يمممممممه سيلينه كسرتييي
ضهريييي يوووووم،،، سوده علييييييه

طلع الكل من شافوا وعرفوا صار الصياح واللطم رج المنطقه
رج لمياء ملخت نفسها باهر لازمها

سيلين،،،اني رجلي بعد متحملني كعدت منهاره ابجي من كل
گلبي حسيت ضنايه راح موبنت زوجي

من اول مره شفتها دخلت گلبي وخفت عليها خفت لتنضلم
وتتأذى مثل مااني تأذيت وهاي راحت تعذبت كل هل الاشهر
بالمرض وهسه راحت طفله بعدها ماشافت شي بدنيتها
مالحكت تفرح ولاتكمل دراسه مالحكت على اي شي

من بين انهياري ودموعي تذكرت سراج گلبي لچمني عليه
شصاير بي هسه؟ شلون راح يتحمل گلبه وهو فقد ضنا بنته
وعزيزة گلبه؟

لزمت گلبي خايفه ومرعوبه عليه ليصير بي شي بنص
الهوسه دخلت سميه تباوع بخوف اشرتلها تجي سألت...
شكو كلتلها الصار وصيتها تروح يم سيف ومتعوفه وحده

بدو الجوارين يجون رغم همه مو منطقه سكنيه بس ناس
تعرف ناس وواحد يوصل للثاني دخلن النسوان للبيت لااني
ولالمياء ولاباهر دخلنه
دموعنه مانشفت لمياء انتهت موتت نفسها وحقها هيه
الربتها

ورا ساعه الاقرباء كلهم اجوي صارت هوسه باهر كال فوتوا
جوا اجوي الزلم دخلنا للصاله هوسه وعياط ودك ولطم ام بهاء
ملخت نفسها واسراء متخربطه وحكيمه تهفيلها منيمتها على
رچلها صارت لخه ناس متعرف ناس واني دموعي تنزل قهر
وحسره على هل الطفله وگلبي محترگ وخايفه على سراج
مرعوبه ليصير بي شي

دخل باهر يريد مي للزلم عاط على نوال حتى تجيبله رحت
سألته على سراج

باهر،،، شتتوقعين بنته وماتت منهار هو من شالها وطلع بيها
جان يعرف ميته بس ماتقبل اخذها عسى ولعل يطلع جذب
بس انا لله وانا اليه راجعون

سيلين،،، شوكت يرجعون؟

باهر،،، الحجي بينا الدكتور محوله للطب العدلي

سيلين،،، عززززه راح يشرحوها،،، ليش؟

باهر،،،لاكين المعده والجهاز الهضمي متآكل وممرود

سيلين،،، سوده عليه يروحي من شنو هيج صار بيها؟

باهر،،، هو هذا السؤال ألي الدكاتره يريدون يعرفون اجابته
يعني الموضوع بي إنه واخواتها

سيلين،،، عزززه يعني معقوله احد مسو.....

باهر،،،، اي فهمتي قصدي

سيلين،،، لاعفيه لتكولها

باهر،،، ان شاء الله اطلع متوهم والدكاتره هم لان معناها راح
يصير بحر من الدم

سيلين،،، لااسم الله

باهر،،، اكعدي يم لمياء وديربالج من الكل ومن اكول الكل
اعني الكل ولتشربين ولاتاكلين اي شي حتى المي

سيلين،،، عزززه خوفتني

باهر،،، اني اكلج خافي صرت متأكد إحنا عايشين بنص مزرعه
مال افاعي سامه متعرفين شوكت تنلدغين دخلي اتأكد من
الحقيقه واني اعرف شنو راح اسوي

سيلين،،، اجتي نوال جايبه صينيه بيها مي اقداح بلاستك
اخذها وراح خزرتني نوال عفتها ورحت كعدت يم لمياء خلت
راسها على كتفي من تعبت حصنتها ونبجي سوا مااعرف
ابجي على الطفله لو على سراج والصاير بي هسه

مر الوقت والساعات اجوي الجانوا بالمستشفى اشتغل
العياط واللطم من سمعنه بيهم دفنوها واجوي حتى ماجابوها
للبيت ام بهاء وعماتهم واسراء من سمعوا تخبلوا شلون
تدفنوها بدون علمنه ولاروحتنه وياهم اتهسترن فات بنص
الهوسه سراج بس موسراج واحد ثاني دشداشته مشكوكه من
فوك للبطن وملابسه بيها دم بس موهوايه ومليانه تراب
ووسخ شكله وشعره مخربط عيونه رايحه صايره دم تقربوا
عليه النسوان يريدون يعزوا اشر بأيده يبتعدون

مشا رحت ورا صعد الدرج بس بصعوبه جسمه تعبان ومنهار
صعدت بعده اول مادخلت الغرفه سمعت صوت المي مال
الدوش عرفته ديسبح اخذت البرنص لكيته معلق دكيت
الباب مافتحها من كتله اني فتحها اخذ البرنص من ايدي
رحت اطلعله ملابس ماعرفت وين خالهن بيا خانه

طلع من الحمام تركت ألي بأيدي من شفت وضعه وعيونه
ركضت علي حضنته بقوه حضني وخلا راسه على كتفي جسمه
كله يرجف ويهتز بچيت ويا جريته كعدنه على السرير ضل
حاضني ميريد يفارقني وجسمه يهتز من البچي حاولت اهدئه
بس هو اني مااكدر اوقف بچي

شوفته بهل حال موتتني مااعرف شلون اواسي ولاشنو اكله
واني اعرف ولاكلمه بهل وقت ممكن تطفي نار اب فقد بنته
ضنا وعزيزة گلبه كسر گلبي من كال بصوت منهك

سراج،،، كسرت ضهري انكسر ضهري بيها اجتني بوقت جنت
مكسور سميتها سيلين حتى تصير دوا لجروحي بفراگج ومن
رجعتيلي وطابت جروحي وفرحت من صار عندي ثنين سيلين
راحت وحده منجن الضاهر مكتوبلي گلبي يضل معلعل
مكتوبلي اخسر وكأنما الحياة تقايضني اذا اربح شي اخسر
الثاني وخساراتي بعزاز گلبي شمسوي بدنيتي ليش هيج يصير
بيه؟

سيلين،،،، اذكر الله البقاء لله وحده لاشريك له عضم الله
اجرك عند الله،،، الله يصبرك حبيبي،،اعرف صعبه اعرف
شكد متأذي عليها والله العضيم اني هم گلبي تكطع عليها
اقسم بالله حسيت بنتي راحت مني بس مابيدنا شي هذا امر
الله وكلنا على هل طريق،،،بس الفرق سيلينه سبقتنا و راحت
طفله بريئه بدون ذنوب طير بالجنه

سراج،،، اني السبب اني كله مني حرت بمرضي وهملتها رادت
امها ومنعتها عنها كله سببي كله سببي

صار يضرب على راسه منهار

سيلين،،،، بداعتها عندك بداعتي عندك لتأذي نفسك والله
اموت سراج

اموت وراك اذا صارلك شي گلبي ميتحمل
اخسرك كافي هسه محروك گلبي على سيلينه ولتنسى بيلين
محتاجتك بنتك الثانيه لتنساها لتهملها هيَ هم بحاجه إلك
محتاجتك انتَ ابوها سندها بالحياة اذا صار عليك شي شنو
مصيرها؟ قابل انتَ جنت تعرف هيج راح يصير جنت مريض
وهيَ جانت زينه وضعها مستقر شمدريك هيج راح يصير

سراج،،، منعتها عن امها كله بسببي رادت امها تبجي عليها
ماتت على امها

سيلين،،، ماكو شي اسمه ماتت على امها خصوصا هيَ
شافتها اليوم ورغم هذا صار هيج بيها بس هذا يومها ياعمري
انتَ هذا قدرها

سراج،،، ماجاي تحسين بيه اول مره متحسين بشعوري لو
بنتج ماجان هيج تحجين

سيلين،،، انصدمت بكلامه ابتعدت عنه بهدوء دموعي صارت
تنزل باوعت عليه بعتب،،،، مسح وجهه بعصبيه و كام طلع
ملابسه بدل لبس الدشداشه ومشط بدون ترتيب هيج بس
عدل شعره ولبس الغتره لفها على العگال وبدون كلام طلع

استهضمت من كلامه بس بنفس الوقت قدرت وضعه البي
موقليل من حرگت گلبه هيج حجا

نزلت ورا لكيته ديسلم على الكل اسراء بعدها ممده من
شافته كامت وشمرت نفسها بحضنه تبجي رفع راسه
للسقف وبقى ايده نازله بس مابعدها نار شبت بداخلي اعرف
مووقت غيره خصوصا بهل الوقت الحرج بس موبيدي ابتعد
عنها بهدوء باوعت عليه

اسراء،،، كتلك لتبعدني عن بنتي كتلك متعيش بدوني،،، بناتي
متعلقات بيه يحبني،،، ليش طلكتني وبعدتني عنهن؟ ليش
حرمتني منهن؟ دتشوف السويته،،، بسببك خسرنا سيلينه
ويجوز حتى بيلين تروح منا،،، كتلك ابقى هنا علمود بناتي روح
عيش حياتك ويا مرتك البعتنه علمودها بس بقيني خدامه
لبناتي بس حتى هل شي ضاجت منه الخاتون متريدني
بحياتك وهاي النتيجه راحت بنتي حسبي الله ونعم الوكيل بيج
بسببج ياانانيه خليتي يطلكني،،، بسببج ماتت بنتي بس
لوتموتين مااخليج تموتين الثانيه مااخليج تحرميني منها انتي
سبب موت بنتي

ام اسراء ،،، بعدج بالعده غصبن عليه لو يرجعج علمود بيلين
لو ناخذ بيلين منبقيها بعد هنا تروح تموتها مثل ماموتت
سيلينه كااافي ضلم بنتي هوايه انضلمت

سيلين،،، الكل ضل يحجي ناس علني وناس تتهامس
والانضار عليه كلها تنضرلي بأستحقار صح ضجت بس
ماتأثرت منهم بس الكسر ضهري سكوت سراج ماجاوبهن
ولاكال شي عافهم وطلع حتى ماباوع عليه

هنا ادركت الكل حملني ذنب موت سيلينه حتى سراج

بعدني بصدمة تصرفه ويايا دخل باهر اشرلي رحتله

باهر،،، امشي ارجعج للبيت

سيلين،،، ليش؟

باهر،،، شنو ليش متشوفيهن يريدن ياكلنج

سيلين،،، شمدريك وانتَ برا

باهر،،، عوفي هل النقاش وامشي

سيلين،،، بدون لاسلام ولاكلام طلعت ويا لان فعلا وجودي
صار غلط بمكان كلها تنضرلي نضرات الاتهام لاليش نضرات
اسراء وامها حجوها علني

رجعني للبيت طلعت منزله راسي لان الشارع مليان زلم
وسياراة لمحت حتى خوالهم من سامرا اجوي طبكت
سياراتهم دخلت للبيت وباهر راح

لكيت سميه وسيف كاعدين كاملي سيف ضل يسأل شكو،،،
ماكدرت اجاوبه احس بس احجي اي كلمه ابجي

دخلت لغرفتي بس غلقت الباب انهاريت مااعرف ابجي على
هل الطفله الماشافت شي بحياتها لو ابجي على وضع سراج
لو ابجي على قهرتي منه لو ابجي على حضي الاغبر ما ألحك
ارتاح من مصيبه لمصيبه اذا افرح كم يوم لازم اضل شهر
وشهرين عايشه بالقهر

كنت متاكده باهر رجعني بأمر من سراج الضاهر وجودي اعتبره
غلط واني زوجة اب وامها موجوده ومنهاره على بنتها مارادها
تتأذى اكثر او يمكن خاف يسونلي شي

مرت الساعات ونسمع الهوسه مال الناس الجايه والرايحه بعد
المغرب إجا الحارس شايل صينيه تمن وعلي تاچينه ولحم
ودجاج وويا لبن وكاسات سفري مرك وحلاوه بنفس اللحضه
اتصل باهر كال هاي اني دزيتهن ألكم

كل عقله اكدر اكل بعد هل القهر كعد سيف وسميه اكلو واني
القهر خلا معدتي تگلب لحد الليل اني استفرغ سميه قاست
ضغطي لكته مرتفع كلش رادت تتصل على احد منعتها همه
بيا حال هسه

اخذت علاجي وسوتلي حامض شربته سيف راح نام عنده
دوام الصبح لساعه ب١ بالليل وسراج مااجا عرفت راح يضل
هناك

طلبت من سميه تروح تنام لان تحسنت هو جذب اصلا
وضعي زاد سوء الليل كله ألوب هم صداع وهم معدتي تغلي
وفوكاها عندي وجع بضهري للصبح مانمت

سمعت صوت بالمطبخ عرفت سميه كعدت طلعت لكيتها
تجهز بالريوك قبل لااوصل للمطبخ كفخت بأنفي ريحة البيض
رحت استفرغت وسبحت بدلت اتصلت على دكتوري
وبلغتها

كالت.... لازم تجين بأسرع وقت اچيك وضعج حتى انزل
الطفل قبل ليكبر ونضطر أنزله ونشيل الرحم ويا

رزلتني لان ماسمعت كلامها وحملت رغم مانعتني نهيت
الاتصال بخيبة امل جديده حسيت بيأس من الحياة وقهر

طلعت لكيتهم يتريگون هيَ وسيف خلص سيف اخذ جنطته
وطلع
كعدت شربت حليب وكمت نفسي متريد الاكل بس ردت
شي يدخل معدتي يهدئها هل مره زادت ماقلت سميه
سوتلي ليمون ونعناع هو الوحيد يهدء معدتي

ساعه ١١ سمعنه صوت الباب فتحتها سميه كمت من دخلوا
ساره والحجيه وخاله ام ساره سلمت عليهم اخذوا من خاطري
وكعدوا

ام ساره،،، خاله شعندج هنا كلنه نجي نلكاج هناك بالفا

تحه؟

سيلين،،، مااضن وجودي مرحب بي

الحجيه،،، لايمه عيب عوفي الخلافات على صفحه واوكفي ويا
زوجج هو محتاجج هسه كلنا لازم نوكف ويا،،، الحجي وبراق
وابو مهند اجوي ياخذون من خاطره

سيلين،،، وينهم؟

الحجيه،،، راحوا للمضيف واحنا اجينا هنا من كال ابنهم هذا
الولد الاسمراني ميشبهم بحاجبه طبره

ساره،،، ابو طبره باهر

الحجيه،،،، اي هو هذا كال روحوا يم ام سيف للبيت

ساره،،، هيَ شكلها تعبانه مومال تروح غمزتلي واشرت على
بطني

سيلين،،، هزيت راسي نافيه،،، قصدها كلتله لسراج على
حملي

الحجيه،،، كومي يمه عيب ميصير انتي هنا شيكولون عليج
انتي مرت الشيخ وبنته الماتت

سيلين،،، لتخافين الكل محملني ذنب موتها

ساره،،، وانتي شعليچ؟

سيلين،،، والله مااعرف

ام ساره،،، ميخالف يمه تحملي لخاطر الشيخ طبهن مرض
كومي خلي نروح نأدي الواجب ونطلع

سميه،،، اي اذا ناوين نروح هسه قبل ليجي سيف

سيلين،،، والله ماعاجبني اروح ولااريد انغث كافي مغثة
البارحه واني اصلا گلبي محترگ على الطفله

الحجيه،،، ميخالف يمه لخاطر الشيخ هم الناس تاكل وجهه
انتي محسوبه عليه

سيلين،،، كلت ويا نفسي لو تدرن هو سراج هم محملني
الذنب ماردت احجي ولاانطي بي بس گلبي محترك منه

بعد اصرار منهم كمت لبست فستان اسود ساده بس بي
خرطه على الخصر وازرار ذهبيه ثلاثه كبيره وخليت الشال
وطلعنا

دخلنا للبيت الصاله الكبيره مال الضيوف مجتمعين بيها
مليانه نسوان يسولفن ويشربن جاي ولاكأنما اكو شخص
متوفي بهل بيت بس صوت قارء يقرأ قرأن وهم منخفض
بس مسموع واضح

سلمت اكثرهم ماردوا كامت لمياء استقبلت الويايا اخذتهم
تعرفهم حجيه نعيمه من شافتني كامت حضنتني سلمت
عليها وبوستها اجتي ترفه هم سلمت

اتنازلت ورغم نضراتهم رحت سلمت على الموجودين كلهم
بس ماوصلت يم عماتهم وحكيمه وام بهاء،،، اسراء وامها
ماشفتهن لمياء وام مصطفى كعدن يم جماعتي

الكل يباوع على عمتي الحجيه شلون مرتبه وانيقه وكلها وقار
مو مثل نسوانهم الكبيره بالعمر
حجيه نعيمه سألتني عليها ومن عرفت انصدمت من عىهفت
امي طلعت زوجة ابويه بالحقيقه كامت بنفسها سلمت على
الحجيه وعلى ام ساره

اجتي حسناء تقدم چاي وصلت يمي وهم ماانطتني وصلت
حدها وياها بس ساكته لخاطر سراج عاطت بيها لمياء

لمياء،،،، ليش انطيتي للكل وماقدمتي لأم سيف شحذرج
الشيخ

حسناء،،، اسفه ماانتبهت

لمياء،،، ماانتبهتي شنو؟ شنو هيَ متبين لو متعرفيها؟ بطلي
سوالفح وشيلي ألي براسج واشتغلي عدل

سيلين،،، قدمتلي وهيَ تخزر بيه مااخذت منها واشرتلها تقدم
للباقين مثل مااستصغرتني استصغرتها

ام بهاء وخواتها يباوعن عليه بحقد ويهمسن بينهن،،، اجتي ام
مصطفى كعدت يمي تسأل عني رغم علاقتي وياها رسميه
ومو كلش اعرفها بس حسيتها مثل طبع لمياء طيبه ومتحب
المشاكل بس لمياء مرحه وشقايچيه هيَ جديه

سألتها على اسراء كالت نايمه هيه وامها وخواتها بالغرفه

دخلت بيلين للصاله تباوع بالوجوه ودمعتها بعينها كسرت
گلبي صحتها واعرف راح ترفض تجيني بس تفاجئت من اجتي
وبدون سابق انذار كعدت بحضني بالبدايه انصدمت بعدين
حضنتها وبستها شفت شعرها مخربط ومامشطيلها فتحته
وسويتلها ضفيره هنديه خلصتها كعدت يمي تلعب بأزرار
فستاني واني حاضنتها تك ايد واسولف ويا ام مصطفى على
سراج من كان بالمستشفى لان هيَ ماحضرت ماكالولها

قبل الغدا دخلت اسراء وامها وخواتها هيَ شافت بيلين يمي
فتحت عيونها وعاطت بصوت فززت الكل بسرعه الطفله
ختلت بحضني خايفه هل تصرف خبل اسراء

اسراء،،، وللللللج انتييييي شترررريدددديييين منييييي ومن
رجلي وبناتي؟؟ موكافي اخذتي سرراج وموتي بنتيييي،،،
خليتي يسجل كل شي بأسمج وتريدين تموتين هااااي
همممم،،، الله لاينطيييييج،،،، الله ياااااخذج ويخلصنيييي منج


سيلين،،، الطفله انرعبت حضنتني من بطني بقوه وترجف
استغربت وضعها اجتي اسراء وبقوه وغضب جرت بيلين مني
وبيلين متمسكه بيه متريد تعوفني

ام اسراء،،،، عوفيهاااا انطيهاااا لأمهاااا ياساق**يا*اام ال***

سيلين،،،، سدي حلكج وضبي لسانج الزفر وكافي تجوعرن
الطفله انرعبت منجن وهيَ متمسكه بيَ لان خايفه

ام مصطفى،،، انطن مجال لنفسجن الطفله هيَ اجتي يمها
وخايفه وبعدين متستحن شنو هل كلام ومنا العالم

ام اسراء،،، هااا انتي هم وكفتييي وياهااا لازم سحورتهااا
قويه خلت الكل خاتم بيدها

سيلين،،، كومي حبيبتي بيلو كومي ماما تريدج

بيلين،،، مااا عفيه اخذيني يمج بابا يحبج ويطيب من يتمرض
يكول انتي دوا يعني انتي زينه مااريد اموت نفس سيلينه
اخاف اموت اخذيني يمج داويني حتى مااموت

ام مصطفى،،، يمه بعد عمري

سيلين،،، حضنتها احاول اطمنها الطفله حرفيا مرعوبه وترجف


اسراء،،، ولللللج هيَ موتت اختج هيَ تموتج اذا ضليتي يمها
اااا

ام ساره،،، شنو هل كلام صار ساعه ساكتين مقدرين وضعج
مفجوعه بنتج بس موهيج عيب هل تصرفات شنو تتهميها
موتة بنتج

ام اسراء،،،، انتيييي لتدخليييين مو جايه محاميه وياها وجايه
ترا كلنا كاشفيها حت

ى الشيخ كشفها

لمياء،،،،عمتي على عيني وراسي بس لتتجاوزين على ضيوف
الشيخ سراج لهنا حدج وكافي

الحجيه،،، كومي يمه خلي نروح اجينا وأدينه الواجب خلي نروح
مومال مشاكل ونكسر العزه لخاطر نسيبنا نسكت

اسراء،،،، منوووو هوووو نسيبج قصدج الشيخ ايييي شكووو
بيهاااا اخذتنه بالعافيه عليجن

سيلين،،، اجتي عتت بيلين مني بقوه بحيث تقطعت ازرار
الفستان مالتي والطفله تصرخ متريد امها عطت بيها

هااااي شسويتيييي؟ شنووو هل تصرفاااات؟ تريديهااا
اخذيهااا بس مو بهل همجيه

بدون مقدمات هجمت عليه تضرب بس اني موقليله
اتصداها دفعتها عني ام مصطفى لو تخبلوا الكل،،، اجني
خواتها وامها وبنات خالاتها ونسوان غريبه مااعرفهن هجمن
عليه نزلن بيه ضرب صارت هوسه وبس الصريخ بالمكان
ماحسيت غير ايد شالتهن مني رفعت راسي شفت باهر
يسحبهن ويشمر بيهن عاط بصوت هز اركان البيت

باهر،،،، ولجننننننن انتتتتن شنوووو حيوااااااناااات ك*"""" ك*
بن*"ان*""لا*

ام بهاء،،،، ولللللك صوتك شهرتناااا منااا العالم

باهر،،، وينج من هل مهزله كاعده وساكته هسه طلع حسج
اليوم انعل شيب""""اليوم ** بنات"""""كومي سيلين كومن
خويه امشن وين جايات هنا موبيت مال اوادم حضيره مال
هوايش عبالجن اوادم وجايات تاخذن من خاطرهم لامو بشر
هنا امشن

سيلين،،، الكل اعترض على كلام باهر هو صح اخذه الواهس
ومااحترم احد شمل الكل بس من حرگت گلبه

طلعن قبلي الحجيه وام ساره اول شي قبل لااطلع انجريت
من شعري الشال وكع انداريت شفت ام اسراء وبناتها اسراء
تتفرج عليهن مالحكت اسوي اي شي فجئه اجتني رفسه
ببطني من اخت اسراء جنها ثور شاغت روحي عطت بقوه من
الوجع

دخل باهر والحجيه وساره على صوتي انحنيت لزمت بطني
اريد ارفع جسمي مااكدر

باهر،،، ولجننننن شسويتن؟ بنات **،، انعل ابو"""""وانتن
صافنات عليهن

سيلين،،، باهر راح اموت مااكدر اوكف صيحلي سراج

باهر،،، كولي ياالله مابيج شي هاي من رفست الثور بنت
الهايسه

سيلين،،،، بااااااهرررر ماااااتحملللل بعددد موشقىىىى
افهمنييي

حسيته ارتبك رفع جهازه والبنات حاوطني اريد ارفع جسمي
مااكدر دقيقه ودخل سراج

سراج،،، شكو شبيك تكلي تعال شن.....

سيليين!!!! شبيج وشجابج هنااا هااااي شديصيررر هنا؟

سيلين،،،، سراااااج تعاااااال يميييييي راااااح اموت من الوجع

سراج،،، اسم الله شبيج يابا،،،، فهمووووونييييي شبيهااااا؟؟؟

باهر،،، الثور بت الثور رفستها

سراج،،،، منووووو منوووو اسراااااء؟

اسراء،،، لا وروح بنتي مواني شلون هيج اسوي هيه تجاوزت
على امي وخواتي وغلطت عليهن وتعاركت وياهن وبالعركه
بالغلط اجتها ضربه موصحيح

ام بهاء،،، اي صح والكل شهود

_ اي خاله صدك الصوج بمرتك

سيلين،،، اريد احجي واجذبهن مااكدر جاوبت عني ساره
وسميه

سميه،،، جذب والله جذب هنه تحارشن بيها لان بيلين اجتي
كعدت يمها تخبلن عليها

ام مصطفى،،، اي صح ما ألها ذنب البنيه

ساره،،، شتكولن لربچن وانتن حتى عدجن عادي تشهدن
شهادة زور حسبي الله عليجن

سراج،،، امشي للبيت بعدين نتفاهم مووقتها

سيلين،،، رفعت جسمي عطت من الوجع وحسيت شي حار
نزل بين رجلي عاط سراج

سراج،،، هاااااي شنوووو،،، ياربي دخيلللك،،، شبيج ليش
هيج؟

سيلين،،، باوعتله ونزلت دموعي عرفت الطفل راح شالني
ركض بي للحمام دخلني فتح المي يريد يغسل رجلي من الدم
صار عندي وجع قوي عصرت نفسي وضغطت على اسناني
حتى اكتم صوتي ومع ذلك طلع لان متوجعه

سراج،،، شنوو يوجعج فهمينييي فدوه اروحلج بس فهميني
شبيج وين ضربنج هل البرابيك؟

سيلين،،، بطني سراج بطني راح اموت

سراج،،، بعيد الشر عنج يومي قبل يومج

سيلين،،، اااااخ راح ينزل

سراج،،، هو شنو؟

لمياء،،، فتحوا الباب هاي جبت ملابس

فتحها دخلت جايبه غيارات وفوط صحيه وخاولي

سيلين،،، اجتي من شافت وضعي والدم مستمر نزعتني
الداخليات كالت لسراج يطلع ماقبل لازم ايدي والايد الثانيه
خالها على ضهري غسلتلي والدم مستمر بقوه

سراج،،، لبسيها خلي اخذها للمستشفى هذا نزيف مودم
عادي يمكن رحمها تأذى

سيلين،،، تمسكت بأيد سراج بقوه من صار عندي وجع قوي
ماتحملت صرخت وكتمت صوتي من خليت راسي دفنته
بكتفه انخبص حسيت عندي ولاده روحي احسها دتطلع كتله
،،،، سراج

سراج،،، عيونه روحه لسراج

سيلين،،،، راح اموووووت رااااح اموت من الوجع ااااخ راح
ينزل الطفلللل

سراج،،، شنوووو ياطفل؟!!!

لمياء،،، انتيييي حاااامللل؟!!!

سراج،،، سيلين،،، انتي،،، حامل؟

سيلين،،، رفعت راسي ودموعي تنزل بغزاره يباوعلي مصدوم

سراج،،، صدك حامل؟!!!

سيلين،،، اي

سراج،،، ليششش ماحجيتيي؟ليش ماكلتي حامل؟
شتنتصرررين لمياء لبسيهااا بسرعه مومال تبقى لازم
مستشفى هذا مونزيف عادي

سيلين،،، لزمت ايده بقوه من حسيت شي ضغط يريد ينزل
صار عندي ألم فضيع اريد اوكف بعد مااكدر عصرت ايد سراج
وكتمت صرختي حسيت روحي دتطلع فتحت رجلي من
حسيت شي نزل وكع على ارضية الحمام شهكت لمياء

لمياء،،، يمممممه!

!!!

سيلين،،، رجليه صارت ترجف بقوه ماتحملت بعد اوكف
كعدت على الغربيه منهاره خارت قوايه وكلنا نصراتنا على
الكتله الوكعت مني

نزلت لمياء شالتها بالخاولي سراج يباوع مصدوم نزلت دموعي
اخذته من ايد لمياء حملته بين ايدي كان قطعه لحمه صغيره
بس متجسم راس وجسم بس كلش صغير اباوعله ودموعي
تنزل

كمبص يمي سراج حسيته بعد ميكدر يوكف هو هم عينه على
الشايلته بأيدي وعيونه بيها لمعة دموع

دخلت حجيه نعيمه من شافتنه لطمت على صدرها

حجيه نعيمه،،، يمه بعد عمري هاي جنتي حامل وطرحتي؟ الله
لاينطيهن

لمياء،،، اي مع الاسف

حجيه نعيمه،،، الله يعوضكم يمه كوم وليدي ساعد مرتك،،،
كوم

سيلين،،، اجتي اخذته من ايدي باوعت علي

حجيه نعيمه،،، ياعمرري هذا چبيرطرح مال شهرين ونص لو
ثلاثه هاي مفرزن تقريبا كل اعضائه،،، سوده عليه حتى
المشيمه واكعه نازل كله حتى ميحتاچلج كورتاج

لفته بالخاولي و طلعت واني ابجي اكلها جيبي ابني لتاخذي
مااعرف شصار بيَ اعرف مات واعرف بكل الاحوال هو راح
ينزل لان رحمي ميتحمل ومدركه لكل شي بس اريده اريد
ابقي يمي روحي صارت بي حضني سراج

سراج،،، كافي حبيبتي كافي

سيلين،،، صيحها خلي اشوفه عفيه خلي يمي اريده اريده اريد
ابني ،،، اخاف عايش بعده

لمياء،،، اووووف حتى لو بعد بي روح ميضل بعده صغير كلش
ميبقى عايش خارج الرحم بهل عمر الله يعوضكم،،خلي اغسلج
وألبسج

سراج،،، لا روحي جيبيلها ثوب هذا توسخ

سيلين،،، غلق الباب وراها و اخذ الدوش المتحرك غسلي
الدم صار كلش قليل بعد مانزل الطفل ساعدني ألبس لان
جسمي كله يرجف ورجلي بعد متشيلني خارت قوايه

خلعت الفستان رفعت راسي شفته يمسح عيونه عرفته
حزنه عبر مرحلة انو يخفي سراج مو شخص تنزل دموعه
بسهولة ابد مو لان عيب بس هذا طبعه كبريائه عالي ودمعته
عزيزه متنزل إلا لمن يمر بشي يفوق قدرت تحمله

حضنته وصرت ابجي بصوت اجتي لمياء جايبه دشداشه
اخذها منها وهو لبسني شالني وطلعني سمعت صوت
الهوسه حجيه نعيمه تغلط عليهن تكلهن

حجيه نعيمه،،، هجمتن بيته الله لاينطيجن موكافي البارحه
خسر بنته اليوم هم راح الطفل البنيه جانت حامل ضربتنها
وسقطت بنات * كااااافيييي انتن متخافن الله

اسمع باهر استلمهن غلط وسب وفشار اشكال ألوان وكل
ماوحده حجت عاط بيهن

اخذني لغرفة لمياء نيمني على السرير ورغم صيف وحاره
ارجف جسمي ينفض ركضت لمياء جابتلي بطانيه لفني
سراج بيها واني ارجف وعيوني من كيفها تذرف الدموع كعد
يمي لفني بجسمه
دخلت حجيه نعيمه

حجيه نعيمه،،، ها يمه شلون صرتي؟

سراج،،، بعدها راح اخذها للمستشفى

حجيه نعيمه،،، خف النزيف؟

سيلين،،، اي صار قليل

حجيه نعيمه،،، عندج بعد وجع؟

سيلين،،، قليل هوايه فرق

حجيه نعيمه،،، هاي هيه مابيج شي ان شاء الله

سراج،،، رحمه للراحوا شلون مابيها شي شفتيها شصار بيها؟

حجيه نعيمه،،، يمه لتخاف الطفل نزل كامل ومازال الدم خف
والوجع قل يعني خلص ماضل شي اني مجيبه نص نسوان
منطقتنه واعرف بهل سوالف الله يعوضكم يمه هاي ثاني وليد
تطرحين

سيلين،،، ولد؟ يعني جان ولد؟ بس بعده صغير ماانتبهت
لأعضاءه

حجيه نعيمه،،، كتلج اعرف بهل سوالف اعرف الولد من
البنيه،،، خلي اروح اخلي لمياء تسويلج عصير وتشويلج معلاگ
تعوضين دمج

سيلين،،، اهلي وين؟

حجيه نعيمه،،، برا كاعدين بهاي الصاله وام مصطفى وترفه
يمهم وسميه رجعت للبيت تخاف يرجع ابنج من المدرسه
لتشيلين هم حيري بنفسج هسه

سيلين،،، طلعت خليت راسي على كتف سراج گلبه يدك
سريع ويتنهد ويتحسر حضنته بهل لحضه محتاجته ومحتاجني
اني بلله اعبر بالدموع بس هو يكتم بگلبه

سراج،،، كومي سيلين لازم نروح لو للمستشفى لو لدكتوره

سيلين،،، عفيه الله يخليك خليني هسه يله بدى الألم يخف
تعبت ماعندي حيل لأي شي،، سراج لتعوفني محتاجتك
اعرف انتَ هم متأذي بس لتعوفني

سراج،،، شلون اعوفج يا روحه لسراج

نمت بحضنه وهو يمسح على ضهري واسمع حسراته
استرخيت شويه جسمي بدى يهدء الألم جابتلي لمياء عصير
شربته ومسكن هم نص ساعه يله صار الألم خفيف ومع ذلك
دموعي مابطلت

سراج،،،حبيبتي روحي انتي كافي تبجين تأذين نفسج،،، هل
طفل مامكتوبلنه هذا امر الله

سيلين،،، يعني ماضايج؟

سراج،،، اااااخ اكذب اذا اگلج موضايج اصلا گلبي محترگ
البارحه ماتت بنتي واليوم راح الطفل المنتصره منج راح حتى
قبل لااعرف بوجوده احس گلبي جاي يتكطع
سيلين،،، البارحه انتَ عبالك ماحاسه بيك والله العظيم اني
هم تأذيت وتأذيت مرتين مره عليها ومره عليك وهسه طفلنا
هم راح اعرف ماراح يعيش اول وتالي بس من شفته تدمرت

سراج،،، جنتي تعرفين بنفسج حامل مو؟ ليش ماكلتيلي؟
الطفل جبير يعني المفروض تعرفين ومو من هسه ليش
مابلغتيني؟

سيلين،،، جنت حاسه بس چذبت احساسي وچذبت اعراضي
وتعبي كلت ميصير عندي حسب كلام الدكتوره وكل الجاي امر
بي ضغط نفسي بسبب مرضك وارتفاع ضغطي،،،بس البارحه
سويت اختبار وتأكدت ردت اكلك من اجيت بس صار الصار

سراج،،، لو ماجايه سيلين لوماجايه هناااا

سيلين،،،ابتعدت عنه وكتله

تلومني مو؟ يعني هسه اني السبب؟ البارحه كلكم لمتوني على
موت سيلينه لان اني مرت اب واليوم خسرت طفلي بسببهن
وهم اني الملامه مو؟

سراج،،، ألومج على شنو؟ كل عقلج ألومج على موت بنتي او
حتى على الطفل ليش انتي شعليج؟

سيلين،،، تصرفاتك البارحه تدل على عكس هذا كلامك على
العموم مراعيه اني وضعك انتَ اب خسرت بنتك ولتتوقع هذا
كلامي عتب او قصدي شي بس انتَ هم راعي وضعي اني هم
ام خسرت ابنها قبل شويه

سراج،،، شلون مااراعي وضعج ليش هينه عليه شوفتج قبل
شويه وانتي تنازعين هينه عليه دموعج ووجعج بس جيتج لهنا
غلط وتعرفيهن مو ادميات من البارحه كتلج بعد لتجين

سيلين،،، شوكت كتلي؟ ليش انتَ حجيت اصلا عبرتني
اصلا،، كل كلامهن واتهامهن ألي وانتَ ساكت تجاهلتني
ومشيت وكأنما نكره

سراج،،، ألي غايه بهل شي ودزيتلج باهر يطلعج وياخذج للبيت
ووصيته يكلج بعد لتجين ابد لان اعرف وراهن سالفه بس
صبرا جميل صارن هوايه كلش هوايه خلي اتأكد من شكوكي
حتى بعد ماكو ملامه اقسم بالله لااخليهن ميعرفن ليلهن من
نهارهن هذا ضيم گلبي والنار ألي بداخلي راح احركهن بيها هنه
وكل سلالتهن

سيلين،،، اكو شي مو؟

سراج،،، اكو اشياء بس ااااخ لو ماجايه اااخ

سيلين،،، ماجنت ادري والله ردت اوكف وياك بهل شده
ماتوقعت نوصل لهنا واصلا حتى باهر مابلغني بهذا كلامك
ماكال لتجين بعد

سراج،،، اااخ اليوم ان**

سيلين،،، هو معليه صدكني طلعنا هوسه وكلها واكفه مالحك
يحجي ويايا وصلني للباب وصاحوا وراح وبعد ماشفته ومن
اجوي اهلي لاموني شلون عايفه الفاتحه وكاعده ببيتي واني
هم صراحه ردت اجي اطمئن عليك من البارحه ماشفتك ضل
بالي عليك ولهذا اجيت

سراج،،، اووووف حبيبتي روحي انتي دنيتي العايش
علمودها،،، البارحه غثيتج ونزلت دموعج وانتي شايله همي
اعذريني وعيونج مو قصدي اغثج بس نار بداخلي متعرفين
شنو بداخلي ردت انفجر وطلعتها بيح وانتي ماا ألج ذنب

سيلين،،، صح انقهرت بس قدرت الوضع الأنته بي
اعرفك تعبان واليوم اني كملتها عليك

سمعنا صوت الباب كمت من حضنه دخلت لمياء ووياها
الحجيه وساره وخاله وام مصطفى ومها

سراج،،، تفضلوا تعالوا يابا

الحجيه،،، نعتذر ازعجناكم بس بالنه يم بنيتنا

سراج،،، البيت بيتج حجيه

الحجيه،،، مشكور يمه،، ها بنيتي شلون صرتي؟

سيلين،،، الحمدلله احسن

الحجيه،،، بعد عمري الحمدالله على سلامتج والله يعوضكم ان
شاء الله ويرحم بنيتك يمه ماصارت فرصه ناخذ من خاطرك
بسبب الهوسة

سراج،،، رحم الله والديج واعذرينا صار كل شي كدامكم وهاي
اول دخلتكم لهل بيت

الحجيه،،، قابل دنجربك يايمه اجينه لبيتك وماقصرت تصير
هل سوالف بس ماتوقعت توصل بيهن هل مواصيل

سراج،،، حسابهن يمي

سيلين،،، ساره وخاله هم اخذن من خاطره وام مصطفى ومها
تحمدنلي بالسلامه

اجا اتصال من بهاء سمعنا جايين عليه شيوخ من الجنوب
ضل متردد

كتله... رجعني للبيت وروح يمهم ماابقى هنا

مااعترض لان يعرف وجودي هنا غلط كومني لمياء خلت صايه
على ملابسي وشال لبست مشاني رجلي ترجف وصلت
للصاله كلهن كاعدات شفت نضرت شماته وابتسامه بعيون
اسراء وامها

خواتها مختفيات الضاهر أنهزمن

ولاوحده منهن كامت عليه او سألتني عن صحتي هيج بشر
ماشفت كلهن بس يتلوكن لسراج ويكولن الله يعوضك اما
اني لا ولاوصلن يمي

صاح سراج على مصطفى اشرله على السياره دخلها للكراج
صعدنا بيها ونزل الستائر اليمي طلعها ودخلها لكراج بيتنا
نزلني رجلي ترجف بقوه شالني ودخلني للبيت ونيمني

سراج،،، ورا الغدا اجي اخذج للدكتوره

سيلين،،، مابيه شي صدكني هوايه احسن روح الناس جايه
عليك

سراج،،، حضري نفسج مووقت عناد ومكابره

الحجيه،،، اي صح كلامه شنو متروحين للدكتوره سقطتي
طفل شنو مابيج شي

سيلين،،، الكل وكف ويا ضدي هو طلع واستلمني يرزلن بيه
شلون ساكته على موضوع الحمل وشلون مااريد اروح
للدكتوره

هنه عبالهن مااريد اروح عناد بس هو علموده اعرف الضغط
الهوا بي مااريد ازيدها عليه وفعلا احساسي هسه مثل من
سقطت هذيج المره يعني وضعي طبيعي مابيه شي مجرد
تقلصات

دزلنه غدا كعدوا كلهم تغدوا شويه وسمعنه صوت الباب إجا
باهر جايب مشاوي وعصائر مال زبيب ألي

شافني وتحمدلي بالسلامه وضل يلوم بنفسه لان مابلغني
بكلام سراج من كله بعد لتخليها تجي دقائق وراح حتى ماكعد

ورا الضهر اتصل سراج كال راح اخلي مصطفى ياخذج هو وامه
لان هواي ناس جاي تجي عليه ميكدر ياخذني رفضت وكتله
اني زينه بس بالحقيقه من خلص مفعول المسكن صارت
عندي تقلصات قويه

شويه واجوي للبيت جدي وبراق وعمي محمد تخبلوا من
سمعوا بالصايرلي واصروا ياخذوني يمهم رفضت لان اعرف
سراج ماراح يوافق

اتصل بي جدي يبلغه دقائق واجا بس حسيته خايف

سراج،،، وين تاخذوها وليش؟

الحجي،،،، يمنه حتى نداريها انتَ مخبوص الناس يمك

سراج،،، لا حجي خليها،،،، هنا سميه وراح اخلي اختي هم تجي
خليها يمي

الحجي،،، ا

بويه انتَ مشغول وتعبان البيك مكفيك

سيلين،،، حسيت بخوف سراج وميريدني اروح لأي مكان
عباله ياخذوني لان اهله هيج سووا بيَ وبعد ماارجع لهذا كلت

اني مااروح اضل هنا مابيه شي وسميه موجوده واذا تريدون
بقوا ساره هم

العم محمد،،، ليش ياابويه انتي تعبانه خلي ناخذج للطبيبه
وتضلين يمنا نداريج والشيخ من تخلص الفاتحه يجي ياخذج
هنا راح يضل بالنه عليج وهو هم بنص هل هوسه يضل خايف
عليج وبنفس الوقت ميكدر يضل يمج ناس رايحه وناس جايه
الأمه مگلوبه هم الله يساعده

سيلين،،، ضليت اباوع على سراج من جها الافضل اروح ومن
جها علمود سراج متردده

سراج،،، اذا هل شي يريحج وافضل إلج ماعندي مانع بس
تخلص الفاتحه اجي

سيلين،،، تمام

طلعت من الصاله واشرت لسراج رحنه للغرفه واضح من
نضراته القلق

حضنته حتى اطمنه

_حبيبي ليضل بالك عليه كم يوم وارجع بقائي هنا راح يقيدك
وانتَ متكدر

سراج،،، وروحتج على گلبي بس مجبور اوافق مااريد اصير
اناني

سيلين،،، خلص مااروح اضل يمك

سراج،،، لا حبيبي كلامهم صح الافضل تروحين بس تخلص
الفاتحه اجي اخذج متعوفيني اكثر

سيلين،،، شلون اعوفك اموت ومااعوفك والله على گلبي
روحتي وعايفتك بهل شِده بس انتَ ماعندك مجال وبنفس
الوقت بالك يمي تخاف عليه على الاقل هناك اهلي يمي
ومناك اروح للدكتوره وشوكت ميصيرلك مجال اتصل تلكيني
انتضرك اصلا اني مااريد افاركك

سراج،،، امانة الله ورسوله روحي يابا وديربالج على نفسج
وعلى سيوفي واي شي تحتاجين اتصلي

سيلين،،، حبيبي انتَ هم ديربالك على نفسك امانه برگبتك
تاكل وتحاول ترتاح وديربالك على بيلين ترا وضعها ماعاجبني

عقد حاجبه وكال....

سراج،،، شبيها؟

سيلين،،، حسيت وضعها موطبيعي وخايفه من شي ولتاخذها
بغير معنى بس والله صدك حتى اسأل ام مصطفى

سراج،،، شبيها لتخبليني؟

سيلين،،، حسيتها خايفه من امها خوف موطبيعي ليش
مااعرف هسه اتمنى اكدر اخذها ويايا لأن الطفله كلش
تمسكت بيه واصلا لهل سبب بدت المشكله اسراء تخبلت
من شافتها حاضنتني ومتقبل تعوفني

هز راسه وكال...

سراج،،، يصير خير لتخافين هل موضوع صار يمي

سيلين،،، راح للقاصه طلع فلوس وخلاها بيدي رفضت لان
عندي فلوس كلي

سراج،،، فلوسج شي خاص بيج بس اي شي تصرفي وتحتاجي
هاي مسؤوليتي انتي مرتي ومسؤوليتي انتي وسيف وسميه

سيلين،،، بسته وكتله... الله يخليك إلنا ويحفضك من كل شر

سراج،،، موتروحين هناك وتنسيني

سيلين،،، انسى نفسي وماانساك شلون انسى حبيب عمري

حصني بقوه

سراج،،، اووووف ياراحتي بنص همومي وتعبي وضيمي
وحزني انتي دوايه وراحتي انتي وطني بنص غربة ايامي
وسنيني

سيلين،،، زين هسه بعد هل كلام شلون ينطيني گلبي
اعوفك؟ بطلت مااروح

سراج،،،، لا حبيبي روحي الله وياج بس خليني على بالج
ولتطولين،، وهذا شسمه،،، حاولي يعني لاكلش،، تختلطين
بي

سيلين،، منو مافهمت؟

حك حاجبه هل حركه تاريخيه عنده هو وباهر من يتوترون

سيلين،،، اي؟

سراج،،، هذا مهند صراحه ماحبيته

سيلين،،، اويلييي،،، حبيبي يغار من مهند؟

سراج،،، لااغار شنو؟ قابل مراهق وادور سوالف زعاطيط بس
صراحه ماحبيته ولاارتاحيتله

سيلين،،، اي سبحان الله لاهو حبيته ولا سجاد ليش مااعرف؟
أكيد مو غيره مو؟

سراج،،، سيلين افهميني

سيلين،،، حبيبي فاهمتك عيوني انتَ ماكو داعي تبرر خلص
مااختلط بي،،، ارتاح عيوني وگلبي وروحي وكل حواسي
متشوف غيرك

ابتسم ابتسامه متعبه وحزينه بنفس الوقت بوسني وطلع من
الغرفه

حضرت حقيبه صغيره شلت ذهبي ومقتنياتي ضميتهم
بالقاصه مال سراج وطلعت لكيت سميه متحضره ولامه
ملابسها هيه وسيف وساره كاعده تدكم ازرار قميص سيوفي

طلعنا لبيت جدي من بعيد لمحت سراج واكف ويسلم على
شخص عيوني وگلبي تعلكوا بي حسيت شي بداخلي يمنعني
اروح حسيت مااريد افارقه شي بداخلي كلي بعد مااشوفه
وياريت لو سامعه صوت گلبي بهل لحضه

وصلنا لبيت جدي اخذوني للغرفه ارتاح للعصر اخذني براق
وساره للدكتوره من شفنا يمها ازدحام براق زهك اخذنا وطلع
ماتحمل الهوسه

ضجت حسيت نفسي احتاج سراج بهل لحضه هو الوحيد ألي
يطول خلگه ويايا ويتحمل كل شي علمودي

اخذني يم دكتوره قريبه يمهم ماقبلت انزل راد توسل قفلت
تنحست فد مره رجعني للبيت اول مارجعت اتصلت على
سراج احس نفسي اريد اسمع صوته رن الجهاز كذا مره مارد
ورا شويه ارسلي مسج

سراج،،، يمي ناس مااكدر ارد اذا اكو شي كتبيلي

جاوبته...

سيلين،،، ماكو شي حبيبي سلامتك بس ردت اطمئن عليك
بالي يمك

سراج،،، اني زين وانتي شلونج؟

سيلين،،، زينه

سراج،،، رحتي للدكتوره؟

ماردت اضوجه واخلي باله لهذا كتله

سيلين،،، اي رحت وكالت زينه مابيه شي ليضل بالك

سراج،،، اجوي ناس بالليل اتصل

سيلين،،، تمام

اجوي جدي والحجيه وعمي محمد من سمعوا ماقبلت اروح
للدكتوره كلتلهم زينه،،، عمي محمد ضاج كال

العم محمد،،، امشي اني اوديج لدكتورتج هذا براق مابي حظ
خلگه بخشمه،، هذا شلون راح نزوجه ويصير عنده مره وجهال

سيلين،،

، مابيه شيء والله عمو بيبية سراج كانت تولد وتعرف
بهل سوالف كالت مابيه شي واذا حسيت بشي اخليكم
تاخذوني

العم محمد،،، على راحتج اليوم راح اضل هنا واي شي تريدين
اني ابوج لتطلبين من احد

سيلين،،، ابتسمتله على حنيته كتله.... تمام

طلعوا واني نمت كعدت بالليل دخلت للحمام الحمد الله
النزيف قليل بس عندي تقلصات وحرارتي شويه مرتفعه
غيرت ملابسي وطلعت لكيت الكل موجود ويزن ومهند هم
جايين سلموا عليه كعدت والكل يسأل عن صحتي دخل العم
محمد من برا شايل صينيه بيها مشاوي

براق،،، هاي شنو عيني مو سووا عشا؟

العم محمد،،، ماجايبها ألك يالعجوزي جايبها لبنتي

سيلين،،، فتح الكيس وخلاها امامي ابتسمتله جايبلي ويا
عصير برتقال وعصير زبيب كعد يمي يسويلي لفات صغار
ويقدملي شكد حبيت حنيته ذكرني ب بابا شلون جان يهتم
بيه من دون اخوتي

يزن ومهند يبسمرون بي وهو ولايمهم كل مااوقف اكل يكلي
هاي الاخيره ويخجلني وانجبر اكل

انترست معدتي وماتحملت انضغطت ركضت للحمام
استفرغت طلعت لكيتنم يم الباب

ساره،،، وتالي راح الطفل وبعدج على حالج

الحجيه،،، طبيعي يمه هل شي بعدها الهرمونات مال الحمل
مسيطره عليها للان هسه لوتحلل يطلع عدها حمل يراد كم
يوم يله وضعها يتغير

سيلين،،، اخذوني للغرفه مال ساره بس خليت راسي نمت
ومن الحراره مريت بدوامه من الكوابيس والهلوسه كعدت
الفجر او بمعنى اصح فزيت من كابوس شفت جهازي ساعه ٤
الفجر لكيت سراج متصل عليه كذا مره ساعه ١٢ ونص

ردت اتصل وترددت كلت اخاف نايم واكعده وهو اكيد تعبان

ساره كامت صلت ورجعت نامت حسيت بخنكه وضيق
بصدري طلعت برا البيت هدوء روحي لابت مااعرف شبيه

فتحت الباب طلعت بالحديقه من خنكتي عيوني من كيفها
تذرف دموع رفعت راسي للسما ودعيت اريد ارتاح تعبت

بعد ماكدرت انام لان شبعت نوم انتضرت الصبح يصير دخلت
للغرفه اخذت موبايلي وطلعت لان نايمين مااريد ازعجهم
طلعت الحديقه

اتصلت على سراج جهازه لكيته مغلق استغربت موعوايده
صار خوف بداخلي اتصلت على باهر يتصل وميرد كذا مره
اتصلت وميرد زاد قلقي

لحد ساعه ٩ واني اتصل عليهم وماكو رد حسيت روحي راح
تطلع دخلت للبيت الكل نايمين صعدت لغرفة براق كعدته
من نومه فز

كتله.... كوم اخذني لبيتي

استغرب ضل يفرك بعيونه يحاول يستوعب من ركز بيه
وشاف وضعي ودموعي كام بسرعه

براق،،، بدلي الى ان اغير ملابسي وانزل

سيلين،،، نزلت بسرعه رغم آلام عندي لبست بسرعه وطلعنا
وصلت لكيت هوسه يم بيتهم شافنا باقر واجا مسرع

باقر،،، ها خويه؟ لتخافين مابي شي ان شاء الله نلكا الكل
مستنفر يدورون عليه

براق،،، على منو تحجي؟

سيلين،،، سراج،،، سرررراج،،، بي شي مووو؟؟؟ احجييي الله
يخليك بي شي،،، كلي؟

باقر،،، تعالي دخلي للبيت افهمج

براق،،، وين تدخلها بنصهن البارحه رادن يموتنها ومات الطفل
اليوم شيسون بيها؟

سيلين،،، عفتهم يتناقشون فتحت باب السياره ونزلت دخلت
البيت صاير هوسه وبس صوت العياط وكأنما هسه ماتت
سيلينه دخلت بنصهم شفت ام بهاء تلطم وجها كله احمر دم
ولمياء وام مصطفى يمها واسراء ممدده بالكاع مااعرف شبيها
الكل مخبوص جسمي صار يرجف اريد اوكف بعد مااكدر
اجتي عليه مها بسرعه

مها،،، حبيبه لتخافين مابي شي ان شاء الله يلكوا

سيلين،،، شبي شنو الصار احد يفهمني راح اموت؟

مها،،، الشيخ بالليل رايح للمقبره على بنته بدون ميكول لأحد
يكول مصطفى كعد من النوم ومن سألته كايله...

سراج،،، بنتي تريدني خايفه وحدها

مصطفى عباله مجرد كلام راجع نايم بس الشيخ طالع وللان
منعرف بي وينه راحوله للمقبره مالكو جهازه مغلق اختفى بس
باهر هو وجماعته تحركو ديبحثون عنه لتخافين وين يروح قابل
يجوز هج من الضيم يرتاح ويرجع

سيلين،،، اريد اوكف بعد مااكدر انهاريت طلعتني برا اجر
النفس بصعوبه صاحت على ابنها حتى يصيح واحد من الولد
دخل براق ومصطفى يركضون شالني براق خلاني بالسياره
واخذني للمستشفى انتهيت مااكدر اتنفس خلولي اوكسجين
اجر النفس وابچي روحي فرفحت براق اتصل على الكل شويه
وكلها اجوي للمستشفى ساعه ودخل باهر بزيه العسكري اني
شفته حسيت اجاني الفرج

سألنا وكان الجواب....

سراج مفقود وماكو احد يعرف عنه شي
اني سمعت فقدت مااعرف شسويت بنفسي بس احس
عليهم يلزموني روحي فرفحة حسيت راح اموت اخر شي
اتذكره دخل دكتور وخلالي شي بالكانونه وبعدها فقدت
.
.
سيلين،،،، كعدت اسمع اصوات يمي يسولفون فتحت عيني
شفتهم كاعدين من شافوني كعدت اجوي يمي حضني عمي
محمد انهاريت ابجي بحركت گلب فاقد عزيز گلبه

رجعوني للبيت يومين إحنا لا ليلنه ليل ولانهارنا نهار وميقبلون
ياخذوني يم اهل سراج يخافون عليه

تخربطت انجبروا ياخذوني بس اجا ويايا براق ويزن ومهند
والعم محمد

وصلنه الهوسه بعدها يم بيتهم بس اخف دخلت للكراج اجوي
الولد عليه سألتهم اذا اكو اخبار باقر ومصطفى هزوا راسهم
بأسى بس صدمني بهاء من كلي

بهاء،،،لو يهمج امره ماعفتي ورحتي ولا هسه باقيه يم اهلج
عبالك ماصدكتي تخلصين منه

براق،،

،شنوووو؟ شنو هل الكلام خليني محترمك انت اكبر مني
مااريد اتجاوز بأي صفه هيج تحجي وياها؟

بهاء،،، لابلله اتجاوز خلي اعرفك قدر نفسك

العم محمد،،، صلو على النبي وكت هل سوالف البنيه تعبانه

بهاء،،، شبيها تعبانه كل شي مابيها بس اخويه الراح بيها الله
واعلم منو سوا هل شي بي

يزن،،، اخوك يصير زوجها مثل ماأحترك گلبك هيه هم محترگ
گلبها رجائا انتبه لكلامك ماجايين نسوي مشاكل جايين نسأل
على الشيخ مرته بالها عليه تريد تعرف شنو وضعه

بهاء،،، تريد تعرف عنه شي لو جايه تريد تتأكد مات حتى
تتصرف بالأملاك السجلها باسمها

سيلين،،،، كااااافيي كااااافيي شلوون هيج تحجي انعل ابو
الفلوس لابو المال اخذوها كلها ورجعولي سراج مااريد اي شي
بس يرجع سراج

طلعت ام بهاء عاطت

ام بهاء،،،، شعندج جايه؟ يافكر يابنت الفكر من دخلتي حياتنه
لليوم ماشفنه الخير هجمتي بيوتنا على راسنا الله لايوفقح الله
ياخذج ويخلصنا منج ولي مناااا شكووو جايه موتي وجايه
مسويه نفسج خييره

باقر،،، يمه شنو هل كلام الخاطر الله؟

براق،،،، انتو شكاعد تحجون كل عقلكم؟؟ شنو موتته وشنو
هل تجاوز؟ مقدرين انتو بضرف صعب بس هيه حالها حالكم
يعني يغيب سراج هيج تسوون بمرته

ام بهاء،،، بنت الفكر اخذها وروحوا منا لتجون لبيتنا بعد،،،
وانتي لعبتج مكشوفه رجعي الاملاك وولي لبيت اهلج الله
لايردج عوفينا بحالنا

براق،،، بنت الفكر التحجين عنها احنا اهلها نشتريكم انتو
وعشيرتكم بمالنا وهيه هم عدها موبحال فلوسكم واملاكم
صدك طلعتوا متستحون ناس زباله

بهاء،،، احنا زباله؟يانگسين شتريد؟ اخذ اختك وولوا منا ومن
باجر تتنازلين عن كل شي يابنت الخير مواخوج يكول نشتريكم
بفلوسنا يله اتنازلي هو عنده بنيه واهل واحنا اولى منج

سيلين،،، لاوالله فلا اتنازل سراج امن كل شي يمي راح يرجع
وهو يحاسبكم

ام بهاء،،،، ترجعييييييهن وغصبببن عليج

مهند،،، هيييييي،،،، انتي شلون هيج تحجين وياااهااا؟؟ شنو
هل الهمج العايشه وياهم

العم محمد،،، امشوا خلي نطلع الضاهر الجماعه مومال احترام

ام بهاء،،، متطلع منااا قبل لتتنازل تريد تاخذ بيتها الكاعدين
بي وبس هيه حتى خلفه ماخلفت بنته اولى بكل شي

سيلين،،، بأحلامج شايفه الاحلام بالاحلام ماخليج تشوفين
فلس يرجع سراج بخير وسلامه وهو يتفاهم وياكم

ام بهاء،،، ميرررجع بعد،،، ميررررجع،،، لكو سيارته اليوم وكلها
دم دمه خلصان يعنييييي ماااات ابني ماااات

سيلين،،، هديت عليها فقدت اريد اضربها

ولج انتييي شنووو من ام؟ شنووو من گلب شايله؟ تحجيهاااا
بكل بساطه شتحسسسسين؟ سرررراج ماااا مااات راح
يرجعلي ميعوفنيييي ميعوفني وانتو لوتموتون متشوفون
فلس احمر مني ياعااااااراااات

شالني براق شيل وطلعني اتهسترت صعدوني بالسياره انفي
نزف بقوه راسي راح ينفجر صرت اضرب على راسي من الوجع


اخذوني للمستشفى ضغطي كلش مرتفع وضعي ساء صار
عندي وجع قوي ببطني فحصتني الدكتوره ومن سمعت قبل
كم يوم صار عندي اسقاط سوتلي سونار وكالت

الدكتوره،،، الطفل مهدد

سيلين،،، ياطفل دكتوره ؟ كلولج سقطت وكع الطفل وشفنا
بعينا

الدكتوره،،، ماما انتي حامل بتوأم منفصل كل واحد بكيس
واحد راح والثاني موجود بس مهدد عمره راح يصير ثلاثة اشهر
بي نبض ووضعه طبيعي بس وضع رحمج تعبان بسبب
اجهاض الطفل الثاني لهذا محتاجه راحه تامه

سيلين،،،صدك والله؟؟!! زين يعني يعيش؟

الدكتوره،،، اي ان شاء الله بس ألتزمي بالعلاج ألي راح انطي
ألج وارتاحي وكل شي ماعليه

سيلين،،، بس دكتورتي كالت وضع رحمي ميسمح اصير
حامل لهذا كالت تعالي انزله حتى لننجبر نستأصل الرحم

عقدت حاجبها وكالت

الدكتوره،،، يادكتوره هاي هيج كالت؟ ماما وضعج كلش تمام
ورحمج مابي شي ولايستوجب الاجهاض بس مجرد الاجهاض
مأذيج وهسه انطيج علاج تصيرين مثل الورد هاي بكيفها
تسولف

سيلين،،، سولفتلها على موضوع اجهاضي الاولي وكل شي
صار سألتني على شكل الابره ألي ضربتها ألي الدكتوره ومن
وصفتلها شكل الابره فتحت عينها مصدومه وكالت

الدكتوره،،، هاي مو ابرة تثبيت هاي ابرة اجهاض شلووون
تنطيج هيج ابر هاي حتى ممنوعه من الصيدليات هاي
مودكتوره هاي مجرمه،، روحي اشتكي عليها هاي هيه موتت
ابنج الله واعلم منو دافعها عليح وهيج سوت

سيلين،،، خليت ايدي على وجهي ابچي

_وينك ياسراج؟ وينك؟ محتاجتك اني وطفلنا وين رحت
وعفتني بهل دنيا بين ايد هل وحوش ؟

يتبع....

البارت٤٠
________________________

وأن سألوك عني أجبهم بكل ثقه أنها أحبتني بقدر ماأحببتها
♥🌹
________

الدكتوره،،، الطفل مهدد

سيلين،،، ياطفل دكتوره ؟ كلولج سقطت وكع الطفل وشفنا
بعينا

الدكتوره،،، ماما انتي حامل بتوأم منفصل كل واحد بكيس
واحد راح والثاني موجود بس مهدد عمره راح يصير ثلاثة اشهر
بي نبض ووضعه طبيعي بس وضع رحمج تعبان بسبب
اجهاض الطفل الثاني لهذا محتاجه راحه تامه

سيلين،،،صدك والله؟؟!! زين،،،، يعني يعيش؟

الدكتوره،،، اي ان شاء الله بس ألتزمي بالعلاج ألي راح انطي
ألج وارتاحي وكل شي ماعليه

سيلين،،، بس دكتورتي كالت وضع رحمي ميسمح اصير
حامل لهذا كالت تعالي انزله حتى لننجبر نستأصل الرحم

عقدت حاجبها وكالت

الدكتوره،،، يادكتوره هاي هيج كالت؟ ماما وضعج كلش تمام
ورحمج مابي شي ولايستوجب الاجهاض بس مجرد الاجهاض
مأذيج وهسه انطيج علاج تصيرين مثل الورد هاي بكيفها
تسولف

سيلين،،، سولفتلها على موضوع اجهاضي الاولي وكل شي
صار سألتني على شكل الابره ألي ضربتها ألي الدكتوره ومن
وصفتلها شكل الابره فتحت عينها مصدومه وكالت

الدكتوره،،، هاي مو ابرة تثبيت هاي ابرة اجهاض شلووون
تنطيج هيج ابر هاي حتى ممنوعه من الصيدليات هاي
مودكتوره هاي مجرمه،، روحي اشتكي عليها هاي هيه موتت
ابنج الله واعلم منو دافعها عليج وهيج سوت

سيلين،،، خليت ايدي على وجهي ابچي

_وينك ياسراج؟ وينك؟ محتاجتك اني وطفلنا وين رحت
وعفتني بهل دنيا بين ايد هل وحوش ؟

الدكتوره،،، كولي يا الله ماما ان شاء الله خير

سيلين،،، دكتوره ياخير هذا واني عايشه بنص وحوش بشريه
كلها تأذي بيه وبزوجي وهسه هو مفقود صار ايام مااعرف عنه
شي

الدكتوره،،، الله يكون بعونج ويرجعه ألج بالسلامه ارتاحي
لتضغطين على نفسج موزين على الطفل خطيه اصلا عندج
تقلصات قويه ضاغطه عليه الطفل متكعور من التقلصات
حافضي عليه خسرتي طفلين لتخسرين الثالث وزوجج الله
يرجعه بالسلامة
.
.

طلعت من الدكتوره الكل كان ينتضرني ماكلت اي شي صار
عندي خوف صرت اشك بالكل ماردت يعرف باهر اخاف
يوصل لأهله رجعنا للبيت بالطريق طلبت من براق يوقف
السياره راد هو ينزل من سمع اريد ادخل للصيدليه من
شافني رافضه احترم خصوصيتي

اخذت العلاج عندي ابر اخذتني لغرفة صغيره داخل الصيدليه
ضربة الأبره مال مثبت

سألت الصيدلانيه على الابره وصفتلها شكلها

كالت.... هاي ممنوعه بس الدكتورات ممكن تاخذها لأي
شخص منصرفها أله لان ممنوع

طلبت منها بس اشوفها ترددت بس بعدين وافقت من
شفتها وتأكدت هيَ نفس الابره حسيت شي كفخني براسي
بعد مااكدر اوكف الصيدلانيه جابتلي كرسي وكعدتني ومن
سمعت عندي صغط قاستلي ضغطي كان بعده مرتفع صح
افضل من قبل شويه بس بعده،،،، راسي احسه يريد ينفجر

يعني لومااني طبعي انتبه شكد حاولت متخليني اشوف الابره
بس من ضربتني بوقتها شفت العلبه من شمرتها بسلة الزبل
وعرفت شكلها ولوما هل شي صار كان هل الموضوع ابد
ماانكشف وضاعت الحقيقه واحتمال حتى هسه كان موتت
طفلي

وهنا اجتني لحضة ادراك يعني اسراء وخواتها قاصدات كل
هل مشكله الصارت ومتقصدات ضربني على بطني يعني
الدكتوره وصلتلهن خبر حملي،،، بأختصار السبب ورا موت
طفلين عندي هي الدكتوره بطلب من اسراء

خليت ايدي على راسي احاول استوعب كمية الغل والخبث
شنو من بشر احنا فعلا عايشين بغابه

براق دخل للصيدليه الضاهر من شافني تأخرت انشغل باله،،،
من شافني كاعده اجاني مخبوص يسأل عني

الصيدلانيه بلغته بوضعي اخذني وطلعنه الطريق كله صافنه
افكر،،، المصايب تلاحقنه من كل جانب حسيت راسي راح
ينفجر وصلنه للبيت ماحجيت ولاكلمه رحت للغرفه ماكدرت
حتى اغير ملابسي من التعب مددت على السرير، نظراتي
بورقة السونار وصورة طفلي

عيوني امتلت بالدموع، مو فرح، بل خوف.خوف من
مستقبلي ومستقبل اطفالي المجهول

زوج مفقود وخايفه عليه،،، فقدت طفلين بسبب بشر ميخاف
الله وهسه اكتشفت نفسي حامل والطفل مهدد

طول هل ايام ميتردد بذهني غير كلمة وينه؟

"انقتل... متخفي،،،مخطوف !"

وين راح وتركني صرت احس بغربه رغم كاعده بنص كل هل
الأشخاص

گلبي يرفض يصدگ، صارله شي متمسكة بأمل باهت إنه
يرجع، يفتح الباب،، يبتسم،، يحضني ومن ابلغه راح يجينا
طفل يفرح وعيونه تدمع من الفرح ويحط إيده على بطني
ويحجي ويا الطفل مثل ماكان يسوي بأبنا الاول

كلها احلام متمسكه بيها حتى اكدر اكمل واعيش عندي
طفلين محتاجيني سيف امانة ثامر وطفلي الحامل بي امانة
سراج الى ان يرجع ان شاء الله بس الوقت كان قاسي،
والغياب صعب

صح لكو سيارة سراج وبيها دم غزير بس مالكو مختفي للان
وهل شي مخلي للان بداخلي امل انو يكون عايش هو ابد
ميطلع بدون حمايته شلون سواها هل مره شلون جازف وطلع
وحده؟ ومنو سوا هيج بي؟ اسأله طول الوقت تتردد بذهني

دخل براق للغرفة وهو لاهث، ملامحه مو طبيعية، تلفونه بيده
وصوته مرتجف:

"عِبالي بعد ما يصير اسوء من الصار علينا بس الضاهر
مااكتفوا من اذيتهم

سيل

ين،،، شكو؟!"

نهضت واقفه مرعوبه من طريقة دخوله

_براق شصار؟"سراج بي شي؟ لكو؟

براق،،،، لا بس أهل زوجچ، قدموا شكوى ضدچ... يتهموج
انتي ورا اختفاء سراج

انصدمت، حتى نفسي حسّيت بي انقطع.

"بس آني..."

قاطعني...

براق،،، ماكو وقت... يله بسرعة، لازم نطلع قبل لا توصل
الدورية."

سيلين،،، يادوريه؟ لتخبلني؟

براق،،، افهمي هاي حقيقه موشقا هسه باهر اتصل بيه
وبلغني كومي مومال سوالف الدوريه طلعت من المركز ماكو
وقت

حقيبتي الجامعه بيها ملابسي واجيت بيها لهنا للان مافرغتها
على حطتها سحبتها وخليت بيها علاجي واخذت حقيبتي
الصغيره بيها علاجي وفلوس وهويتي بسرعة،شلتهن واني
أتنفس بصعوبة، عيوني مشوشة مااشوف شي امامي براق
منعني اخذ جهازي لان باهر مبلغه بهل شي

نزلنه مسرعين والكل مخبوص يريدون يعرفون شكو

امنت عدهم سيف وحضنته وبوسته لان مااكدر اخذه واني
رايحه لطريق مجهول وأكيد هنا ائمن إله متأكده الكل راح
يحمي

طلعنا من البيت دخلنا بالحديقه الجانبيه داخل البيت بنهايتها
اكو باب صغيره مطله على الشارع الخلفي

كان براق ماسك ايدي ويمشي سريع وكأنما يركض واني
ماسكه بطني صار بيها تقلصات

طلعنه للشارع الخلفي، وإذا بسيارة تكسي تتوقف.كان بيها
باهر جاي بتكسي حتى ليثير الانتباه لابس كاسكيته على راسه
ومناضر شمسيه ماعرفته ألا من نزل المناضر كان وجهه
مشحون حزن وخوف.وحسيته فشلان من تصرف اهله

صعدت بالسياره وباهر منع براق يجي ويانه براق اصر يجي بس
باهر كله هل شي يضرني

ركبت السيارة مشت وبراق عينه علينه نزلت دموعي
بصمت،

باهر،،، لتبچين وعيونج ازمه وتعدي وكل شي يرجع لمكانه

سيلين،،، شنو يرجع لمكانه ماكو شي يرجع المكانه اذا سراج
ميرجع،،،، هيه هاي الامانه هيج تصونوها بعده صارله ايام
اختفى امك وبهاء يوكفون بوجهي يطردوني ويتجاوزون عليه
ويهددوني يريدوني اتنازل عن املاك سراج ألهم وفوكاها
يشتكون عليه بعده ما ما....

غصيت بالكلمه وبچيت بصوت ماكدرت انطقها مجرد كلمه
شلون اتقبلها كواقع

باهر،،، لااله الا الله كولي ياالله ماراح اعوفج وراح يرجع كل
شي لمكانه

سيلين،،، مااريد شي بس رجعلي سراج مااريد غير سراج الله
يخليك رجعه

باهر،،، اقسم بالله لاليلي ليل ولانهاري نهار ماخليت مكان
يعتب عليه كل المراكز مستنفره تبحث بس لوصايرله شي
جان لكينه جثته

سيلين،،، واهلك ألي عبالك ماصدكوا،،، امك تكلي مات
وتدور ورث،،، اني طفل عمره ٣ اشهر بعده جنين من مات
گلبي محترك عليه للان صورته مافارقت عقلي،،، شلون امك
هيج تحجي؟ شلون مامهتمه؟ شلون هيج تتصرف وحايره
بالفلوس؟ وبهاء مأيدها بكل شي،، ليش اني بحال الفلوس
اخذوها كلها واخذو فلوسي هم بس رجعولي سراج مااريد شي
كل شي مااريد

باهر،،، ماأعرف شنو اگلج لان صدك ماكو جواب لهاي اسألتج
صح امي انانيه وتحب الفلوس بس مو الى درجة متهتم لأبنها

سيلين،،، عندي فضول اعرف من يرجع سراج ان شاء الله
شنو راح تكله؟ وشنو هو موقفه من يسمع اهله مبلغين على
زوجته ومتهميها هيَ ورا اختفاءه؟

المشكله على شنو استندوا بأدعائهم موهو هيج ادعاء مو ياهو
اليجي يتهم اكيد اكو دليل واكو شي وراها

باهر،،، العرفنا بهاء سائل بموضوع الاملاك وعارف سراج
مسجل الاملاك بأسمج بس ماألج حق تتصرفين بيها ألا بعد
مماته ولهذا اتهموج تخلصتي منه علمود تاخذين الاملاك
وتتصرفين بيها بعد موته

سيلين،،،، شنووووو؟!! ادري وين احنا عايشين انتو مقتنعين
بهل كلام اتخلص من سراج علمود فلوس؟ طز بالفلوس من
باجر اتنازل عنهن

باهر،،، ومع الاسف هو هذا ألي يريدوا ليش انتي عبالج صدك
همه متهميج لو شاكين بيج،، جذب هاي مجرد حجه ومن
حجيت وهوست وتعاركت وكلبت البيت على راسهم يكولولي
ماسوتها قبل وانتقمت منه ووصلته للموت كل شي تسوي
لان حاقده وتريد تنتقم واني اعرف هذا هم حجه كله عملية
ضغط عليج حتى تتنازلين عن كل شي حتى اذا رجع سراج
تكون الاملاك صارت ألهم

سيلين،،، ليش حتى لو رحت تنازلت واخذوا الاملاك وصارت
بأسمهم من يرجع سراج غصبن عنهم يسحبهن منهم لان يكون
تنازلي باطل لان بالاساس تصرفي بالاملاك يكون باطل لان
طلع عايش هذوله شلون يفكرون؟

باهر،،، يفكرون من تتنازاين وياخذوهن يتصرفون بيهن
يبيعوهن بأي طريقه وياخذون الفلوس حتى اذا رجع يكونون
استفادوا وميكدر يسوي شي

سيلين،،، راح اتخبل شلون هيج يفكرون سراج ابنكم او اخاف
تطلع قصته مثل قصتي وتطلع مرت ابو

باهر،،،والله حقج هيج تفكرين بس ترا كلنا هذا وضعنا وياامي
مو بس سراج كل شي سويت حتى يسحبون الشكوى رفضوا
وبالأساس تفكيرهم هاي الاملاك حقهم ورثهم من جدي
وسراج اخذه غصب

سيلين،،،سراج اخذهن بذكائه جدك خسرهن وسراج رجعهن
ولوما هو جان كل شي راح

زين منو اشتكى عليه؟

باهر،،، امي وبهاء واسراء اني رفضت الدعوى بس مافاد
وقفتها البارحه بس بهاء خلا محامي جبير وعنده معارف
بالدوله وحرك الشكوى وطلعوا ألقاء قبض عليج،،، واحد من
المركز اعرفه صديقي وصيته وبلغني بسرعه

واجيت

سيلين،،، اسراء شعليها موطلگها؟

باهر،،، طلكها بس بعده مالحك يطلكها بالمحكمه يعني
بالقانون هيَ مرته بعدها

سيلين،،، حسبي الله ونعم الوكيل،،، حسبي الله ونعم الوكيل
.
.
.

وصلنا بعد مرور ساعه يم بيت بمنطقه شعبيه تعبانه نزلنه
كتله.... وين جايبني

باهر،،، هذا بيت صديقي فاضل هو ملازم،، هذا بيت اهله هو
نفسه البلغني هسه راح تبقين يمهم الى ان نلكى حل

سيلين،،، شلون،، شلون ابقى يم ناس مااعرفهم؟

باهر،،، ماكو حل سيلين ماكو حل لعد اخليج بالمراكز واحتمال
اذا كدروا يثبتوها عليج تنحكمين شلون اسمح بهل شي؟ يوم
ماقبلت تبقين بالتوقيف انتي امانه سراج اذا اهلي ماصانوها
اني اصونها افديج بروحي اذا تطلب الأمر

سيلين،،، باهر اني خايفه انتَ تكدر تساعدني بغير طريقه انته
عقيد اكيد تكدر تسوي شي

باهر،،،، خليني ساكت موكل شي ينحجي ربطوني بالكلام
وبالفعل لوتدري شطلعوا عني كلام،، بس وداعتج وداعت
سراج مااعوفج راح اخلصج من هذا كله

سيلين،،، اهم شي عندي تلكي سراج الله يخليج ألكي

باهر،،، بأذن الله راح يرجع بس تحملي لخاطره هل فتره هنا
بيت صديقي وعشرت عمر ويا واهله اعرفهم معرفه كلش
قويه واكفلهم وافضالي عليهم هوايه وهاي اول مره اطلب
منهم شي وماصدكوا يريدون يرجعلي الدين

سيلين،،، باهر انتَ تعرف واني اعرف اختفائي راح يثبت عليه
التهمه

باهر،،، لتخافين حتى شهود زور جابو شهدو عليج يعني
التهمه بكل الاحوال لابستج واموت ومااخليج تنسجنين لو يوم
واحد ولو سراج بمكاني جان هم سوا نفس الشي

سيلين،،، دك الباب شويه وانفتح من قبل امراه كبيره وجها
نوراني ابتسمت اول ماشافت باهر بسرعه فتحت كامل الباب
وكالت اتفضلوا

دخلت واني گلبي يخفق بقوه خوف ورهبه
كان داخلي مليان وجع، وحياة صغيرة تنبض جوايا خايفه عليه
واني انتضر مستقبل ما اعرف شكله.مستقبل مجهول

استقبلتنه المره أم فاضل، واضح عليها امراه طيبة، وجها
مليان طيبه وملكاها حلو ، دخلنه للبيت وهي تحچي بحرارة:

"هلا بيچ يمه، بيتچ ومكانچ، لا تخافين، الكل هنا يعرف
وضعچ، وأحنا وياچ."

سيلين،،،اكتفيت بس أومأت برأسي ، ماعاد عندي حتى
صوت ارد بي

دخلت بنيه طويله سمره بس شكلها حلو قدمتلنه مي كانت
نظراتها مركزة على باهر واضح تعرفه ويعرفها علاقته بهل
عائله قويه عبالك اهل هو يصيحلها اخيتي بس واضح من
نضراتها عدها الوضع مختلف

انتبهت كل ماباهر يحچي ويايا أو يطمني، هاي البنية وجهها
يعصّب ابد ماارتاحيتلها وعرفت راح تسويلي مصايب واني
گلبي اصلا خلصان من اهل سراج بسرعه همست لباهر كتله...


مااريد ابقى هنا عفيه شوفلي حل مااريد ابقى يم هل الناس
لو تخليني بالچول ولاابقى هنا

حلك حاجبه ميعرف شيسوي وحقه بس اني هم ماكدرت
اتقبل وجودي هنا بعدنا بسم الله. طلعتلي حيه جديده

باهر،،، بيت فاضل بصف بيتهم اشترى قبل فتره بس بعده
فارغ ماانتقل بي نكدر نخليج بي بس شلون تضلين وحدج

سيلين،،، همستله... اضل وحدي ولاابقى هنا فدوه دبرها

باهر،،، حجا وياام فاضل بالموضوع بالبدايه رفضت وتريدني
ابقى يمهم خطيه المره كلش رحبت بيه بس من شافتني
مامتقبله وخصوصا باهر كلها هنا هم الولد اخاف مياخذون
راحتهم استسلمت

اخذوا فراشات ومبرده كومڤيره صغيره ورحنا للبيت اجني
ويانا بنات ثنين صغار مراهقات بسرعه نضفن البيت هو فارغ
مابي اي شي وصغير عباره عن غرفه ومطبخ وصاله والطابق
الثاني نفس التصميم

خلولي فراش بالارض وشغلوا المبرده جابولنه لفات ومي بارد
وعصائر اطمئن عليه باهر
وكال... لازم اروح

راح ضليت وحدي بهل مكان بلحضتها شكد هانت عليه
نفسي،،،، وتسائلت شنو بعد ماصارلي؟ وبشنو ناويه بعد
الدنيا تصدمني؟

جبرت نفسي اكل علمود ابني يتغذى والله ماابالغ من اكول
دمعتي ولگمتي صارن سوا

خلصت اخذت علاجي ومددت اريح ضهري

سكون... وصمت ثقيل يعم المكان شلت هم شلون راح ابات
وحدي بهل بيت

كعدت ، مسندة ظهري للجدار، واحتضنت نفسي
ضليت افكر كلشي صار بسرعة حياتي تخربطت قبل ايام كنت
بس زوجة، تحب، وتنتظر، وتخطط لحياتها مع عائلتها

وهسه، صرت لاجئة داخل وطني، وهاربَة من تهمة،
وحامل،زوجي مفقود ، يمكن يرجع ويمكن ما يرجع.

إجا بذهني صوته وهو يكولي "حبيبتي"... لمساته، نظراته وهو
يحچي ، ضحكته لما شاف أول الطفل بفحص السونار بطفلنا
الأولى ياترى شراح يسوي اذا عرف بيَ هسه حامل؟ شلون
ردت فعله تكون اذا عرف حامل بتوأم خسرت واحد والثاني
عايش؟

من سقطت الطفل حاول يكون بارد بس حسيت بي شكد
تأذى،، شكد حاول يخفي هل شي بس كان واضح خصوصا
من سمع الطفل كان ولد واني اعرفه شكد حاب يصير عنده
ولد ولو هسه صرت متأكده يريد هل طفل حتى لو بنيه

دمعتي نزلت بدون إذن.مدّيت إيدي على بطني وهو بعده
مسطّح... لكن حاسه بي اويمكن شعوري بوجود روح داخلي
هو الخلاني احس بي نزلت دموعي وتسائلت....

"وينك؟"

"ليش ما رجعت؟ ليش خلّيتني وحدي بهاللحظة؟"
وين رحت وعفتني مع كل هل الألم وحيده؟ وينك محتاجتك؟

بيت فار

غ... واوقات تمشي ثقيلة، مكلّلة بالخوف،
مددت شويه غفيت من التعب كعدت قبل المغرب كمت
غيرت ملابسي وتوضيت صليت سمعت صوت الباب خفت
وارتبكت ماعرفت شنو اسوي ارتاحيت من سمعت صوت ام
فاضل فتحتلها الباب دخلت بوجها البشوش مبتسمه شايله
بيدها ماعون كيك وترمز صغير بي مي وثلج

كعدت تحجي ويايا شويه ردت عني الوحشه ضلت ل الليل
كالت تروح تجيبلي عشا رفصت لان هو اللفات والكيك
والعصائر بعدهن موجودات

قفلت الباب والليل كله مانمت خايفه وافكر صار الصبح
وطلعت الشمس يله نمت

شويه وسمعت صوت الباب خليت الشال على راسي من
سمعت صوت ام فاضل وصوت رجل وياها فتحت الباب
شفتها هيَ وبجانبها شاب بعمر باهر تقريبا

سلم عليه هو ومنزل راسه سألني اذا محتاجه شي تشكرت
منه انطاني موبايل موديل قديم كانوا يسموا طابوكه مااعرف
شسمه

كلي.... هذا اتصلي منه على باهر

سلم وراح وام فاضل دخلت شايله صينيه مال ريوك كعدت
وجبرتني اتريك وياها اخذت الصينيه وراحت بس قفلت الباب
اتصلت بباهر بس مارد ورا ربع ساعه هو اتصل سأل عني
واطمئن وراح

ثاني يوم اتصل عليه وهو موجود يم بيت اهلي حجيت ويابراق
وجدي وسيف حبيبي يبچي عليه حجيت ويا ساره وسميه
امنتهم على سيف العم محمد جر الجهاز منهم راد يحجي ويايا
صوته مليان حنيه ومخنوك صوته واضح شكد متأثر عليه

سمعت باهر مانع دوام سيف بالمدرسه يخاف يلون ذراعي
من خلاله حتى ارجع

براق حتى حرس جايب للبيت الكل محرك معارفه وواسطاته
حتى يشوفولي حل بس مااعرف شمسوين ومسيطرين على
الوضع بحيث مخلين التهمه وكل الشكوك عليه

بلحضتها حقدت عليهم وكرهت بهاء وامه واسراء كره
موطبيعي حتى اقربائهم شهدو ضدي سووني العدو الوحيد
بحياة سراج وهروبي زيد الطين بله وثبت عليه الشكوك بس
باهر مصر ميسمح ادخل للسجن ولايوم،،،، يخاف عليه لان هو
اعرف شنو يصير بالسجون خصوصا اذا البنيه حلوه

الأيام تمشي ببطء، وكل يوم احس كأنه سنين.
الوحدة تنهش بروحي والخوف ملازمني وبالي وفكري يم ابني
ويم سراج ألي للان ماعرفوا عنه شي الليل كله اقضي بچي
والصبح انام حتى طلبت من ام فاصل بعد متجيبلي ريوك
حتى ابقى نايمه

الصراحه الجماعه ماقصروا ويايا حتى تلفزيون صغير جابولي
حتى ألتهي بي،،، بناتهم كل يوم يجن يمي بس وحده منهن
اسمها قبس لاحبتني ولاحبيتها وكل متجي ماعدها حجي
ولاسؤال غير عن باهر من تأكدت اني زوجة اخو لباهر صارت
تكعد تسألني على نوال زوجة باهر صرت متأكده خاله عينها
على باهر،،، اني بياحال وهاي حايره بواحد متزوج صرت اكره
حتى جيتها ويا خواتها

باهر،هوايه يتصل يطمئن، يسأل عن صحتي، عن أكلي، عن
نومي ودائما يتصل عليه من يروح لبيت اهلي حتى احجي
وياهم لان جهازه خاص غير مراقب يخاف لا موبايلات اهلي
تكون مراقبه اخر شي دبر لبارق جهاز يكدر يتصل عليه بي حتى
اطمئن عليهم ويطمئنون عليه بدون خوف

صح ارتاح من احجي وياهم واطمئن على سيف وعليهم بس
كنت احتاج شي أكبر من اتصال.كنت احتاج اكون بنصهم
كنت احتاج الامان والراحه والاستقرار بوسط عائلتي كنت
احتاج سراج،، احتاج صوته،، ضحكته،، حنية،، إيده على خدي
وهو يگلي "خايف عليج."احبج،، ديري بالج على نفسج

أبجي وگلبي محروك وأدعي ربي وأناجي

ياربي مو امنته بأمانتك واعرف ميضيع عندك ودائع رجعه ألي
ياألاهي ولتحرمني منه

مر اسبوع وكأنما مرت سبعين سنه تعبت واني على هل حال
صحتي بدت تتدهور، وجهي مصفر، عيوني غايرة، والوجع مو
بس بجسمي، الوجع بداخلها بگلبي وبروحي ، خوف من كلشي
وبالتحديد من المجهول.

ورا ١٠ ايام دخت، ضغطي ارتفع، ما گدرت اوقف على رجلي.أم
فاضل من شافت وضعي خافت اتصلت على باهر بلغته من
سمع فاضل تخبل رفض رفض قطعي خاف لايطلعون شاكين
بباهر ويوصلولي

لبسوني كمامه وجابولي مضمد للبيت قاسلي ضغطي وعلگلي
مغذي تعبت كلش حتى تنفسي صار ثقيل ضليت كم يوم
تعبانه يوميه يجي المضمد يخليلي مغذي ويروح لان صار
عندي نقص تغذيه وهنا انجبرت اكول اني حامل اتصل باهر
وسألني مستغرب كتله كل شي صار ويايا حتى عن موضوع
الدكتوره والسوته بيه صار بارود ماخلا غلط ماغلطه على اهله
وعلى اسراء لأن ماكو شك هيَ ورا هل موضوع كشفت نفسها
من ضربوني

ثلاثة ايام اني متخربطه فد مره مااكدر اتحرك ولايثبت شي
بمعدتي عايشه على المغذي اجوي البنات وام فاضل يمي
صراحه ماقصرن ويايا هل ناس وكفتهم متنسي جابولي
شوربه وأجني كاعدين يمي يحجن واني بصعوبه اجاوب لان
تعبانه اجا اتصال على ام فاضل بس كالت الو كلمتين وكامت
راحت للغرفه الجوا اجتي ودخل وياها باهر انصدمنا كلنا

طلع مدخله فاضل لبيتهم ومن ورا البيت من المنور عابر على
هذا البيت ودخلته ام فاضل من منور الغرفه كل هذا حتى
ليثير الشك والانتباه اخاف يكون مراقب ويشوفوا يدخل لهذا
البيت

إجا يمي وعيونه مليانه قلق جايب ويا اكياس سلم وثنى نفسه
كعد يمي رادو يروحون رفض باهر كلهم ابقوا

باهر،،، شلون صرتي؟

سيلين،،، زينه احسن

باهر،،، يازينه هاي شصاير بيج؟ ليش هيج مسويه بنفسج؟
ليش تأذين

نفسج وانتي شايله روح ثانيه؟

سيلين،،، نزلت دموعي

تعبت هوايه تعبت بدونه احس الكون كله ضاق بيَ اريده الله
يخليك بداعة جهالك رجعه ألي احس نفسي دااموت بدونه كل
يوم يمر عليه بسنه مااكدر اعيش بدونه احس نفسي دااموت
بطيء

باهر،،، اسم الله ،،، لتضلين تأذين بنفسج ان شاء الله يرجع

سيلين،،، مااكدر اتحمل بعد تعبت والله العظيم تعبت بدونه

باهر،،، ألكي بأذن الله لواعرف ادفع كل عمري وارجعه ألج بس
لتسوين هيج بنفسج لتنسين انتي حامل وشايله امانة سراج
هيج تحافضين على الامانه؟

ام فاضل،،، طول الوقت نحجي وياها ميفيد لااكل ولاشرب
راح تموت صار ثلث تيام عايشه على المغذي

باهر،،،هاي موسيلين الأعرفها ،، اعرفج قويه وسباعيه،، وين
سيلين ام الفواين المتخاف من شي وتوكف بقوه بوجه اي
واحد؟ لسه اتذكر من انهديتي بيه ورزلتيني لان حجيت عليكم
بسالفة البتاوين اني ألي ميهزني شي ولااخجل من اي شي كل
مره من اشوفج شخصيتج تخجلني مو انتي گلبج گلب اسد
ليش هسه تغيرتي موكلت انتي تشبهيني طلعتي مابيج حظ
واني الازامط بيج

سيلين،،، راحت قوتي من راح،، گلبي يوجعني عليه

كلتها وبچيت بصوت عالي

باهر،،، بروح ابوج لتزيديها عليه من اشوفج هيج تشب بيه نار
كافي عليه موضوع سراج ماخذ كل حيلي وتفكيري اني هسه
بين نارين انتي اختي وعزيزه عليه وسراج اخويه واعز من ابويه
ثنيكم كاسرين ضهري وفوكاها جاي اقاتل بأربع جبهات
هوساتي ويااهلي وعملي بكفه وانتي بكفه وموضوع سراج
بكفه اخرى تعبت وانهد حيلي وهسه من اشوفج هيج احس
مسؤوليتي وتعبي
يكبر

ام فاضل،،، الله يساعدك يمك بأذن الله يرجع اخيك وكل شي
ينحل

باهر،،، هو رجوعه يعني كل الامور انحلت هو اساس الموضوع
من اختفى لليوم صارت حياتنا فوضى طلع هو لازم كل الامور
وهو موكف الكل طلعنه كلنا منسوى شي بدونه كل شي
اتبهذل حتى امور العشيره تبهذلت ومكتبه وضعه تخربط كل
حياتنا تبهذلت،،،سراج من اول ماشب هو صار يصرف على
البيت وهو حاير بينا صارلنه اب قبل ليكون اخ

قبس،،، هو اخوكم الجبير؟

باهر،،، لا قبله اختي ام مصطفى واخويه بهاء هو اصلا اكبر مني
بس بثلاث سنوات

ام فاضل،،، يمه بعده صغير موجبير تصورته اكبر من تحجون
عنه وعن مكانته ووضعه وشلون يحل الامور تصورت اكبر

باهر،،، هو هذا سراج كبير بأفعاله بهاء هسه لازم الديوان
والمشاكل بمكانه كل شي مامدبر رغم هو اكبر منه

ام فاضل،،، الله يرجعه بالسلامه ألكم ولمرته المسكينه بعد
عمري شكد تحبه ومتعلقه بي

جر حسره وكال...

باهر،،، ان شاء الله،، الله يسمع منج

سيلين جبتلج غراض سميه دزتهن إلج وجبتلج مشمش وكيك
جاهز اعرفج تحبيهن

ام فاضل،،، يايمه لو اعرف تحبهن اني اجيبلها

سيلين،،، مامقصره خاله ماقصرتوا ويايا بأي شي

ام فاضل،،، هذا واجبنه باهر هوايه افضاله علينه

باهر،،، ماكو بينا فضل احنا اهل انتو هم هسه ماقصرتوا ويانا

يله صار لازم اروح عندي شغل ضروري محتاجه شي كولي؟

سيلين،،، سلامتك ماريد منك غير ترجعلي سراج

باهر،،،الله كريم بأذن الله يرجع لواعرف اي شي اسوي

سيلين،،، باهر انتَ دائما جنت ألي اخ وسند وكفتلي وكفات
اخويه ماسواها ماخذلتني ابد لتعوفني هل مره

باهر،،، مااعوفج ولااعوف اخويه لو اعرف اموت هذا وعد مني
كل شي راح اسوي حتى مستعد اخسر وضيفتي وألكي وراح
اطلعج من هل تهمه اعتمدي عليه

سيلين،،، واثقه بيك يارفيق وقتي الصعب بس خايفه،،،
معقوله ماوصلت لسه لأي نتيجه؟ معقوله كل شي ماعرفتوا؟
اخاف ميت ومتقبلون تحجون احجي الله عليك بروح ابوك
احجي الحقيقه وريحني كلي اي شي موراح اموت حسوا بيَ؟

باهر،،، والله العظيم وروح ابويه منعرف عنه شي منعرف
عايش او ميت فص ملح وذاب سيارته ألي لكيناها وكمية
الدم البيها من شافوها كالو ميعيش على كمية هل النزف لهذا
اهلي اعتبروا مات بس مالكينا هو مختفي حتى لو مات وينه؟

سيلين،،، گلبي يگلي عايش شي بداخلي يكول هو بعده عايش
بس بنفس الوقت خايفه خوف بداخلي عليه موطبيعي متأكده
هو موبخير متأكده بي شي

باهر،،، اقسم بالله انتي گلبج گلب والده مو امي الأيست منه
لبست الاسود واخذت عزا من اجوي عزوها اعتبرته مات
وهسه حزينه عليه

سيلين،،، لتزعل مني بس امك ام بالأسم

نزل راسه بحزن

ام فاضل،،، لايمه لاتحجين هيج صح هسه انتي ضايجه منها
بس ميجوز تبقى ام رچلج

باهر،،، مع الاسف كلامها صح امي مشكلتها انانيه زياده
علاقتها ويا بهاء قويه لان يتلوكلها ويأيدها بكل افعالها
وكلامها سواء صح او غلط،، وسراج طول عمره بنضرها البنك
المركزي ألي تحصل منه فلوس وعاشت بجاهه قوه ومال
وراحه حتى من ابويه جان عايش ماعاشت هيج،،، لهذا
تحترمه وتخاف منه،،، وباقر الولد المدلل لان الصغير ولمياء
لان لازمتلها البيت واموره لهذا علاقتهن تقريبا زينه مد وجزر
واني ابن البطه السوده لان ماعدها مصلحه ويايا وبالعكس
جنت اي شي اشوفه اوصله لأبويه لهذا تضوج مني،،امي كل
همها بهل دنيا نفسها وابويه الله يرحمه وهمها بالتحديد جان
متريده يتزوج

عليها جانت مستعده تبيعنه كلنا حتى ليتزوج
عليها

ام فاضل،،، الله يهديها ويكون بعونكم

باهر،،، يله بابا اذا مامحتاجه شي اني صار لازم اروح

سيلين،،، الله وياك

سلم وطلع من نفس المكان الدخل منه طلع وعينه عليه اعرف
بقائي هنا على گلبه بس ماكو حل ثاني

ام فاضل،،، الله يحفضه لشبابه والنعم منه صاحب وكفات

سيلين،،، هو هذا باهر

قبس،،، علاقتكم قويه اقوى من مجرد مرت اخو

سيلين،،، شنو قصدج؟

قبس،،، مااعرف حسيته كلش مهتم وخايف عليج

سيلين،،، لان فعلا علاقتنه قويه هو اخ وصديق مو بس اخو
زوجي وبينا هواي مواقف

ام فاضل،،،، طبيعي امانة اخو شلون ميخاف عليها كومن يله
روحن للبيت هسه يجون الولد حضرولهم لگمه

سيلين،،، خزرة بتها وكامن راحن هيَ ضلت يمي تخاف عليه
اتخربط صدك هل انسانه مثل ماكال عنها باهر

مر ٢٠ يوم على اختفاء سراج وليله من الليالي جنت كاعده لان
اخاف انام بالليل رن الموبايل كان المتصل باهر جاوبته بسرعه


باهر،،، سيلين لمي غراضج بسرعه وحضري نفسج بعد متبقين
هنا الوضع صار خطر شكو بيَ وبدوا يبحوشون ورايه وورا
جماعتي حضري نفسج راح يجي فاضل وامه وزوجته ياخذوج
تطلعون لأهل زوجته

سيلين،،، بدون نقاش بسرعه لميت كل غراضي وبدلت اجتي
ام فاضل وجايبه وياها خمار وعبايه لبستهن وطلعنه ام فاضل
كعدت يم فاضل واني وزوجة فاضل ورا

مشت السياره الدنيا ليل الشارع شبه فارغ، وأصوات
العجلات تمشي على الأسفلت
هدوء تام بس اصوات السياراة الي تمر بجانبنا
وكلنا على اعصابنا كل مانوصل يم سيطره اخلي ايدي على
گلبي بس فاضل يطلع هويته وتعدي

ساعات كانت رعب بالنسبه ألي احس حتى الطفل ببطني
تكعور من الخوف حبيبي هو هم خاف من حس بخوفي،،،
خليت ايدي على بطني وادعي رفعت راسي للسما ادعي
بگلب زوجه فاقده زوجها وام تاركه وراها ابنها والثاني ببطنها
تعب وياها وبگلب يتيمه خسرت امها قبل لتعرفها وخسرت
ابوها وهي بأمس الحاجه أله دعيت الله يسهل امري ويطلعني
من هل شده ويحفضلي سراج ويرجعه ألي ويحفضلي اطفالي
وينصرني على كل شخص عاداني وضلمني واذاني

مرت الساعات وصلنه يم سيطره توتر فاضل كال

فاضل،،، هاي اصعب سيطره اذا مرينه يعني خلص ماكو شي
بعد لتتوترون وصيرو طبيعين انتو عائلتي كدامهم

فعلا وقفونا وشغلو لايت يباوعون بالوجوه ويسألون رغم
شافو هوية فاضل ضل مركز اللايت عليه لان لابسه خمار
بأستهزاء كله لفاضل

_اخاف ام البوشيه تطلع داعشي؟

ام فاضل،،،، هههههه والله ضحكتني يايمه جا همه الدواعش
هيج؟

_شتصير منكم؟

ام فاضل،،، چنتي مرت ابني

_ليش لابسه بوشيه؟

ام فاضل،،، اذا مرتك تخاف عليها جي حلوه شتسوي؟

_ألبسها بوشيه واغطي عيونها الملونه هم

ام فاضل،،،ها أها وهذا الأقصده

فاضل بغضب ،،، اذا تأكدت نكدر نتوكل

_الله وياكم

سيلين،،، حركنا السياره واخيرا تنفسنا

فاضل،،، يمه شلون هيج تحجين مگرن اني كاعد يمج؟

ام فاضل،،، حشاك يمه بس انجبرت هيج احجي وافهمه بهاي
الطريقه حتى ليركز بالتفاصيل شفت رتبته اعلى منك كلت
مااخليك تتورط ويا

زوجة فاضل،،، ترا زين سوت عمتي عجل شتريدها تسكت
وتعوفك انتَ تجاوب واكيد راح تصير عصبي وتصير مشكله
ونروح كلنا بيها الحمد الله فضت وعدينا

سيلين،،، قبل ليبزغ الفجر وصلنا لمنطقه قريبه من بيجي
مكان بي بساتين لكينه اكو زلم تنتضرنا نزلنا رحبوا بينا دخلونه
لبيتهم الجماعه اخذوا راحتهم لان بيت نسابتهم بس اني
متقيده كل الجاي اعيشه صعب تبهذلت وتشردت وخسرت
كل شي

صار الفجر الكل كام صله،، جابو ريوك تريكنا اني بس اكلت
لكمه مجامله وحتى الأكلتها كمت بسرعه استفرغت منا
الضغط النفسي والطّريق والحمل معدتي موتتني

اخذني بناتهم لغرفه خليت راسي ونمت شويه وبهل وقت كل
مااغفى افز طول الوقت ملازمني شعور عدم الاستقرار،،
سمعت اصواتهم وهوستهم برا باوعت صار الصبح

طلعت لكيت عائلتهم كلها كاعده نسوان هوايه واطفال
عددهم هوايه تعرفت عليهم وام فاضل عرفتهم عليه ضلينا
يمهم يومين اخذتني زوجة فاضل طلعنا للبساتين نتمشى
ونغير جو لان اختنكت اني شفت اشجار المشمش تذكرت
سراج طلعت اغير جو شبعت بجي والبنات يسكتن بيه

فجئه رفعت راسي شفت واحد واكف يباوع عليه وحده من
البنات كالت... هذا رجلي

راحتله حجت ويا راح وهيه رجعت رجعنا للبيت قبل لندخل
البيت رجعت شفته واكف يدخن ويباوع عليه نضراته
معجبتني نزلت راسي ودخلنا للبيت من خلال كلامهم عرفت
هذا يصير ابن خالتهم وزوج بتهم لهل عائله يعني عديله
لفاضل بس يروح فدوه لفاضل واخلاقه وتربيته عينه وسخه

وراها قرروا يرجعون لبغداد وابقى اني،،، كلش توترت وخفت
ومااتقبلت الامر بس ماكو حل وين اروح

باهر كلي... هذا ائمن مكان حاليا

اصبر روحي واكول هانت واعرف مشواري طويل وصعب

صار الفجر سمعت اصواتهم طلعت اتوضى توضيت على
المغسله انداريت فزيت من شفت زوج بتهم واكف سلم
وباوعلي من فوق لتحت بنضرات مقززه مااتحملت خزرته
ودخلت للغرفه صارت بوجهي مرته باوعتلي بأستحقار
وطلعت،، الضاهر

شافتني من باوعت عليه عبالها ميته عليه

ثاني يوم الصبح علساس يروحون اتصلت بباهر وكتله ماابقى
ضل يسأل ويحاول ونهيتها ويا ماابقى بهل مكان لو اعرف
اروح اني اسلم نفسي

بسببي تعطلو واجلو رجوعهم لبغداد زوجه فاضل ضاجت
ومبين اخذت موقف ويا اختها

شكد لحضتها هانت عليه نفسي اتمنيت اموت واخلص من
هل ذل،، للعصر اتصل باهر

كال.... راح يجي عليه شخص يصير ابن خالة امه لبراق راح
يجي هو وامه عايش بدهوك وياخذوني وياهم هناك أضل

حسيت براحه رغم راح اروح ويا اشخاص مااعرفهم اتصل عليه
براق واكدلي كلام باهر وطمني

ل الليل وصلوا تعرفة عليهم رجل بعمر ال٤٥ اسمه ابو مريم
وزوجته بعمره تقريبا وامه امرأه كبيره بالعمر ماطولوا شويه
وطلعنه

تشكرت من فاضل وامه وحتى زوجته فضلهم ماانسى طول
عمري

طلعنا متوجهين لدهوك وسبحان الله هم بالليل صارت،،،
صح الطريق طويل وصعب بس ماواجهنه صعوبه وصلنا
لدهوك بنايه سكنيه بيها شقق شقه لأبو مريم وعائلته وشقه
للحجيه عايشه بصفهم بس وحدها وحفيدتها تضل يمها أكثر
الاوقات

اخذتني الحجيه لشقتها كانت شقه مرتبه دخلتني على غرفه
كالت لبتها متزوجه وعايشه بأربيل من تجيها تنام بيها حسيت
براحه واخيرا كدرت انام يمكن من تعب الطريق

مرت الايام وصارلي ١٥ يوم بدهوك ومر على اختفاء سراج ٤٠
يوم كان اليوم يمر بسنه

اكثر وقتي اقضي افكر بي صورته مافارقت دماغي مااملك اي
شي من اثره غير الطفل ألي بطني والقلاده الزمرديه ألي
لابستها

كنت اكثر الوقت اكعد بالبالكونه اباوع وبالحقيقه ماكنت
اشوف شي اضل اسرح وافكر تجي بنتهم مريم عمرها ٢٠ سنه
للشقه اني وياها نتعاون على الشغل علاقتي وياها صارت
قويه

كانت الشقة صح صغيرة بس ، أطلالتها حلوه جوها غير،
ريحتها غير، ارتاحيت بس بعده گلبي نفس الوجع.

مرت أيام، بديت اتعود على المكان احس بشويه أمان.ماكو
أصوات تفتيش، ماكو نظرات وسخه

، كنت اكثر الوقت اكعد يم الشباك،او البالكون اباوع على
الناس تمشي، الأولاد يركضون، الأشجار تهتز،

حطيت إيدي على بطني من حسيت برفه لأول مرة ابتسمت
واخيرا حسيت بفرحه تغمرني

"تحرك؟"

"بعدك ما شفت أبوك... بس تحركت، كأنك تكول لي 'ماما،
آني هنا'."

رجعت تذكرت سراج تذكرت هذيج المره من اشتري ملابس
للطفل بأول اشهر من سعادته هسه ابنه بدى يتحرك وهو
ماكو "،

ابتسمت... بس غصّة بداخلي ما راحت.
غابت ابتسامتي من ذكرته و دموعي نزلت ، ونظرت للسماء
من الشباك وتسائلت سؤال كل يوم

"وينك؟ تعال، كافي... آني تعبت، تعبت بدونك."ابنك يريدك
ديكبر بداخلي وانتَ ماكو .
حطّيت إيدي على بطني، مسحت بخفة
"أبوك... چان يحلم بيك... يگلي أريد ولد يشبهچ، وعيونه مثلي.
"كان يكول "ما أريد من الدنيا غيرچ، وواحد منچ

صارت دموعي تنزل بغزاره حسيت ايد نمدت لخدي مسحت
دموعي

مريم،،، موكافي ماتعبتي من البچي عيونج راحت

سيلين،،،مستعده ابچي العمر كله وعيوني تروح بس هو يرجع
تعبت كل شي يذكرني بي حتى من اكل اتذكره واتسائل هم
هو هسه ديشتم نفس هل الهوا لو خسرته للابد

مريم،،، تفائلي وان شاء الله خير وبعدين كافي ماتعبتي من
كعدة البيت امشي نطلع

سيلين،،، ماألي مزاج ولاعندي قوه ولتنسين اخاف احد
يشوفني

مريم،،، اذا على المزاج اني اسويلج مزاج واذا على الشكل
لبسي كمامه ومناضر شمسيه منو بعد يعرفج بعدين ماناويه
تطمئنين على الطفل وعلى صحتج

سيلين،،،قررت اروح للدكتوره خفت يصير شي واني ما
ادري،كلت خلي اروح اطمّئن.

اخذتني مريم على عياده قريبه يمهم دكتوره عربيه ضلينا
ننتضر دورنا دخلنا للدكتوره بس ماانطيت اسمي الحقيقي
قاست ضغطي وكالت

الدكتوره،،،، "ضغطج عالي، لازم ترتاحين، وتعوفين التفكير
الزايد،

اخذتلي سونار وكالت....

الدكتوره،،، "طفلچ بخير، حاليا انتي ألج اسبوع بشهر الرابع

مريم،،، دكتوره نكدر نعرف جنس الجنين؟

سيلين،،، لاعفيه مااريد اعرف اريد اني وسراج نعرف بي سوا

مريم،،، هزت مريم راسها بحزن متأسفه لحالي

طلعت من العيادة، گعدنا بحديقة يم العيادة، اتفرج على
الناس... أطفال يركضون، نساء تضحك، شباب
يحچون،طلعت اغير جو بس ليش ماجاي ارتاح ولااعرف
اعيش

كمت ومشيت مريم تمشي ورايه مقدره وضعي ومزاجي
رجعت للشقة،

فتحنا الباب تجمدت.من شفت براق وجدي وعمي محمد
ومهند كاعدين بالصاله يم الحجيه

ابتسمت بفرحة ممزوجة بحيره وخوف نضراتهم توجهة
اتجاهي كلهم كاموا وكفوا فرحانين بشوفتي بس بنفس
الوقت شفت بعيونهم حزن خليت ايدي على گلبي حسيت
بخوف فضيع جيتهم وراها شي

اتقدمت خطوة بسرعة، گلبي صار يركض:بدون سلام سألت
بخوف

"شصاير؟ سراج؟ لو سيف بي شي؟ لا سراج مو؟ گولولي ما
بي شي!"

براق حاول يمسكني ، بس رجعت خطوتين ورا، دموعي بدت
تنزل قبل لا اسمع أي جواب.

"لا تگولولي مات... گولولي شي، جاوبوني الله يخليكم؟

العم محمد،،، لايابا والله مابي شي اصلا جاين نبلغج سراج
لكوا

سيلين،،عايش،، عايش مو؟ كولو الله يخليكم كولولي عايش
وطمنو گلبي

الحجي،،،

وداعتج عايش مابي شي

سيلين،،، كعدت منهاره وخليت ايدي على وجهي ابچي
بصوت وبحرگة گلب،، وأخيرا اخيرا سمعت الكلام المنتضرته
وألي جنت كل ليله احلم بي وافز ألكي حلم مجرد حلم لكن هل
الحلم اخيرا تحقق شكد حاولوا يسكتوني ماكدروا

براق،،، عوفوها خلي تفرغ الهم والتعب ألي بگلبها موقليل
العاشته

سيلين،،، تخربطت وارتفع ضغطي ورغم هذا اصريت هسه
نرجع لبغداد اريد اروح بأسرع وقت

مريم ساعدتني لميت غراضي وطلعنه متوجهين لبغداد واني
اريد اطير طلعنا كان اكو سياره وبيها حمايه ثنين ينتضرونا
توجهنه لبغداد و مباشرتا للمزرعه لان هو موجود بيت اهله
حسب مافهمت

وصلنا بس صفينه السياره ثواني وصل باهر وصف سيارته
بس أيده حاملها بمسند واضح متصوب ابتسم من شافني
وإجا سلم عليه

باهر،،، وعدتج ونفذت

سيلين،،، دائما تثبتلي انتَ الأخ السند ورفيق الصعاب

براق،،، وأني شنو؟

باهر،،، هههه انتَ ابن خالها

براق،، أخوها وغصبن عليك راح اسكتلك لان متصوب وانتي
حسابي وياج بعدين

سيلين،،، ارضيك بس خلوني هسه اشوف سراج فدوه راح
اموت

باهر،،، هاك أستلم هسه انتَ ضايج؟ من لكا احبابه نسى
اصحابه باعتنه بلحضه

براق،،، مع الاسف موخوش دنيا

سيلين،،، عفتهم ودخلت مسرعه قبل لااوصل للباب الداخليه
وقفني باهر

باهر،،، سيلين اوكفي اسمعيني ترا سراج تعبان يعني
لتستغربين وضعه وتقبلي اي شي منه ترا صار اسبوع من
لكينا بس جان فاقد هسه يله صحى جنت بالدوام من سمعت
مطلعي للبيت

سيلين،،، عقدت حاجبي...

يعني شبي؟ وشنو قصدك؟

ماجاوبني فتح الباب ودخل قبلي دخلت بعده سمعت صوت
ام بهاء عالي ومن بين كلامها سمعتها تحجي عني كلام وكفت
شعر راسي بي

يتبع....

#بارت٤١
_______________________

الحب الحقيقي لا يُطفئك، لا يجعلك تشكّ في قيمتك، ولا
يُعطيك نصف حضور. وإن عاد من تحب، فليكن رجوعه إلى
قلب أقوى، لا مكسور.

_________

سيلين،،، عفتهم ودخلت مسرعه قبل لااوصل للباب الداخليه
وقفني باهر

باهر،،، سيلين اوكفي اسمعيني ترا سراج تعبان يعني
لتستغربين وضعه وتقبلي اي شي منه ترا صار اسبوع من
لكينا بس جان فاقد هسه يله صحى جنت بالدوام من سمعت
مطلعي للبيت

سيلين،،، عقدت حاجبي...

يعني شبي؟ وشنو قصدك؟

ماجاوبني فتح الباب ودخل قبلي دخلت بعده سمعت صوت
ام بهاء عالي ومن بين كلامها سمعتها تحجي عني كلام وكفت
شعر راسي بي
هذا كله واحنا بعدنا واقفين بالكليدور توقفنه اني وباهر من
سمعنا كلامها

ام بهاء،،،انيييي ماردت اكلك بس لأن سألت عليها لازم تعرف

هاااي مرتك وحده طلعت متستحي لعبت بينا طوبه بغيابك

سراج،،، شبيها؟

ام بهاء،،، مرتك ورا يومين يلا اجتي سألت عليك ومن
سمعت بيك مفقود واحتمال ميت اجتي هيه واهلها وكفوا
بوجهنا بكل صلافه تريد تطردنا من البيت تكول هاي املاكي
كل شي بأسمي ماألكم شي،،، توسلنا بيها اني وبهاء انطتنا
مهله حتى نطلع بأسرع وگت،،، كلتلها حرام عليج بعده مامات
هيج تبهذلينا زين بنته وين تروح هم إلها نصيب غلطت علينا
هيه واهلها وطلعت ولامهتمه ولا عبالك رچلها مفقود

سراج،،، ممم هاي سيلين هيج سوت؟

ام بهاء،،،سوت الاتعس وهذا باهر يحاميلها ويدافعلها وميت
عليها من وكفت عاركته وكتله عيب عليك هاي مرت اخوك،،،
يكلي.. اخويه ومات من حاسبنا اني وبهاء كلناله اذا رجع اخوك
شتكله اذا عرف حاط عينك على مرته يكلنا ادير السالفه
عليكم واطلعكم انتو الغلطانين

سراج،،،، احم،،، هاي باهر هيج يحجي؟

ام بهاء،،،اي وداعتك يمه لعب بينه طوبه يحاميلها وهيَ
ماصدكت دزتلنه ناس طردونا ولعبو بينه طوبه والكل شهود

ام نوال،،، كلنا نشهد بهل شي

ام بهاء،،،، سألنا محامي كال كل شي مسجل بأسمها وإلها
حق تتصرف بالأملاك بعد وفاته والمحامي كال هاي موخاليه
احتمال هيَ قاتلته حتى تكوش على كل شي لهذا رفع عليها
دعوى

حكيمه،،،، تحجي على اسراء وطلكتها تروحلها فدوه لأسراء
طول فترة غيابك هيَ تبجي عليك نوم متنام الاكل كطعته
موتت نفسها وراك كل همها ترج.......

سكتها وكال...

سراج،،، رفعتوا عليها دعوى بخصوص شنو؟

ام بهاء،،، هاي شسمه مااعرف هو المحامي رفعها

ام اسراء،،، هيَ انهزمت وصخمت وجوهنا منعرف ويا منو
شردت ناس شافوها ويا واحد بسياره وتضحك وتسولف

سيلين،،، اشرلي باهر ابقى بمكاني وهو دخل

باهر،،، اني اكلك دعوة شنو،،، اتهموا سيلين هيَ ورا موضوع
اختفائك او بمعنى اصح بنضرهم موتك ورادوا يدخلوها
للسجن ولان منعتهم راحوا من ورايه سوولهم واسطه وطلعوا
عليها دوريه حتى يعتقلوها

ام بهاء،،،، هااااا،،، رجعتتتت وبكل صلافه واااكف تحجي وهم
آلك عين هذيج كوشت على كل شي وانهزمت الله واعلم ويا
منو صخمت وجهنا وانتَ تدافعلها وكلنا نعرف ليش

سراج،،، شنو مشتكين عليهااااا؟ شنو تريدون تسجنوهاااا؟
هيَ هيتتتتتته؟ ولكممممم مرتييييي وينننن؟ اليوم انعل
ابهاتكم احرگم كلكم ولكمممم وييييين راحتتتت انتووووو
شسويتووووو بيهااا؟؟

بهاء،،، انجبرنا هيج نسوي مرتك طلعت موادميه وكلنا شاكين
هيَ ورا الصار وياك

سراج،،،، جيبوووولييييي مررررتييييي بسرررررعه

باهر،،، اهدى خويه ليصيرلك شي

سراج،،، وينهاااا؟ وينهاااا؟ يكولون أنهزمت هسه شصايررر
بحالهااا؟

ام بهاء،،، عرچ ميطكها يگلك سافرت ومتونسه وآحنا العشنه
بالضيم وراك

سيلين،،، سمعت شوطة سراج عليه دخلت

امه واكفه هيَ وباهر وبهاء واحد يريد ياكل الثاني لمياء كاعده
بالزاويه تنزل دموعها بصمت،، اسراء وامها ونوال وام نوال
وحكيمه كلهم كاعدين عيوني تبحث عنه راح بهاء كعد وهنا
اخيرا فسحلي المجال وأخيرا شفت سراج كان كاعد على قنفه
وماد رجله عليها والكل موجودين يمه بس ولاواحد انتبهلي
الكل حايرين يتعاركون واني عيوني عليه

گلبي خفق بقوه من شفت شصاير بي

كان وجها كله كدمات وعيونه وحده منهم مورمه واكو شخط
جوا عينه صاير بالطول وتعبان صاير مومياء من الضعف مو
هو سراج عبالك واحد ثاني مدمري دمار حتى شعره مزيني
صفر بس هستوه بادي يطلع بيلين كاعده يمه ومتمسكه
بأبوها وكأنما خايفه يتركها

ماكدرت امنع دموعي حسيت راح اموت واني اشوفه بهل
حاله

باهر،،،كل كلااااامكم جذب كللللله تلفييييق دمرتوهاااا،،
اذيتوهاااا للبنيه،، بهذلتوهااا وهيَ مريضه وجاينننن هسه
تطعنوها بشرفها،،، انتووو شنووو من بشررر؟ حتى اليهودي
ماسواهااا روحييي شوفييي حالهااا بالضيم انتن المرتاحات
مو هيه انتو الماصدكتوا كلتوا مات وعاركتوها تريدوها تتنازل
عن الاملاك ألكم وأذا واكف وياها فهي لان اختي ومرت اخويه
وواجبي احميها حتى منكم وعندي ادله على كل كلامي

بهاء،،، جنت شاك بيك انته تندل مكانها وحتى انتَ وصلتلها
من اشتكينه عليها وهسه تاكدت

سيلين،،، لان شريف هيج سوا

الكل ألتفت يباوع عليه

انصدموا من شافوني اما سراج عيونه
لمعة بحب من شافني.....

سيلين،،،،و لأن اخ حقيقي وسند لأخوه صان امانته بغيابه
وماخلاها تتبهذل بالحبوس ولايوم واحد ومانام ليله وهو يدور
على اخو مو اخذ مكانه ويريد ياخذ املاكه

سراج،،، سييييلييين!!.

سيلين،،، نزل رجله أستند على يدة القنفه وبصعوبه وقف
نفسه حتى راد يوكع وكف على طوله فتحلي ايده رفعها
بصعوبه وعيونه تنطق عن أشتياقه حتى جسمه يرجف

عيونه تدمع وكأنّه يقول: "تعالي... ما بقى غيرنا بالدنيا."

شهگت بدموعي ركضتله، وأرتميت بحضنه... بچيت بچي من
كل گلبي بكل حزني وتعبي ، كل وحدتي ، بكل اشتياقي
وخوفي

سيلين،،،، همستله... چنت أموت كل يوم بدونك... چنت
أحس بوجعك، أخاف تكون جوعان او، بردان، او محتاجني وأنا
ما أگدر أوصلك،، خفت اخسرك للأبد خفت تروح واني
مالحكت اشبع منك مالحكت اخليك تعرف شكد احبك

ضمّني بقوة رغم جسمه التعبان والهزيل حسيت بمشاعره
وقوة لهفته واشتياقه، حط إيده على راسي كأنّه يكلي هذا
مكانچ الطبيعي.

تكلم (بصوت مرتجف وبهمس...

سراج،،، وصلت للموت وقاومت علمود ارجعلج جنت خايف
عليج اكثر ماخايف على نفسي عرفت راح يأذوج

سيلين،،،، چانوا يگولون إنتَ رحت... وإنك ما ترجع بعد ...
بس گلبي كان يكول لا، سراج راح يرجعلي، ميعوفني لااني
ولااطفاله

ابتعد باس جبيني ومسح دموعي ...

سراج،،، كافي دموع هاي رجعت بعد،،، ولج هاي شصاير
بحالج يكولون عايشه ومرتاحه هذا وضعج مال وحده
مرتاحه؟ليش هيج تعبانه وضعفانه لهل درجه؟

سيلين:تعبت هواي تعبت بفراگك كل لحظة بدونك كانت تمر
عليه عُمر

باهر،،، خلص انتهى كل شي،، رجعلج واعدتج ووفيت روحوا
لبيتكم ارتاحوا وعوفوا كل شي اني احله

ام بهاء،،، وين يروحون شنو هاي هيه؟ خلصت؟ نزلتلها
دمعتين وصدكتوها؟ والله والله ياسراج اغضب عليك منا
ليوم الدين اذا هاي بقيتها ادعي عليك اذا صدكتها ورجعتها

سيلين،،، ماباوع حتى عليهم ولااهتم ولاعبرهم حضن ساعد
ايدي حسيته محتاج ينسد لأن تعبان سندته ومشينه مديت
ايدي لبيلين من شفت الخوف بعيونها،، الطفله ماصدكت
اجتي تركض لزمت ايدي ومشت ويانا اسراء تخبلت اجتي
تركض تريد تاخذ بيلين قبل لتوصل يمنا باهر دفعها دفعه
وكعت بالگاع حسيتها تكسرت

عفناهم ورانا صياحهم وغلطهم وام بهاء تدعي علينه واسراء
مفرفحه شلون صدكني وعافهم ومااحترم كلامهم ام اسراء
تصيح عليه سحاره ساحرته ولهذا يصدكني وباهر يستفزهم
بالكلام

طلعنا لكينا اهلي واكفين برا متوترين واضح سمعوا الهوسه
بس ميكدرون يدخلون اجوي بسرعه من شافو وضع سراج
بصعوبه يمشي متوچي عليه سلموا عليه اخذوا بالاحضان
فرحانين برجوعه

براق،،، وخري اني ألزمه موزين عليج

سيلين،،، لاماعليه شي اني اريد أسنده

ابتسم سراج على كلامي

ركض براق طلع دخل السياره صعدنه بيها وأخذنه لبيتنه،،
نزلنه،، تذكرت مفتاح البيت بعده بحقيبتي الصغيره طلعته
وفتحت الباب،، دخلنه كان البيت بي تراب لأن متروك هذيج
الفتره،،، جدي من شاف الوضع اصر ياخذنه لبيته لكن سراج
رفض دخلنه كعدنه بالصاله والكل يستفسر من سراج شنو
الصار ويا شويه ودخل باهر وويا لمياء منزله راسها عاتبها
سراج بكلامه

سراج،،، ليش جنتي ساكته عايفتهم يحجون ويچذبون
ويتهمون وانتي مكتفيه بدموعج لاشاركتي ولاتدخلتي ولاكلتي
كله كذب؟

لمياء،،، غصبن عني والله العضيم امي جبرتني كل شي سوت
بيه ومن رفضت اشاركهم بهل چذب كالولي اسكتي وكعدي
لتدخلين احنا نتصرف وهددتني ترجعني لبلال او تنطيهم
جهالي

سراج،،، من شوكت اكو كلام فوك كلامي بالبيت صار سنين
احميج هسه صرت مااكدر لو هذا عذر لوشفتوني وكعت كلتوا
بعد لا احل ولااربط

باهر،،، لاتحل ولاتربط؟ اصلا كلنا تبهذلنه وراك

سيلين،،، ضلت تبچي وتحاول تبرر لأخوها صح هدئها بس
حسيته اخذ موقف منها

بدون كلام كامت طلعت ادوات التنضيف حتى تنضف كمت
وياها باهر منعني

باهر،،، اكعدي معليج انتي موزين عليج اني راح اساعدها

سيلين،،،شفت سراج عقد حاجبه بس سكت
براق ومهند طلعوا جابوا اكل كعد الكل تعشا بعد العشا بيت
جدي راحوا لمياء وباهر رادو يباتون يمنا يخافون على سراج
لكن سراج رفض وكلهم

سراج،،،، اخذوا راحتكم اني مابيَ شي

بيلين من كالتلها لمياء يله امشي ويانا خافت الطفله،،،
كلتلها بقيها وسراج هم ايدني،،، راحوا للصاله مال الضيوف
باهر وسراج وحدهم ورا نص ساعه طلعوا بس سراج كان
وجها مليان حزن وغضب بنفس الوقت

راحوا باهر ولمياء بس الحمايه كلهم برا موجودين

رتبت المطبخ رجعت لكيت بيلين بحضن سراج نايمه حرت
شلون اشيلها واني حامل وبنفس الوقت سراج ميكدر،،،
سميت بأسم الله وشلتها وديتها لغرفة سيف نيمتها وغطيتها


سراج راد يسبح اخذته للحمام احس كل حيلي ردلي
وياماشفت سراج،،

غسلتله وگلبي نمرد ضلت دموعي تنزل بهدوء حتى لااحسسه
من شفت اثار التعذيب بكل جسمه وأثر الرصاصه بكتفه
الأيسر بمكان صعب لهذا نزف بهل كميه الغزيره

طلعتله ملابس وساعدته يلبس رغم يكابر بس واضح ماعنده
حيل حتى