من شعرها وانا
صاك اسنوني
::فلم جديد هذا رضوى خاتون هالمره بطلته انتي وام عادل
لزمتها وشكيت الثوب الي لابسته هي خلت اديها على
صدرها واتقربت يمها وقربتها اليه وانا اكلها باستهزاء
::شنو هاي العفه والخجل (عضيتها بركبتها وانا اكلها )
:...ها ولج عضتي لو عضة فواز اقوى
وبستها من شفايفها وانا اكلها /:الله عليج شكم مره فواز
بايسهن والشعر دووم يشمه مو
نيمتها واحجي وياها ::وهذا الجسم شكم مره شايفه هيج
بدون ملابس
هي ساكته وبس تبجي وانا اشوفها شلون جسمها يخبل ما
اعرف شنو بذيج اللحظه شنو سويت الي اتذكره
اني اغتصبتها اغتصبتها بوحشيه وانا احجي وياها بتشفي
:: شكد انطيتي لام عادل شنو سوتلج عمليه بس الي شفته
فاجاني خلاني اتمنى الموت بذيج اللحظه لكيتها باكر
ومحد لا مسها وشلون تنزف جواي بكل قوه شفتها وهي بس
دموع بدون كلام
يالله شكد احتقرت نفسي كعدت على حيلي ولبست ملابسي
وطلعت للهول وصرت ابجي واگول
ياربي شنو هذا الي يصير وياي انا بحلم لو بعلم
ورحت على ام عادل صحت عليها اجتني كتلها وانا ارجف
::خاله روحي شوفي رضوى تحتاج ادزها للمستشفى
هي راحت وشافني عادل واجه سلم عليه وكلي كلمه صحتني
- - سلام كل شي ينحل بالهدوء على كيفك ويه نفسك راجعها
وراح تشوف الصح من الخطا
انا واكف لمن ما ام عادل اشرتلي رحت كلتلي مرتك ما تقبل
تروح والنزف ماخذها ادخل طيب خاطرها بكلمتين
اناكتلها:: لا خاله احس بنفسي راح اموت ما اكدر انتي ابقي
يمها واذا تحتاج اخذيها للطبيب
طلعت فلوس من جيبي وانطيتهن وركبت بالسياره وطلعت
وانا ما اعرف شنو الي صار
فواز يم رضوى بالشورت وبالليل وبعدين تزوجو فواز بكل
علاقاته ومعرفته بالنسوان ما لامس رضوى
زين اذا عدهم علاقه ليش ما لامسها شنو السبب
ظليت ماشي بالسياره وانا اتذكر فواز بالمستشفى لمن يكلي
اتزوجها شريفه بريئه
وكفت السياره وبقيت اضرب على الاستيرن واگول
::غبي انت سلام غبي بس شيسوي يمها بالليل شيسوي
وياها ومن اتزوجو ليش ما لامسها
معقوله دنت نفسه عليها لا لو دانيه نفسه ما خلاها انا اعرف
فواز بشغلة النسوان
جا شنو شنو شنو ولك سلام رضوى محد لامسها يعني فواز
اذا يريد رضوى ليش عايفها
ولك سلام شسويت رضوى ضحيه ضحية لعبه جبيره منو
سواها وليش لازم اعرف
ومن اعرف ياويلهم بس منو كوثر
هزيت راسي :: لا بيومها وياي هي واهلها بالمزرعه منو سلام
منو سووا بالرضوى هاي المصيبه ونزلها من عيني

صار ليل وانا ما اعرف شسوي لمن ما ام عادل اتصلت انا
كلبي ظل يدك بس لا صاير بيها شي
::الو ها خاله
- - يمه سلام تعال يم مرتك ما تقبل اخذها للطبيب ولا اكلت
وحتى ماي ما شربت
::اي خاله جاي ان شالله
ام عادل /:اكلك سلام احنا سوينه عشا الوجه الله اگلك يمه
تعال
(اشو نصت صوتها )مر ع الصيدليه وسولف للبنيه الصيدلانيه
وهي تطيك دوا
اتصدكون انا ابتسمت ام عادل عدها حل الكل شي
انا بالسوك اخذت فواكه وحلويات ومريت ع الصيدليه طلبت
حبوب وجع راس واجت يمي الصيدلانيه دكتوره انا
اعرفها سلمت عليها وشرحت الها الحاله هي راحت وجابت
كبسول وابر كالت
ضروري تعرضها على طبيبه بس هاي خلي تاخذ كبسولتين
الصبح واثنين باليل وهاي ابره الصبح وابره بالليل اذا
ما صار نتيجه لازم طبيبه وممنوع بالوقت الحاضر تتقرب الها
اخذت العلاج واتشكرتها ورحت كبل للمزرعه وكوثر كل شويه
اتصال انة حاجيتها
كوثر /:انت وين سلام مو قلقت عليك
::لا تقلقين هسه جنت اريد اخابرج
- خير سلام
::كل الخير بس هذوله اصدقائنه انا وفارس عزمونه لان اليوم
عقد وراح نسهر وياهم
كوثر /:ادري سلام هم كول مرتي والها حق عليه
::حقج كوثر بس بعد انتي تعرفين فارس وكفاته وياي
كوثر ء/:يالله حبييي فرفش وافرح
::انا اذا كدرت اجي اجي
- - لا حبيبي براحتك علوا تغير جو وترتاح
::ياالله حبيبتي لا تنتظريني نامي زين
- ان شالله
انا اعرف ليش كوثر هيج تحجي وياي بنعومه وادب لان لكيت
السحر وما حاجيتها
فهي تسوي هيح على مود تبرد الموضوع وتنسيني حتى من
احجي راح تنكر هذا اذا ما طلعتني انا الي
مسويلها السحر وصلت للمزرعه ولاكتني ام عادل هي باستني
وكالت //سلام لو ما فواز عزيز عليه جا ظليت
للصبح اهلهل
انا ابتسمت بخجل ::ها وليش خاله هذا زواجي الثاني
ام عادل تلم بحلگها وتعوج بي //زواجه الثاني ابو زواج هو انا
شفت الفرحه بوجهك من يوم عرسك ذاك الهسه
توني يالله شفتها
::صدك خاله
- وداعتك ياالله رووح غسل وروح يم الزلم وعادل ذبح طلي
وعزم الجوارين خاله احنا شكم سلام عدنا
::اي هسه بس
لا تبسبس ولا تتعب دروح واتعشى ومالك غرض
::مو الدوه
- - ما كاتلك الدوه تريد تظل يمها روح وانا اعشيها واطيها
الدوه
::والابر
- - يبووي منك الابر مرت عادل تضربها روح انت
اشوف بعيون ام عادل فرحه لا ن تزوجت رضوى واتذكر من
تزوجت كوثر ام عادل
حتى ما اجت ولا باركت
رحت يم الزلم ولكيت عادل عازم جماعته الي بالمزارع اليمه
لان ذابحين ذبيحه كعدت اكلت شويه رغم
جوعان بس ما كدرت اكل لا

ن افكر برضوى واتذكر منظرها
وانى اغتصب بيها وشلون تبجي وما تكدر
تحجي وياي كملت وشربت جاي واستاذنت كتلهم اريد ارجع
البيتنا ورحت اتمشى وصلت دخلت للبيت لاكتني
ام عادل وهي تكلي
- - انا مرتك عشيتها ومرت عادل ضربتها ابره وانطيتها الحبوب
يمه سلام ادخل المريتك طيب خاطرها
بكلمه
طلعت ام عادل وانا بقيت كاعد بالصاله ما اعرف شنو
شعوري وبس ادخن وقررت ادخل واتواجه ويه
رضوى الي انظلمت وانا ظلمتها واذيتها بس هم محتاج احد
يفهمني دخلت ولكيتها متمدده على صفحتها
يعني ما تشوفني انا كلبي يدك اتقربت وانا روحي خاليه ما
مصدك نفسي انا اخذت رضوى وهي هي
ملكي كعدت ع حافة الجربايه وخليت ايدي على جتفها وكتلها
::رضوى قبل لا احجي اي شي اريدج تسامحيني ادري بيج
تسمعيني احس بيج ما نايمه لان اعرفج
سامحيني شلون تردين اعتذاري انا مستعد بس تسامحيني
حسيت بنفسها صار قوي يعني تسمعني هي بدون ما تدور
وجهها عليه كالت
=سلام طلكني وراح اتنازل عن كل شي
انا من سمعتها شلون تحجي وهي مقهوره درتها الي حطت
ايدها على عيونها مثل واحد نايم عرفت
ما تريد تشوفني
انا كتلها ::رضوى منو كال اطلكج حتى لو ما ماخذج وتتنازلين
ما اطلكج انتي حلم حياتي الي انحرمت منه
وهسه من لزمته بين اديه تكليلي طلكني
شفت دموع نزلن من عيونها على خدا انا دنيت ايدي
ومسحتهن هي بقن شفايفها يرجفن ودموع يوكعن
لزمتها وكعدتها ::وج رضوى انا ما اكدر افاركج
=لا كدرت واتهمت
::حقي الي شفته مو قليل
هي صارت تشهك =ما اريدك طلكني
انا وكفت ء/:رضوى شنو يرضيج اسوي اموت روحي وما
اطلكج افتهمتي انا حقير انا نذل انا كلب بس طلاك
ما اطلك انا غبي رضوى غبي لان ما انطيتج فرصه انا جنت
اتعذب بكد عذابج واكثر
بعدين من شفت كسرتها واتذكرت معاناتها ما تحملت
وكفت وصرت اضرب راسي بالحايط واكول
::رضوى انا غبي سامحيني غبي غبي وانضحك عليه
وصرت اضرب براسي بالحايط ما احس الا بيها لزمتني
وحظنتني من يم ظهري وهي تكلي
=يابعد روحي اذيت نفسك كافي انت شنو تريد انا اسوي
والله انت الحبيب وانت العمر الي راح
والبقى والعين الي اشوف بيها والهوى الي اتنفسه

سمعتها تبجي ::لا رضوى خليني اموت مو تكولين لو يبقى
بس هو ما اخذه بس والله الي شفته موقليل
اخوي وحبيبتي
رضوى =حقك ياروحي بس لا تاذي روحك انا حجيت هجي
على مود احرك كلبك كافي لا تعتب لان العتب
ما يفيد انت هسه صرتلي امر واقع (واتحسرت )مثل ما كوثر
امر واقع
حضنتها ::رضوى كل شي سهل بس اعرف الحقيقه بس
سامحيني ولج والله من يوم
الحادث الهسه ماعرفت طعم للراحه ولا للنوم هيج امشي
كدام الناس
خذتني وكعدتني ع الجربايه رغم هي متاذيه وانا وجهي بصدرها
انا ابجي وهي تبجي وانا حاضنها وما مصدك
رضوى عدي ويمي وملكي اشم انفاسها وهي نايمه على ايدي
الصبح هي فتحت عيونها لكتني حاضنها ما نايم صدكوني ما
نمت لان حلم حياتي تحقق كاعد الليل كله وانا اباوع الها
باوعتلي ورجعت غمضت وانوب فتحت عيونها كلتلي
=شجاي تسوي
اشم بشعرها ::جنت حارس على احلامج
هي بنعاس :... ما تشوف اتاخرت
::اي اتاخرت هواي وبعد ما اعوفج لو ادري اموت
هي بعتب =ليش صدكت عيونك وما صدكتني
::عساهن بالعمى عيوني
مدت ايدها على حلكي وكلتلي =اسم الله عليك
شفت السوار والعلك لزمتها من ايدها وسالتها ::ما نزعتيهن ؟
=وانت مو العلك والمحبس بيدك
لزمتهن بايدي ::اي ذني من اشتاقلج اظل اشم بيهن
رضوى =ما كاللك رضوى بريئه
هزيت راسي واتحسرت ::اي كاللي لكن الجذبه محبوكه وما
بيها اي ثغره (مسحت على راسها وانا اگول )
::ياالله ياعمري اكعدي خابرت خالتي ام بهاء وهسه تجي وانتي
سولفيلي على كل شي بيوم الحادث
رضوى خلت ايدها على عيونها كانما اتذكرت شي يخوفها
=خليني تعبانه اريد ابقى انام
انا اشم برگبتها ::عليج الله تعبانه لو مشتاقه
هي جرت حسره وكالت =مشتاقه ومقهوره ومهضومه
::ادري بيج وداعتج رضوى اله اعرف الحقيقه وتشوفين سلام
شيسوي
وبقت بحضني وهي تسولفلي على ابسط الاشياء وشلون
غلبها النوم وكعدت وشافت فواز
::يعني رضوى فواز وين جان ويامن ؟
=ما اعرف سلام
::يعني بالبيت انتي وصبيحه وسهير معقوله اخوي دنت نفسه
عليج
هي باوعتلي وهزت راسها = مستحييل فواز ما يشوفني اله
اخت لو دنت نفسه جان سووا المستحيل حتى
ياخذني
::شلوون يعني يجوز جان يم الجوارين استغفر الله بس يم منو
=ما اعرف سلام الي اعرفه هذا الشي الي صار بضدي انا انا
الخاسر الاكبر
باوعت الها ولزمتها من حنچها ::حبيبتي انتي الفائز الاكبر
صدكي العقاب راح يكون عسير وما راح ارحم احد
بس اريدج وياي وتتحمليني وتصبرين ومن اعرف الحقيقه مو
بس حقج راح ارجعه وحقي ودموع امج وهضمتها
الي ظلمنا هو الي بدا وراح ارجعله الظلم مضاعف والبادي
اظلم

يتبع🖤

٢١__٢٢

بارت 21

///////////////////💕💙💔////////||||
ام عادل
اكو مثل دوم بالعراق نحجي بي وهو (الما يشكر ابن حرام)
يعني الي يسوي وياك معروف اشكره وخلي دين بركيتك لازم
بيوم يحتاج رد المعروف فانت لا تقصر
من طاح ابني بالبير جان عمره سبع سنوات جنت احبل البنات
يعيشن بس الاولاد لا شهرين تلاثه ابطني بعدين
اطرحهم فد يوم نذرت
ربي انت عادل وما تظلم احد ورجلي وحيد واريدله سند من
يصير عدي ولد اسمي عادل
واربي بما يرضيك
والله ما قصر وصار عادل ودخلته مدرسه ومن يجي جنت
اعلمه الصلاة والخوف من الله واجينا واشتغلنا
ويه ابو فواز بالمزرعه وصادف جية ابو رضوى وابو فواز وجان
عادل يلعب لمن ما وكع بالبير وراسا طفر
ورا ابو رضوى وانا اشوف العيون كلها تكلي ابنج مات بس من
طلعو عادل واخذه ابو فواز وظل يضرب
على ظهره صحى وبعدين تذكرنا جاسم الي طلع بالرمق الاخير
حتى سمعنا انو هو تمرض وره حادثة عادل وتوفه ظل ابو
رضوى دائما على بالنا ما نسينا
همه ما جانو يجون للمزرعه بس فواز الله يرحمه ويغفرله جان
يجيب نسوان ويا للمزرعه احنا ما نتقرب ولا النا
غرض بس رغم هذا فواز جان خوش انسان ويحترمنا لان احنا
محترمين نفسنا وما ندخل بشي ما يخصنا
شفت قبل يوم من جية بيت طاهر او وياهم سلام للمزرعه
فواز اجه وجان عدي دجاجات طلعن وراحن صوب بيت
فواز رحت اجيبهن وهناك سمعت وحده تكل الفواز انت مو
راح تتزوج لازم تشتريلي بيت
وفواز يكلها نصي صوتج انا ادري بفواز يريد ياخذ بت عمه وهم
سلام ياخذ بت عمته بس انا طبعي ما اسال ولا
اتدخل بشي ما يعنيني اهم شي اداري خبزتي واعيش انا وابني
وجهاله
بوكتها صرت بسد البيت وشفتهم من طلع فواز هو وهاي
الويا من شفتها جانت مره اكبر منه وچانت
حلوه كلش شفتهم من طلعو وفواز ضايج
ثاني يوم اجو بيت طاهر وسلام للمزرعه واجه سلام جاب كباب
وانا ردت اكله على فواز ردت افهمه يحچي علي
وينصحه وهذا الدرب الملشي بي مو خوش درب بس صاحو
السلام على مود يرحون بعدين سمعت سلام
تزوج وفواز هم اتزوج ومن عاتبت فواز ليش ما عزمنا كال
صارت الشغله بساع ما لحكو لا يسوون عرس
ولا يعزمون ومنويومها فواز ما صار يجيب نسوان للمزرعه
جان يجي يوكف شويه يسأل ع الشغل ويشوف عادل
اذا محتاج شي ويروح وهو دووم ساكت وضايج
وسلام يمكن اجه مره او مرتين وحده يشوف عادل ويرجع
من اتوفى فواز ذاك اليوم صار عدنا عزا لان فواز شما نحجي
ونگول زين قليل بحقه طيب وكريم ومتواضع
وفره ما يفرق ومن يجي ويلكى الفلاليح بالموسم يحوون
المحصول يحتار شيجيب الهم وشينطيهم ويكعد وياهم ياكل
ويتشاقى من سمعنا بالخبر انقهرنا حييل خو انا
حتى خدي خرطته سويته دم ورحت للفاتحه انا وبتي ومرت
ابني
وبجينا ولطمنا ورحت سلمت على ام رضوى وام مقداد
وخالاته بس لفت انتباهي
شفت وحده تبجي بحرگه شفتها عرفتها نفس المره الي
شفتها ويه فواز اخر مره ما صار مجال اسال وبالاربعينيه
من رحت هم شفتها انا عبالي هي مرت فواز بس صرت بشك
وردت اتاكد وما صارلي مجال
بعدين نسيت الموضوع
من اجت رضوى وسولفتلي كل الي جره علبها اهنا تذكرت
ابوها جاسم والسوا وانا اباوع الجهال عادل شلون
يلعبون يمي والعادل الي كان ابوها هو السبب بانقاذه من
الموت من بعد رب العالمين لذلك قررت اساعدها
بيومها ظليت صافنه اريد اتاكد من شي خصوصا ورضوى
دگت يمين فواز لا متقرب منها ولا جايسها
عرفت اكو بالموضوع انه وصار لازم ارد فضل ابوها علينه
طلبت من سلام اروح البتي وهو وصلني وحتى خلا بايدي
مصرف ومن وصلت البتي وكعدت انطيتها فلوس وگتلها
- - هاج روحي جيبي حبوب مال معده وابر
بتي سالتني //. المن
المرت اخوج انتي جيبي حبوب للمعده وابر تلاثه وتعاي
وجابتلي بتي من الصيدليه وهي تكلي يمه لازم تجيبونها
للطبيب
ومن مر بيه سلام كتله هاي صوغه الكم خليني امر اطيها
للبنات واسلم عليهن
مريت سلمت لاكاني صاحب وبته عطاء واجت مرت سلام
وانوب اجت البنيه الي جانت ويه فواز
وكلي صاحب //خويه ام عادل هاي ام انمار مرتي انتي ما
شايفتها گبل
انا تفاجئت بس احنا نسوان كبل سباعيات ما يبين علينه شي
ونضم بكلبنا
گتله //لا خويه ما شايفتها الله يسلمها ويخليلك جهالك
ورجعت ويه سلام وانا بغير عالم صفنه تاخذني وصفنه تجيبني
من احجي السلام يجوز ما يصدكني ويجوز يطردنا من المزرعه
وتبقى رضوى بنفس الضيم لازم افكر شسوي على مود ابري
رضوى واخلي سلام ياخذها ويشوف بعينه
اخو بري من الصار وروى شريفه وصافيه اصفى من ماي
الزلال
وصلني سلام ورجع البيتهم وانا رحت يم عادل وكتله يكسر
الباب
سلام // يمه شعلينه رجال ومره
لاتكول شعلينه هاي البنيه مضيومه ومتهومه بشغله هي بريه
منها
عادل // شمدريج يمه منو يكول يجوز اتجذب استغفر الله
جاوبته بعتب // شني عادل اشايفني زعطوطه وينضحك
عليه لا يمه انا شفت بعيني وسمعت باذني واجه
الوكت الي

انسدد بي الدين الي برگبتنا
عادل // يادين يمه
- - اسمعني هاي الجوه بت جاسم الي ذب روحه وراك بالبير
واتكسرت ضلوعه وهي متهومه بشي ما مسويته
وهسه وكتنا نساعدها ونبريها حتى لو سلام يطردنا العيشه
كافلها رب العالمين وبنادم يسد باب وربك يفتح الف الف
باب
عادل هز راسه // هذا هو العيشه عد الله مو عد ابنادم
شتردين اسوي
وفهمت عادل شيسوي وخليته يتصل بسلام وره الظهر وانا
هم اتصلت ما ردنا سلام يرفع التلفون عادل گلي رنه وحده
وبعدها غلق عادل نقاله وللعصر كلش ياالله فتحنا الخط
اخذت رضوى وانطيتها دشداشه سوده وكتلها ادخلي اسبحي
وفهمتها من يجي سلام لازم تسوي روحها مريضه ونايمه
هي جاوبتني = لا خاله ما اريد اكون سبب سلام يطردكم
ويطردنا شنو نموت من الجوع خلي شيسوي يسوي ما عليج
صارت تبجي = لا خاله شنو ذنبكم تتاذون من وراي والله
سلام من يدري ما يسكت
لان ادري بيج بريئه وكل الصار عرفته من جوه راسمن
هي باوعتلي وانا گتلها // شوفي راح احچيلج كل شي عرفته
بس اسمعيني الناس الي لبسوج التهمه يگدرون يودون
عليج ناس ايذبحونج ويدفنونج ويكولون شردت ويه صاحبها
هي باوعتلي = يعني شنو
انا هزيت الها راسي // يعني الي تسمعينه تضمينه اهنا (
واشرت على گلبها وعلى راسها ) ما يطلع الاي واحد
افتهمتي لو اسكت وما احچي
= لا خاله سولفي والله ما احجي بس برديلي گلبي
اسمعي خاله رضوى االي راح تعرفينه يهجم بيوت ويكتل
نسوان ويتيم اطفال
= خوفتيني خاله اكثر من الصار بيه
هزيت راسي //. اكثر واكثرين زيان راس ومن تحچيين ما
عدج دليل ومن احجي انا يگولون مطيتني فلوس
وانا اخاف على ابني لا يصير كاتل ومكتول لذلك صيري ذكيه
واتصرفي عادي وخلي الي تعرفينه بگلبج
وسولفت الها على سهير مرت خالها ومن سمعت رضوى
صارت تدك على راسها وتلطم خدها وتبچي وتگول
تستمر القصة أدناه

=ياريتهم كاتليني وموتيني ولا اعرف بسهير تخون خالي الي
معيشهااميره ويحبها سهير تخون عمي صاحب
ويه فواز ويه ابن اخو وانت يافواز شلون طاوعتك روحك
تخون عمك الله اكبر
انا جاوبتها // يمه رضوى ديري بالج تحجين لو نص حجايه
النسوان الي جابن فواز الغرفتج يكدرن كل شي
يسوون ولا تصدكين سهيرمن تدري بيج تعوفج لا والله يمه
تره صدكي ترحين بالرجلين وتنكتلين وتنذبين
بالشط ومحد يدري بيج
وصرت افهم برضوى شتسوي ولازم ماتمتنع من سلام على
مود يشوف شكد هي شريفه وما خاينته وهاي
جانت لعبه وكتلها تسكت لمن ما يعرفون ليش فواز اجه
للغرفه وتطلب من سلام وره ما يعرف هي بنيه ان
يجيب ابن عمها وما يعلن زواجهم بس امها وخالته وصاحب
وعلي ابن عمها يدرون
واجت ام بهاء واجاني سلام الي مسولف الخالته على كل شي
ام بهاء تشكرتني لان رضوى هم كالتلها
ام بهاء /:خيه ام عادل ما قصرتي الله يطول عمرج ويخلي ابنج
والله السويتي محد كدر يسوي
جاوبتها //لا خيه كل شي ما سوينا هاي بت جاسم الرجال
الطيب الخيير
وبقيت اشويه وانوب رحت البيتي وانا احمد ربي الي قدرني
اساعد هاي البنيه المظلومه
//::://////:::://////::::/::::////:::::/:::::////:::://///::::::::
////::
رضوى
نمت وانا ما مصدكه انا بحضن سلام الي عرف بيه بريئه
بالبدايه من سمعت صوته واعتذاره بجيت وكتله
= حتنازلك عن كل شي بس طلكني ومن شفته شلون يضرب
براسه انا ما انطاني كلبي رحت علي وحضنتنه
لاتكولون ما عندي شخصيه بس انا سلام احبه وما حبيت احد
بكده ويوميه اموت الف موته من اعرف هو بحضن كوثر
الصبح فتحت عيوني لكيت روحي نايمه على ايده وهو كاعد انا
ما صدكت غمضت عيوني مره ثانيه وفتحتهن
عبالي احلم
شفت روحي وانى صرت ملك سلام سلام الي ظلمني ما ادري
انظلم ما ادري فواز ظلمنا كلنه
كعدت وانا مقهوره على خالي صاحب واتذكر خالي صبار من
يكل العمتي وسيله ولا ارتاح الها احسها تربية
شوارع وعمتي تكله اسكت لا يسمعك صاحب ما تشوفه
شلون بس يباوع الحلكها
وخالي يكلها /:الحلك اللحد عبالك حلك ركه
ويضحكون ومقهوره هم من سلام لان اخذ كوثر شلون يعني
كوثر ضرتي تبقى
انا احجي ويه نفسي بصوت عالي وسلام طلع من الحمام
ويسمعني
=لا والله كوثر ما تبقى عد سلام وتصير ضرتي اقبل باي وحده
بس كوثر لا
سلام:::يممه للعياره على كولة امي الله يرحمها جا البارحه ما
اريدك واتنازلك وبس طلكني وهسه
ما تردين كوثر (اتقرب عليه وحضني )ياكوثر انتي الي بالكلب
وبس
لكن هم خلي اكلج اسمعي رضوى انا ظلمتج صحيح وفواز
ظلمنا بس يابت الحلال من اعرف الحقيقه
وادري بكوثر ما الها يد باللعبه وهي جانت ضحيه انا ما اكدر
اطلكها لان انتي جربتي الظلم وانا ما اريد اصير
ظالم صحيح ما احبها ولا اطيقها بس لا اذا اعرف ما الها يد
اخليلها بيت واعدل
لا والله ادري بيها مو مشاركه بهاي اللعبه لا عدها بس مجرد
علم ثقي لو عدها عشر ولد اطلكها واحرمها شوفة
ولدها لان الخاينه ما تربي بشر بي حظ
ها رضوى شتكولين انتي بكيفج انا انظلمت بگدج واكثر وما
اريد كوثر تصير ضحيتنا ونظلمها
تستمر القصة أدناه

انا سكتت

ما جاوبته بس هزيت راسي وحجيت ويه نفسي
=صحيح انا ما احب كوثر ولا امها والي سوونه بيه موقليل بس
انا عشت الظلم وصرت
اكره كل واحد ظالم كوثر ما الها ذنب ذنبها حبت سلام وهو
اتزوجها رغم ما يحبها كوثر اذا ما الها دخل
خلص يخليلها بيت وانا ابقى ابيتي بس ياتره هنه يفكن مني
لو اياذني
حسيت بي وراي وانفاسه تضرب ياذني وهو يكلي :::مليكتي
وين صفنتي
=هاا لا ولا شي
::اكو وحده اخذت حبيبها بعد معاناة وضيم وتكعد تفكر
=اي انا
::وبيمن تفكرين
=افكر بهولاكو من يدري بيك ما خذ على بته مره بويه يذبحك
بالمكلوب
صار يحضني عبالك يدخلني بگلبه ويگول ::اقبل يذبحني
ويسجني ويموتني ما طول الكمر بيدي
==ايي ومنو الكمر
::هاي الما حاسه بالنار البيه والشوك الكتلني
==ايي وبعد
::والضيم العايش بي
=منين
::من وره الطبيبه صدك ما صرتي زينه تره راح امووت
انا بدلال =لا ما صرت واذا تظل تلح اصيح لام عادل
::لا كل شي ولا ام عادل اموت احسنلي
اتقربت علي وگتله =لا حياتي لاتكول هاي الكلمه تدري تاذيني
وتمينا فتره ساكتين وانا اشوف دموع بعيون سلام لان اتذكر
فواز كسر الصمت دك هورن بهاءءاجه هو وامه
طلع سلام اتلكاهم ودخلت خالتي للغرفه وراها اجه سلام انا
بس شفتها ما اتحملت رحت عليها وحضنتها
وصرت ابجي وهي تكلي
- - كافي ام دميعه كافي ما شبعتي بواجي هسه افرحي مو الله
ظهر براءتج وهذا --باوعت على سلام --
هذا الغبي عرف الحقيقه دا كافي
سلام ::خاله رضوى لكيتها
ماخلته يكمل /:خاله ادري فواز كلي بس القدر اسرع منه
::خاله شكلج
جرت نفس واتكسرت العبره بصدرها /=كلي ما المسها هي
اختي والصار فلم بي رابح وبي خسران جان يريد بس
يرجع من السفر يحجي بس الله سبحانه (وبجت خالتي على
فواز الي راح والسر اخذه ويا وبس انا الي اعرف بي )
سلام ::خاله اكعدي يم رضوى وانا راح اخذ بهاء نروح نتريك يم
عادل
وكعدت انا وخاله ربيعه واجت يمنا ام عادل وسولفت شنو
سوتلي وكل هذا الشي بمساعدتها الي وخالتي اتشكرت
ام عادل
اجه سلام هو ووبهاء وكعدو بالصاله انا طلعت اسلم عليهم
خالتي /:يمه سلام انت ترجع للبيت جم يوم وانوب تجي
رضوى وره ما تدز على ابن عمها وتكعد ويا وتسولفله
سلام ::خاله رضوى مرتي بعد شنو ابن عمها
- - صحيح يمه بس هي تحتاجه يوكف وياها كدام صبيحه
وطاهر لاتنسى محد يدري بيكم متزوجين وصبيحه اذا
درت والله تسوي الهوايل
بهاء/:صحيح كلام امي سلام دير بالك يااخي تره النسوان مو
هينات (وضحك بهاء)وانوب انت ماخذ اثنين بت
عمك وبت عمتك الله يساعدك
سلام ::لا تخاف عليه ما يكدرلي
ربيعه/:خايب بسك وداعتك صبيحه بس تخليك براسها ندور
عليك نلكاك تدور بالحاويه وما تعرف احد
ضحكنا بعدين خالتي كالت //يمه سلام بهاء مثل اخوك وراح
احجي كدامه الصار شي جبير وانت تاذيت ولازم
تعرف بس بالاول لازم تصير اذكى من صبيحه انت شفت
بعينك ورضوى مسكينه لو انا منها اشرط الا تطلك بت
عمك بس هي مربايه وتخاف الله خليها هسه وخلي تحسسهم
هي عدها سند ابن عمها على مود انت تاخذءراحتك
وتدور على كيفك وتعرف الحقيقه
سلام ::اي خاله صار مثل ما تكولين راح اتصل بعلي واخلي
يجي واسولف ويا
ام بهاء/:اي يمه جيبه لهنا واحجي ويا كدام بت عمه
سلام ::صار بس رقمه مو عندي
انا/:اكيد عد امي رقمه او رقم امه
سلام ::هسه اخابر عمتي
سلام صاح الخالته على صفحه وانا رحت للغرفه احجي ويه
امي لان سلام انطاني التلفون
سلام كل لام بهاء على رضوى وانها ما تقبل تروح للطبيبه
ام بهاء كالت
مو عدهاعلاج بس ادري بيك ما تصبر عليها
سلام ::خاله انتي تدرين شنو رضوى بالنسبه الي ولو ما السوا
فواز جا هسه احنا طفلنه يمشي
ام بهاء//ادري خاله اخوك غلط اترحمله وسامحه
سلام ::خاله انتي شتعرفين وضامه عليه
ام بهاء/:خاله كل شي ما ضامه بس فواز الله يرحمه كبل لا
يسافر اجه علي وكلي
خاله ديري بالج على رضوى على ما ارجع
انا سالته يمه فواز شبيك
فواز /:خاله جبل جاثم على صدري وجاي يخنكني
گتله //ليش يمه تحجي هيج
فواز/:لان لان خاله من ارجع صدكي ما يبقى شي ما مفهوم
- - زين يمه فواز اخذ رضوى وياك تغير جو وتنسى المر بيها
فواز/:خاله رضوى لو اجيب الها طياره للباب هم ما تروح وياي
- - ليش يمه اشوفها هدئت وذعنت للامر الواقع مرتك اخذها
او ونسها
فواز/:لا خاله رضوى مرتي ع الورق اصلا عقدنا باطل رضوى
مو مرتي
ضربت خدي //شتكول فواز
فواز /:مثل ما سمعتي خاله رضوى الهسه هي رضوى الي دوم
اعتبرها اختي وانا اخوها ويا ويله اليوصل الها
بعدين باوعلي واتدنى وباس راسي وكلي //خاله رضوى ما
تصير الا السلام بس خلي ارجع
وراح فواز بس ما رجع عمت عيني عليك خاله وصارت تبچي
وتكول
يمه يافواز رحت لا وليد ولا بنيه راح فواز خلف بكلبنا لوعه
وصارت تبجي وهي تتذكر عمه وسيله وشلون جانت لامتنا
وتكول
خيه وسيله بس رحتؤ كل شي اتبدل عمت عيني عليج خيه
تستمر القصة أدناه

شفت سلام واكف ومدمعه عيونه وخالتي تمسح بدموعها
اجيت انا يم سلام وخلي

ت ايدي على خده ومسحت دمعته
وحظنته كدام خالتي هي باوعت وكلتله
شوف سلام لو اي وحده بمكان هاي (واشرت عليه )جا ما
قبلت ترجع لو تصوغها الماز بس رضوى انت ربيتها
وهي ما حبت واحد غيرك دير بالك علبها حافظت عليك حتى
وهي مظلومه وجان كدامها الفرح والفلوس والسفر
والخدم بس هي رفضت كل شي هم تدري يمه هي تتغطى
بالجرجف الي خليته عليها من اخذتوها للمستشفى وما
تغسله لان بي ريحتك ومن اكلها منو يگول متغطي بي تكلي
=مو هو لزمه وخلا عليه يعني بي ريحته
دير بالك عليها ودير بالك من صبيحه وبتها
1
انا حضنت رضوى كدام خالتي وكتلها ::رضوى سامحيني
واوكفي وياي وصدكي كل من اذاج حسابه عسير
ام بهاء/:يمه سلام اريدك ما تبين انت مهتم بيها كدام كوثر
انا ضجت باوعتلي ام بهاء //خاله كل هذا المصلحتج سلام الج
وانا لو ما خايفه عليكم ما احجي
وهسه يمه سلام تعال خلي نكعد ونسولف شراح تسوي
ورحنا كعدنا يم بهاء وانطاني سلام رقم المحامي وكلي
خابري واتفقي ويا يجي عكب باجر بالليل البيتنا
اتصلت بالمحامي
- - الو نعم
=السلام عليكم استاذ رافت
- - عليكم السلام منو
=وياك ارملة المرحوم فواز
- - اهلا ست رضوى البقيه بحياتج ولو متاخره
=بحياتك الباقيه خلي ادخل بالموضوع لان اكيد عندك شغل
- - لا ولو احنه بالخدمه
=استاذ سلام بلغني عن طريق خالته وكلي كل شي ياريت
تشرفنا عكب باجر بالليل ابيت المرحوم بس
عندي ملحوظه زغيره ارجو العمل بيها
- - اي تفضلي ست رضوى
=استاذ من تجي اترجاك لا تجيب طاري بيعت خالي صاحب
الحصته للمرحوم كدام الموجودين انا وسلام نتفاهم
ويا لا تنسى هو خالي وعمه السلام ما اريد يضوج او ينقهر
- - بس هذا الشي يخل بتوازن الحصه مالتج
=لا استاذ انت يمك اوراق ومستندات بس بصوره شكليه
لاتكول خالي صاحب بايع حصته
- - صار ست رضوى
=جزيل الشكر
- - العفو بالخدمه
سلام من سمعني حجيت ويه المحامي كام وباسني براسي
وكلي
::عفيه رضوى انتي المره الينشد بيها الظهر ما قبلتي تزحزح
صورة خالج كدام طاهر حفظتي كرامته
انا جاوبته /:سلام خالي صاحب طيب وانا ربيت ويه عطاء
اشلون انطي بي
خالتي //ياالله يمه لا تنسينا خابر علي
وهو خابر علي وكله
::الو السلام عليكم
- عليكم السلام وهلا اتفضل
::اشلونك ابو حسين
- الله يسلمك منو وياي
:...انا سلام اخو المرحوم فواز
- ها هلا بيك اشلونك وشلون صحتك
::الله يخليك علاوي شخبارك انت
-بخير رحم الله والديك اتفضل سلام امر خدمه
::والله ابو حسين رايدك باجر بشغله ضروريه يعني تعوف كل
شغلك وتجيني
-خير سلام قلقتني
::لا والله كل الخير بس محتاجك اخ الاخو
-عد عيناك انت تامر
::علي عندك سياره
-لا والله ما عندي
::زين اجر تكسي ومن توصل للبصره خابرني اكون بانتظارك
-ان شالله باجر يمك
::هلا بيك ابو حسين منتظرك ع الغدا سلمنه
-بقوة الله انت هم سلم
تستمر القصة أدناه

بعدها بهاء وامه كالو نروح وباجر يجون من يجي علي بس
سلام
عطلاهم ما قبلو يباتون
سلام /:خاله ابقو يمنا هم تتونسون وهم من يجي علي يصير
الحجي كدامكم
ام بهاء /:لا يمه اروح وباجر ارجع
فدوه خاله ابقي باتي
ام بهاء /:اكلكم عراريس جدد باقيه يمكم شعدي عذوول شنو
سلام /:زين اتغدو وروحو انا وصيت راح نشوي سمج ع
الحطب
ام بهاء /:اي نتغدا ونروح بس لا انت ولا مرتك هسه تاكلون
سمج مو زين
سلام /:صدك عود
ام بهاء/:اي يمه فد شهر اكثر يالله تاكلون مو زين
بهاء /:سلام اقبل خويه امي اكثر من شهر انا ومرتي لا تا كلون
هيج ولا تاكلون هيج اسمع كلام خالتك
وصرنا نضحك بهاء عنده سوبرماركت جبير هو كمل دراسه
معهد تقني واستلم الاسواق هو جدا يحب امه ومطيع
شتكله صار
همه راحو يتغدون ويه عادل بعد ان شوو سمج ودجاج وزوجة
عادل خبزت خبز حار وانا وخاله ام بهاء وام عادل
وجنتها كلنه التمينا واتغدينا وره الغدا راحت خالتي وكالت باجر
نرجع ان شالله
اجه سلام وانا دخلت سبحت وطلعت لزمني وكلي
تتعمدين تتحرشين ليش سبحتي مو الصبح سابحه
انا باوعتله ودخلت للغرفه واجه وراي جاي امشط بشعري
شافه ما جان منتبه علي وكلي مستغرب
::رضوى ليش كاصه شعرج
انا اتحسرت وسكتت
::شبيج رضوى ليش كصيتي شعرج
اهنا نقالي ما بطل رن ادري بيها كوثر انا جاوبتها كدام رضوى
::هلا كوثر
- - سلام ظل بالي انت وين حتى ابوي اتصل ع المحل محد
جاوبه صاير شي
::لا كل شي ما صاير
- - ليش ما اجيت ولا اتصلت
::كوثر انا هسه راح اوصل بغداد -باوعتله مستفهمه -
كوثر باستغراب //بغداد شتسوي
::مو هاي ارملة فواز متصله بالمحامي هي وما اعرف منو وياها
وتريد حصر الورث فانا بس سمعت رحت
الهذا المحامي شويه واوصل يمه باجر ان شالله ارجع
كوثر //اي عيني ليش لا ورث لا تعبانه بي ولا مشتغله راح
يجيها على البارد المستريح
::يالله لازم اسده ولا تخابروني كل ساع تمام وحتى الابوج كليله
راح بشغل مالي خلك كل شويه واحد يتصل
- - صار حبيبي راح اشتاقلك
::وانا هم يالله مع السلامه
رضوى باوعتلي وهي تعض على شفايفها وتسوي بي

ها حركات
سالتني راسا
=شنو وانت هم شكلتلك
انا ابتسمت بخبث ::ما كلتلي شي ؟
=انا الاعرفها لازم تغازل بيك مو
هو ضحك :...مو
=ها وليش هيج تحجي وياي اذا بس خابرتها كل امورك
تخربطت
::بدينا بالغيره 🙊🙊
= زين ما طوول غيره سلام طلكني
اتدنيت يمها وشلتها وخليتها ع الجربايه واجيت يمها وكتلها
::اذا تردين تموتيني كولي هاي الكلمه
=ما اكدر سلام
::رضوى اكدر هسه اطلك كوثر بس صدكي نخسر هواي
=يعني سلام انا اروح للبيت واشوفك تدخل وياها للغرفه
::اي عادي شوفيني
=ما اكدر اتخبل
::ادري بيج تموتين عليه بس بذاك البيت انتي بعدج ارملة
فواز وكوثر مرتي
=انت تتصور شنو راح يصير بيه
::اي متصور واريدج تتحملين وما يبين عليج رضوى انتي مو
بس مرتي انتي روحي وهذا النفس وانى
ما ارتاح اذا ما اعرف منو سووت هيج وخلي اكلج انا متاكد
مليار بالميه صبيحه الها ايد بالمؤامره بس محتاج
الدليل رضوى انتي تعذبتي وانهنتي بس انا انذبحت وانطعنت
ولازم لازم اعرف كل شي وشوفي حسابي شكد
راح يكون عسير
تستمر القصة أدناه

انا بكلبي =صبيحه شلها غرض سلام البلا كله من سهير
سلام يحجي ويه روحه ::ولج اخاف عليج وانا شفتها هي وبتها
شلون بس ملتهيات يسوون سحوره من يدرن يجوز
يخبلنج
رحت للباب وقفلته وكتلها ::حياتي روحي مشتاقلح
هي بدلال =ما اريدك
::ادري بيج ولا تحبيني بس ترجفين من تسمعين انفاسي
واتقربت يمها وصرت اتحسس كل شي بجسمها هي صارت
تبجي همست باذنها
::ليش البجي
هي راسا كامت وتكلي =حقيير ما اريدك بعيني شفتك شايلها

جريت حسره ونومتها
::انا حقير وكلب وغبي واعوضج عن كل شي اي شي حلمتي
بي اسوي الج بس اريد فرصه
واتقربت منها واخذت ابوسها وبعدين ما سيطرت على
مشاعري رغم تحذير الطبيبه وهي ما منعتني
بادلتني نفس المشاعر
شاورتها ::انتي روحي وزوجتي وام بيتي حلم حياتي اتحقق
واقسمت ما اتركه
تصدكون بقينا الثاني يووم ما طلعنا لان الي مرينا بي صعب
ينسي
عرفت انو حبنا هو الي باقي ويانه
كعدت الصبح وانى شفتها وهي نايمه بحظني ما كمت رجعت
دفنت راسي بصدرها وحضنتها حيل
هي فتحت عيونها جان السهر مبين عليها وكالت
=ما اريدك بس اموت اذا ما اشوفك
::ادري بيج وانا ما احبج بس اموت اذا ما احضنج
شفتها متوجعه كتلها رضوى اليوم من ترجعين روحي للطبيبه
هي هزت راسها وراحت للحمام قبلي وطلعت دخلت وراها
وهي راحت خدرت جاي وحضرت الريوك اتريكنا
ادري بيها رضوى هسه بركان يريد ينفجر اعرف شكد تغار
عليه بس الي ما تعرفه انا شكد احبها ولازم اعرف
منو السبب بكل الي صار وحركني ومرمرها وحرم عطاء من
الفرحه وضيع فواز
تريكنا وبدلت واجت خالتي ام بهاء بعدين خابرنه علي ورحنا انا
وبهاء وجبنا للمزرعه
الظهر وصل علي راح جابه سلام وبهاء وجابو وياهم غدا انا
بقيت بالغرفه انا وخالتي ام بهاء الى ان اجه سلام
وكلي ::البسي حجابجو وتعالي سلمي على علي انتي وخالتي
انا لبست عباتي الاسلاميه واجيت انا وخالتي هو من شافنا
كام وسلم علينه وسالني //اشلونج رضوى
انا رديت =هلا بيك خويه اشلونك وشلون عمتي ان شالله
كلكم بخير
علي /:الحمد لله كلنه زينين ويسلمون عليج
سلام ::يالله رضوى روحي حضري الغدا انتي وخالتي
ورحنا لكيتهم جايبين دجاج مشوي ولحم قوزي حضرنا الغدا
وخليناهم ياكلون براحتهم وانا وخالتي تغدينا بالمطبخ
بعد الغدا انا خدرت جاي خالتي سبقتني وانا صبيتلهم الجاي
واجيت كعدة بصف خاله ام بهاء
صارو يشربون بالجاي خالتي بدت الكلام
- - اشلونك يمه وشلون الوالده
علي /:الحمد لله خاله بس تعرفين بعد العمر الوالده شويه
تعبانه
- - وانت يمه تزوجت لو بعدك
علي /:لا والله خاله انا بعدني شاكر اخوي تزوح وعزل وغزوان
سافر للاردن يشتغل وحسن يدرس
ام بهاء/:لله يستر عليكم ويوفقكم شوف يمه انت يمكن
سمعت بفواز الله يرحمه
علي /:اي خاله الله يرحمه انا اجيت للفاتحه
سلام ::ما قصرت ابو حسين
علي /:هذا واجبنا انتم ما خذين بتنا
ام بهاء /:اي يمه ماخذين بتكم وان شالله نظل دووم اهل
واحباب شوف يمه ما ادري تدري او لا مرحوم فواز
جان يشتغل هو واخو سلام وهذا الشي الله يعلم بي والناس
ومن ضمنهم هاي (واشرت على رضوى )
بت عمك رضوى
علي /؛اي خاله الله يرزقهم
ام بهاء /:ويرزق كل عبد مسلم بس سلام جان يستحي من
فواز ما يكله على فلوس لو شسويت بيهن بس من اتوفه
فواز اجه المحامي وكال لازم حصر للورث وكله اكثر شي باسم
فواز
وطبعا كله يصير المرته رحنا وخطبناها من امها وهي وافقت
ورضوى هم وافقت
علي /:يعني رضوى تزوجت سلام
سلام ::اي علي بموافقتها
علي /:بيها الخير اساسا هي رابيه وياكم بس الهسه انا ما
اعرف ليش دزيتو عليه
سلام ::علي كلكم تعرفون انو واحنا زغار رضوى الي بس
صارت القسمه الاخوي من اتوفه اخوي الله حللها
صحيح لازم جان ناخذ رايك بس صار شي خلانه نستعجل
وادري هسه انت ماخذ ابالك
شوف علي زواجنا بس احنا الخمسه نعرف بي وصديقي فارس
عمامي ما يدرون لان اذا عرفو ما نعرف شنو
رد فعلهم خصوصا وانا ماخذ

بتهم
علي /:ها يعني زواج بالسر
سلام ::اي بالسر لان اكو قضيه اتزورت وانا حاس انو عمامي
الهم يد بيها اريد اكشفها وبعدين اعلن زواجي ما
اريد رضوى تتاذى لان مثل ما تعرف الي يخون ويبوك ويزور
كل شي يسوي
علي /:كلامك صحيح بس شتريدني اسوي
سلام ::علي باجر رضوى تروح البيت امها وانوب ترجع باليل
البيتنا اريدك تكون وياها وكانما توها جايه من بيتكم
او ع الاقل جانت عدكم وانت راح تكون موجود الحصر التركه
وراح هي تسلمك امور الشغل گدامهم اريدهم يحسون
هي وراها رجال
علي /:بس تعرفون انا اهلي هناك وشغلي
سلام ::صحيح كلامك بس انت فعلا راح تلزم معرض
السيارات وشوف علي طبعا ما نجبرك هاي بت عمك مثل
اختك وانا زوجها افديها بدمي وروحي لكن صدكني انا
محتاجك وياي على مود اكدر اعرف الحقيقه محتاجك اخ
الي وسند البت عمك
رضوى ::وانا علاوي محتاجتك كدام الناس خلي يعرفون انا
عدي اهل وعزوه
ام بهاء /:ها يمه شكلت
علي /:هاي هي صحيح احنا عشنا بعيدين عن بنات عمنا بس
يبقن دمنا ولحمنا ومن اعرف احد ماذيهن ما اقبل
غصبن ما عليه ادافع عنهن
بهاء /:حياك الله ابو حسين والله كدها ابوك يسولفون علي
خيير وابو رضوى طيب ومن اهل الله
رضوى صارت تبجي ام بهاء كالت ::وج شلون بيج بعد
شتردين اخوج ورجلج يمج
علي /:امسحي دموعج رضوى (باوع السلام ) شوف سلام انا
وافقت لان احس صايره مصيبه جبيره وما تريدوني
اعرفها انا راح ابقى لان بنات عمي عمرهن ما طلبن من عدنا
شي ومالت الله احنا ما سمعنا عليهن الا كل خير
وهذا الشي بسبب تربية ابوك وامك الله يرحمهم سلام الي
اريده من تعرف الحقيقه توعدني تكلي وما تضم عليه
سلام :: هذا هو صار والف صار وعد
علي /:هسه اخابر اهلي اكلهم لكيتلي شغله واخابر الولد
شريكي استاذن منه تعرفون زحمه
سلام ::اي تفضل خابر براحتك وبعدين تعال عل مود نفهمك
شلون تتصرف
تستمر القصة أدناه

وطلع علي خابر وانا اشوف رضوى ضايجه رجع علي فهمنا
شلون يتصرف بعدين خابرت فارس كتله تاخذءعلي
للشقه وكلت البهاء وخالتي باجر الصبح ادز رضوى يم امها
اليوم نبقى بالمزرعه
راحت خالتي واخذو علي وياهم وانا بقيت حسيت رضوى
فرحت اجيت يمها =انت مو كلت اليوم تروح البيتك
::هذا بيتي وانتي وطني
حضنتها وكتلها:: اكو مخبل يعوف التفاح ويروح
شلتها للغرفه وكعدتها ع الجربايه وانا احس بدكات كلبها
هي دنكت وانا رفعت حنجها وكتلها ::مشتاق
هي اتحسرت وكالت =سلام ليش مارحت
::باجر اروح
=مو هسه يخبصون الدنيا اتصالات
::اقفل التلفون وابقى ما اريد ارووح
=مخبل
::اكبر مخبل اذا اعوفج
=ليش
::شنو ليش شفتج ضجتي من ردت اروح وانا ما اريد اضوجج
ثقي رضوى الي مخليني ما اطلك كوثر مو لان بت
عمي ولا هي خطيه لا كوثر اكيد تعرف شي الي مخليني ما
اطلكها خوفي عليج وانتي لازم تساعديني
رضوى ساكته ما جاوبت ما تدري تفرح لان سلام عرف ما
خانتته ما ادري تبجي وتصرخ لان عرفت بخيانة
سهير خابرت عمي صاحب كتله يكللهم بعده ابغداد والاتصال
ضعيف من قفل ويه خالي الخط انا حجيت ويا كتله
=عفيه سلام لا تكل الخالي صاحب علينه
::شنو يعني
=كله بعدهي راكبه راسها بس انا جاي اسايسها وخليتها
تتصل بابن عمها
::ليش كل هذا ؟
=ما تعرف ليش سلام
::قصدج سهير
=اي سلام سهير حقيره ما تتذكر شسوت بيه هي وصبيحه
وهذا خالي ما يضم شي عليها بعد انت تعرفه
::انا الاعرفه صار يدلل الحلو
=اي هسه يدلل الحلو بس من تروح هناك
::شلون انا يالله خلي كل شي يولي واطلك كوثر ونكعد اهنا
=شبيك سلام والله اموت قهر من اشوفها كاعده يمك
::احسبي نفسج بعدج بالعده
=ياريت بس هسه انت زوجي ما اكدر اشبع قهر
::خلص ابقي يومين وكولي رايحه العمامي وانا اجي اهنا
=اي ان شالله
::هسه نكضيها نسولف على غيرتج لو شي ثاني
انا بدلال =شنو يعني شي ثاني
سلام ::يمموي يالعياره تعاي هسه اكلج شنو الشي الثاني
واخذتها وحضنتها ادري بيها موجوعه بس ما اكدر افاركها
حلمي وانا زغير ولزمته بايدي رحت قبلها للحمام
واخذت شيشة عطر وكسرتها وخليتها بسطل ورحت عل
رضوى شلتها وسبحتها وبعدين صبيت الشيشه كلها
عليها لان قبل جنت مقرر بس اتزوجها اسبحها بعطر وبتنا
ابيتنا وانامخليها على ايدي واباوع وهي بس تباوعلي
وتغمض وترجع تفتح عيونها وهي ساكته ادري بيها تحبني
وبعدهي تحبني رغم كل الي سويته بيها الصبح جابت
النه ام عادل خبز حار وبيض واتريكنا وبدلنا وانا اخذتها البيت
عمتي وفهمتها كل شي لا تحجي العمتي اي شي
بس تكلها كدام طاهر كولي اخذتها العمامها ورجعتها وبعدين
انا رحت شفت المحل وبقيت الوره الظهر تغديت
ورحت دخلت للبيت لكيت كوثر نايمه هي حست علي كعدت

الله يساعدك
انا بدون نفس ::هلا يابه شلونج
هي تقربت علي وكالتلي /:مشتاقه حبيبي
::حدي تعبان وما لي خلك اريد ارتاح
هي حضنتني واخذتني للفراش وكالت //جوعان اسويلك شي
::لا اريد انام دايخ من السفر بعدين
واتمددت وهي هم اتمددت وخلت ايدها على خصري وانا
صحيح نمت تقريبا ما حسيت الا على كوثر ت

ندهني
- - سلام صار غروب ما تكعد
انا كعدت وغسلت وصليت واجت يمي كالت //شنو تشتهي
اسويلك عشا
::اي شي اصلا ما اشتهي
- - شبيك سلام اشو سافرت وما كلت وهسه رجعت ضايح
انا باوعت الها وكلت ::مي خالف كوثر ما تساليني
- - صاير شي فهمني
::حبيبتي صاير او ما صاير لا تعبين راسج الزغير بهيج قضايا
- - معناتها صاير شي وما تريد تكلي
طلعت بالصاله ولزمت الريمونت وصرت ادور بالقنوات وكوثر
يمي
اندك جرس الباب ما اعرف من بالمطبخ راح فتحته اسمع
صوت سهير وترحيب ومباوس اجت رضوى وصارت
عيني بعينها وشفت الغيره منها ومن كوثر الي من شافتها
اتدنت عليه هي كالت =مساء الخير
ودخلت للغرفه وعمتي اتقربت وسلمت
- - شلونك يمه سلام
::هله عمه انتي شلونج مشتاقين
عمه //لو مشتاق صدك جا سالت عني (باوعت الكوثر
)شلونج عمه كوثر
ردت بدون نفس /:هلا
وخلت كوثر وراحت للمطبخ عمتي كالت //هاي بس شافتنا
هيج صار بيها جا من تدري شيصير
انا ضحكت وفجاه دخل عمي طاهر ويا الامر مالته صبيحه هو
شاف عمتي سالها بنتر
- - عليه بتج وين جانت
جاوبته // هلا خويه ابو صلاح اشلونج ام صلاح
صبيحه ردت بونه // هلا بيج انتي شلونج
عليه //. زينه الله يسلمج
طاهر // عليه شو غلستي بتچ وين چانت
- - خويه من اجت من الزياره كلتلي اوديها البيت عمها .وانا
وديتها
طاهر يزمخ على عمتي /:وهي حضرت جنابها تمشي بكيفها
احنا شنو اهنا
عليه /:خويه ما صار شي البنيه رادت تروح العمامها شنو
امنعها
صبيحه /:اي تمنعينها احسن الناس تظل تتقول
انفتح باب الغرفه وطلعت رضوى وهي متخصره وحجت =عمه
صبيحه شتتقول الناس شتكول
صبيحه /:يا طالعه متخوصره حتى ما سلمتي
رضوى بنتر =بكيفي اسلم لا العنده حجايه يضمها البعد شويه
طاهر //. ها شجوى راسج شكو
نزل صاحب وسلم علينه واندك الباب وراح عمي صاحب واجه
كال محامي فواز بالباب اويا علي ابن جاسب


#
البارت 22

////////////💔💔💔//////////////
+
من اندك الباب راح خالي صاحب واجه كال
- - سلام عمي هذا واحد يكول انا محامي المرحوم او ويا علي
ابن جاسب
طاهر /:ياعلي هذا
صاحب راد يحجي انا جاوبته /:خالي هذا علي ابن عمي
چاسب من رحت الهم طلبت منه يجي وياي
طاهر /:ها هيج صار الحجي
سلام بدون ما يباوع ::عمي خلي نروح نشوف المحامي شرايد
وطلع سلام هو وطاهر وصاحب بقت كوثر وصبيحه يخوزرن
بيه واجت يمي سهير وهي تكلي وتضحك
- - حليانه رضوى صايره تخبلين عبالك عروس
انا بيني وبين نفسي اريد اموتها للحقيره الخاينه بس كوه
لزمت نفسي ضحكت وكتلها
= خاله عيونج الحلوات ما نوصل الجمالج واناقتج
سهير/:لا والله رضوى احجي صدك صايره حلوه
انا ردت اخبث واسمع كوثر اتخوصرت وانا احرك جسمي =لا لا
ام انمار ازعل منج انا دائما حلوه واخبل
وهواي ناس تضوج مني لان حلوه وتحسدني الجمالي
نبزت صبيحه /:اي انتي حلوه عمه تخبلين ياهو مثلج
انا بدون نفس جاوبتها =شكرا من ذوقج
اجه خالي صاحب وكلي //خالي رضوى المحامي يريدج
انا كتله عل اساس زعلانه منه =اي خالوهسه اجي
رحت الغرفتي لبست عبايه اسلاميه فوك الدشداشه السوده
كوثر واختها نزعن الاسود بس عطاء والباقيين لا
بعدهن لابسات ولفيت شالي وتحنكت ورحت ويه خالي وانا
امشي كتله
=ولو انا زعلانه عليك ع السويته بيه بس انت تبقى خالي وما
يهون
عليه انا اتفاهمت ويه المحامي ما يكول بايع حصتك على ما
الله يرزقك وتشتري بيت
هو باوعلي وگف وعيونه تلمع كلي //خالي صدكي كل السويته
المصلحتج لان جان طاهر وصبيحه مخططين
يزوجونج الصلاح وانا ادري بسلام يريدج او وافقته ع الخطه
= وما لگيت غير سلام هسه مو وكت العتب بس انا خالي من
يروح المحامي راح اخبث على سلام وكوثر
انت مو تاخذ ابالك لان السوا بيه سلام مو شويه
صاحب /:مو اخاف عليج وهذا سلام عصبي ويضمها الج
=ادري بي خالي انت ما تعرف شيسوي بيه بالمزرعه بس
يضربني ويريد انطي وكاله بس لو يموت ما انطي
صاحب // وشعجب قبل تجيبين ابن عمج
=. لا خالي ما شفته شلون اتفاجأ انا من وداني الامي خابرت
علي وگتله يجي
صاحب // تدرين شفتختي على روحج من مصيبه
هزيت راسي = ما عليك سلام هسه ما يگدر يسوي شي اهم
شي عده ياخذ حلالي
خالي //. رضوى الشهاده ال الله وانتي تدرين شگد سلام
تعب بالشغل
= اي ادري وهو ما قصر وياي اتزوجني حتى ياخذ الاكو
والماكو هسه من اكمل من المحامي خليني اخبث
عليهم خلي ابرد كلبي
هو ضحك كلي /:حل بيهم خبثي شكد ما تكدرين
تستمر القصة أدناه

دخلت للديوان شفت سلام كاعد وبصفه طاهر والمحامي
مقابيلهم ويمه علي وفلاح ابن خالي طاهر واكف
انا دخلت كلت =السلام عليكم
الكل رد والمحامي وكف وكلي //وعليكم السلام ورحمة الله
وبركاته اهلا وسهلا بيج سيده رضوى
=اهلا بيك استاذ
المحامي /:سيده رضوى احب اقدم خالص تعازيي الحاره
بوفاة المرحوم فواز ولو اجت

متاخره بالحقيقه
فواز كلنه خسرنا الله يصبرج
انا دنكت =شكرا جزبلا الله لا يراويك مكروه استريح استاذ
المحامي /:العفو ست رضوى احب ادخل بالموضوع مباشرة
=اي تفضل
المحامي /:تحبين بس انتي واستاذ سلام لو كدام الكل
=بكيفك استاذ ما كو احد غريب الجماعه خوالي وهذا ابن
عمي بالوقت الحاضر هو ولي امري
عمي طاهر ابده يگوم يكسرني وفتح المحامي جنطته وطلع
اوراق وكال
- - خلي نبلش بالشي الي يخصكم اكثر شي وجان مرحوم فواز
يعزه
الي هو اتصور هذا البيت مو استاذ سلام
سلام ::اي نعم
المحامي /:زين ياجماعه خلي ندخل بصلب الموضوع
(وباوعلي المحامي وكال )
ست رضوى انتي الج الحصه الاكبر وهي ثلثين وشويه اكثر
اما استاذ سلام اله اقل من الثلث انت تعرف الم
سلام قاطعه ::مفهوم استاذ
المحامي /:تبقى باقي الاملاك الج انتي والسلام
طاهر فز من مكانه /:شنو استاذ رافت شو الحجي توجهه بس
الرضوى وسلام وراها شنو غير تفهمنا تره راعي
الحلال سلام ورضوى كل شي ما الها بس حصه زغيره بهذا
البيت هذا الي تشوفه وبين اديك كله تعب سلام
المحامي /:العفو حجي انا رجل قانون شغلتي محامي اتعامل
باوراق ومستندات وهاي يمي تكول انو رضوى هي وريثة
المرحوم فواز لكونها زوجته
طاهر صار يحجي بعصبيه/:ها وسلام راح يقاسم رضوى وياخذ
حقوقها
مو استاذ تره هم صحيح لان هاي التشوفها هي تعبت
وسهرت
وحملت بضاعه وسلام نايم نعم الله على فواز خوش دك
الناقصه باخو
رضوى =خالي شنو هالحجي ليش تحجي على فواز فواز مات
الله يرحمه ماكو داعي الكل هذا الكلام
طاهر /:اي حقج من هيج تحجين ملايين وعقارات ما جنتي
تحلمين بيها لا وجايبه ابن عمج شنو تتحامين
بي لو خاف ناكل حقج هو ياهو ياكل حق الثاني
رضوى =لا خالي بس ابن عمي (باوعت السلام )ابن عمي
بالوقت الحاضر ولي امري اريده يسمع ويشوف
الي الي والي علي
طاهر/:اي حقج هسه طلعولج اهل من صار باظافرج طحين
علي باوع الطاهر وكال /:حجي احنا اهلها من زمان بس جنا ما
نشوف فرق بيناتنا انتم خوالها واحنا عمامها
وهي ربت عدكم بناءا على طلب امها ولان نعز امها خلينه بناتنا
عدكم وانتو ما قصرتوا ربيتوهن وتعبتو عليهن
الف انعم الله عليكم
طاهر باستهزاء /:اوين جنتو يالله هسه اجيتو لو هسه الفلوس
حلوة
علي /:والله حجي بس خابرتني بت عمي اجيت لان هي عرضنا
شعره من شواربنا واذا ما تريدني موجود
عادي اطلع (وكام علي وكف)
رضوى ابرود =شنو هالحجي هذا علي انت ما كاعد ابيت احد
انت كاعد ابيتي واي احد ما اله حق يتدخل ويحجي
طاهر /:والله عمي طلع الج السان لو كل وحده مسويه دكتج
هيج تح
سلام قاطعه ::ابوصلاح شنو هالحجي اكعد خلي نفتهم من
المحامي وانت ابو حسين رجاءا احسبها عليه
وتره عمي مثل والدك لا تاخذ ابالك
--انوب سلام باوع للمحامي --
متاسفين استاذ كمل
المحامي /:مثل ما تعرف استاذ سلام القانون يتعامل باوراق
ومستندات لذلك فواز الله يرحمه باسمه مزرعه ومعرض
السيارات وقطعة ارض مساحتها 500 متر وعماره بكربلا
وخمس محلات اماجرات هذا من غير رصيده بالبنك
والفلوس الي بذمة الناس
وانت استاذ سلام الك مزرعه مناصفه ويه المرحوم والعماره
الثانيه الي بكربلا ومحل الاطارات باسمك وتلث
محلات مأجرات ومحل الادوات هو كتبه مناصفه بينك وبينه
بس بالورق ما صدقه لكن هاي ذمه انا كملت
الاوراق بيع وشرا الك نص بي طبعا بموافقة ارملة المرحوم
وهاي الاوراق ست رضوى
رضوى =تمام استاذ ويبقى محل الادوات بالنص ما اخلف
رغبة المرحوم امشي بالاجراءات
المحامي /:انا هذا الي عندي بقه شي لازم تعرفي ست رضوى
وهو
المرحوم يطلب ناس فلوس قسم كاتب عليهم كمبيالات
وقسم استاذ سلام استحصلهن من وره الفاتحه انا
بالوقت الحاضر اجريت اتصالاتي وباقرب وقت راح يسددون
سلام ::بالنسبه للمبالغ انا سديت بيها شغل كان بذمة
المرحوم
رضوى =هذا هو استاذ انا مو مال محاكم واروح وارجع ع
الناس الي يطلبهم المرحوم لذلك اي شي تريد
تسوي يم ابن عمي علي
المحامي /:تمام يعني ست انسويله وكاله
رضوى =اكيد بس شويه نكمل اجراءات الورث
المحامي /:انا استاذن واي شي تلفوني يمكم
سلام ::تسلم ما قصرت
المحامي /:العفو هذا واجبي فيمان الله
علي //وانا هم اسمحولي
سلام ::لا وين ابقى اهنا بات
علي /:لا مشكورين ما قضرتو
سلام ::احنا نعتذر تره عمي ما جان يقصد
علي /:ما صار شي سلام ما صار شي
سلام ::باجر غداك يمنا وما اقبل باي عذر
علي /:ولو عندي شغل بس ان شالله تصبحون على خير
سلام ::الله وياك طالع اوصلك
علي /؛ماكو داعي
سلام ::كول بعدك زعلان
وطلعو سلام وعلي وراحو الفارس بالشقه وسلمو وكعدو
علي /:ثقلت عليك ابو الفوارس
فارس /:شسويتلك بالعكس راد الوحشه عليه
سلام ::اعرف بيك فارس جاي تبسمر شد حيلك وشوفلك
بيت واجره على مود تتزوج
فارس /:شسوي العمي رحمن يكول لو بيت بي غرفه وما
تكعد بتي بشقه
سلام::هههههه والله من هسه عمي رحمن سواك طلي
وظلو يضحكون سلام خلصها يكتب الرضوى
اكلج يمته ترجعين العمامج
رضوى =ها ليش

سلام ::اكول عدي حساب وياج بس شنو من حساب انا الج
رضوى =اي بس شويه اطيب
سلام ::ولج شسويتي بطاهر هسه صبيحه تدك وتلطم
رضوى =وباجر اخبث عليك
سلام ::اموتج غير
رضوى =اي اخبث وبعدين موتني
سلام ::خوش انتي جنيتي على نفسج انا الج مو تكولين
رضوى =عفيه حبيبي ابقى بات يم فارس وعلي
سلام ::هاا بدت اخبالاتج لا راح ارجع ابات بالبيت لا تخافين ما
اتقرب الها لان ضايج
=سلام مجرد انت وياها بغرفه ابحدكم هذا الشي يخليني
اتخبل
::حبيبتي ضوية بعد روحي اتحملي الخاطري
رضوى =ان شالله بس توصل راسا حط راسك ونام
تستمر القصة أدناه

دخلت للغرفه لكيت امي بيها من زمان ما واصلتها ولا جايتها
وحتى من وصلت راسا طلعت لان صاحوني
اناباوعت شفت صورة فواز باوعتله وبجيت وانا مقهوره
واعاتبه شلون راح وهو حامل اثقال من اعمال تغضب
رب العالمين اباوع للصوره واكول بكلبي
=فواز خلصت حياتك تشتغل وتسافر وتجمع وتالي صفت الي
انا لازوجتك ولا ام اولادك وانوب خيانتك العمك
ليش هيج خويه شفت يافواز الي يموت من روحه سلام ما
فكر بيك ولا انا لان هاي سنة الحياة انت ظلمت نفسك
وانا ما املك الا اطلب من رب العالمين ان يغفر لك
بعدين گلت = لا والله ليش فواز عنده اموال وانا لازم اسوي
شي بهاي الفلوس اله خطيه
بقيت ابجي بصوت مسموع واجت يمي امي وحضنتني //
دووم اترحميله خطيه طلع من الدنيا كل شي ماكو
صرت ابجي وانا اسمع ضحكات كوثر ويه سلام عرفت شكد
احنااغبياء ونعيش لحظتنا وبنفس الوقت ادري
بسلام يمكن حتى ما متقرب الها
بليلتها صرت افكر بعطاء وشگد الدنيا اذتها وانا اعرفها هي
مو تحب فواز لا تحب التراب الي يمشي علي لكن فواز
خانها بعدها ما حسيت نمت ما فكرت بسلام لان الموقف
جان مؤذي للغايه
الصبح كعدت ورحت للمطبخ خدرت جاي وسلكت بيض
وكعدت امي تريكنا انا وهي لمن ما اجت كوثر كالت صباح
الخير من وره خشمها
انا ما رديت امي ردت وسلام صبح كوثر كالتله //حبيبي
دقايق واحضرلك الريوك روح للغرفه
هو جاوبها ::لا حتريك ويه عمتي
امي /:هله بيك يابعد روحي يالله اتريك عل مود توصلني
::لا عمه وين رايحه اليوم انا عازم علي ابن حماچ وانتي ابقي
راح ادز على خالتي ام بهاء وعمتي قسيمه
- - لا يمه مناك بيتي والجهال ارووح
كوثر بنتر /:اكلك سلام عود هذا العزمته شنسويله
هو باوع الها وكال ::لا تسوين شي حبيبتي انا كله اجيبه جاهز
امي /:شنو كله جاهز هذا غدا مو عشا عمه
سلام ::راح اوصي يشوون سمج ودجاج وخبز حار انتن بس
زلاطه ونظفن الخضره والفواكه
امي باوعتلي /:رضوى اطبخي تمن وسوي حشو وحلاوة
انا بابتسامه = اي ان شالله ماما بس لو تبقيين للغدا
امي // غير مره الجايات هواي
باوستني امي وراحت واسمع سلام كل الكوثر //وين عطاء ما
شفتها
- - راحت اتشوف امها وبيبيتها مريضه كلشء
امي كالت /:يا خطيه لازم اروح اشوف ام عهود خوش انسانه
طيبه
سلام ::عمه مشينا وراي شغل
- - اي عمه
من طلعت امي اناجمعت المواعين وغسلتهن ورحت للغرفه
وانا اشوف كوثر كاعده بالصاله وخاله رجل على رجل
دخلت للغرفه وراحت كوثر اشويه وفتحت الباب عليه رقيه انا
باوستها وهي تكلي
رقيه/:رضوى وين جنتي ما تدرين عقلي يودي ويجيب
=على كيفج رقاوي جري نفس شبيج
رقيه خلت ابنها بالغرفه /:سولفي رضوى وين جنتي
وج هاي شبيج (فتحت الثلاجه وطلعت ماي )جنت يم بيت
عمي جاسب ليش امي ما كلتلج
رقيه /:اي كلتلي بس شتسوين رحتي هاي اكثر من شهر
=اي رقاوي رحت البيت عمي اغير جو وهم على مود اخلي
الناس يسوولي الف حساب
رقيه /:شلون خيه فهميني
=دا امشي وياي للمطبخ اتريكي وانا اسولفلج
هي فكت عيونها متعجبه
انا جاوبتها وابتسم =شبيج رقيه امشي تريكي
رقيه /:متريكه بس فهميني
=شفهمج رحت العمامي وهناك كل يومين يخابروني عل حصر
الورث قنعت علي وجبته وياي والبارحه
اجه المحامي وصار كلام
رقيه /:وسلام شكال
=لا رقيه سلام ما حجى خالي طاهر كام بالواجب واكثر
رقيه/:حتى انا متعجبه سلام دز على خالتي ومقداد كلهم
غداكم يمي
=عادي رقاوي هو عزم علي ع الغدا وراد يلمكم مثل كبل
رقيه /:والله يارضوى ما مطمنه ما طول ريا وسكينه مكابلاتج
=اسكتي وكومي ساعديني اطبخ التمن ونسوي حلاوه
رقيه /: امي وين
= ما قبلت تبقى ياالله خلي نبلش
: اي ان شالله
ورحنا للمطبخ انا ورقيه وطبخنا التمن وسوينا الحشو والزلاطه
ونظفنا الخضره وغسلنا الفواكه رحت للغرفه
انا ورقيه كلنه بعدين نسوي الحلاوة قبل الغدا بشويه
وهنه ولا وحده اتقربت ويانه اقصد لا كوثر ولا سهير قبل الاذان
بشويه طلعناانا ورقيه وسوينا الحلاوة
وصبيناها واجت صبيحه شافتنا انا ورقيه سلمت واندك الباب
وراحت صبيحه فتحت الباب واجت ام بهاء
سلمت علينه وكعدت يمنا بالمطبخ واندك الباب صبيحه
راحت ونسمعها تكول هلا يمه هلا بيجن واجن
زينب وغدير
من شافن ام بهاءسلمن عليهاوباوسنها وما سلمن عليه ولا
على رقيه انا ما اهتميت الهن خالتي سالتهن
تستمر القصة أدناه

- - شلونجن خاله
زينب /:الحمد لله خال

ه انتي شلونج
خاله /:بخير نحمد الله ونشكره
غدير /:همزين شفناج خاله ما متوقعين نشوفج
خاله /:ليش خاله تره انا بيتي ما يتيه اذا تردن تجن تشوفني
هلا بيجن
زينب /:والله خاله احنا ما نجي وحتى اليوم تره محد وده علينه
بس جنا مارات من يم البيت واجينا نشوف
بيت ابونا لان انحرمنا منه
صبيحه /:هلا بيجن يمه بيت الاب ما يتعوض هسه انا مره
شكبرني واحن البيت ابوي ولو بعد منا وهيج
(ونت وتجر بكلامها ) ياالله هو ما راح الغربه
زينب /:شنو قصدج عمه وضحي
صبيحه /:يا يمه شلي غرض تردن تورطني وشكلك صبيحه
كالت
غدير /:اصلا ندري بدون ما تكولين نعرف صار البيت فال
الشريفات
ام بهاء /:شنو هالحجي هذا مو عيب
زينب /:لا خاله مو عيب مو ضحكت على سلام ويمته ما نجي
سلام الرضوى ورضوى السلام تالي رضوى
خوش سوت
ام بهاء // انتن شبيجن جايات مسيرات لو جايات تتعاركن
كافي حجي
غدير /:لا والله نحجي تعب ابونا واخوتنا تاخذه بت عليه وهسه
بكل عين صلفه واكفه بالمطبخ انا منها اطم روحي
رضوى باوعت واتقربت على غدير وكالت =اسكتي غدير عيب
هالكلام انا ساكته الخاطر عيون خالي وفواز
غدير باستهزاء /:صدك خاف تزعلين والله صدك اذا كالو عين
كح،،،،
رضوى بنتر =احترمي نفسج وحسني الفاظج واستحي
زينب /:منو الما تستحي الي لكو يمها واحد وهي مخطوبه
الاخو ولج انتي شنو تحجين وانوب تغلطين شوفي
ولج غصبن ما عليج تتنازلين عن حلال فواز السلام لو تشوفين
شي ما شفتي (ولزمني وصارن يضربن بيه )
ام بهاء /:زينب غدير اتخبلتن عوفن رضوى
رقيه توخر بيهن وتكلهن /:وخرن لا اصيح السلام
كوثر من سمعت /:رقيه شنو سلام شله غرض عوفي لا
تدخلينه بسوالف النسوان
هنه كمشني من شعري وزينب ضربتني راشدي وما نسمع الا
صوت سلام
:: ياحقيرات كل ما تجن تسون مشكله منو وده عليجن
هنه من سمعن سلام عافني انا لفيت الشال على راسي
والدمعه بعيني
سلام صار يصيح ::المن جايات فهمني منو جابجن
غدير /:والله سلام جايات ناخذ حقك وحقنا
سلام اتقرب عليهن ::هم كالن حقنا ولجن ياحق انتن ما
تفتهمن
زينب /:ياالله لاتزعل مو حقنا ولا حق ابونا حقك وتعبك شنو
تاخذه هالساقطه وباجر عكبه تلوف الها
على واحد وتاخذه وتنطي الحلال
سلام ::انجبي ما اسمع الجن نفس باي حق تضربنها وانتي
خاله ليش ما خابرتيني
رقيه /:انا ردت اخابرك بس مرتك ما قبلت كلتلي لا تدخلينه
بسوالف النسوان
سلام خزر كوثر خلاها ترجف وكال ::زينب انتي وغدير فهمني
شتردن
زينب /:نريد حلال فواز يرجعلك ما تاخذه بت عليه
سلام :...اسكتن ولا تحجن بهذا الشي لان ما يخصجن
رضوى بنتر =لا خليهن يحجن ويطلعن كل الي بكلبهن بس
شوفن لو تموتن انتن والوداجن او خابرجن حقي
ما اتنازل عنه حقي بالقانون والشرع وهسه اكدر اخابر المحامي
يجي يجيب الشرطه بس انا راح اصير احسن
منجن واكلجن يالله اتفضلن من غير مطرود ما اريد اشوف
وحده بيجن
غدير /:ولج حقيره شلون تتجرأيين تطردينا
رضوى تخوصرت وعوجت حلگها =والله بيتي وبكيفي منو
يجي ومنو ما يجي
زينب /:احنا جايات البيت ابونا وهسه جايات البيت اخونا
صرت ااشر باصبعي =اي صحيح بيت اخوجن بيت اخوجن
ياعيني بالطابق الفوك هذا بيتي شنو الي خابرجن
ما كللجن انا الي ثلثين واخوجن ثلث هو وعمه صاحب وهسه
ياالله من غير مطرود ومنا وهيج من تجن
اصعدن فوك يم بت عمجن واخوجن
صبيحه /:ها هيج صار الحجي
رضوى =ولو انتي ما الج دخل اي هيج صار وراح اخلي علي
يجيب عمال ويسد الفتحه الي بيناتنا لان بصراحه
جاي تضوجني وهم اخلي ايطلع درج خارجي البيت اخو البنات
وبيت عمهن
اجه عمي طاهر سال شنو صاير اصواتكم واصله السابع جار
صبيحه /:ما صاير شي طاهر بس بت اختك طردت البنات
وتريد سلام يشيل للطابق الثاني وتسد الفتحه
طاهر /:ها ولج محد بعينج
سلام ::عمي عوف هسه وانتي زينب وغدير هسه تطلعن ما
اريد اشوف وحده بيجن
طاهر /:سلام اتخبلت تطردهن على مود هايه
سلام ::لا عمي اطردهن لان الف مره محذرهن وما اعرف منو
يضحك عليهن ويجيبهن بس مال اهانه ورزاله
ام بهاء وكفت وغمتهن باثنين اديها /:فلك طرجن كون الولد
حتى ما بي يتنفس منو يضحك عليجن ويجيبجن
بس للمشاكل
زينب /:عمي شنو تخافون منها ساكتيلها فوتوالها ذيج
الفضيحه نسيتو وين لكيتوها
رضوى =انجبي وطلعي من بيتي ياحقيره
غدير /:طالعين بس شوفي الا انفضحج ونكول شلون فواز
اخذج
اهنا سلام طفر ولزم غدير وظل يضرب بيها كطعها انا ما اكدر
الزمه بس عمه وخالته ربيعه فكتها وصاحت على
بهاء تعال اخذهن وديهن البيوتهن
سلام يلهث ::حقيرات روحن للي خابرتجن خليها تستقبلجن
حقيرات تره اعرف كلش زين منو مخابرجن
وشلقنجن انا الي حجي ويه زلمجن واذا طلعت حجايه اخليهم
يطلكونجن وتجن عندي واعرف شغلي وحتى
جهالجن ما تشوفنهم هسه اخابر الزمايل الي ملفينچن
خاله /:فوتن اطلعن كل ما تجن تجن محملات على رضوى ما
تستحن
سلام ::لو ادري منو خابرتهن وكالت الهن الا امسح بيها الكاع
ما اعرف عدهم شركه

ويانا انا واخوي ما ادري
جاوبته = نفسها الي دزتهن يوم سابعة المرحوم
طاهر /:على كيفك عمي بس هاي الادب سزز (واشر عليه)لازم
حجت كدامهن
ربيعه /:لا خويه ابو صلاح عيب هالحجي هنه اجن متحاميات
عل رضوى ونريد حلال اخونا وهذا حلال سلام
صبيحه /:اي وهي ما قصرت اطلعن من بيتي ومن تردن تجن
الاخوجن اصعدن فوك وهذا بيت رجلي وراح
اسد الفتحه
طاهر /:ولج رضوى انتي هيج حجيتي
رضوى =والله خالي حقي والحق ما ينزعل منه
طاهر /:وشنو حقج
رضوى =خالي البيت ثلثين الي وثلث السلام وخالي ابو انمار
يردون يشترون حصتي يدفعولي 350 يردون
يبيعون حصتهم هي تسوى 175 انا مستعده اشتريها ما
يقبلون كل واحد يلزم حده انا مو حايط انصيص ولا تايهه
الاحد وراي سبع يلهم الجمر
طاهر /:لا خالي احنا الحايط النصيص والتايهين شوفي ولج الا
اكص السانج اعلمج
رضوى =والله خالي انا مسؤوله عن نفسي وعن تصرفاتي كل
واحد يعرف حدوده اتصور انا عندي من مسؤول
عني وانت خالي عندك مرتك او ولدك وبناتك وكص لسنتهم
بهاي الاثناء اجت عطاء جانت عد امها دخلت سلمت وباوعت
السلام
- - سلام اكو ولد بالباب بس وصلت هو وصل كلي صيحي
سلام اذا موجود
تستمر القصة أدناه

راح سلام اشوفه كوه يمشي وانا ورقيه رحنا للمطبخ وجابو
السمج والدجاج واجه محمد كال سلام يكول صبو
صبيت انا ورقيه وخاله ام بهاء
واجو سلام ومقداد شالو الاكل واحنا خدرنا الجاي انا ورقيه
بالمطبخ واسمع سهير تكلها العطاء
شلون صارت بيبيتج
عطاء /:والله خاله تعبانه
سهير /:منو وصلج
عطاء /:خالي معتز وصلني وراح وانا بس وصلت ردت افتح
الباب بالمفتاح اشوف الولد يريد يدك الجرس فد
شافني صار على صفحه وكلي بلا زحمه صيحي السلام
سهير/:ها هذا لو فارس صديق سلام لوعلي ابن عم رضوى
عطاء /:خاله اعرفه فارس شفته مرتين بس يمكن هذا الي
تكولين يصير ابن
ما كملت عطاء جاي احضر بالجاي اجه سلام شايل صينية
الحلاوة وركعها بالكاع انا اتعجبت
هو كال:: منو مسوي الحلاوه
رقيه جاوبته =انا سلام انا سويتها انا ورضوى
اجت خالتي ام بهاء وصبيحه وسهير
سلام ::هم ضطتيها
رقيه - - لا انا من اطبخ ما اضوك
:: زين ضوكيها
اجت خاله ام بهاء وضاكتها وكالت /:يمه رقيه رضوى خاالات
ملح فوكها
اتفاجأت گلت = مستحييل
ام بهاء // شنو مستحييل متروسه ملح
اتنفست ولزمت قندول الشكر رفعته گدام سلام =لا خاله
من هذا قندول الشكر خليت بايدي من عنده
راحت خالتي ع القندول وضاكته لكت بي ملح كالت //رضوى
القندول بي ملح
انا باستغراب =لا خاله شكر حتى امي وسلام الصبح صبيتلهم
جاي وخليت من عنده شوف منو خله بي ملح
والا انا هاي صار سنه ما داخله المطبخ
سلام ::همزين بهاء استلم مني الحلاوه وخله ماعون كبال عمي
طاهر وشويه وكع على ايده ضاكه وكلي ورجعتهن
ام بهاء /:روح يمه يم خطارك عيب شيكول
عض على شفته بغضب وگال ::انا رايح ومن ارجع الي كلام
والخلت الملح خلي تكول لا اليوم احرك البيت
وراح سلام وانا ورقيه وحده تباوع للثانيه
ام بهاء /:يمه انتي متاكده صبيتي جاي واخذتي شكر من
القندول
انا جاوبت بخباثه =اي خاله حتى اسالي حماي واسالي مرته
جانت واكفه من صبيت
صبيحه /:شنو ياستار انذبت علينه اعزيزه اجن البنات وانطردن
وانوب الحلاوه بدل ما تسونها بشكر سويتنها
بملح شنو شصار
ام بهاء /:لا والله ام صلاح مالت الملح مقصوده
صبيجه /:وياهي هيج سووت
ام بهاء /:والله ما ادري نفسها الخابرت البنات واجن هادات
على رضوى
صبيحه /:اكلج ربيعه شو تمشين وتشمرين بالحجي شنو
رضوى علويه لو فقيره بس تدافعين الها
ام بهاء /:وانتي حبوبه اذا بطنج فارغه انتي وبتج شبيج متواخذه

صبيحه /:ما متواخذه احنه شعرفنا ياهو كايل للبنات
ام بهاء /:ها والملح
صبيحه /:ربيعه مالج شغل حبوبه انتي تتغدين وترحين
رضوى من سمعت هيج حجت وهي تزمخ على صبيحه ==هي
هي ام صلاح مو جنج تتحكمين بخطاري
وبداخل بيتي ناسيه انتي جايه البيتي
صبيحه /:يا صرتي راعية بيت والله صدك الا كالو بخت كح
رضوى =صدك ما تستحين ومو مال حشيمه بس هسه
عرفت لو انتي لو بتج الخلت الملح
صبيحه ظلت ترجف /:خايبه اتسكتين لا هسه اكوم اكطعج
اتعجبتي صار عدج جم فلس اخذيهن بلكت تلكيلج
واحد يستر عليج لان اول وتالي تجيبين سوده لاهلج
رضوى جاوبت بنتر =هذا الموجود بكيفي العاجبه عاجبه والما
عاجبه يطك راسه بالحايط
تستمر القصة أدناه

وخليت ورحت للغرفه ولحكتني رقيه وام بهاء وهنه يلومن بيه
ليش حجيت ويه صبيحه هيج
سمعت جابو المواعين واسمع حجي ما عرفت شنو ما احس
الا خالي طاهر دافر باب الغرفه وفات عليه ولزمني
من شعري وهو يكول //ولج انتي تحجين ويه صبيحه
وتطردينها حقيره عبالج اخليج تفرحين
بورث فواز جلبه الا اموتج
خالتي ام بهاء كلتله //افه عليك ابو صلاح شلون هيج تضرب
البنيه ما حجت شي
طاهر بدون ما يباوع /:بالله ام بهاء رجاءا كافي كره الصبيحه
شي راح وانتهى تر..
خاله ما خلته يكمل رفعت اصبعها على حلكها //صدك ما
تستحي وبعدك خبل انا وين و

انت ذاك انت
بس تسمع شتكلك تجي هاد باالله ما استحيت على شيباتك
من هيج حجيت
خالي من سمع هيج هداني وطلع وكلها الصبيحه /:روحي
البيتج
انا طلعت ورا كتله =اوكف اوكف خالي
هو باوعلي وصادف جية سلام /:ها شعدج من دهيره
=اسمعني خالي مرتك ما اريدها تجي والفتحه من باجر اسدها

طاهر وهو يضرب ايد بالثانيه //اي صار هاي الما الها رداد بعد
شعدج
سلام خزرني وهو يشوفني شلون عيوني يبجن او وجهي احمر
من الضرب
خالتي ام بهاء طلعت هو سلام شافها ::وين خاله وين رايحه
خالتي تحجي وهي مقهوره /:خاله رايحه البيتي لان هذا البيت
مثل ما كال فواز الله يرحمه بيت وقف
سلام ::شنو صار فهميني
ام بهاء/:ما صار شي خلي كوثر مرتك تفهمك
سلام ::خاله اذا طلعتي بالعظيم احرك البيت
وشفت سلام صار نفسه عالي وعرك وكعد ع القنفه من
شافته هيج ام بهاء خرطت خدها وصاحت
- - يمه مات ابن اختي
طاهر اجه يركض وام بهاء فتحت دكم القميص وكالت جيبن
ماي انا طفرت رحت اركض على مود اجيب الماي
واشوف كوثر كاعده عد رجلينه وتفرك بيهن انطيت الماي لام
بهاء ورشت علي شويه وشربته ماي وكالت خلي
اصيح البهاء ياخذه للطبيب
واجه بهاء ومقداد اخذو وراحو وراحت وياهم خالتي ام بهاء
انا دخلتني رقيه للغرفه وقفلتها عليه واسمع كوثر تبجي وامها
تكلها
- - عليمن تبجين هسه يجي كل شي ما بي اسكتي لا تفاولين
ع الولد
غابو ساعه واجه هو ومقداد وام بهاء كالت //خلو ينام ويرتاح
لا يصير بي شي
دخل للغرفه بعدين اجتني ام بهاء وانا سالتها كالت //شويه
ارهاق دخل الغرفته لا تخافين
رقيه /:خاله كله من ورانا لو ندري ما مسويات حلاوه خطيه
سلام
ام بهاء /:لا خاله انتن ما عليجن حتى لو ما مسويات حلاوه
جاحطن شكر ع التمن انا اعرفهن انتي رضوى
هسه اسكتي ولاتحجين اي شي وبعد يومين روحي البيت
عمج بكربلا سلام خاله سلام لايموت
ديري بالج (وصارت تبجي )
انا من شفت ام بهاء =خاله شبي سلام وليش بعد يومين اروح
البيت عمي بكربلا
ام بهاء //اي يمه روحي ارتاحي انا راح اروح
=لا خاله اتغدي
- - يمه ياهو يشتهي خلي اروح اشوفه ومناك اروحن بعد ما
اوصيج
انا هزيت راسي وطلعت ام بهاء شافته وهو مخلي ايده على
عيونه باسته وطلعت وكالت الكوثر
- - بلكي تعوفينه ينام ويرتاح ومو كل ساع فاتحه الباب
وسادته اطلعي خلي ينام
وراحت ام بهاء والعصر دز مقداد على رقيه الي بقت بدون غدا
وراحت بقيت انا بالغرفه ما اعرف شسوي
ردت اتصل بي خفت خاف كوثر بالغرفه طلعت ولفيت شال
على راسي كلت خلي اروح بحجة اخذ ماي وطلعت
ما شفت احد بالصاله اتقربت من المطبخ وانا اسمع صبيحه
تحجي على كوثر وتكلها
صبيحه /:ها هسه ارتاحيتي يمه اريد سلام اذا ما اخذ سلام
انتحر لو كايله اخذ فواز امدااج هلخذته بت عليه
ابفضيحه وهسه صار الخير كله الها
كوثر /:يمه تدرين بيه اريد سلام ما يهمني فقير غني المهم
اخذته من رضوى
انا من سمعت هيج رجعت على كيفي ودخلت للغرفه
واتصلت بسلام بالبدايه ما جاوب بس بعدين جاوبني
ما حجه انا كتله =انت زين مو ؟
اتحسر ::اي ما بيه شي
=والخنكه والرجفه
::لاتاخذين ابالج المهم يمته
= عگب باجر اروح البيت عمي
=ادري بيج وانا الحكج ليش مو باجر
انا فتحت باب الغرفه اباوع
::لا باجر بعد عندي علاج سلام ياروحي انت زين
::ما بيه شي خبالو اليوم سويتي الهوايل
=والله كاعده وساكته والناس تتحرش بيه
جر حسره وكال ::ادري وشفت بعيني
=لا تتحسر نام وارتاح
سلام بتعب :: اي هسه راح انام بس اريد تصبيره
==تؤ تؤ تؤ لا عيني ما انطي هسه
::زين خليني اموت احسن
انا بخوف =اسم الله عليك لا تكول هيج كلبي ظل يوجعني
::زين انطيني تصبيره
انا كتله =انت انطيني
هو باسني بالتلفون بس والله احس بي مقهور واعرف ما راح
ينام
دخلت للغرفه وافكر بكلام صبيحه شقصدها لمن تكل الكوثر
ظليتي تنكين على راسي على ما اخذتي سلام
ولو ماخذه فواز جا هسه الخير كله صار الج يعني صبيحه هي
زوجت كوثر لو الها باللعبه وقررت باجراواجه
سهير بالي اعرفه بس بالاول لازم اخذ احتياطاتي لان سهير
مثل صبيحه مو هينه وتميت بغرفتي وانا بعدني بدون
غدا حسيت جعت كلش طلعت من الغرفه ورحت للمطبخ
دخلت لكيت كوثر وصبيحه انا فتحت الثلاجه وطلعت
زلاطه واخذت خبزه وحميتها صبيحه باوعت لي وكالت
- - شدعوه فتي وانتي ما تسلمين على الاقل كولي عمتي مرت
خالي
انا طلعت الخبزه من الاوفن وكعدت اكل بيها بدون ما اجاوب
كوثر كالت
- - ماما رايده شي راح اروح اشوف رجلي
- - لا يمه سلامتج انا هم اروح البيتي وانتي يمه ديري بالج على
رجلج ودللي
كوثر /:ماما هو غير كون ينطيني مجال لازك بيه حتى الصبح
خابرني كلي ايدي ما اكدر اسوق
صبيحه /:اسم الله شبيها ؟
كوثر /:لا يمه لا تخافين منيمني الليل كله على ايده او وجهي
بصدره ما يخليني التفت ع الصفحه الثانيه
صبيحه /:جا غير مرته ويحبج وباجر تصيرين ام ولده
كوثر /:لا ماما مو بس هذا السبب
صبيحه /:جا شنو
كوثر /:يكول مرتي وتاج راسي لكيتج جوهره ابحر محد جايسج

انتي نقيه وصافيه وهلهيج انا متخبل عليج
صبيحه /:اي يمه ماكو اغلى من الشرف وداعتح والتطلع عليها
حجايه لو مو فلوس لو كنوز الدنيا كلها سنه والف
سنه يظل العار كابعها هي وجهالها
كوثر /:ياالله ماما هسه بس يكعد وما يلكاني يسويها عليه
قصه عبالك جاهل يريد يرضع ممه
صبيحه /:روحي يمه الله وياج
انا بكلبي احجي لان عرفت الحجي جذب من كالت يكول
لكيتج جوهره احجي ويه نفسي
=والله تضحكن على نفسجن ما ادري ع الناس تعرفن سلام ما
يطيقجن وانتن وحده تكول رجلي والثانيه دللي
رجلج صدك اتضحكن
وراحت كوثر وهي تدندن عود تقهر بيه وصبيحه تكول //الله
يهنيكم ويحفظكم ويبعد عنكم كل عين نكسه

يتبع