ا
كلت هاي هي ام جهالك الي ما ادري
وين همه ولا اعرف اوصل الهم
ظليت كاعد وانا مره ابجي ومره اعاتب بفواز بعدين درت
الامي وابوي وانا ابجي واكول
:يابا يمه ساعدوني والله محتار وتايه يمه لاتزعلين عليه جي
اخذت كوثر يمه اتعذبت من اخوي
وما جان كدامي حل الا اخذءكوثر الي ما قصرت اذتني موتتني
قهر يمه فدوه ساعديني
ارضي علي يمه فدوه ارضي عليه من ترضين كل مشاكلي
تنحل
ورجعت وانا احس بهدوء مو طبيعي رجعت الشغلي وصرت ما
اروح يوميه للبيت لان اشوف كوثر
وانا حتى نفسي تلعب من اشوفها بس متحمل حجي ما
احجي وياها ولا اتقرب حتى ماي ما اشرب من ايدها
اروح للشقه واسبح واكل بالمحل لو ابيت خالتي ام بهاء رغم
خالتي تكلي دير بالك من بت صبيحه جاريها
بس شجاري اذا هي كلبه بت كلب تميت اسبوعين
وبعدبن وانا متمدد واجت يمي صارت تبوس وتبجي وتعتذر
وما اسويها وهاي الحبوب بايدي
وشربني بس لا تعوفني انا احبك ومن هالحجي بس انا كوه
عليه اتقربت الها وفهمتها انو اذا طلعتي حامل
لو تضحكين عليه بالحبوب بايدي اطرحج لان مو انا الي تلوي
ايدي مره
كوثر /:لا والله سلام انا منو يفيدني غيرك انت رجلي ابو بيتي
::اي تعودت على هذا الكلام يومين وترجع حليمه العادتها
القديمه
كوثر //سلام انت تدري بيه احبك واموت عليك وانت تتعمد
تغثني وتقهرني
::لا حبيبتي مو انا انتي ما عندج ثقه بنفسح وبس ملتهيه
تراقبين بارملة فواز وتسمعين الامج
كوثر /:مو بيدي سلام اكرهها لان من جنا زغار اخذتك مني
وفضلتها عليه
:ليش ما تكلبين صفحه
كوثر /:احنا جاي نحجي ليش صرت عصبي
:مو عصبي اريدج تفهمين انتي زوجتي والشي الي صار ماضي
لازم ننسا بس انتي مو بيدج
ناسيه نفسج ومتعايشه ويه ماضي ابد ما يرجع
كوثر/:يعني افهم انو رضوى ما الها مكان بكلبك ما تتزوجها
من تخلص عده
ضربتها ضربات خفيفه على راسها وانا ابدي الزمها اكسرها ::
من اكول غبيه محد يصدكني
ومن اكلج لاتسمعين الامج ما تفتهمين ولج شلون الي نفس
اخذ مرت اخوي لا والي خانتني
ويا بس انتي وامج مريضات هي حجايه كوثر حافظي علي
واحتويني لان انا بحاجتج ومحد ايفيدج
غيري لا تبقيين تسمعين الامج تره صدكي ما تفيدج
هي كامت علي تحضني وتبوسني وتكلي /:اوعدك سلام بعد
شتكلي اكلك صار وما اسمع بس الك
ورجعنا هي ساكته ومطيعه واهلها يجوون شويه ويرحون وانا
متحذر اتذكر كلام خالتي ربيعه الى ان اجاني عمي
صاحب هو وسهير


يازمن لمن رحت وخذت وياك الابتسامه
هذا ياليل اليمر اكدر انامه
ليلي ظلمه وروحي غربه والوكت وياي واتذكر كلامه
ااه يليلي وحسرتي
اااه يادمعي وغربتي
ااه ياروحي البقت بس للملامه


#بارت16
/////////////////////////////
رضوى
من جابو خبر فواز ما اعرف شنو كان احساسي وانا اشوف
الناس تبچي على فواز
فواز الي جان الي سد منيع جان قوتي بلحظة ضعفي فواز الي
جان اخوي الي بجاله مدللا وراسي عالي الي
يكول رضوى اختي وانا اخوها عن مية رجال لكن بذيج الليله
المشؤومه راح كل شي وطاحت صورة فواز الاخ
والعضيد بقت صورة فواز النذل الي نفسه دنيه على خطيبة
اخو
تدرون كرهته واتمنيت اكتله مووت جنت من اشوفه اكره
نفسي واحقد علي
اشلون الك نفس وانت تكلي رضوى انتي اختي
بقيت ست اشهر وانا انتقم من نفسي مره بالانتحار ومره
بالبجي ومره لا بالتحدي خصوصا
من صبيحه وبتها وسهير لمن اتمادن علي
بذاك اليوم من وكفت استعطف سلام بنظره ان يدافع عني
وهو ساكت بس من اجه فواز وسكت
الكل وكال بيتي وبيت مرتي والي يدخل يحترم راعية البيت
صحيح حسيت بالامان والشماته
من كوثر وامها لكن كل هذا ما شفع الفواز ولا غير نظرة الحقد
والكره اله
اتذكر لمن كطعت شريان ايدي واخذوني للمستشفى وعرفت
من خاله ام بهاء انو سلام هو اتصل
بيها لان هو اجه يسوق بالسياره ويه فواز عبالهم متت
اجاني فواز ثاني يووم للمستشفى واتذكرت حنيته من جنا
زغار وخوفه عليه باوعلي وكلي بعتب
1
- - رضوى بعدج تحبينه حتى من صرتي مرتي
جاوبته بعصبيه = لا تكول مرتي العقد باطل والله وانت تعرف
العقد باطل
فواز عض على شفته //ادري رضوى وهسه امر واقع شتردين
صرت ابجي واكله =فواز اريد الحقيقه اريد اتبرأني وتبيض
صفحتي حرام عليك الله يخليك اتوسلك انت مو تكول
انا اختك اريد الصدك محتاجه احافظ على احترامي گدام
نفسي وگدام الناس
فواز رد بهدوء //؛اشش رضوى لاتبجيين الي تريدي يصير
بس انطيني مجال انطيني وكت اصحح
كل الغلط الي صار
باوعتله =احلف
/:وداعتج
هزيت راسي وانا ابچي =لا كول وداعت رضوى اختي وداعت
عطاء
هو من سمع باسم عطاء جر حسره وكال /:خطيه انظلمت من
هي زغيره وانوب انا كملت عليها
انا بقلة صبر =هسه فواز احلف
فواز/:وداعت اعز اخت بالدنيا رضوى وداعت عطاء التردينه
يصير بس محتاج وكت واريدج تساعديني
بدون ما تسالين
ورجعنا للبيت وصارت هواي اموور انا ما اباوع بوجهه ولا
اسولف ويا ولا انزع الحجاب كدامه وه

و هم لا يخابر
ولا يسولف حدا بس يجيب الاكل وما انسى من علمني على
الرقم السري مال القاصه وامني على ذهب عطاء
وبيوم الي يريد يسافر اخر مره اجه وجنت كاعده بالغرفه طلع
ملابسه وراح للحمام وطلع مشط وخلا ملابس اله
بالجنطه وباوعلي وحجى
::رضوى هاي اخر سفره وبس الله يكتبلي وارجع راح احجي كل
شي وراح تعرفون كل شي
وسلام راح يتزوجج بس يبقى شي واحد وهو انتم كلكم راح
تكرهوني
جاوبته =لا فواز انا مو على مود سلام يتزوجني بس انا بنظر
الناس ونظر امي واختي خاينه والله يدري
وانت تدري انا مو خاينه
فواز /: رضوى انتي مكرمه انتي مو خاينه انا الخاين انتي
ضحيه وكلهم صارو يكرهونج من وراي
بس وداعتج وداعت خوتنا يارضوى ما باوعت الج الا مثل
اختي ومن اجيت ذيج المره ردت
اجربج كلت اذا تقبل بالوضع انطيها حقها كزوجه بس انتي وين
اكو مثلج وفيه وما تخونين
انا اتدنيت منه وكتله =فواز عفيه سويلي حل الله يخليك
فواز /:ان شالله اسوي وما يصير خاطرج اله طيب ومن
اخابرج او ادز مسج اخاف اريد فلوس
شي اتصرفي على كد كلامي
=ان شالله
فواز/:رضوى انتي اختي وتاج راسي واريدج تسامحيني ع الي
سويته والي راح تعرفينه ابد لا تكرهيني
تستمر القصة أدناه

= ليش الچذب انا كرهتك واتمنيتلك الموت لكن بعد الي
صارفواز انت اخوي كافي السويته وما خليت احد يوصللي
اتقرب مني وباس راسي وكلي /:بعده ابطن امه الي يمسج
بكلمه او يحاول يتقرب عليج الا احسب الله ما خلقه
وحتى من اموت محد يوصلج
=جاوبته وگلبي رجف =اسم الله عليك
هو ضحك وگلي //لا تگولين خايفه عليه ادري بيج تردين
تموتين على اسليم الله يساعده اخذ كوثر شلون عايش وياها
انا ضجت ==منو گلك ارجع له رجال اتزوج عسا بالخير
هو هزلي راسه ويضحك رغم مبينن علي التعب والحيره ويگلي
//والله چذب تردين تموتين من الغيره اختي واعرفچ
(بعدين باوعلي وگال )مع السلامه اطمني كل شي واله حل
انا هدئت من كلام فواز الي بث بيه الامل گتله =الله وياك
توصل بالسلامه
باوعلي وگال //ديري بالج على نفسج وما عليج باي شي يصير
انتي اهنا ام البيت ومحد لو يتجسر ايسمعج كلمه
ما اعرف ليش حسيت بيني وبين نفسي بعد ما اشوفه الفواز
ما اعرف هيج حسيت
وفعلا جان احساسي بمكانه من جابو الخبر وانو جانت ويا بنيه
بس قبلها هو دزلي مسج
رضوى طلعي 150 مليون وانطيهن العمي رحمن هسه يجي
انا طلعت وخليتهن بعلاكه بالكنتور كلت بس يجي رحمن
انطيهن لكن بدل ما يجي رحمن جابولي خبر فواز
من سمعت الدنيا اظلمت بعيني وحسيت بروحي فارغه ما
صرخت مثل اخواته لو مثل كوثر لو امها
لو سهير لا بس دموع وروحي مبهوته وانا اباوع العطاء وشلون
تعاتبني بعيومها وتكلي
:انتي السبب بعدتيني عنه وهو يحبني وما خليتيني ارتاح ويا
ولا يشوف السعاده وياي
انغمى عليه وامي وخالتي صارن يغسلن وجهي وانا اباوع
واسمع كلام النسوان
- خطيه يجوز حامل الله يساعدها بعدهي زغيره
- وهاي الي ماتت ويا بالسياره منو هسه مرته شناقصها ويدور
سوالف مكسره
وهواي كلام ولغط بقيت اباوع بعيوني وساكته ومن جابو وخلو
ع الجربايه اتدنيت من التابوت وفتحته وانوب
ميلت القماش عن وجهه شفته ما بي شي عبالك نايم كت
الخاله ربيعه خلي يجن اخواته وعطاء انا ردت بس عطاء
تشوفه وتبري ذمه لان اعرف هو يحبها وهي تحبه ودخلت
عطاء واخواته الي ما قصرن بالكلام والمسبه عليه
وطلعوهن وبقيت انا ويا اتقربت منه وبقيت احجي واعاتب
وابجي
وبعدها ودعته بيد الله ورشيت علي العطر الي يحبه وبسته
بخده ورديت علي القماش وطلعت النزله خليتها من
اجو الزلم انا كتله
...الله وياك فواز الله يهوون عليك
اهنا انا صرخت وطلعت عبرتي
وطيلة ايام الفاتحه انا كاعده يم النسوان واخواته وصبيحه
وكوثر وعطاء وسهير سوون جبهه يذبن حجي انا انطيت الاذن
الطرشه خصوصا وانا ما اعرف شنو راح يصير من اهل البنيه
جانت تجي نسوان من الي يحبن القال والقلت يحجن /:يا
شبي خاطب وما يكوول اشو مرته تخبل
ونسوان يكولن /:لا يمعوده هي صاحبته وطالعه ويا بس همه
سووها خطيبته على مود يداروون الفضيحه
انا ما مهتمه لان انطي الفواز العذر ومنو ما جانت هاي البنيه
راحت واندفن السر وياها
يوم الثالث بالليل قررت امسك عده ورحت سبحت ونويت
ولبست ودخلت للغرفه الغرفه الي اول مره احس بتانيب
الضمير ليش ما خليت فواز ينام بيها ليش قسيت علي
جانت صورته وياي من اكعد من انام من ابجي ابتسامته
الحلوة
(تره انا للموت ابقى احب فواز وما اكرهه احبه مثل اخوي وهو
اخوي )
انا من اتوفه فواز ما نمت على الجربايه كله انام بالكاع ما
اعرف اتخيله وابجي واحس بي شكد انحرم
تستمر القصة أدناه

ليلة السابعه كملو الختمه وبقن نسوان ع العشا وبعدين
سلمن وطلعن وانا دخلت الغرفتي وما احس الا
الباب انفتح واجت زينب وغدير امي وخاله ام بهاء جانن يمي
وهنه يكللي
زينب /:رضوى بسرعه انطينا مفتاح الغرفه ولمي جوالاتج
وطلعي
انا ما جاوبت بس بقيت متفاجئه ام بهاءءطلعت وامي حجت
عمه شنو هالحجي رضوى بيا حال وهيج

تحجن وياها
غدير باستهزاء /:اسم الله وشبيها اخونا الراح من فكرنا وهسه
بدوون مطرود اطلعي انتي وبتج
وصار حجي هواي جانن ناويات ع الشر واذا ما اطلع يجوز
يضربني انا وامي بس سمعت صوت سلام
وهو يصيح عليهن وشلون لبسهن العبي وطردهن وظل يحجي
وانوب كال الامي ورقيه وخالتي يتناوبن
لان ادري بي يخاف علي من صبيحه وكوثر
ثاني يوم اجت خاله ربيعه وامي واختي وخالتي قسيمه بعد ان
كللولهن سلام رايدجن وسولفن
بالبدايه انا كلت =لا الفصل تشيله العشيره خصوصا وانا
اعرف فواز شكد جان يخسر للعشيره
لكن من سمعت انو ممكن يكتلون سلام والناس تتعطل
امورها وسمعت شلون سلام كال ابيع كل شي وافصل
ولا اخوي ينسب بگبره انا كمت وطلعت الفلوس وانطيتهن
الخالته
بعدها كل شي ما سمعت عن سلام انا بس مقداد احجي ويا
ويجي هو ورقيه ويدخل للغرفه باعتباره زوج اختي
محرم عليه فد يوم انا دزيت على مقداد واجه طلعتله فلوس
وكتله
=ابو احمد رايدتك بخدمه
مقداد /؛تامرين رضوى كولي
=اريدك تروح للنجف وهاك هاي الفلوس اريد تبني قبر فواز
وتسيجه وتخلي فوكه مثل القبه واريد هذن
الصور --راويته صور بالنقال -اريدهن تخلوهن بكل جهه
واريدهن كبار وشكد يكلف ادفع
مقداد /:صار رضوى الي تردي بس اخو عمامه
=انت مالك غرض ولا تجيب طاري الكل احد اتصرف وما
عليك
مقداد/:ان شالله عكب باجر اسافر اتامرين امر
=شكرا خويه ابو احمد
انا ما اطلع من غرفتي بس من يجن النسوان للقرايه وعرفت
انو خاله ربيعه وامي كايلات السلام على زينب
وغدير يسمح الهن يجن كدام الناس وصارن يجن ما يحتكن
بيه كاعدات يم سهير وصبيحه وبس تخلص القرايه
والعشا يرحن لاكلمه زايده ولا كلمه ناقصه
وصار الاربعين وراحو وبقت يمي رقيه ومقداد ورجعو وهمه
كلهم حزن انا لاكيت امي وخالتي وانا اشهك
من البجي واسال بامي /:يمه شلونه فواز
امي تبجي وتكلي /:يمه هو الجوه التراب شلونه ابو ضحكت
الحلوة والعيون الي يخبلن والخد اليلمع كله
صار جوه التراب رحنا كل شي ما حصلنه عمت عيني عمه فواز
لا ولد ولا تلد
انا بجييت كلت بكلبي/: يمكن لو متزوجين جا هسه انا حامل
بطفل شايل اسمه ااخ منك متت والسر مات
وياك عبالي تلحك تبيض صفحتي
بقيت لازمه عده وشفت شلون خالي طاهر لزم صبيحه وكوثر
وكطعهن لان عرف شنو حاجايات بس وره يوم
اجت كوثر وهي تسمعني عود سلام نام وياها
انا سلام ما سامعه صوته من ليلة سابعة فواز وعرفت من
امي وخالته انو اكثر الايام يبات لو يم فارس لو بالمحل
وساعات يجي بالليل للديوانيه
الصبح من يطلعون اطلع شويه افتر بالبيت لان الصبح بس
سهير تبقى نايمه كوثر وعطاء يداومن وانى صفا سوتلي
تاجيل لان ماسكه عده
جنت دائما اقرا قران واصلي الفواز وابجي علي خصوصا من
اتذكر كعداتنا سووا انا ويا وسلام وعطاء
فواز الي مات وماتت كومه اسرار ويا
اجتني رقيه تبات يمي وحجتلي
رقيه/: امس مقداد مر على سلام للمحل على مود ولد صديقه
يريد بضاعه وما جوه ايده فلوس
=اي وشلي غرض
رقيه /:على كيفج رضوى مقداد يكول شاف يمه رجال يكول
انا محامي المرحوم فواز وعرف انو جاي على
مود يحصر التركه بينج وبين سلام
=يا تركه رقيه
رقيه //شنو يا تركه اموال فواز ورثج من رجلج ناسيه فواز
رجلج
=والله ولا على بالي هذا الشي
رقيه /:بس هسه خلي يصير على بالج ناسيه فواز شكد عده
فلوس
=اسكتي رقيه مو وكت هذا الكلام
رقيه /:جا يمته وكته اسمعي رضوى لا تتنازلين عن فلس
واحد من حقج مو بس اتكبعتي بالعار والمذله

انا من سمعت هيج صفنت وصارن عيوني يجرن اجت يمي
رقيه وكلتلي
- - ليش تبجيين
باوعتلها وانا مبرطمه =ليش ابجي والله يارقيه ما ادري ابجي
على حظي لو على فواز الراح محسر وكل شي ما حصل
رقيه/:رضوى خيه فواز الله ويا بس انتي لازم تنتبهين النفسج
=اعرف بس هسه مو وكت هذا الحجي فدوه ام احمد كلي
المقداد لا يحجي يم كل احد عفيه خليني اخلص العده
وبعدين يصير خير
رقيه/:اطمني اصلا مقداد هو كلي لا تجيبن طاري لان يصير
بيها حجي وتدخل خصوصا من يشم خبر طاهر وصبيحه
بقيت صافنه على روحي واحجي ويه نفسي =شنو انا اورث
فواز باي حق وشلون اخذ شي مو الي
بعدين اكول =انا زوجته حتى لو ما ماسني بس كدام الناس انا
زوجته
ويجيني صوت =وكدام الله انتي شنو رضوى
=اهوو عليج يارقيه انا عايزه همووم وانتي جملتيهن
=خلي اخلص العده وبعدين يحلها الحلال
وتمييت بالعده ويتناوبن عليه امي ورقيه وخاله ام بهاء الي
احس بيها تعرف نفس الشي الي فواز يعرفه بس
ساكته ليش ما ادري

سلام
جنت كاعد بالديوانيه وتوهم طلعو بيت عمي طاهر وطلعت
وراهم كوثر على مود تبدل لان هي ماتنام بملابس
سوود فجانت ترووح للغرفه تغير ملايسها وتجي مجرد ما
طلعت راسا رجعت وهي تكلي
كوثر/:سلام اجه عمي صاحب وسهير
انا استعدلت بكعدتي لان جنت متمدد دخلو وسلمو وراحت
كوثر جابت ماي واجت جانت الساعه تقريبا
11 وربع عمي صاحب كال الكوثر //عشتي يابت اخوي الورده
بس عمج اليوم

مشتهي شي من جوه
اديج الحلوى
كوثر بقلة صبر //كول عمي شنو مشتهي
صاحب /:كوثر انتي تسوين كيك حلو وانا حتى ما اتعشيت
كلت اجي وكوكا اتسويلي
كوثر /:تدلل عمي باجر من عيوني اسويلك هسه الساعه 12
صاحب /:اكلها ما متعشي تكلي باجر دكومي كومي
انا اشرت الكوثر بعيوني يعني كومي سهير كالت /:روحي كوثر
للمطبخ وانا جايه وراج بس اخلي الجهال يم ابوهم
وراحت كوثر وهي مزعوجه وعمي صاحب ولا يمها من طلعت
كامت سهير وباوعت وراها واشرت
العمي يعني راحت عمي باوعلي وهو شبه مبتسم
- - تره سلام انا ما احب الكيك ومتعشي بس ردت احجي وياك
وكوثر ما موجوده يعني الحجي بيناتنا
::عمي خيير شصاير
صاحب /:كل خيير بابا اريد احجي بخصوص اخووك الله
يرحمه
::الله يرحمه شنو عمي وضح
صاحب /:تعرف ياسلام انا فلوسي خسرتهن وحتى لو بقى
عندي شويه ما يجيبن غرفه بهذا الغلا
::اعرف عمي بس انت غلطان
صاحب /:هسه الصار صار ما يفيد العتب
::صدك مثل ما تكول شنو مطلوب مني
صاحب /:سلام عمي انت مو كلت اشوفلك حل تره عمي مو
هينه عليه انفضح تالي عمري واطلع بايع حصة
ابوي وحتى غرفه ملك ما عدي لو باجر رضوى تطردني
:انت شتحجي ابو انمار رضوى تطردك شنو بكيفها هذا بيتك
وانت تكعد وياي
صاحب /:لا والله عمي اطلع من البصره كلها ولا اكعد وياك مو
بيك شي لا بس يم طاهر وصبيحه بالرايحه
والنازله كاعد بحلال بتنا من ترجع للصدك رضوى ارحم منهم
انا ابتسمت من جاب طاري صبيحه وطاهر كتله
:: لا والله تكعد انت ومرتك وجهالك معزز مكرم وابن امه الي
يفك حلكه اله اعتبر امه ما جايبته
صاحب بقهر يحجي /؛عمي لو تردلي بس انا سهله انام بالتريله
متعلم وحتى انمار واخو تاخذهم سهير
الاهلها بس انا افكر بهاي المسكينه بعطاء الي كل عمرها ما
شافت راحه عاشت يتيمه وهي امها وابوها موجودين
گلت تاخذ فواز وترتاح شويه بس الله ما راد الها الراحه
انا تقربت منه لان حسيت شكد هو مقهور بسته براسه وكتله
::عمي لا تضوج ولا تنقهر باجر اشوف المحامي وما يصير
خاطرك اله طيب
صاحب/:عمي المحامي يتعامل بورق ومستندات وهو نفسه
رافت المحامي الي سووا سند البيع الفواز
هزيت راسي // مي خالف احاول واشوف ويصير خير انت
بس لا تضوج
سهير/:تدري بعمك لا ياكل ولا يشرب يكول المصيبه من
يدري طاهر شيسوي وشراح يحچي
:محد راح يدري انا احلها
صاحب /:اكلك سلام انا باجر ارووح احجي ويه رضوى
:ها شتحجي شتكلها وهي بعدهي ما تعرف شي
صاحب /:هي بعد اسبوعين وتكمل العده وكل شي ينكشف
انا خلي ارووح اشوف شنو مايها
:: شلون عمي شتكلها
صاحب /:عمي انت مو كلت من اجاك المحامي جان مقداد
موجود وحجى كدامه وانت ما خليته يكمل اكيد هسه
مقداد كللها بالي سمعه خلي اشوف شنو حجيها
:بكيفك عمي بس لا تطول وياها خلي كلامك كلام عابر
سهير اتقربت عليه وگالت /:اكلك خاله سلام انت ليش ما
تتزوج رضوى
انا كانما صافن وانضربت راشدي رفعت راسي ::شنو ام انمار
انتي شتحجين
سهير وكفت وراحت يم الباب ومدت راسها ورجعت /:سلام
هذا هو الكلام الي لازم ينحجي شنو نسيت
انو كل هاي الماليه انت شريك بيها مو انت جنت تشتغل
حالك حال فواز لا والله اكثر اقلها فواز يسافر
ويتونس وحتى من مات ماتت ويا وحده ما نعرف منو وشنو
وضعها
::ام انمار اذكرو محاسن موتاكم
سهير تكسرت العبره بصدرها وبجت /:الله يرحمه فواز بس مو
حق رضوى تاكل تعبك وهي بقت ويا يومين
خلصتها بالمستشفى يوميه منتحره وحتى مو حامل شنو
باعت اشترت فواز خلصها ركضه وشغل وانت نفس
الشي خاله سلام انت من تاخذ رضوى تحافظ حتى على اسم
اخوك ليش تاخذ واحد غريب وياخذ حلال فواز
خو انت اولى بهذا الحلال
صاحب /:والله سلام كلام سهير بمكانه شنو عبالك رضوى ما
تتزوج ثق بس تاخذ ورث فواز الف واحد يخطبها
على فلوسها
سهير /:مو بس فلوسها لا هي بنيه وشابه وحلوه وراح يصير
عدها خير صدگني ما تبقى والله يمكن ما تدور
سنة فواز الا هي متزوجه وتلعب بتعبك وتعب فواز هي والي
تاخذه
( بعدين سهير باوعت للباب وباعتلي وگالت كأنما تذكرني -)
- - بعدين سلام ندري كلش زين انت جنت تحبها وصار الي
صار حرامات حلالك وحلال اخوك يصير فال الغربه
صاحب/:سلام الحجي ابيناتنا ذاك اليوم صبيحه تكل السهير
بس رضوى تخلص عده تاخذها الصلاح انا ما
صدكت اشو بس شافني طاهر عاد نفس حجاية مرته
تستمر القصة أدناه

انا من سمعت هذا الكلام صار كلبي يرجف واحچي ويه نفسي
وانا اهز براسي
:: من هيج كوثر جاره عدل هي وامها وابوها انا الكم
اسمع عمي صاحب يكلي //سلام سلام هسه شكلت
:: هاا عمي يصير خير كل شي بوكته حلو
صاحب /:ماشي عمي انا احاول باجر او عكبه احجي وياها
واشوف
هزيت راسي :: احجي وشوف وانا باجر هم اروح اشوف
المحامي
وراحت سهير يم كوثر اثاري هي كل شويه تباوع تخاف تجي
كوثر وتسمع الحجي من طلعت سهير
حجيت ويه عمي /:عمي انت مالي ايدك من مرتك
هو باستغراب //شلون يعني ؟
:: يعني ام انمار ما تحجي الصبيحه لو الكوثر
صاحب /:لا ما

تحجي لان سهير هم محتاره مثلي اذا تروح
الاهلها منو يحملها لو يحمل جهالها
جاوبته //عمي انت شتحجي هذا بيتك لو اعرف انطيك
حصتي وانا اطلع شنو انت من كل وعقلك
اعوفك تطلع ابيت اجار لو تجهول بتك وجهالك
صاحب /؛الله يرضى عليك عمي سلام الله يرضى عليك
ويسامح اخووك
انا كتله ::العفومنك عمي بس اخوي ما كلك شارك ناجي
وانت تعرفه كلش زين واحد لا ذمه ولا ضمير
صاحب /:لا عمي تره ناجي خسر حاله من حالي
انا باستهزاء ::متاكد
صاحب //اي طبعا متاكد
::عمي الخسران ما يبدل سيارته وياخذ ابدالها سياره اخر
موديل
صاحب يطلع اعذار النسيبه //لا عمي سلام هو كلي سيارته
متعبته انطاها ال ابو المعرض صاحبه قصد
علي الفلوس الباقيات
انا اعرف بيها جذب بس ما حبيت احرج عمي خصوصا وانا
اعرف علاقة عمي باهل مرته كتله
:: مفهوم عمي ما طول هيج الله يوفقه
وتمينا كاعدين واجت كوثر وسهير كوثر ابدها تلزم اي واحد
كدامها تموته هي جابت الكيكه وسهير الجاي قدمن
وصبتلي سهير انا كتلها
::لا ام انمار ما اشرب جاي اريد انام وراي شغل
سهير /:ها سلام كابله وبزه بعينه رحم الله من زار وخفف
كوثر //اي والله عمه حدنا تعبانين وباجر دوام
سهير ردت بعصبيه //على كيفج عيني صاحب اجه يشوف
ابن اخو ضاكت عينج شحال لو ما اهلج يوميه
الهيج وكت وهمه بعدهم گاعدين يشربون جاي وانتي ما
تحجين صحيح الصبح تداومين بس الظهر كاظيتها
بس نوم للغروب وساعات لليل گبل ما يجي سلام تگعدين
كوثر /؛يا عمه انا شكلت وانتي زعلتي اسفه والله مو قصدي
جاوبتها ::لا ام انمار تره كوثر ما تقصد شي لا تاخذين ابالج
جهالهم جانو يلعبون يمنا هي باوعت الكوثر وكالت الها بخبث
/:شنو ما ناويين تجيبولنا ابن عم النموري
كوثر اتحسرت وجاوبت بخبث اكثر منها /:الله كريم يصير ان
شالله بعد وكت
صاحب /:يا بعد وكت لا عمي سلام مو زغير ويرادله جاهل
سهير /؛اسكت صاحب كله من ابن اخوك هذا الي تشوفه
اباوع الكوثر اتبدل لونها وجهه ينطي الوان
صاحب /:شبي ابن اخوي
سهير /:عليك الله صاحب هم يصير واحد ينطي المرته بيده
حبوب منع الحمل بحجة اكون نفسي وبعد
وكت اليوم اجتني صبيحه وكوثر وكالتلي كلي الصاحب خلي
يحجي ويه سلام وانا نسيت هسه توني اتذكرت
صاحب باوعلي /:صدك سلام ليش عمي
رديت وانا اخزر بكوثر ::بعده وكت ابو انماار بعده وكت
يصيرون ان شاالله
صاحب /:لا عمي شنو بعده وكت لازم يصيرون عندك جهال
وعزوه انا ما اقبل انت وحيد ومو زغير شد حيلك
اتحسرت ::ان شالله عمي يصير خير
صاحب /:ياالله سهير خلي نصعد عطاء ابحدها
سهير /:هم صدك ياالله (وگفت سهير ) تصبحون على خير
صاحب /:تصبحون على خير ومشكوره كوثر ع الكيكه كلش
طيبه
كوثر ما جاوبت وانا وكفت كتلهم ::وانتم من اهل الخير
1
تستمر القصة أدناه

من طلعو كوثر شالت الصينيه ورجعت تدردم وهي تحجي
- - جايني صاحب نص الليل يتامر يريد كيك عبالك خدم عنده
ما ياامر مرته يخاف منها لو بته انا شكو
هي باوعتلي شافتني بيدي الموبايل والسويج تريد تحجي انا
اشرت باصبعي
::اششش ما اسمع نفس حقيره ما توبين ياكلبه اشلون اامن
يصير عندي طفل منج وانتي سالفه خاصه بينا ما
كدرتي تضمينها كل ما اكول استعدلت اطلع غلطان
كوثر بنتر //عليمن غلطان حقي يصير عندي جاهل حالي حال
كل مره وهذا العذر مالت اريد اكون نفسي
واريد اطلع وما اعرف شنو يفيدك اصلا انا اريد يصير عندي
طفل
جاوبتها وانا اجر نفس ::صار وحقج ومن باجر اكطعي الحبوب
لان راح اطلكج واتزوجي واحد غيري وجيبي
منه عشره انا تحلمين بعد اووصل يمج
كوثر صارت ترجف مو من الخوف لان عدها كلام تريد تحجي
/:طلك سلام مردك الي مو عبالك تاخذ رضوى
لان ابوي قرر يزوجها الصلاح
انا رغم جنت اتمنى الزم كوثر واطك راسها بالحايط بس لزمت
نفسي /:بالعافيه على اخوج وابوج وامج بس هم
ما ارجعج لو شيصير الا اللهم امج ام السحوره تسويلي سحر
وترجعني بس افتهمي يا بت الناس انا اكرهج
اكرهج من تصرفاتج
كوثر تهز بايدها //لا انت تكرهني مو بسبب تصرفاتي بسبب
الارمله السوداء بس وداعتك اله اخلي صلاح ياخذها
واطلع حيفي بيها اكرهني سلام مو مشكله اصلا انا ادري بيك
تكرهني بس شوف اله اخليك تباوع الها
وتتندم اله اذلك بيها واخلي صلاح كدامك يكطعها ويصلخها
مثل لمن شفتها بحضن اخوك تتذكر اله اخليك
تصير مثل الطير المذبوح تفرفح وما تكدر توصلها انا الك بس
اصطبرلي وتدلل
ما كدرت اسكت اتقربت منها وخنكتها وكتلها /:من يوم يومج
حقيره وتربية شوارع
شمرتها وطلعت هي طلعت وراي تكلي باستهزاء //لا تنسى
بعد عشرين يوم معزوم على عرس حبيبة الگلب
وضحكت بعصبيه وشماته انا صعدت بالسياره والصورة ابالي
شلون صلاح يتزوج رضوى هاي كوثر
هي وامها مخططات الكل شي اتذكرت عفاف ومرت ابوها
اتصورتها تشبه صبيحه
وصلت للشقه فتحتها ودخلت الغرفتي شكد متندم لان
اخذت كوثر بس لازم اطلكها هالمره لا خالتي ولا عمي
يلزموني الصبح كعدت رحت للمحل جان عندي شغل الفوك
راسي ما كدرت اروح للمحامي ثاني يوم رحت بال

ليل
واستفسرت عن هواي امور هو رفض يطلعني عليها الا
بحضور رضوى او انها تنطيني وكاله بس انا كتله اريد
اعرف حقي شنو لان قررت ابيعه واهاجر
المحامي جاوبني //استاذ سلام انا عندي المستندات الي
تخصك او الي كاتبهن الك اخوك هسه اجيبهن وتطلع عليهن
من وكف يريد يطلعهن اجو علي جماعه عدهم قضية حصر
ورث لذلك انا كتله
:: استاذ شوف الجماعه وانتظر باچر ان شاء الله منك تلفون
ورجعت للشقه
اتمددت ع الفراش واجه فارس سالني //ها شسويت ويه
المحامي
::ما قبل يطلع الاوراق الا بحضور رضوى
فارس //تحچي صدك والتالي شلون
ورثت جگاره وگتله //فارس انا تايه ما اعرف شلون اتصرف
اتصور بعدهي ما مستلمه ولا فلس وعمي
طاهر يريد ياخذها الصلاح لا وصبيحه وبتها يردن ياخذنها على
مود يذلنها
فارس/:شبيك سلام شنو يذلنها من كل وعقلك تحجي شنو
رضوى زغيره لو ما تفتهم تره انسانه واعيه مثقفه
شنو يذلنها شنو عمك ياخذها الابنه انت وين عايش
::والله ما ادري فارس انا هم مليت لذلك قررت اصفي اموري
واهاجر
فارس/:قصدك تشرد
باوعتله وانا عاكف حاجبي ::شنو شتگول منين اشرد
فارس يهز براسه /: اي سلام تشرد من كوثر وامها ومن رضوى

هزيت راسي :: مو صحيح فارس بس انا انسان مذبوح وجاي
امشي گوه ما اريد احد يتورج علي كله ضامه اهنا
- - واشرت على كلبي --
فارس باوعلي /:سلام ادري وحاس بيك هسه انت لاتفكر باي
شي نام وارتاح وربك يحلها
::لا فارس قررت وما اتراجع اطلك كوثر واهاجر هذا اخر كلام
فارس /:نام خويه تبات نار وتصبح رماد
بقيت افكر وانا ادخن جگاره تخلص اورث الثانيه ما اعرف
يمته نمت وشلون وانا افكر بكلام سهير
من تكلي اخذ رضوى ولا تضيع تعبك وكلام كوثر من تكلي
اذلك برضوى من اشوفها عد صلاح وهو
يضرب بيها وصبيحه وكوثر متهنيات بالحلال والفلوس الصبح
صار شي خلاني
اعيد كل حساباتي من جد وجديد

يتبع

١٧__١٨

#البارت17

////////////////🌷🌷🌷///////////////
العوض باالله #
لكن عمري شيعوضه 💔😢
انا السويت كل شي وما گعد حظه 😭
////////////////////////////
سلام
كعدت الصبح جنت كلش تعبان والهموم الفوك راسي فكرت
بكلام فارس انو محد يكدر يغصب رضوى تاخذ
صلاح وبنفس الوقت اتذكرت كلام خالتي ربيعه لمن تكلي
- - يمه سلام دير بالك من صبيحه وبتها هذن كل شي يخطر
ابالك يسوون

وصلت للمحل ودخلت للمكتب وصحت ع العامل يجيبلي
جاي راح ورجع جايبلي كوب جاي وطاسة باكلا
وصمون حار كلي //عمي اتريك مبين على وجهك التعب
وطلع العامل وانا صرت اكل باكلا وصمون وشربت جاي واجه
عليه واحد معميل اشترى وخليت العمال يحملوله
البضاعه قريب الساعه عشره اجاني عمي صاحب سلم عليه
وكعدنا وصيتله على جاي هو كلي
- - عمي سلام وصي العمال محد يدخل علينه
انا صحت على عزوز وفهمته محد يجي عليه لمن ما انا اكلهم
كعدت بصف عمي كتله
::خير عمي بوجهك حجي
صاحب بنتر //عمي ما تكلي انت وين من اول البارحه لليوم
::اهنا عمي موجود هذا انا كدامك خو مو شبح
صاحب /:يمعود ما دريت هاي كوثر وامها شسون بسهير
وانتي اله تكولين شنو محد ايسولف عليج
واجتني صبيحه اتكلي
كله من جوه راسءسهير سلام عاف البيت وضرب كوثر
انا جاوبته ::لا عمي شلها غرض ام انمار بس هاي كوثر ادب
سزز وما تصيرلها جاره تولي انا قررت اا
عمي صاحب قاطعني /:على كيفك انطيني مجال عدي شغله
ضروريه وياك
انا جاوبته /:شنو هاي الشغله خير
صاحب /:تذكر من كتلك باجر اروح على رضوى
::اي اذكر شنو شسويت
صاحب /:البارحه رحنا انا وسهير رحنا على رضوى جانت اختها
رقيه يمها سلمت وهي تلكتني وانا بست
راسها بس جان سلامها على سهير بارد
انا باهتمام ::اي عمي كمل
صاحب /؛انا وسهير كعدنا رقيه طلعت ماي وكالت
رقيه /:خالي المفروض نقدم شربت جي شفناك بس تدري
حزينين
صاحب/:لا خالي شنو نجربكم
بعدين باوعت الرضوى جانت كاعده بالكاع وسالتها //شلونج
خالي
هي جاوبتني =الحمد لله على الله
صاحب /:كلنه على الله خو ما محتاجه شي كولي مو تستحين
رضوى =خالي الحمد لله شاحتاج
صاحب /:ادري خالي بس الامر ما يخلو
رقيه /؛خالي هاي تقريبا اكثر من اربع اشهر من اتوفه فواز
شنو متذكر جاي تسال رضوى شمحتاجه
صاحب/:صحيح خالي بس انتي تعرفين الظروف هسه رقيه
انتي واختج اذا ما تريدينه نطلع وبعد ما نجي
گومي سهير خلي نطلع لان بنات اختي ضاجن
رضوى =شنو هذا الحجي خالي شنو تطلع بيتك هذا (خزرت
رقيه واشرت عليها ). هاي تولي ما تفتهم
رقيه // ليش رضوى انا مچذبه
رضوى // كافي رقيه الزمي السانج خالي امسحها بوجهي
صاحب /:تسلمين خالي اكلج يمته تخلصين العده
رضوى =ان شالله اسبوعين
سهير /:وترحين تزورين فواز
رضوى =اي ام انمار شلوون ما ازوره اروح انا ومقداد ورقيه
وامي
صاحب /:انا هم اروح وياكم
رضوى /:هلا بيك خالي
صاحب /؛جاما اخليج ترحين ابحدج اكلج خالي اريد احجي وياح
بموضوع بس لا تفهميني غلط
رضوى =اي خالي تفضل
صاحب/:خالي مثل ما تعرفين فواز الله يرحمه عده خير
وفلوس وانتي زوجته وانا خالي جنت محتاج واخذت
فلوس مقابل حصتي بالبيت بس الي صار الفلوس خسرتهن
والبيت بقى الج والسلام
باوعتلي رضوى وسالتني //والمطلوب شنو خالي؟
صاحب/:المطلوب حصتي بالبيت ترجع وانا على الطول اسدد
الفلوس
اهنا عمي صاحب ظل يحمحم كتله
:...عمي كمل ليش سكتت
اهنا عمي طلع نقاله وكال //سهير جانت مسجله الكلام كله
كلت اتسمعه احسن وانت تتصرف

وفتح عمي النقال سمعت صوت رضوى اول مره اسمعه من
اربع شهور رجفت خليت الهدفون باذني وسمعت
المحادثه الي خلتني اعيد حساباتي
رضوى بعتب =ها خالي وانا اكول جاي وره اربع تشهر انت
وسهير وشمحتاجه وما محتاجه اثاري عدك شي
سهير //عود صدك رضوى هيج تحجين ويه خالج
رضوى علت صوتها وحچت بنتر =اي احجي ليش لا مو انا
الزباله الي راد يكتلني مو انا كل ما يشوفني يتفل
بوجهي وانتي تصيحين الساقطه هسه جايين لان عرفتو انا
راح اورث فواز الله يرحمه
صاحب /:انتي شتحجين رضوى تعب فواز وسلام تردين
تاخذينه
رضوى =اي اخذه الشرع والقانون وياي
صاحب/:وتعب سلام مو چان شوفت عينج النهار كله ويه اخو
يشتغل شنو حلال حرام تاكلين تعبه
رضوى =والله خالي انا ما كايله السلام لاتاخذ حقك من اخوك
انا ما اعرف سلام ماخذ حقه متحاسب ويه فواز
ما متحاسب انا اعرف اوراق ومستندات هذا الي اعرفه
صاحب/:ولج انتي منتبهه شتحجين اشو طالت وشمخت
تاخذين حلال ولد اخوي هذا بعيد عنح شعبالج نخليج تاخذينه
تحلمين
رضوى =والله خالي انا ما ماخذه حق احد حق زوجي وانا اورثه
مثل ما كتلك شرع وقانون
سهير بهدوء //شلقصه رضوى عيب هيج تحجين ويه خالج لا
تنسين انتي ربيتي عد خوالج شنو هال

حجي
رضوى بنتر ==شنو شنو شنو شتكولين عيوني منو رباني هي
بس عمتي وسيله وخالي صبار الله يرحمهم
وانا ربيت براتب ابوي واسالي رجلج محد صاحب فضل علي
بس عمه وخالي الي چانو ينصحوني ودايرين
بالهم علي وانا اخدم بالبيت حتى بناتهم مو مثلي يخدمن بس
كبرن زوجوهن وبقيت انا وعطاء شايلات البيت
على راسنا وانتي تدرين
سهير/:صحيح خاله لا تنسين انتي بنيه حلوة وزغيره وعدج خير
واول وتالي تتزوجين ليش هالحجي والمشاكل
انا اكول اقصد خالج وانا نشوف انتي تخلين كل شي وراج
وتنسينه
رضوى بهدوء =شتقصدين ام انمار
سهير //الي اقصده انتي ليش ما تتزوجين سلام هم حلالكم
عدكم وما يرو....
قاطعتها رضوى ==سهير انتي شتحجين
سهير // شكو بيها لا عيب ولا حرام وانتي من زمان ندري بيچ
تردين سلام
رضوى. =. انتي شتحچيين ام انمار انا افكر اتزوج وره فواز
واتزوج منو سلام امداني اذا بلحظه افكر اتزوج
سلام وداعتج اتزوج -شعيب البكال- على كولة عمه وسيله الله
يرحمها
وما اخذ سلام شبيه مخبله هذا منو سلام الي تكليلي اخذه
سهير //شبيج رضوى سلام ابن خالج الي جنتي تحبينه
رضوى باستهزاء =چنت سهير چنت وچنت بالماضي مو هسه
شبيه اخذه منو هو واخذه اسمعني خالي انا بس
يحصر المحامي الورث واخذ حقي ابيع الحلال واسوي فلوس
وارووح العمامي بكربلا وهناك اعيش وليش
اخذءسلام الما حفظ كرامتي واخذ كوثر عدوتي خو اخذ واحد
من ولد عمامي
صاحب بعصبيه /:ولج شجاي تحجين جا استحيتي مني
رضوى =ليش خالي شگلت وتگلي چان استحيتي ما گلت
شي
صاحب بعصبيه //ما گلتي شي تاخذين حلال فواز وترحين
العمامج الي ما عرفوج هاي سنين وانوب
تاخذين ابن عمج وتگولين ما گلت شي
رضى ==خالي لاتزعل تره الحياة فرصه ليش اضيعها انا اول
مره اغتنمت الفرصه اخذت فواز وخلاني اميره
ومن اتوفى راح استارثه واصير ملكه والما يعجبه يطك راسه
بالحايط
صاحب /:يصير خير سهله تصفى
رضوى =خالي لاتزعل الحق حق والحق ما ينزعل منه والي
عنده يم فواز الله يرحمه فلس يكول بس يطلع
المستند وانا انطي كل فلس مطلوب بي المرحوم كلامي ما
يزعل انا هم ما اقبل يبقى لو فلس بذمة فواز
صاحب // بس تدرين الحلال مو بس الفواز سلام شگد
اشتغل وتعب وسلام ما چان يحاسب فواز گدامج
يگول حلالنه واحد هسه تگولين الحلال من حقج
رضوى = اي خالي خلي نشوف المحامي وكل واحد ياخذ حقه
والحق ما يزعل
خالي //لا ما يزعل ياالله سهير گومي
رضوى =هلا بيكم

انا اسمع واحس عيوني يطلع من عدهن نار ما مصدك احجي
ويه نفسي
:: وبعد وبعد الي يعيش ياما يشوف رضوى خاتون
ما حسيت الا على عمي صاحب وهو يكلي //سلام سلام وين
صرت
جريت حسره ::هاا عمي وياك بس بلا زحمه دزلي التسجيل
صاحب /:صار تدلل بس كلي شراح تسوي
::كل خير محتاج شوية وقت
صاحب /:يا وقت سلام لاتنسى اسبوعين ويجي المحامي
ونخسر الاول والتالي
باوعت العمي وانا احس بروحي اشتعلت بنار ::اطمن عمي لا
تشغل بالك رووح البيتك واهدا ولا كانه شي صار
ومن تصادفك هي او امها او اختها اتصرف عادي وياهن
وسلم عليهن وخاف محتاجات شي بس لاتطخ كلش
وياهن
صاحب هز راسه // صار
:: عمي شلون كدرت سهير تسجل الكلام
صاحب /:من قررت انزل احجي ويه رضوى نزلت سهير وهي
جايبه النقال وكالت راح اسجل كل كلمه
تكولها رضوى
سالتها // وليش تسجلين وبالله عرفت بيج
سهير /:ما تعرف انا افتح التسجيل وهنه مايدرن جاشلون
سلام يعرف شكالت رضوى خلي يسمع باذنه شتكول
حتى يعرف يتصرف
انا كتلها/:بس انتبهي وديري بالج
سهير /:اطمن محد راح يعرف
انا حجيت ويه عمي /:ابو انمار انطيني مجال افكر ويصير خير
صاحب /:فكر عمي بس عفيه استعجل كبل لا يفوت الاوان
جاوبته ::ان شالله كل شي ينحل وانت مثل ما فهمتك
اتصرف عادي من تشوف وحده منهن وحتى وصي
مرتك عادي تسلم عليهن بس لا اطوخ وياهن
صاحب /:ان شالله اعتمد يالله عمي اتركك تشتغل في امان
الله
::الله وياك
من طلع عمي انا وكفت على حيلي صرت اسحب بالهوى كوه
لان احس راسي راح ينفجر واتذكر صوتها يدوي
باذني من تكول
= الحياة فرصه وانا استغليتها اخذت فواز عيشني اميره وهسه
استارثه واصير ملكه والما يعجبه يطك راسه بالحايط
كعدت ع الكرسي وصرت اسمع محادثتها وارجع مره ثانيه
اسمعها ومره ثالثه وانا اكوول
::اي رضوى خلي اسمع كلامج علمود اقسي كلبي اكثر ويصير
حجر حتى من ابدي انتقامي ما كو شي
يشفعلج ويخليني اغير رايي واحن عليچ
اتمددت عالقنفه واجاني ابو غدير العامل وهو يكلي
- - عمي سلام ما تكعد تتغدا خالتك ام غدير طبخت مركة بتيته
من الي يحبها كلبك وخبز بيت حار يالله عمي
اكعد غسل وسمي باسم الله
انا ما حبيت اكسر بي لان اعرف هو مخابر مرته وكايللها تدز
غدا لذلك كمت غسلت واكلت ويه العمال من كملت
الغدا انا صعدت بسيارتي وكتلهم ديرو بالكم رايح اشوف محل
الادوات
اول مره رحت المعرض السيارات تلكوني العمال احنه مخلين
بي رجال محاسب نعرفه من زمان وبعد وفاة فواز
الله يرحمه سلمته الاداره والمحاسبه تلكاني اب

و راغب
- - هلا بيك عمي سلام اشلونك
::الله يحفظك ايو راغب شلون الشغل
- - الحمد لله كله تمام
::زين جيبلي السجلات اريد اشوفهن واريد الفلوس الي
بالقاصه لان اريد احول
وراح ابو راغب جاب السجلات وانطاني الوارد اليومي هو
يوميه يجيبه الي وره ما بخلص شغله بس هالمره كتله
::جيبهن هسه والباقي بعدين وانا اخذت السجلات وكتله
اطلع عليهن واقارنهن وبعدين ارجعهن انت
اكتب بمسوده بالي تبيعه ولا تنسه التاريخ
- - صار لا توصي هاي شغلتي من زمان
اخذت السجلات وطلعت رحت الفارس بمحل الادوات
شافني اجه //ها سلام شخيرك
انا دخلت للمكتب وشمرت روحي ع القنفه
فارس /:شبيك سلام كلي
::هاا لا ما بيه شي بس تعبان
فارس /:روح سلام روح ارتاح بالشقه شعدك جاي
- - فارس شخبار الناس الي نطلبهم
::الناس جاي اكثرهم يسددون خصوصا الي عليهم كمبيالات
وناس طلبت مهله
::زين فارس جاي تكتب الناس الي ينطوك
- - طبعا جاي انزل اول باول هاي ذمه
::فارس جيبلي السيوله العندك لان اريد احولها
- - صار سلووم هسه
وفارس فتح القاصه وطلع علاكه مليانه فلوس وكلي
- - حجي سمير اليوم سددني وهذا الوارد مال امس

اخذت الفلوس وطلعت وانا متعجب على روحي المن اخذتهن
وليش شنو فواز بس هذن ملكيته انا شكد غبي وما افتهم
وصلت للشقه ونزلت الفلوس والسجلات خليتهن بالكنتور
واتمددت ما اعرف شلون غفيت كعدت وصوت رضوى
يرن باذني وهي تگول =امداني انا اخذ سلام
فتحت عيوني باوعت عبالي هي يمي رجعت غمضت وحجيت
بصوت عالي
::انا اعلمج منو سلام سهله
كمت من الفراش ودخلت للحمام سبحت وبدلت وطلعت
خابرت خالتي ام بهاء كتلها عشاي يمج هي فرحت
واهلت وسهلت
رحت المكتب المحامي وصلت لكيته موجود رحب بيه
- - اشلونك استاذ سلام
::الحمد لله بخير
المحامي /:انا اسف انت شفت بعينك ناس اجوني وانا جنت
متفق وياهم على الموعد
::لا ولا يهمك استاذ ما صار شي
المحامي/:تماام وهسه بيش اكدر اخدمك استاذ سلام
::استاذ رافت مثل ما تعرف واكيد المرحوم حاجيلك انو
شغلنه سووا وماكو فرق بيناتنا
- - اي والله هو كايلي بس وضح
::الشي الي اريد اكوله انو كل شي يخص المرحوم الي نص بي
لان انا تعبت واشتغلت يجوز اكثر منه لكن انا
ما جنت احب اتجاوزه واسجل شي باسمي لان اعرف اخوي
ما ياكلني
المحامي /:كلامك صحيح وهذا دليل تربيتك ومعزتك الاخوك
::الله يحفظك استاذ لذلك رجاءءاخوي اريد اعرف بس الي
اليه وبعدين النا جلسه بحضور ارملة المرحوم
المحامي/:استاذ سلام انا فواز الله يرحمه طالعني على كل
شي واعرف كل شي يخص عملكم بس احيانا ومثل
ما تعرف حضرتك اذا ما كو ورقه موثقه فالكلام ما يمشي يم
القانون والقانون لا يحمي المغفلين
::شنو قصدك استاذ رافت
المحامي/:قصدي اكثر العقارات باسم اخوك وعلى مود تكون
على بينه انت الك محل التايرات ونص المزرعه
ونص البيت والك وحده من العمارات الي بكربلا والك محلين
ماجرات والمخزن
:: محلين وين
بمنطقة ال ... فواز اشترى سته كتب اثنين باسك واخذ اربعه
والمخزن انت تعرفه الي تخلي بي بضاعتك
:: هااوالباقي
- - الباقي الارملته
ما حبيت ابين للمحامي شي لان يگول طمعان ::تماام استاذ
هذا هو بس اريد اسالك على معرض السيارات
المحامي / هو باسم فواز يعني اله
هزيت راسي ::ماشي استاذ زاحمتك
المحامي //استاذ سلام من تخلص زوجة المرحوم عده ارجو
ان تنطيني خبر على مود نكعد تلاثتنا وكل من ياخذءحقه
انا فكرت وسالته ::استاذ اله هي تكعد
- - لا مو اله هي يصير تسوي وكاله الاي احد وهو يكعد ابدالها
::ان شالله مجرد ما تكمل العده انطيك خبر وارجو الحديث الي
صار بيناتنا محد يعرف بي
- - ولو سلام هاي اسرار مو من حق اي احد يطلع عليها
::شكرا استاذ في امان الله
- - الله وياك وخلينه على اتصال
صعدت بالسياره وانا محبط من تصرف فواز ومن كلام رضوى
فواز صحيح جان هو ابو الشغل بس انا اكثر
التعب عليه چنت ما الزم من الوارد اي شي وهو ياخذهن
ويدخل بمشاريع ويسافر صحيح فواز هو الي كبر
التجاره بس لو ما تعبي ما كبرت
ياما نمت بالمحلات ورحت للميناء اخلص البضاعه وحتى
چنت احمل ويه العمال على مود نلحك
وعمري ما حاسبت فواز على شغلي هو ما مقصر من ناحية
الصرف والملابس بس تعبي وتعبه تاخذه
رضوى وتكول اخذ ابن عمي احسن الي
جا شكد طلعتي خبيثه وحقيره

ورحت البيت خالتي ام بهاء الي لاكتني وهي تبوس بيه
وصبتلي عشا بعدين كعدنا انا وياها وسمعتها كلام رضوى
بعد ان اخذت منها وعد ما تحجي الاي احد وتبين هي تعرف
شفت خالتي ما متفاجئه بمجرد ما كمل التسجيل باوعتلي
وكالت //عادي لا تاخذ ابالك ولا تضوج بعد خالتك
بس انت لازم تتزوج رضوى
::خاله شتحجين رضوى تريد ابن عمها وصبيحه تريد تاخذها
الصلاح علمود تذلها وانتي تكليلي عادي اتزوجها
خالتي/:اي انت اولى واحد بيها رضوى لا ولد ولا تلد وراح تاخذ
حلالك وحلال فواز وتنطي للغريب
لو للنايم للظهر اصليح ويصير فال صبيحه لا يمه الصدك
والصحيح تتزوجها وتحافظ على حلال اخوك وتعب

ك
سلام يمه اعتبر فواز متزوج وعنده جهال مو لازم تحافظ على
جهاله وعلى مالهم
انا تذكرت فواز من وصاني وكلي امانتك رضوى وجهالي بقت
خالتي تسولف علي وانا ولا يمها
افكر واگول ::فواز ياريت تطلع متزوج وعندك جهال ولا اسمك
يضيع وينسي
انا ما صبرت بجيت وشافتني خالتي كالت
- - خاب يمه سلام اذكر الله اخوك راح للرحمه وانت لازم تغتنم
الفرصه مثل ما رضوى تكول فواز فرصه
هسه انت كول رضوى فرصه ولازم اغتنمها
خالتي خلت العشا انا اكلت شويه كتلها شبعان من غدا الظهر
وكفت وبست راس خالتي وهي تدعيلي الله ينور
دربي وطلعت بالطريق نزلت اخذت فواكه وعصير وطبكت يم
مطعم وصيته على صينية مشاوي وانا راكن
السياره خابرت عمي صاحب
::الو عمي
صاحب /:هلا بابا هلا بيك
::منو يمك
صاحب/:بس ام انمار ليش
::شوف هسه سد التلفون وسويلك حجه اطلع ورمش عليه
وانا اخابرك
صاحب /:صار عمي تدلل
ماكو يمكن عشر دقايق ورمش انا اتصلت
::ها عمي انت ابحدك
صاحب /:اي سلام خو ماكو شي
::بس الخير اسمعني عمي اول شي وكبل ما اكلك على الشي
الي
قررته اريد اعرف اذا جنت تريد تحافظ على وجودك بالبيت
يعني تبقى بالبيت ومحد يعرف بسالفة البيع الى
ان توكف على رجليك وتلم نفسك
صاحب // اي عمي علوا باالله رجوبيك
:: اسمعني عمي الي راح اكوله الك تضمه حتى على نفسك
يعني بين قوسين
ما تسولف السهير ولا الاي احد تكدر لو اشوف غيرك وتخسر
الاكو والماكو
صاحب/:لا عمي اطمن على حجايتك الي اسمعه ما اسولفه
على روحي
:: عمي صاحب ادري بيك ما تضم على سهير بس اذا طلعت
الكلام كل شي راح تخسر كل شي
صاحب // اعتمد سلام لا سهير ولا اي احد
::خوش اسمعني
وصرت احجي العمي على الشي الي لازم يسوي واتفقنا يصير
تواصل بيناتنا بره واكثر شي بالمحل مالتي
كمل العامل الصينيه حاسبته وطلعت كبل للبيت دخلت
السياره للكراج ونزلت العلاليك ودخلت للديوانيه
خليت العلاليك ع الميز واتمددت ع القنفه وخليت ايدي على
عيوني جانت قريبه الساعه عشره
حسيت اجت كوثر اتقربت علي وحضنتني وصارت تبوس بيه
وتكلي
- - حبيبي عبالي رحت وبعد ما اشوفك (وصارت تبجي ) والله
سلام انا من حبي الك هيج اسوي مو بيدي ودي
حتى النفس الي تتنفسه انا اشاركك بي

انا استعدلت بكعدتي ولزمت حنجها وكتلها ::وتالي ويه اخبالج
وهذ العقل الفارغ (ودكيت خفيف على راسها )
كوثر /:اي فارغ ما بي بس واحد هو مخبلني اسمه سلام احبه
واموت علي
انا ::وهو هم يحبج وما يكدر يستغني عن اخبالاتج
كوثر/:صدك سلام يعني تحبني
اتقربت اكثر وانا اباوع بعيونها ::احبج كولي اعشكج بس انتي ما
تفهمين
كوثر/:مو بيدي اغار سلام
::ولج منين تغارين مو من اكول مخبله محد يصدكني
كوثر/:اي اغار احس راح تضيع من بين اديه انا ما عولت
رضوى
تتزوج فواز انوب مات اخوك وانا اخاف سلام
انتبهت (شنو ما عولت تتزوج شنو يعني تدري بزواجها )
كوثر/:هاا سلام اشو صفنت
اتنفست وگلت ::صفنت بكلامج بالله منين تخافين
كوثر/:اخاف بعد ما اتوفه اخوك تتزوج رضوى
انا وكفت على حيلي وضحكت باستهزاءوهزيت ايدي وهي هم
وكفت
::مخبله وغبيه وما تفتهمين ولا عبالك دارسه وداركه الامور وج
شلون تسمحين النفسج هيج تفكرين
شنو شايفتني كدامج بلا كرامه
هي بارتباك // سلام مو هذا قص..
قاطعتها ::ولج كوثر اشلون لو بس تفكرين هذا التفكير
المصخم وج انا اخذ رضوى ليش شبيه
كوثر بترجي /:سلام
::خلي اكمل لو اريد اتزوج اخذ وحده بت شوارع وما اخذ
رضوى نسيتي شسوت نسيتي ويامن خانتني
لو بس فكرج المريض وانانيتج عبالج اخذها
هاي بدل ما تسانديني وتساعديني جاي تكليلي تاخذ رضوى
بس انتي فد وحده ما عندج ثقه بنفسج
هي باوعتلي بتساؤل انا كملت كلامي
::اي ما عندج ثقه لو عندج ثقه ما تخلين امج ساعه والثانيه
تقرا براسج تره للعلم جنت اكدر اخذ اي وحده اواطلع
من البيت وما ارجع بس انا عرفت بخطئي وعرفت انتي شكد
تحبيني لذلك اتزوجتج وانتي غبيه
ما تحاولين تفهميني
كوثر/: سلام والله لان احبك اريد منك طفل
:: لا لا هاي سالفة الطفل عوفيها هسه لان من كثر ما امج
تكرعليج لازم تعرفين ياحبيبة كلبي انو اي واحد
بمكاني جا عافج من زمان وخله امج صبيحه تركض من
كشاف الكشاف ومن ساحر الساحر على مود
يرجعج بس لازم تعرفين انا احبج خلي اكولها الج مره ثانيه على
مود ما تنسيها -اتقربت يمها وخليت حلكي
قريب اذنها وكتلها -::كوثر انا ا ح ب ج افتهمتي ياغبيه
- - سلام وانا اموت عليك ودي يصير طفل منك
::اكيد حبيبتي حتى انا وحاولت افهمج بس انتي ابد قافله
- - لا سلام احس ما تريد يصير عدنا طفل
::صحيح كوثر بالوقت الحاضر ما اريد
كوثر ضربت على رجلها /:ليش
:...استغفر الله اخاف اكلج والكا الخبر عد امج وتنفضح القصه
كوثر باهتمام /:كلي سلام والله ما احجي
::وج كوثر انا من اشرب ماي الكه السالفه عد امج انوب اكلج
شكو والله تنشريها ع الفضائيات
كوثر/:لا سلام هالمره وعد بس انت خوفتني كلي شكو
::تدرين مر علي المحامي وطلعنا انا وعمي صاحب ما النه م

ن
ورث فواز بس ثلث البيت ورضوى راح
يصير الها الثلثين
كوثر باهتمام /:وشنو يعني
::ها يعني يافهيمه من الثلث الي قسم ما يجيبلي غرفه تردين
يصير عدي طفل وانا ابن حجي صبار اكعد بالايجار
واخلي تعبي وحلال اخوي تلعب بي رضوى انتي شلون
تقبلينها
كوثر //هاا هم صحيح بس امي تكول اقصد انت هم الك
بالحلال

::اي الي بس شكد ابيعه واشتري بيت واكعد اخلي ايدي على
خدي
كوثر /:وشراح تسوي
::لا تشغلين بالج وكومي خلينه اكل وخلينه ننسى
كوثر/:عفيه سلام والله انشغل بالي فهمني شراح تسوي
::شوفي كوثر راح اكلج بس ازعل اذا اعرف كايله الابوج لو امج
لان كل شي يخرب وانا موقفي ضعيف
لان ما عندي مستندات واوراق تثبت حقي
كوثر/:لا والله ما احجي بس كول
::ولو اشك ما تحجين بس انا قررت اخذ كل حلالي من رضوى
هي فتحت عيونها /:ايي وشلون تاخذحلالك لا تكلي تتزوجها
::مو اكول حماره وما تفتهمين وابتليت بيج لان احبج محد
يصدكني اكعدي خلي افهمج شوفي كوثر
عندي ولد صديق دلاني على صديقه محامي ابغداد يشتغل
بهيج قضايا ويندل دروب يعني يكدر يرجعلي حقي
ولو هو ياخذ فلوس هواي بس مضطر وبعد يومين تلاثه بس
يخابرني الولد اروح اتفاهم ويه المحامي واشوف
شيكدر يسوي ومناك اروح الاربيل عندي شغل مهم
كوثر //هاا سلام شتسوي تروح الاربيل
::اكيد ما اتزوج حبيبتي اروح لان اذا تذكرين البضاعه الي
اشتراها فواز
قبل لا يموت بيوم الي اخذت الفلوس من مرته اشتراها
بفلوسنا يعني انا الي بيها حصه
كوثر /:اي وشنو يعني
::يعني البضاعه بعدهي باربيل ما وصلت للمخازن يجوز لان
اتوفه فواز يجوز التاجر لعب بذيله الله اعلم
كوثر //ادري سلام واحنا شعلينه
::اشلون شعلينه اكلج فواز دافع فلوسها وما استلمناها على
مود هيج اروح اشوفه للتاجر واحمل البضاعه واخليها
بمخازني لان هي صارت من حصتي
كوثر //قصدك تاخذها
::طبعا اخذها واستفاد منها جا اخليها الست رضوى تلعب
بيها بكيفها تدرين شكد حولت السلام عبالج بس الي
اخذتهن من مرته حولت بكدهن عشر مرات يعني صفقه چبيره
وبيها خير من الله ولو اعرف ادفع عمري لازم
تكون من نصيبي
كوثر //علواه سلام ياريت
::لا كوثر لا تكولين ياريت كولي اكيد انا هم اريد ارتاح واستقر
واريد ابنه اذا طلع للدنيا يلكى شي ينسند علي
مو صحيح هاي مبين بس تخلص العده يجي المحامي وتاخذ
الاول والتالي وبعدين تتزوج واحنا نظل فاكين حلگنا
للهوى لو نترجاها تنطينه من حلالي وتعبي
كوثر //صحيح سلام اي والله كلامك ذهب
::على مود هيج اريدج تتحمليني هنه شهرين اصفي كل
اموري واخذكل فلسءيخصني واخذج واطلع بس انتي
لازم تصيرين وياي وتعرفين شلون تحافظين على سرنا واي
كلمه هسه گلتها الج تنسيها تره هالمره ما بيها لعب
كوثر /:انا وياك سلام ما اعوفك
::وحتى انا (جريت نفس وگتلها )تدرين كوثر شتمنى
كوثربدلال /:شنو شتتمنى حبيبي
باوعتلها وانا اعض شفتي ::مشتاق الغرفتي اريد اخذج وانام
بيها
كوثر بفرح //صدك سلومتي حتى انا يالله تعال --ولزمتني من
ايدي--
::وين يمعوده المره لازمه عده
كوثر/:تولي بغرفتها ماعلينه بيها وبعدين هسه ليل شنو وين
طالعه انت معليك يالله تعال
ودخلت قبلي للمطبخ وبعدين اشرتلي ورحنا للغرفه انا دخلت
اخذت حمام شكد صار ما داخلها من طلعت لكيت
كوثر جايبه العشا وخالته انا متعشي عد خالتي بس جاملتها
ونمنا انا وكوثر طبعا ما ننسى فعاليات كوثر صوتها
وضحكها وسوالفها المهم تسمع رضوى
بقينا خمس تيام انا اطلع الصبح وبالليل ارجع اكعد شويه وانام
وبهاي الايام بدت كوثر شويه تتبدل حتى بيت عمي طاهر
وصبيحه مو مثل قبل يجون اجو علينه مرتين ربع ساعه
ويرحون
يوم سادس خابرت كوثر من المحل وكتلها
الو كوثر
- - هاا حبيبي
::انتي وين
- - بالبيت ليش
::هاا صدك نسيت اليوم سبت عبالي بالكليه
- - لا بالبيت ها سلام رايد شي حبيبي
::اگلج اسمعيني زين حضريلي ملابسي بجنطه راح ادز عزوز
العامل لان بعد ساعتين اسافر البغداد للمحامي
- - ها اليوم تسافر
::اي انا وهذا الولد الي كتلج علي اسمعيني كلش زين هاي
ارملة فواز بعد شكم يوم تخلص العده مالتها افهمي
ما اريدج تحتكين بيها لو تسمعيها كلام حدج السلام اذا
سلمت واذا لا عوفيها
كوثر بعدم مبالاة /:لا عيني اصلا ماالي شغل نسيت راح تبدي
الامتحانات
::زين عفيه عليج انتبهي لدروسج او وصي امج مو تذب حجي
ما عوزي التهي بطلايب النسوان كوثر اريد الكى
حل واخذحقي على مود نعيش مرتاحيين تماام افتهمتي
حياتي
كوثر/:اي حبيبي سافر وانت مرتاح ومطمن ما عليك
::ومثل ما كتلج مناك اروح اخلص البضاعه واذا اكمل واحتاج
احد ادز على صلاح يجي يساعدني
- - هاي هي حبيبي هسه احضرلك الملابس
::كوكوا حبي راح اشتاقلج شبيه شنو مسويتلي سحر ما اتحمل
اذا ما اشوفج واذا ما اسمع صوتج
كوثر //وانا هم سلام دير بالك
ياروحي انتي هم ديري بالج
مع السلامه
الله وياك

#بارت18

علمني
شسوي —-وما تجي —-ابالي
علمني اذا مر ليلي من دونك
شسوي وما تجي ابالي ؟
وانا گايلك
غيرك مو رزق عيني
علمني امد ليا ضوة اخيالي
علمني اذا مر ليلي من دونك
شسوي وما تجي ابالي ؟
///💔💔/||💔💔
رضوى
بعد ايام وتخلص العده قبلها اجاني خالي صاحب هو ومرته انا
من يوم الحادث ما حجيت ويه خالي
وهو كل ما يشوفني يتهدد ومن اتوفى فواز بعد ما شفت احد
ولا واحد من خوالي اجاني لو سلم عليه رقيه
اجتني بيومها وكلتلي على المحامي الي اجه السلام بحضور
مقداد من كعد خالي صاحب وسالني على
احوالي وبعدين افتهمت منه انو يريد يرجع حصته بالبيت
مقابل يسدد الفلوس عل دفعات لكن انا انذكرت
الي سوو بي ردت اطلع قهرتني وشلون ظلموني ما اعرف
شلون طلع مني الكلام بس اتفاجات بكلام سهير
من تكلي ليش ما تتزوجين سلام انا مثل الصافن واجه واحد
بسكته وشمر علي ماي بارد ثلج صرت احجي
بكلام ما اعرف ليش انا حجيته بس اريد خالي وسهير يوصلون
السلام كلامي
وره ما طلعوا حاجتني رقيه
رقيه/:ولج رضوى انتي عاقله لو مخبله
=ليش شسويت
رقيه /؛اه انوب شسويتي ولج شنو هالحجي هذا الي كلتي
كدام خالي وسهير
=ليش انا شحجيت
رقيه /: كولي شنو الي ما حجيتي انتي شنو ما تفتهمين هسه
سهير تزيد وتنقص وتالي رضوى وياچ
=شنو التالي انا ما حجيت الا الي بكلبي ليش اضمه
رقيه/:اي وهاي سهير تاخذ حجي وتجيب مو
باوعت الرقيه =اكلج انا ما يهمني بكل الحچي هسه انا عزيزه
عد خالي وسهير على مود ما اطردهم من البيت
شبيج انتي افتهمي الفلوس تبدل النفوس
رقيه/؛غلطانه رضوى شلون تكولين ابيع كل شي واروح
العمامي واخذ ابن عمي
=اي اروح العمامي لان خوالي ضلموني
رقيه /؛رضوى بعد ابد لا تحجين شي احنه الهسه ما نعرف
شنو الج شنو ما الج ولا تنسين انتي وسلام راح
تصيرين شريكه ويا باكثر الورث
=اعرف لذلك قررت لو هو يشتري حصتي لو انا اشتري منه
رقيه/:اسكتي رضوى لا تحجين بشي على ما يجي المحامي
استري علينه
=لا ما احجي وانتي مو تكلين الامي هيح حجيت ويه خالي
تدرين بيها ما تقبل رغم السوو بيه
رقيه/:لا ما اكلها بس رضوى خوالي زينين لو ما هالحيايه الي
جانينهن
=ادري رقيه بس والله انا انظلمت (وبرطمت اريد ابچي )
رقيه حضنتني وگالت /:مي خالف رضوى انتي غلطتي من
كلتي محد تعبان عليه حتى لو صدك هسه يكولون
ناكره للجميل فدوه رضوى عدي هاي الايام على خير -بعدين
كلتلي -
اكلج رضوى خالي صاحب مو كال ارووح وياج للزياره خلص
دزي علي وكليله وطيبي خاطره ما ندري
شراح يصير واكسبي لان انتي تعرفين خالي طاهر وعصبيته
=اي صدك كلامج من اريد اروح للزياره ادز علي

وره ما اجاني خالي صاحب بيومين جنت انا وامي بالغرفه امي
نايمه وانا كاعده ع التلفزيون وسمعت صوت
بالصاله جان صوت كوثر وهي تتعمد تسمعني
- - سلام يالله حبيبي ماكو احد بالصاله تعال مشتاقتلك
عرفت سلام اجه الغرفته اول مره من وره وفاة فواز ما اعرف
ليش تذمرت وانا اگول
=فواز هسه وين نايم وسلام يدور حبيات واشتياق
ضليت بس اشهك وابچي هالمره ابجي على فواز الي عاف كل
شي وما حصل شي بس التعب اتمنيت فواز يطلع
متزوج بالسر واتمنيت يطلع عنده جهال اقلها اسمه ما ينسي
بمرور الايام
وثاني يوم هم نفس الشي وبقو تقريبا خمس تيام هو يوميه
يجي بالليل فايت وكت ويطلع من الصبح
بعدين هو ما اجه لان حسيت بكوثر اجت نامت ابحدها الصبح
حسيت بخالي صاحب نزل هو وسهير انا طلعت
راسي وشفت خالي وجهه بوجهي انا باوعتله هو من شافني
اجه يمي كلي
- - صباح الخير رضوى ها خالي محتاجه شي
باوعتله وانا مستحيه =هلا خالي صباح النور تعال خالو تريك
وياي
هو باوع السهير انا استردفت =ياالله خاله ام انمار تعالو تريكو
ويانه انا ورقيه
سهير /: ياالله هسه اجيب الجاي واجي
ودخل خالي الغرفتي وخلينه الريوك بعدين كتله
=خالو بعد خمس تيام واكمل العده وان شالله ثاني يوم اروح
للزياره وانت تروح وياي مو
- - اي خالي بس كون ما عندي شغل تدللين
=خالو خو ما زعلان عليه تره جنت ضايجه وهيج حجيت
- - لا خالي حقج حلالج وانتي حره بي واناهم شفت لي بيت وان
شالله اشتري واسدد فلوسه
= ان شالله خالو تستاهل
واتريكنا وصار خالي يوميه ينزل يشوفني وسمعت من خالي
انو سلام مسافر عل مود يشتري بضاعه المحله
ومحل فواز وكملت العده وقررنا نسافر انا وامي وخالي ورقيه
بس رقيه بالليل خابرتني واعتذرت ما كدرت
تروح وامي كلتنه انا وخالي نمر عليها وخالي اجر سياره انا
طلعت الصبح ويه خالي صاحب وصارت عيني
بعين كوثر وعطاء انا سلمت كلت =صباح الخير
ما ردن انا بعدني بالطارمه خالي كلي
- - رضوى بابا اريد منج من تصعدين حاولي تنزلين راسج لان
توج طالعه من العده وهذا السايق اخو صديقي
بعد ما اوصيج
هزيت راسي =صار خالي
شفت خالي خابر امي وكلها شويه ونجي وانوب راح يم
السايق انا ما باوعت علي بس اول ما طلعت من
البيت شفت رجال متنكب وشفت خالي راح حجى ويا

بعدين
اجاني خالي وكلي
خالو احنه نصعدخابرت امج كالت شويه واتحضر السايق كلي
ناسي السبير بالبيت احنه نروح ويا يجيب السبير
وبعدها نروح الامج حتى نكسب الوكت شتكولين
=بكيفك خالي
- - جبتي جنسيتج وشهادتج هذا طريق كل شي يصير
=اي خالي جبتهن
- - تمام خلي نتوكل
وصعدت جنت لابسه عبايه اسلاميه وحجاب ومتحنكه ولابسه
جواريب وعباية راس وخاله جنطتي بيها
اوراقي وفلوسي والنقال جوه العبايه وماخذه جنطه زغيره بيها
ملابسي اليوم واحد مشت السياره انا ما منتبهه
للطريق لان مدنكه ما ااعرف احنا بيا منطقه وصلنه يمكن
المزرعه او بيوت التجاوز وكفت السياره نزل السايق
ودار جهتي فتح الباب ولزمني من ايدي والايد الثانيه بيها
مسدس انا خفت اتقرب يمي وسمعت صوته وهو يكلي
::انزلي بدون اي حركه لوماكو طلقه واذبج بالبير محد يدري بيج

انا تفاجئت لان جان الي يحجي وياي هو سلام
نزلني وانا بعدني مذهوله دار على خالي الي شفته نزل وكف
كله
- - عمي اخذ السياره وبعد ساعه سوي الي كتلك علي
=ماشي عمي ساعه وانا يمك
جرني سلام حاولت اقاوم واعت بايده بس هو اقوى مني
دخلني الغرفه اي شي ما بيها وقفل الباب
انا باوعتله وكتله بخوف وانا ارجف
=سلام شنو هذا الي تسوي هو هذا وفائك الاخوك
سلام خزرني وخله اصبعه على حلكه ::اششش ما اسمع صوتج
ومو انتي الي تحچيين ع الوفا
انا ما ردت ابين اله اني خايفه رغم اريد اموت من خوفي بس
حجيت
=حتى انا ما احب اسمع صوتك بس شتريد مني فهمني
اتقرب مني وكلي ::ما اريد شي اريد اتزوجج
انا حسيت بكلامه بي تهديد كتله =وانا ما اريدك ولا اريد
اتزوجك شنو غصب
سلام جاوبني بزمخه ::اي غصب وهسه تشوفين وما اريد
اسمعلج نفس لان اكره صوتج
انا ما هانت عليه نفسي جاوبته بحده =وانا هم مو بس اكره
صوتك اكرهك كلك على بعضك
هو ما جاوبني فتح باب الغرفه وقفله عليه من بره طلع وانا
بقيت متعجبه بلي صار واحجي ويه نفسي
=شنو هالتمثيل كل هذا يطلع منك سلام وانت خالي صاحب
شبيك وياي وانت اتشوفه شلون ايسح بيه حتى ما
كتله على كيفك شنو سلام انت وخالي ناويين تكتلوني
وج يا يكتلونج ما سمعتي سلام كال اريد اتزوجج

بقيت ما مفتهمه شي وانا صارن ملابسي السود رصاصي
على ابيض من التراب شفت الباب انفتح واجه
سلام وكلي
::خالي صاحب اجه وجاب السيد على مود يعقد النه
انا باستفزاز=والله اطلع للسيد واكله ما موافقه ومجبوره
واخلي يجيب الشرطه عليك
هو باوعلي وخزرني وانا واكفه وارجف من الهبطه والمفاجئه
راسا سلام اجه يمي وما حسيت الا شك الثوب
الي لابسته وضربني راشدي بس فر راسي وكلي
::هسه يجي السيد وكليله انا ما موافقه وكليله جايبيني
يكتلوني بس صدكي اطلعج هيج وانوب اكتلج واكول لكيتها
بهذا المنظر ما شاء الله وانتي الج سوابق
انا اتفاجئت من تصرفه گتله =سلام انت حقير وما تخاف من
الله
سلام بهدوء::اي اعرف بنفسي انى حقير
انا ردت استعطفه صرت ابجي كتله =سلام عفيه لا
تتهورالخاطر ف..
هو قاطعني ::كتلج ما اريد اسمع صوتج بس ولا كلمه والعلمج
جنسيتج وشهادتج
وموبايلج عدي وللعلم بعده حسابي وياج ما بدا ولا عقابي
انا حسيت بخوف بحيث احس بنفسي عبالك سعفه بس
اتنافض وريكي يبس وانا اباوع النفسي بدون ملابس ما كو
شي ساترني وسلام طلع حتى عباية الراس اخذها بقيت واكفه
وانا محتاره وخايفه واحجي ويه نفسي
=معقوله هذا الي يصير وياي هذا سلام الي جان بيوم من
الايام حبيبي
زين اذا يكرهني ليش يريد يعقد عليه شيريد يسوي بيه وهو
بس يتهدد
اجه السيد وسمع موافقتي وصار خالي وكيلي بعدين حسيت
انو الكل راح وبقيت ما اعرف شسوي الى ان انفتح
الباب وشفت سلام جاي وجايب ويا جودليه ومخده وشمرهن
وعلاكه ببها دشداشه سوده
كلي
::هاج يا ام العفه والشرف البسي هاي الدشداشه واهنا مكانج
تنامين واقفل عليج الباب ومن اجي عود اطيج لكمه
واطلعج للحمام وكلمه زايده ما اسمع
انا صرت ابجي وكتله =شنو انت ساجني ؟
هو رد عليه ::انتي شتشوفين يعني اكيد ما جايبج شهر عسل !
جاوبته وانا ابجي =حرام عليك اذا انت تكرهني ليش عقدت
عليه
نفخ وگلي ::انا اكلج ليش لان اكرهج واشوف الموت ولا
اشوفج
انا عاد كلت خلي احرك كلبه اكيد بس يضربني ما يموتني ::تره
انا ما ميته عليك واذا انت تكرهني مره انا اكرهك
الف مره طلكني وكافي كلمن يروح بطريقه
اجه يمي ولزمني من حنجي وكلي باستهزاء ::بطريقه مو
بطريقه تاخذين تعب اخوي وتعبي وترحين بي العمامج
وتزوجين ابن عمج مو
انا عرفت انو خالي صاحب كايله جاوبته بتحدي =اي اخذه
اقلها يحافظ عليه وعلى كرامتي
هو بعده لازمني ::كرامتج ام كرامه الي بعتيها هسه جايه
تدورين كرامه وياي انا اعلمج الا اخلي كرامتج مداس
رديت علي ==سلام انت اكبر حقير اكبر حقير وانا اكرهك
لزمني من شعري وعتني وضربني بالحايط
::وانا اكرهج ومو بس اكرهج لا اكره حتى الهوى الي تتنفسينه
اسمعي ولج هي كلمه انتي مرتي وابقى ساجنج
وراح تشوفين اشكال العذاب والاهانه بس اذا انتي تكرهيني
مثل ما اكرهج انا ما عندي م

انع اطلكج لان
احتقرج واتمنى العمى وما اشوفج اكرهج وزدت بكرهي لمن
كلتي لو يبقى بس هو بالعالم ما اخذه وانتي توج
مسويه الاكبر منها انتي وفواز
عضيت على شفتي وگتله =انا ما سويت شي ويه فواز
ومصيرك تع..
هو قاطعني ::لا ما سويتي شي بس بالغرفه وبالليل ابحدكم
وهسه بكل صلافه تكولين اكرهك
انا =اي اكرهك واريد تطلكني وللعلم العقد باطل لان ما راضيه
ومجبوره
هو صار يتنفس شهيق وزفير ودار عليه وگلي ::صار اطلكج
وهسه هي ورقه توقعين عليها تنازل عن كل املاك
فواز وانا اشتري حصتج بالبيت وانطيج شكم فلس وروحي
العمامج الاصدقائج بكيفج
فكري ورجعيلي خبر اتمنالج اقامه مريحه

وطلع سلام وانا ما اعرف شسوي معقوله هيج الفلوس تبدل
سلام الي جنت من اتنفس يسحب النفس وياي ويكلي
اتقاسمه وياج حتى النفس هيج بلحظه اتبدل
اي يتبدل تره حتى انتي رضوى لا تنسين الكلام الي حجيتي يم
خالي وسهير صحيح ردت اوصله انا شكد ماخذه
بخاطري لان ظلموني
ولان ما عندي احد دافع عني حتى اقرب الناس الي مانصفني
صرت ابچي واحاجي روحي بصوت مبحوح من كثر البجي
=رضوى اليوم اتزوجتي حلم حياتج بس هذا الحلم طلع كابوس
وكابوس مخيف
وفرشت الجودليه ع التراب وبقيت كاعده ما اعرف شكد وانا
افكر بالي صار بيه وليش انا بالذات هيج يعني لان
انا يتيمه وما عندي احد بجيت من كل كلبي وانا اكول
=بابا والله انا بحاجتك يعني الا ترووح وتعوفني ياريتك ماخذني
وياك
انفتح الباب وشفت سلام اجه وبيده صينيه زغيره بيها جكاية
ماي
وطماطيه وخبزه وكلي
انفضلي اكلي واذا مشتهيه شي كليلي
انا خزرته گلت خلي اقهره عوجت حلگي =لا مشكور كله نعمه
من الله
سلام بتشفي واستهزاء ::من ناحية نعمه نعمه بس انتي
متعلمه ع المشاوي والمحاشي
انا ردت احرك دمه يعني شيسوي بعد ::اي والله مثل ما
تكوول ومتعلمه على كعدة القصر بس يالله نجرب
التغيير على كولة خاله قسيمه مو كله كمره وربيع
هو باوعلي بنص عين طلع وخلاني انا ما اشتهيت اكل بس
جبرت نفسي اكلت شويه وشربت ماي وخليت
الجكايه يمي يمكن نص ساعه واجه فتحلي الباب وكلي
::امشي مدام ادخلي للحمام
انا طلعت ورا وكف يم غرفه برانيه كلي
::اتفضلي هذا الحمام ست رضوى
انا دخلت وانا ساكته وغسلت وطلعت لكيته واكف منتظرني
شافني مشى قبلي وانا ورا دخلت للغرفه وقفلها يعني
سلام ساجني وما اطلع الا اتنازل
وانا اذا اتنازلت راح اضيع وين اعيش عدمن حتى اذا رحت
البيت عمي منو يكول يستقبلوني هاي صار سنين ما
شايفتهم بس رقيه كالت اجه ابنهم علي للفاتحه ودز على رقيه
وسلم عليها زين
انا شسوي وهذا سلام مخبل كل شي اتوقع منه مبين علي
شايل عليه هواي شسوي ياربي ساعدني
بقيت ساعات افكر اكول =ما اطلك منه هذا حلمي وانا ازغيره
اي ابقى عده واحرك كلب كوثر وصبيحه
بعدين افكر واكول =شنو انا كدهن لو امي مثل صبيحه هذني
من يعرفن ما عدهن مانع يحركني ويموتني
انا مجرد ما فكرت هيج خفت لان اعرف بصبيحه كل شي
تسوي
💙💙💙💙💙💙💙💙💔💔💙💙💙💙💙💙
سلام
من اجه عمي صاحب هو ومرته وسمعت كلامهم خصوصا من
كالت سهير اتزوجها الرضوى احسن تاخذ
تعبكم ويصير فال الغريب وانوب من كالت سمعت صبيحه
تريد تاخذها الصلاح انا من سمعت هذا الكلام
ضجت وانقهرت كلت بيني وبين نفسي
::هاي الناس كلها تحارب على مود الفلوس بالفلوس الموزين
يصير زين والموخوش ادمي يصير بس هو وبس
ليش يافواز شسويت وخليتني بهالدوامه

ومن سمعت كوثر كالت راح اخلي صلاح ياخذها ويكتلها
ويصلخها كدامك بذيج اللحظه كرهت كوثر ولو شما
تسوي ابقى اكرهها مو لان حجت على رضوى ادري بيها تكرهه
بس كرهتها لان تخيلت المنظر وشلون بنيه
مثلها تتلفظ هيج الفاظ وتفكر هيح تفكير
وطلعت بالليل ورحت للمحل
وانا منتظر يمته تخلص العده ونكعد ويه المحامي وخلي
رضوى تاخذ الي الها وبكيفها شتسوي بورثها ما اتدخل
وقررت اصفي اموري واطلك كوثر واهاجر لان كرهت ابقى
ويه هيج ناس كل شويه يغيرون جلدهم
لكن جية عمي صاحب غيرت كل شي خصوصا من سمعني
التسجيل الي نقلته الجهازي وبقيت اسمع
صوتها بس اتعجبت من كلامها وقوة شخصيتها وشلون تكول

::امدااني اذا اخذ سلام اله تخبلت اخذ البكال وما اخذه
الي خلاني انهار او ودي من اشوفها اطكها طلقه والي اكدلي
خيانتها
لان انا رغم الشفته بيني وبين نفسي انطيها اعذار واكول
فواز ضحك عليها
فواز قشمرها ودنت نفسه عليها
بس الي اكدلي خيانتها من كالت
=الحياة فرصه وانا استغليتها اخذت فواز وعيشني اميره
وهسه
اخذ حلاله واعيش ملكه ومحد اله عدي شي اخذ الحلال وابيعه

واروح اعيش ابيت عمي ويجوز اتزوج ابن عمي
ظليت بدوامه وبس ادخن يمكن حتى ماي ما شربت صرت
بانزين عوزي
بس جداحه واحترك واحرك كل الي حواليه
ظليت اسمع التسجيل مره واثنين وعشره اخر شي عرفت
رضوى على حقيقتها
رضوى الحيه الي تلتف ع فريستها بدون محد يدري بيها
رضوى بالضبط مثل واحد لكه عكرب زغير وخلا بجيبه
كل ما يمد ايده ايلدغه
بس لا مو سلام يا رضوى مو سلام
ظليت افكر وانا مو يم الشغل ولايم

العمال خابرت عمي
صاحب وكتله يوطد علاقته ولا كانه سامع شي منها
ولا يحجي المرته ولا الاي واحد اذايريد يبقى بالبيت
بعدين رحت الخالتي وسمعتها التسجيل وكلتلي من حقها
الورث وبعدهي زغيره من حقها تتزوج انا كت الخالتي
بعد يومين امر عليج عندي شغله نكظيها انا وياج
وطلعت من خالتي ورجعت للبيت وصالحت كوثر رغم صرت
اكرهه مضاعف واكره رضوى بس رضوى كره
وانتقام وفهمت كوثر على سفرتي البغداد والاربيل
بهاي الاثناءءرحت للمزرعه جان فواز باني بيها بيت زغير
غرفتين وصاله ومطبخ وحمام ع الطراز الحديث وماثثه
اكيد جان يجي هو ورضوى
بعيد عن بيت فواز بيت ابوعادل الي بنا الهم ابوي الله يرحمه
غرفتين ومطبخ وصحيات وبعدين همه كملو صاله وديوان
من اشترينا المزرعه اتذكر جان بيها حارس خاله مالكها القديم
باني غرفه طين من اجه ابو عادل الله يرحمه
اول مره اجه ابحده سكن بهاي الغرفه بعدين من ابوي بنا
البيت جاب عائلته وبقو هذا العمر بالمزرعه
غرفة الطين بقت على حطتها سويناها مثل المخزن نخلي بيها
شغلات المزرعه مثل مواطير الماي والنايلون
الي نستخدمه بتغطية المحصول وخالين بصفها مولد جبير
مال كهرباء
جان عادل ايام الزرع وجني المحصول من يجيب عمال
يكعدون بالغرفه يستراحون بيها
جبت عمال وبنولي حمام زغير بصف الغرفه
خمس تيام اروح وارجع وانا بس الله يعلم بحالي وبقهري
بعدين خابرت كوثر وكتلها تنطي ملابسي للعامل لان
راح اسافر وصيتها ما عليهابرضوى من تشوفها لا تحاول
تسمعها حجي
واجه عزوز وجاب الملابس وفهمت عزوز والعمال انا مسافر
وصيت العامل ياخذ السياره للبيت بيومها العصر
اخذت ملابسي وخابرت فارس واجاني بسيارته ورحت البيت
خالتي ام بهاء اخذتها ورحت على عمتي عليه تلكتني
وتلكاني زوجها سلم علينه وكعد شويه واستاذن كال عنده
شغل طبعا هو رادنا ناخذ راحتنا بالحديث شويه واجه
عمي صاحب كعدنا كلنه عمتي عليه /:ها يمه سلام جمعتنا
وانا لازم اروح يم رضوى خير
::كل الخير عمه شغله ضروريه
عليه /:يمه سلام خوفتني شنو هالشغله
ربيعه /:ياا شبيج عليه ان شالله خير
انا ابتسمت بوجه عمتي وكتلها ::كل الخير عمه بصراحه انا
جمعتكم اليوم على مود اكلكم رضوى راح تخلص
العده وانا بحضور عمي صاحب وخالتي يشرفني اخطب منج
رضوى
عليه متفاجئه /:هاا يمه شتكول
::عمه اريد اتزوج رضوى رضوى جانت الي وبغلطه من اخوي
اتزوجت
فواز وفواز مات الله يرحمه هسه انا اريد اصلح هاي الغلطه
وانتي
تعرفين انا ورضوى شنو جنا
عليه بحسره/:انا الاعرف بس شلون يمه ما ترهم
ربيعه /:شنو عليه شنو شلون
عليه/:ام بهاء سلام ماخذ كوثر بت اخوي كوثر بت صبيحه لو
نسيتي
ربيعه /:ما نسيت وشنو واذا ماخذ بت صبيحه 😕
صاحب/:خويه شبيج ام رقيه تحجين صدك الرجال ياخذ وحده
واثنين الشرع محلل اربعه
عليه /:ادري خويه بس رضوى تعذبت وشوفت عينك حتى
محد حجى وياها هاي سنه
صاحب /:هسه الفات مات نريد نسمع موافقتج
عليه /:غير اخذ رايها
ربيعه/:مالج غرض انا ماخذه رايها من زمان وهي موافقه
عليه /:اي بس لازم احجي وياها
صاحب /:عليه صحيح انتي امها بس احنا الي ربيناها وهي مو
غريبه على سلام ارملة اخو واتصور انتي
تعرفين هو احق واحد بيها
عليه /:شنو صاحب رضوى سلعه تنباع وتنشرى
انا باوعت العمي يعني اسكت وكلت العمتي
::عمه شويه من رخصتح
كمنا انا وعمتي جان اكو كلدور قبل ما ندخل للديوان فتحت
الباب واجت وراي عمتي عليه
- - ها عمه سلام
اتقربت منها وحجيت وياها ::عمه تدرين كلش زين رضوى
حلم حياتي وادري بيج من يوم الي
اخذها فواز الهسه انتي الضحكه ناسيتهاعمه انا رضوى احبها
واخذهاقبلت او ما قبلت وانتي قبلتي
او لا اخذها ما افرط بيها غلطت وانا سامحتها انا جاي انطيج
علم ما منتظر موافقتح

عليه/:ها يعني انت تاخذها حتى لو هي ما ترضى
باوعتلها بعتب ::عمه انا سلام شنو نسيتي ليش ما ترضى بيه
حتى لو تكول لا من وره كلبها عمه ارجوج
وافقي مو انا سلام اوليدج لا تكسرين كلبي كافي فواز والسوا
عليه /:عمت عيني عليك يمه يوم عيد تاخذ رضوى وتفرحها
صدگني عمه رضوى مظلومه بس كوثر
مرتك وامها يسكتن من يدرن وانت تعرفهن مو غريبات عنك
وتدري شيسون
انا جاوبتها ::شوفي اعقد عليها ونتزوج وبعدين اخلي كوثر
واهلها امام الامر الواقع وخليها هي وصبيحه يطكن
راسهن بالحايط
عليه /:جا ما طول ما تريد كوثر ليش اخذتها
::عمه صارت وهي بت عمي بس رضوى روحي وانتي تعرفين
عليه/:هو انا الاعرف الله يهنيكم يمه
وصار الاتفاق انو عمي صاحب ياخذ رضوى للزياره ومناك انا
اتلكاهم
ونعقد وكت العمتي عليه اريد اسويها مفاجئه يعني عمي
صاحب ياخذ
رضوى وانا وعمه عليه وخالتي ام بهاء نروح نلحكهم بس اهم
شي
لا تجيبون طاري الاي احد بيناتنا محد يدري
اشوف عمتي عليه ما مقتنعه بس وافقت لان رضوى وين
تروح هي متزوجه وما تقبل توديها العمامها وبقائها
بالبيت بدون زواج صعب لذلك وافقت وخالتي ربيعه كالت
انا اروح يم رضوى ما عندي شي
خالتي ربيعه كالت العمتي ابقي عليه انا ه

الايام ماعندي شي
اروح يم رضوى
ثاني يوم خابرتني عمتي وكالتلي //عمه انا خابرت رضوى
حجيت وياها كالت ما افكر اتزوج بالوقت الحاضر
انا كتلها ::عمه انا ما مستعجل خليها براحتها بس اريد منج
شغله
عليه /:اي عمه كول
::من تخابرج رضوى وتكلج امشي وياي للزياره كليلها اي وانا
راح امرلج انتي وخالتي ام بهاء اخذكم وهناك
احجي وياها واقنعها شتكولين
عليه /:بكيفك عمه
::عمه تره انا تعذبت هواي وانتظرت هواي بعد ما الي قابليه
بتج اريدها وما تصير الغيري
عليه /:على كيفك عمه ادري بيك وبنار كلبك الله يقدم البي
خير
واجه اليوم الي يبدي بي انتقامي كعدت الصبح وسبحت
ولبست دشداشه بيضه واتنكبت بجراويه وخليت
نظاره على عيني واخذت سيارة فارس وطلعت بعد ان خابرت
عمي صاحب واتفقت ويا وصلت يم بيتنا وطلع
عمي صاحب وهي ويا لابسه عباية راس ومحنكه وجهه نصه
مبين من شفتها رجفت شكد صار ما شايفها اجه
يمي عمي صاحب فتحت الجامه كلي //ها سلام نتوكل
::اي ما عندي شي كله تمام
وصعد عمي صاحب وهي صعدت وهي مدنكه كعدت وره
عمي
وسقت السياره وصلنه للمزرعه ونزلت وراسا فتحت الباب
والمسدس بايدي
هي باوعت متفاجئه تريد تحجي سبقتها ولزمتها من ايدها
سحبتها وكتلها
::رضوى امشي بلا نفس
هي ظلت ترجف وانا راسا دخلتها بالغرفه
بعد ان عقدت عليها انا بقيت ابيت فواز الي بالمزرعه على
اعتبار انا مسافر وكوثر كل شويه تدزلي رساله
سلام دزلي صورتك وانا اكلها مشغوول
ثالث يوم رحت الرضوى لزمتها من ايدها وطلعتها صرت
امشي
وهي تمشي ساكته بس احس بيها ترجف ما ادري خوف ما
اعرف
وصلنه يم البير لزمت حجاره كتلها
::راح اخابر امج واكلها تزوجنا شوفي ولج --شمرت الحجاره
بالبير --بس تحجين حجايه زايده ناقصه
اهنا اذبج بالبيرمثل ما ذبيت الحجاره واكول وكعت وما لحكنا
عليها وبدل الشاهد اجيب عشره هسه راح اخابر
امج وتكليلها ماما انا وافقت ومن كتلج ما موافقه ردت اجربه
اشوفه يتمسك بيه لا (لزمتها حيل من ايدها )
شوفي ولج اموتج والله اخاف عبالج احن عليج افتهمتي
هي هزت راسها انا بعدني لازمها من ايدها اتصلت طلعت
عمتي عليه
::الو هلا عمه
عليه /:هلا بيك يمه سلام اشلونك
::الله يسلمج انتي شلونج
عليه /:الحمد لله سلام اشو ما مريت عليه واتصل برضوى
خارح التغطيه
::اي عمه مو تلفونها خلص شحن عمه حبيبتي هاي يمي وحده
تحبج وتموت عليج تريد تحجي وياج
عمه /:يمه ياهي هاي الي تحبني وتريد تحجي وياي
انا::عمه هاج احجي وياها وانتي تعرفين
انطيتها التلفون وخزرتها وانا لازمها فاتح الحاكيه
عليه/:الو
رضوى =الو هلا ماما
عليه متفاجئه /:رضوى انتي وين يمه
رضوى =ها ماما بصراحه انا وسلام تزوجنا امس
عليه /:وج انتي شتحجين مو كلتي لو يبقى اخر واحد ما اخذه
رضوى تباوعلي وانا عضيت شفتي بتهديد كالت
=صح ماما انا كتلج ما اريده بس ردت كلامي يوصله على مود
احرك كلبه
وانا اعرف بي هو مخبل عاد بس كلتيله لحكني انا وخالي
وهناك عقدنا
عليه بزعل /:ها وانا رجل كرسي هيج صرت رضوى
انا سحبت التلفون منها وكتلها ::انتي الكل والكليه امنا وتاج
راسنا
عليه /:ابد سلام لا تحجي وياي هيج تاخذ بتي ولك ما وكفت
كدامك عيوني جا قدرتني
سلام ::اي عمه هيج انتي تدرين بيه انا رضوى من انا زغير
اريدهاوهسه ما ردت اضيعها من ايدي تدرين بيه
احبج واحبها الصار بيه مو شويه عمه صدقه العمرج لا تزعلين
عليه/:ومرتك وامها
::يامره يا امها ما اعترف باكبر واحد تبقى كوثر بت عمي
وزوجتي بس بالوقت الحاضر ما راح نعلن زواجنا انا
وصيت عمي صاحب اذا سالو يكولون راحت الامها واذا سالج
عمي طاهر لو يخابرج
كولي راحت العمامها
عليه /:وجم دووب
::عمه كلها شهر اكثر اقل وكل شي يكعد بمكانه عمه انتي بس
ارضي علينه وادعيلنه
عليه /:يمه راضيه عليكم الله يوفقكم وينور طريقكم بس بنيتي
عدك امانه
تره مسكينه دير بالك عليها
باوعت وانا احچي بتشفي ::بعيوني شعندي غيرها عمه ما
اوصيج ما اريد احد يعرف حتى رقيه ما اريدها تدري لازم
ندير بالنا من صبيحه وبتها ومن سهير
عمه /:ان شالله يمه
::يالله مع السلامه
- - الله وياك يمه سلام الله يهنيكم
رجعت للغرفه وانا لازم ايدها دخلت وقفلت الباب وبقيت
بالمزرعه كاعد يوميه اروح انطيها وجبتين واطلعها للحمام
بدون ما احجي وياها بيوم الي قررت ارجع البيتي العصر رحت
يمها وكتلها
::خاتون راح اروح للبيت وانتي فكري بالعرض الي عرضته عليج
--تفاجئت بردها --
=اي سلام فكرت
انا ::اهااوشنو قرارج
رضوى =موافقه اتنازل عن كل املاك فواز مقابل
سكتت انا كتلها ::احجي ليش سكتي مقابل شنو
رضوى =سلام مقابل اتطلكني وتدفعلي 350 مليون
انا اتفاجئت من ردها جاوبتها وانا اخلي ايدي على اذني يعني
ما سمعت ::شنو شنو ولج شتكولين ما سمعت
رضوى صارت كدامي وحجت =لا سمعت واذا تتذكر فواز الله
يرحمه كللكم اذا تردون البيت ادفعولي 350
انا هسه ااكد كلامه بس مقابل اتنازل عن كل الورث وانت
بكيفك
انا ما تحملت لزمتها من شعرها وضربتها بالحايط وكتله

ا ::بت
الكلب اتدورين ورث جايبته من ابووج
هي بس خزرتني بدون ما تجاوب انا كتلها ::اعلمج حقيره
وطلعت قفلت الباب ورحت على ام عادل

يتبع

١٩_____٢٠

#بارت19

سلام
وره ما سمعت من رضوى موافقتها على التنازل مقابل
اطلكها انا وافقت لكن انصدمت من سمعت بالمبلغ
الي تريده مقابل التنازل جان نفس المبلغ الي طلبه فواز الله
يرحمه مني انا وخالي علمود يطلع من البيت انا من
سمعت لزمتها من شعرها وضربت راسها بالحايط وغلطت
عليها وطلعت رحت لام عادل
وصلت يمها تلكتني
هلا يمه سلام هلا بيك
هلا خاله
شلونك يمه
الحمد لله
سلام يمه شبيك شو ما الك خلك شصاير
خاله تعبان تعبان كلش
اسم الله عليك يمه شخيرك
انا بحسره كتلها ::خاله اتركي انا هسه راح اروح البيتنا وهاي
الجوه انا اجي وانطيها اكل وادخلها للحمام
ام عادل/:يمه ولو تحسبني اتدخل بس ليش هيج يمه تسوي
عادل يكول هو صار شاهد على عرسك
جاوتها بنتر ::خاله شفتهمتي ديري بالج مثل ما وصيتج
ام عادل /:صار خاله تدلل
حسيت ام عادل ضاجت بس انا ما اهتميت لان انا بيه قهره
لو تتوزع ع العالم هم يبقى منها
صعدت السياره وطلعت من المزرعه وخابرت كوثر
كوثر/:هلا حبيبي
هلا كوكا ساعه ان شالله وانا يمج
كوثر/:هلا بيك ليش اتصل وما ترد
::شبيج مشغول يالله مشتاق
كوثر/:وانا هم
سديت التلفون وصرت اضرب على الاستيرن وانفخ واگول ::
ههه اي كوثر لو تدرين هسه انا اتزوجت
رضوى شتسوين
::بس شكد اكرهج ياكوثر صرت اكره رضوى اضعاف وهاي بت
الكلب الا اخليها خدامه الج والامج
::صدك سلام تخلي رضوى خدامه ؟
::اي اخليها مو ذلتني هي وفواز هسه اجه الوكت الي اذلها بي
الحقيره الصلفه
صحت حيل :::اااه يارضوى ما اعرف شسوي بيج ما اعرف
عضيت اصبعي حييل وبقيت اتنفس بقوه
قبل لا اروح للبيت مريت بولد صايغ واخذت مداليه ذهب
وخلاها الصايغ بعلبه واخذتها بعد ان دفعت فلوسها
وبعد ان اتصلت بفارس وطلعلي من المعرض ع الشارع اخذ
سيارته وانا اجرت تكسي وصلت تلكتني كوثر
وهي تحضني وتبوسني انا بادلتها وانا ما طايق نفسي دخلت
للغرفه واخذت حمام وغيرت ملابسي وسالتني اذا
اريد اكل جاوبتها ::ما اشتهي ماكل بالطريق
هي اجت يمي واتقربت علي وكعدت بحضني وصارت تمرر
اديها بجسمي وراحت للكنتور لبست بدلة نوم
قصيره كلش وبعدين طلعت شيت الحبوب المانع وشربت
حبايه كدامي يعني شوف انا اشرب الحبوب واجت
كعدت ع الجربايه وراي وصارت تعصر بجسمي من يم الركبه
وتخلي جسمها يطخ بظهري انا مظطر اسايرها
لان بصراحه روحي ما تطيعني عليها رغم اعرف هي شكد
تحبني اتقربت منها وهي بادلتني شعور الحب وبحراره
وظلت بحظني ما تقبل حتى تخليني انام ع صفحتي وهي تكلي
- - مشتاقتلك احبك مو بيدي متخبله عليك ما اريد شي بس
انت
وصارت تبوسني وتشمني واريدك لا تعوفني
انا اكلها ::مو يمج ما اعوفج
كوثر /:تدري اتخبل اذا تعوفني
انا حضنتها وكتلها ::ما اعوفج ما الي خلك خبالاتج خليني انام
حدي تعبان

غفيت شويه العصر كلش كمت سبحت وهي دخلت وراي
سبحت من اتزوجنا انا وكوثر ما اقبل نسبح سووا
صدكوني جان ممكن احبها بس تصرفاتها وتصرفات امها
خلتني ما اطيقها
من طلعت صارت كبال المرايه تجفف بشعرها انا طلعت
المداليه ولبستها الها وبستها بركبتهاهي باوعتلي
وكلتلي بدلال
- - شكرا سلام ياروحي تخبل بس ليش ماجبتلي ملابس
يكولون باربيل الملابس تهوس
::حبيبتي ما صار عندي مجال التهيت اروح وارجع على ما
كملت الشغل هاي قبل لا اجي للمطار مريت واشتريتها
كوثر بخبث // ها يعني ما تونست ولا رحت للمناطق
السياحيه
باوعتلها بنص عين ::اكلها ملتهي تكلي مناطق سياحيه ولا
تزعلين ياروحي بس استقر من ناحية الورث اخذج
شهر الاربيل
كوثر حضنتني /:الله لا يحرمني منك
انا بادلتها الحضن فتحت جرارة الميز وطلعت منها ورقتين
وكتلها ::هاج كوكا اشتري الي تردي
هي صارت تبوسني وتكلي //شكرا حبيبي ياروحي انت
بعدين انا طلعت ورقه وكتلها
- - كوثر هاي انطيها العطاء كليلها سلام مالحك يجيبلج هديه
--طبعا كوثر ما ترهم اذا ما تخرب اي لحظه سعيده --
كوثر بعصبيه وعاكفه كصتها /:وليش يمه شنو اخوها ابوها
زوجها وتنطيها خو انا اخذهن اشتري بيهن الي احسن
انا رديت عليها ::ليش مو هسه انطيتج وما اتصور مقصر منج
وبعدين عطاء اختي وانا دائما من اشتري شي اشتريلها
كوثرباستهزاء /:سلام ذاك اول هسه انت رجال متزوج تره
واكفه منك هاج انطي العطاء اصلا وجودها بالبيت
اكبر غلط لا وماخذه راحتها وتنزل وتدخل للمطبخ وتكعد ويانا ع
السفره مو تشوفها كلش واكفه يعني
رديت باستغراب ::شنو هالحجي هذا عطاء بت عمنا وعيب
هيج تحجين
كوثركعدت وحطت رجل على رجل /:اي حبيبي بت عمنا
وعدها اب وهوالي لازم يصرف عليها ليش ملتهي
بس بسهير خاتون وجهالها خو بدل ما انطي الورقه العطاء
انطيها الاديان اختي خطيه طالبه وتحتاج هواي شغلات
بذيج اللحظه نزلت كوثر من عيني احسها حقيره وعينها فارغه
اتذكر من جنت اشتري شي الرضوى ما تقبل الا
اشتري مثله العطاء اووووو يارضوى هم صرتي بالنص
انا سحبت الورقه منها وطلعت من الغرفه وكفت يم الدرج
صحت

::عطاء عطاء
نزلت من فووك ودموع بعيونها ادري جانت تبجي على فواز
عطاء بابتسامه باهته /: هلا سلام الحمد لله ع السلامه
::الله يسلمج اشلونج عطاء
- - الحمد لله بخير
دووم --وشلت الورقه وانطيتها الها وكتلها --
::هاج عطاوي ما لحكت اجيبلج شي وياي الشغل الفوك راسي
هاي الج اشتري شي على ذوقج
عطاء وهي مدنگه /:شكرا خويه بس والله كل شي عندي ما
محتاجه شي
::مي خالف اخذيهن مني
عطاء /:تسلم ربي يحفظك
اخذتهن عطاء وصعدت وادري بكوثر تتنصط لان من طلعت
ما سديت الباب انا رحت اخذت سيارتي ورحت
ع المحلات شفت العمال وبعدها رحت على فارس وصلت
يمه ورحنا تعشينا ورجعنا واحنا نسولف كعدنا بالكوفي
واشوف فارس بعيونه حجي انا كتله
::ابو الفوارس احجي شتريد تكول .
فارس/:لا والله سلام ما كوشي
::ما طول كلت ماكو شي يعني عدك حجي سولف فروس
اسمعك شنو تضم علي
فارس بخجل /:والله سلام مستحي منك انت تعرف فواز الله
يرحمه مثل اخوي وانا ما يهون علي افرح
--وسكت فارس--
انا جاوبته ::تريد تخطب انوار بت عمي رحمن
فارس /:والله مستحي منكم بس اخاف البنيه تكون مرتبطه او
يجيها احد وابوها ينطيها
::لا فارس ليش تستحي الحياة لازم تستمر وماكو واحد بقى
حزين طوول العمر وانت هم يالله تكمل نص دينك
ويصير عندك جهال وتستقر
فارس/:سلام والله ما اعرف شكلك بس اريدك تحجي ويه
عمي رحمن يعني يشوف البنيه وامها اذا يقبلون على
مود اتوكل
:: بس هاي صار وتدلل باجر احجي ويا واتفق ع الجيه شكم
فارس عندي
فارس/:تسلم يا صاحبي اردها الك -اهنا فارس عبالك تذكر
صار يضحك --صدك اردها شنو رديتها الك اثنين
نسوان وانا اروح منا وارد منا
انا جريت حسره ::وداعتك فارس خويك طاح حظه
فارس/:افه سلام انت هيج تكول عمي انت ذيب امعط
::خاب ياذيب كوول جريدي
فارس يضحك /: محشوم ابو اسد بس الحجي ابيناتنا صحيح
يا اخي النسوان يدوهنن هسه انا بعدني ما خاطب
وداعتك اثول من الرئيسي

وتمينا نضحك انا بيني وبين نفسي جنت اتمنى فارس ياخذ
عطاءءبس مثل ما يكولون الزواج قسمه ونصيب
وفارس مو نصيب عطاء الله يوفقه ويوفق عطاء هاي
المسكينه الي انخذلت من اقرب الناس الها
رجعت من يم فارس تقريبا الساعه تسعه ونص مريت اخذت
حلويات وصلت للبيت دخلت لكيت عمي
صاحب وسهير كاعدين ويمهم كوثر كاعده وتلعب بالنقال انا
سلمت كام بوجهي عمي صاحب باوسته وهو يكلي
- - اشلونك يا بطل الحمد لله ع السلامه
::الله يسلمك عمي
سهير/:الحمد لله على سلامتك سلام سفره سعيده
::هلا ام انمار انتي شلونج
- - الحمد لله
انا باوعت الكوثرعود زعلانه كعدت يمها حجيت ::الله بالخير
هي بدون ما تباوع كالت من وره خشمها /:هلا
انا هم لبستها واخذت اولاد عمي وصرت ابوس بيهم
وادغدغدهم وهمه يضحكون وانوب صرنا نسولف انا وعمي
بعدين سالته
::عمي وين مرت فواز مو كلت تاخذها للزياره
صاحب /:اي عمي رحنا انا وياها وعمتك عليه هم راحت ويانه
وزرنا وبتنا ليلتين شو من رجعنه نزلت
ويه امها البيتها وكالت تريد تبقى شكم يوم عدها
انا باستغراب ::هاا
صاحب گال //اي من شفتها اتأخرت انا هم خابرت عليه
اسالها اشو كلتلي راحت الكربلا تكول اريد ابقى يم بيت
عمي انا تريد الصدك اول مره ما قبلت بس تالي كلت خليها
شكم يوم وتالي اروح اجيبها لاتنسى هي صار شگد
لا تطلع ولا تمشي
سهير /:هي اول وتالي لازم تجي علمود الو،،،
صاحب خزرها وماخلاها تكمل وكال //شنو عمي سلام شفت
بيدك علاكه شجايب بيها
انا باوعت الكوثر وكتلها ::كوثر كومي خلي حلويات وفواكه
بمواعين
هي راحت للمطبخ دقايق واجه الغزو المغولي على كولة
رضوى
ااه يا رضوى ااه منج انا اخذتج انتقم منج واذلج هسه انتي جاي
تساوميني تردين تلووين ايدي
اجو بيت عمي طاهر وسلمت عليهم وكعدو ما شاء الله
انمسحن المواعين بدقايق وانا اباوع واتذكر رضوى من
تكلي افواه وارانب انا ابتسمت صبيحه كالت
صبيحه /:شنو بعدهي ما شرفت المسعده
كوثر /:عمي ابو انمار يكول رايحه العمامها
وهو انتفض طاهر وظل يرجف /:ها وشتسوي وتمشي بكيفها
وهسه اخابر عليه واطيح حظها شنو ما الها رداد
يتصرفن من يمهن
صبيحه /:هاي سوالف اختك تريد تبعدها بكل وجه اليكون
طاهر /:هسه اخابر عليه وارزلها شنو صارن يمشن بكيفهن ما
يخافن
انا بهدوء ::اترك عمي عوفها ما عدنا وياها شي
صبيحه /:يا وتخلونها تروح العمامها
انا /:انتي كلتيها ام صلاح عمامها يعني اهلها يعني اصلها
وفصلها
طاهر /:شنو اصلها شنوفصلها هي ربت بهذا البيت واحنه
مسؤولين عنها
انا ::عمي عوفها هالشكم يوم احسن
طاهر يباوعلي /:شبيك عمي سلام اشو مالك خلك وكوه
تحجي
انا ::اي والله عمي تعبان شويه ما بيه شي تعرف راجع من
السفر وانوب طلعت شفت الشغل
طاهر يباوعلي ويگول /:شنو ما اعرفك سلام شبيك ؟
انا جريت حسره ::عمي تعرف اسبوع الجاي لازم اكعد ويه
المحامي واشوف الي الي والمو الي لذلك
انا من كال عمي صاحب راحت العمامها انا ارتاحيت على
الاقل عندي وكت الملم روحي
طاهر/: شلون يعني شتسوي
سلام ::لاز

م الكى منفذ قانوني
طاهر /:واذا ما تلكى حلالك وحلال اخوك تاخذه رضوى
صبيحه /:يا شنو تاخذه تايه الها
باوعت الصبيحه وهزيت راسي :: اي عمي تاخذه القانون
والشرع وياها
طاهر وكف وحجى بعصبيه /:ما تاخذه ولا تتهنى بي بعد جم
يوم اخطبها الصلاح وغصبن ما عليها تقبل
انا وكفت وباوعت العمي صاحب ::عمي من رخصتكم انتم
اخذو راحتكم البيت بيتكم تصبحون على خير
دخلت واسمعهم يحجون
صبيحه /:يا هذا شبي شو يحجي من وره خشمه
صاحب بنتر /:شنو شبي رجال تعبان وجان ابغداد يركض ع
المحامي بلكي يلكاله درب يرجع حلاله وانتم ما
اعرف شلون تحجون
صبيحه /:يا ابو انمار شحجينا
صاحب /:ها شحجيتو كدامه تكولون نخطبها الصلاح وغصبن
عليها توافق
طاهر /:ها صاحب و شكو بيها شبي كلامنا وانت متنرفز
صاحب /:طاهر ياخي هو هذا هم حجي تكول اخطبها الصلاح
مبين مثل عين الشمس تردون تاخذونها على
مود الفلوس الي هنه بالحقيقه فلوس سلام وفواز الله يرحمه
طاهر /:اي ياخذها صلاح احسن بدل ما ياخذها الغريب
ويتهنى بحلالنا
صاحب /:انوب صار حلالنا
طاهر /:اي حلال ولد اخونا حلالنا
صاحب /:جا خوش ما طول هيج تحجي اكلك طاهراريد
اسالك من ياخذها صلاح ترجعون حلال سلام اله لو
تاخذونه مو تكولون الحلال واحد يعني تاخذونها الصلاح على
مود تردون حلال سلام علوا بس خاف ياخذها صلاح
ويفلس سلام ذاك الوكت شنو فرقكم عن الغريب
طاهر /:اكلك صاحب البنيه زغيره اول وتالي تتزوج ليش
الحلال يروح للغريب وسلام ما عايز
صاحب /:هم صحيح كلامك ابو صلاح بس انا اكول ليش يروح
للغريب
وليش يتزوجها صلاح خو يتزوجها سلام ويرجع حلاله وحلال اخو

صبيحه بزمخه وعصبيه /:صاحب انت شتحجي شلون هيج
تكول تريد تعم على بتي
كوثر احس بكلامها رجفه /: يمه همزين سلام راح نام بالله هو
هذا هم حجي عمي تريد رجلي يتزوج علي
ومني رضوى
صاحب /:والله العظيم هسه لو رضوى تتنازل السلام عن
الورث محد يكلبها لا صلاح ولا فلاح
صبيحه /:خويه ابو انمار هاي الحجايه لا تجيبها بعد على
السانك شلون تقبل ياخذ رضوى على كوثر جا كوثر
مو مثل بتك (صبيحه باوعت السهير )سهير اكلج انت ما
تحاجين رجلج لايقرا براس سلام
سهير /:شنو هالحجي هذا صاحب شلون هيج تحجي شعوزها
كوثر وسلام ياخذ عليها
صاحب كال /:هو انا شكلت قابل صحت السلام وكتله تعال
اخذ رضوى بس انا شفتها صارت عزيزه
اثاري الله ينطي فلوسها (وگف صاحب وگال )ياالله سهير
خلي نصعد باجر عدي شغل
تصبحون على خير
انا متمدد واسمع كلامهم درت وجهي وهمه وره هاي المحادثه
اسمع صاحب صعد هو ومرته بيت طاهر بقو وصبيحه
توصي بكوثر //ديري بالج كل ما يجي صاحب وهاي الحيه يم
سلام ظلي گاعده لا يقرا باذنه
وراحو بعدين اجت كوثر للغرفه انا سويت روحي نايم هي
اتمددت ومدت ايدها وحضنتني من ظهري وانا
احس بروحي مختنك واحجي ويه نفسي
::هيج ولج رضوى صرتي سلعه كلها تريدج على مود فلوسج
الي هي بالحقيقه فلوسي وفلوس اخوي وهمه
ما يدرون رضوى صارت ملكي وما اتخلى عنها حتى لو تنازلت
الا اخليها خدامه الج ياكوثر على مود ابرد
نار كلبي وارضي غرورج وغيرتج
اتخيلت كوثر شلون تامر على رضوى وشلون هي وامها
يدولبن بيها ويضربنها واجي انا اكمل الكتله اتخيلت صرت
اضرب بيها وهنه يضحكن
بس فجاه تحضني وتبجي وتكلي /:ليش سلام مو انا حبيبتك
انا بالحقيقه ما سيطرت على نفسي صرت اشهك من البجي
ما احس الا كوثر
- - سلام سلام اسم الله شنو ليش تبچي تتحلم
انا بدون ما اباوع الها فتحت عيوني /:هاا اي كابوس
كامت صبتلي ماي انا شربت شويه ورجعت نمت ثاني يوم
طلعت من الصبح ورحت على المحل وخابرت عمي
رحمن وكتله اريدك تمرلي بالتسعه واجه وانا حجيت ويا على
بته انوار الفارس هو كلي عمي سلام وين الكه واحد
مثل اخلاق فارس وامانته انا موافق اذا البنيه تقبل اسالها
وارجع خبر
صرت يوميه ارووح للمزرعه الصبح اروح انطيها ريوك واطلعها
للحمام والعصر هم انطيها وجبه وتروح للحمام
وارجع اقفل عليها الباب انا وياها ساكتين ما نحجي وانا ما
اباوع بوجهه وهي ابد ولا تحجي وياي
جنت كل يومين تلاثه اخابر عمتي عليه وانطيها الفون تحجي
ويه امها الي فهمتها تكول راحت العمامها حتى الرقيه
وعمه قسيمه
وعمي رحمن وره شكم يووم كال البنيه موافقه وانتم يمته ما
تجوون هله بيكم
💝💗💖💝💗💖💗💖💝💗💖💝💗💖💝💗💖
💕
/////ام عادل ////
لمن اجه سلام وجاب ويا مره لابسه عبايه انا اباوع من بعيد
ودخل وياها للغرفه وره اكثر من ساعه
اجه سلام سلم عليه وكال
::خاله اريد دشداشه منج سوده
- - اي يمه تدلل
::مشكوره --باوع العادل وكله --اريدك شاهد اليوم راح اعقد
على مرت فواز
انا بيني وبين روحي كلت
- - شصار بعده ماكو حتى خمس تشهر وتريد تعقد على ارملة
اخوك ويلااه صار الي يموت ماله قيمه

انطيته دشداشه سوده جديده عدي واشوفه راح البيته وطلع
جودليه ومخده وجرجف
وره شويه شفت سيارته الي اجه بيها ونزلو منها تلث زلم
تلكاهم سلام ابيته واجه عادل يكلي
- - يمه لازم نسوي غدا السلام ورب