٢٣_____٢٤

#بارت23


سلام
من اتفقت انا ورضوى انو اني اجي من السفر وهي تجي من
بيت عمها جنت اعرف انو عمي طاهر ما راح
يسكت وشلون يسكت وهو يشوف تعب فواز راح الرضوى
ويشوف رضوى شلون صارت تحجي وما تخاف همه
كل ظنهم هي ما تخاف لان عدها فلوس ومعرض سيارت
والبيت بس انا اعرف رضوى شاده ظهرها بيه رغم
اشوف حزن وغيره اما انا فما اعرف اوصف الحال الي انا بي
مزيج من فرح وحب وانتقام وغضب وصار كل همي اعرف منو
الي سووا هذا الشي برضوى وخلاني انظر
الها بنظرة الخيانه
واجه المحامي واجه علي ويا بعد ان فهمته وصار نقاش بين
عمي وعلي بعدين عزمت علي وخابرت مقداد
وعمتي قسيمه
ثاني يوم اتفقت على شوي سمج ودجاج لكن عمتي عليه
كالت الرضوى اطبخن تمن وسوون حلاوه لمن رجعت
الظهر لكيت زينب وغدير جايات وشفتهن يضربن برضوى وانا
لزمتهن ضربتهن خصوصا غدير وبعدين طردتهن
ورضوى ما قصرت وياهن طردتهن لان هنه يستاهلن انا
اعرف منو خابرتهن ومتاكد هي صبيحه بس سكتت ما
ردت الامر يتطور
ومن صبن الغدا بهاء شاورني كلي سلام الحلاوة مالحه
وبعدين اجيت وبقيت اصيح وكلت لازم اعرف منو سوت هيج

اجيت وانا كلبي صار يدك من شفت عمي طاهر شلون يتهدد
على رضوى وخالتي ام بهاءبقت بدون غدا
ما حسيت اله اديه يبسن ورجليه وعيوني غوشن واسمع
خالتي تصيح ابن اختي مات
ركضو عليه واخذني بهاء ومقداد وخالتي وعلي وفارس لحكونا
طبعا اخذوني للسيد الي شافني وبقى يقرا وكل
الخالتي خلي يدليج بالماي ورشي غرفته وخلي يسمع قران
خصوصا سورة البقره والمعوذتين
رجعت من السيد وخالتي كالت عوفو لحد يكعده ودخلت عليه
ودليتها ع الماي ورشت بي الغرفه وانا شغلت قران
من النقال وبقيت اسمع خليت الهدفون باذني ارتاح من
اسمع القران وراحت خالتي وبقت رضوى لمن ما رمشت
وراسلتني وانا طمنتها
اجت كوثر وانا داير وجهي هي كعدت وانوب اتمددت انا ما
درت وجهي عليها هي مدت ايدها على خصري وكالت
- - سلام حبيبي ياروحي خوفتني عليك ردت اموت
انا ما رديت هي حجت كالت //سلام انت هسه زين فهمني
انا هم مارديت
كوثر /:اعرف جاي تسمعني رد علي يعني انا مو مرتك
انا ما درت وجهي راسا كتلها ::ليش خليتي ملح
هي حسيت بيها تلعثمت وكعدت على حيلها صارت تحجي
بعصبيه
كوثر /:منو كلك انا حطيت هنه خلن الملح الي بالقندول
انا درت وجهي عليها وكلت ::بس الصبح تريكت انا وعمتي
وگدامج وصبولنا جاي وخلو شكر من نفس القندول
كوثر بتوتر /:ما طول هيج ما تنسي ياريت ما تنسى عندك مره
والها حق عليك
::هايعني تعترفين انتي مخليه ملح وتكولين اتذكر عندي مره
يامره هاي وينها الي تحتار بالسحوره لو
الي فشلتني كدام خطاري
كوثر /:انا ما تعمدت فرغت الملح بالقندول لان ما عدنا وما
لكيت العلبه مالت الملح
ها ومن شفتيهن يطبخن ما حچيتي ما گلتي
كوثر /:عليمن الفت نظرهن على مود ابن عمهن التحفه
::لا مو لان ابن عمهن بس جان حسبتي احسابج انو هذا (واشر
على نفسي )هذا الحيوان الي متسمي زوجج
هو الي عزمه والي سويتي يضر بكرامة زوجج راح يفكر انا ما
كادر اسيطر على عائلتي ولا عندي كلمه
كوثر /:اووو سلام انا كدام عمتك سالتك شنو نسوي كلت
اجيب جاهز شكو بعد هي نبزت بالوسطه تكل البتها
اطبخي تمن وسوي حلاوة
::لان يافهيمه الخطار ابن عمها وكلتلها بس انتي ما يصير اذا
ما تخربين كل شي جا احترمتيني انا العزمته
كوثر /:وانا ما كتلك اعزمه جا اخذته المطعم وفكيتنا من هل
المعمعه كلها

انا كوه لازم نفسي ما اكوم اكتلها ::هسه صار كلامي معمعه
ولازم من اريد اعزملي واحد لازم اخذ رايج
بس مو صوجج صوجي انا الما افتهم المفروض اجيب الخطار
وانتي غصبن عليج تكومين بواجبه
وكفت على حيلي واخذت السويج واريد اطلع كوثر صارت
كدام الباب وكلتلي /:وين طالع
::ما عليج انتي
كوثر /:شنو سلام ما عليه انا زوجتك وانت تعبان
::لمن ما تعرفين شلون تحترميني ذيج الساعه كولي زوجتي
واحمدي ربج ما الي خلك وتعبان جا شفتي مني شي
تتذكرينه طول حياتج
وخرتها ورحت طلعت رحت يم فارس وعلي وانا احس بروحي
مختنك واعاتب نفسي
::ليش انا اتسرعت واخذت كوثر ويمكن هسه جاي اظلمها
بس ارجع واكول الندم ما يفيد تميت يم فارس وعلي وكوثر
كل شويه تتصل وتدز مسج وتكتبلي
ارجع سلام تعال بات والله مو قصدي
عفيه سلام تعال
انا ما جاوبتها بعدين وصلني مسج من رضوى تكول
=ها حبيبي صرت زين مو
حسيت بيها فرحانه لان ما بقيت
انا رديت على رضوى وكتلها
::اي طلعت على مود تقبلين
=ليش احس بيك تحجي وانت ضايج
::رضوى حبيبي مي خالف ما تحجين بالشي الي مضايقني
=صار سلام براحتك
::رضوى احبج
=وانا اموت اموت اموت بانفاسك
::اويلي سمطتي عشيرتي تره هسه اعوف كل شي وراي واجي
=لا سلوم ابقى ارتاح بيك حيل نسوان اثنين ومشاكلهن
::ولج لا تحجين هيج انتي انتي وبس
/////////////

💓❣️//////////
رضوى
وبقى سلام بات بالشقه يم فارس وعلي وانا قفلت عليه باب
الغرفه وكعدت افكر شلون راح اواجه سهير وقررت
اصور سهير على مود يكون عندي دليل اتذكرت قبل لا يتوفى
فواز جاب جهاز نقال حديث وكلي اذا تردي اخذي
الج وانا بيومها ما قبلت اخذه شفته ضمه بالقاصه فتحت
القاصه وطلعته وخليته ع الشحن وتميت سهرانه وافكر
شلون ابدي وياها وشلون اواجهها بالشي الي اعرفه
النقال كمل شحن طبعا بدون خط وانا كمت جربته وحتى
سجلت بي شفته بعدين باوعت بالغرفه وخليته بمكان
ما ينشاف بس هو يسجل وطفيته وتميت افكر شكللها
وشحجي وصوت داخلي يكلي اسكتي
وصوت اخر يكول لا لا تسكتين مو هي جانت السبب
بفضيحتج وكسرتج
موهي السب بابتعادج عن سلام وكسر كلب عطاء اويلي
ياعطاء ياحبيبتي واختي الي انظلمتي من وره عالحقيره
عطاء الي انكلب حبها وصداقتها الي كره وهي الهسه ما تباوع
بوجهي وتشوف العمى وما تشوفني
ونمت وانا افكر بشي اسمه الحقيقه
الصبح كعدت الصدك مانمت جان نومي متقطع وافكاري
مزيج بين الخوف والكره وبين الحزن والانتقام سمعت
خالي صاحب يكلها //مو اخاف اتاخر ليش تبقين اهنا
سهير /:ابقى يم عطاء شو اشوف مرت ناجي من اجي وجهه
ثكيل
صاحب /:لويش يابه وجهه ثكيل فوك ما فليساتنا عد رجلها
سهير/:هاي شبيك صاحب هو خسر مثل ما انت خسرت
صاحب /:سهير شنو ما ادري اليخسر ما يشتري سياره وقطعة
ارض تدرين انا الخسر وغرفه ما اكدر اشتري
وساكت على مودج
سهير تحچي بعصبيه /:اووو هاي شبيك صاحب خلص كلك
خسرنا وانت اتقبلت الامر لو ما يصير اذا ما تنرفزني
مو كافي متحمله الفقر والضيم غير لان احبك
صاحب /:ياالله كافي سهير الله يعوض ان شالله الله يرزقني
واشتريلج بيت

انابيني وبين نفسي كلت =كون يشتريلج كبر يكبرج ياحقيره
طلعت فتحت الباب وصارت عيني بعين خالي سلمت علي
=صباح الخير خالي
صاحب /:هلا خالي اشلونج
الحمد لله زينه
سهير تخوصرت /:شنو عيني تسلمين بس على خالج احنا مو
بعينج لو تكبرتي من طلع ورث فواز وصار الج
انا باوعت الها وابتسمت =لا خاله سهير شنو هالحجي بس
تعرفيني اموت على خوالي وخصوصا صاحب مو
تكولين خال تكولين اخ
سهير /:تحجين صدك رضوى شنو اخوج هذا الشايب اخوج
صاحب /:ولج سهير هذا الشايب البنات كاتلات روحهن علي
سهير /:على شنو خلف الله عليه قابله بيك (وصارت تضحك)
انا باوعتلها وكلت /:لا خالو تره سهير ما منها اثنين
صاحب //ادري بيها ما تشوفيني احبها واموت عليها
انا ما گدرت ابقى انافق كتله /:ياالله ياالله تعالو خلي نتريك
سووا
صاحب /:لا خالي انا مستعجل وراي شغل
سهير /: امشي صاحب روح يم بت اختك هسه اطكلك
بيضات واجيك الله يثخن لبنكم
صاحب /:شبيج حاسدتني على بت اختي
ودخل خالي وهو شايل الجهال ويبوس بيهم ردت اكله خالي
عوفهم همه مو جهالك ابدي اصرخ واكله مرتك
الي سويت كل شي على مودها هي الخاينه والله من شفته
ردت ابجي انوب همه يخبلون وحبابين من دخلو للغرفه
صارو يباعون داير ما دايرها سبحان الله وانوب وكفو كبال
صورة فواز من شفتهم يباعون اله ويكولون عمو فواز
انقهرت حيل باوعت للصوره وحجيت بكلبي /:ليش هيج الي
سويته شي جبير غركت بالاثام وغركتنه والله يستر
من الجاي
اجت سهير وجايبه الصينيه بيها بيض وجبن وكوابه حليب
للجهال وبعدين راحت جابت الجاي خالي كلها
سوسو خو ما خاله فوك البيض شكر مثل امس
سهير /:لا عيني ضكته شنو ما تدري منو سووا هيج
صاحب بضحك/:منو سووا بس لا انتي
سهير/:انا لويش اسوي شعدي ويه رضوى بيش طالبتها مبينه

هنه كوثر وامها اخاف يطلع طبخ رضوى زين ما كدرن يخربن
التمن
خربن الحلاوة بس الله ستر وضاكها بهاء
صاحب وهو ياكل /:ياالله سهير هذا هو مو اكو حلاوة شعريه
حلاوة شكريه هسه رضوى امس ابتكرت حلاوة
جديده اسمها حلاوه ملحيه
وصرنا نضحك بعدين طلع خالي وراحت ورا وانا شلت الصينيه
وشفت سهير وهي راجعه باوعت الها كتلها
=رايدتج بشغله ودي الجهال يم عطاء
هي باوعتلي /:شنو من شغله خير
=هسه انتي ودي الجهال وتعاي وراي للغرفه
دخلت قبلها وباوعت للنقال ورحت شغلته شويه ودكت
الباب انا كتلها
=ادخلي سهير
سهير/:ها رضوى خير
انا باوعت الها وكتلها =تعاي سهير اكعدي هنا كابليني اريدج
بشغله
سهير /:شنو ياستار اسمعج
انا جريت نفس وكتلها وانا اعض بشفايفي من القهر =شوفي
سهير بلا لف ودوران انا كل شي عرفت
سهير باوعتلي مستغربه /:شبيج رضوى شنو عرفتي
انا كتلها بسرعه =عرفت العلاقه الي جانت تربطج بفواز
وعرفت انو ولدج انمار وجود همه مو ولد صاح..
هي قاطعتني وظلت تحجي بصوت عالي /:ولج انتي شتحجين
شعدج من بلا تردين تذبينه عليه حقيره
نسيتي نفسج
انا بهدوء بس كلبي يرجف =لا ما نسيت نفسي بالعكس انا
اعرف شنو احجي
سهير كلتلي /؛زين شوفي ولج هسه اتصل باخوتي واخليهم
يجون يوذرونج
ويعرفونج شنو همه والي يفك حلكه وياي بكلمه يقرا الفاتحه
على روحه

انا بيني وبين نفسي خفت بس كلت خلي العب باعصابها
بلكي تحجي ليش سووت هيج بيه رفعت

اصبعي
على حلكي وكلت ==اس اسكتي احسن لج جاي تهددين
باخوتج روحي روحي صيحيهم اصلا انا اريدهم يجون
صيحيهم وكليلهم عليه وانا عندي الدليل والتسجيلات الي
بيها كل مراسلاتج وصورج ومو بس هيج لا ياحلوة
راح اشتكي واطعن واطالب اسوي صحة نسب بالجهال
سهير تغير لونها /:يا جاي تهددبن شكو عندج طلعي اريد
اشوف شلون تثبتين التهمه عليه
انا بنفس هدوئي =ها يعني تعترفين همه ولد فواز مو ولد
صاحب
سهير بزمخ /:ما عليج بس فهميني من تشتكين شلون تثبتين

انا صرت اهز برجلي =والله سهير اسهل منها ماكو كل ما
بالامر اقدم شكوى بالمحكمه واخلي المحامي يطالب
بتحليل DNA وانا اكول انو المرحوم كلي الحقيقه كبل لا يسافر
وهو صدك گلي الحقيقه واله علاقه وياج وهم گلي
وين تلتقون
سهير // وين باالله نلتقي
= بالمزرعه سهير بالمزرعه
سهير /: هههه وشنو دليلج عبالي عدج سالفه هاي بس
تحليل سوي ميه شنو يعني تخوفيني سوي الف
= يعني ياحلوة يطلعون جثة فواز(من حجيت هيج انمرد
كلبي بس لابد منها)وياخذون عينه من اسنانه وياخذون
عينه من خالي ويطابقوها ويه الجهال ويثبتون همه جهال فواز
لو صاحب ناس صارلهم متوفيين عشرات السنين
وبالتحليل يعرفونهم ويعرفون نسبهم
سهير بدت تستعطف بس ما تبينه /:وليش تسوين كل هذا
فواز مات وانتي ورثتي ليش تردين تفضحينه وهو بكبره
انا حاجيتها بنتر =انجبي حقيره انا ما اريد افضح فواز اريد
افضحج انتي انتي الخاينه الي فضحتيني
سهير وكفت عبالي تريد تعتذر تريد تبرربس هي كالت //ما
طول هيج اسمعي ولج خاف عبالج خوفتيني بكلامج
هسه اكدركل شي اسوي بيج وتعرفيني وما اخاف بس
تسكتين وتخلين نعال بحلكج انا غلطت ويه فواز وحبابه
من تردين تفضحين احد راح تفضحين خالج وتطعنين برجولته
واذا عليه انا من الصبح اتطلك واخذ احسن منه
والتحليل الي تهدديني بي اخواني راح يكولون انطت فلوس
وسوته لان اختنا جانت شاهده على فضيحتها وهي
تكره سهير وتغار منها وماراح يسكتون والله والله يذبونج بهبيه
صدگي راح اخليهم تلاثتهم يغتصبونج ويصورونج
خاف عدج شكم فلس لو تتحامين بابن عمج لا حبيبتي اصحي
لا اندمج
= انوب انتي اتهدديني ولا خايفه ولا مكسوره عينج
سهير //. هههه خايفه منين منج شوفي ولچ انا راح اسوي
نفسي ما سمعت اي شي وانتي هماتين انصحج ياحلوة
على كيفج ويه روحج شويه بعدج امس العصر طب للقصر
وانتي ذكيه وتفهمينها
= والله عمي زين لا مكسوره عينج ولا تخافين فوك ما
مسويه المو زينه بعد انتي صاحبة الراهي
سهير تهز برجلها //اي وداعتج صاحبة الراهي وشعدج سوي
ومثل ما كتلج يا حلوة راح اسوي نفسي ما سمعت
شي ها وكلمه اخيره ديري بالج مني تره صدكي اسويلج
مصيبه ما تطلعين منها خاف ذيج المره طلعتي وفواز
وكف وحامالج وكبر راسج هالمره بس الموت هو الي يطلعج
واتقربت مني واخذت تلفوني الي على الطبله وفتحته ما
شافت بي شي اتعجبت من صلافتها گتلها =ولج شتسوين
هي جاوبتني //ما اسوي شي شفت تلفونج اخاف مسجلتلي
بس طلعتي ذكيه ما ردتي تفضحين خالج
باوعتلي باستهزاء // خالج شيخ الشباب الي تحبينه مثل
اخووج ههههههي
وفتحت قفل الغرفه وطلعت انا شفتها جانت ايدها ترجف
مبين عليها الخوف او يجوز الصدمه
لان الي مثلها لا تخاف ولا تستحي
من طلعت سهير انا رجعت قفلت الباب ورحت اخذت النقال
وفتحته وشفت التصوير كامل وكل شويه اعيده الي
خلاني اقرر اسكت وما احچي لان اتذكرت كلامها من تگلي
اذا تحجين تفضحين خالج وتطعنين برجولته
لذلك قررت اسكت بالوقت الحاضر واخذت الرام وخليته
بالقاصه لان فواز قبل لايموت اكد عليه احفظ الرقم
وكلي بس انتي تعرفي اي شي مهم خلي بيها وخلاني اكتب
الرقم السري مال القاصه بنقالي وحفظته على كلبي
بقيت بالغرفه ما طلعت جنت صايره كوكتيل كآبه
مصدومه على مقهوره على ضايجه بقيت متمدده وانا ادورها
براسي
=سهير من جان يمها فواز اكيد صبيحه تدري وصبيحه الها يد
باللعبه على مود تزوج بتها السلام
=. اي البارحه من صبيحه تغم بكوثر وگالت الها لو ماخذه فواز
احسن الج بس انتي دگيتي اله سلام

بقيت افكر اتمددت بالغرفه يمكن نمت تقريبا الساعه وحده
الظهر اندك الباب طلعت لكيت صبيحه وهي
مبتسمه وتكلي // عمه تعاي اتغدي ويانه
انا اتمغطت ومستغربه =لا مشكوره ما اشتهي
هي لزمتني من ايدي وجرتني /:تمشي امشي قابل تزعلين من
خالج يالله تعاي اتغدي ويانه خالج عزم علي ابن
عمج كال عيب انا صرت عصبي وحجيت كدام المحامي وانتي
هم ياالله تعاي اكلي شنو نبقى بيت واحد اواحد
يكره الثاني
انا طلعت وياها لكيت خالات السفره بالصاله وكاعدات كوثر
ابدها تذبحني
وعطاء من شافتني كامت صبيحه /:عطوة يمه وين رايحه
هي جاوبت بدون ما تباوع /:ما اشتهي بعدين اكل
اما سهير كاعده ومكعده الجهال يمها ولا كانو قبل ساعات
حجيت وهددت ولا مهتمه ابد وصبيحه تاهل وتسهل
انا احجي ويه روحي
=شنو هالكرم الحاتمي الله يستر شجوه راسهن من خبر
////////////////////////////////❤❤///////////////
/////

////
سلام
جنت بالمحل تقريبا الساعه 11 لمن ما اتصل عليه عمي طاهر
وكلي //الو سلام
::هلا بيك عمي اشلونك
- - الله يسلمك اكلك سلام رايد رقم علي ابن عم رضوى
::ها وليش عمي
- - لاوالله ماكو شي بس انا شويه اول البارحه صرت عصبي
وزحمه لازم اعتذر منه لذلك انا سويت غدا
وراح اعزمه وانت طبعا ما تحتاج عزيمه
::تسلم عمي هسه ادزلك ايا
ودزيته الرقم تقريبا ربع ساعه وخابرني علي وكلي على عزيمة
عمي انا كتله اي رووح احسن وانا راح
امر عليك
الساعه قريب الوحده مريت على علي ورحناتلكاني عمي
ورحب بينا وكال بديوانية اخوي الجبير
ما اتخطاها يقصد على بيتنا ورحنا هناك وجابو الغدا مبين كله
توصيه وره ما تغدينا وجابو الجاي
عمي طاهر كال
- - عمي علي ارجو ان ما تكون ماخذءعلى خاطرك من اول
البارحه تره انا شويه عصبي واحمق بسرعه
علي /:لا عمي ماصار الا كل خير
طاهر /:الله يرحم ابوك خوش انسان خيير
علي /:ويرحم امواتك تسلم
طاهر /:الله يسلمك وانت مو غريب وتدري احنا ربينا رضوى
واختها وندري بيكم انتم ما متعاجزين من
تربيتهن بس خليتوهن يمنه لان تدرون احنا راح نصونهن
ونحافظ عليهن
علي /:اسمع ابوي يكول انا مخليهن يم ابو فواز لان دكلي
صدره وكلي بناتكم بناتي والصحيح ما قصرتو كلكم
طاهر /:اي والله عمي واحنا البنات نحبهن وخصن رضوى ما
مفاركينها على مود هيج ياابني انا اكلك اريد
اخطب رضوي منك الابني صلاح ما طول انت ولي امرها
هو باوعلي وانا اشرتله بعيني كال //النا الشرف ابو صلاح بس
رايد وكت اشور البنيه مثل ما تعرف هذا مصير
وانا ما يحقلي افتي من يمي
طاهر /:صحيح عمي مثل ما تكول
علي /:ان شالله هي باجر كالت تريد تروح هناك يم الوالده
بكربلا تبقى شكم يوم وانا ان شالله قبل لا ترجع افتح
وياها الموضوع
طاهر /:بس ابو حسين مو تشوفها واكفه تروح يمكم يعني ولا
زغرا بيكم بس ولد عمها محرمين عليها
وهي هسه ارمله
علي /:عمي شلقصه بت عمنا مثل ما عايشه يمكم هم احنا
اهلها بالعكس اصلا انا اشوفها واكفه كعدتها
بالبيت وسلام موجود لاتنسون ياجماعه سلام حماها ومحرم
عليها وهي كلتلي امها تاخذها
طاهر /:هذا هو بس عمي احنا نريدها منك لاتقصر
علي/:تدلل ابو صلاح ما يصير خاطرك الاطيب

بقينا كاعدين بعدها استاذن علي وطلعنا انا ويا بالطريق كلي
وهو مبتسم
- - ها سلام شنو رايك ننطي الموافقه
انا ::افه عليك ابو حسين تبيع خويك
علي /:لا والله مو قصدي بس همه زحمه حرجوني
انا باوعتله وكتله ::علي هي مؤامره محيوكه واريدك وياي
علي /:وانا وياك الله شاهد لا على طمع ولا على اي شي بس
ما احب الظلم
انا جاوبته /:رضوى وانا انظلمنا هواي
////////////❤️❤️❤️/////////
رضوى
ثاني يوم اجت امي حتى تاخذني البيت عمي بكربلاورحت
وياها للمزرعه لان سلام دز سياره اخذتنا وهو اجه
ورانا امي رادت ترجع بس انا ما قبلت خصوصا وهي جايبه
اخواني وياها كتلها ابقي هاي اليومين اهنا تونسي
من دخلت اجه سلام ورانا انا جنت بالغرفه وامي واخواني
بالصاله هو سلم عليها وحب راسها جان جايب مسواك
واكل جاهز لحكني بالغرفه وسد الباب وحضني كلي
::مشتاقلج ما اكدر افاركج
انا بادلته نفس الشعور وانا اكله =مو بكدي انا بعد ما اتحمل
بقيت بحضنه وحتى ما طلعنا اتغدينا صار العصر هو سبح وانا
ورا بعدين امي خلت الغدا وانا اخذته اله بالغرفه
هو اكل شويه وكلي راح اروح وباجر من غبشه اجي وابقى يمج
لليل جا بتت بس اخاف يشكون وانا ما
اريد هذا الشي ردت اكله على سهير والسمعته من صبيحه
بس سكتت هو كلي
::رضوى راح نبقى واحد صافن بالثاني
=اي شعدنا غير الصفنه
::حبيبي اتحملي شويه مو تحبيني
=لا سلام منو كال احبك -(هو عقج وجهه جاوبته ) انا اعشقك
واتنفسك انت كل شي بالنسبه الي
::يابويه وتكلي انت تتحارش هي شعلتني شعل بت الاوادم
تعاي اشاورج
انا بتعزز=ما ما اريد
::زين انتي الخسرانه بس اكو خبر ما يتفوت
اتقربت علي وكتله= شنو
هو حضني وظل يشم بشعري وركبتي كلي ::رضوى احبج
اموت عليج
=وانا سلام ما اكدر اعيش بدونك انت روحي
كعدني ع الجربايه وبعدين باوعلي وكلي ::هم عرفتي ليش
طاهر عازم علي
=لا والله ليش
::خطبوج الصلاح
انا استغربت بالبدايه وبعدين ضحكت وجاوبته =ياا علمود
هيج صبيحه اجتني وعمه وعمه والا تاكلين
هسه انت شتكول سلام اوافق لا
هو خزرني ::بكيفج رضوى
=اممم افكر صفقه ما تتفوت
::هاا يعني موافقه
هزيت راسي =ايي انا موافقه وباصمه بروحي وعقلي وكلبي
بصمت الواحد اسمه سلام سلام وبس
واتغدينا وهو راح وانا بقيت ويه امي سلام يجي يوميه من
غبشه وببقى يمي للمغرب وساعات يروح بالليل
وهو يكلي اتحملي هانت بقيت اسبوع ورجعت بقيت بالبيت
خمس تيام وانا ساكته وبعدها رجعت يومين للمزرعه
كلت رايحه يم امي وهم رجعت بقيت اسبوع وانوب صرت
اروح ع المعامله مال حصر الورث علي وياي ومناك
يجي سلام ونروح انا ويا بقيت شهر ونص وانا يارايحه للمزرعه
ياراجعه للبيت يارايحه للمحكمه وهيج جنت احس
دائما راسي يوجعني

ونفسي تلعب وجنت ارتاح من اشرب
كهوه
//////////تسريع الاحداث/////////////علي وسلام اجو
للبيت ودخل علي بدون ما يستاذن
راح كبل يركض الغرفة فواز وسلام دخل الغرفته بيده مسدس
واجه دخل عليه للغرفه وهو يريد يرميني
اجه علي ولزم ايد سلام واخذ المسدس وكله
- - لهنا وكافي سلام انا ولي امرها اللحم الك والعظم النا
عرضنا واحنا نغسل عارنا بايدنا وبعدين نجي
نفصلك واحنا حاضرين الك كل الحق بس نتاكد ونعرف غريمنا
منو واذا تريد طلكها هسه بدون اي حجايه زايده


#بارت24

//////////🌹💔🌹///////
علي
لمن ما خابرني سلام قبل شهر ونص ورحت وسولفلي انو
تزوج رضوى لان طاهر جان يريدها الابنه ولان
الورث مال فواز كله صار الرضوى وهو بالاساس شريك فواز
بكل شي وهذا الي احنه نعرفه من خلال
تواصلنه القليل وياهم
حسيت انو سلام ورضوى ضامين عليه شي وهم شفت
رضوى تتمنى يكون الها سند واخ
صحيح احنا ما عشنا ولا تعايشنا ويه بنات عمنا لان عمي
جاسم بطبيعه حاله جان مبتعد عنه امي تكول
هو حتى قبل لا يتزوج هو مبتعد بس اتذكر انو ابو سلام من
انخطبت رقيه المقداد كال صحيح مربيها
بس لازم نخطبها من عمها واتذكر اجو الابوي الله يرحمه
وكلوله
مانتخطاك ابو شاكر تبقى عمهن وبمثابة ابوهن
وبعدها ابوسلام كال
ابو شاكر رضوى النا اريدها من تكبر الابني
ابوي ساله /:وليش رضوى بالذات خو اخذله من بنات عمه
ابو سلام /:لان رضوى ربيناها انا وام فواز على ايدنا ام فواز
هي سمتها واول ما صارت شالتها احنا صحيح
عدنا بنات اثنين بس اختك ام فواز تحب رضوى يمكن اكثر
من روحها وهي بنيتنا نعرفها وتعرفنا وام فواز ما تفك
عينها الا كون رضوى بوجها
ابوي /:ابو فواز هنه بناتكم مثل ما بناتنا وما ننسى كثر الله
خيركم ربيتوهن وتعبتو عليهن ونعم التربيه
ابو سلام /:احنه اهل خويه
وبعدين انقطعو عنه ما شفناهن الا بوفاة ابوي التهينا بشغلنا
وشاكر عزل وانا اتحملت مسؤولية البيت صحيح ابوي
عنده تقاعد خلينا الامي لان دوم مريضه
وره شكم سنه سمعنا برضوى متزوجه فواز ومن سمعنا بفواز
اتوفى كلت الشاكر يروح وياي هو ماقبل كال من
اتزوجت محد شارنا ولا جنا ولد عمها
انا جاوبته/:همه من اجو يخطبون رقيه خطبو رضوى السلام
اتذكر مو الفواز
وانا اجيت للفاتحه ودزيت على رقيه وسلمت عليها
من خابرني سلام انا ما اتاخرت كلت اروح واشوف شيريد
وفهموني على شغلة الورث واستلمت المعرض
مال السيارات جنت اشوف سلام دائما ضايج ومهموم ما
حبيت اساله لان عرفت احرجه وهو وعدني يكلي كل شي
بالوقت المناسب
بقيت مستلم معرض السيارات وجنت اتحاسب ويه سلام
احيانا كل يوم واحيانا كل اسبوع انا ويا اصدقاء فد يوم كتله
- - سلام راح ابقى انام بالمعرض
::وليش علاوي
- - والله اخجل من فارس اريده ياخذ راحته
- - وانت شمسوي ابو حسين بالعكس راد الوحشه علي
::لا والله سلام ما يصير
هو شنو الما يصير اصلا فارس لكاله بيت وجاي يجهز بي عل
مود يتزوج يعني اول وتالي هاي الشقه من نصيبك
بس ها اذا واحد متعارك ويه مرته لو مرته طاردته يجي يمك
وتمينا نضحك واتوطدت علاقتي ابهاء وفارس وصرنا نطلع
ساعات وساعات بهاء باخذنا البيتهم وتجي امه هاي الانسانه
الطيبه ودوم من تشوفني تكلي //بس يعرس فارس انوب
انعرسلك نريد نفرح بيك
بقيت اقل الشهرين وانا لازم معرض السيارات فد يوم الظهر
كاعد واجاني مقطع فديو من رقم غريب فتحته انصدمت
من الي شفته صدكوني الي شفته يبجي ويتمنى الواحد يموت
الف مره ولا ينحط بهيج موقف

شفت بت عمي رضوى بغرفتها وهي حاضنه ولد غريب
وتضحك ضحك مخزي
انا من شفت الصوره راسا ركبت السياره وطرت بيها وما
اعرف
شلي صار بيه دخلت للبيت بدون ما ادك الباب وبنفس
اللحظه دخل
وراي سلام انا حتى ما انتظرت ركضت كبل دخلت من باب
المطبخ
وشفت سلام راح للغرفه يمكن مالته بس انا دخلت للغرفة
الثانيه
رغم ما ادري بيها هاي غرفتها بس مره كالت السلام لمن راحو
للمحكمه للمكاتبه
انت لازم تصعد انت وهاي -تقصد كوثر-فوك شنو غرفتك
بصف غرفتي
واتذكر هو يضحك ويغمزلي ويكول
::اتعلم علاوي الياخذ اثنين لو سلطان لو شيطان
عرفت هاي غرفتها دخلت شفتها نايمه ع الجربايه انا بلحظه
عتيتها وضربتها راشدي هي فتحت عيونها جانت
عبالك سكرانه اجه سلام وهو رافع المسدس يريد يرميها هي
باوعت وصارت وراي وانا اتقربت من سلام
واخذت منه المسدس بعد ما تلاوينا انا ويا كلي
::انت باي حق تدخل للغرفه بدون استئذان
جاوبته - - هاي عرضي وانا مسؤول عنها
::بس هي (وضم ايده وظل يضرب ع الميز)لازم اكتلها اموتها
رضوى وراي انا كتله /:سلام اللحم الك والعظم النه بتنا احنا
نتباصر بيها انت ما الك دخل نكتلها ونغسل عارنا
ونفصلك بس بالاول اعرف غريمي وبعدين يصير خير
سلام وهو يدفع بيه ::اخذها هسه تطلع لا انت وهي هسه
اخليكم

جنازه
رديت //الك حق الك حق
وصار سلام يدفعني وانا لازمها بايدي وهي ولا يم الموضوع
وطلعها بالدشداشه بدون عباة انا باوعت شفت عبايه
اسلاميه ردت اخذها بس سلام ما قبل كال لوبيدي اطلعها
مصلخه
اخذتها وطلعت وهي حافيه والدشداشه ما اوصفهاودخلتها
بالسياره وهي مو واعيه ركبت وانا الدمعه بعيني ما
اعرف شسوي واشوف شعرها منكوش واثار بركبتها ردت ذيج
اللحظه ارميها نزعت قميصي وانطيته الها تلبسه
وانا ظليت بالفانيلا وانا اغلي ودي اكتلها بس اريد اعرف منو
قشمرها وجان وياها انتبهت الها ما تسيطر تلبس القميص
ركنت السياره على صفحه واخذت القميص ولبسته الها وهي
تضحك باوعت بالشارع شفت مره واكفه يم بيت منتظره ابنها
الزغير دزته للدكان نزلت وره ما قفلت السياره
سلمت علبيها
اشلونج خاله
هي تجبجبت خصوصا من شافتني بالفانيلا الداخليه /:هلا
خاله اهلا وسهلا
انا بخجل وتوتر /:خاله بلا زحمه انا داخل على الله وعليج
شوفي ذيج سيارتي ورجل اختي الجلب كتلها وخابرني
وطلعها بطرك الدشداشه النص اريد منج حجاب وعبايه
وبيش ما يصيرن هسه انا نزعت قميصي وانطيته الها
وطلعت فلوس من جيبي هي باوعتلي وشافتني ابجي ومقهور
كالت 😭😭😭
- - خاله تانيني لا تروح
دخلت للبيت وشويه وطلعت جايبه حجاب وعبايه وكالت
— -هاك خاله واذا تريد انزل انت وياها وارتاحو الدنيا بعدها
بخير
انا مديت ايدي على جيبي وطلعت فلوس هي كالت
- - افه عليك يمه شسويت هي هم مثل بتي رووح يمه الله
وياكم
انا رحت واخذت القميص ولبستها العبايه والحجاب واشوفها
ما منتبهه لبست القميص وقررت اخذها الكربلا
وهناك اجمع اخوتي واكتلها اي لازم اكتلها للحقيره مشيت
بالسياره شويه وهي كامت تكول اخ اخ وك ف ال س
بعدين صارت تتقيا بس القئ زباد يطلع من حلكها وهي
فقدت انا شفتها شلون تقيات قررت اخذها للمستشفى
وبعدين اخذها البيتنا
وصلنا للطوارئ نيمتها ع السديه لان ما تسيطر لا توكف ولا
تمشي
اجه الطبيب كلي
شبيها
كتله /:ما اعرف هي داخت وطلع الزباد من حلكها
الدكتور باوعلي /:وراح شافها بعدين اخذوها وسووا اللازم
ظليت منتظر طلب تحليل دم همه اخذو عينه وره
شويه جنت بره الغرفه لان المريضات كلهن نساء والي وياهن
هم
طلع الدكتور ورحت ورا كلي
- شتعودلك المريضه
كتله// اختي
هو سالني كلي //اختك متزوجه مو
- - اي دكتور متزوجه ليش
الطبيب /:لا ماكو شي بس اختك حامل وسحبنا منها عينه
ثانيه جاي نسويلها تحليل ثاني نعرف سبب الزباد الي
طلع منها وخصوصا وهي لحد هسه ما منتبهه وبشبه غيبوبه

انا تفاجات وبنفس الوقت اتحيرت ظليت امسح بوجهي
واحس بروحي اختنگت طلعت النقال اتصلت بسلام بس راسا

قطعته صارت كدام عيني ام بهاء اتصلت ابهاء رد
- - هلا ابو حسين
- - هلا بيك بهاءءاسمعني تجيب امك وتجي كبل للمستشفى
ال،،،،وارجوك لا انت ولا خالتي تبلغون اي احد حتى
سلام ما اريده يعرف مسالة حياة او موت ويصير بيها كاتل
ومكتول
بهاء /:شبيك علي شصاير كلي
علي /:بهاء بداعة امك وروح ابوك تعال ولاتتصل باحد
وسديته وبقيت كاعد وانا ما اعرف شسوي نص ساعه تقريبا
واجت ام بهاء وصلو يمي بهاءءتسالم وياي كلولي شصاير
ام بهاء /:خاله علي بروح ابوك شصاير
انا باوعت الها وكلت /:خاله رايدج بشغله ابيناتنا
باوعت البهاء كتله /:بهاء من رخصتك شويه وارجع لك
وافهمك
بهاء /؛علي علي شصاير كلي
- - راح افهمك بس رايد خالتي
واخذتها على صفحه وراويتها المقطع وسولفت الها كل شي
هي ظلت تخرط بخدها اشرت البهاء وهو اجه يركض علينه
بهاء بخوف /:علي شكو شصاير
ام بهاء /:يمه صخام بوجهنا مصيبه وطاحت على هذا
المسكين (واتاشر عليه)
بهاء /؛فهموني ياجماعه شكو
علي /:مثل ما كالت مصيبه بهاء والمصيبه الاكبر رضوى
حامل
انا دزيت عليكم على مود تتذكرون هذا اليوم والوكت الي
جبت رضوى للمستشفى وطلعت حامل
ام بهاء /:يبوووي يمه يارضوى الله يساعدج شتتحملين يا
مسكينه
علي /:شبيها خاله كولي الله يساعدني انا
بهاء /:هسه غير تفهموني انا مثل الاطرش بالزفه وسلام وينه
وليش رضوى وياك وبهذا الوكت
وطلع الدكتور وصاحلي ورحنا تلاثتنا دخلنه وسد الباب وكال
- - انت اخوها
:اي دكتور
||والحجيه امها
- - اي خاله ليش
||زوجها وين
ام بهاء //خاله زوجها طلكها بس الله يخليك شبيها بنيتي
الطبيب //انا راح اكون صريح وياكم هم عدكم علم بتكم شاربه
حبوب مخدره وهلوسه
وهي هسه مغمي عليها لان هالمره الجرعه جانت جبيره جا
موتتها بس لان اتقيات لحكنا عليها وهي هسه
بغيبووبه وانا لازم انطي بوضعها علم للشرطه لان الظاهر بتكم
تتعاطى من زمان
لازم نعرف منين تجيب الحبوب
علي باوع البهاء /:دكتور الله يخليك بس خليها تصحى واحنا
حاضرين
الدكتور /:بس هاي جنايه لازم نعرف منين تجيب الحبوب انتم
اهلها ما عدكم علم
بهاء/:دكتور تره الحبوب تنباع بالشوارع
الدكتور /:انا هذا العندي
بعدين بهاء طلع النقال وخابر /:هلا دكتور
محتاجك تجيني هسه انا بمستشفى ال،،،،،
لا ماكو شي بس رايدك هسه
انا باوعت

البهاء وكلي /:علي هذا ابن عمي طبيب وهسه يجي
ويتدخل لازم نلكى حل
وراحت ام بهاء يم رضوى الي جانت غايبه عن الوعي واجه ابن
عم بهاء وسلم علينه وحجوله الي صار وراح
الدكتور وحجى وياهم وبلغنا انو لازم نعرضها على مختص
وكتب النه اسم طبيب مختص
انا قررت اطلعها من المستشفى واعرضها للطبيب واشوفه
شيكول وام بهاء كالت خاله خلي ناخذها البيتنا انا
ما قبلت وكتلهم مشكورين وحلفتهم الي صار لحد ياخذ بي
خبر وطلعت رضوى وهي بس فاتحه عيونها واخذتها
للطبيب الي دلاني علي ابن عم بهاء طلب عينه من الدم بعد
ان شرحتله حالتها وفحصها وسوينه التحليل وهي شبه
نايمه وما منتبهه الدكتور كلي شنو شفتو عليها
انا فهمته هي عد زوجها انو جانت طبيعيه مره جنت يمهم
جانت تشكي من وجع راسها ولمن ما تشرب كهوة شويه
ترتاح
الطبيب كلي هو متاكد انو الحبوب جانت تاخذها عن طريق
الكهوه
ولازم تدخل مصحه تتعالج والا راح تبقى تتعاطى ويتاذى
الطفل اذا ما فقدته وهو كتبلي على مصحه ابغداد ومصحه
بعدة محافظات المشكله الي عندي هي اوراقها الثبوتيه ما
عرفت شسوي الا اصارح الطبيب واكله دكتور شلون اذا
زوجها رفض ينطينا اوراقها
الطبيب كلي كل الي اكدر اساعدك بي اني انطيها علاج مهدئ
يخليها هادئه ونايمه بس اهم شي تستعجل بان
تخليها بالمصحه
رجعتها البيت ام بهاء بعد ما خابرت بهاء وشرحتله الوضع
وهمه الناس رحبو وصلت الهم ونزلناها وهي
ما تدري بشي وبغير عالم خابرت سلام بالبدايه ما رد بعدين
جاوبني
::تفضل
- السلام عليكم
::عليكم تفضل
-مشكور بس رايد جنسية بت عمي وشهادتها
::ما عندي اي جنسيه
-اعرف هنا بغرفتها
::ليش هو الي يريد يغسل عاره يريد جنسيتها شنو تريد
تقبض بيها كميه
تستمر القصة أدناه

وسد التلفون بوجهي رادت ام بهاء تروح بس انا ما قبلت
خابرت المحامي
وكتله رابد اتطلعلي جنسيه الرضوى لان جنسيتها ما موجوده
وهي عدنا بكربلا ما تكدر تجي
هو كلي مي خالف بس تاخذ وقت انوب كلي هو عدنا نسخه
من جنسيتها وشهادة الجنسيه
انا كتله زين حضرهن هسه جاي اخذهن وانت امشي بالبدل
ورحت للمحامي واخذتهن ومن طلعت كتله /:استاذ رضوى
تسلم عليك وتكول اي شي يخص املاكها بس انا
وهي مسؤولين عنه حتى سلام ما اله اي دخل راح تفك
الشركه ويا لو هي تشتري لو هو يشتري
رجعت البيت ام بهاء الي لكيتها مقهوره وضايجه هالمره من
تصرف سلام انا كتلها /:مي خالف حجيه سهله وهو
هم حقه اي واحد بمكانه يسوي هيج واكثر
طلبت من بهاء ان يتصل بابن عمه اكيد عنده عرف بهاي
المصحه والرجل ما قصر اتصل بدكتور ابغداد يعرف اطباء
بالمصحه على مود بس يوافقون تدخل باوراقها اقصد
الجنسيه الاستنساخ
همه تفهمو وقدرونا الخاطر الدكتور وسلمت على بهاء وامه
الي رادت تجي وياي بس انا رفضت وصيتهم
ما اريد احد ياخذ خبر واخذت منهم وعد ما راح يحچون
وطلعنا انا ورضوى البغداد من الصبح هاي الها من امس نايمه
او ما منتبهه جنت مقهور وما اعرف شسوي بس
الي افتهمته ان ما طول الشغله بيها حبوب ومخدرات اذن اكو
سر وهذا السر اعرفه لمن ما تطيب رضوى لو تكلي
منو غريمها واكتلهم واغسل عاري
لكن بالطريق فكرت كلت حتى هي ما عدها شي مستحيل
ليش قبلت بسلام عد فلوس واملاك كان
ممكن كل شي تسوي بدون محد يعرف ليش قبلت تنزل على
ضره هي بفترة وجودي ما اشوفها تطلع
الاي مكان لان الي شفته هي تريد تبقى يم سلام لان هي
تحبه
وصلنا وره الظهر البغداد تصدكون حتى ما وكفت جريت نفس
رضوى جان انتباهها قليل بسبب العلاج الي كتبه
الطبيب وهناك دخلتها بمصحه خاصه ورحت يم الطبيب الي
شرحتله كل شي لان هو راد يعرف كل شي بعد
ان سولفتله كال اذن هي مو من زمان تتعاطى ان شالله نكدر
نسيطر عليها ونسبة شفائها عاليه اذا تساعدنه لكن
الطبيب كال احتمال تفقد الطفل مو اكيد بس احتمال
وبقت رضوى بالمصحه وانا رحت اخذتلها ملابس وشغلات
ودفعت تامينات والدكتور كلي تكدر تجي كل اسبوع
تطمئن عليها واخذ رقمي
بتت بالفندق وبهاء كل شويه يتصل واطمنه الصبح رحت
للكاظميه زرت وطلبت من
الامام موسى بن جعفر (عليه السلام )
ان يساعدنا بجاهه عد ربه يساعدنه بالستر وظهور الحق لان
مو هينه عليه اشوف عرضي بهيج موقف
رجعت للبصره وقررت استمر بالشغل على ما تطيب رضوى
وبعدين اتصرف لان اتذكر شلون سلام كلي
ابقى علي يم رضوى على ما اكشف المؤامره
(اذن اكو مؤامره ومؤامره چبيره وانا لازم امسك اعصابي على
ما تتشافى رضوى )
رجعت للمعرض وصرت انام بي خابرني بهاء كلي //امي
رايدتك
انا خابرتها// سالتني على رضوى انا كتلها بالمستشقى
ورجعت حلفتها ما تجيب سيره على الي صار
رابع يوم العصر اجه فارس للمعرض انا تلكيته تسالمنا وهو
سالني
- - علي ليش ما تجي تبات يمي شعجب
:لا والله ما كو شي ابو الفوارس انا ساعات اتاخر بالشغل
وابات اهنا
- - الله عليك علي خو ما سامع شي
:لافارس شلقصه منين اسمع (اشوف بوجه فارس كلام يريد
يحجي )
انا بادرت //خير فارس احس عدك حجي
فارس /:اي والله علي بس ما اعرف منين ابدي
:منين ما يع

جبك
- - والله علاوي انت عزيز علينه الله شاهد ما شفنا منك الا كل
خير
:الله يخليك اي اسمعك
- - والله علي دزني سلام يكول علي يعرف هذا حلالي وحقي
وانا اريده
هزيت راسي //اي ان شالله يدلل
فارس /:علي هذا كلامه لازياده ولا نقصان
:وصل كلامه وانا جوابي نفس ماهو ان شالله
فارس /:والله علي ما اعرف شلي صاير بيناتكم لاسلام يحجي
ولا انت
:مي خالف فارس لا تضغط علينه
وراح فارس وبقيت انا ما اعرف شلون اتصرف لو اي احد
بمكان سلام جا سووا اكثر اتصلت ابهاء ورحت يمه
للبيت وامه هاي الانسانه الطيبه جابتنا العشا وكعدت وهي
تصبر بيه وتكلي //خاله رضوى شريفه وصافيه ابني
لا تستعجل وتتهور وبعدين نعض اصبعنا ندم
:لا خاله بس خلي تشفى والي تصرف
وحجيت البهاء وخالتي على طلب سلام
هم كلولي هم لا تستعجل وام بهاء كالت //مالك شغل هذا
يحچي ابحده من حرگت گلبه الله يعينه بس صدگني يمه
لو فواز عدل جا كل حلاله وماله انطا الرضوى
شكد كبرت ام بهاء بعيني لان على الرغم من انو سلام يصير
ابن اختها لكن حجت حجاية حق
💛💚💗💘💙💚💗💘💛💚💗
سلام
صار اكثر من شهرين وانا ورضوى عايشين فرحانيين صحيح
اشوف بعيونها عتب ولوم بس انا اطمنها
واكلها بس اكشف المؤامره اعلن زواجي وما اخاف من اكبر
واحد انا الصراحه جان خوفي على رضوى لان
اعرف كوثر وامها ولان انا دائما اروح للسيد ويقرا وينطيني
ماي اغتسل بي ودائما اسمع قران بس رغم هذا
اشوف رضوى صافنه وتجر حسرات
انا اكول لان تغار من كوثر وهي ابد من استلمت الورث اللحد
هسه ما يوم طالبتني بشي بالعكس الوارد مال
المحلات والمعرض كله يمي
بالاونه الاخيره اشوف رضوى تدوخ وراسها يوجعها ومن نروح
للمزرعه تلعب نفسها انا اكلها
حبيبتي هذا كله من التفكير
وهي تكلي =عفيه سلام خلي نرجع للبيت اشرب كهوه

اشوفها مو مثل كبل تتشاقى وياي جانت دوم تسرح وضايجه
وبس احجي وياها تصير عصبيه وانا عاذرها
لان اعرف هي شكد تحبني وتغار من كوثر
اما كوثر فجانت بهاي الايام هادئه جدا وما جانت تحجي ولا
ترادد ولا تعيط
ولا تسالني ليش ما تجي او اتاخرت فد يوم حاچيتها
::كوثر اليوم راح اتاخر مو يظل بالج وكل شويه تخابرين
هي ردت بهدوء /:براحتك سلام
::شعجب شو مو مثل كبل تعيطين وتحجين هسه كله بكيفك
وبراحتك
هي حظنتني وكالت بدلال /:يعني اذا اكلك تفهم وجهة نظري
::اكيد كوثر افهم اخبالاتج
كوثر وهي حاضنتني /:راح تشوفني دووم هيج هادئه ومطيعه
::وانا اسالج شعجب
كوثر /:بصراحه سلام جنت اغار من رضوى واخاف ترجع
تاخذها بس هسه انا مرتاحه كوثر خطبها صلاح
اخوي يعني راح تصير مرت اخوي بعد ما كو شي يخليني
احجي واغار واتنرفز
انا جاوبتها باهتمام ::شنو هي ردت الكم خبر موافقه
كوثر /:مبين سلام موافقه شوفها حتى سكتت ما كالت شيلو
غراضكم واصعدو فوك ولا سدت الفتحه بين بيت اهلي
واهنا مبين سلام تسوي هيج على مود تبيض صفحتها
::هذا رايج
كوثر /:اي سلومتي ما تشوفها حتى هي هادئه
::بيها الخير يستاهل صلاح
وطلعت وانا كوه ضام ضحكتي واحجي ويه نفسي ::شكد
خطيه بيت عمي طاهر عبالهم رضوى موافقه
قبل الحادث بليله رجعت ودخلت للغرفه راسا بدلت ودرت
وجهي ونمت اجت كوثر وحضنتني وكلتلي
حبيبي سلووم باچر بيت خالي عازمينه اقصد عزمو امي وابوي
وامي تكول امشي ويانه انت شتكول
انا درت عليها كتلها ::ها بكيفج اذا تردين ترحين روحي
كوثر /:اي والله فدوه سلام من زمان ما شايفتهم ما نتاخر
نبقى للعصر ونرجع
::براحتج حبيبتي اصلا انا باجر عندي شغل الفوك راسي اكلج
اخذي عطاء خلي تغير جو
كوثر /:لا باجر عطاء تكول اروح اشوف بيبيتي لان مريضه
وخاله سهير تريد تروح الاهلها
::زين سلميلي على بيت خالج
كوثر/:الله يسلمك ليش ما تجي ويانه
::اتمنى بس شغل مو فاضي
كوثر //بكيفك حبيبي حبيتك تغير جو
::ع الجايات ان شالله انتي من ترحين بلغيني
كوثر // ليش سلام
:: يعني يجوز يصيرلي مجال واجي الظهر اتغده
بليلتها فكرت انو اذا كوثر واهلها يرحون وعطاء وسهير ما
موجودات انا اجي يم رضوى لان هالايام ما اعرف
شبيها كله ضايجه وراسها يوجعها اتقربت الكوثر لان هي هم
زوجتي وهالايام صايره زينه ومبتعده عن رضوى
الصبح طلعت من وكت لان اجتني بضاعه واتريكت بالمحل
الساعه 11
اتصلت كوثر وكلتلي رايحين هسه طلعو من البيت وانا چان
يمي شكم معميل خلصت الشغل وجاي اريد اخلي واحد
من العمال ياجرلي سياره تكسي اروح بيها البيتنا اخاف احد
يجي لكن تفاجات بجية صلاح ابن عمي
صلاح /:السلام عليكم اشلونك سلومي
::هلا هلا شلونك
صلاح /:الله يسلمك جان عندي شغل يم محلك وكلت امر
اسلم عليك
::هلا بيك صلاح محلك
صلاح /:تسلم حبيبي بس اذا اعطلك اروح
::يمعود وين تريد تروح
صلاح /:احنا اليوم ابيت خالي بس مثل ما كتلك عندي شغل
ومريت بيك
::هلا ومرحبا اامر صلاح
صلاح/؛الله يخليك جايك بموضوع واريد مساعدتك
::تدلل
صلاح /:سلام اريدد تحجي ويه علي على مود رضوى
انا بارتباك ::هاا شنوشحجي
صلاح /:اريد يستعجل

بالرد مو تشوفه صارف نظر
جاوبته ::الصدك صلاح ما منتبه انا بس مي خالف بس اشوفه
راح احجي ويا
صلاح/:تدري رضوى بت عمتي واحسن ليش تروح للغريب انا
اولى

انا ودي اكوم اكسره الحقير هسه كلها رادتها على مود فلوس
فواز جاوبته وانا احك بحنچي
::مفهوم مفهوم احجي ويا واردلك خبر
وبقى لاطش يمي يسولف وانا اريده بس يروح بعدين اجا
تلفون كلي
صلاح /:الكعده وياك ماتنمل بس خابروني لازم اروح البيت
خالي
بكلبي اكله ::دروح لزكت خو ما لزكت
طلع صلاح شفت الساعه 12 رحت اتوضيت وصليت واريد
اطلع من المحل اتصل رقم علي رفعته كلت
الو الو الو
ما جاوب بعدين وصلني من نفس الرقم مقطع فديو فتحته
وانا انصدمت
ما اعرف بس صعدت بالسياره واريد اوصل حتى اخلص على
رضوى
جان الوضع محد يتقبله وما بي اي مجال للتفكير او الشك لان
بغرفتها
وچانت تضحك وهو حاضنها وصلت للبيت قبلي شفت سيارة
علي وكبل دخل للبيت وانا ورا دخلت الغرفتي طلعت
المسدس ورحت يمهم بس هي صارت لا اراديا وره علي الي
تلاوينا انا ويا واخذ مني المسدس وكلي
شرفنا احنا مسؤولين عنه واحنا نغسل عارنا انت اتكتر
واخذها وطلع جانت لابسه دشداشه نص قصيره وشعرها
منكوش من رادو يطلعون شاف عبايه وشال راد ياخذهن
بس انا كتله
::لا تطلع بذني وبختها بيك لو لازمها هي وصاحبها جا طلعتها
مصلخه
علي /:حقك حقك
وراح علي وانا بقيت مثل الطير المذبوح ارجف وابجي واغم
بروحي واطك راسي بالحايط
::ما بيها مجال رضوى خانتني خانتني يعني كل كلامها چذب
هي چانت الها علاقه ويه فواز ويجوز هو ما حب
تصير مرته لان يعرف بيها ااااخ شلون عفتها ما موتتها بايدي
شلون
ظليت متمدد على وجهي بالصاله وكل شويه افتح نقالي
واباوع للمقطع واشوف مرتي بحضن واحد وفرحانه
اجتني ترميشه من علي عبالي يكلي كتلتها بس هو سد
التلفون
بقيت بالبيت ما اكدر اوكف اسيطر على نفسي المغرب
اجوبيت طاهر ودخلت كوثر لكتني متمدد بالصاله على
وجهي وصلت يمي كالت
كوثر /:ها سلام انت اهنا
انا ما جاوبتها كامت تكلي //سلام سلام شبيك شصاير
هم ماحجيت ولا درت وجهي اجت صبيحه بالمطبخ صاحت
عليها
صبيحه /:كوثر راسي يوجعني اريد حباية
كوثر بخوف /:تعاي ماما تعاي شوفي سلام ما ادري شبي
اجت صبيحه وهي تكول /:اسم الله ياستار شبي سلام
كوثر وهي تبچي /:ماما اول ما اجيت لكيته متمدد احچي ويا
ما يجاوبني
صبيحه /:شبيج خوفتيني ام دميعه تبجين كل شي ما بي تعب
من الشغل
واتقربت صبيحه يمي ولزمت جتفي وهي تكلي //عمه سلام
اكعد روح ارتاح بغرفتك كوم يمه شبيك
انا ما رديت كوثر تكل الامها /:ماما صيحي للولد خلي ياخذو
للمستشفى اخاف من وكعة ذاك اليوم
صبيحه //يمه ما تشوفينه نايم ظلي يمه ومن يكعد فرچي
رجليناته وشوفي شيريد ما بي بس العافيه انا
رايحه حتى نسيتيني وين حبوب الراس
كوثر /:اي بالثلاجه
- - دا تعاي انطيني وحده راسي موتني
وراحت كوثر وانا بقيت متمدد ما اكدر ارفع راسي اخاف اكعد
واعرف الناس كلها تدري برضوى خانتني وجانت
نايمه ويه واحد بغرفة نومها
مجرد التفكير يخلي الواحد يكره نفسه شلون وانا شفتها بعيني
گمت على حيلي ورحت كبل قفلت غرفتها وخليت
المفتاح بجيبي ودخلت الغرفتي واخذت حمام وصليت
وبعدين اخذت السويج وطلعت شافتني كوثر جانت بالمطبخ
- - ها حبيبي كعدت
::اي
- - زين شنو مشتهي اسويلك عشا
::ما اشتهي اريد اطلع
- - وين تطلع مو تعبان
انا ما جاوبتها وطلعت بالسياره ظليت افتر ما اعرف وين
ارووح وصلت يم شط العرب جان ليل والناس
طالعه والعوائل والاطفال انا وكفت يم الشط وكلبي نار
واعاتب بروحي ليش ما كتلتها ليش عفتها تروح ويه
ابن عمها
اتصل عليه علي گلت اكيد راح ايكلي كتلتلها الصدك ظليت
ارجف فتحت الخط هو كلي
سلام رايد جنسية وشهادة جنسية رضوى
انا اتنرفزت ودي الزم علي واشرب من دمه كتله ::ليش انت
تريد تغسل عارك لوتقبض كميه
وسديت التلفون بوجهه وقررت افضح رضوى بعدين اتذكرت
انو محد يعرف بيه متزوجها ومن افضحها راح
تصير هواي امور خلي بالبدايه اشوف ابن عمها شيسوي
خصوصا وحلال فواز كله باسمها لازم افكر شلون
استرجع منها كل شي اخذته من فواز وبعدها افضحها واذا
علي ما كتلها انا بايدي راح اكتلها

صرت ادخن وانا ارجف وكلبي نار مقهور مهضوم صرت ابچي
ما اعرف شسوي
ولچ رضوى اول مره اكول چذب وهسه هم چذب
رجعت للبيت وانا محبط ولكيت كوثر منتظرتني ما باوعت
بوجهها اتمددت على فراشي بدون ما احچي واحس بالفراش
عبالك سجاجين منين ما ادور تذبحني اتقربت مني انا
غمضت عيوني كوثر گالت
حبيبي نايم بملابس الشغل سلام اگعد غير ملابسك
ما جاوبتها وهي ما لحت وياي بليلتها ما غمضلي جفن ثاني
يوم ما رحت للشغل كوثر بس سالتني
- - شنو سلام اليوم ما تروح للشغل
انا مغلس ماحجيت بس كتلها ::لا
هي عافتني وسدت الباب وره ساعه اجت صبيحه وكعدت
بالصاله وهي تسال بكوثر
- - ها يمه شلون صار رجلج
- - سوده عليه ماما تعبان اليوم حتى ماكدر يروح للشغل
- - اخابر صلاح يجي ياخذه للطبيب

- - لا ماما خلي نايم ومرتاح
- - اندري شبي سلام بس حقه يتعب مخلص وكته بس شغل
لا سفر لا ونسه الله يساعده
كوثر // ماما غير يريد يلحك على هالدنيا
- - لا يمه سلام همه حقه تعبه وتعب اخو يصير فال رضوى لا
تشوفينه ساكت تره كلبه نار على حلال
اخو بس ما يكدر يحجي وبس يحجي يكلوله اتزوجها تضمن
حقها وانت تضمن حلال اخوك ما يروح للغريب
كوثر // شنو هالحچي هذا ماما اصلا سلام ولا يفكر بيها
صبيحه / /. منو يكول ما يفكر بيها هو من گبل يريدها
كوثر //لا ماما سلام يحبني ومستحيل يفكر برضوى او يريد
يتزوجها هو ما يشوفها غير وحده خاينه شنو
عبالج سلام نسى من شافها هي واخو بس هو ساكت يريد
يحاول ياخذ منها حلال اخو وحلاله
صبيحه // اي والله خطيه سلام نص تعبه صار الها وانوب
جابت ابن عمها يجوز ...
قطع كلام صبيحه الجرس وراحت كوثر وهي تكول //ها عمه
شلونهم اهلج
سهير //الحمد لله وانتم رحتو البيت خالج
ودخلت سهير للصاله //ها اهنا ام صلاح شلونج
- - هلا ام انمار اشلونج واشلون اهلج
- الحمد لله يسلمون
- الله يسلمج
سهير فتحت تلفزبون الصاله وعلته وكوثر كلتلها //لا عمه
نصي التلفزيون سلام نايم
سهير /:يا سلام اهنا شعجب
كوثر /:اشويه تعبان وكال ارتاح اليوم
سهير/:شخيره
كوثر /:راسه يوجعه
سهير /:ورضوى وين
كوثر/:عمه ما شفتها يمكن بغرفتها
سهير // يعني كوثر اجيتي وما شفتيها
صبيحه // لا ما شفناها تلگينها لو نايمه لو رايحه البيت امها
سهير/:اي هي هم حقها بس كاعده بالبيت لا تطلع لا تمشي
هم الله يساعدها
كوثر/:بس هي كاعده بغرفتها معززه مكرمه
صبيحه /:هسه ياخذها صلاح ويونسها وترتاح تره هي هم
خطيه شبعت ضيم ورادت تموت روحها
سهير /:وانوب مات فواز او ورثته ياضيم الشبعته صبيحه اشو
كلنا كاعدين عدها
كوثر /:يمه عمه سلام نايم على كيفجن
سهير/:وانتي بالله يمته ناويه تسويبنه طفل
كوثر /:الله كريم
سهير /:والنعم بالله بس هم الوكت يمر ومن حقج بطفل
وسلام هم لازم يفكر بقى وحيد ويرادله سند
كوثر /:ان شالله عمه هو انا هاي اخر مرحله وره امتحانات
نصف السنه احمل على مود ما باقي شويه واتخرج
وافضى للحمل والولاده
سهير /:حبيبتي كوثر تستاهلين الله يرزقج بالولد الصالح
صبيحه // فدوه العينج ام انمار
وصعدت سهير وكوثر راحت للمطبخ بس كل شويه تطل عليه
الظهر كعدت صليت وجابتلي غدا ما اشتهيت
اكل بس هي جبرتني اكلت شويه ورجعت اتمددت خليت
النقال صامت
ثاني يوم رغم البيه طلعت رحت للمحل وظليت اشتري
بضاعه وابيع واتصلت بفارس هو اجاني وكعدنا كلي
-شبيك سلام
::لا تسالني فارس رايدك بخدمه وبدون ما تسال تكدر لو
اودي غيرك
- شلقصه سلام هيج صار الحچي
نفخت بقهر :: فارس اريدك تروح على علي وتكله سلام
يكول اريد كل حلال فواز
فارس /:ايي
::شنو اي تروح تكله سلام يريد حلال فواز
فارس /:يعني اروح العلي واكله بس هاي الجمله
::اي فارس
فارس /:صار باجر اروحله لان اليوم معزوم ابيت عمي رحمن
:: مو تنسى فارس باجر تروح
فارس /:ولو كتلي لا تسال بس تدلل
ثاني يوم اجه فارس وكلي بجواب علي ان شالله
انا اتشكرت من فارس وقررت انا اروح العلي للمعرض
رحت العصر ولكيته كاعد بالمكتب دخلت سلمت ابرود
::السلام عليكم
علي رد بنفس البرود وبقى بكعدته /:عليكم السلام
كعدت وكتله ::الله بالخير
هو رد /:الله بالخير
::علي من الاخير انا جاي اريد حقي وحق اخوي يعني اريد حلاله
ودزيت فارس وانت كتله ان شالله
علي بكل برود //بس انا ما اعرف ياحلال هذا التحجي عنه
::ها ما تعرف هذا الي انت كاعد بي وباقي الاملاك الي صارن
من حصة ...
علي /:ليش سكتت حصة مرته الي هي هسه مرتك
::لا هي مو مرتي انا راح اطلكها
علي// وشمنتظر طلگها
::والله منتظرك انت تغسل عارك وترجع كرامتك
- هذا شي راجعلي اغسله ما اغسله بس بمعلومك اذا طلكتها
فلس ما الك يمي
انا بعصبيه ::شنو شتكول
علي /:مثل ما سمعت استاذ سلام انت الك يمنا تعلن زواجك
ونمشي عليك ونفصلك لان بتنا خانتك ابيتك اقصد بيتها
وهي على ذمتك الك عدنا بس الفصل واي شي غير هذا
ماالك
جاوبته ::ها هيج
علي /:اي والله هيج كل العليك تعلن زواجك وتراوي التصوير
الاهلك والباقي علينه
جاوبته ::انت شتحجي علي انا ما اعترف لابيك ولا ابت عمك
اريد حلالي وبكيفك انت وبت عمك تتباصرون
تريد تكتلها تريد تلزم عليها جيس
علي /:مقبوله منك وانا هذا العدي الاملاك باسم رضوى وانا
ما كتلتها اريدك تطلكها او تعلن زواجك على مود
اعرف اتصرف
::مو اكلك الزم جيس احسلك ليش هو الشرف يتاني فلوس
واملاك
علي /:والله احنا هيج كواو،،وشعدك احجي
وكف علي وانا وكفت وكتله ::شوف ولك اكدر هسه اصيح
للعمال واطلعك بالجلاليق لكن كل شي بوكته حلو
علي /:وانت اذا تگدر هم لا تقصر تريدني اصيحهم وشوف
ايطلعون منو انا لو انت
طلع سلام وهو يتوعد بعلي وركب السياره وخابر عمته عليه
هي كلتله /:هلا عمه هلا بيك اشل...
هو ما خلاها تكمل حاجاها /:شوفي خابري علي اب

ن عم بناتج
وخلي يجيب لي من بتج الشريفه تنازل لا بالعظيم
وين ما تكون اذبحها وافضحها واسمعي جية للبيت ما الج لا
تخليني اسوي تصرف انتي تندمين علي
سلام سد التلفون بوجه عليه اما علي بقى صافن يفكر
شيسوي وهو مقهور من كلام سلام وعليه ظلت محتاره
تتصل على رضوى ويطلع مغلق

يتبع

#بارت25
____
علي
اتصلت بيه ام رضوى وانا اسمع بصوتها الخوف والاستغراب
- - الو علي يمه شصاير
علي //هلا عمه ما صاير شي
-يمه كلي شبيها بتي او وين هي
:عمه ماكو الا كل خير شنو شبيج منو وياج
-عليك الله علي شبيها بتي
:عمه اريد اشوفج وما اكدر اجيج للبيت
-جا شلون يمه تعال البيت اختي ام مقداد
:لا عمه انا اكلج روحي كدامي البيت ام بهاء
-ها خوش هسه راح اروح لا تتاخر عليه بروح ابوك
:روحي كدامي انا جاي
وصعدت بالسياره ورحت البيت ام بهاء الله ينطيها للمره
استقبلتنا ابيتها رادت تعوفنا بس انا ما قبلت كتلها
ابقي يمنا انتي تعرفين بالصار
وسولفت لام رضوى كل شي وراويتها التصوير هي خطيه
ظلت اتدك على وجهه وتبجي وتكول
- والله جذب ابنيتي ما تسويها حتى اسال ام بهاء
انا رحت يمها وكتلها //عمه ما اكدر هسه اسوي اي شي
خليها تتعافى وبعدين الله كريم
ام بهاء /:والله يمه علي رضوى ليره ذهب وانا مسؤوله عن
كلامي
انا بقهر /:خاله والتصوير اتمنى بس الزم هذا الوياها جا شفيت
غليلي
ام بهاء /:يمه ويجوز كل هذا لعبه
انا جاوبتهن /: لعبتيش ما تشوفينها بس عفيه بيه وصابر ما
كتلتها
ام بهاء // يمه علي انت خوش ولد وحليم لاتسوي شي بعدين
تندم علي
جريت نفس وجاوبتها. // خاله ابن اختج ايعير بيه يكلي الزم
عليها چيس
ام بهاء // يمه الله يساعده ابن اختي الشافه مو شويه
جريت نفس وحاچيت ام رضوى // المهم ما اريد احد ياخذ
خبر بان رضوى جاي تتعالج او هي حامل وانتي عمه
اذا خابرج سلام كليله حجيت ويه علي ويكول يدلل بس
ينطيني مجال وانا اتصرف وسوي روحج اي شي ما
تعرفين حتى اساليه شنو صاير وليش هيج حجى وياج وكليله
شو انا اسال علي يكلي ما صاير شي رضوى
رادت تروح الكربلا وانا اخذتها برضاة سلام
عليه // عمه واذا صار يحچي ويغلط
ام بهاء // اتحملي عليه مي خالف خلي البت تنتبه النفسها
وتجاوبنه
عليه اتقربت مني وكالت // شوف علاوي گدام ام بهاء اذا
رضوى طلعت واعيه للتسوي وبارادتها اريدك بايدك تكتلها
وتغسل شرفك ما اقبل اي واحد يجيبلك بالمو زينه من وره
بتي
ام بهاء // اذكري الله عليه
عليه بعبره // هو انا شعدي غير الله هو عالم بحالي
راحت البيتها ودمعتها بعينها ردت اوصلها البيتها بس ام بهاء
كالت
-لا بهاء ياخذها وانت ابقى رايدتك وبقيت ام بهاء سالتني
//يمته تروح تشوف بت عمك
انا جاوبتها /:اسبوع الجاي
ام بهاء /:زين جا انا اروح وياك
انا /:لا خاله بالوقت الحاضر ما اريد اي احد يوصل الرضوى
اريد اعرف الحقيقه منها هي وبس
ام بهاء بعتب /:يمه شنو انا من اروح عبالك القنها لو اعلمها
شتگول
:لا والله خاله بس اريدها هي تكلي بدون ما تسمع او تتاثر باي
شي
ام بهاء /:يمه واذا ماحجت شتسوي
انا جريت نفس وعضيت على شفتي // المصيبه حامل ما
اكدر اسوي اي شي
ام بهاء /: يمه علاوي لا تستعجل ابني لا تستعجل وتتندم
انا بحركه /:خاله بس هاي عرضي وشرفي وادنس وگدامج شنو
عبالج الوم سلام من يحچي لا والله خاله
ما الومه
ام بهاء /:حقك واي واحد ابدالك يسوي اكثر اسم الله خاله ان
شالله الله يبرد كلبك ها علاوي ولاتلوم سلام تره
هم الله يساعده
انا /:ادري خاله بس اريدها تنتبه وداعتج يوميه اكول اروح
اكتلها واغسل عاري بس ياخاله تلزمني الروح
الشايلتها شنو ذنبه
ام بهاء /:الله كريم يمه والله الله راح ينصرك جي تخاف منه
كوول ياالله يابني هاي الزلم كل شي يسدي عليها
وانت سبع وما ينخاف عليك ومن رضوى گالت اريد ابن عمي
سند الي ما چذبت
- - شلفايده خلت راسي بالطين
ام بهاء // شوف علي انا مو شفت المقطع صوره وصوت بس
ما مصدكه لان انا الي اعرفها يمه استهدى
بالرحمن وعينك بعين الله
انا /:خاله ما عندي غير بس الله والله لوسمعتي شكلي سلام
جا انتي المره كتيلي روح اكتل رضوى بايدك
بس انا اريد اعرف كل شي على مود الله ما يحاسبني
ام بهاء/:عفيه ابني الله يوفقك

انا ردت اروح ام بهاء كالت ما تروح الا تتعشى وحتى تبات
وخابرت بهاء
جايب اكل جاهز وبقينا انا ويا نسولف وبعدين رحت رغم لزمو
بيه ابات يمهم هالمره رحت الفندق بتت بي
والصبح طلعت للمعرض وبقيت ما اطلع من المعرض اشتغل
وابيع واشتري قبل الحادث جنت ادز الوارد يوميه
السلام بس هاي العشر تيام ما دزيتله
اي فلوس خليتهن عدي لان اكيد بالمصحه نحتاج فلوس جان
يوم اربعاء عصر وقررت اروح اشوف رضوى وفعلا
توكلت ورحت بالطريق انا صافن وبس اتذكر الحادث كدامي
الشي الي اذاني لمن ما تكدر تسيطر على نفسها من انطيتها
قميصي
نزلت استراحه بالطريق وشربت جاي ما اشتهي اكل شي
والتلفون بايدي وانا اباوع للمقطع واسال اكول منو دزا
اكيد نفسه الي بالصوره ولازم اعرف منو هو
اتذكرت ابو غياث نسيبنا ياسر هذا زوج بت عمتي ولد ضابط
جبير بالدوله خوش انسان يتمنى يخدمنا اتصلت
جاوبني
ياسر/:هذا منو البذات شنو تريد تموت لو حلمان
:

الله يساعدك ابو غياث
ياسر/:هلا بيك ابو حسين شعجب اكول اليوم الجو صافي
والهوى عذيبي
انا/:تسلم يالطيب شلونك وشلون ام غياث
ياسر/:وداعتك علاوي بت عمتك ماكو اثنين منها تشوفني انا
خو تدري زلم ترجف مني بس يا اخي يمها
وداعتك فار اصير مو مره تگول نسره
:ههههههه والله عفيه عليها خوش مروضتك
ياسر/:شوف هذا اكله فار حتى مو جريدي المهم اشلونك
الولد عمتي
:كلنه زينين الحمد لله
ياسر/:اي ابو حسين امرني
:تسلم اريد امر عليك عدي شغله وياك بس اريد اعرف يمته
متفرغ
ياسر/:باي وقت انت بس مر
:تمام باجر ان شالله يمك
ياسر/:زين غداك يمنا
:ابو غياث ما اجربكم بس جايك بشغله ما اريد ام غياث تعرف
بيها
ياسر/:زين الصبح انتظرك الساعه عشره
:ان شالله نتخابر واجيك
ياسر/:هلا بيك ابو حسين
وصلت البغداد بالليل واخذت غرفه بفندق سبحت ونمت
والصبح رحت على ابو غياث خابرته ورحت علي بالمكتب
لاكاني وتسالمنا وسؤال وجواب عن الاهل والاحباب بعدها
جابولنه جايايت انا باوعتله وكتله
:ابو غياث انا جايلك بخدمه واريدها منك
هو كلي /:مكضيه ان شالله تدلل انتم خوال ولدي والنعم منكم

:والنعم منك ياسر انت خوش زلمه وانطيناك بتنه
:اي ابو حسين كلي شنو تريد احجيها بدون مقدمات
وطلعت الرقم الي وصلني منه المقطع وكتله //اريد اعرف هذا
الرقم منو صاحبه
-ليش ابو حسين
:الصراحه وصلني منه تهديد ما اعرف شيريد مني وبعدين
فجاه غلق الخط
-شنو نوع التهديد
انا باوعت الياسر وكتله /:ابو غياث هاي مساله حياة او موت
واريدها منك
ياسر/:تدلل علاوي بس هاي شويه بيها اجراءات يعني لازم امر
قاضي ولازم شكوى
:لا ابو غياث اذا شكوى وقاضي جا ما اجيتك ردت مساعدتك
اخ الاخو
ياسر /:ان شالله راح اسوي كل الي اكدر علي واحاول اجيبلك
اكبر عدد ممكن من المعلومات بس اريد اخر
مره اتصل بيك يمته
وانطيته الوقت وردت اطلع هو لزمني كلي
ياسر/:وين رايح حبوبي بت عمتك تنومني بالشارع -وصار
يضحك-
:ابو غياث ما جاي اجربكم بس تعذرني
ياسر/:عمي صلي على محمد امشي وياي الساعتين ما راح
تعطل الشغل

ورحت ويا البيتهم ما شاء الله قصر ولاكتني بت عمتي
وسؤال وجواب وجابو الغدا ابو غياث بطبيعته انسان
اريحي ودائما مبتسم بس بالدائره غير شكل
بعد ما تغدينا وشربنا جاي انا استاذنت كتلهم عندي شغل
ورحت للفندق سبحت وبدلت وطلعت العيادة الطبيب
المشرف على معالجة رضوى
اخذت باص وانتظرت ودخلت علي هو رحب بيه وكعدت
سالته //دكتور شخبار رضوى
كلي /:احجيلي الصدك شتعود الها
:دكتور انا ابن عمها بمثابة اخوها وبالحقيقه تكدر تكول ولي
امرها
الدكتور /:شوف يا استاذ علي الي اشوفه رضوى متعاطيه
هاي الماده بدون ما تعرف ليش وشنو السبب ما
عندي علم هاي تبقى يمك لان فعلا اول ايام اتاذت حييل لكن
بمرور الوقت جاي انشوفها بدت ترجع الطبيعتها
انا /:يعني دكتور رضوى طابت
الدكتور /:انا كلت بدت تستجبب للعلاج وهذا شي يبشر
بالخير
- - وبعدين زوجها سلام وين لان هي بس تصيح باسمه وتريده
انا /:يعني دكتور هي رجعت مثل قبل
الدكتور /:تقريبا وصلت الى الشفاء بس هي متعجبه شلي
جابها اهنا
ودائما تسال على زوجها
انا /:دكتور ارجو ان تتحملني يعني هي مو مدمنه
الدكتور /:هي متعاطيه بس ما واصله الى حد الادمان الادمان
والدليل جاي تتجاوب بس هي تريد تشوف زوحها
انا /:للاسف دكتور زوجها طلكها -اظطريت اكول هيج حتى لا
يكلي لازم يجي -
الدكتور /:يعني الي افهمه منك انو هي صارت تتعاطى بعد ان
طلكها زوجها
انا /:لا دكتور هي ما تدري بزوجها طلكها لان جانت يمكم
بالمستشفى
الدكتور /:مفهوم بس هذا الشي اذا عرفت بي اكيد راح
تنتكس -ظل يدك بالقلم ع الميز مالته -وباوعلي وكلي
- - تماام اذن حتى انت ما اريدها تشوفك بالوقت الحاضر
انا وكفت وتسالمت ويه الدكتور وكتله /:هذا هو دكتور
تلفوني يمك وانا حاضر الكل شي باجر اروح للحسابات ادفع
الدكتور /:اي مر علينه باجر الصبح بس علي اتمنى هاي الفتره
ما تشوفكم ونبقى على تواصل وبعد شي
انا /:أآمر دكتور
الدكتور ':اتمنى ياعلي انك من تجي مره ثانيه تصارحني بكل
شي على مود نعرف شلون نعالجها وما نخليها تنتكس
هسه انت روح وباجر مر علينه وان شالله خير
انا /:شكرا دكتور
وطلعت بالسياره رحت زرت الامامين الجوادين (عليهما
السلام )وصليت وبقيت فايت وكت طلعت شفت محل
ملابس رجاليه اخذتلي شكم قطعه ورحت للفندق نمت
والصبح تريكت وطلعت للمصحه وانا قررت اصارح
الطبيب بكل شي اقصد اراوي المقطع وشلون وكعت وطلعت
حامل
وصلت ودفعت للحسابات ورحت للطبيب انتظرت على ما
هو دز عليه وسولفت كل شي اعرفه من خابروني
وكلولي تعال الى ان جبتها للمصحه
الطبيب كلي //استاذ علي اكو حلقه مفقوده
انا /:اي دكتور ولازم الكاها واعرف اكو شي تعرفه رضوى هو
الي يساعدني ويوصلني للحقيقه
الدكتور كلي /:انا ما استبعد حتى زوجها يكون اله يد بهاي
اللعبه
هزيت راسي بالنفي // لا دكتور زوجها يحبها بس يمكن راح
تتوضح عندي الامور
الدكتور /:انا راح ا

كثف العلاج واي شي تلفونك يمي واسمعني
علي كول الف الحمد لله والشكر انت جنت موجود
واتفهمت الامر والا كانت المسكينه انقتلت او تشردت
بالشارع بفضيحه
انا /:الحمد لله والشكر وان شالله تظهر الحقيقه
الدكتور /:استاذ علي انت تحس ابت عمك بريئه
انا /:والله دكتور انا بت عمي ما الي تواصل وياها الا من مده
قصيره بس الي صار والي دز المقطع جان اهم
شي عنده انو رضوى تنقتل
الدكتور /:صحيح هو هذا الي اريدك تعرفه وشي اخر مهم
اريدك تعرفه اسمعني خلي اگلك انت عندك احساس
انو بت عمك بريئه لكن انا رغم اعرفها من ايام قليله انا متاكد
من براءتها مليون بالميه لذلك يا علي الي اريده
منك اذا تريد توصل للحقيقه انو لازم تحافظ على هدوء
اعصابك ولا تنجر وره اي احد يحاول يستفزك صحيح
انو الشرف غالي والمجتمع ما يرحم لكن لاتنسى انو هذا الي
صار يخصك الك ويخص سمعتك فه الي اريده منك
تخلي اعصابك بثلاجه يعني حاول ان تتصرف ابرود وهدوء
وتفكير
جريت نفس قوي // ان شاالله دكتور هسه اسمحلي واشكرك
هوااي واي شي يصير تلفوني يمك
الطبيب // العفو هذا واجبي هسه انت روح واتمنى اشوفك
بعد اسبوعين

طلعت راجع للبصره وقررت بطريقي امر على اهلي وصلت
شفت امي واخوي الزغير وانطيتهم مصرف
ردت ارجع امي كالت
- - ليش ما تبقى نشوفك
...ان شالله بس اكمل الشغل اجي وابقى على ما تملون مني
امي // علاوي بات وباچر اتوكل
وبتت يم امي الي تسالني عن احوالي وبس كون مرتاح بشغلي
اجاوبها وانا افكر برضوى وشسوي بيها
وبقيت اسال نفسي // اسولف الاخوتي على الي صار لو
اسكت وخاف سلام يجي ويفضح كل شي
وقررت اسكت وحتى لو سلام فكر يجي ويحچي ذاك الوكت انا
افهمهم الموضوع ونشوف شنسوي
الصبح رجعت للبصره وانا كلام الطبيب يرن باذني بان هو
متاكد انو رضوى بريئه والي صار لعبه قذره
وقررت اخذ بكلامه وانتظر وصلت وره الظهر
طلعت للمعرض العصر اتصل عليه المحامي رأفت كلي
- - اريد اشوفك وراح اجيك هسه انت وين
انا جاوبته //بالمعرض
- - انتظرني جايك
وفعلا نص ساعه واجه استاذ رافت انا اتلكيته وكعدنا
بالمكتب وصيت على چايات واكدت ع العامل يخلينه
ابحدنا وره ما شرب الجاي المحامي كلي
استاذ علي راح ادخل بالموضوع راسا
اي اتفضل استاذ اسمعك
المحامي /:سلام اجه عليه وكلي اقدم دعوه مفادها انو بت
عمك رضوى مختفيه هاي الها ما يقارب العشر ايام
وبصراحه حسيت انو جاي يتهمك
انا باستغراب /:يتهمني بشنو
المحامي /:انت المسؤول عن اختفاء رضوى يعني يريدني
اشتكي عليك
وانا بصراحه ما حبيت اقوم باي شي الااجي وتوضحلي-بعدين
باوعلي وسالني -
علي وين رضوى
انا من جان يحجي المحامي صرت افكر وجاوبته //استاذ
رافت اريد اسالك سؤال
المحامي /؛اتقضل اسال
- - استاذ انت محامي رضوى لو محامي سلام
المحامي /:لا انا بالحقيقه جنت محامي فواز الله يرحمه وبعد
وفاته زوجته طلبت مني ابقى ادير اعمالها واتصور
بوجودك صار هذا الشي
انا /:ها يعني انت محامي رضوى
- اي نعم
:ما طول هيج باي حق يجي ويكلك رضوى مختفيه ويريدك
تشتكي عليه
المحامي /:استاذ افهمني انا هم من حقي اعرف وين رضوى
خصوصا وانو سلام شريكها يكول هي مختفيه
-وانا اكلك رضوى موجوده وما بيها شي
:اي انا اريد اتاكد لان هي موكلتني بجميع اعمالها
انا اتقربت علي وكتله /:شوف استاذ تدري كلش زين انا ابن
عمها
او ولي امرها واتصور هي اكثر من مره كلتلك انو انا اتصرف
باي شي يخصها مو صحيح
المحامي /:اي صحيح لكن هذا ما يمنع اعرف هي وين
-استاذ انا اكلك هي موجوده
المحامي /:تمام بس اريد انبهك سلام اذا اشتكى موقفك
يكون صعب
انا جريت نفس /:استاذ سلام ما اله اي حق يشتكي مو هسه
راح
ابينلك انو سلام جاي يتبلى عليه بس لا تنسى الي تسمعه
يبقى ضمن اسرار العمل
المحامي //طبعا اكيد
وخابرت سلام بالبدايه ما رد بس من لحيت رد عليه طبعا
فتحت الحاكيه
سلام ::الو نعم
اشلونك سلام -هو بدون نفس رد عليه -
سلام ::اهلا اتفضل
زاد فضلك بس حبيت استفسر منك
سلام ::خير شرايد
مو انا الرايد سلام انت متصل باستاذ رافت وتكله رضوى
مختفيه وجاي تتهمني سلام موانت الي طردتها
الظهر وحتى ما خليتها تخلي على راسها حجاب
سلام بعصبيه ::اي وشتريد
انا /:انت باي حق تتهمني انت شتعود الها انا المسؤول عنها
وانا ولي
امرها وانت ما الك اي دخل
سلام ::ولك علي نسيت نفسك نسيت هي مرتي
انا /:بلا غلط جانت مرتك وهسه تطلكها وغصبن عليك
سلام ::وانا مستعد بس تتنازلي عن كل شي
انا /:هههههههه والله ضحكتني شنو تتنازلك بابا انت ما الك
يمنا بس الفصل
سلام ::اي دا اكتلها واغسل عارك وبعدين احجي عن الفصل
انا /:وليش اكتلها انت تريدني اليوم امشي عليك وافصلك
واذا طلكتها كل شي ما الك يمنا
سلام ::انا من شفتك حسيت بيك انت كرن
- - ما راح ارد عليك لان انت واحد غبي شوف بابا تريد اتطلكها
خيرا على خير ما تريد اتطلكها النه حديث
اخر ها ولا تنسى انتم كاعدبن ابيتها
سلام بعصبيه ::انا اعلمك كو،،،،
رديت باستفزاز //

مقبوله منك
وسديت التلفون واشوف المحامي متعحب وهو يكول
-يعني سلام متزوج ارملة اخو وما يريد احد يعرف وجاي يغلط
عليك وانو تجاوبه ابرود شلقصه
انا جاوبته /:استاذ رافت انت قبل ما تكون محامي انت اخ
المحامي /:والله صحيح بس ان..
انا /:خلي اكمل استاذ رافت اذا اجه سلام مره ثانيه حاول
تمتص غضبه وتطمانه انت راح تشتكي عليه
وتحاول اتماطل ويا كل الي اريده منك اسبوعين وبعدين راح
تشوف رضوى وما اريدك تحسسه انت تعرف شي
المحامي /:استاذ علي مي خالف انا احاول ابرد سلام ولو هو
اذا زواجه بالسر ما اله حق يقدم دعوه الي
الها حق امها وحضرتك لكن اذا سلام قدم العقد للمحكمه راح
يصير غير حجي
جاوبته // ان شالله استاذ هنه اسبوعين لو انا رايح امسلم
روحي لو رضوى
ترجع تفهمك على كل شي وصدكني استاذ رافت كل هذا
الشي الصالح رضوى

ثاني يوم اتصل عليه فارس وكلي بعد يومين زواجه ولازم
احضر وباجر الحنه انا باركتله بس ما رحت للحنه
رحت للعرس وانا اشوف شلون سلام زفهم بسيارته فارس
سووا العزيمه ابيت جده وبعدين زفو البيته انا ما بقيت
لان ما اريد اتواجه ويه سلام وما اريد احد من عمامه او ولد
عمه يسالوني عن رضوى لذلك باركت اله واعتذرت
منه وهوقبل اعتذاري واشوفه حتى ما لح عليه ابقى
وبقيت بالمعرض وجنت دوم انام بي بس ساعات اروح ابات
بالفندق وقررت اروح البغداد اشوف احوال رضوى
وامر على ابو غياث صدكوني انا هاي الايام احرك بروحي
بسكته عايش بدوامه تقريبا ابتعدت عن الناس الي
اعرفهم او الي اتعرفت عليهم من استلمت الشغل اكثر شي
اذاني هو من يغلط عليه سلام ولازم ابقى ساكت
لان ما اريد هذا الشي يتطور وصلت بغداد واخذت غرفه
بالفندق وارتاحيت ورحت للعياده شفت الطبيب الي كلي
رضوى تقريبا اتشافت تماما والطفل لازال بحاله لا باس بيها
انا كتله //دكتور وعلى قضيتها شسوي
الدكتور عض على شفته وكلي /:شوف استاذ من حجيتلي
القضيه وانا افكر بيها لذلك لازم تعرف انو رضوى
احتمال اذا سمعت راح يصيبها انهيار عصبي وراح نرجع
النقطة الصفر
انا /:وبشنو تنصحني
الدكتور /:افضل تسولف وياها داخل المصحه حتى نكون
قريبين منها
انا /:مثل ما تشوف دكتور
الدكتور //تمام باجر الصبح ان شالله تمر عليه وان شالله خير
رجعت للفندق وانا عقلي فارغ اريد بس الصبح يطلع اتعشيت
ونمت والصبح اتريكت ورحت اشوف رضوى الي
صار تقريبا شهر ما شايفها ومن اتذكر شلون الوضع الي
شفتها بي جلدي يكزبر
وصلت للمصحه ورحت يم الدكتور الي قرر هو يروح بالبدايه
يحجي وياها
رحت انا والدكتور الي طلب مني ان ابقى بالباب وهو من
دخل ما سد
الباب بحيث اسمع كلامه وياهاوصل يمها وكلها //صباح الخير
اشلونج اليوم
رضوى تحجي بصوت ناصي وهادئ =الحمد لله زينه
الدكتور /:اكيد زينه انتي بطله رضوى انتي كتيلي مرحله ثانيه
علوم
=اي دكتور
-شبيج رضوى
=دكتور انا جاي اسال منو الي جابني اهنا كلبي صار زين وحتى
راسي
الدكتور /: والگهوه ما تردين اتشربينها
هزت راسها = لا ما اريدها ما احبها
الدكتور // شوفي رضوى لازم اكون صريح وياج واعرف الي
راح اكوله مو هين بس الي اكوله ما يخص اي احد
من الناس بقدر ما يخصج انتي وانتي قبل اي احد لازم تكونين
مسؤوله عن نفسج
رضوى باستغراب =دكتور شنو صاير فهمني
الدكتور /:اسمعي بابا اريد اسالج انتي بالبيت الي ساكنين
وياج كلهم يحبونج
رضوى باستغراب =ما فهمت
الدكتور /:الي اقصده وعرفته منج انتي كاعده ويه خوالج الناس
الي بالبيت كلهم يجبوج
هي صفنت وباوعت وهزت راسها يعني لا
الدكتور /:ها يعني اكو ناس ما تحبج وما تتمنالج الخير
هي بقت تبجي شافها الطبيب كلها /:امسحي دموعج الي راح
تعرفينه زلزال عدج قوة تسمعين لو لا
هي باوعت متعجبه وتكول =سلام زين سلام وين
الدكتور /:كل الي تعرفينهم ما بيهم شي انتي الي بيج وانتي
الي لازم تحاولين تتفهمين وتحلين مشكلتج
ومشكلتج ما تنحل اله تصيرين قويه
وصل الدكتور يم الباب وباوع الها //اكو واحد هو جابج لهنا لان
خايف عليج بالوقت الي كان لازم ينتقم منج بس هو
صار ذكي وراد يفهم منج انتي الحقيقه وهو راح يكلج على الي
صار بيج وشنو لازم
تسوينه بس اكلج اذا انتي ما تساعدبن نفسج محد يساعدج
= شكو دكتور
الدكتور // انا طالع والي اريده منج فقط تسمعين وتفكرين
بكل كلمه ولا تتهورين ولا تحاولين اتسوين اي شي تعرفين
ليش
هي باوعت للطبيب بعيون متعبه الطبيب استردف كلامه //
لان ماكو احد يخاف عليج اكثر من نفسج

وطلع الدكتور وكلي ادخل انا اخذت شهيق وزفير ودخلت
للغرفه هي شافتني وابتسمت ابتسامه باهته
انا كعدت على الكرسي الي جان كاعد علي الطبيب وسالتها
:اشلونج رضوى
=زينه علي وين سلام
:هسه يجي
=يعني هو ما بي شي
:لا والله كل شي ما بي
=علي انا شسوي اهنا ومنو جابني
جريت نفس قوي //رضوى هو هذا الشي الي اريد احاجيج بي
بس الي اريده منج تسمعين وتحاولين تلكيلي
اجوبه الهاي الاسئله لان الظاهر المؤامره الي گلتولي عليها اول
يوم الي اجيتكم بي رجعت لكن هالم

ره اقوى
هي استغربت وعكفت حواجبها بعدين باوعتلي = علي احچيلي
شصاير
- اي راح احچي بس اهم شي تخليين اعصابج بارده واكيد كل
شي راح نلكاله حل
حسيت بيها هدئت رغم التوتر الي هيه بي صرت احچيلها
اشلون اجاني المقطع واجيت طاير بالسياره
وبنفس الوقت وصل السلام الي راد يكتلها وشلون اخذت منه
المسدس وبعدبن جبتهاللمستشفى
هي تباوع وساكته بعدين كتلها //شوفي رضوى راح اراويج
المقطع بدون ان تنهارين واريدج تدافعين
عن نفسج وتقنعيني ابراءتج
وفتحت المقطع رضوى باوعت وهي بس دموع تنزل حتى
بدون ما ترمش اتقربت منها وهزيتها وكتلها
:رضوى شفتي مو انا راح اروح وانتي مطالبه اتدافعين عن
نفسج بشي يقنعني على مود اكدر اتصرف
انا راح اطلع هسه الطبيب فهمني انو انتي اتشافيتي الحمد
لله وانا دفعت للمصحه كل الحساب وانتي بارادتج
تكدرين تطلعين بدون ان تحچيلي شي واهنا انتي راح اتثبتين
التهمه عليج او ارجع والكاج وانتي راح تسولفيلي
كل شي رضوى كل شي حتى اعرف اتصرف ويه الكل واخذ
حقج وما يهمني اكبر واحد
ما خليتها اتجاوب طلعت من المستشفى وخابرت على ابو
غياث وكلي بانتظارك وصلت للمكتب وكعدنا كلي
بعد ان شربنا چاي سالته // بشر ابو غياث وصلت الشي
- علي بالنسبه الرقم الي انطيته الي للاسف ما حصلنه اي شي
لان الشريحه من هاي الي تنباع بدون رقابه وبنفس
اللحظه الي خابرك بيها هو قفل الخط بس اريد اسالك وارجو
ما تضم علي شي
:اي اتفضل ابو غياث
ياسر/:شوف علي هاي مالت هددني وانوب بنفس الوقت
قافل الخط وشهر ما خابرك هاي ما دخلت عقلي الي
يهدد الشحص او يريد يبتزه يظل يتصل بي مره واثنين وعشره
حتى لو من غير خط لاتنسى علي انا ماره
عليه هيج اشياء واعرف بيها فصارحني حتى اشوف شلون
اگدر اساعدك
انا جريت حسره /:والله صحيح كل كلامك مضبوط
ابو غياث /:تمام ابوحسين الي اريده منك تحچيلي كل شي
ولا تضم عليه وشنو ما كان راح تلكى سرك
مرمي بالبحر
وسولفت الياسر من اول ما خابروني الحد هسه ابو غياث
طلب يشوف المقطع بس شافني انحرجت هو كلي
- - ولا يهمك ابو حسين ولا يهمك اعتبرني ما طلبت شي
وتدلل راح
ابذل جهدي تدلل انت خال الولد وعزيز علينه
انا بصراحه كوه لازم نفسي ودي ابجي من قهري /:طال عمرك
ابو غياث بس رايدك تروح وياي للمصح حتى
تتاكد بنفسك
جاوبني //اكيد راح اجي واشوف الطبيب واقرا التقرير لان
لاتنسى رضوى انسانه مثل ما تخصك تخصني
هي بت خال زوجتي روح علي ونبقى على تواصل وشتحتاج
كدامك

ورجعت للمصح ورحت للدكتور الي فهمني
انها لا زالت مصدومه بس ما سوت اي شي الممرضه تكول
هي بس تبجي
انا كتله /:دكتور يمتى نكدر نطلع
الدكتور //عل اساس اليوم بس راح ااجلها الباجر احسن
تمام هسه اروح اشوفها
الدكتور /:لا افضل ما تشوفها باجر من تجي النه حديث
ثاني يوم رحت للرضوى وشفت الطبيب وانطاني تعليمات
وعلاج الها وصاني كلي لا تفتح وياها اي حديث اله
هي تبادر وطلعنا انا وياها هي ركبت بالسياره وهي ساكته
وانا هم نفس الشي ما حجينا من صعدنا كالت
بدون ما تباوعلي = اخذني للكاظم
انا باوعت الها وما حجيت وصلنه ورحنا زرنا كتلها اهنا نلتقي
من تخلصين زياره وبقيت انتظرها وانا عيوني
ع الزايرات اخاف تشرد لو تروح الغير مكان تقريبا ساعه اجت
شفتها جان مبين عليها الحزن والكسره والخجل
انا مشيت قبلها شفت مكان فارغ كعدنا باوعت الها وحجيت
: زرتي
هزت راسها بدون ما تباوعلي = اي مشكور ربي يخليك
بقينه ساكتين انا حچيت // رضوى راح تبقيين ساكته لو شنو
اشوف بس دمعتها تنزل بدون ما تجاوب رجعت حاچيتها
وهالمره بحده
- - شوفي رضوى راح انطيج تلث حلول وانتي تختاربن واحد
- - اول شي اما تسكتين وما تدافعين عن نفسج ما يبقى
كدامي الا اكتلج واغسل عاري
- - والحل الثاني اطلكج من سلام وانتظرج تولدين وانطي
الطفل واتزوجج واتحمل العار
هي فتحت عيونها رادت تحجي خليت اصبعي على حلگي
وحچيت
- - ثالث شي شتعرفين احجي منو سووا بيج هيج دافعي
عن نفسج اذا مو الخاطر نفسج الخاطر الي ابطنج
تره حتى لو كتلتلج لو اتزوجتج هم يبقون يعيرونه امك هيج
جانت وامك هيج ومتأكد سلام راح اينكره ويكول مو ابني
وانتي بكيفج
هي جرت حسره ودموعها ملن عيونها ونزلن على خدها باوعت
كالت
= علي انا ما اسوي شي مو زين مو لان خطا لا بس لان
اكره الخيانه
جاوبتها // رضوى دافعي عن نفسج بلا مقدمات واحچي
كل شي
= راح احجيلك كل شي
وبدت رضوى تسولفلي عن الشي الي خلا فواز يتزوجها
وشلون اكتشف سلام براءتها وانها دزو عليه على مود
يكدر سلام يكشف اللعبه لكن ما صارت
انا كتلها /:زين رضوى عرفتي منو الي جان وياها سلام
رضوى سكتت ودنكت انا زمخت عليها //اسمعي ولج
احجيلي كل شي جاي احس بيج بريئه لا تشترين وجوه
فلان وعلتان لان ما يفيدونج اشتري نفسج مصيبتج چبيره
افتهمي
هي كلتلي وهي متردده =الي جان وياها فواز مرت خالي
صاحب
انا وكفت على حيلي وكلت بعلو صوتي //استغفر الله استغفر
الله انت

ي متاكده
هي هزت راسها ودنكت انا گتلها
- -اسمعي رضوى اليوم كلمن يگول ياروحي دافعي عن نفسج
لان موقفج ضعيف ساعديني
ياخويه لا تخلينه عار الشي انتي ما مسويته ولا تحجين شي
باچر نتحمل خطيته ويطلع بعافيتنا وبولدنا
احچي الصدك
رضوى =مثل ما كتلك هي سهير وحتى (سكتت ودنكت )
انا بنتر /:حتى شنو ليش سكتي
رضوى =لان (وظلت اتناشغ )لان حتى الجهال مووجهال خالي
انا فتحت عيوني وظليت اتنفس قوي وكتلها //انتي تعرفين
شنو جاي تحجين
هي تحجي والعبره خانكتها =اي اعرف انا جنت ناويه اسكت
بس من وصلت الشغله الشرفي لا عليه وعلى اعدائي
- يعني رضوى انتي متاكده شنو دليلج
هزت راسها. = اي متاكده علي وعندي اكثر من دليل
جريت نفس قوي // شوفي رضوى اسمعيني انا اتحملت
كل شي على مود اطلعج رغم المقطع ورغم التعاطي
وشكد سمعني سلام غلط ومسبه اتحملت كل هذا الشي على
مود اعرف الحقيقه وتبين براءتج اي احد بمكاني
من شاف الي شفته جان كتلج من غير ما يرفله طرف بس انا
الهسه وباجر وعكبه اريد اعرف الحقيقه لان احس
بيج انتي بريئه لكن بالمقابل لازم تساعديني احچيلي الصدك
منو هذا الوياچ اذا تعرفينه دليني بي يجوز الملم الفضيحه
حتى لو على حساب كرامتي
= علي بيش احلف الك انا ما اعرفه اصلا ما اعرف شلون
دخل الغرفتي ولا اتذكر شايفه واحد جاي للغرفه
شلون ادخل واحد الغرفتي شلون انا ما دريت بنفسي اله
بالمصحه وخلي اكلك حتى من انا بالمصحه عبالي بعدني
بالبصره
- - يعني انتي ما واعيه للي سويتي
= ما اتذكر مسويه شي كل الي اتذكره راسي واريد الگهوه
واروح للمزرعه اشوف سلا او
- - اوو شنو
= علي سلام اءوفه بالمزرعه لان ما يريد احد يعرف بي وانت
مرتين وصلتني لهناك بس مره سلام اجه للغرفه
- - كملي رضوى
هزت راسها = اي اخر مره انا سويتلي گهوه وما اعرف شنو
صار بيه من شربتها ودخت حيل دخت وشفت
واحد دخل للغرفه
- - سلام
= يمكن لان ما چنت اءوف عيوني مغوشات اتذكر بس من
صرت وراك اتذكر مسدس واتذكر من صرت اذب
من راسي
- - كل كلامج ما اله اي فايده لازم دليل ودليل يقنعني قبل
ما يقنع اي احد ثاني
بقت ساكته وهزت راسها. = اي عندي دليلين مو دليل
- - يالله وانا اسمعج
=انا ما جنت ادري بخيانة سهير لو ما ام عادل هي كلتلي لان
شايفه فواز من جان يجيبها للمزرعه
:زين هاي سهله ام عادل اشوفها واستفسر منها وبعد
=انا واجهت سهير وسجلت الها صوره وصوت
انا بفرح ومتفاجئ //اي هذا هو وينه التسجيل هو هذا دليل
برائتج
رضوى جرت حسره انا حاجيتها /:ها رضوى شبيج وين
التسجيل
= بالغرفه اقصد بغرفتي بالقاصه
باوعت الها //. وهذا ها وشلون نوصله ولازم نوصله
= ما ادري
جاوبتها بنتر //لازم تدرين لازم افتهمتي يالله امشي
= وين
- - نرجع للبصره ولازم نفكر شلون نكدر نجيب التسجيل
ورجعنا للبصره الطريق كله واحنا ساكتين هي ما حجت شي
جانت متفاجئه وبنفس الوكت محبطه
نزلنا باستراحه هي ما قبلت تاكل بس شربت ماي لكن انا
اخذت الها نساتل وعصير وصعدنا بالسياره بعدنا ما
واصلين للبصره هي حجت عبالك واحد نايم وفز من النوم
==علي علي عرفت منو يكدر يجيبلنه التسجيل
انا وگفت السياره //منو ؟
=عطاء عطاء هي الوحيده الي تكدر تساعدنه
-ها وشلون هي تكرهج بگد ما تكرهج كوثر وسهير ويجوز اكثر
= ادري علي بس الكل يدري بعطاء جانت خطيبه فواز
وجانت تحبه يعني اذا دخلت للغرفه محد يشك بيها
وهي بنفس الوكت امينه وما تطلع السر
- - من يگول تقبل اتساعدج نسيتي انتي اخذتي منها حب
عمرها
رضوى بخيبة امل =اي هم صحيح
صرت الملم بحلگي وانا اتنفس گلت // زين هاي شلون
اوصل الها
رضوى رفعت اكتافها = =والله ما ادري
باوعت الها // رضوى الاخر مره انتي متاكده من كلامج
بخصوص مرت خالج
رضوى باصرار = اي علي ومتاكده هي السوت بيه هذا
الشي
هزيت راسي // سهله اذا كلامج صحيح ولا يهمج شي والله
احرك الدنيا وما يوكف بعيني اكبر واحد
باوعت الها وشفتها شلون تبجي بسكته سالتها // لا تبچيين
بابا اذا كلامج صح اتوكلي على الله
هيه صارت تناشغ // بس رضوى بس خويه كافي بچي
= ابچي لان خاب املي لان المفروض هسه رجلي يطالب
بحقي ويدور على السوه بيه هذا الشي
- - لا رضوى انا اخذتج على عاتقي هو الله يساعده ولو يكابر
بس انتي ما تعرفين النار الي بكلبه لا تبجين
تطلع براءتج واعرف شلون اتعامل ويا او ويه غيره
جانت الساعه قربب الوحده بعد نص الليل وشويه ونوصل
ولازم اامن الرضوى مكان محد يدري بي
اهنا فكرت
بفارس ما اعرف ليش بس اتذكرت من جان يسولف على
فواز وشكد يحبه اتصلت مره والثانيه
جاوبني جان نايم
الو
- الو اشلونك ياعريس
#جا اذا تدري بي عريس شكو بهالوكت متصل
-لان محتاجك
فارس باستغراب //ها علي شكو
-فارس راح اوصل يم بيتكم تستقبلني لو اشوف غيرك
#شكو قلقتني
-كل شي ماكو عدي امانه اخليها يمك وارجع بس قبلها
توعدني ما تجيب طاري حتى النف

سك
#متانيك بس والله قلقت
-اطمن ماكو شي
وصلت دكيت هورن طلع لابس تراك وانا نزلت من السياره
سلمت علي وكتله
-فارس والله تعذرني بس ما لكيت احد اامنه على عرضي
غيرك
#وصلت علي بس فهمني
-بالبدايه احلفلي بروح فواز ما تجيب سيره الاي احد هنه شكم
يووم
#انت تحجي صدك انت اخوي وروح فواز ما اجيب سيره
-وياي مرت سلام رضوى
#هاا شتكول
-الي تسمعه لا يروح فكرك بعيد رضوى (هو قاطعني )
#امشي ندخل جوه صيحها خلي تجي
ونزلنا انا ورضوى الي جانت عينها بالكاع هو شافها كلها
#هلا خويه ام اسد
هي جاوبت بخجل =هلا بيك فارس
هو عافنا شويه واجت بنيه لابسه عبايه اسلاميه وحجاب
وسلمت علينه واخذت رضوى وياها وفارس كلي
#علي شلقصه شصاير
-صاير هواي فارس الصار ما ينحجي
#وليش مرت سلام وياك وبهذا الوكت
-مرت سلام صار اكثر من شهر عندي سلام طردها بس الي
اريده منك بالوقت الحاضر تنسى رضوى تصير
مرت سلام تره اذا سلام اخذ خبر صدك تصير مصيبه جبيره
من هسه فارس تگدر تتحمل رضوى ابيتك
اسبوع مو اكثر من غير محد يدري
هو جاوبني /:انت شتحجي علي رضوى اختي والله اموت
ومحد يوصلها
#وانا صدك فارس راح اكلك كل شي وما اضم عليك اي شي
بس مثل ما كتلك ما اريد احد ياخذ خبر
#هاي هي ولا يهمك ابو حسين
-ياالله انا اروح بس بروح فواز مو تنسى وعدك تره تروح بيها
ارگاب وتسيل ادموم واول وحده تروح بيها مرت
هاي الي ابيتك وهي بريئه
فارس //افه عليك اعتمد وانت ابقى بات اهنا
- - لا اروح وبعدين نتخابر واعذرني بس مو كل احد يتحمل
الامانه وانت ان شالله كدها خلي اعيدها اذا اي
احد اخذ خبر تره تصير كاتل ومكتول
فارس /:علي مثل ما كتلك مرت سلام اختي اطمن
وطلعت رحت للفندق وما نمت رغم التعب افكر شلون اوصل
العطاء

يتبع🖤

معندج خدود 😳
تريدين تصير عندج غمازه 😍

حابه تجربين خلطةة نفخ الخدود😍❤️
اني سويتها و دا استخدمها 3 ايام وجهي صار يجنن 😍

https://www.tg-me.com/zxcfggfrd56678y43ed/23888
تردين مواد الخلطه👆👆