلام انت من تاخذ رضوى تحافظ حتى على اسم
اخوك ليش تاخذ واحد غريب وياخذ حلال فواز
خو انت اولى بهذا الحلال
صاحب /:والله سلام كلام سهير بمكانه شنو عبالك رضوى ما
تتزوج ثق بس تاخذ ورث فواز الف واحد يخطبها
على فلوسها
سهير /:مو بس فلوسها لا هي بنيه وشابه وحلوه وراح يصير
عدها خير صدگني ما تبقى والله يمكن ما تدور
سنة فواز الا هي متزوجه وتلعب بتعبك وتعب فواز هي والي
تاخذه
( بعدين سهير باوعت للباب وباعتلي وگالت كأنما تذكرني -)
- - بعدين سلام ندري كلش زين انت جنت تحبها وصار الي
صار حرامات حلالك وحلال اخوك يصير فال الغربه
صاحب/:سلام الحجي ابيناتنا ذاك اليوم صبيحه تكل السهير
بس رضوى تخلص عده تاخذها الصلاح انا ما
صدكت اشو بس شافني طاهر عاد نفس حجاية مرته
تستمر القصة أدناه

انا من سمعت هذا الكلام صار كلبي يرجف واحچي ويه نفسي
وانا اهز براسي
:: من هيج كوثر جاره عدل هي وامها وابوها انا الكم
اسمع عمي صاحب يكلي //سلام سلام هسه شكلت
:: هاا عمي يصير خير كل شي بوكته حلو
صاحب /:ماشي عمي انا احاول باجر او عكبه احجي وياها
واشوف
هزيت راسي :: احجي وشوف وانا باجر هم اروح اشوف
المحامي
وراحت سهير يم كوثر اثاري هي كل شويه تباوع تخاف تجي
كوثر وتسمع الحجي من طلعت سهير
حجيت ويه عمي /:عمي انت مالي ايدك من مرتك
هو باستغراب //شلون يعني ؟
:: يعني ام انمار ما تحجي الصبيحه لو الكوثر
صاحب /:لا ما

تحجي لان سهير هم محتاره مثلي اذا تروح
الاهلها منو يحملها لو يحمل جهالها
جاوبته //عمي انت شتحجي هذا بيتك لو اعرف انطيك
حصتي وانا اطلع شنو انت من كل وعقلك
اعوفك تطلع ابيت اجار لو تجهول بتك وجهالك
صاحب /؛الله يرضى عليك عمي سلام الله يرضى عليك
ويسامح اخووك
انا كتله ::العفومنك عمي بس اخوي ما كلك شارك ناجي
وانت تعرفه كلش زين واحد لا ذمه ولا ضمير
صاحب /:لا عمي تره ناجي خسر حاله من حالي
انا باستهزاء ::متاكد
صاحب //اي طبعا متاكد
::عمي الخسران ما يبدل سيارته وياخذ ابدالها سياره اخر
موديل
صاحب يطلع اعذار النسيبه //لا عمي سلام هو كلي سيارته
متعبته انطاها ال ابو المعرض صاحبه قصد
علي الفلوس الباقيات
انا اعرف بيها جذب بس ما حبيت احرج عمي خصوصا وانا
اعرف علاقة عمي باهل مرته كتله
:: مفهوم عمي ما طول هيج الله يوفقه
وتمينا كاعدين واجت كوثر وسهير كوثر ابدها تلزم اي واحد
كدامها تموته هي جابت الكيكه وسهير الجاي قدمن
وصبتلي سهير انا كتلها
::لا ام انمار ما اشرب جاي اريد انام وراي شغل
سهير /:ها سلام كابله وبزه بعينه رحم الله من زار وخفف
كوثر //اي والله عمه حدنا تعبانين وباجر دوام
سهير ردت بعصبيه //على كيفج عيني صاحب اجه يشوف
ابن اخو ضاكت عينج شحال لو ما اهلج يوميه
الهيج وكت وهمه بعدهم گاعدين يشربون جاي وانتي ما
تحجين صحيح الصبح تداومين بس الظهر كاظيتها
بس نوم للغروب وساعات لليل گبل ما يجي سلام تگعدين
كوثر /؛يا عمه انا شكلت وانتي زعلتي اسفه والله مو قصدي
جاوبتها ::لا ام انمار تره كوثر ما تقصد شي لا تاخذين ابالج
جهالهم جانو يلعبون يمنا هي باوعت الكوثر وكالت الها بخبث
/:شنو ما ناويين تجيبولنا ابن عم النموري
كوثر اتحسرت وجاوبت بخبث اكثر منها /:الله كريم يصير ان
شالله بعد وكت
صاحب /:يا بعد وكت لا عمي سلام مو زغير ويرادله جاهل
سهير /؛اسكت صاحب كله من ابن اخوك هذا الي تشوفه
اباوع الكوثر اتبدل لونها وجهه ينطي الوان
صاحب /:شبي ابن اخوي
سهير /:عليك الله صاحب هم يصير واحد ينطي المرته بيده
حبوب منع الحمل بحجة اكون نفسي وبعد
وكت اليوم اجتني صبيحه وكوثر وكالتلي كلي الصاحب خلي
يحجي ويه سلام وانا نسيت هسه توني اتذكرت
صاحب باوعلي /:صدك سلام ليش عمي
رديت وانا اخزر بكوثر ::بعده وكت ابو انماار بعده وكت
يصيرون ان شاالله
صاحب /:لا عمي شنو بعده وكت لازم يصيرون عندك جهال
وعزوه انا ما اقبل انت وحيد ومو زغير شد حيلك
اتحسرت ::ان شالله عمي يصير خير
صاحب /:ياالله سهير خلي نصعد عطاء ابحدها
سهير /:هم صدك ياالله (وگفت سهير ) تصبحون على خير
صاحب /:تصبحون على خير ومشكوره كوثر ع الكيكه كلش
طيبه
كوثر ما جاوبت وانا وكفت كتلهم ::وانتم من اهل الخير
1
تستمر القصة أدناه

من طلعو كوثر شالت الصينيه ورجعت تدردم وهي تحجي
- - جايني صاحب نص الليل يتامر يريد كيك عبالك خدم عنده
ما ياامر مرته يخاف منها لو بته انا شكو
هي باوعتلي شافتني بيدي الموبايل والسويج تريد تحجي انا
اشرت باصبعي
::اششش ما اسمع نفس حقيره ما توبين ياكلبه اشلون اامن
يصير عندي طفل منج وانتي سالفه خاصه بينا ما
كدرتي تضمينها كل ما اكول استعدلت اطلع غلطان
كوثر بنتر //عليمن غلطان حقي يصير عندي جاهل حالي حال
كل مره وهذا العذر مالت اريد اكون نفسي
واريد اطلع وما اعرف شنو يفيدك اصلا انا اريد يصير عندي
طفل
جاوبتها وانا اجر نفس ::صار وحقج ومن باجر اكطعي الحبوب
لان راح اطلكج واتزوجي واحد غيري وجيبي
منه عشره انا تحلمين بعد اووصل يمج
كوثر صارت ترجف مو من الخوف لان عدها كلام تريد تحجي
/:طلك سلام مردك الي مو عبالك تاخذ رضوى
لان ابوي قرر يزوجها الصلاح
انا رغم جنت اتمنى الزم كوثر واطك راسها بالحايط بس لزمت
نفسي /:بالعافيه على اخوج وابوج وامج بس هم
ما ارجعج لو شيصير الا اللهم امج ام السحوره تسويلي سحر
وترجعني بس افتهمي يا بت الناس انا اكرهج
اكرهج من تصرفاتج
كوثر تهز بايدها //لا انت تكرهني مو بسبب تصرفاتي بسبب
الارمله السوداء بس وداعتك اله اخلي صلاح ياخذها
واطلع حيفي بيها اكرهني سلام مو مشكله اصلا انا ادري بيك
تكرهني بس شوف اله اخليك تباوع الها
وتتندم اله اذلك بيها واخلي صلاح كدامك يكطعها ويصلخها
مثل لمن شفتها بحضن اخوك تتذكر اله اخليك
تصير مثل الطير المذبوح تفرفح وما تكدر توصلها انا الك بس
اصطبرلي وتدلل
ما كدرت اسكت اتقربت منها وخنكتها وكتلها /:من يوم يومج
حقيره وتربية شوارع
شمرتها وطلعت هي طلعت وراي تكلي باستهزاء //لا تنسى
بعد عشرين يوم معزوم على عرس حبيبة الگلب
وضحكت بعصبيه وشماته انا صعدت بالسياره والصورة ابالي
شلون صلاح يتزوج رضوى هاي كوثر
هي وامها مخططات الكل شي اتذكرت عفاف ومرت ابوها
اتصورتها تشبه صبيحه
وصلت للشقه فتحتها ودخلت الغرفتي شكد متندم لان
اخذت كوثر بس لازم اطلكها هالمره لا خالتي ولا عمي
يلزموني الصبح كعدت رحت للمحل جان عندي شغل الفوك
راسي ما كدرت اروح للمحامي ثاني يوم رحت بال

ليل
واستفسرت عن هواي امور هو رفض يطلعني عليها الا
بحضور رضوى او انها تنطيني وكاله بس انا كتله اريد
اعرف حقي شنو لان قررت ابيعه واهاجر
المحامي جاوبني //استاذ سلام انا عندي المستندات الي
تخصك او الي كاتبهن الك اخوك هسه اجيبهن وتطلع عليهن
من وكف يريد يطلعهن اجو علي جماعه عدهم قضية حصر
ورث لذلك انا كتله
:: استاذ شوف الجماعه وانتظر باچر ان شاء الله منك تلفون
ورجعت للشقه
اتمددت ع الفراش واجه فارس سالني //ها شسويت ويه
المحامي
::ما قبل يطلع الاوراق الا بحضور رضوى
فارس //تحچي صدك والتالي شلون
ورثت جگاره وگتله //فارس انا تايه ما اعرف شلون اتصرف
اتصور بعدهي ما مستلمه ولا فلس وعمي
طاهر يريد ياخذها الصلاح لا وصبيحه وبتها يردن ياخذنها على
مود يذلنها
فارس/:شبيك سلام شنو يذلنها من كل وعقلك تحجي شنو
رضوى زغيره لو ما تفتهم تره انسانه واعيه مثقفه
شنو يذلنها شنو عمك ياخذها الابنه انت وين عايش
::والله ما ادري فارس انا هم مليت لذلك قررت اصفي اموري
واهاجر
فارس/:قصدك تشرد
باوعتله وانا عاكف حاجبي ::شنو شتگول منين اشرد
فارس يهز براسه /: اي سلام تشرد من كوثر وامها ومن رضوى

هزيت راسي :: مو صحيح فارس بس انا انسان مذبوح وجاي
امشي گوه ما اريد احد يتورج علي كله ضامه اهنا
- - واشرت على كلبي --
فارس باوعلي /:سلام ادري وحاس بيك هسه انت لاتفكر باي
شي نام وارتاح وربك يحلها
::لا فارس قررت وما اتراجع اطلك كوثر واهاجر هذا اخر كلام
فارس /:نام خويه تبات نار وتصبح رماد
بقيت افكر وانا ادخن جگاره تخلص اورث الثانيه ما اعرف
يمته نمت وشلون وانا افكر بكلام سهير
من تكلي اخذ رضوى ولا تضيع تعبك وكلام كوثر من تكلي
اذلك برضوى من اشوفها عد صلاح وهو
يضرب بيها وصبيحه وكوثر متهنيات بالحلال والفلوس الصبح
صار شي خلاني
اعيد كل حساباتي من جد وجديد

يتبع

١٧__١٨

#البارت17

////////////////🌷🌷🌷///////////////
العوض باالله #
لكن عمري شيعوضه 💔😢
انا السويت كل شي وما گعد حظه 😭
////////////////////////////
سلام
كعدت الصبح جنت كلش تعبان والهموم الفوك راسي فكرت
بكلام فارس انو محد يكدر يغصب رضوى تاخذ
صلاح وبنفس الوقت اتذكرت كلام خالتي ربيعه لمن تكلي
- - يمه سلام دير بالك من صبيحه وبتها هذن كل شي يخطر
ابالك يسوون

وصلت للمحل ودخلت للمكتب وصحت ع العامل يجيبلي
جاي راح ورجع جايبلي كوب جاي وطاسة باكلا
وصمون حار كلي //عمي اتريك مبين على وجهك التعب
وطلع العامل وانا صرت اكل باكلا وصمون وشربت جاي واجه
عليه واحد معميل اشترى وخليت العمال يحملوله
البضاعه قريب الساعه عشره اجاني عمي صاحب سلم عليه
وكعدنا وصيتله على جاي هو كلي
- - عمي سلام وصي العمال محد يدخل علينه
انا صحت على عزوز وفهمته محد يجي عليه لمن ما انا اكلهم
كعدت بصف عمي كتله
::خير عمي بوجهك حجي
صاحب بنتر //عمي ما تكلي انت وين من اول البارحه لليوم
::اهنا عمي موجود هذا انا كدامك خو مو شبح
صاحب /:يمعود ما دريت هاي كوثر وامها شسون بسهير
وانتي اله تكولين شنو محد ايسولف عليج
واجتني صبيحه اتكلي
كله من جوه راسءسهير سلام عاف البيت وضرب كوثر
انا جاوبته ::لا عمي شلها غرض ام انمار بس هاي كوثر ادب
سزز وما تصيرلها جاره تولي انا قررت اا
عمي صاحب قاطعني /:على كيفك انطيني مجال عدي شغله
ضروريه وياك
انا جاوبته /:شنو هاي الشغله خير
صاحب /:تذكر من كتلك باجر اروح على رضوى
::اي اذكر شنو شسويت
صاحب /:البارحه رحنا انا وسهير رحنا على رضوى جانت اختها
رقيه يمها سلمت وهي تلكتني وانا بست
راسها بس جان سلامها على سهير بارد
انا باهتمام ::اي عمي كمل
صاحب /؛انا وسهير كعدنا رقيه طلعت ماي وكالت
رقيه /:خالي المفروض نقدم شربت جي شفناك بس تدري
حزينين
صاحب/:لا خالي شنو نجربكم
بعدين باوعت الرضوى جانت كاعده بالكاع وسالتها //شلونج
خالي
هي جاوبتني =الحمد لله على الله
صاحب /:كلنه على الله خو ما محتاجه شي كولي مو تستحين
رضوى =خالي الحمد لله شاحتاج
صاحب /:ادري خالي بس الامر ما يخلو
رقيه /؛خالي هاي تقريبا اكثر من اربع اشهر من اتوفه فواز
شنو متذكر جاي تسال رضوى شمحتاجه
صاحب/:صحيح خالي بس انتي تعرفين الظروف هسه رقيه
انتي واختج اذا ما تريدينه نطلع وبعد ما نجي
گومي سهير خلي نطلع لان بنات اختي ضاجن
رضوى =شنو هذا الحجي خالي شنو تطلع بيتك هذا (خزرت
رقيه واشرت عليها ). هاي تولي ما تفتهم
رقيه // ليش رضوى انا مچذبه
رضوى // كافي رقيه الزمي السانج خالي امسحها بوجهي
صاحب /:تسلمين خالي اكلج يمته تخلصين العده
رضوى =ان شالله اسبوعين
سهير /:وترحين تزورين فواز
رضوى =اي ام انمار شلوون ما ازوره اروح انا ومقداد ورقيه
وامي
صاحب /:انا هم اروح وياكم
رضوى /:هلا بيك خالي
صاحب /؛جاما اخليج ترحين ابحدج اكلج خالي اريد احجي وياح
بموضوع بس لا تفهميني غلط
رضوى =اي خالي تفضل
صاحب/:خالي مثل ما تعرفين فواز الله يرحمه عده خير
وفلوس وانتي زوجته وانا خالي جنت محتاج واخذت
فلوس مقابل حصتي بالبيت بس الي صار الفلوس خسرتهن
والبيت بقى الج والسلام
باوعتلي رضوى وسالتني //والمطلوب شنو خالي؟
صاحب/:المطلوب حصتي بالبيت ترجع وانا على الطول اسدد
الفلوس
اهنا عمي صاحب ظل يحمحم كتله
:...عمي كمل ليش سكتت
اهنا عمي طلع نقاله وكال //سهير جانت مسجله الكلام كله
كلت اتسمعه احسن وانت تتصرف

وفتح عمي النقال سمعت صوت رضوى اول مره اسمعه من
اربع شهور رجفت خليت الهدفون باذني وسمعت
المحادثه الي خلتني اعيد حساباتي
رضوى بعتب =ها خالي وانا اكول جاي وره اربع تشهر انت
وسهير وشمحتاجه وما محتاجه اثاري عدك شي
سهير //عود صدك رضوى هيج تحجين ويه خالج
رضوى علت صوتها وحچت بنتر =اي احجي ليش لا مو انا
الزباله الي راد يكتلني مو انا كل ما يشوفني يتفل
بوجهي وانتي تصيحين الساقطه هسه جايين لان عرفتو انا
راح اورث فواز الله يرحمه
صاحب /:انتي شتحجين رضوى تعب فواز وسلام تردين
تاخذينه
رضوى =اي اخذه الشرع والقانون وياي
صاحب/:وتعب سلام مو چان شوفت عينج النهار كله ويه اخو
يشتغل شنو حلال حرام تاكلين تعبه
رضوى =والله خالي انا ما كايله السلام لاتاخذ حقك من اخوك
انا ما اعرف سلام ماخذ حقه متحاسب ويه فواز
ما متحاسب انا اعرف اوراق ومستندات هذا الي اعرفه
صاحب/:ولج انتي منتبهه شتحجين اشو طالت وشمخت
تاخذين حلال ولد اخوي هذا بعيد عنح شعبالج نخليج تاخذينه
تحلمين
رضوى =والله خالي انا ما ماخذه حق احد حق زوجي وانا اورثه
مثل ما كتلك شرع وقانون
سهير بهدوء //شلقصه رضوى عيب هيج تحجين ويه خالج لا
تنسين انتي ربيتي عد خوالج شنو هال

حجي
رضوى بنتر ==شنو شنو شنو شتكولين عيوني منو رباني هي
بس عمتي وسيله وخالي صبار الله يرحمهم
وانا ربيت براتب ابوي واسالي رجلج محد صاحب فضل علي
بس عمه وخالي الي چانو ينصحوني ودايرين
بالهم علي وانا اخدم بالبيت حتى بناتهم مو مثلي يخدمن بس
كبرن زوجوهن وبقيت انا وعطاء شايلات البيت
على راسنا وانتي تدرين
سهير/:صحيح خاله لا تنسين انتي بنيه حلوة وزغيره وعدج خير
واول وتالي تتزوجين ليش هالحجي والمشاكل
انا اكول اقصد خالج وانا نشوف انتي تخلين كل شي وراج
وتنسينه
رضوى بهدوء =شتقصدين ام انمار
سهير //الي اقصده انتي ليش ما تتزوجين سلام هم حلالكم
عدكم وما يرو....
قاطعتها رضوى ==سهير انتي شتحجين
سهير // شكو بيها لا عيب ولا حرام وانتي من زمان ندري بيچ
تردين سلام
رضوى. =. انتي شتحچيين ام انمار انا افكر اتزوج وره فواز
واتزوج منو سلام امداني اذا بلحظه افكر اتزوج
سلام وداعتج اتزوج -شعيب البكال- على كولة عمه وسيله الله
يرحمها
وما اخذ سلام شبيه مخبله هذا منو سلام الي تكليلي اخذه
سهير //شبيج رضوى سلام ابن خالج الي جنتي تحبينه
رضوى باستهزاء =چنت سهير چنت وچنت بالماضي مو هسه
شبيه اخذه منو هو واخذه اسمعني خالي انا بس
يحصر المحامي الورث واخذ حقي ابيع الحلال واسوي فلوس
وارووح العمامي بكربلا وهناك اعيش وليش
اخذءسلام الما حفظ كرامتي واخذ كوثر عدوتي خو اخذ واحد
من ولد عمامي
صاحب بعصبيه /:ولج شجاي تحجين جا استحيتي مني
رضوى =ليش خالي شگلت وتگلي چان استحيتي ما گلت
شي
صاحب بعصبيه //ما گلتي شي تاخذين حلال فواز وترحين
العمامج الي ما عرفوج هاي سنين وانوب
تاخذين ابن عمج وتگولين ما گلت شي
رضى ==خالي لاتزعل تره الحياة فرصه ليش اضيعها انا اول
مره اغتنمت الفرصه اخذت فواز وخلاني اميره
ومن اتوفى راح استارثه واصير ملكه والما يعجبه يطك راسه
بالحايط
صاحب /:يصير خير سهله تصفى
رضوى =خالي لاتزعل الحق حق والحق ما ينزعل منه والي
عنده يم فواز الله يرحمه فلس يكول بس يطلع
المستند وانا انطي كل فلس مطلوب بي المرحوم كلامي ما
يزعل انا هم ما اقبل يبقى لو فلس بذمة فواز
صاحب // بس تدرين الحلال مو بس الفواز سلام شگد
اشتغل وتعب وسلام ما چان يحاسب فواز گدامج
يگول حلالنه واحد هسه تگولين الحلال من حقج
رضوى = اي خالي خلي نشوف المحامي وكل واحد ياخذ حقه
والحق ما يزعل
خالي //لا ما يزعل ياالله سهير گومي
رضوى =هلا بيكم

انا اسمع واحس عيوني يطلع من عدهن نار ما مصدك احجي
ويه نفسي
:: وبعد وبعد الي يعيش ياما يشوف رضوى خاتون
ما حسيت الا على عمي صاحب وهو يكلي //سلام سلام وين
صرت
جريت حسره ::هاا عمي وياك بس بلا زحمه دزلي التسجيل
صاحب /:صار تدلل بس كلي شراح تسوي
::كل خير محتاج شوية وقت
صاحب /:يا وقت سلام لاتنسى اسبوعين ويجي المحامي
ونخسر الاول والتالي
باوعت العمي وانا احس بروحي اشتعلت بنار ::اطمن عمي لا
تشغل بالك رووح البيتك واهدا ولا كانه شي صار
ومن تصادفك هي او امها او اختها اتصرف عادي وياهن
وسلم عليهن وخاف محتاجات شي بس لاتطخ كلش
وياهن
صاحب هز راسه // صار
:: عمي شلون كدرت سهير تسجل الكلام
صاحب /:من قررت انزل احجي ويه رضوى نزلت سهير وهي
جايبه النقال وكالت راح اسجل كل كلمه
تكولها رضوى
سالتها // وليش تسجلين وبالله عرفت بيج
سهير /:ما تعرف انا افتح التسجيل وهنه مايدرن جاشلون
سلام يعرف شكالت رضوى خلي يسمع باذنه شتكول
حتى يعرف يتصرف
انا كتلها/:بس انتبهي وديري بالج
سهير /:اطمن محد راح يعرف
انا حجيت ويه عمي /:ابو انمار انطيني مجال افكر ويصير خير
صاحب /:فكر عمي بس عفيه استعجل كبل لا يفوت الاوان
جاوبته ::ان شالله كل شي ينحل وانت مثل ما فهمتك
اتصرف عادي من تشوف وحده منهن وحتى وصي
مرتك عادي تسلم عليهن بس لا اطوخ وياهن
صاحب /:ان شالله اعتمد يالله عمي اتركك تشتغل في امان
الله
::الله وياك
من طلع عمي انا وكفت على حيلي صرت اسحب بالهوى كوه
لان احس راسي راح ينفجر واتذكر صوتها يدوي
باذني من تكول
= الحياة فرصه وانا استغليتها اخذت فواز عيشني اميره وهسه
استارثه واصير ملكه والما يعجبه يطك راسه بالحايط
كعدت ع الكرسي وصرت اسمع محادثتها وارجع مره ثانيه
اسمعها ومره ثالثه وانا اكوول
::اي رضوى خلي اسمع كلامج علمود اقسي كلبي اكثر ويصير
حجر حتى من ابدي انتقامي ما كو شي
يشفعلج ويخليني اغير رايي واحن عليچ
اتمددت عالقنفه واجاني ابو غدير العامل وهو يكلي
- - عمي سلام ما تكعد تتغدا خالتك ام غدير طبخت مركة بتيته
من الي يحبها كلبك وخبز بيت حار يالله عمي
اكعد غسل وسمي باسم الله
انا ما حبيت اكسر بي لان اعرف هو مخابر مرته وكايللها تدز
غدا لذلك كمت غسلت واكلت ويه العمال من كملت
الغدا انا صعدت بسيارتي وكتلهم ديرو بالكم رايح اشوف محل
الادوات
اول مره رحت المعرض السيارات تلكوني العمال احنه مخلين
بي رجال محاسب نعرفه من زمان وبعد وفاة فواز
الله يرحمه سلمته الاداره والمحاسبه تلكاني اب

و راغب
- - هلا بيك عمي سلام اشلونك
::الله يحفظك ايو راغب شلون الشغل
- - الحمد لله كله تمام
::زين جيبلي السجلات اريد اشوفهن واريد الفلوس الي
بالقاصه لان اريد احول
وراح ابو راغب جاب السجلات وانطاني الوارد اليومي هو
يوميه يجيبه الي وره ما بخلص شغله بس هالمره كتله
::جيبهن هسه والباقي بعدين وانا اخذت السجلات وكتله
اطلع عليهن واقارنهن وبعدين ارجعهن انت
اكتب بمسوده بالي تبيعه ولا تنسه التاريخ
- - صار لا توصي هاي شغلتي من زمان
اخذت السجلات وطلعت رحت الفارس بمحل الادوات
شافني اجه //ها سلام شخيرك
انا دخلت للمكتب وشمرت روحي ع القنفه
فارس /:شبيك سلام كلي
::هاا لا ما بيه شي بس تعبان
فارس /:روح سلام روح ارتاح بالشقه شعدك جاي
- - فارس شخبار الناس الي نطلبهم
::الناس جاي اكثرهم يسددون خصوصا الي عليهم كمبيالات
وناس طلبت مهله
::زين فارس جاي تكتب الناس الي ينطوك
- - طبعا جاي انزل اول باول هاي ذمه
::فارس جيبلي السيوله العندك لان اريد احولها
- - صار سلووم هسه
وفارس فتح القاصه وطلع علاكه مليانه فلوس وكلي
- - حجي سمير اليوم سددني وهذا الوارد مال امس

اخذت الفلوس وطلعت وانا متعجب على روحي المن اخذتهن
وليش شنو فواز بس هذن ملكيته انا شكد غبي وما افتهم
وصلت للشقه ونزلت الفلوس والسجلات خليتهن بالكنتور
واتمددت ما اعرف شلون غفيت كعدت وصوت رضوى
يرن باذني وهي تگول =امداني انا اخذ سلام
فتحت عيوني باوعت عبالي هي يمي رجعت غمضت وحجيت
بصوت عالي
::انا اعلمج منو سلام سهله
كمت من الفراش ودخلت للحمام سبحت وبدلت وطلعت
خابرت خالتي ام بهاء كتلها عشاي يمج هي فرحت
واهلت وسهلت
رحت المكتب المحامي وصلت لكيته موجود رحب بيه
- - اشلونك استاذ سلام
::الحمد لله بخير
المحامي /:انا اسف انت شفت بعينك ناس اجوني وانا جنت
متفق وياهم على الموعد
::لا ولا يهمك استاذ ما صار شي
المحامي/:تماام وهسه بيش اكدر اخدمك استاذ سلام
::استاذ رافت مثل ما تعرف واكيد المرحوم حاجيلك انو
شغلنه سووا وماكو فرق بيناتنا
- - اي والله هو كايلي بس وضح
::الشي الي اريد اكوله انو كل شي يخص المرحوم الي نص بي
لان انا تعبت واشتغلت يجوز اكثر منه لكن انا
ما جنت احب اتجاوزه واسجل شي باسمي لان اعرف اخوي
ما ياكلني
المحامي /:كلامك صحيح وهذا دليل تربيتك ومعزتك الاخوك
::الله يحفظك استاذ لذلك رجاءءاخوي اريد اعرف بس الي
اليه وبعدين النا جلسه بحضور ارملة المرحوم
المحامي/:استاذ سلام انا فواز الله يرحمه طالعني على كل
شي واعرف كل شي يخص عملكم بس احيانا ومثل
ما تعرف حضرتك اذا ما كو ورقه موثقه فالكلام ما يمشي يم
القانون والقانون لا يحمي المغفلين
::شنو قصدك استاذ رافت
المحامي/:قصدي اكثر العقارات باسم اخوك وعلى مود تكون
على بينه انت الك محل التايرات ونص المزرعه
ونص البيت والك وحده من العمارات الي بكربلا والك محلين
ماجرات والمخزن
:: محلين وين
بمنطقة ال ... فواز اشترى سته كتب اثنين باسك واخذ اربعه
والمخزن انت تعرفه الي تخلي بي بضاعتك
:: هااوالباقي
- - الباقي الارملته
ما حبيت ابين للمحامي شي لان يگول طمعان ::تماام استاذ
هذا هو بس اريد اسالك على معرض السيارات
المحامي / هو باسم فواز يعني اله
هزيت راسي ::ماشي استاذ زاحمتك
المحامي //استاذ سلام من تخلص زوجة المرحوم عده ارجو
ان تنطيني خبر على مود نكعد تلاثتنا وكل من ياخذءحقه
انا فكرت وسالته ::استاذ اله هي تكعد
- - لا مو اله هي يصير تسوي وكاله الاي احد وهو يكعد ابدالها
::ان شالله مجرد ما تكمل العده انطيك خبر وارجو الحديث الي
صار بيناتنا محد يعرف بي
- - ولو سلام هاي اسرار مو من حق اي احد يطلع عليها
::شكرا استاذ في امان الله
- - الله وياك وخلينه على اتصال
صعدت بالسياره وانا محبط من تصرف فواز ومن كلام رضوى
فواز صحيح جان هو ابو الشغل بس انا اكثر
التعب عليه چنت ما الزم من الوارد اي شي وهو ياخذهن
ويدخل بمشاريع ويسافر صحيح فواز هو الي كبر
التجاره بس لو ما تعبي ما كبرت
ياما نمت بالمحلات ورحت للميناء اخلص البضاعه وحتى
چنت احمل ويه العمال على مود نلحك
وعمري ما حاسبت فواز على شغلي هو ما مقصر من ناحية
الصرف والملابس بس تعبي وتعبه تاخذه
رضوى وتكول اخذ ابن عمي احسن الي
جا شكد طلعتي خبيثه وحقيره

ورحت البيت خالتي ام بهاء الي لاكتني وهي تبوس بيه
وصبتلي عشا بعدين كعدنا انا وياها وسمعتها كلام رضوى
بعد ان اخذت منها وعد ما تحجي الاي احد وتبين هي تعرف
شفت خالتي ما متفاجئه بمجرد ما كمل التسجيل باوعتلي
وكالت //عادي لا تاخذ ابالك ولا تضوج بعد خالتك
بس انت لازم تتزوج رضوى
::خاله شتحجين رضوى تريد ابن عمها وصبيحه تريد تاخذها
الصلاح علمود تذلها وانتي تكليلي عادي اتزوجها
خالتي/:اي انت اولى واحد بيها رضوى لا ولد ولا تلد وراح تاخذ
حلالك وحلال فواز وتنطي للغريب
لو للنايم للظهر اصليح ويصير فال صبيحه لا يمه الصدك
والصحيح تتزوجها وتحافظ على حلال اخوك وتعب