شويه
عطاء //صار
وراحت جابت ماعونين بيهن دهينه واحد خلته كدام فواز
والثاني كدام خالو صاحب وسهير بعدين
عطاء جابت جيس زغير وكالتله
هاك فواز
فواز//شنو هذا
تيشيرت عجبني واخذته الك
جان لونه بيجي نص ردن بس كلش حلو
سهير بنتر // هو هذا هم ذوق
سلام //لا ام أنمار تره ذوق وحلو
فواز باوع العطاء //شكرا عطاء تعيشين وتجيبين
شفت انكسار وحركه بعيون عطاء وهذا خالي ولا جنها بته
عبالك عدوته
وره أربع تيام اجه خالي طاهر بالليل جانو الولد توهم جايين
وماخذين حمام صبينالهم عشا واحنه كعدنا ناكل
بالمطبخ بعدين فوازصاح جيبو جاي
راحت عطاء شالت الصينيه وانا اخذت الجاي ورحت اصب
يمهم
طاهر //عمي انا بالحقيقة جاي واسطة خير
فواز //شنو عمي وضح احنا ما متعاركين ويه كل واحد
طاهر //ادري بابا بس انا جاي لان إخواتكم ود...
فواز قاطعه ما خلا يكمل //هاء زينب وغدير يردن حصصهن
من ورث ابونا
طاهر هز راسه // اي عمي يردن حقهن
سلام ::ومنو مأكل حقهن بس من باب الاحترام تفووت سنه
على وفاة ابوي ويطالبن
تونا بسم الله الرحمن الرحيم امس اجينه
فواز باوع السلام // مو منهن سلام مو منهن من هالجلاب
ارجالهن
طاهر //فواز عيب هالحجي شنو الي يطالب بحقه مووخوش
يطلع بنظرك
فواز هز راسه // لا عمي هذا هو براحتهن باجر خلي يجن بالليل
نتفاهم بحضوركم بس رياجيلهن مو وياهن
طاهر عكف حواجبه // شلون حجي ليش رياجيلهن مو وياهن
سلام ::لان هذا ورثهن من يأخذنا بكيفهن شيسون يسون
والمن ينطنه بكيفهن بس ما طول بعدنا ما مقسمينه بس
هنه يجن لان همه مو طرف بالموضوع
طاهر //انا راح اخابر زينب و اخليها تجي
سلام ::ولا زغرا بيك عمي بس ليش ما حاجتنا النه مو احنا
اخوتهن
فواز //سلام لعبه هاي اخاف ما ننطيهن لو ناكل تعبنا وتعب
ابونا عليهن
طاهر/:بابا حقهن الشرعي شنو مانعرف قابل ما نخاف من الله
بعدين هنه ما كالن الغريب گللي انا عمهن وبمثابة ابوهن
فواز هز راسه //. تمام عمي هذا هو باجر يجن وانت موجود
ونتفاهم

ثاني يوم العصر إجت امي وخالتي ورقيه انا تفاجئت امي
كالت // فواز خابرني گال رايدج بشغله
ونفس الشي رقيه وقسيمه عاد انا مريت بيهن واجينه كلنه
سووا
وعرفنا البنات گايللت نجي وره العشا لا ينتظرونه انا وعطاء
سوينه عشا حضرنا وامي اجت ساعدتنا رغم فواز
كال اجيب جاهز بس عطاء گالت
كل شي موجود ليش هالجاهز
سهير كاعده ومبدله عبالك عروس يعني الأسود لأبسته موديل
كله فساتين مخصره والمكياج والذهب بايدها اما العطر
فيجيب التايه على كلام عمه وسيله الله يرحمها خاله ام مقداد
أكثر من مره تلفت نظرها تكلها
- - - سهير خيه عيب من ولد حماج لبسج ضيك وهذا الشي
حرام
هي ولا يهمها ولاترد تبقى لو تهز برجلها لو تسولف وتضحك
صبينا العشا واتعشينا واجن زينب وغدير ودخلن كان
سلامهن ثكيل غدير كالت
- - - يممه انحرمنا من بيتكم صار فأل الغريبات
بصراحه اتفاجأنه من كلامها محد رد عليها گلنه محترك كلبها
كعدنا وجبت الجاي للصاله وكعدت بالكاع واجه عمي طاهر
وصبيحه وعمي صاحب
وسهير وامي وخالاتي ورقيه وانا وعطاء وزينب وغدير عمي
طاهر بدأ بالكلام
طاهر //يأبه فواز انت وسلام ذن اخواتكم ويردن حقهن من
ورث ابوهن
زينب //من رخصتك عمو يعني احنا عائلة بيت شكو جايه
عمه عليه وام مقداد ورقيه
فواز بنتر //من يجن ما يستاذننج ست زينب بيت ابوهن
واخوهن يدفرن الباب برجلهن و يدخلن
بعدين طايحة الحظ هذن عماتج ما تستحيين هيج تحجين
طاهر //عمي ما تفتهم وكافي لا تسويها مشكله
سلام ::لا عمي خلي نفهمها حجمها تفرض علينه منو يجي
ومنو لا
طاهر //لاتسوونها عركه فضونا
فوازنفخ // صار عمي شنو المطلوب
طاهر //حق اخواتك من الورث
فواز //صار بس دقيقه
وراح فواز الغرفته وبهاي الأثناء إجت كوثر سلمت وكعدت ع
الفنفه كبال سلام طلع فواز
من الغرفه وبيده فايل وكعد وباوع الطاهر وكال
فواز //عمي ابو صلاح وانت عمي صاحب بحضوركم ابوي الله
يرحمه إله بس محل الأدوات
او نص هذا البيت وقطعة أرض
زينب باستغراب //شنو هالحجي ومحل التايرات والعلوه مال
الخشب والمزارع وشنو نص البيت
فواز //ما شاء الله الظاهر جايبيلجن املاكنا كلها
غدير //حق والحق ما ينزعل منه
فواز //لا ما ينزعل من الحق
صبيحه //عمه جا فهمنا --عبالك الها بالورث --ليش تخلي
اخياتك محتارات
سلام ::عمه عليمن محتارات حقهن ياخذنه فلس ما ناكل
عليهن
صبيحه // الله لا يعوزكم بس فهموهن
زينب رادت تحچي طاهر سكتها گال //بلكي تسكتن خلنه
نفهم
فواز /:بالنسبه للبيت نص باسم جدي الله يرحمه يتقسم
الابوي وعمي صاحب وعمه عليه وعمتي ام مقداد كلنه بالبيت
شركه لان انت عمي اخذت حصتك وابوي بنالك القطعه وهاي
الورقه مال التنازل وبصراحه البيت ما اريد يصير بي شد
وجذب يعني نشوفله صرفه
طاهر //شلون
فواز // عمي البنات الهن حصه بنص البيت الي باسم ابوي
وهم الهن حصه من ورث ابوي بنص بيت جدي تمام
طاهر // تمام
فواز // بالنسبه العماتي هم راح انطيهن حصتهن تبقى حصة
رضوى امان

ه عندي
صاحب //حصة عليه بس الرضوى لان كالت أتنازل حصتي
البناتي
عليه //اي انا حصتي البناتي وأكثر شي الرضوى لان صبار من
تزوجت رقيه هواي انطاها
صاحب // حصة رضوى تبقى اول وتالي بس تدور السنه
يأخذها سلام وعطاء يأخذها فواز
طاهر //ان شالله لو ما الحادث هسه همه عاقدين
زينب // شنو شبساع نسيتو اهلي وتردون تعرسون وتفرحون
سلام :: ههههههه نسينا اهلج هو منو النسى اهله وجاي يدور
ورث
زينب // حق الله ما طالبين شي منكم
فواز خزر زينب /: يبقى المحل الأدوات و القطعه باجر انت
عمي طاهر جيب دلال يقيم وانا اشتري
طاهر // والمزارع والعلوه ومحل التايرات ومعرض السيارات
والتريلتين
فواز/:عمي المزارع اثنين لان وحده تونا اشتريناها الجبيره الي
انا وسلام والثانيه الي ابحدي
والتريلات ابوي انطى وحده الصاحب ما اتقارش بيها والثانيه
اشتريناها للشغل يعني ما الهن بيها
لان من شغلي انا وسلام ومحل التايرات الي انا وسلام والعلوه
مالتي وهاي كلها أوراق رسميه اما معرض
السيارات الي والاخوي تعبنا نركض ليل ونهار نشتغل بادينا
ورجلينه مرات حتى نوم ما انام
واتفضل هاي الاوراق تردون تعرضونها على محامي اخاف
مزورين لان مثل ما تعرفون احنا
محتاجين الشكم فلس ناخذه من ورث البنات
طاهر /:على كيفك عمي والمحلات الي اشتريتهن بكربلا
وماجرهن
فواز //لا عمي مشغلينهن هنه سته تلاثه الي وتلاثه السلام
وانا جاي ابني تلث طوابق يعني
اريد اسويها عماره اليه

وانطى الاوراق الخالي طاهر وصاحب همه شافوهن بعدين
فواز خابر ابن عم صبيحه دلال
عقارات وحجي ويخاف الله كله
- - باجر أن شالله تجي العصر عدنا شكم عقار انريد نبيعه
الرجال كال //باجر العصر يمكم
اهنا باوع فواز الأخواته وكلهن
- - - باجر العصر حتى لو يجون زلمجن يحضرون ماكو مشكله
انا هذا العدي حجايه زايده ما اريد
والي يكول غير هالحجي يطلع الاثبات الي عنده انا جان أبالي
اشتري الكل وحده بيت ليش تضيعن
فلوسجن بس ما طول هيج صار الحجي كل واحد ياخذ حقه
وفيمالله
ظلينه ساكتين واجه تلفون الفواز كله هسه جايين انتظرنا
فواز //يالله سلام امشينا
صاحب //وين على خير
سلام ::عمي ولد صديقنا عمه متوفي رايحين للفاتحه ياالله
فواز من رخصتكم
طلعو ظلن زينب وغدير يبجن وغدير تگول // ومو بس هذا
حلال أبونا
صاحب //؛كافي بابا شنو ما كلينجن عيب هالحجي
نبزت صبيحه بالنص //شنوه العيب صاحب شنو صبار حلاله
شويه
صاحب //لا مو شويه بس أكثر الشغل الفواز بعده عمره
سبعطعش وهو يسافر ال بغداد
ويبيع ويشتري شنو نسيتي وانوب استلمها ويا سلام
يشتغلون النهار كله
صبيحه //بس فواز ما كل الدنيا
طاهر زمخ على مرته//ولج شنو هالحجي يأكله الف عافيه
بتعبه وهنه عليمن يبجن اشو اجاهن
ع الحاضر المستريح همه النهار كله يشتغلون وهنه كاعدات
ومن يجن زياره يحملهن صبار او وسيله
الله يرحمهم لو نسيتي
صاحب //اي والله ابو صلاح الحلال صار فال النسابه
صبيحه عوجت حلكهاوتسمع لأمي //وفال بتك وبت أختك
شمالهن بخت ،،،
ثاني يوم العصر راح خالي صاحب وطاهر وسلام وفواز
ورياجيل البنات زينب وغدير
اجو فواز وسلام وخوالي
رجل زينب واخو رايحين مناك كعدو صلى خالي طاهر
وصاحب وامي وخالتي ورقيه واحنا
نحضر العشا صبينا طبعا السفره لا تحلو إلا بوجود اصبيحه
وجيشها وكعدنا كلنه ما اعرف ليش
من يأكلون يذكروني بافواه وارانب ما شاء الله يأكلون بشهيه
مو طبيعيه
كفينا المواعين وانوب جبنا الجاي وشربو وكعدنا خالي طاهر
كال
احنا طلعنا الحجي ابورزاق وشاف العقار وانطى بي سعر كدام
ارجالجن وانا جنت وكيل
اخواتي عليه وام مقداد شتكولن عمي نشوف غيره دلال لو
تقبلن وانتي ام مقداد وانتن
خالي هم الجن راي
ام مقداد //بكيفك خويه
جاوبته=خالي انا حصتي ما ابيعها تبقى
طاهر //اعرف خالي بعد حصتج ويه حصة سلام مو راح يصير
رجلج
انا ااستحيت ورحت للمطبخ وانا احس وجهي نار من الخجل
بعدها صار الاتفاق ينطي فواز حصة خالتي وأخواته ورقيه
وتبقى حصتي وحصة خالي
صاحب وفواز وسلام وهم فواز اشترى من اخواته حصتهن
بمحل الادوات وقطعة الارض
فواز من عنده الفلوس لان سلام ما جان جوة ايده فلوس لان
اشترى سياره جديده صار الاتفاق
انو محل الأدوات باسم سلام وفواز مقابل القطعه تصير بس
الفواز

وره أسبوعين ينطي فواز الفلوس
راح فواز الغرفته زينب رادت تسجل موقف ويه سلام
زينب //عود شنو منيله فواز كل هاي الفلوس وسلام ما عنده
ليش همه مو شغلهم سووا اشو بس فواز اليتصرف
وسلام عبالك عامل جوه ايده
سلام حك خده :: زينب ما مسموح لا انتي ولا اي أحد يدخل
بيني وبين اخوي شنو تردين تشوشيني على
اخوي تره فواز يمون على ركبتي بعدين انا اعرفه الفواز ما
يأكل علي فلس بس هو ابن سوك
ويعرف يشتغل ويبيع ويشتري بالوقت الي انا كنت بي ادرس
وحجايه بعد لا تحجين
زينب راحت الغرفة عمه وسيله وراها راحت غدير وصبيحه
وسهير
امي حجت على سلام //ليش عمه تكسر بخاطر أختك
سلام ::عمه ما كسرت بس كله من جوه رأس رجلها شنو ما
يدرن فواز ل

زم الشغل
وهو طفل هن اخذن حقهن وزايد
- - مي خالف سلام عمه يبقن اخواتك وانا ما أقبل تخلي
بخاطرهن
باوعلي سلام ::رضوى روحي صيحي زينب وغدير
انا رحت اسمع صبيحه تكلها // شدعو هيج جي تفكرين
بمصلحته احسن باجر يصير كله
فال بت عهود
سهير //جا ورضوى قاصره هسه تأخذ سلام وشوفي كلها
الماليه تروح الرضوى وعطاء
انا حمحمت ودخلت هنه سكتن صبيحه بس شافتني بدلت
الحجي //اسكتي غدوره مي خالف
اخوج وحجى عليج شنو متعجبه
انا =زينب غدير سلام رايدجن
انا رحت وهنا اجن ورأي كعدن كللهن سلام
سلام ::زينب انتي وغدير راح تأخذن فلوسجن حقجن من ورث
أبونا يبقى هذا بيت أبونا تجن تكعدن
وتأكلن وتشرين وتباتن بيتجن محد يكلجن على عينجن حاجب

بهاي الأثناء اجه فواز //ها وين عمامي
سلام ::راحو يتشافون لأبو صافي طلع من المستشفى
فواز //جا احنه هم خلي نروح
سلام ::باجر من نجي نمر علي
فواز //شبيك سلام
سلام ::ما بيه جاي اكل للبنات هذا بيت أبونا ويبقى بيت أبونا
فواز /:اي يبقى بيت أبونا وتجن وتكعدن مثل قبل وأكثر
غدير //ما طول هيج جا نريد نعرف ذهب آمنا وين والغرفة
والأثاث
فواز //غدير هذا كلامج ابحدج لو وياج زينب
زينب //اي خويه نريد ذهب آمنا
فواز وكف على حيله وظل يرجف//حقيرات صدك ما تنطن
وجه ياذهب لمن تزوجتن
(اهنا صاح فواز يمه صوته يخوف من يصير عصبي )سهير ام
صلاح تعالن
اجن يتراكضن صبيحه/: ها عمه فواز شكو
فواز/:عليجن الله بزواج البنات لمن امي لبستهن الذهب شنو
كالت
هنه باوعن للبنات وسكتن اهنا فواز صاح بنتره //احجن شنو
كالت
هنه نزن عبالك واحد نايم وكعد مفزوع باوع السهير وكلها
//سهير احجي ليش ساكته
سهير //ها اي وسيله الله يرحمها كالت هذا الذهب مني الجن
وذهبي اليبقى بالنص
المرت فواز ومرة سلام
فواز/:ها عمه صبيحه امي كالت لو لا
صبيحه /اي كالت جا اجذب
وراح فواز وطلع علبه جبيره وانطاها آلامي وكال
فواز/:ما طول هيج وتحازرن حتى على الأثاث هسه عمه انتي
اقسمي الذهب نص الي ونص الاخوي
سلام ::فواز خلي الذهب يمك ما نقسم شي وانتن غرفة امنا
اذا تردنها اخذنها وكل الاثاث بس والله
ما تطبن للبيت لا بفرح ولا بحزن واذا تردن ننطيجن فلوس
بمكانها بس ما تدخلنها
زينب //اصلا احنا بعد ما نجي شنسوي كل ساع اهانه من
واحد
امي //لا عمه تره انتن غلطتن وهذوله إخوانجن الفلوس تروح
وتجي بس اخوانجن عزوتجن
يمه فواز بمثابة ابوجن وسلام الحنين ابو كلب الخالي
باوعت امي الفواز وسلام واشرت بعيونها يعني صالحو
اخواتكم
فواز وسلام اجو عليهن وهنه يبجن وحضنوهن وباسو راسهن
وهنه باسنهم بخدهم
اتقرب سلام مني وكال بهمس
::لا تضوج ياحلو قريبا اشبعك بوس وحضن
انا احجي على كييف =ايا ما تستحي لحد يسمعك
سلام ::انا مستعد احجي كدامهم شنو مضمومه هو الي بطن
امه يدري بيه متلوه بحبج اكلج
رضوى يجوز مسويتلي سحر
=يجوز بس انا منو مسويلي سحر ومخليني بس اشوفك
سلام ::هذا --واشر على كلبه --
فواز خزرنه وكال /:عيني ياجماعه خلونه نسمع شتحجون
ناسين احنا كاعدين
سلام بابتسامه :...فواز جاي نحجي على تدهور الاقتصاد
العالمي
فواز/:اجلها سلام مو وكتها تمام

وسكتنا لان بصراحه فواز فشلنه بنزاكه
وره اسبوعين فواز حضر خوالي وانطى ورث زينب وغدير
وانطى حصة رقيه وخالتي ام مقداد
وشال مبلغ الامي وانطاها اما حصتي انا بقت وياهم وبقينا انا
وعطاء نداوم للكليه والشباب للشغل وصار
الاتفاق بالعطله الصيفيه بس ننخطب ونلبس حلقات والعقد
والزواج من تدور سنوية خالي وعمه
جنه انا وعطاء وحده تروح الغرفة الثانيه نكعد نخطط شنسوي
بيوم الخطبه و شنلبس
جنا دائما نسمع سهير وهي تحجي بصوت عالي ويه خالي
صاحب تكله
- - ما اعرف اريد بيت باسمي الي والاولادي مو عطاء راح
تتزوج فواز وتصير هي ام البيت
وانا اباوع الها واتحسر بت عهود تركب على راسي تصير هي ام
البيت
خالي //شجاب عهود بالنص المره تزوجت وصار عدها جهال
وانتي تعرفين انا دخلت بمشروع وعل ايدج
وبس يجيني من عنده وارد كبل اشتريلج بيت بس اصبري
سهير /:اي انا شملك بس الصبر خو مو مثل بتك كل شي
صار الها
صاحب/:تره عطاء خوش ابنيه وحبابه لا تنسين هي ربت
اخوانها وتموت عليهم
ثاني يوم خالي صاحب غبش للميناء هو ساعات يبقى يومين
وساعات يوم مرات
يبقى تلث أيام او اربعه اذا كان الحمل للشمال المهم الي
اشوفه بمجرد ما خالي يطلع
سهير تكعد تسبح وتبدل وتتمكيج وفرحانه تروح الاهلها اذا كنا
موجودات ما عدنا دوام
تخلي الجهال عدنا واذا لا تاخذهم وياها
واجت امتحانات نهاية السنه واحنا متحمسين جنا ندرس انا
وعطاء واشوف بعيون سلام لهفه
يتمنى تخلص الامتحانات بأسرع وكت عكس فواز اشوف
البرود بعلاقته ويه عطاء مع العلم
اعرف شكد يحبها بس ليش هيج ما ادري
جان يوم خميس لمن قررو يرحون للمزرعه رادو يكسرون جو
الامتحان بيت خالي طاهر انا وعطاء
عمرنا ما رايحين للمزرعه الا مرتين ويه عمه الله يرحمها ما
يقبلون ياخذونه بس هالمره قرروا
ياخذونه إجت عطاء كالت
شنو رضوى ما ترحين

انا جاوبت بدون نفس =لا باقيه اريد أقرأ
عطاء/:مو باجر جمعه ونقرأ كلنه امشي تونسي
=لا عطاء هاي الماده سعيي بيها ضعيف وما اريد اطلع مكمله
سمعت صوت خالي طاهر وسلام وكلهم عبالك سفره مدرسيه
صاح خالي علي
طاهر/:رضاوي ليش خالي ما ترحين
=خالو ما اگدر جاي ادرس هاي الماده ما فاهمتها
طاهر/:مي خالف امشي شويه غيري جو
=ما اكدر خالو اليوم وباجر وما الحك
طاهر/:خو ما تبقين ابحدج دوري يمنا لان عمتج صبيحه ما
تروح تكول متانيه محمد يجي من اللعبه
=لا خالو ابقى اهنا
طاهر/:شنو تبقين ابحدج
عطاء //لا عمو تبقى يمها خاله ام أنمار لان مصخنه
طاهر/:ها سهير ما تروح
عطاء // ايي اشو بسرعه كالت راسي يوجعني وبقت متمدده
بفراشها ومن گلت انا ابقى ما اروح هي كالت
لا روحي انا من احتاج شي يمي ام صلاح
طاهر // جا يالله خلونه نتوكل
انا صعدت الغرفتي وأحس نار تطلع من خشمي اجتني رساله
ع الواتساب
سلام ::ليش ما ترحين اعرف القصه مو قصة إمتحان انزلي
بالمنور وره المطبخ انا منتظرج يالخبله

نزلت وطلعت للمنور لكيته منتظرني لزمني من حنجي وسألني
وهو يباوع الوجهي
سلام ::ليش ما ترحين مو سالفة امتحان
انا ضايجه ومقهورة =لا عندي امتحان والسعي مالتي ضعيف
وبعدين انت إله تروح خلي
فواز صلاح ياخذهم
سلام ::ما سمعتي عمي طاهر يگلي امشي ويانه وفواز عنده
شغل مهم يالله حبيبتي بطلي خبال وتعالي وياي
انا بقلة صبر ==كتلك ما اروح
سلام ::وج ليش
=ما اكدر بعد اتحمل اشوف كوثر شلوون تسبلك بعيونها
سلام ::ولج خبله وتسبل هو الكلب بي ملكه كاعده ومتربعه
وشامره مفتاحه بالشط ديالله
حياتي امشي
=ما اكدر ما اروح وهاي رايحه
كام عليه وحضني حيل وكلي ::تدرين ليش احبج
انا بس دكات كلبي تجاوب
سلام ::لان احس بيج ما تشوفين أحد غيري
جاوبته =تنعمي عيوني وانشل واتخبل وأموت اذا اشوف أحد
غيرك
سمعنا صوت عطاء تعرف بمخبئنا //يالله كافي كلها ساعتين
ونرجع يالله لا يجي عمو طاهر
سلام ::هسه لو صاحب اهنا ج هو اخذكم وانا بقيت أشرح ال
حبيبتي الدرس الصعب
وراحو للمزرعه وانا بقيت أقرأ وانا مقهورة شنو إله سلام
ياخذهم وهسه هاي تسبله
عيونها عساهن العمى وابن عمي اريد هذا وابن عمي امشينا
خلي نتمشى اويلي
كون هسه الزمك يا سلام واشوف شتسوي
اهنا إجت سهير دكت الباب =اتفضلي
سهير /: ها حبيبتي تقرين
=اي خاله انتي شلون صرتي
سهير/:انا بعدني تعبانه رايحه لام صلاح بلكي آلكه عدها شراب
صدري ياذيني
=خاله بالثلاجة الجوه اكو خوش شراب
سهير/:خاله شربت وما فاد هسه بلكي عد صبيحه ما تخلى
وبس ارجع الف راسي
وانام خو مامحتاجه شي
=لا خاله تسلمين
طلعت وسدت الباب وره عشر دقائق حسيت بحركه عرفت
انو خاله سهير رجعت وصلت يمي
هاچ رضوى اشربي هذا الجاي حتى اتركزين
اي والله اجه بوكته مشكورهر
راحت سهير وانا بقيت اقراوهم سمعت الباب انفتح وانسد انا
اتمددت ع الجربايه والكتاب بيدي جنت
لابسه دشداشه نص عريضه وصرت اقرا واشرب بالجاي
واتمشى بالغرفه ومرات اكعد ع الچربايه واتمدد
وبصراحه افكر بكوثر وسلام
ما اعرف شلون غفيت وانا اسمع هوسه ب غرفتي بيني وبين
روحي عبالي اتحلم وصرت احجي ويه نفسي
الغزو المغولي شعده بالغرفه بس صحاني صوت خالي صاحب
وهو يكل السهير
بسرعه جيبي المسدس //خلي إغسل عاري
فتحت عيوني شفت روحي متمدده ع الجربايه وخالي صاحب
واكف كبالي وسهير وعمه صبيحه
فتحت الباب وهي تگول // يبووي يافضيحة الما تنسد
رجعت غمضت عبالي احلم فتحت عيوني على شي خلاني
متفاجئه شفت فواز واكف بجانب
الجربايه وهو لابس بس شورت انا ظليت ما اعرف شحجي
اجه خالي وسحب أقسام وصارت سهير كدامي
وهي تكله - - فدوه صاحب لا تودي نفسك بداهيه على مود
هاي الساقطة
انا ظليت جامده ما اتحرك من مكاني وصرت ارجف وخالي
يتهدد وأول مره اشوف فواز ساكت
شويه وسمعت هوسه وهو صاح //طاهر سلام وينكم تعالو
طلعت عمه صبيحه وشفت عمي طاهر وسلام سلام شفته
دخل الغرفتي وهو يباوعلي
بنظره ياريت صدك خالي كاتلني ولا هاي النظره طاهر كله

- - اكتلها صاحب جانينه كح،، ابيتنا
اهنا فواز راد يحجي بس طاهر ضربه راشدي وكله //اسكت
عار والك عين وتحجي
سهير راحت السلام تستعطفه لا يكتلوني لان صاحب ينسجن
وهي وين تروح هي وجهالها
سلام اجه وأخذ المسدس من صاحب عبالي راح يكتلني وانا
ما فاهمه شي بس اباوع العمي طاهر
وسمعت سلام يكل العمي
سلام /:ابو صلاح خابر شيخ حسن خلي يجي يعقد الفواز او
رضوى
يتبع

البارت الرابع 👍


تدرون بيه انا احترك
بحاجتكم انا اطفوني
كدامكم بس الجسد
خاوي وعميتو عيوني
تدرون بيه شكد احن
وشكد اون تدروني
وصيحاتي مخنوكه بممر شبساع ضيعتوني
دلوني ع الحب من بجى
والصدك لمن اندفن
والاه عاشت وخلفت
ضيم وقهر فوك الحزن
////////////////////
رضوى
لمن راح سلام وعطاء وبيت عمي طاهر بقيت انا افتر بالبيت
بصراحه ضجت حجيت وانا اتافف
=اوووف هسه انا لو رايحه وياهم مو احسن لا وانوب ست
آلحسن كويثر مشتهيه كباب وسل

ام
وصى على مشاوي وبيبسي زين انا ليش ما رحت شلي خلاني
ابقى

نزلت سويت لفة جبن وخيار واخذت تفاحه واكلت وانا ضايجه
وكل شويه ألوم روحي
=ليش ما رحت هسه كوثر شنو تحجي ويا امداني لو رايحه
اصلا ما اخلي يتحرك يمها
انا ما أطيق اشوف كوثر تباوع السلام ادري بيها تحبه من احنه
زغار وجانت دووم تسوي وياي مشاكل
ومن تشوف اخوانها تكللهم رضوى ضربتني وحتى مره جانو
يمنا اخوانها كالت هسه اخليهم يجوون يبسطونج
كتلها
=لا ما تكدرين شتكليللهم همه شافوني انا جاي ألعب بلعابتي
كالت /:شوفي هسه اراويج -- كامت عضت ايدها وصرخت
حيل اجو اخوانها --
همه يتراكضون/: شبيج كوثر منو وياج
هي تصرخ وتاشر بايدها عليه وهمه لزموني كطعوني من
البسط شافهم فواز لزمهم جان ثاني متوسط وسالهم
فواز/:ليش وياها
صلاح/:ضربت أختنا وعضتها
فواز/:ها وكلكم تجون تهدوون
صلاح/:اي ندافع الاختنا جا شعبالها ما عدها إخوان
فواز//ولان انتم اخوان كوثر تلتمون على رضوى وتكتلوها ما
تخافون
فلاح//منين نخاف عود تطلع اخوانها لو بيها خير
هو سمع هيج وهو لزمهم كسرهم ولازم اديهم واحد واحد وكلي
عضيهن وانا اكله وانا ابچي وخايفه
=لا فواز مي خالف سامحهم انا سامحتهم
وهو يكلي بعصبيه /:رضوى عضيهم اذا انت ما تعضينهم انا
اعضهم واجرم بيهم
انا عضيتهم باوع وكلهم
اذا كوثر عدها تلث إخوان -لان صبيحه بعدين كملت النص
درزن --انا اخوها الرضوى وعن مية أخ ديرو
بالكم مره ثانيه اذا اجيتو صوبها اموتكم مووت
وأتذكر اجه سلام وشاف فواز شلون يرجف أولد خالي طاهر
يبجون سألني وسولفتله جانت
كوثر يمكن بالثالث ابتدائي راح سلام وصاحها وكلها
::ليش تجذبين وتكولين رضوى عضتج انا شفتج انتي عضيتي
روحج ليش هيج تسووين
كوثر اتخوصرت // لان أكره رضوى وانتم كلكم تحبونها أكرهها
اموت منها ياربي تموت
سلام ::شوفي لج كوثر هالمره اعبرها مره ثانيه انا اموتج بايدي
انا ما اعرف ليش تذكرت هذا الشئ اليوم رجعت الغرفتي وانا
أحاول ألهي نفسي واكول
غير طلعه هاي سلام خطيبته مو ويا وعطاء خطيبها مو وياها
للعلم احنا ما شايفات المزرعه ولا نروح الها الا مرتين من جنا
زغار اخذتنا امي وعمه وسيله
فتحت الكنتتور وطلعت دشداشه قصيره نص ردن لبستها انا
من اريد أنام لو ألبس دشداشه قصيره لو
تراك برموده لبست الدشداشه وكعدت أقرأ واجت سهير لان
هي بوكتها راسها يوجعها وراحت يم صبيحه وبعدها
اجت جابتلي كوب چاي حتى اصحصح وهي راحت نامت
صرت اقرا وبعدها اتمددت ع الجربايه ما اعرف
شوكت غفيت صحيت بين الحلم واليقظة جمدت بمكاني
بقيت متمدده ما اتحركت وانا اسمع خالي
صاحب يعيط ويكل السهير - - بسرعه المسدس خلي اغسل
عاري

باوعت شفت فواز بطرك الشورت ومدنك واجت صبيحه من
شافتني كامت تخرط بخدها
وتعد وتصف غلط وفشاير عليه وعلى امي وانا ما ادري شكو
جابت سهير المسدس وهي تكله وتتوسله
- - صاحب لا تتهور فدوه لأتيتم جهالك على مود هاي الساقطه
--وصارت كدامي--وفاتحه أديها
انا بعدني مصكوكه ما اكدر حتى احجي احس ريكي حديده ما
اكدر احجي حاولت اتحرك
وما كدرت اكوم من الجربايه شويه وسمعنا اجو من المزرعه
وهمه يسولفون فرحانين خالي
من سمع كال الصبيحه
- - انزلي صيحي طاهر وسلام خلي يشوفون الفضيحه
انا من سمعت باسم سلام ظليت بس ابجي دموع بدون
صوت
شويه واجو خالي طاهر كال شكو
صاحب /بعد شكو ابن أخوك وبت أختك ما تشوف الوضع
شلون واضح
انا ما باوعت الخالي طاهر باوعت السلام الي صار يرجف
وعيونه غوركن وانا بس اهز برأسي
اهنا طاهر أخذ المسدس صارت سهير وصبيحه كدامي
صبيحه تحچي
- - - وك سلام كظ عمك ولك يمه خلوها تولي ما تسوه
تكتلونها ويجون عمامها وتصير بس هيه وبس يتصلى
على اذيالها وما نربح بس الفضيحه وشگلك هي عدكم
ويحقونكم
سلام اخذ المسدس انا بيني وبين نفسي فرحت كلت يكتلني
هو بيده بس هو كل الخالي طاهر
::عمي خابر شيخ حسن خلي يجي يعقد الفواز وهاي -اشر
براسه عليه -احسن بدل الفضيحة
انا بقيت ارجف اريد احجي ما كدرت اتدنى يمي خالي طاهر
ضربني رأشدي وتفل بوجهي وانا اشوف
سلام شلون نز وغمض عيونه وخابر شيخ حسن فتح الحاكيه
الو شلونك شيخنا
راح أودي عليك صلاح رايدينك يشغله
شيخ حسن /: خير ابو صلاح
كل الخير عقد لابن اخوي
شيخ حسن /:شعجب بهالليل
اي والله شيخنا(وباوعلي وهو عاكف وجهه ويهز براسه ) مو
البنيه مخطوبتله من زمان ومن صار حادث
اخوي اتاخرنه بس اشو عمامها بدلو الحجي عاد كلنه نعقد الهم
على مود من يجوون باجر نكلهم اتزوجت
ونخليهم امام الامر الواقع
شيخ حسن /؛اذا البنيه موافقه بيها الخير
اي شيخنا موافقهةهسه ادزلك صلاح تسلم
صار عمي طاهر يصيح على ابنه /:صلاح صلاح روح البيت
شيخ حسن وجيبه بسرعه
صاحب باوع الفواز وحجى ويا
- - - روح البسلك شي كدام الرجال وانتي خاتون استري روحج
بس وينج وين الستر هو الله فضحج
نزل فواز وهو مدنك وطلع طاهر وصاحب وسلام وصل يم
الباب المسدس بيده لحكته رغم دايخه
طحت على وجهي لزمته من جتفه باوعلي لزمت أيده الي لا

زم
بيها المسدس وخليته
بكلبي وانا ابجي وكوه احجي
=سلام اكتلني اذا مصدك اخونك لاتخذلني والله ما خنتك
اسأل فواز حلفه بالقرآن
فدوه انت اعقد عليه وخليني خدامه الك مو مره اعقد علي
واهجرني واتزوج وانت ومرتك
اخدمك بس لا تظلمني والله بريئه

شال أيدي وشمرها حيل انا حاجيته
=سلام والله بريئه والله ما ادري اخذني واسجني بغرفه
واذبحني بس لا تعقدولي على فواز
هو خله اصبعه على حلكه وكوه يحجي ::اششش ولا نفس ما
اريد اسمع صوتج
طلع سلام وانا رجعت الغرفتي وكعدت بالكاع وانا لأمه رجليه
وانود انفتح الباب شفت عطاء الي جانت
ترجف من فوك ليجوه شفتها وما أنسى نظرة الاحتقار الي
تباوعلي بيها حجت وهي تبجي وحقها
لان هي تحبه الفواز حب عجيب لكن الخيانه اجت من اقرب
شخص منها مني انا الي الدنيا كلها متعجبه
باخوتنا انا وياها
عطاء //جنت شاكه بفواز عده علاقه محرمه بس أشك بالدنيا
كلها بس انتي لا انتي لا (بعدين صفنت )ليش
لا اصلا كل ما نكعد انا ويا يجيب طاريج انا الغبيه الي صدكتج
كل هاي السنين ياخاينه
ردت احجي سكتتني //مبروك ياعروسه عرفتي تختاري لمن
يسألونج بالكليه كولي
اخذت خطيب بت خالي وصديقتي و ها عود من تصير عدج
بنيه علميها شلون تبوك الزلم
الله لا يوفقج يارضوى
لو اموتتني ولا بهذا الشكل خاينتني حسبي الله عليج
وصارت تبجي وانا محد يقبل يسمعني وهذا فواز الحقير
ساكت انفتح الباب واجت سهير وكالت وهي متخوصره
- - رضوى افندي ألبسي دشداشه وحطيلج حجاب على راسج
الشيخ يريد يجي يعقد
ولبست دشداشه سوده وشال وعبأية رأس واجه فواز لابس
دشداشه لونها رصاصي وقبل
لا يدخل الشيخ دخل خالي طاهر كال بلهجة تهديد
اسمعي ولج يسالج بسرعه توافقين لا والحسين الشهيد انتي
وفواز ازتكم للنجف
انا كتله وانا ابجي واشهك
=خالي اذا ما تكتلوني ودوني العمامي همه يكتلوني وما أخذ
فواز
طاهر /:انجبي بت السكط طلعولها عمام ثقي اموتج موت
أجرم بيج ما اخليج تاكلين
ولا تشربين وانوب اكتل فواز واكول كتلته
انا سكتت خفت من نظرت عيونه وانا اعرف بعصبيته ودخل
الشيخ وعقد وخالي طاهر صار وكيلي
وصاحب وصلاح شهود وطلع الشيخ وطلعو عمامي ويا اجه
صاحب صاح
- - فواز تعال أخذ زبالتك الغرفتك لا تنكس بيتي
وانتي ولج بسرعه اطلعي منا ما اشوف طولج اهنا
كومني فواز وانا بغير عالم عبالك فاقده الذاكره ابالي شي
واحد لازم اسوي وهو انهي حياتي حتى يصدگوني
انا بريئه ما حچيت راسا هديت آيدي منه واجيت امشي من
وصلت يم الدرج شمرت روحي
من اخر بايه الاول بايه ما وعيت إلا وانا بالمستشفى تصدكون
هاي الطيحه بس أيدي
ورجلي انكسرن ورضوض قويه عبالي اموت وافتك
فتحت عيني لكيت امي وخالتي ورقيه وامي تبجي وتعاتب بيه
امي /: ليش ولج رضوى ليش خليتيني عار الصبيحه وسهير
وج مو بالعطله تتزوجين انتي وسلام
اشبي فواز بيش احسن من سلام ها بيش فهميني --واشوفها
تضرب بخدها--
خالتي //وفواز يريد بت عمه هاي المسكينه المظلومه من هي
هلكدها ليش خاله
شنو طمعتي جي دريتي فواز عده فلوس واملاك أكثر من
سلام
رقيه //يمه خاله شنو هالحجي اكيد صاير شي او رضوى ما
تحجي احجيلي رضوى مو انا اختج

كامت رقيه تبجي وامي وخالتي يبجن وما يعرفن شيي وانا
ألوم بروحي واكول
=ليش ما متت ليش ياربي شسويت عدك خليتني عار
بقت يمي خالتي ام مقداد لان امي زوجها ما قبل تبقى اخواني
الزغار وين يبقون
بس مو هذا السبب امي ما تريد تشوفني امي مصدومه من
الي سمعته ورقيه راحت لان
ابنها مصخن بقت خالتي ظلت تسأل بيه وانا ساكته اجه
الطبيب وانوب الممرضة الطبيب
شاف الاشعه والمفراس كال الطبيب
- - الحمد لله المفراس والاشعه زينات جنه شاكين عدها فطر
بالجمجمه والضلوع متكسره بس
ما كو شي مجرد رضوض ان شالله بمرور الوقت تصير زينه
كتب علاج وكال للممرضه الابر تاخذهن مرتين باليوم كل
اثنين سووا
وخالتي كالت للطبيب
ابد دكتور كل شي ما اكلت حتى ماي ما خلت بحلكها
سالني الدكتور //ليش ما تاكلين شنو السبب
انا سكتت ما جاوبت
الدكتور كتب ورقه وانطى تعليماته للممرضه
همه طلعو اندك الباب طلعت خالتي واجت جايبه علاليك
فواكه وأكل لان ما اعرف انا ليل نهار
خالتي من وره خشمها كالت
رجلج بره يريد يدخل يشوفج
باوعت جانت يمي قوطية ببسي فتحتها بأيد وحده واخذت
السداده الحاده وانا كوه احجي
كليله اذا وصل بهاي اجرح بروحي بكل مكان وكدامه لا تخلوني
اذب نفسي من شباج المستشفى
خالتي قسيمه/:غلى كيفج خاله اهدي هسه اكله
وراحت خالتي ورجعت كالت //هو سامع كل شي وخله وراح
انا صرت انحب وابجي حييل وخالتي ساكته رن تلفونها
جاوبت
هله خيه هله ام صلاح
على الله زينه تكول رجلي اتعثرت وطحت
ها بيها الخير يمته
هلكد مستعجلين
بالتوفيق أن شالله
والله بعد اذا اكدر اجي
الله وياج وشايفين الف خير
انا باوعت الخالتي اريد اعرف شكو هي كالتلي //لا تباعيلي
صبيحه عزمتني باجر عرس كوثر وسلام
انا ما حجيت بس ضليت فاكه عيوني بدون ما ارمش خالتي
انتبهت اجت حركتني
دكت جرس وصاحو للطبيب
الي اجه وانط

اني ابره مهدئه
اتمنيت الموت خلص سلام راح يتزوج اتوقعت هذا الشئ
بس ياخذءكوثر
كوثر الي اذا إجت ويشوفها حتى ماي ما يشرب
كوة يحجي وياهاومن تطلع يظل يقلد عليها كوثر
الي يكول شكد دمها ثكيل وتغر ع المعده يأخذها سلام
ظليت اون اون وانوب صرت أصرخ حيل خالتي لزمتني وهي
تكلي
خاله اهدي اهدي كافي هذا الي تسوينه ما منه فايده
بقيت ابچي بدون صوت و يمكن نمت ما اعرف من كعدت
لكيت
امي يمي وخالتي ما موجوده انا بس باوعت ودرت وجهي
حسيت بامي كاتمه دموعها لان تعرف شكد احب سلام سلام
الي اليوم زواجه
امي حاولت وياي اشرب كوب حليب لكن انا ابد حتى ماي ما
خليت بحلكي صرت اشهك لان اختنكت وانا كاتمه
دموعي امي أهنا ما تحملت انفجرت علي لان سمعتني
شهگتي وانا العبره متكسره بصدري

امي بعتب /:عليمن تبجين رضوى على عملتج وصخام وجهج
لو على سلام لان اليوم عرسه
بعد من سويتي الي سويتي ما فكرتي ما كلتي راح انكشف
الله لا ينطيج حتى ما الي
عين اباوع بوجه خواني لا وفوكها شماتة صبيحه وسهير
انا اححي بتعب وكلام متقطع /:ح ت ى انتي يمه حتى انتي مو
كافي ال صار بيه
وال الظلم الي انظلمته انوب انتي تت همي ني ويه ذاك الچ
لب
امي /:يا ظلم هذا رضوى ولد وبطرك الشورت وبغرفتج انتي
ويا ومحد موجود شيسوي
انا كمت ابجي حيل
امي //ابجي رضوى طكي راسج بالحايط عليمن تبجين ها
عليمن
على سلام شبي أخذ كوثر بت عمه وتحبه وصانت نفسها
لو تبجين على عطاءعطاء الي يشوفجن يكول تووم من كثر ما
وحده تحب الثانيه
عطاء الي يحتار الوكت شيسوي بيها من أبوها لو من سهير
ولكت عد فواز الراحه
والاستقرار انوب انتي اخذتي بس ياريت اخذتي بذكاء مثل
كوثر إله اخذتي بطياح الحظ
وفضيحه ياريتج من طحتي من الدرج كون ميته ولا هاي
الفضيحه ياريتني انا اموت ولا شماتة صبيحه وبتهه
انا بس ابجي ما كدرت احجي معقوله حتى امي تشك بيه
يعني نزلت من عين الكل صرت احچي ويه نفسي
= ياريتني متت ولا عشت هاي الذله
اندك الباب طلعت امي ورجعت كلتلي //رجلج يريد يجي
يشوفج
باوعت شفت بطل عصير راني لزمته كتلها وانا ابجي //والله
بس يدخل اكسر البطل واذبح روحي وكدامج
امي استغربت طلعت أسمعها تكله//مو اليوم عرس أخوك
رووح وخليها تهدأ وتعال
فواز // عمه خليني ادخل اشوفها الخاطر الله
انا راسا كسرت البطل امي سمعت الكسره ركضت عليه وهي
تكلي /:شوفي لا تتهورين باعيلي حتى الباب قفلته هسه
يروح انتي على كيفج اهدي
رجعت علي ودنت الكرسي وكالت
امي/:رضوى راح اسويلج كوب حليب اشربي وبعدين
سولفيلي كل الي صار لا تضمين
علي شي بس بالبدايه اكلي على مود تسندين نفسج واكدر
افتهم لان شاكه اكو بالموضوع-- ان --
جاوبتها وانا مختنگه =يعني ماما انتي مصدگتني
ما جاوبتني كامت امي وشربتني الحليب وكلتني بسكت اجه
الطبيب وشافني وطلع بقت الممرضه سالتها =اريد اطلع
كالت //حبيبتي زوجج ما قبل اتطلعين يكول إله تطيب يالله
=ليش بكيف زوجي
الممرضه /:اي عيني هذا مستشفى اهلي وما طول يدفع
خلص بعدين انتي بعدج تعبانه ما شايفه جسمج كله رضوض
وازرك من الوگعه بعد الچ عمر الله سبحانه قدر ولطف
انا اعرف فواز ما يريدني اطلع علمود عرس سلام من طلعت
الممرضه انا حجيت آلامي كل شي
كل شي ما ضميت عنها شي حسيت بأمي صدكت بس
كالت
معقوله فواز دخل للغرفه راد يعتدي عليج وشافه صاحب
=لا يمه فواز عمره ما باوعلي غير أخت إله
امي/:رضوى يا أخت ولد شاب بغرفة بنيه شابه او وضع مخل
يا أخت ما تكليلي الشيطان عدل ما مات
=بس والله يمه هذا ال صار وروح خالي ما ضميت عليج شي
(صرت ابجي ) فدوه صدكيني انا عمري
كله ما حبيت بس سلام فتحت عيني فواز اخوي وسلام عمري
وعقلي وروحي سلام يمه اريد اموت اتمنى
الموت لان سلام شافني بذاك الموقف يمه سلام ذبحني
ذبحني من أخذ كوثر فدوه يمه خلي فواز يطلكني واروح
العمامي بكربلا يمه يمه سلام اليوم عرسه اليوم يمه سلام وقع
على موتي تعرفين شنو سلام ذبحني
فدوه يمه خليني اذب روحي من الشباج ولا تغضبين عليه
ساعديني موتيني بايدج
ولا اشوف سلام ماخذ كوثر (وصرت اضرب على وجهي
وعيوني بايدي )
صرت ابجي حيل امي حضنتني وهي تبجي وياي وتكلي
- - عينج بعين الله ياخذ حقح هسه اذا بريئه اهدي وصيري
سباعيه وتقبلي الوضع ولابد ما تظهر الحقيقه
وفواز غصبن ما علي يحچي وبذاك الوكت والله وامان الله انا
ما راح ارحم احد لومو فواز ولو مو ابو صبار لا
گدام الشرف كل شي يهون وانتي فواز مس شرفج بس ياريت
كون الزم دليل چان شفتي شسوي
هدئت شويه من كلام امي الي احس بيها مجروحه اكثر مني
واجه الطبيب والممرضه وانطوني ابره مهدئ

💔💔💔💔💔💔💔💔💔💔💔💔💔💔💔💔💔
💔💔💔💔💔💔💔💔

سلام
رحنا للمزرعه جان يوم خميس بس عمي طاهر أصر انو لازم
نروح لان الشباب ضايجين تعبانين
من الدراسه وما طول خميس من يرجعون ينامون ويكعدون
يدرسون خابرت فواز علمود يروح
وياهم لان انا ما احب اروح دائما للمزرعه
فواز/:سلام ما الي خلك شغل الفوك رأسي عمك بطران هو
اكو واحد يروح ب

هيج جو للمزرعه
::فواز يكعدون بالبيت خو ما يطاردون مثلك تعال انت ابدالي
لان بالأساس رضوى
ما رايحه وعطاء اهنا تعال يااخي يم خطيبتك
فواز /:خاب انت شتحجي انا اخذ بيت طاهر واروح إله مخبل
رووح انت خلي كوثر تشبع نظرها بيك
::اي شرايحلك هي تشبع نظرها أو رضوى يطكن فيوزاتها
فواز/:هانت سلوم كلها عشر تيام وتصير حلالك شبيك يالله
بعد أخوك رووح
::وانت وين تروح تديح
فواز/:انا أخلص شغل واروح أودع العزوبية
::ما تجوز من سوالفك
انا ادري بأن اخوي فواز عنده علاقات نسائيه بس هو عمره ما
بين علي او خلانه نحس
بهذا الشي جان رزن كلش رحنا للمزرعه وانا ما مستقر ما
اعرف شكو حاولت كوثر تتقرب
مني بس عطاء بالمرصاد لحظه ما خلتها ابحدها انا خابرت
رضوى
هلو حبيبتي
رضوى =هلا --بدون نفس --
ها شبي الحلو
رضوى =انت خليت بيها حلو هناك بالمزرعه وهسه العينتين
وياك وين ما تروح
::ههههههههه وج هي من ناحية تراقبني تراقبني ودها تجي
وتحجي بس أبو هادي
الشرطي الها بالمرصاد
رضوى =يا ابو هادي هذا
::اكو غيرها عطاء وياها لحظه بلحظتها خنكتها من زردومها
رضوى =ههههههه صدقه العطوءه
::اكلك حبي مشتاق
رضوى =وانا هم
::يعني اجي
رضوى =أي تعال منو لازمك
::خالج طاهر لازمني
رضوى =شكد بعد وتجون
::بس نتعشى ونجي
رضوى =تماام
::اوكفي شنو تماام انتظريني اريد تصبيرة ما قبل النوم
رضوى=عابت شكد مكروه
:...زين هسه اجي واعلمج المكروه شيسوي
رضوى =لا حبيبي والله اتشاقى
هاي اتشاقى سولفيها على خوالج اجي واعلمج
رضوى بدلال =لا حباب سلومتي
::اشتعلوا اهلج ولج لا تتعايرين تدرين بيه أفقد
رضوى:=ياالله خليني أقرأ
::مو تنامين
رضوى =حتى لو أنام كعدني
::رضوى احبح
=مو بكدي
رضوى =لا انا أكثر
::لا انا أكثر
هسه اجي ونشوف منو أكثر
رضوى =اي تعال مو تتأخر
صاحولي ع العشا وكعدنا نتعشى واجه يمنا عادل الفلاح هذا
ورده أكثر من اخوي
احبه وأمه إنسانه طيبه شكد تحبني ما اجي للمزرعه إلا أمر بيها
اروحلها للغرفه
من نسوان كبل تطلع شكو ظامه عدها حلقوم جكليت عبالك
زغيرون وانا احبها دوم اكثر
شي احبه من جوه ايدها الخبز بالدهن والتمن بالحليب كل ما
اجي تسويلي انا احبها
انطيها مصرف الها مني جنت كاعد يمها وحاجتني ام عادل
- - يمه سلام شعجب ما اجه فواز وياك
::خاله عده شغل
ام عادل /:هاء شغل يمه اريد احاجيك وخاف تعتبرني اتدخل
وانا رحت لو رديت مره غريبه
::لا خاله انتي مو غريبه انتي ربيتيني انتي وحده منه وبينا
ام عادل/:جا خوش اريد اكلك على فواز
::وانا اسمع
ام عادل /:يمه فواز ذاك اليوم اجه للمزرعه وجانت ويا ،،،،،
اهنا اجه فلاح وقاطعنا وهو يكول //سلام ابوي يكول بسرعه
خلي يجي هم ياالله نروح
زين جاي
ابوي يگول استعجل

باوعت على ام عادل ::خاله اذا الامر مهم باچر امرلج
- - اي والله سلام شغله مهمه
طلعت ولكيت الكل صاعد بالسياره وطلعت ام عادل وراي
سالت عمي
ها عمي خير
كل خير بس نمشي هم يالله
وصعدنا وصلنا للبيت جان صنطه دخلنه للصاله فارغه
سمعنا عمي صاحب يصيح //طاهر سلام تعالو
أجينه نصعد تلكتنا صبيحه تخرط بخدها عمي طاهر يسألها
شبيج شصاير
وهي تخرط بخدها //مصيبه طاهر صخام بوجهنا بلاوي
النسوان المسويات ارواحتهن
فقاير فضيحه طاهر فضيحه اذا ما نتلاحگها نصير علج بحلوك
الناس
ما اعرف شلون وصلت للغرفه شفت وياريت عيوني عميانات
كبل ما اشوف الي شفته
شفت اخوي عضيدي بطرك الشورت وحبيبتي شنو حبيبتي
خطيبتي بعد أقل العشر تيام
تصير حلالي شفتها كاعده ع الجربايه وهي بدون حجاب ونص
ردن واللحاف على نص جسمها
عمي طاهر بس شاف هيج أخذ المسدس من صاحب إجت
سهير وهي تتوسلني
- - فدوه سلام لا تكتلوها وتنفضحون
انا انتبهت الكلامها رحت آلعمي طاهر واخذت المسدس
عبالهم انا اريد اكتلها اخذته وإنا
اباوع الهم واشوف شلون فواز عيونه بالكاع وهي بس صافنه
وتباوعلي وتهز برأسها
بمعنى (انا ما مسويه شي )
كسرت السكوت وكلت العمي طاهر
::اتصل بشيخ حسن (عالم ديني ) خلي يجي يعقد الفواز وهاي
عمي طاهر خابر الشيخ وطلع فواز يلبس وهمه طلعو انا
اتأخرت يمكن ردت اسمع منها شي
لحكتني ولزمتني من جتفي درت عليها شفت بعيونها دموع
جابت المسدس وحطته بكلبها وكالت =سلام اكتلني اذا
تشوفني خنتك وانا والله مو خاينه اكتلني
سلام بس لاتزوجوني الفواز اعقد عليه انت اصير لك خدامه
جوه حذائك لاتمر بيه عاملني
خدامه بس لا تظلمني سلام اخذني اسجني واتزوج وحده ثانيه
واصير خدامه الك والمرتك
اكتلني بيدك كطعني بس لاتخلي فواز يتزوجني فدوه سلام
جاوبتها وانا ارجف ::اششش انجبي ما اسمع صوتج انتي وحده
خاينه
شمرت ايدها ونزلت كعدت بالصاله والكل كاعد شفت عطاء
صعدت واجه الشيخ لان صلاح
ابن عمي راح يجيبه اجه وطلع فواز اجه عليه يريد يحجي وياي
ما باوعت بوجهه وطلعت ما
ردت اسمع اي كلمه منه لان اعتبره خاين وهو فعلا خاين انا
صعدت بالسياره ظليت
أسوق وابجي واكول
:: وج توني خابرتج تكليلي لا تتأخر ليش او ويامن ويه اخوي
فريت ال

سياره وخابرت فارس صديقي
الو هلا والله
:: فارس انت وين
بالكوفي شبيك سلام
:: اسبقني للشقه
شصاير سلام كلي
انا سديت التلفون انا وفارس أصدقاء من زمان وفواز ويانه
معتبرين فارس اخو النه بالنسبه الي ما اضم علي
شي خوش ولد مؤدب ملتزم هاي الشقه مالته مشتريها وانا
مساعده بقسم منها منطيني نسخه مفاتيح واله نسخه
انا من طلعت من البيت ماخذ وياي المفاتيح رحت لكيت
فارس منتظرني شافني سألني

- سلام شكو شصاير
انا ذبيت روحي ع القنفه اجه يمي فارس كلي //شبيك سلام
فهمني
عيوني مليانات دموع :: فارس اريد ارتاح لا تسألني
فارس صار گدامي وهزني من اكتافي // سلام شبيك انت
تبجي يخسا الي ايبجيك ياصاحبي
انا فقدت ما كدرت اسيطر على نفسي واحجي
::ولك فارس راحت راحت مني الي احبها خانتني ويه أقرب
الناس الي --بعدين باوعتله كتله --
روح جيب مشروب
فارس/:شني هاي سلام انت ما تسويها تهزك مره وتخليك
تشرب
::فارس رووح جيب لي لا تخليني اطلع بالشارع
فارس/:على كيفك سلوم هسه رايح بس اهدا
وطلع فارس وانا بقيت كل شويه اكول
ولج انا شنو شسويتلج بيش اذيتج ولج ويه اخوي وانت يا
اخوي يا عضيدي ما لكيت
إلا البنيه الي احبها ليش ياخاين
لا والجلبه تكلي اكتلني بيدك اذا تحس بيه خاينه ولج ودي مو
بس اكتلج لو بيدي اكطعج
وأذب لحمج للجلاب يا نذله
اجه فارس وصرت أشرب ابحدي بالغرفه وابجي واكول
::هسه لزمها دخل هو وياها للغرفه يضحكون عليه لان
استزوجوني شيسولفون جنت اريدها تركص الي
بالغرفه هسه كل الي حلمت بي وياها جاي تسوي
الفواز(عضيت اصبعي حييل ) انا الكم إلا اندمكم
ياانذال
التلفون يرن اباوع رقيه صرت ا ضحك
::أخت الشريفه شعدها
ما جاوبت رقيه نمت وكعدت على رنة التلفون شفت الساعه
عشره الصبح باوعت شفت
شكد اتصالات من عمي طاهر وصاحب ومن عمتي عليه بس
ما كو من فواز اي طبعا خجلأن
لو لا معرس لازم ما يدوخ نفسه بالاتصالات
رفعت التلفون وعمي طاهر //انت وين سلام انت زين ما بيك
شي
جاوبته بتعب ::اي عمي ما بيه شي يم صاحبي
طاهر //تعال بابا رايدك بشغله
::كول عمي أسمعك
طاهر //عمي تعال كبل البيتنا اذا ما تريد تروح هناك
:: عوفني اليوم ابو صلاح ما الي خلك باجر اجي
طاهر //لا هسه تجي انا وصاحب منتظريك
عرفت اذا ما اروح راح ايلحوون عليه وكل شويه واحد متصل
جاوبته ::يالله ماشي جاي
طلعت لگيت فارس ما موجود ومخلي ع الطبله الي بالصاله
صينينه مغطيها ويمها ترمز چاي رحت للحمام
سبحت وبدلت واجيت شربت بس چاي وطلعت البيت عمي
طاهر ما فتت على بيتنا ماردت ازعج المعاريس
وانا الف حسبه أبالي بس أهم شي عندي شلون انتقم
وصلت تلكاني فلاح ابن عمي سلمت وكال //فوت سلام
للديوان منتظريك
دخلت لكيت عمي طاهروعمي صاحب كاعدين
سلمت وانا اشوف القلق بعيونهم عليه سألني صاحب // وين
جنت خوفتنا عليك
جاوبتهم :: يم ولد صديق
گعدت وعمي طاهر گال // الله بالخير
الله بالخير
طاهر //شوف بابا سلام الي صار بيك مو شويه ولو ما انت
لازم أيدي جا وروح صبار كتلتهم بايدي بس شسويلك
::عمي بعد صارت ما تسوى
صاحب //عمي سلام انت عزيز وتعرف شكد نحبك لا والله
نحبكم بس دكة فواز ناقصه
طاهر //. مو بس فوازصاحب مو بس فواز هي هي الساقطه
ام نفس الدنيه شسوي الصبار الي خلاهن عنده واله انا
ردت اوديهن الابوهن گبل لا امهن تتزوج
صاحب // كافي طاهر الصار الصار
طاهر // هم صحيح بعد الحچي ما اله داعي (باوعلي ) شوف
عمي سلام من الأخير انت تختار وحده من بناتنا
وتتزوجها وغير هالحجي ما عدنا
::عمي تسلم بس انا ما أفكره...قاطعني
طاهر //لا عمي مو بكيفك انت تاخذ وحده من بناتنا لو عطاء
لو كوثر انت ابنه وما نقبل
ينكسر كلبك من وره اثنين جلاب حقراء وهاي انا وصاحب
انكلك كبع وأخذ واليوم
انا فكرت بيني وبين نفسي شلون اخلي رضوى تموت من
القهر لان ادري بيها شكد تكره كوثر وكوثر
تموت من رضوى بيني وبين نفسي ::اي سلام هاي فرصتك
للانتقام
:: انتقام انتقام منين انتقم من أخذ كوثر انتقم من نفسي كوثر
ما احبها ولا اطيقها شلون اخذها
::بس لا خلي اخذها وأتشفى برضوى
::مو فواز يكلي ما أطيق كوثر لان تضوج رضوى هسه اجيب
كوثر و اخليها بالبيت عظم
بزردوم الحقيره
صاحب //ها سلوم وين صفنت
::لا عمي وياكم وانا أشكركم بالنسبه العطاء تدرون رابين سووا
ما اشوفها إلا مثل زينب وغدير
وبصراحه ما اكدر أصير نذل واسوي مثل الي سووا فواز لان
ادري هي موكفه الفواز
من همه زغار
صاحب //اي والله كلامك ذهب حتى انا من حجيت وياها
كالت ما اشوف سلام إلا اخو الي
وفواز بعد ايخسا ايشوف اظفرها
::لذلك عمي ابو صلاح انا يشرفني أن اطلب ايد بنتك المصون
بت عمي وتاج راسي كوثر طبعا بعد أن تسالها
طاهر //عمي سألتها من الصبح وكالت ما عندي مانع اذا يجي
ويخطبني
صاحب //أبو صلاح خابر شيخ حسن كبل لا يروح الصلاة
الجمعه
وفعلا خابر عمي الشيخ واجه وعقد وانا ما اعرف هذا الي
سويته وصار امر واقع صح لو خطا
رحت للبيت شفت محد بي طبعا جمعه ومعاريس

نايمين
المن يگعدون
رحت الغرفتي وطلعت من الميز فلوس وانطيتهن العمي
وكتله العرس يوم الإثنين
اخذهن عمي وسمعت بس الهلاهل من داخل البيت
💟.... يتبع

١_____٦

#البارت_الخامس
_____
رضوى
يلتمن عليه مشتتات البال
وانفضهن نفض وانهض ولا چني
وليت وعف ضميري وما كسرت العود
ولسن شبه الزلم بالعلن سبني
لازحت الحيا ....لاضيعت معروف
ولا خنت الوفا وربعي اجفلوا مني
اضحك بالوجوه بغير راحة بال
واصبر لو ليالي العسر ضكني
💔💔💔💔💔💔
سلام
دخلت للبيت من بيت عمي طاهر شفت البيت فارغ اتذكرت
اليوم جمعه واكو معاريس بالبيت
باوعت الغرفة فواز ردت ادفرها وادخل احركها عليهم بس
لزمت نفسي دخلت الغرفتي وطلعت فلوس
ورحت العمي طاهر وكتله
عمي ذن الكوثر والعرس أريده يوم الإثنين
طاهر //لا عمي ما يلحكن
::عمي يلحكن والنقص يكملنه وره الزواج
طاهر/:خلي اسالهن وانت ليش ما تدخل للبيت شتسوي
بالديوان مو عقدت شنو
اول مره تجي البيتنا
ودخلت ويه عمي طاهر وصاحب وانا احس بنفسي مذبوح
تلكتنني صبيحه هلهلت وباستني بخدي

طاهر كلها //ام صلاح سلام مستعجل يريدها يوم الإثنين وانا
اكله أجلها
صبيحه //يا طاهر ليش اياجلها اشو كل شي حاضر والنقص
يكملونه وره العرس(لزمتني صبيحه من ايدي )
تعال يمه رووح العروستك واليوم العصر اطلع انا وياها
واجهزها وانت طاهر دز واحد
من الولد يجيب سمج مشوي ما لحكت اطبخ تلوهت على
سلام
ودخلت لكيت كوثر كاعده وهي مبدله من شافتني دنكت انا
سلمت وكعدت يمها كوه أجر النفس كتلها

مبروك
كوثر بخجل /:الله يبارك بيك
انا سكتت هي بادرت
كوثر/:سلام صدك العرس الاثنين
::اي الاثنين
كوثر/ بس ما الحك جنت حابه اسوي حفله بقاعه وين نلحك
نحجز ما نحصل
::ولا يهمج نحصل ما عليج
لا سلام صعبه ما نحصل
::بالفلوس كل شي نحصل
ولزمت التلفون وخابرت فارس كتله ::شوف لي حيا الله قاعه
وأتفق وياهم على كل شي وشگد ما يردون ادفع
فارس //انت من كل وعقلك تريد لك قاعه يوم الإثنين منو
ينطيك حجز
هسه انت شوف
اكلك سلام المن
::الي زواجي الاثنين يالله بعد أخوك
وك سلام لا تتهور شنو زواجك الاثنين على كيفك ويه روحك
فكر زين خاف بعدين وتندم
--انا حاولت افهمه ما اكدر أرد --
::العصر يمك فارس بس انت لا تقصر
كعدنا اتغدينا كلنا أبيت عمي طاهر إجت عطاء وسهير وعمي
صاحب وكعدنا نتغدا سووا كوثر
كعدت بصفي وتتعمد، تمسني عطاء كعدت يم ابوها مبين
عليها الحزن والانكسار ابد ما
باوعت بوجهي وبيت عمي طاهر رغم الموقف بس فرحانين
خصوصا صبيحه وكوثر انا
ما أكلت قليل لان ما أشتهي شربت جاي وطلعت كتلهم
عندي شغل ورحت للشقه واجاني فارس
1
فارس/:شنو سلام شنو قضية القاعه الي تريدها يوم الإثنين
اي فارس دبرها شلون ما كان
فارس/:سلام المن
شبيك فارس كل ساع اعيد الي انا راح أتزوج الاثنين قبل
ساعه عقدت على بت عمي
فارس/:سلام لاتتهور عبالك تنتقم من فواز او ،،بس تره انت
جاي تنتقم من نفسك
سلام متعجب ::فارس انت شتحجي منو كلك
فارس/:انت سلام البارحه من صرت تشرب وتبجي وتحجي
شي صار وشي ما صار وانا
مو غريب بس اكول انطي نفسك مهله وأسمع من كل
الأطراف
جريت حسره ::فارس يا أطراف شفتهم بعيني اخوي وخطيبتي
تعرف شنو
فارس/:اي اعرف سلام بس هم لازم تعرف شنو السبب وليش

::بعد ما يفيد راح أتزوج بت عمي وكل من يذكر صاحبه بالخير
فارس/:اتجذب سلام انت جاي تجذب ولا راح تنسى ولا
تتخلى عن ثارك صاحبي واعرفك
بس اكلك شغله وحده راجع نفسك وأسأل عقلك وكلبك راحو
يدلونك
جاوبته بقلة صبر ::فارس كوم رووح احجزلي قاعه أريدها
قسمين للنساء والرجال واتفق على العشا انا
ما أعزم بس الأقارب والأصدقاء يعني ما الحك بس ثاني يوم
راح اسوي عزيمه جبيره وانا هم راح اطلع
اشتري ملابس وقاط لان ما الحك أفصل
فارس /:ولو اشوفك استعجلت بس صار تدلل سلام
وطلعنا فارس يدور على قاعه وانا رحت اشتريت ملابس
ورحت ع الشط كعدت وانا احس بكلبي خاوي
صدكوني اريد أصرخ واحجي ويه روحي

::ليش تخونيني ليش ولج احبج وانتي بعدج ما مسجله
بالمدرسه احبج من جنتي تسوين كصايب
ومن كبرتي وانا وياج واحد ما مفارك الثاني حتى من اوصلج
للمدرسه تكليلهن هذا خطيبي
ليش هيج غدرتي بيه انا الخاطرج بيت عمي طاهر ما شايفه
هاي خمس سنوات لان ادري بيج
تضوجين من كوثر وادري بكوثر تكرهج وتغار منج لان احبج وانا
اضوج من كوثر على مودج
تالي راح اخذكوثر واسويلها كل شي حلمنا بي سووا وكدامج
صرت ابجي ابجي من القهر واكول
بس يا فواز ما انسالك هذا الشئ لو أموت لازم انتقم منك
ومن ذيج الحقيره
صعدت سيارتي والمسجات ما بطلت اعرفها من كوثر فتحتها
أحبك
اموت عليك
انت حياتي
انت جنوني
انت حلمي
انت كل شي بيه فرحي وحزني
انت مليكي وانا الحبيبه الصابره
هاي كانت كلمات كوثر وأكثر وأكثر بس انا روحي خاويه ما
أفكر بشئ صرت ابجي لان
المفروض هذا الكلام تكتبه الي رضوى لا تكولون حرام زوجة
أخوك وعلى ذمته بس همه الي بدو
والبادي اظلم
اجتني رساله من نقال رقيه قريتها
(سلام انا رضوى والله بريئه انا مو خاينه والأيام تثبتلك بس رد
وانا افهمك لا تظلمني سلام )
مسج ثاني (زين روح ا

سأل فواز حلفه الله عليك سلام الحقيقه
عد فواز لا تضيعني وتضيع نفسك )
من قريت الكلام ودي الزمها واشرب من دمها بس ليش
تكتب لي من نقال رقيه ليش وين نقالها
بقيت اسب واشتم وانا بالسياره مختنك ما اعرف شسوي
ظليت افتر مره انزل من السياره
ومره أصعد وامشي بيها ما اعرف وين بعدين قررت ارجع
للشقه وصلت تقريبا
الساعه بالوحده الصبح حدي ضايج لاكاني فارس لزمني بادينه
على إجتافي وهو يكول //
سلام كلي وين جنت صار مية مره اتصل وانت ما تجاوبني
انا ما جاوبته دخلت للغرفه وكعدت بالكاع بالزاوية وانا احس
بروحي تريد تطلع صرت ابجي اجه فارس
وكعد مقابيلي كلي //ليش سلام ليش هيج تسوي بروحك تره
انت جاي تنتحر انتحار بطئ
انا بس باوعت وما حجيت
فارس //إلى متى ياصاحبي اذا هلكد تحبها ليش ما سمعتها
خليها تدافع عن نفسها
جاوبته بحرگه ::لا شنو تدافع عن نفسها ولك شفتهم لا فارس
رضوى وفواز أعدائي ولازم انتقم منهم
فارس/:منين تنتقم من أخوك وبت عمتك سلام لاتفكر شلون
تنتقم فكر ليش همه هيج سوو
بقيت أفكر بكلام فارس ونسيت حتى نقالي بقى بالسياره
بقيت استرجع ذكرياتي ويه اخوي وحبيبتي قصدي
زوجة اخوي الي خانتني بدء شريط الذكريات انا أتذكر ما بيوم
هي باوعت الفواز
غير مثل اخوها لو هو الي جان يكتل بولد عمي طاهر لمن
يكولون ندافع لأختنا قصدهم
كوثر وهو يضرب بيهم
لو من وكفهم بالشمس وما خلاهم يدخلون لمن ما اجه ابوي
ولكاهم
محموسين بالشمس وهو يبجي وابوي يسأله ليش بابا طارد
ولد عمك وموكفهم بالشمس وتبجي
فواز //بابا ابجي على اختي على رضوى يعني لو ما انا اخوها
هذوله شيسوون بيها بس
إله اموت اي واحد يوصلها اموته خلاص

:: يمكن حباها لان نصب نفسه أخ عليها زين هي ليش
قشمرتني ليش وهمتني بالحب
:: اذا تحبه ليش تضوج من تشوف كوثر لو تباوعلي بنظره
اووف منج ياحقيره قشمرتيني اله انتقم منج
وبقيت هاي حالتي يمكن للصبح
نمت كعدت الساعه عشره وربع رحت سبحت ولبست
ملابسي وطلعت ما باوعت النقال ظليت امشي بالسياره
شفت روحي طلعت ع السريع وقررت اروح للنجف والنقال
يرن وانا حتى ما اشوف منو يتصل وصلت تقريبا
العصر كلش رحت للفندق اخذت حمام انا ابد كل شي ما
مأكل من لمن اتغديت أبيت عمي طلعت رحت للأمام
زرت وصليت وقريت قرآن واستغفر وانا احس بروحي فارغه
ما اعرف شريد او شطلب حتى من وصلت
يم الشباك الشريف بقيت ساكت وبس دموع ينزلن مني
واحجي ويه نفسي
::معقوله ما عندي شي أطلبه من الله بجاه الإمام معقوله كل
مشاكلي محلوله
خنكتني العبره وكلت
::يا علي بجاهك عد ربك يا أمير المؤمنبين انا تعبان ومحتار
مقهور وما اعرف شسوي وأريد
المساعده منك سيدي انا تايه ساعدني دليني
بقيت تقريبا النص الليل وانا أصلي واقرأ قرآن احس بنفسي
هدأت لكن بعدني مقهور دخلت مطعم أكلت شويه
ما أشتهي وبعدين رحت للفندق وشفت النقال الي يمكن ما
باقي احد ما متصل دزيت رساله العمي طاهر والفارس
كتلهم بالزيارة الفجر كعدت صليت وطلعت للمقبره بالطريق
اخذت ماي ورد وبخور وصلت يم قبر امي وابوي
قريت الفاتحه ونزلت كتاب الله القرآن العظيم قريت سورة
يس بعدين غسلت القبور وشعلت بخور وكعدت يمهم
وانا مكسور خاطري من الي سووا وياي اخوي كعدت اسولف
ويه ابوي وأكله
::شفت بويه شنو سووا وياي اخوي وعضيدي مو دوم تكلي
انت حزام ظهر أخوك انت الزغير بس أريدك تدير
بالك على فواز شفت بويه فواز غدرني وكسرني وخاني بأغلى
شخص بحياتي يأبه فواز أخذ مني روحي أخذ
رضوى صدك بابا لو مواخوي جا كتلته خلاص بس انا هسه
مشبك بحديد والشابكني اخوي .
صرت احجي وانا أشهك من البجي بعدين رحت آلامي
::يمه اكعدي احضنيني يمه مو انا وليدج مو انتي تكليلي انا
من اموت مطمنه عليك
لان رضوى راح تعوضك عني وعن حناني مو انتي تكولين ما
اريد كوثر لان خبيثه
تخليك تكره اخوك وما تحن علي ابشرج يمه سلام راح ياخذ
الخبيثه يمه تره مو كوثر
الي خلتني أكره اخوي لا حبيبتج الي فضلتيها حتى على بناتج
كسرت خاطري لا يمه مو بس خاطري كسرت كلبي انا اليوم
مو بس جاي اشكي
همي جاي اعاتبج اي يمه اعاتبح ليش خليتيني احبها انتي يمه
قربتيني متها اكعدي
اكعدي شوفي شسوت بيه حطمتني يمه
جريت نفس وهزيت راسي :: بس لا وغلاتج وغلات ابوي الا
احطمها واحطمه
هذا الي تكلولي عضيدي لا تزعلون علي همه اعدائي وانا
اطلبهم بثار وثار چبيير اله احطمهم
اله اخليهم يتمنون الموت وما يلگونه
بقيت كاعد يمهم ملابسي كلها تراب وانا يمكن بعد ما بقى
دمع بعيوني كمت رحت من يمهم
بس رجعت درت على قبر امي وحچيت

::جنت اتمنى تكونين حاضره وياي ولو اعرف انتي ما قابله علي
لان راح اخذ
كوثر بس يمه تره حبيبتج وصديقتج وبنيتج خانتج قبل لا
تخوني وكسرت كلب
عطاء قبل لا تكسر كلبي
:: سامحيني بالي راح اسوي ولا تزعلين عليه
اتقربت يم القبر بسته ما صبرت صرخت حييل وانا احچي ::
يمه ما اگدر اعيش بدون رضوى يمه
چذب ما اكدر اكرهها يمه مو انا سلام الي تكولين انت وليدي
الي الله راضي عليه وانطاك الي ادعيلي

امووت واتوسدج ادعيلي يمه انا رضوى كتلتني من اخذت
فواز وانا كتلت نفسي من اخذت كوثر

رجعت وانا محمل أحزان وقهر وصلت وانا ما رافع التلفون
وراد على أحد وصلت للبصره الظهر
دخلت للشقه وسبحت واجه فارس
فارس/:سلام شنو الكاميرا الخفيه تختفي وترجع
::فارس مو كتبت الك انا بالزياره
بعديش بعد ما نشفت دمي ياالله عمي شكول الزياره مقبوله
رحت يمه كتله ::فارس انت الأخ الي ما جابته امي
فارس لزمني من جتفي وكلي //انا أخوك وصاحبك بس يبقى
فواز هو أخوك الي لازم
ما تعوفه لو شما يصير
::صحيح كلامك بس لازم تعرف الأخ الي يخون ما يتسمى أخ
وانا فواز دفنته من اول البارحه (جريت نفس )
هسه عوفنا شسويت
فارس/:ما خليت قاعه تعتب علي كلها محجوزه بس تالي
لكيت وحده لأغين الحجز لان صايره عدهم حالة وفاة
:: اي زين واتفقت وياهم
فارس /:اتفقت على كل شي ولا يهمك سدك امين
اتصل عمي طاهر انا رديت ::هاء عمي
طاهر/:شنو وينك
:: هسه توني وصلت
طاهر/:اي غير تجي
:: عمي باجر بالزفه يالله اجي اريد اروح الحلاق وارتاح
شويه (ما خليته ايجاوبني )صدك كفت الفلوس
لو ادز الكم
طاهر/: كفت وزادت وانا اتفقت ويه الطباخ على غدا يوم ثاني

::طال عمرك ولاتنسى خلي صلاح يحضر سيارتين كبار للناس
الي تحب تروح ويانه للقاعه
طاهر/:صار تدلل اكلك عمي غير تخابر خطيبتك خطيه من
أمس ما خلت شي بحلكها بس عينها ع النقال وكل شويه
تگلي بابا خابره شوفه وين
اتنفست :: ها اي عمي انطيني إياها
هاك وياك
:: هلا كوثر
كوثر/:هلا سلام وينك انت
:: مو فهمته العمي رحت للزياره اكلج كملتي
كوثر/:اي كملت والنواقص بعدين بس المهم حجزت قاعه
::اي حجزت هسه ادز اسمها بمسج وانتي شنو تحتاجين
اصرفي ماشي وانتي حجزتي صالون
كوثر //اي حجزت والبدله هم بس شويه غاليه
::الغالي يرخصلج اصرفي ولا يهمج
كوثر/: صار حبيبي
::يالله ارتاح شويه لان وراي كومه شغل
كوثر/:بااي حشتاقلك
::انا هم
صحت على فارس كتله انطيني اسم القاعه والعنوان ودزيته
بمسج ورحت للحلاق وفارس كلي لازم
تنام وترتاح وطبعا عزم أصدقائي الي گالو شنووهاي يمته
خطب يمته عقد
وثاني يوم وره الظهر اجو أصدقائي وصارو يهوسونلي لكن انا
ما جنت فرحان
واباوع وگوه اتصنع الابتسامه بصراحه جنت اتمنى فواز يكون
يمي ويهوسلي بعدين نفخت لان اتذكرت
همه ابيتنا متونسين وهو ما فكر حتى يوضحلي وانا مثل
اليتيم لا اب ولا اخ جريت نفس وصعدت سيارتي
الي زينوها الي أصدقائي وصعد يمي فارس ونزلت تلكاني
عمي صاحب وعمي طاهر جان لابس عكال وجفيه
وبشت طالع شيخ حضني ودخلنه لكيت كوثر كاعده ويمها
امها وبنات خالاتها وبنات خوالها
وشفت عطاء تدرون جنت مقهور ما ادري على نفسي ما
ادري على عطاء الي مبين الكسره على وجهها
والخذلان من اعز اثنيين خانوها
اما سهير مبدله وفرحانه عبالك هي العروس من گد ما خاله
مكياج ومعتنيه بتسريحتها
كعدت يم كوثر وانا حتى ما باوعت الها عمي كلي //يالله بابا
أخذ عروستك واتوكلو الله يهنيكم
لزمتها من ايدها هي لزمتني حيل ما جانت مرتبكه احسها
لازمه ايدي مصره تكول

- - صرت الي انا حاربت واخذتك وما اعوفك
صعدنا انا وياها بس الطريق كله واحنا ساكتين وصلنه للقاعه
وهناك دخلنه انا وياها تعجبت
يمته اختارت الموسيقى والميز والكيكه وهواي أشياء انا بس
كعدتها بالكوشه طلعت
بعدين ما اجيت إلا لمن رادو يزفوني بس قبلها شغلوا
موسيقى وخلونه نركص انا وياها شويه
ما تحملت وكعدت بس هي بقت تركص يمكن من وصلنه
الحد مازفونه وهي بس تركص
رحنا للفندق
جنت ادور بين المدعوين ردت اشوف فواز ومرته بس ما
شفتهم ورحنا للفندق أصدقائي
وكرايبي ما قصرو وياي خصوصا اولاد عمي طاهر ولا جنهم
اخوان العروس وصلنه للفندق
وصعدنا انا وكوثر وأمها وسهير خلو جنطة ملابسنا وراحو بعد
أن اتمنولنه حياة سعيده
صبيحه تتعمد تحاجي بتها بصوت عالي وتسمعني //
ماما كوثر عيوني ربيتج وتعبت عليج وكتلج أهم شي
الشرف وأن شالله صنتي شرف ابوج واخوانج
واريد تصونين شرف رجلج وديري بالج علي رجلج تره سلام
يستاهل كل خير
داري واسمعي كلامه وكل شي يكوله تكليله تم
انا من سمعت هيج رحت بستها برأسها وبقيت بس انا وكوثر
كعدت يمها بعد أن
نزعت البرنص بقت بس بالبدله هي حلوة مقبوله او يمكن
حلوة كلش لان انا ما منتبه
بس الوحده بحياتي لكن كوثر صارت أمر واقع وذيج صارت
حلم لا مو حلم جيثوم على
صدري ما يقبل ينزاح
اقتربت منها كتلها
كومي غيري ملابسج انا راح اطلع بره
هي ردت بهدوء //بس أفتح السحاب
فتحت السحاب وطلعت بره عشر دقائق وانوب رجعت للغرفه
لكيتها لابسه بدلة نوم بيضه
كلها اغراءات هي باوعتلي وكالت انا جوعانه انت ما تريد تأكل

وكعدنا واكلنا جان فارس موصي ع العشا وحلويات وعصائر
عبالك عدنا سفره مدرسيه هي اكلت
بشهيه ما اعرف ليش تذكرت ذيج الخاينه وهي تضحك وتكلي

رضوى/:هاي بت عمك يوم عرسهالازم تحضرون اسعاف
وفصل
انا

اضحك واكلها ليش بالله
لان يتراوالي ما مصدكه تتزوج اكيد راح تروح للصالون من
السبعه الصبح وبس متريگه واكيد ما تاكل بس شويه
وكت الغدا لان تبين للناس هي ماتشتهي فمن ايزفوهم
ويجيبولهم العشا ما ايكفيها تروح ع العريس تاكل من عنده
ايد او رجل
اتخيل سلام يجوونكم الشرطه ولازميها وهي متلذذه بالاكل
وهذا المسكين يصرخ
بوكتها رديت وانا اضحك :: ولج شبيج شنو هالخيال حتى
نفسي لعبتي
- - صرت تتخيلها شلون ملغمط حلگها وهي اتگول گعانه
يابابا
انا ابتسمت رغم قهري وانا اشوفها گدامي ووهي تعيب على
كوثر
لو من تتخوصر وتهز بايدها وراسها وتعيب على صبيحه
ا. اباوع الكوثر واشوف رضوى وراها واگفه وتعاتبني ليش
اخذتها واكفه ودموعها يجرن على خدها وشفايفها ايرجفن
صرت احجي ويه نفسي وانا مغمض عيوني
::اووف ياربي غير تروح صورتها من كدامي هاي شتريد مني
مو خانتني مو كسرتني ليش واكفه وتعاتبني
دنكت وهزيت راسي رحت غسلت وهي همه بعدين كعدت
بصفها اتدنيت لزمتها من جتفها وحجيت وياها

:: كوثر انتي تدرين بالي صار يعني كله مكشوف انتي
هسه صرتي زوجتي ولازم تحتويني
وتطلعيني من الشي الي مر بيه لان الي صار مو قليل اريدج
تسمعين كلامي
وما اريد اي شي يصير بيناتنا يطلع الامج او اختج وأول شي
--كمت طلعت شيت حبوب --
كوثر هاي حبوب مانع يوميه تاخذين وحده -هي باوعتلي
باستغراب -
لا تفهميني غلط انا مو ما اريد أطفال لا بالعكس اريد واريد
لان انا صفيت وحيد بس ما اريد
يصير عدنا أطفال واحنا كاعدين بذاك البيت لازم اطلع بيت
ابحدي واستقل بحياتي وتصير عندي
فلوس أكثر من فواز هاي انا وهاي انتي تقبلين احطج على
رأسي ما تقبلين شهرين يا كوثر
اطلكج لان ادري بيج انتي شكد حاولتي على مود تأخذيني
وتفوزين بيه ادري واعرف
لمن جنا ازغار وتتعاركين وياها لو تخلين اخوتج يضربوها لو
من عطلت السادس علمي على
مود تدرس وانتي بالكليه خفتي خاف تطلع طب او صيدله
صرتي يوميه تجين انتي واخوتج
وتتعاركين وياها او وين ما تروح تودين اخوانج يتحارشون
بيها على مود ترسب وسويتي
اهواي اشياء هسه انا صرت الج وهسه يابت الناس انا كلي
الج والي انتي تكرهينها أخذتيني منها
بجداره وهذا الشي يمج متوقف عليج توافقين على الكلام الي
اكوله تمشي حياتنا ما توافقين ما اجبرج
كل شي يرجع المكانه
كوثر كامت كعدت وراي وحضنتني من ظهري //سلام انت
الحلم الي حاربت رضوى على مود
افوز بيك وما قطعت الأمل جنت مستعده اسوي المستحيل
على مود اخذك وهسه انت الي
تدري شنو اتمنى
:: شنو
اتمنى تكوم وتضربني على مود أتأكد انت صرت ملكي
وشتريد اسوي والي تكوله أمر انت السلطان وانا الجاريه
::لا انتي اذا سمعتي كلامي راح تصيرين اميرتي
كوثر /:تدري بيه احبك لا شنو احبك انت جنوني وعلى مود
تعرف انا ما اخلف الك كلمه
هاك بايدك شربني الحبايه يوميه اخاف تكول ما اشربها
بكلامها وطاعتها جبرتني اخذها وصارت كوثر زوجتي من
اخذتها كوه حبست دموعي لان اتذكر
ذيج الخاينه والي المفروض تكون مرتي لكن خانتني ويه اعز
الناس ويه اخوي وهسه مو بس هي عدوتي
لا هي واخوي الد اعدائي والي لازم انتقم منهم لو هذا الشي
ايكلفني حياتي
نمنا وكعدنا انا ابد ما غمض الي جفن نار بگلبي تسعر ما اعرف
شريد لو شراح اسوي كل
الي اعرفه انو انا تزوجت عدوة رضوى وهاي اول ضربه الها بس
الي قاهرني اكثر فواز ليش ما اجه
اعرف بي لو مو غلطان ويعرف بزواجي راح يجي وغصبن ع
الكل بس ما اعرف
اكيد هيه ما خلته يجي اي اكيد
كعدنا سبحت هي قبلي وانا بقيت اباوع النفسي
إجت حضنتني وكالت //يالله حبيبي روح اسبح
دخلت للحمام فتحت الماي وانا ابدي اصرخ لكن لازم نفسي
كوه بس ما لازم دموعي الي اختلطن بماي الدوش
طلعت بدلت واتريكنا وطلعنا للبيت وبعقلي الف سؤال وصلنا
شفنا ناس دخلت السياره للكراج
واجو ذبحو على رجلها ذبيحه قبل لا تدخل للبيت رحنا نمشي
وانا عيوني تباوع هالمره اريد اشوف فواز
لكن ما شفته دخلنه من باب المطبخ تلكني أخواتي
زينب وغدير يهلهلن ويبوسن واجن خالاتي وعمتي ام مقداد
بس عمتي عليه ما موجوده بيني وبين نفسي
:: طبعا ما تجي قابل الها عين تراوي وجهها وره سواية
بتها
دخلت للمطبخ وقبل لا نوصل للصاله شلتها وهي خاله
اديها بركبتي وتضحك
ودخلنه للصاله جانت جبيره وبيها غرفه الي وغرفتين اخذهن
فواز فتحهن على بعض انا شايل كوثر والبنات
يهلهلن ويشمرن جكليت وانا افتر بيها وكوثر حاضنتني
وتضحك بصوت عالي وادور شفت وحده على كرسي
متحرك وجهه مورم وصاير جدمه زركه ومجبسين ايدها
ورجلها وعمتي عليه تدفع بيها
انا شايل كوثر وعيني بعينها جانت رضوى وهي تباوعلي ما
ادري تباوع النفسها
💝💛💚💗💖💙❤💕💔💓💞💟💓💗💖💝💘
💗💖💕💓💜💞💟💔💞

#البارت_السادس
///////🌹🌺🌷////////////
رضوى
بيوم الي سمعت من خالتي انو صبيحه عزمت خالتي انا ما
نمت ظليت بس ابج

ي اتمنى اكتل
نفسي إجت رقيه الدمعه بعينها لان تدري بيه انا ما اسويها
اخذت التلفون منها وكتبت السلام
=سلام انا بريئه وما مسويه شي وروح اتاكد من اخووك
لكن هو ما رد عليه رغم كلتلي رقيه لا تراسلينه لان هي
اتصلت أكثر من خمس مرات وما رد عليها
اتصلت رادت تبلغه اني انا بالمستشفى واجت امي وانا
صرت ابجي مثل الطفل أبجي واشكي
=يمه والله انا ما مسويه شي انا بريئه يعني يمه هسه سلام
خلاص راح
بعد ما يرجعلي اخذ كوثر شلون اخذها وهويكرها شلون يمه
والله ما يطيقها ليش تزوج كوثر ليش
امي بنتر والكسره بوجهها //:ما تعرفين ليش من وره مصيبتج
ما ادري مصيبة فواز سلام انذبح من اقرب اثنين
اخو وخطيبته الي رباها على ايده
=يمه يمته تصدكون انا بريئه
امي بعصبيه // بريئه شلون والولد بغرفتج ومحد بالبيت ومنو
يصدك
انا وگفت رغم ما اگدر امشي الشباك مال الغرفه قريب وهو
مابي محجر يعني بس جام مفتوح عالاخر فتحت
الشباك وگلت الامي الي ما كانت منتبهتلي
=يصدگون من اشمر نفسي واموت فواز هسه بحكم الشرع
زوجي لكن كلهم راح يسالون نفسهم اذا
هي تريده ليش تعوفه وتنتحر
امي من شافتني هچي ظلت تلطم على وجهها وتگلي // كافي
ولج تردين تموتيني (واجت وحضنتني وهي تبچي )
ادري بيج ما مسويتها وادري شگد تحبين سلام بس بعد انسي
واتحملي الي صار صار وكله من فواز الي بقى ساكت
ظلت تمسد على ظهري وهي تحچي //مو عبالج بس انتي الي
ذبحج فواز لا فواز ذبحني من خلى صبيحه تشمت بيه
انسي رضوى سلام راح وانتي اخذتي اخو بعد حتى التفكير بي
حرام
جاوبتها وانا ابچي =. يمه ما اخذت اخو العقد باطل جبرروني
اخوانچ يمه
امي باوعتلي // شتسووين تكتلين نفسج وتموتين هم سلام
راح يبقى ويه كوثر وانا يبقى فالي البچي والحزن
وفواز شهرين تلاثه ويرجع ويه اخو وعمامه وانتي ترحين من
فگر روحج لا ماما حبيبتي اصبري وكل
شي اتحملي وفواز غصبن ما علي يسويلج حل ويحچي
الصدك واذا بقى ساكت فاانتي زوجته
كافي رضوى
= زوجته صدگيني امووت وما اخلي فواز يلمس شعره مني
امي حضنتني ورجعتني للچربايه وانا بقيت ابجي ما اعرف
ابجي على سلام لو على فضيحتي كدامه
لو على اتهامي بالخيانه لو ابجي على عطاء الي صارت تشوف
بيه وحده رخيصه ركضت وره خطيبها
بيوم العرس انا ما نمت الليل كله وانا أفكر بسلام خصوصا وانا
اعرف كوثر وكرهها وغيرتها مني
بقيت الليل كله وانا ابجي الصبح اجه الطبيب و الممرضه وانا
ابد ما نمت بس ابجي شافوني انا
كلت للطبيب اريد اطلع اليوم هو كلي حالتج استقرت
كت آلامي =هسه اطلع روحي اجريلي سياره ما ابقى
اسمع امي خابرت فواز وكلها جاي عاتبتها = ليش خابرتي
امي // انا سايستج من گلتي اريد اطلع بس ما ندري شنو راح
يصير عاد هو الهرفه يتصرف وكافي اسكتي
لان بعد ما بيه هديتيني رضوى
صارت امي تبچي وانا اشهكووالضحى إجت العامله الي
بالمستشفى
وجابتلي كرسي متحرك وكعدتني وفواز اتصل باامي وصلت
للسياره ما باوعت بوجهه هو فتح الباب الوره
حاول يساعدني طلبت من العامله تساعدني هي وامي
وكعدت وره وهو صعد الكرسي للسياره
امي كعدت يمه بالصدر وصلنا واحنا التلاثه ساكتين وفواز
بس يدخن بدون ما يحچي وامي خاله وجهها ع الجامه
ما تباوعله شفت هوسه يم الباب نزل هو فتح الباب ودخل
السياره وبعدين نزل الكرسي وانطاني ايده انا هم خليته
يساعدني لان الموقف مو مال واحد يعاند خصوصا وانا ما
اسيطر اوگف هو كعدني بالكرسي وبعدها
مد ايده بجيبه وانطه آلامي مفتاح غرفته وكلها
- عمه أخذيها للغرفه انا راح أسلم ع الزلم
تستمر القصة أدناه

امي اخذت المفتاح بدون ما تحچي ويا ودفعتني بالعربانه
ودخلت من باب المطبخ وانا اسمع الهلاهل صرت
ارجف لان اعرف الهلاهل السلام وكوثر دخلنا
لكينا هواي بنات بالمطبخ ومن ضمنهم جانت عطاء امي
سلمت بعضهن رد بس عطاء باوعتلي
بكره وحقد عمري كله ما شفته بعيونها دخلنه للصاله الجبيره
الداخليه الي توصلني الغرفة فواز شفت
نسوان واكفه وبيهن يهلهلن وبيهن يضحكن وشفت واحد
شايل وحده ويفتر بيها هو صارت
عينه بعيني جان هو هو سلام شفته وهو يصطنع الابتسامه
شفته شايل كوثر الي چانت لازمه ركبته
وهي تضحك ومن شافتني حضنته بالزايد وبعيونها تتحداني
وهو ما نزلها بالعكس بقى شايلها
ودخلها للغرفه امي سلمت تلكتها خالتي ام مقداد ورقيه
وخالات سلام أم تيسير
وام بهاء ربيعه هاي صديقة امي وجانت تدري بيه شكد احبه
السلام لان عمه وسيله مسولفتلها
كل شي
امي وصلتني الغرفة فواز الي كل هذا ألعمر ما داخلتها ولا
شايفتها لان عطاء جانت تنظفها وانا أنظف
غرفة سلام
همه اشترو غرف النوم اثنينهم سووا ونفس الموديل بعد ان
اخذو راينا دخلتني امي للغرفه جانت
عباره عن غرفتين فاتحهن على بعض وحمام وحده مخلي بيها
السرير وميز تواليت وطبله زغيره واثنين
كراسي ونص طخم قنفات والثانيه مخلي بيها الكنتتور وبيها
لوندري للملابس يعني مسويها غرفة
تغيير ملابس انا بقيت گاعده واجت رقيه ساعدت امي انزل
من العربانه كلت الامي
افرشيلي جوه
ا

مي // ما سمعتي الطبيب كال تنام على چربايه ولازم رجلج
شويه تكون مرتفعه
= ما انام على هذا الفراش احسه نكس
امي //. رقيه نزلي فرشه وخليها ع الجربايه وبعدين بدلي وجوه
المخاد
رقيه نزلت كرتون امي گالت // لا هاي نزلة عرسه اشتراها
العرسه مو الهيج مناسبه شوفي غيرها
نزلت وحده ثانيه فرشتها ونزلت من العربانه بقيت گاعده على
ما غيرت وجوه المخاد اتمددت وانا اشوف
بعيون رقيه دموع لكن هي ساكته
وره ما اتمددت امي كالت //خلي اطلع أبارك واشوبش
العروس
رقيه كالتلها/: يالله انا هم بعدني خلي نروح اثنينه نبارك
امي ورقيه راحن والباب بقى مردود شافن كوثر كاعده بالصاله
وزينب وغدير يمها وبنات خالاتها ويسولفن
ويضحكن بصوت عالي راحت امي سلمت وصلت يمها
كالتلها امي //مبرووك عمه الله يوفقكم ويهنيكم
-وباستها هي بس انطت خدها-
ردت عليها بلا نفس وهي كاعده وخاله رجل على رجل وتهز
برجلها //شكرا
امي طلعت فلوس تريد تنطيها كوثر بادرت ورفعت ايدها
وحجت بصوت عالي
//لا عمه شنو هاي شجاي تطلعين خلي فلوسج يجيبج لان
سلومي حبيبي منعني كلي ممنوع تاخذين منها
ومن هاي ( واشرت على رقيه ) ومن ذيج (واشرت على غرفة
فواز )
وصارت تضحك بصوت عالي هي وبنات خالتها امي تفشلت
خصوصا ومحد ردها باوعتلها كالت
- - عفيه أبت اخوي حبيبتي الي تسمع كلام زوجها بس سلومي
ما علمج شلون تحترمين عمتج وانتي
ما علمتي الرجلج شلون يحافظ على صلة الرحم
كوثر وكفة وعينها بعين امي // لا نعرف صلة الرحم كلش زين
بس اكو ناس ما تستاهل نگول عليهم
هذوله من گرايبنا اصلا ما يشرفنا
امي //حقج عمه حقج
ورجعت امي الدمعه بعينها وراها رقيه امي باوعتلي غمتني
بأثنين أديها وهي تكلي
- - ايا جلبه شمسويه من مصيبه لمن لا واحد من إخوتي اجاني
وج زعطوطه ما تسوى
أمس متزوجه تضحك عليه الناس وانا ساكته ما كدرت ارد
عليها كون الله ياخذج ويفكني منج

رقيه //لا يمه لاتحجين على رضوى والله رضوى ما تسويها
بس شوفي منو سواها وذبها برأسها
امي كعدت بالكاع وهي تبجي/:ادري والله يمه بس شسوي
اتمنيت صبار او وسيله بالوجود جا كلمن وكفو
عد حده بس شنسوي ما عدنا حظ يعني بيش تختلفن عن
حظي
صرنا تلاثتنا نبچي انا باوعت الرقيه كتلها
= رقيه رمشي ع فواز واكتبيله مسج يجيب غدا من بره
واصعدي فوك نزلي ملابسي وعلبة الذهب والنقال
رقيه كتبت مسج ورمشت بعدين صعدت فوك ع أساس
تجيب ملابسي إجت مبين عليها الاحباط
شايله جنطه بس من فتحتها لكيت الملابس عباره عن بقايا
كلهن مشككات والأحذية مكسرات الكعب والجنط
مشمور عليهن صبغ أظافر والنقال بس الشريحة مكسر من
كل مكان ما باقي شي البسه والذهب بس العلبه باقيه
امي من شافت هذا الشي اجت علي وحظنتني لان انا بقيت
بس ابجي بدموع بدون ما احجي امي كالت
- - لا تضوجبن هسه اخلي فواز يروح ويجيب ملابس
لا يمه والله فواز اذا جاب ملابس احركهن
امي رفعت اصبعها على حلگها =اشش لا تحچين ولا تبينين
شي فواز رجلج خايفه علي يجيب و غصبن
ما علي وانتي غصبن عليج بس تطيبين تلبسين وتتمكيجين
وتتقبلين فواز رجل الج
جاوبتها وانا اشهك =والله اموت روحي وفواز ما يمسني
تشوفون تجييكم الأخبار
رقيه تباوع آلامي وتهز رأسها وگالت // انا اجيبلج ملابس شنو
نمونه انتي بس لا تنقهرين يولن الملابس
بس هم خلي يعرف فواز بالي صار احسن
انا عرفت منو هيج مسوي عطاء وحقها لو انا مكانها وشفت
الموقف جا حركت الغرفه بس مستحيل عطاء تاخذ
الذهب
شويه ونسمع صوت خاله ربيعه ام بهاء وهي تحجي ويه سلام
💟💟💟💟💟💟💟💙💙💙💙💟💟💟💟💟💟
💙💙💙💙💟💟💟💟💟
سلام
لمن دخلت للبيت لكيت كرايبنا كلها متجمعات وشفت
بالباب زلم واگفين دخلت السياره للكراج ولاكني
زينب وغدير وهنه يهلهلن ويطشن جكليت انا بصراحه كل
همي اريد اشوفها دخلنه للصاله واعرف
هي موجوده بالبيت ولو ما شفت سيارة فواز لان اعرف بي ما
اله وجه ايواجهني ويواجه عمامي
جنا قبل نسولف انا وياها من نتزوج وتدخل للبيت راح اشيلها
وافتر بيها گدام الموجودين خصوصا كوثر
بس هسه صار لازم اشيل كوثر وكدامها
من دخلنه للبيت عمي صاحب ذبح يم رجل كوثر خروف لزمتها
من ايدها ودخلنا للصاله وراسا فاجآت
كوثر شلتها وهي تعلكت بركبتي وانا افتر بيها وهي فرحانه
ونسوان تهلهل ونسوان تضحك وانا افتر بيها
وعيوني ع الصاله وعلى غرفة فواز المسدوده وانا ادور شفت
شي گلب كياني شفت رضوى بكرسي متحرك
وجهه ازرك مورم وايدها ورجلها مجبسات وعمتي عليه تدفع
بيها عمه سلمت انا ما رديت من المفاجئه
بس گلبي صار يدك
اريد اروح اعرف شبيها ومنو هيج سووا بيها وليش محد
خبرني اجاني صوت صبيحه
سلام يمه نزل عروستك شلعت كلبك
اشوف عمتي عليهر تفتح باب غرفة فواز انا رديت بصوت
عالي
::لا عمه هاي تاج راسي ابدي أظل اشيلها العمر كله وراح
اخليها على رأسي يكفيني بت عمي
وصانت شرفها
ودخلت عمتي وصبيحه تتعمد تحجي بصوت عالي //يمه هاي
تربية أمها وأبوها انت التدري شگد ربيت وتعبت

ودخلت انا وكوثر وانا ما ادري

ليش هيج حجيت اتشفى منها
مثلا احس بروحي مختنك
على رضوى اريد اعرف شبيها نزلت كوثر الي ما قبلت تعوفني
بس كتلها
::عيب اروح أسلم ع الزلم وارجع
وطلعت من باب المطبخ شفت عطاء بره شايله جدر صحت
عليها
::عطاء عطاء تعاي
إجت /ها سلام
::عطاء شبيها ليش جايبيها على كرسي
عطاء بقهر وعتب //شنو سلام ما نسيت مو هي أتزوجت
وانت هم اتزوجت
::اي بس اريد اعرف
- - والله يا ابن عمي وكعت من الدرج
:: يمته ؟
عطاء تباوعلي باستغراب //شنو يعني محد گالك وتسالني
يمته بنفس الساعه الي كملو بيها العقد ابوي كل الفواز
أخذ زبالتك وأنزل ما نريد نشوفها هو نزل وهي راسا وكعت
من فوك ليجوه
رديت بعصبيه :: ليش محد كلي
- ليش انت وين من اجه الشيخ مو طلعت وبعدين
شتسوي خليها تستاهل الحقيره
( عطاء كوه لازمه نفسها ما تبجي ) ياريتها تنشل وتظل بس
تباوع بعيونها
اشو انا نزيت وكلت (اسم الله عليها)
عطاء فتحت عيونها متعجبه
رحت امشي واحجي ويه نفسي ::يعني رضوى انتحرت ليش
شنو السبب يعني هي كل هذا الوكت بالمستشفى
وانا محد خبرني
وصلت للديوان لكيت هواي جايين أصدقائي واقاربنا اول ما
دخلت شفت فواز من شافني وكف
بس انا خطيته ما سلمت علي هو عادي ولا كانو اكو شي ورأي
اجو زلم هو تلكاهم واحد من
اقاربنا كله
شنو وينك أمس ما شفتك بس هم سمعنا تزوجت
فواز //اي تزوجت بالمستشفى (وطكاها ضحكه )
شويه واجته ترميشه وانوب فتح تليفونه على المسج
وكف وكال من رخصتكم وطلع شغل
السياره انا بقيت كاعد بس احس كاعد على نار اريد اعرف
شنو الي صار هي عثرت وطاحت لو حاولت تنتحر
كمت رحت للبيت طلع وراي عمي صاحب
- - سلام وين رايح
:: هاء عمي رايح ألبس دشداشه اريحلي
- روح بس لا تتأخر
وصلت للصاله شفت نسوان كاعدات وكوثر هم كاعده
وتسولف وتضحك انا سلمت وردت أفتح باب الغرفه
صاحتلي خالتي ام بهاء //سلام يمه اوكف
انا انداريت الها ::ها خاله أمري
خالتي وكفت ومبين عليها الزعل وحچت بصوت مسموع //
ليش يمه هو هذا تعب امك وسيله
انا متعجب من كلام خالتي والكل سكت سألتها :: خير خاله
شصاير
ام بهاء/:ليش توصي مرتك تفشل عمتك وبت عمتك گدامنا
ليش عمه مرتك الدارسه الفاهمه
فشلت عمتك ام رقيه كدام النسوان تكلها ما أخذ شوباش
منج ومن رقيه لان انت موصيها ما تاخذ من
عليه وبناتها شوباش ليشءشبيهن مو عيب عليك شنو انت
اخذت بت عمك واخوك اخذ بت عمته شنو
الي صار الدنيا قسمه ونصيب
صبيحه //شنو ربيعه تردين بس تسوين مشكله
ام بهاء رفعت ايدها بدون ما تباوع الصبيحه /: انا ما اسوي
مشاكل جاي احجي ويه ابن اختي بتج فشلت
عمتها وصارت هي وبنات خالتها يضحكن عليها وكوثر تكلها
سلومتي ما يقبل اخذ منج ومن هاي ومن ذيح
وعليه راحت للغرفه والدمعه بعينها ليش صبيحه همه اخوان
بعدنه اسم الله بالطبك تردن تفركنهم
صبيحه /:ام بهاء مو احنا الي فركنا الاخوان

انا باوعت الكوثر واشرت الها دخلت للغرفه واجت وراي راسا
لزمتها من ركبتها
:: ولج كوثر لو ما العيب وميكولون بيج شي جا هسه
طلكتج حقيره شلج غرض بعمتي ورقيه
هي صارت تبجي وتحجي بخوف //سلام انا عبالي هذا الشئ
يفرحك مو البارحه تكلي اريد انتقم منهم
::وانتي شعليج ٫انا انتقم ما تتصرفين من كيفج اسمعي ولج
انتي ما عليج وعمتي ورقيه خط أحمر
كمت طلعت دشداشه ولبست ورحت الغرفة فواز وهنه
يباوعن انا دكيت الباب
طلعت رقيه كتلها //صيحي عمتي وتعالي وياها
وكفت بنص الصاله إجت عمتي انا من شفتها طحت على
رأسها وبستها وهي الدمعه بعينها كالت
- - مبارك يمه سلام شايف الف خير
:: الله يبارك بعمرج
رقيه //مبروك سلام الله يوفقك تستاهل كل خير
انا صحت عل كوثر جانت بعد هي بالغرفه
::كوثر كوثر تعاي
هي طلعت //ها سلومتي
::تعاي طيحي على عمتي وبوسي رأسها وايدها واسمعي كدام
الكل عمتي عليه مو خطار
صاحبة بيت وما اسمح الاي أحد يتجاوز منو ما يكون
صبيحه //صلي على محمد يمه شني مو قصدها كوثر
ربيعه /لا قصدها وهي مو زغيره بتج الي سوته شي جبير
وراحت كوثر طاحت على عمتي وباوست رقيه وانوب كت
العمتي وانا اصطنع الابتسامه
::عمه انطيني الشوباش انا وليد اخوج شگد خسرت هاي كوثر
اجاها ع البارد المستريح
وضحكت عمتي والدمعه بعينها كالت// يمه تستاهل ماي
العيون
وشالت فلوس وخلتهن بايدي صدك انا انقهرت على عمتي
شفتها مكسوره بس تكابر خليت
ورحت يم الزلم لاكاني فواز بيده علاليك دخل للمطبخ وطلع
نقاله واتصل شفت رقيه إجت انطاها
العلاليك ورجع للديوان صار الظهر والناس كامت تصلي واحنا
رحنا يم الطباخ الي بدا يصب
شفت فواز صعد بسيارته وراح يعني ما اتغدا ونكلو الغدا ولد
عمي وانوب صبو للنسوان
وصارو ياخذون للمطبخ انا ما تغديت رحت الطباخ كتله
سويلي صينيه زينه وخلي بيها سوب
وغطيها بخبز شلتها ورحت عبالهم اخذتها الي والكوثر دخلت
للصاله ع غرفة فواز
والكل يباوعلي دكيت الباب وانا شايل الصينيه فتحت الباب
رقيه انا كتلها
::هاج رقيه هذا غدا عمتي و غداج
رقيه/:م

شكور سلام هسه جابلنه فواز واتغدينا
انا شفت فواز من انطى العلاليك الرقيه اخذت الصينيه
وخليتها كبال النسوان وطلعت حسيت
حتى رقيه مكسورة
صرت أفكر يعني رقيه لمن اتصلت جانت تريد تكلي على
رضوى زين اذا محاوله تنتحر ليش تريد
تكتل روحها مو اخذت عشيقها لو لان انفضحت
وصرت اضرب اخماس باسداس إلى ان رن التلفون وجانت
كوثر وهي تبجي
سلام انا الهسه ما ما كله منتظرتك شنو بعدك زعلان علي
:: هسه جاي خلي يحضرون غدا
ورحت شويه كعدت وانوب رجعت يم كوثر اتغدينا وانا مو
يمها وأحس بيها بعيونها كلام بس بالعته

وره العرس بقينا مثل ما احنا كوثر وعطاء صارن صديقات
وياهن سهير دائما يسولفن و يضحكن
أما رضوى محد شافها أمها بقت يمها 3ايام وانوب إجت رقيه
باتت يمها يومين وبعدين إجت
خالتي ام بهاء راحلها فواز جايبها تبقى يم رضوى يومين
ورجعت عمتي عليه هم بقت يمها
وعلى هالحال كل وحده تجي يمها يومين تلاثه وتبادل ويه
الثانيه
وره أسبوعين انا مستلم محل التايرات وما اتلاكه ويه فواز واذا
أحتاج بضاعه لان هو ألي
يشتريها من التجار ادز عزوز العامل وهو يشتري او يدفع
ويدزهن للمخزن
من يوم الحادث ابد ما حجيت ويه فواز وهو بالأساس ما
متواجد بالبيت دائما يجي نص الليل واشوفه ينام بغرفة
امي الله يرحمها أسبوعين جنت طالع العصر للشغل لمن
شفت رقيه ومقداد ابن عمتي جايين سلمو علي انا كلت
المقداد اتفضل ابو احمد بالديوان ليش بره
مقداد /:لا سلوم جايين ناخذ رضوى بلكي اليوم يفكون
الجبس منها
::هاء شعجب انت تأخذها
مقداد/:هي خابرت أختها وانا اجيت وياها نأخذها للطبيب
تعرف فواز مشغول
انا حاولت أطول بالكلام ويا على امل تطلع واشوفها صار
أكثر من أسبوعين ما شايفها اول
مره بحياتي هلكد افاركها طلعت وشفتهاجانت كاعده
بالكرسي المتحرك ورقيه تدفعها
انا ابتعدت سمعتها سلمت على مقداد
= اشلونك ابو احمد
مقداد رد // هلا رضوى اشلونج
جان صوتها مبحوح وعيونها منفخات اعرف بيها من تبجي
عيونها تنفخ مقداد فتح الباب ورقيه
وهو حاولو يساعدوها وصعدت السياره هي شافتني ودنكت
انا اتمنيت اروح اشيلها
و اخليها بالسياره
لكن بذيج اللحظه تذكرت الصوره المقززة الي شفتها بيها هي
وفواز
صعدو وحركت سيارتهم وانا هم طلعت بسيارتي لكن جنت
اغلي من القهر وانا مره اضرب
على الاستيرن مره اعض اصبعي واكول
::زين ليش هيج مكسوره جنتي تمثلين عبالج ما اعرف بيج
جنتي تردين تأخذيني وتخونيني
ويه اخوي هسه جاي تمثلين دور الضحيه ولج شفتج بعيني هو
هذا الخبلني ولج تدرين
ما جاي انام وما اعرف انام وكلبي نار ما تطفى بس لا يارضوى
حسابج عسير انتي وهذا الكلب فواز
مو سلام الينضحك علي
شنو عبالج اخليج مرتاحه من كل وعقلج
ضربت ع الاستيرن وانا گوه اتنفس وصلت للمحل اتلكوني
العمال على مود تجهيز طلبيه فهمتهم ورحت للمكتب
وانا مختنك اريداعرف ليش حاولت تنتحر وليش هي وعمتي
ورقيه وحتى فواز مكسورين زين فواز ليش
ما حاول ايبررلي ظليت محتار لكن أكثر شي محيرني انو انا
كرهتها لكن ما اكدر انساها
بالليل رجعت ما كدرت اسأل عليها اشوف ضوى الغرفه
مفتوح لاكتني كوثر وهي تحضن بيه
وتبوس وهلا حبيبي حضرت الك الحمام
رحت سبحت وبدلت وكعدنا اتعشينا بغرفتنا لان عمي صاحب
بالميناء وسهير راحت الاهلها
وعطاء رايحه آلامها تشوفها يعني بالبيت بس انا وكوثر او
رضوى لان اعرف فواز ما موجود
ما شفت سيارته
وره ما كملنه العشا جابتلي كوثر جاي واجو بيت عمي طاهر
وكعدو يسولفون ويضحكون
وانا عيني ع الباب ما نزلتها لمن ما صبيحه سألت كوثر

صبيحه/:شنو شخبار المسعده
كوثر/:شمدريني شلي غرض بيها
صبيحه /:ادري مالج غرض بس اسأل
كوثر/:جابتها اختها فاكين الجبس عن ايدها ورجلها ودخلت
للغرفه بعد محد شافها
صبيحه /:شنو بت عليه عدها الناس خدم
طاهر //صبيحه اسكتي ما عليج
صبيحه /:ساكته عيني ساكته شنو اكدر افك حلكي غير انوكل
بگشوري (هزت ايدها )
عفيه عين وكحه ما تنكسر گاعدين بالبيت وهمه المثلهم
ايطمون روحهم
وراحو بيت عمي قريب الساعه12 انا دخلت للغرفه اريد أنام
إجت كوثر يمي
كوثر/:شنو نمت سلام
::والله اذا تسمحيلي باجر عندي شغل
كوثر/:بس اريد احجي وياك
::وانا اسمعج
كوثر/:سلام تره شفتك عينك ما نزلت من الباب تباوع بلكي
تشوفها
انا كعدت على حيلي شفتها كاعده باوعت الها ولزمتها من
حنجها ردت اكسر فكها حجيت وياها
وانا اصك باسناني ::ولج كوثر شكم مره حذرتج لا تحجين وياي
بموضوعهم ها شكم مره ليش ما تأخذين الكلام
هي ظلت تباوعلي وصار نفسها عالي انتبهت بعدني لازم فكها
واضغط علي
هديتها هي ترجف وانا اتمنى اموتها جوه أيدي اتغطت ونامت
حسيت بيها تبجي وانا ولااتقربت الها ولا حاولت
أطيب خاطرها
نامت وانا بقيت كاعد وبس ادخن تقريبا الساعه تلاثه الفجر
حسيت ب فواز شرف الصبح كعدت شفته نايم
ع القنفه الي بالصاله انى حتى ما حاولت اكعده
ورأي كعدت كوثر شافت فواز نايم إجت للمطبخ اتعمدت
تعلي صوتها كالت
— شنو مبين ست الحسن طاردت

ه الاخوك --وضحكت --
انا خزرتها وما عقبت على كلامها كعد فواز لان اكيد سمعها
هوما چنه ايشوفنه راح للحمام الخارجي وبعدها
صعد بالسياره وراح كوثر جابتلي ريوك وعلى اساس زعلانه
من سالفة البارحه اتريكت شويه وطلعت
ركبت سيارتي ورحت للشغل وانا اسأل نفسي
::ليش نايم بالصاله مو بغرفته معقوله متعاركين لا يمته
تعاركوا هو النهار كله ما موجود ورجع نص الليل
وحتى صوت ما سمعنالهم
بقيت بالمحل لكن فكري ولا يم الشغل حتى من يجيني عامل
يسالني او يجي زبون ما اقابله اخلي عزوز لو
واحد من العمال ايقابله ويكله ما موجود الظهر رجعت للبيت
لكيت عطاء جايه وسهير همه ولكيت كوثر شاويه
دجاج صبو الغدا واجه عمي صاحب من الميناء وكعد يتغدا
ويانه انفتح باب المطبخ إجت خالتي ربيعه ويه فواز
خالتي كالت // صلوات على محمد وآل محمد السلام عليكم
ردينا السلام وفواز فات كبل للغرفه بدون ما يسلم انا لزمت
بخالتي تتغدا ويانه كالت
— هني ومري خاله غير مره فواز اجه وعزمني ع الغدا
هالاجيت ويا
كملنه غدا وجاي نشرب جاي بالصاله إجت رضوى للمطبخ
بدون ما تسلم طلعت قوري زغير
وخدرت جاي عمي صاحب من كمل غدا صعد يغير ملابسه
نزل كعد يمي بالصاله شافها راحت
للمطبخ ظل يحجي بصوت عالي ويگول
//بت الكلب شكم مره انكلج اذا احنا موجودين انتي ما نريد
نشوفج يعني إلا نقترف جريمه
على صوته طلعت خالتي ربيعه حجت //أبو أنمار على كيفك
ردت چاي وگتلها تسويلي
صاحب/: وليش ما كلتي الكوثر العطاء هاي العار ما نريد
نشوفها
هي ساكته ما فكت حلكها اخذت الجاي وراحت للغرفه شويه
واجت خالتي ربيعه وكعدت يمنا
ام بهاء //يمه سلام (طلعت علاكه من جوه عباتها ) أخوك
يكول هذا الذهب مال امك الله يرحمها الك نصه
وفواز يگول بكيفه ياخذه لو يبيعه
جاوبتها وانا عاكف حاجبي :: شنو أريده لو ابيعه شنو حضرته
يفرض عليه
ام بهاء/:لاخاله على كيفك بس فواز يكلي اخذي الذهب ودي
للصايغ وخلي يشوف شكم مثقال واقسمي
بالتساوي
نفخت وجاوبتها ::اي خاله اخذي
ام بهاء/:زين خاله انا العصر أخذه وانت امشي وياي
هزيت راسي :: لا خاله انا ما اروح
ام بهاء/:اشو اكل الفواز ما يقبل اكلك ما تقبل وانا ما اروح
ابحدي
صاحب //اخذي وياج ام أنمار وام صلاح
ام بهاء بدون نفس ::عادي اخذهن
العصر راحت خالتي وراحت وياها صبيحه وسهير واجت خالتي
بس مااجى فواز ما جان
موجود سهير إجت ومبين عليها متوتره وضايجه اما صبيحه
فاشوف لمعه بعيونها
انا وعمي كاعدين بالصاله واجت خالتي ربيعه سلمت وكعدت
وكوثر وعطاء بالمطبخ لمن ما سهير دكت الباب
على رضوى وهي تكلها
سهير /:اطلعي شنو خدم احنه عندج اطلعي اشتغلي مو شالو
الجبس من رجلج
هي فتحت الباب صارت عيني بعينها وهي تحجي ::ها عمه
شرايده
سهي بعصبيه // عمه العماج ما يشرفني أصير عمت وحده
عايقه مثلج
هيه رجفت وباوعتلي تريد تكلي كوم دافع عني ردت عليها =
أتصور انتي دكيتي علي الباب
سهير/:اي و اريدج تطلعين تشتغلين احنه مو خدم
ربيعه //مو هيج ام أنمار على كيفج وياها
صبيحه //شنو ام بهاء شو ليل ونهار كاعده بغرفتها فوك شينه
كوات عينه
رضوى =اشو اطلع خالي يتهدد ويكول ما اريد اشوفها ابقى
تجن تكللي اطلعي
سهير //بوكت ما موجود احد تطلعين وتشتغلين ومن يجون
عود ضمي روحج مو انتي خطيه
تستحيين هوايه
صبيحه باستهزاء //اي ام انمار تستحي هواي
اجت كوثر واشتركت //هو انتي خوفج من التستحي لان هاي
من جوه ليجوه (وصارت تضحك )
سهير /:وشبيهن حبوبه قابل انكتلن انذبحن اشو ظلن
كاعدات والناس خدم الهن
صبيحه /:ما سامعه ابخت الكح...,
هي باوعتلي والدمع بعينها وعمي صاحب يسمع وساكتين
ام بهاء //بسجن عيب عليجن تحجن على دمجن ولحمجن
بعدين صبيحه شلون تتلفظين هيج كدام
حماج ورجل بتج
صبيحه //اسكتي ام بهاء لادم ولا لحم اي شي ما يربط البنات
بيها عود امها اخت الولد
وامها تزوجت وذبتهن ما تشوفين شلون طلعن
ام بهاء //هاي انتي الجبيره وهيج تحجين لا عتب ع المزعطه
صبيحه /:اكلج ام بهاء احنا ما لنه غرض بيها الله يكافينا شرها
وشر امها وحبايبها
نسوان كل شي يسوون عل اساس فقاير وهنه كل البلا بيهن
ما يستحن
عطاء بقهر //اي والله صدك عمه هواي ناس بهذا البيت ما
تستحي تسوي روحها فقيره بس الله فضحها
كوثر //وج عطاء وشلون فضيحه بالباكيت (وطكتها ضحكه )--
ام بهاء //بس تره كلش عيب شنو هالحجي صبيحه تره
التحچيين عليها رجلج يصير اخوها وهاي بتها
عيب ام صلاح ما يصير
صبيحه //لا يصير الي يريد يجيب خدامه للكح،،،خلي يجيب
بنات الحمايل مو خادمات للعايقات امهات الزلم
واجه صوت فواز يجلجل من المطبخ وهو يعيط
صبييييحه سهييير يا هنه العايقات امهات الزلم
//////////////////////////////يتبع

٧___٨

#البارت_السابع
/////////🌷🌹🌺////|||

رضوى
لمن شمرت نفسي من الدرج جان ثاني يوم اخر امتحان الي انا
كلش شاطره بس الامتحان الأخير انا جنت
فاقده بالمستشفى عرفت انو ما متت بس كسر ورضوض
وجانو شاكين عندي فطر بالجمجمه
فواز جابني المستشفى اهلي وسوالي كل الفحوصات اللازمه
بقيت بالمستشفى ما اعرف شكد من عرفت بسلام
أتزوج واتزوج منو كوثر انا ثاني يوم عرسه اصريت اطلع للبيت
رغم انا بعده جسمي ياذيني وما انام
الا ينطوني مهدئ كتبلي الدكتور على خروجيه من المستشفى
وطلعت
انا وفواز وامي اجينه تلاثتنا ساكتين انا ما اباوع بوجه فواز ولا
حجيت ويا كلمه وحده من
يوم الحادث اشوفه طول الطريق وهو يدخن من وصلنه شفنا
هواي ناس فواز كل آلامي
عمه راح انزل رضوى وانتي أخذيها هاج هاي مفاتيح غرفتي انا
اروح أسلم ع الزلم
ودخلتني امي وشفت سلام شلون شايل كوثر وشلون حجى ع
الشرف وسمعني شفت
امي إجت تبجي من فشلتها كوثر وهذا الشي خلاني اكره فواز
وافكر اتخلص منه لان هو حطمني وذلني
هواي صارت أمور انا أسبوعين ما شايفه سلام وهاي اول مره
هلكد ايام ما اشوفه بس ارجف من اسمع صوته
يصيح على ولد عمي طاهر لو من يكعدون بالصاله ويسولف
ويضحك انا ابقى بس ابجي لان اسمع صوته
وما اكدر اطلع احجي ويا لو اتشاقى مثل قبل وهو ايامر عليه
سويلي اكويلي جيبي هذا حطي هذا
فواز نهائيا ما وصل للغرفه ما اعرف وين ينام يجي بس
يجيبناالاكل ويدخل يبدل بالغرفه الثانيه
ويطلع ما يحجي وبس يدخن ولا انا احجي ويا
غرفة فواز عباره عن سويت مو غرفه هنه غرفتين فاتحهن على
بعض باب الغرفه الثانيه سلايد متصل
بالغرفه الرئيسيه
بيها حمام وداخل الحمام غساله فول أوتوماتيك وبيها لوندري
مال ملابس علمود بس يطلعهن
من الغساله يكويهن انا ما شايفه غرفة فواز ابد الا وره ما
طلعت من المستشفى لان عمه الله يرحمها جانت
تكلي انتي تنظفين غرفة سلام وعطاء تنظف غرفة فواز
امي راوت فواز شنو مسويات بملابسي وشلون كاسرات
النقال وعلبة الذهب الفارغه
هو حاجى رقيه وطلعت ويا وره ساعتين أكثر إجت رقيه وهي
جايبه جنطة ملابس ونقال آخر موديل
انا ما قبلت اخذهن امي كلتلي //اخذيهن يمه كدام الله
والناس هو رجلج لو بيومها خالج صاحب راميج
جا فصل فواز فصلين واحد الأهل ابوج او واحد الطاهر تأخذه
صبيحه ولو هنه اخذن اليردنه

وره اسبوعين فتحو الجبس عن رجلي وأيدي وبديت اتحرك
أخذني مقداد ورقيه بالطريق طلبت من
مقداد يوكف وكتله يجيبلي بطل بانزين من ذوله الي يبيعون
بالشارع نزل مقداد وهو مستغرب وبقيت انا
ورقيه بالسياره
رقيه تعجبت سالتني بخوف //رضوى شلج بي البانزبن
=رايدته اريد اوخر الاصباغ الي على الجنط وعندي شكم قطعه
هم مصبغات
رقيه //مو كلنالج ذبيهن شلج بيهن
=لا رقيه حلوات وموديل ما اريد اذبهن
المهم جابلي مقداد بطل البانزين وكلي ديري بالج تره سريع
الاشتعال
وصلنا للبيت وانا أحاول امشي دخلت وياي رقيه وبطل
البانزبن عدي شايلته بعلاكه
من صرنا بالغرفه رقيه حاچتني //رضوى ما كدرت احجي كدام
مقداد خيه حبيبتي مو تتهورين شلج
بي تردين تحركين روحج وتفرحين كوثر وج ادري بيج انتي ما
مسويه شي ولازم تطلع الحقيقه
منو يستاهل تحرگين روحج على موده وتدخلين النار
جاوبتها بتعب ==لا تخافين رقيه والله ما احرك روحي وأثبت
التهمه علي
رقيه //رضوى أحلفج بروح ابوي ذاك الرجال الطيب الفقير الله
عليج لا تلعبين بروحج ويغلبج الشيطان
=والله ام أحمد وداعة امي وروح ابوي محتاجته اطمني
رقيه //اي لازم ما تفرحين كوثر الحقيره وتخلينها تعير سلام
بيج تكله حبيت لك وحده بلا شرف لازم تحاولين
تثبتين السلام الصار كله انتي ما الج يد بي حتى لو بعد سلام
ما يرجعلج لكن بري نفسج كدامه
وحاولي تحچين ويه فواز يفسرلج الصار
انا من سمعت كلام رقيه صرت ابجي بصوت واكلها
=والله يارقيه انا محافظه على شرفي والله محد لامسني
وعيني ما تشوف بس سلام ولو شيصير ما اخلي اي احد
يلمسني غير سلام
رقيه // استغفري ربچ رضوى ما يصير
انا امسح بدموعي ويرجعن اينزلن = رقيه انا ما مسويه
شي الصار عبالك حلم ومستحيل اصدگه بيش ترديني
احلف انا ما مسويه شي انا شريفه وما اشوف بعيوني
وعقلي بس سلام
رقيه هم صارت تبچي //ادري بيج واعرف واكيد الحقيقه
تطلع اول وتالي وراح انحط اصابعنا بعيون
كل الي حجو عليج لو حجايه وهسه رضوى اروح وانا مطمنه
هزيت راسي = اي روحي يا عمري والله لا تخافين
رقيه حضنتني وكالت // بروح ابوي لا تتهورين ما يستاهل
ينسب وهو ميت صحيح ما واعيين علي بس
الناس كلها تكول فقير ومن اهل الله
مسحت دموعي وهزيت راسي وراحت رقيه وانا بقيت
بالغرفه و