مي // ما سمعتي الطبيب كال تنام على چربايه ولازم رجلج
شويه تكون مرتفعه
= ما انام على هذا الفراش احسه نكس
امي //. رقيه نزلي فرشه وخليها ع الجربايه وبعدين بدلي وجوه
المخاد
رقيه نزلت كرتون امي گالت // لا هاي نزلة عرسه اشتراها
العرسه مو الهيج مناسبه شوفي غيرها
نزلت وحده ثانيه فرشتها ونزلت من العربانه بقيت گاعده على
ما غيرت وجوه المخاد اتمددت وانا اشوف
بعيون رقيه دموع لكن هي ساكته
وره ما اتمددت امي كالت //خلي اطلع أبارك واشوبش
العروس
رقيه كالتلها/: يالله انا هم بعدني خلي نروح اثنينه نبارك
امي ورقيه راحن والباب بقى مردود شافن كوثر كاعده بالصاله
وزينب وغدير يمها وبنات خالاتها ويسولفن
ويضحكن بصوت عالي راحت امي سلمت وصلت يمها
كالتلها امي //مبرووك عمه الله يوفقكم ويهنيكم
-وباستها هي بس انطت خدها-
ردت عليها بلا نفس وهي كاعده وخاله رجل على رجل وتهز
برجلها //شكرا
امي طلعت فلوس تريد تنطيها كوثر بادرت ورفعت ايدها
وحجت بصوت عالي
//لا عمه شنو هاي شجاي تطلعين خلي فلوسج يجيبج لان
سلومي حبيبي منعني كلي ممنوع تاخذين منها
ومن هاي ( واشرت على رقيه ) ومن ذيج (واشرت على غرفة
فواز )
وصارت تضحك بصوت عالي هي وبنات خالتها امي تفشلت
خصوصا ومحد ردها باوعتلها كالت
- - عفيه أبت اخوي حبيبتي الي تسمع كلام زوجها بس سلومي
ما علمج شلون تحترمين عمتج وانتي
ما علمتي الرجلج شلون يحافظ على صلة الرحم
كوثر وكفة وعينها بعين امي // لا نعرف صلة الرحم كلش زين
بس اكو ناس ما تستاهل نگول عليهم
هذوله من گرايبنا اصلا ما يشرفنا
امي //حقج عمه حقج
ورجعت امي الدمعه بعينها وراها رقيه امي باوعتلي غمتني
بأثنين أديها وهي تكلي
- - ايا جلبه شمسويه من مصيبه لمن لا واحد من إخوتي اجاني
وج زعطوطه ما تسوى
أمس متزوجه تضحك عليه الناس وانا ساكته ما كدرت ارد
عليها كون الله ياخذج ويفكني منج

رقيه //لا يمه لاتحجين على رضوى والله رضوى ما تسويها
بس شوفي منو سواها وذبها برأسها
امي كعدت بالكاع وهي تبجي/:ادري والله يمه بس شسوي
اتمنيت صبار او وسيله بالوجود جا كلمن وكفو
عد حده بس شنسوي ما عدنا حظ يعني بيش تختلفن عن
حظي
صرنا تلاثتنا نبچي انا باوعت الرقيه كتلها
= رقيه رمشي ع فواز واكتبيله مسج يجيب غدا من بره
واصعدي فوك نزلي ملابسي وعلبة الذهب والنقال
رقيه كتبت مسج ورمشت بعدين صعدت فوك ع أساس
تجيب ملابسي إجت مبين عليها الاحباط
شايله جنطه بس من فتحتها لكيت الملابس عباره عن بقايا
كلهن مشككات والأحذية مكسرات الكعب والجنط
مشمور عليهن صبغ أظافر والنقال بس الشريحة مكسر من
كل مكان ما باقي شي البسه والذهب بس العلبه باقيه
امي من شافت هذا الشي اجت علي وحظنتني لان انا بقيت
بس ابجي بدموع بدون ما احجي امي كالت
- - لا تضوجبن هسه اخلي فواز يروح ويجيب ملابس
لا يمه والله فواز اذا جاب ملابس احركهن
امي رفعت اصبعها على حلگها =اشش لا تحچين ولا تبينين
شي فواز رجلج خايفه علي يجيب و غصبن
ما علي وانتي غصبن عليج بس تطيبين تلبسين وتتمكيجين
وتتقبلين فواز رجل الج
جاوبتها وانا اشهك =والله اموت روحي وفواز ما يمسني
تشوفون تجييكم الأخبار
رقيه تباوع آلامي وتهز رأسها وگالت // انا اجيبلج ملابس شنو
نمونه انتي بس لا تنقهرين يولن الملابس
بس هم خلي يعرف فواز بالي صار احسن
انا عرفت منو هيج مسوي عطاء وحقها لو انا مكانها وشفت
الموقف جا حركت الغرفه بس مستحيل عطاء تاخذ
الذهب
شويه ونسمع صوت خاله ربيعه ام بهاء وهي تحجي ويه سلام
💟💟💟💟💟💟💟💙💙💙💙💟💟💟💟💟💟
💙💙💙💙💟💟💟💟💟
سلام
لمن دخلت للبيت لكيت كرايبنا كلها متجمعات وشفت
بالباب زلم واگفين دخلت السياره للكراج ولاكني
زينب وغدير وهنه يهلهلن ويطشن جكليت انا بصراحه كل
همي اريد اشوفها دخلنه للصاله واعرف
هي موجوده بالبيت ولو ما شفت سيارة فواز لان اعرف بي ما
اله وجه ايواجهني ويواجه عمامي
جنا قبل نسولف انا وياها من نتزوج وتدخل للبيت راح اشيلها
وافتر بيها گدام الموجودين خصوصا كوثر
بس هسه صار لازم اشيل كوثر وكدامها
من دخلنه للبيت عمي صاحب ذبح يم رجل كوثر خروف لزمتها
من ايدها ودخلنا للصاله وراسا فاجآت
كوثر شلتها وهي تعلكت بركبتي وانا افتر بيها وهي فرحانه
ونسوان تهلهل ونسوان تضحك وانا افتر بيها
وعيوني ع الصاله وعلى غرفة فواز المسدوده وانا ادور شفت
شي گلب كياني شفت رضوى بكرسي متحرك
وجهه ازرك مورم وايدها ورجلها مجبسات وعمتي عليه تدفع
بيها عمه سلمت انا ما رديت من المفاجئه
بس گلبي صار يدك
اريد اروح اعرف شبيها ومنو هيج سووا بيها وليش محد
خبرني اجاني صوت صبيحه
سلام يمه نزل عروستك شلعت كلبك
اشوف عمتي عليهر تفتح باب غرفة فواز انا رديت بصوت
عالي
::لا عمه هاي تاج راسي ابدي أظل اشيلها العمر كله وراح
اخليها على رأسي يكفيني بت عمي
وصانت شرفها
ودخلت عمتي وصبيحه تتعمد تحجي بصوت عالي //يمه هاي
تربية أمها وأبوها انت التدري شگد ربيت وتعبت

ودخلت انا وكوثر وانا ما ادري

ليش هيج حجيت اتشفى منها
مثلا احس بروحي مختنك
على رضوى اريد اعرف شبيها نزلت كوثر الي ما قبلت تعوفني
بس كتلها
::عيب اروح أسلم ع الزلم وارجع
وطلعت من باب المطبخ شفت عطاء بره شايله جدر صحت
عليها
::عطاء عطاء تعاي
إجت /ها سلام
::عطاء شبيها ليش جايبيها على كرسي
عطاء بقهر وعتب //شنو سلام ما نسيت مو هي أتزوجت
وانت هم اتزوجت
::اي بس اريد اعرف
- - والله يا ابن عمي وكعت من الدرج
:: يمته ؟
عطاء تباوعلي باستغراب //شنو يعني محد گالك وتسالني
يمته بنفس الساعه الي كملو بيها العقد ابوي كل الفواز
أخذ زبالتك وأنزل ما نريد نشوفها هو نزل وهي راسا وكعت
من فوك ليجوه
رديت بعصبيه :: ليش محد كلي
- ليش انت وين من اجه الشيخ مو طلعت وبعدين
شتسوي خليها تستاهل الحقيره
( عطاء كوه لازمه نفسها ما تبجي ) ياريتها تنشل وتظل بس
تباوع بعيونها
اشو انا نزيت وكلت (اسم الله عليها)
عطاء فتحت عيونها متعجبه
رحت امشي واحجي ويه نفسي ::يعني رضوى انتحرت ليش
شنو السبب يعني هي كل هذا الوكت بالمستشفى
وانا محد خبرني
وصلت للديوان لكيت هواي جايين أصدقائي واقاربنا اول ما
دخلت شفت فواز من شافني وكف
بس انا خطيته ما سلمت علي هو عادي ولا كانو اكو شي ورأي
اجو زلم هو تلكاهم واحد من
اقاربنا كله
شنو وينك أمس ما شفتك بس هم سمعنا تزوجت
فواز //اي تزوجت بالمستشفى (وطكاها ضحكه )
شويه واجته ترميشه وانوب فتح تليفونه على المسج
وكف وكال من رخصتكم وطلع شغل
السياره انا بقيت كاعد بس احس كاعد على نار اريد اعرف
شنو الي صار هي عثرت وطاحت لو حاولت تنتحر
كمت رحت للبيت طلع وراي عمي صاحب
- - سلام وين رايح
:: هاء عمي رايح ألبس دشداشه اريحلي
- روح بس لا تتأخر
وصلت للصاله شفت نسوان كاعدات وكوثر هم كاعده
وتسولف وتضحك انا سلمت وردت أفتح باب الغرفه
صاحتلي خالتي ام بهاء //سلام يمه اوكف
انا انداريت الها ::ها خاله أمري
خالتي وكفت ومبين عليها الزعل وحچت بصوت مسموع //
ليش يمه هو هذا تعب امك وسيله
انا متعجب من كلام خالتي والكل سكت سألتها :: خير خاله
شصاير
ام بهاء/:ليش توصي مرتك تفشل عمتك وبت عمتك گدامنا
ليش عمه مرتك الدارسه الفاهمه
فشلت عمتك ام رقيه كدام النسوان تكلها ما أخذ شوباش
منج ومن رقيه لان انت موصيها ما تاخذ من
عليه وبناتها شوباش ليشءشبيهن مو عيب عليك شنو انت
اخذت بت عمك واخوك اخذ بت عمته شنو
الي صار الدنيا قسمه ونصيب
صبيحه //شنو ربيعه تردين بس تسوين مشكله
ام بهاء رفعت ايدها بدون ما تباوع الصبيحه /: انا ما اسوي
مشاكل جاي احجي ويه ابن اختي بتج فشلت
عمتها وصارت هي وبنات خالتها يضحكن عليها وكوثر تكلها
سلومتي ما يقبل اخذ منج ومن هاي ومن ذيح
وعليه راحت للغرفه والدمعه بعينها ليش صبيحه همه اخوان
بعدنه اسم الله بالطبك تردن تفركنهم
صبيحه /:ام بهاء مو احنا الي فركنا الاخوان

انا باوعت الكوثر واشرت الها دخلت للغرفه واجت وراي راسا
لزمتها من ركبتها
:: ولج كوثر لو ما العيب وميكولون بيج شي جا هسه
طلكتج حقيره شلج غرض بعمتي ورقيه
هي صارت تبجي وتحجي بخوف //سلام انا عبالي هذا الشئ
يفرحك مو البارحه تكلي اريد انتقم منهم
::وانتي شعليج ٫انا انتقم ما تتصرفين من كيفج اسمعي ولج
انتي ما عليج وعمتي ورقيه خط أحمر
كمت طلعت دشداشه ولبست ورحت الغرفة فواز وهنه
يباوعن انا دكيت الباب
طلعت رقيه كتلها //صيحي عمتي وتعالي وياها
وكفت بنص الصاله إجت عمتي انا من شفتها طحت على
رأسها وبستها وهي الدمعه بعينها كالت
- - مبارك يمه سلام شايف الف خير
:: الله يبارك بعمرج
رقيه //مبروك سلام الله يوفقك تستاهل كل خير
انا صحت عل كوثر جانت بعد هي بالغرفه
::كوثر كوثر تعاي
هي طلعت //ها سلومتي
::تعاي طيحي على عمتي وبوسي رأسها وايدها واسمعي كدام
الكل عمتي عليه مو خطار
صاحبة بيت وما اسمح الاي أحد يتجاوز منو ما يكون
صبيحه //صلي على محمد يمه شني مو قصدها كوثر
ربيعه /لا قصدها وهي مو زغيره بتج الي سوته شي جبير
وراحت كوثر طاحت على عمتي وباوست رقيه وانوب كت
العمتي وانا اصطنع الابتسامه
::عمه انطيني الشوباش انا وليد اخوج شگد خسرت هاي كوثر
اجاها ع البارد المستريح
وضحكت عمتي والدمعه بعينها كالت// يمه تستاهل ماي
العيون
وشالت فلوس وخلتهن بايدي صدك انا انقهرت على عمتي
شفتها مكسوره بس تكابر خليت
ورحت يم الزلم لاكاني فواز بيده علاليك دخل للمطبخ وطلع
نقاله واتصل شفت رقيه إجت انطاها
العلاليك ورجع للديوان صار الظهر والناس كامت تصلي واحنا
رحنا يم الطباخ الي بدا يصب
شفت فواز صعد بسيارته وراح يعني ما اتغدا ونكلو الغدا ولد
عمي وانوب صبو للنسوان
وصارو ياخذون للمطبخ انا ما تغديت رحت الطباخ كتله
سويلي صينيه زينه وخلي بيها سوب
وغطيها بخبز شلتها ورحت عبالهم اخذتها الي والكوثر دخلت
للصاله ع غرفة فواز
والكل يباوعلي دكيت الباب وانا شايل الصينيه فتحت الباب
رقيه انا كتلها
::هاج رقيه هذا غدا عمتي و غداج
رقيه/:م

شكور سلام هسه جابلنه فواز واتغدينا
انا شفت فواز من انطى العلاليك الرقيه اخذت الصينيه
وخليتها كبال النسوان وطلعت حسيت
حتى رقيه مكسورة
صرت أفكر يعني رقيه لمن اتصلت جانت تريد تكلي على
رضوى زين اذا محاوله تنتحر ليش تريد
تكتل روحها مو اخذت عشيقها لو لان انفضحت
وصرت اضرب اخماس باسداس إلى ان رن التلفون وجانت
كوثر وهي تبجي
سلام انا الهسه ما ما كله منتظرتك شنو بعدك زعلان علي
:: هسه جاي خلي يحضرون غدا
ورحت شويه كعدت وانوب رجعت يم كوثر اتغدينا وانا مو
يمها وأحس بيها بعيونها كلام بس بالعته

وره العرس بقينا مثل ما احنا كوثر وعطاء صارن صديقات
وياهن سهير دائما يسولفن و يضحكن
أما رضوى محد شافها أمها بقت يمها 3ايام وانوب إجت رقيه
باتت يمها يومين وبعدين إجت
خالتي ام بهاء راحلها فواز جايبها تبقى يم رضوى يومين
ورجعت عمتي عليه هم بقت يمها
وعلى هالحال كل وحده تجي يمها يومين تلاثه وتبادل ويه
الثانيه
وره أسبوعين انا مستلم محل التايرات وما اتلاكه ويه فواز واذا
أحتاج بضاعه لان هو ألي
يشتريها من التجار ادز عزوز العامل وهو يشتري او يدفع
ويدزهن للمخزن
من يوم الحادث ابد ما حجيت ويه فواز وهو بالأساس ما
متواجد بالبيت دائما يجي نص الليل واشوفه ينام بغرفة
امي الله يرحمها أسبوعين جنت طالع العصر للشغل لمن
شفت رقيه ومقداد ابن عمتي جايين سلمو علي انا كلت
المقداد اتفضل ابو احمد بالديوان ليش بره
مقداد /:لا سلوم جايين ناخذ رضوى بلكي اليوم يفكون
الجبس منها
::هاء شعجب انت تأخذها
مقداد/:هي خابرت أختها وانا اجيت وياها نأخذها للطبيب
تعرف فواز مشغول
انا حاولت أطول بالكلام ويا على امل تطلع واشوفها صار
أكثر من أسبوعين ما شايفها اول
مره بحياتي هلكد افاركها طلعت وشفتهاجانت كاعده
بالكرسي المتحرك ورقيه تدفعها
انا ابتعدت سمعتها سلمت على مقداد
= اشلونك ابو احمد
مقداد رد // هلا رضوى اشلونج
جان صوتها مبحوح وعيونها منفخات اعرف بيها من تبجي
عيونها تنفخ مقداد فتح الباب ورقيه
وهو حاولو يساعدوها وصعدت السياره هي شافتني ودنكت
انا اتمنيت اروح اشيلها
و اخليها بالسياره
لكن بذيج اللحظه تذكرت الصوره المقززة الي شفتها بيها هي
وفواز
صعدو وحركت سيارتهم وانا هم طلعت بسيارتي لكن جنت
اغلي من القهر وانا مره اضرب
على الاستيرن مره اعض اصبعي واكول
::زين ليش هيج مكسوره جنتي تمثلين عبالج ما اعرف بيج
جنتي تردين تأخذيني وتخونيني
ويه اخوي هسه جاي تمثلين دور الضحيه ولج شفتج بعيني هو
هذا الخبلني ولج تدرين
ما جاي انام وما اعرف انام وكلبي نار ما تطفى بس لا يارضوى
حسابج عسير انتي وهذا الكلب فواز
مو سلام الينضحك علي
شنو عبالج اخليج مرتاحه من كل وعقلج
ضربت ع الاستيرن وانا گوه اتنفس وصلت للمحل اتلكوني
العمال على مود تجهيز طلبيه فهمتهم ورحت للمكتب
وانا مختنك اريداعرف ليش حاولت تنتحر وليش هي وعمتي
ورقيه وحتى فواز مكسورين زين فواز ليش
ما حاول ايبررلي ظليت محتار لكن أكثر شي محيرني انو انا
كرهتها لكن ما اكدر انساها
بالليل رجعت ما كدرت اسأل عليها اشوف ضوى الغرفه
مفتوح لاكتني كوثر وهي تحضن بيه
وتبوس وهلا حبيبي حضرت الك الحمام
رحت سبحت وبدلت وكعدنا اتعشينا بغرفتنا لان عمي صاحب
بالميناء وسهير راحت الاهلها
وعطاء رايحه آلامها تشوفها يعني بالبيت بس انا وكوثر او
رضوى لان اعرف فواز ما موجود
ما شفت سيارته
وره ما كملنه العشا جابتلي كوثر جاي واجو بيت عمي طاهر
وكعدو يسولفون ويضحكون
وانا عيني ع الباب ما نزلتها لمن ما صبيحه سألت كوثر

صبيحه/:شنو شخبار المسعده
كوثر/:شمدريني شلي غرض بيها
صبيحه /:ادري مالج غرض بس اسأل
كوثر/:جابتها اختها فاكين الجبس عن ايدها ورجلها ودخلت
للغرفه بعد محد شافها
صبيحه /:شنو بت عليه عدها الناس خدم
طاهر //صبيحه اسكتي ما عليج
صبيحه /:ساكته عيني ساكته شنو اكدر افك حلكي غير انوكل
بگشوري (هزت ايدها )
عفيه عين وكحه ما تنكسر گاعدين بالبيت وهمه المثلهم
ايطمون روحهم
وراحو بيت عمي قريب الساعه12 انا دخلت للغرفه اريد أنام
إجت كوثر يمي
كوثر/:شنو نمت سلام
::والله اذا تسمحيلي باجر عندي شغل
كوثر/:بس اريد احجي وياك
::وانا اسمعج
كوثر/:سلام تره شفتك عينك ما نزلت من الباب تباوع بلكي
تشوفها
انا كعدت على حيلي شفتها كاعده باوعت الها ولزمتها من
حنجها ردت اكسر فكها حجيت وياها
وانا اصك باسناني ::ولج كوثر شكم مره حذرتج لا تحجين وياي
بموضوعهم ها شكم مره ليش ما تأخذين الكلام
هي ظلت تباوعلي وصار نفسها عالي انتبهت بعدني لازم فكها
واضغط علي
هديتها هي ترجف وانا اتمنى اموتها جوه أيدي اتغطت ونامت
حسيت بيها تبجي وانا ولااتقربت الها ولا حاولت
أطيب خاطرها
نامت وانا بقيت كاعد وبس ادخن تقريبا الساعه تلاثه الفجر
حسيت ب فواز شرف الصبح كعدت شفته نايم
ع القنفه الي بالصاله انى حتى ما حاولت اكعده
ورأي كعدت كوثر شافت فواز نايم إجت للمطبخ اتعمدت
تعلي صوتها كالت
— شنو مبين ست الحسن طاردت

ه الاخوك --وضحكت --
انا خزرتها وما عقبت على كلامها كعد فواز لان اكيد سمعها
هوما چنه ايشوفنه راح للحمام الخارجي وبعدها
صعد بالسياره وراح كوثر جابتلي ريوك وعلى اساس زعلانه
من سالفة البارحه اتريكت شويه وطلعت
ركبت سيارتي ورحت للشغل وانا اسأل نفسي
::ليش نايم بالصاله مو بغرفته معقوله متعاركين لا يمته
تعاركوا هو النهار كله ما موجود ورجع نص الليل
وحتى صوت ما سمعنالهم
بقيت بالمحل لكن فكري ولا يم الشغل حتى من يجيني عامل
يسالني او يجي زبون ما اقابله اخلي عزوز لو
واحد من العمال ايقابله ويكله ما موجود الظهر رجعت للبيت
لكيت عطاء جايه وسهير همه ولكيت كوثر شاويه
دجاج صبو الغدا واجه عمي صاحب من الميناء وكعد يتغدا
ويانه انفتح باب المطبخ إجت خالتي ربيعه ويه فواز
خالتي كالت // صلوات على محمد وآل محمد السلام عليكم
ردينا السلام وفواز فات كبل للغرفه بدون ما يسلم انا لزمت
بخالتي تتغدا ويانه كالت
— هني ومري خاله غير مره فواز اجه وعزمني ع الغدا
هالاجيت ويا
كملنه غدا وجاي نشرب جاي بالصاله إجت رضوى للمطبخ
بدون ما تسلم طلعت قوري زغير
وخدرت جاي عمي صاحب من كمل غدا صعد يغير ملابسه
نزل كعد يمي بالصاله شافها راحت
للمطبخ ظل يحجي بصوت عالي ويگول
//بت الكلب شكم مره انكلج اذا احنا موجودين انتي ما نريد
نشوفج يعني إلا نقترف جريمه
على صوته طلعت خالتي ربيعه حجت //أبو أنمار على كيفك
ردت چاي وگتلها تسويلي
صاحب/: وليش ما كلتي الكوثر العطاء هاي العار ما نريد
نشوفها
هي ساكته ما فكت حلكها اخذت الجاي وراحت للغرفه شويه
واجت خالتي ربيعه وكعدت يمنا
ام بهاء //يمه سلام (طلعت علاكه من جوه عباتها ) أخوك
يكول هذا الذهب مال امك الله يرحمها الك نصه
وفواز يگول بكيفه ياخذه لو يبيعه
جاوبتها وانا عاكف حاجبي :: شنو أريده لو ابيعه شنو حضرته
يفرض عليه
ام بهاء/:لاخاله على كيفك بس فواز يكلي اخذي الذهب ودي
للصايغ وخلي يشوف شكم مثقال واقسمي
بالتساوي
نفخت وجاوبتها ::اي خاله اخذي
ام بهاء/:زين خاله انا العصر أخذه وانت امشي وياي
هزيت راسي :: لا خاله انا ما اروح
ام بهاء/:اشو اكل الفواز ما يقبل اكلك ما تقبل وانا ما اروح
ابحدي
صاحب //اخذي وياج ام أنمار وام صلاح
ام بهاء بدون نفس ::عادي اخذهن
العصر راحت خالتي وراحت وياها صبيحه وسهير واجت خالتي
بس مااجى فواز ما جان
موجود سهير إجت ومبين عليها متوتره وضايجه اما صبيحه
فاشوف لمعه بعيونها
انا وعمي كاعدين بالصاله واجت خالتي ربيعه سلمت وكعدت
وكوثر وعطاء بالمطبخ لمن ما سهير دكت الباب
على رضوى وهي تكلها
سهير /:اطلعي شنو خدم احنه عندج اطلعي اشتغلي مو شالو
الجبس من رجلج
هي فتحت الباب صارت عيني بعينها وهي تحجي ::ها عمه
شرايده
سهي بعصبيه // عمه العماج ما يشرفني أصير عمت وحده
عايقه مثلج
هيه رجفت وباوعتلي تريد تكلي كوم دافع عني ردت عليها =
أتصور انتي دكيتي علي الباب
سهير/:اي و اريدج تطلعين تشتغلين احنه مو خدم
ربيعه //مو هيج ام أنمار على كيفج وياها
صبيحه //شنو ام بهاء شو ليل ونهار كاعده بغرفتها فوك شينه
كوات عينه
رضوى =اشو اطلع خالي يتهدد ويكول ما اريد اشوفها ابقى
تجن تكللي اطلعي
سهير //بوكت ما موجود احد تطلعين وتشتغلين ومن يجون
عود ضمي روحج مو انتي خطيه
تستحيين هوايه
صبيحه باستهزاء //اي ام انمار تستحي هواي
اجت كوثر واشتركت //هو انتي خوفج من التستحي لان هاي
من جوه ليجوه (وصارت تضحك )
سهير /:وشبيهن حبوبه قابل انكتلن انذبحن اشو ظلن
كاعدات والناس خدم الهن
صبيحه /:ما سامعه ابخت الكح...,
هي باوعتلي والدمع بعينها وعمي صاحب يسمع وساكتين
ام بهاء //بسجن عيب عليجن تحجن على دمجن ولحمجن
بعدين صبيحه شلون تتلفظين هيج كدام
حماج ورجل بتج
صبيحه //اسكتي ام بهاء لادم ولا لحم اي شي ما يربط البنات
بيها عود امها اخت الولد
وامها تزوجت وذبتهن ما تشوفين شلون طلعن
ام بهاء //هاي انتي الجبيره وهيج تحجين لا عتب ع المزعطه
صبيحه /:اكلج ام بهاء احنا ما لنه غرض بيها الله يكافينا شرها
وشر امها وحبايبها
نسوان كل شي يسوون عل اساس فقاير وهنه كل البلا بيهن
ما يستحن
عطاء بقهر //اي والله صدك عمه هواي ناس بهذا البيت ما
تستحي تسوي روحها فقيره بس الله فضحها
كوثر //وج عطاء وشلون فضيحه بالباكيت (وطكتها ضحكه )--
ام بهاء //بس تره كلش عيب شنو هالحجي صبيحه تره
التحچيين عليها رجلج يصير اخوها وهاي بتها
عيب ام صلاح ما يصير
صبيحه //لا يصير الي يريد يجيب خدامه للكح،،،خلي يجيب
بنات الحمايل مو خادمات للعايقات امهات الزلم
واجه صوت فواز يجلجل من المطبخ وهو يعيط
صبييييحه سهييير يا هنه العايقات امهات الزلم
//////////////////////////////يتبع

٧___٨

#البارت_السابع
/////////🌷🌹🌺////|||

رضوى
لمن شمرت نفسي من الدرج جان ثاني يوم اخر امتحان الي انا
كلش شاطره بس الامتحان الأخير انا جنت
فاقده بالمستشفى عرفت انو ما متت بس كسر ورضوض
وجانو شاكين عندي فطر بالجمجمه
فواز جابني المستشفى اهلي وسوالي كل الفحوصات اللازمه
بقيت بالمستشفى ما اعرف شكد من عرفت بسلام
أتزوج واتزوج منو كوثر انا ثاني يوم عرسه اصريت اطلع للبيت
رغم انا بعده جسمي ياذيني وما انام
الا ينطوني مهدئ كتبلي الدكتور على خروجيه من المستشفى
وطلعت
انا وفواز وامي اجينه تلاثتنا ساكتين انا ما اباوع بوجه فواز ولا
حجيت ويا كلمه وحده من
يوم الحادث اشوفه طول الطريق وهو يدخن من وصلنه شفنا
هواي ناس فواز كل آلامي
عمه راح انزل رضوى وانتي أخذيها هاج هاي مفاتيح غرفتي انا
اروح أسلم ع الزلم
ودخلتني امي وشفت سلام شلون شايل كوثر وشلون حجى ع
الشرف وسمعني شفت
امي إجت تبجي من فشلتها كوثر وهذا الشي خلاني اكره فواز
وافكر اتخلص منه لان هو حطمني وذلني
هواي صارت أمور انا أسبوعين ما شايفه سلام وهاي اول مره
هلكد ايام ما اشوفه بس ارجف من اسمع صوته
يصيح على ولد عمي طاهر لو من يكعدون بالصاله ويسولف
ويضحك انا ابقى بس ابجي لان اسمع صوته
وما اكدر اطلع احجي ويا لو اتشاقى مثل قبل وهو ايامر عليه
سويلي اكويلي جيبي هذا حطي هذا
فواز نهائيا ما وصل للغرفه ما اعرف وين ينام يجي بس
يجيبناالاكل ويدخل يبدل بالغرفه الثانيه
ويطلع ما يحجي وبس يدخن ولا انا احجي ويا
غرفة فواز عباره عن سويت مو غرفه هنه غرفتين فاتحهن على
بعض باب الغرفه الثانيه سلايد متصل
بالغرفه الرئيسيه
بيها حمام وداخل الحمام غساله فول أوتوماتيك وبيها لوندري
مال ملابس علمود بس يطلعهن
من الغساله يكويهن انا ما شايفه غرفة فواز ابد الا وره ما
طلعت من المستشفى لان عمه الله يرحمها جانت
تكلي انتي تنظفين غرفة سلام وعطاء تنظف غرفة فواز
امي راوت فواز شنو مسويات بملابسي وشلون كاسرات
النقال وعلبة الذهب الفارغه
هو حاجى رقيه وطلعت ويا وره ساعتين أكثر إجت رقيه وهي
جايبه جنطة ملابس ونقال آخر موديل
انا ما قبلت اخذهن امي كلتلي //اخذيهن يمه كدام الله
والناس هو رجلج لو بيومها خالج صاحب راميج
جا فصل فواز فصلين واحد الأهل ابوج او واحد الطاهر تأخذه
صبيحه ولو هنه اخذن اليردنه

وره اسبوعين فتحو الجبس عن رجلي وأيدي وبديت اتحرك
أخذني مقداد ورقيه بالطريق طلبت من
مقداد يوكف وكتله يجيبلي بطل بانزين من ذوله الي يبيعون
بالشارع نزل مقداد وهو مستغرب وبقيت انا
ورقيه بالسياره
رقيه تعجبت سالتني بخوف //رضوى شلج بي البانزبن
=رايدته اريد اوخر الاصباغ الي على الجنط وعندي شكم قطعه
هم مصبغات
رقيه //مو كلنالج ذبيهن شلج بيهن
=لا رقيه حلوات وموديل ما اريد اذبهن
المهم جابلي مقداد بطل البانزين وكلي ديري بالج تره سريع
الاشتعال
وصلنا للبيت وانا أحاول امشي دخلت وياي رقيه وبطل
البانزبن عدي شايلته بعلاكه
من صرنا بالغرفه رقيه حاچتني //رضوى ما كدرت احجي كدام
مقداد خيه حبيبتي مو تتهورين شلج
بي تردين تحركين روحج وتفرحين كوثر وج ادري بيج انتي ما
مسويه شي ولازم تطلع الحقيقه
منو يستاهل تحرگين روحج على موده وتدخلين النار
جاوبتها بتعب ==لا تخافين رقيه والله ما احرك روحي وأثبت
التهمه علي
رقيه //رضوى أحلفج بروح ابوي ذاك الرجال الطيب الفقير الله
عليج لا تلعبين بروحج ويغلبج الشيطان
=والله ام أحمد وداعة امي وروح ابوي محتاجته اطمني
رقيه //اي لازم ما تفرحين كوثر الحقيره وتخلينها تعير سلام
بيج تكله حبيت لك وحده بلا شرف لازم تحاولين
تثبتين السلام الصار كله انتي ما الج يد بي حتى لو بعد سلام
ما يرجعلج لكن بري نفسج كدامه
وحاولي تحچين ويه فواز يفسرلج الصار
انا من سمعت كلام رقيه صرت ابجي بصوت واكلها
=والله يارقيه انا محافظه على شرفي والله محد لامسني
وعيني ما تشوف بس سلام ولو شيصير ما اخلي اي احد
يلمسني غير سلام
رقيه // استغفري ربچ رضوى ما يصير
انا امسح بدموعي ويرجعن اينزلن = رقيه انا ما مسويه
شي الصار عبالك حلم ومستحيل اصدگه بيش ترديني
احلف انا ما مسويه شي انا شريفه وما اشوف بعيوني
وعقلي بس سلام
رقيه هم صارت تبچي //ادري بيج واعرف واكيد الحقيقه
تطلع اول وتالي وراح انحط اصابعنا بعيون
كل الي حجو عليج لو حجايه وهسه رضوى اروح وانا مطمنه
هزيت راسي = اي روحي يا عمري والله لا تخافين
رقيه حضنتني وكالت // بروح ابوي لا تتهورين ما يستاهل
ينسب وهو ميت صحيح ما واعيين علي بس
الناس كلها تكول فقير ومن اهل الله
مسحت دموعي وهزيت راسي وراحت رقيه وانا بقيت
بالغرفه و

كلامها يرن باذني
= اذا موتت روحي راح كوثر تعير سلام بيه بس احيانا لابد
من الموت
بالليل اجه فواز وجانت هاي اول مره يجي من وكت
دخل للغرفه جايب عشا خلا ع السفره
وكعد انا بقيت واكفه
كلي //اشلون صارت رجلج وايدج
انا رحت للغرفه الثانيه هو صاح //مو احجي وياج
ما جاوبته اجه وراي لزمني من أيدي كلي
فواز/:من احجي وياج جاوبيني لا اعلمج

انا نتلت أيدي منه وكتله وخاله اصبعي على حلگي وارجف =
ولك انت آخر واحد يلمسني يا نذل
هو من سمع هيج غلطت علي احس بي صار بارود ادنه يمي
فواز/:الظاهر نسيتي انا هسه بالنسبه الج وضعي شنو
هزيت راسي = لا ما نسيت بس كدام الناس يجوز اي بس
كدام الله العقد باطل لان بدأ بجذبه وانتهى بغصب
وتهديد
فواز //ما يهمني اكدرهسه كل شي اسوي وماكو ابن مره
يمنعني
انا رجعت رحت للغرفه وكفت يم الجربايه هو كلي
فواز اجه وراي // ها رضوى اكيد افتهمتي
= الي افتهمه انك انت مثل اخوي لا مو مثل اخوي انت
اخوي شلون هيج تفكر صدك انت
واحد خاين وحقير وناكر للعشره
فواز //انجبي ولج ما اريد اسمع هاي الكلمه انا مو خاين انا ابن
خالج واذا العقد باطل
مثل ما تكولين هسه ارجع أعقد عليج وبوكتها اگدر كل شي
اسوي ومحد يكضني
انا بخوف بس ما بينت =اي تكدر كل شي تسوي بس بالبدايه
تاخذني جثه
ودنكت طلعت بطل البانزين ونشرته على رأسي وجسمي
وسط ذهول فواز والجداحه بيدي كتله
=يالله اتدنى يالله أخذ حقك مني كزوج بس صدك كبل لا
توصلني احرك نفسي
هو وكف لزم بالكرسي وكلي بخوف وهو يتوسلني
رضوى لا تتهورين والله ما امسج جنت اجربج والله بس ذبي
الجداحه اعتبريني
ما حجيت شوفي بعدت عنج
انا بعصبيه وارجف =تطلع منا وما توصل للغرفه بس اذا ردت
ملابس او تأخذ فلوس
فوازوهو يحرك بايده //اي صار بس انتي ادخلي للحمام
= اطلع وانا ادخل لو ماكو ثق بالله هسه أفتح الجداحه
فواز//لا طالع طالع بس إلى متى مو يوميه عندج بانزين
= ها بعدك تحچي اكو غير البانزين هواي أمور تموت
وبعدين موتكول جنت اجربج بس انت نذل
نذل الله لا يوفقك
فواز //كافي رضوى كافي انا طالع
وطلع كمت سركيت الغرفه من داخل وقفلتها ودخلت سبحت
وانا احس بروحي مختنكه من البانزين ومختنكه
من فواز الحقير معقوله هذا فواز الي وين ما يكعد يكول
رضوى اختي معقوله اتخبل
شنو الي صاربي وليش هيج يتصرف وين جان ليش لكيته
بغرفتي معقوله دنت نفسه
وراد يعتدي عليه انا الي وين ما يروح يگول هاي اختي
طلع فواز بقى بس يجيب اكل ويطلع حتى ما يحجي وياي ولا
ايباوعلي
وانطونه النتائج انا خابرت صفا صديقتي صورت النتيجه مالتي
طبعا كله جيد جدا بس مكمله
بالماده الاخيره الي ما امتحنتها
بينما اسمع التهاني الكوثر وعطاء عطاء الي صرت اني عدوتها
اللدوده وصارت هي وكوثر أكثر من
الصديقات صارن جبهة حرب ضدي جان من يطلع سلام
ويبقن هنه يكعدن بالصاله قريب على
باب الغرفه ويظلن يغلطن ويسبن وانا بس متمدده ع الجربايه
وابجي لان احس بنفسي انا بسجن
يعني لو تجي امي لو رقيه وهنه ما يكدرن يجن يوميه
وره شكم يوم الظهر اجه فواز ويا إجت خالته ام بهاء فواز جاب
الغدا وخلا ع الطاوله
الي بالغرفه وأسمع سلام يكل الخالته

::يالله خاله اكعدي تغدي
بالعافيه ياروحي فواز عزمني ع الغدا وما بيناتكم فرق
واجت خاله ربيعه وأنا من شفتها حضنتها ودمعت عيوني
اتذكرت عمه وسيله هي كالت
- - ياالله بلا بجي خلينه غدا انا ميته من الجوع
خليت الغدا فواز يوميه يجيب صنف شكل عبالك عنده طباخ
خاص كعد هو وخالته انا من شفته
هيج رحت للغرفه الثانيه إجت خاله ام بهاء لكتني كاعده بالكاع
حجت وياي
- - رضوى ليش يمه كومي اتغدي
=لا خاله ما أشتهي
- - لا رضوى فواز يكول لان هو كعد ع السفره انتي ما تاكلين
انا انفجرت وصرت ابجي واضرب على وجهي
=اي خاله ما اريد اكل وهو كبالي اكرهه تعرفين شنو أكرهه
ام بهاء //يالله بلا دلاعه كومي غسلي وجهج وسمي بالرحمن
ولا تعتبرينه رجلج اعتبري ابن خالج
تره هو ناره ما تقل عن نارج
=يا نار خاله شبي انا الي تلبست بالعار وخسرت كل شي
- - لا ياروحي ان شالله كل شي يبين باسرع وكت تره وفواز هم
خسر وخسر هواي كافي صار هو واخو مثل العدوان
ياالله اگلج هسه مو وكت هذا الحجي كومي الخاطري تره ما
اتغده وانا ميته من الجوع
انا كمت لان ااستحيت منها غسلت وجهي للعلم انا ابد ما
ذبيت الحجاب كدام فواز ودائما البس
طويل وما اخلي مكياج او عطر لان انا ما معتبره نفسي زوجته
من الحادث اول مره نتقابل انا وفواز ونأكل واحنا ساكتين
رحت اسوي جاي وشافني سلام وخالي
صاحب وظل خالي يتهدد وعلى صوته طلعت ام بهاء وظلت
تحجي وانا رديت اخذت الجاي
ورحت للغرفه و الدمعه بعيني وصبيت الجاي فواز بس ينفخ
طلع ما شرب جاي ام بهاء تكلي
- - ما لج غرض خاله اسمعي ودوسي ماكو شي يبقى على حاله
كل شي يتغير بس اصبري
ما اعرف ليش من اشوف ام بهاء واسمع كلامها احس براحه
وهدوء ومن تجي افرح ما ودي تر

وح
وراحت ام بهاء للصايغ بعد ما أخذت وياها صبيحه وسهير
قريب المغرب رجعن انا بالغرفه سلام ما
طلع للشغل لا هو ولا خالي صاحب يمكن منتظرين شكد يطلع
الذهب على مود سلام ياخذ حصته
ويلبسها المرته انا بالغرفه سمعت إجت خاله ام بهاء اشو
سهير بعد هي ما كاعده
صارت تدك على باب الغرفه انا طلعت واباوع السلام يعني
كوم احجي دافع عني بس هو ابد يسمع
وساكت هي ظلت تحجي وصبيحه وكوثر وعطاء جان كل
همهم يحجن ويردني أرد عليهن على مود
يجوز يضربني
ام بهاء ما قبلت وردت عليهن ودافعت عني وعن امي وخالي
وسلام ما كلفو خاطرهم وكللوهن اسكتن عيب وهنه
ما يسمعن لام بهاء بالعكس اتمادت صبيحه بالكلام من كالت
آحنا مو خدامات للعايقات امهات الزلم - -
اجه صوت فواز عالي وبعصبيه//صبيييحه سهييير منو
العايقات
جان فواز يرجف هو دائما من يصير عصبي يصير يرجف
وصوته عالي وجهه يغدي دم ومحد يوكف
بوجهه لان يصير عباره عن اعصار يدمر كل شي گدامه
دخل للصاله انا واكفه اباب الغرفه وبس دموع فواز حجى
بصوت عالي

فواز //الكل يسمعني محد إله حق يفك حلكه لو بكلمه بهذا
البيت كل من يلزم حدوده
صبيحه //كل من لازم حده بس احنه مو خدم عدها حالها من
حال البنات شنو هي كاعده والناس تخدمها
فواز هز ايده وجاوبها باستهزاء // هاي ياناس ويا خدمه الي
تحجين عليها أسبوعين وهي نايمه بالفراش
منو جابتلها لكمة خبز لوغسلت الها قطعه بعد ياخدمه ها
ياخدمه ليش تطلع على مود تسمع الحجي لو الغلط
لو على مود بعد ما مكملات عليها بس شككتن هدومها
وصبغتن جنطها لو ذهبها الي انباك من كنتورها لو النقال
الي صار كل وصله ابحد
ودخل فواز وطلع جنطة الملابس المشككه وشمرها بالصاله
وكال
تفضلن هاي خدمتجن الها مو هاي خدمتجن
خالي صاحب //وطبها مرض تستاهل أكثر
ام بهاء //صدك جذب صلو ع النبي شنو هالحجي
فواز//لا خاله خليهم يحجون كل واحد عد كلمه لا يضمها خلي
يحجي بس اسمعوني
--اهنا فواز حجى بثقه وإصرار وهو واكف --
اسمعوني كلكم الي يكعد بالبيت لازم يحترم البيت ويحترم
راعيته وما يتجاوز
صبيحه //والله خوش ومنو بالله راعية البيت مو جنك جاي
تطردنا
فواز وبعده واكف //هذا العدي (حجاها بنتر) الي يكعد يكعد
باحترامه والي ما عاجبه انا اشتري حصته
تره والله حصته إفلاس هسه اشمرهن بوجهه والكل يطلع والي
يريدنه نطلع انا ومرتي
من هذا البيت خلي يشتري مني لان هو بيتي وبيت مرتي الي
يريد يشتري البيت
ينطيني 350 مليون وهسه اطلع انا وياها دقيقه ما نبقى والله
أخذ بس جنطة ملابسي
ونطلع بعد محد يشوفنا
محد جاوب الكل سكت
ام بهاء //يمه فواز على كيفك شنو هالحجي
فواز//لا خاله هذا هو الحجي كل واحد عده كلمه يحتفظ بيها
والماعاجبه الباب مو يفوت جمل
لا يفوت مية جمل لحد تصير برأسي صاحبة فضل عليه لو
على مرتي تره بدل الخدامه اجيب
عشره هسه انا خال طباخه خاصه كله أجيبه مسلفن واكدر
اجيب وحده تخدمها بس هي ما تقبل
صبيحه عوجت حلكها وهزت ايدها وسهير ما حجت ولا كلمه
ولا شالت عينها من الكاع
وكوثر وعطاء واكفات بذهول اباب المطبخ
أما سلام وخالي صاحب الي صار وجهه ينطي ألوان لكن احس
بسلام لو بيده يكوم
يكتل فواز يموته
ام بهاء //مي خالف خاله لا تأخذ ابالك هسه هذا مو حجي وما
طول انتم موجودين انا أخذت
الذهب وياي ام صلاح وام أنمار طلع ستين مثقال تلاثين الك
وتلاثين السلام والي يريد يبيع حصته
تسوى ست ملايين وستميه وانتم كيفكم هذا حلالكم والله
شاهد
فواز دخل للغرفه وانا بعدني واكفه بالباب والكل ساكت بس
شفت وصل مسج السلام قرا
وكف سلام وكال
::خاله انا أبيع حصتي لان بالأساس موديل الذهب قديم وانا
اريد اشتري المرتي على ذوقها
دخل فواز واجت خالته وراه شايله الذهب وانطته اله وهو
شال الخالته سبع ملايين اخذتهن وانطتهن
السلام ورجعت كالتله
- - يالله خاله فواز أريدك توصلني
فواز//خاله ابقي تعشي وبأتي يمي
- - لا يمه ارووح البيتي
فواز طلع محبس آنطا الخالته هي ما قبلت تأخذه
لا يمه شنو كروه عندي خير من الله
فواز//ادري خاله بس شفته اشتريته الج انا هم مثل ابنج
وانتي امي
لبسه الها وباس ايدها وقبل ما تطلع طلع الذهب وكلي بدون
ما يباوعلي
- - رضوى هذا الذهب نص الج والنص الثاني تنطينه العطاء
(حسيت بكلامه حركه وقهر بس يكابر)
لان امي الله يرحمها كالت هذا الذهب الرضوى وعطاء مو
الأحد ثاني حتى لو انا ما تزوجت عطاء
يبقى امانه عندج من تتزوج عطاء لومن تتخرج تنطي الها وهاي
خالتي شاهده
ام بهاء //يمه فواز الله يطول عمرك
انا اخذتهن كتله// ظمهن بالقاصه اامن
فواز//اي بس تعاي انطيج الرقم السري الدنيا كل شي بيها

أنا ما اتقربت هو لزم النقال وكتب بي الرقم السري وانطاني
نسخه من مفتاح القاصه لان عي مفتاح
ورقم سري واحد ايكمل الثاني وطلع واخذ ام بهاء الي وصتني
لازم اصبر وما عليه باي كلام اسمعه
تقريبا غاب ساعه واجه جاب عشا وخلا ع الطاوله وطلع لفات
وعصير ولبن ومقبلات وصار يأكل وهو
ساكت وانا كاعده ع القنفه اباوع ع التلفزيون ا

كل وطلع قبل لا
يفتح الباب ان دار كلي
اتعشي وتعالي اكعدي بالصاله هذا بيتج والي ما يعجبه يروح
بغير مكان
هو طلع وانا بيني وبين نفسي اكول =اي خلي اطلع وشنو يعني
انا ما مسويه شي الما يعجبه لا يكعد
اكلت شي بسيط وطلعت والصراحه انا طلعت على مود
اشوف سلام هسه تكولون ليش تفكرين حرام عليج
لا تنسوون عقدي باطل لان مجبوره
وطلعت لكيت فواز كاعد بالصاله ويباوع للتلفزيون ويسحب
بالجكاره شفت سلام
كاعد مقابيله يمه كاعده كوثر من شافتني اتقربت على سلام
عبالك انا راح اجي اكعد بحظنه
عطاء ما شفتها وخالي صاحب كاعد ويمه سهير والجهال انا
اجيت كعدت بصف فواز
بدون ما أسلم ولا كأني اشوف أحد جهال خالي متعلمين عليه
اجو يمي ويسوولي حركات
وهمه حلوين يخبلوون انا باوعت الهم وضحكت اجو يم فواز
شالهم حطاهم بحظنه وصار
يبوس بيهم وانا اباوع الهم واسوي حركات وياهم وهمه
يضحكون
راسا خالي وكف وكلها
سهير جيبي الجهال هم يالله لازم اغبش للميناء من الفجر
وانتي خابري اخوج يجي
ياخذج البيت اهلج
سهير /:تمام ابو انمار أن شالله وعطاء شلوون
صاحب /:تروح البيت جدها ابو أمها
شفت سهير فرحانه وهي تباوع النه لان تعرف فواز يضوج من
تروح عطاءءالبيت جدها
يتذكر لمن ابن خالها اجه خطبها وفواز راح هد عليهم ويكول
بت عمي الي تمووت وما تأخذ أحد غيري
صعد خالي وسهير وسلام كام وراحت ورا كوثر للغرفه بقينا
كاعدين اسمع صوت ضحك كوثر داخل الغرفه
اعرف بيها تتعمد بس هو شكلها وهي صارت تضحك بقى
فواز كاعد وانا رحت للغرفه قفلتها
علي الصبح فواز دك الباب علي وفات اخذ ملابس ودخل
للحمام انا بيني وبين نفسي كلت هذا
وين جان نايم طلع من الحمام مبدل بالغرفه الثانيه وطلع اخذ
سويج السياره غاب فتره
ورجع جايب صمون وجبن وكيمر عرب حتى ترمز جاي هم
جايب
صب واتريك وهو ساكت غسل وطلع ومن اتاكدت طلع
صبيت جاي واتريكت وكملت وضميت الي
بقى بالثلاجه
فواز يوميه الساعه بالثنتين بعد الظهر يجي ويجيب ويا ااكل
وفواكه وكرزات ونساتل وعصائر
هو يصب ال نفسه ويأكل وهو ساكت واذا يصير عنده شغل
يدز الأكل بيد واحد من العمال
دووم تجيني رقيه وخاله ام بهاء امي مو دائما تجي أوقات
متفاوته وصرت اراجع الامتحان
الي فاتني لان خاله ام بهاء شجعتني هي ورقيه وانا ابد ما أطلع
الاي مكان
احنا صرنا نكعد بالصاله وسلام وكوثر يرحون البيت عمي طاهر
وياهم عطاء وخالي
بيوم الي هو اهنا هم يروح البيت عمي او يبقى فووك وبوكت
الي عنده شغل بالميناء سهير
تروح الاهلها وعطاء تروح البيت جدها فد يوم احنا كاعدين
بالصاله واجه خالي هو وسهير وعطاء
وكوثر وسلام بقو أبيت خالي طاهر بس سهير صايره بارود
وتحجي
- - شوف صاحب هاي مرت اخووك ما لها غرض بيه شنو
أظل ألزم حراسات على بتك من تروح انت
انا ما مسؤوله عنها
خالي يكلها //ليش تنرفزتي سهير المره ما كالت شي كالت لا
كل من يروح صاحب انتي ترحين الأهلج
ابقي انتي وعطاء ابيتج
سهير //هي ما الها غرض شنو وتتدخل بيه
كوثر وسلام اجو ولحكتهم صبيحه
صبيحه وهي تضحك //يا سهير انا شكتلج وطلعتي زعلانه
سهير بعصبيه //شنو ام صلاح انا ما مسؤؤله عن عطاء أظل
اسرح بيها انتم هم بيت عمها وهذا
بيت جدها وتبقى بي انا هم اريد اروح اشوف اهلي وأخواتي
صبيحه اتدنت عليها وباستها//يالله ام أنمار لا تزعلين عطاء
نحطها على راسنا (بعدين ونت وكالت )
اه الله لا ينطي السواها فرك البيوت جا هسه ابنيه ومستقره
ابيت زوجها بس شسوي للما يخافن من الله
شفت عطاء انقهرت والدمعه بعينها وصعدت وفواز يباوع
وينفخ اخذ السويج وطلع وانا رحت
الغرفتي وسبحت ولبست تراك واريد أنام واندك الباب انا
كمت من الجربايه كلت بصوت خافت
=منو
افتحي رضوى انا فواز
انا خليت شال على رأسي وفتحت الباب هو دخل انا حاجيته
=ها فواز شرايد
هو بنتره //شنو شرايد جاي أنام بغرفتي عندج اعتراض
=اي عندي وهسه ابقى انت بالغرفه وانا رايحه الغرفة عمه
وسيله أنام بيها
اجيت اطلع من الغرفه لزمني من أيدي وكلي
فواز//اوكفي وين رايحه
=فواز عوفني خليني اروح
فواز//ما اعوفج تبقين اهنا و غصبن عليج
=ما أبقى خليني اطلع
فواز//مو بكيفج تطلعين
لزمني وحصرني عل الحايط وكلي
- - رضوى انتي زوجتي وانا الي حق عليج كافي رضوى خلي
نرضى بالامر الواقع وكل من يشوف طريقه
انا بخوف وعصبية =كل حق ما الك علي وانا مو زوجتك عقدي
باطل افتهمت باطل
فواز بعصبيه //انجبي ولج حقيره انتي زوجتي و غصبن عليج
وهسه اخذحقي منج وما اريد
اسمع نفس افتهمتي
انا ادنيت على ميز الجربايه واباوع الفواز الي كانت عيونه
تراقبني وفتحت الجراره وطلعت سجينه انا جبتها
من المطبخ لمن رحت اسوي جاي لان اعرف فواز ما يفك
مني طلعت السجينه وراسا بدون ما ينتبه كطعت
شريان أيدي هو باوعلي وشافني ارجف والدم مالي أيدي اخذ
السجينه واسمعه يكول
رضوى ليش ولج كله على مود سلام
غوشت عيوني وحسيت الموت قريب مني اسمع فواز يصيح
بصوت عالي
— سلام سلام الحكني رضوى ماتت
ما انتبهت الا وانا بالمستشفى وامي وخاله

ام بهاء يمي تبجي
//////////////////💐💔💐/////||||يتبع

#البارت_الثامن
//////////🌺🌹🌷//////////

سلام
لمن فتحت رضوى الجبس عن رجلها وايدها انا ما شفتها وره
شكم يوم احنه جاي نتغدا واجت خالتي ربيعه
ام بهاء هي وفواز سلمت علينه وانا اتوسلت بيها تتغدى ويانه
بس كالت فواز عازمني ع الغدا وراحت خالتي
للغرفه عمي صاحب كال
لازم فواز عنده شغله مهمه ويه خالتك هالعزمها
ما جاوبته كملنه الغدا وكعدنا بالصاله الداخليه وطلعت رضوى
اول مره من يوم الحادث تطلع
من الغرفه بدون ما تسلم فاتت للمطبخ وشافها عمي صاحب
وظل يحجي ويغلط عليها
هي ما جاوبت بس خالتي ربيعه كالت انا كتلها تسوي جاي
فواز بالغرفه ما حجى بعدين
خلا وطلع فهمتنا خالتي على سالفة الذهب وراحت هي
وعمتي وسهير انا بيومها ما طلعت
للشغل بقيت وعمي صاحب هم بقى رجعت خالتي وام صلاح
وسهير قريب المغرب وجانت
كوثر وعطاء بالمطبخ سهير إجت مبين عليها ضايجه ومقهوره
وصارت اتدك الباب على رضوى الي فتحته
الها وهي تكلها/: ها عمه شنو رايده
سهير صارت تغلط وتسب وانوب إجت ام صلاح وحتى كوثر
وعطاء بس من غلطة ام صلاح
جان فواز توه داخل من باب المطبخ وسمع الغلط وهو وكف
ظل يدافع ويصيح ويحجي
ويهدد وبصراحه جان حقه لان البيت هو اله الحصه الأكبر بعد
ان اشترى حصة زينب وغدير وصارت حصة رضوى
ويا باعتبار زوجته بقت بس حصتي وحصة عمي هو كال الي
يريد يبيع حصته هو يشتريها بس الي يريد
يشتري حصته وحصة مرته يدفع 350مليون اشوف عمي
صاحب سكت ولا رد على فواز
بعدين خالتي ربيعه حاولت تبرد الموقف ورجعت سولفت
على الذهب وشلون قيمته يم الصايغ
وقسمته بالتساوي فواز دخل الغرفته وانا اجاني مسج منه
يكلي
سلام امي الله يرحمها خلت الذهب الرضوى وعطاء تزعل
عليك اذا تلبسه وحده غيرهن
انا اشتري منك واضمه العطاء
أتذكر شكد امي الله يرحمها جانت تحب رضوى وعطاء وتكره
كوثر جانت تكول
كوثر وين ما تكعد تفرق الإخوان وتشن لبنهم هي وامها بس يا
يمه هسه الي فرقت
الإخوان حبيبتج رضوى مو كوثر
انا من قريت المسج وكفت وكلت الخالتي
::خاله الذهب موديله قديم وانا اريد اشتري المرتي ذهب على
ذوقها شوفي ابن اختج
اذا يشتري ينطيني قيمته
صبيحه //لا سلام ذهب أمك من الزين ليش تبيعه
::خاله موديله قديم يعني كوثر ما تكدر تلبسه اريد الها
اشياءءحلوة وجديده
وراحت خالتي وجابت الفلوس من فواز هو دز سبع ملايين
يعني كمل اربع مية الف من جيبه
وثاني يوم العصر اخذت كوثر ورحت اشتريتلها ذهب بخمس
ملايين هي كالت لا اريد بالفلوس كلهن
كتلها بعدين اشوفلج شي حلو واشتري
من صعدت بالسياره جانت كوثر بس تنفخ انا سالتها
::شبيج شلي صاير بس تنفخين
كوثر/:منك سلام منك
::انا شبيه شسويتلج
كوثر/:انت لازم تخلي رضوى هي سيدة الموقف هاي بدل ما
تحملني وتكلي اشتري اكثر منها
::شسويلج ما تصيرلج جاره دائما تقارنين نفسج بيها افتهمي
بابا انا ما افكر باي احد كافي

ورجعنا للبيت وانا اغلي من وصلت لكينه حضرت السلطانه
الام صبيحه والاميره سهير كاعدات منتظرات
كوثر بصوت عالي اكيد تسمع برضوى
- - سلوم حبيبي اشترالي هذا الذهب يلبسه الي ويبوسني
كدام الصايغ وعجبني هذا السوار واشترا هدية من فلوسه
مو من فلوس ذهب امه شوفو يكلي انتي ذهب وتلبسين
ذهب شتصيرين
صبيحه/:صدك يمه انتي ذهب وانوب لبسج ذهب تستاهلين
حبيبتي
سهير /؛الله يهنبج كوثر طلع سلام داهيه يحبج ويموت عليج
بس ديري بالج علي لا ياخذنه الحبايب
كوثر // منو هاي الي تاخذه صدكي خاله اكتلها بايدي واشرب
دمها
انا خزرتها وصبيحه گالت // يمه سلام شوفها شكد اتحبك دير
بالك عليها
وره الكلام الي صار فواز ورضوى يطلعون ويكعدون بالصاله
مالت العائله احنا صرنا
نروح انا وكوثر البيت عمي طاهر او نصعد يم بيت عمي
صاحب جنت من اشوفهم كاعدين
ودي اكوم أقترف بيهم جريمه اثنينهم على الرغم احس بيهم ولا
عبالك متزوجين كاعدين
كأنما أغراب هي تجيب ماعونين كرزات وعصير اثنين او
بيبسي ويكعدون ساكتين حتى ما
يحجون على أي شيئ
فد يوم جنه سهرانيين أبيت عمي طاهر لمن ما عمي صاحب
كال يالله كومي سهير هم يالله
طاهر //بعد وكت وين رايحين
باجر وراي غبشه اطلع الساعه 3 علمود احصل سره
سهير //اي وانا هم احضر شغلات الجهال واروح الأهلي عود
صاحب خلي مصرف
صبيحه //شنو سهير كل ما يروح صاحب ترحين الاهلج وهاي
المسكينه يوديها فلاح
لو حمودي البيت جدها ابقي سفره روحي وسفرتين ظلي يم
عطاء فووك
سهير //والله ام صلاح انا ما مسؤؤله من عطاء ما شاء الله
ابنيه وجبيره شنو أظل اسرح بيها
طاهر //شنو هالحجي سهير شنو اسرح بيها
سهير //جا هي هم بت أخوك من اروح انا خليها يمكم انا ما
ملزومه بيها بعدين هي ما شاء الله جبيره
تبقى بالبيت شعليها ياكلها البعبع
صبيحه // وانتي هم مو زغيره وتدوريلج اهل ما تكدرين
اتفاركينهم
س

هير // شقصدج
صبيحه // ما اقصد شي عطاء خطيه
سهير // حبيبتي الي كلبه على عطاء هو ايدير باله عليها
وطلعت سهير وهي صايره نار وطلع وراها خالي لكيناهم
يحجون بالصاله وفواز كاعد ويسمع
ولحكتهم صبيحه وهي تعتذر بخباثه
فواز شفته ينفخ وأخذ السويج وطلع وانا وكوثر دخلنه للغرفه
تقريبا الساعه بالوحده او أكثر أقل
سمعت صوت فواز يصيح بصوت عالي وهو يكلي
- - سلام سلام الحك تعالي رضوى ماتت
انا طفرت من الجربايه شفت فواز شايل رضوى وملابسهم
كلها دم ولازم معصم ايدها حييل
ما حسيت الا حجيت بخوف وعصبيه
::شكو فواز شبيها رضوى
فواز/:رضوى ماتت روح شغل السياره وأنا جاي وراك
دخلت لبست تشيرت وطلعت كوثر تحجي بعصبيه
- - سلام وين وين رايح اوكف
انا ولا يمها من شفت رضوى لابسه تراك جبت جرجف
الجربايه وغطيتها بي
صعد فواز وهي بحظنه لازم المعصم وانا يمكن طيرتها للسياره
ما اشوف الكدامي وصلنه
لكينه بس الطبيب الخفر كال شبيها كله فواز

- - ما تدري ومررت السجين على ايدها
الطبيب بقلة صبر //ما تدري لو انتحرت لو احد حاول يقتلها
اشوف فواز مرتبك مو خايف بس يمكن عباله ماتت انا رحت
يم الطبيب واتدنيت ع الميز وكتله
::دكتور عوف كل شي لان اذا ماتت ما راح تخلص من عدنا
كوم بواجبك واسعف المريضة
وبعدين سوي إجراءاتك
الطبيب حس بكلامي بي نبرة تهديد كام شاف النبض قرر
يدخلها عمليات لان النبض ضعيف والشرايين
متضرره دخلوها وره أكثر من نص ساعه انا خابرت خالتي
ربيعه وخليت بهاء يجيبها لان اعرف بعمتي
عليه من أكلها يرتفع عدها الضغط عاد خلي نطمن يالله
اجه بهاء وجاب أمه وهي خايفه ومن شافتني ظلت تبجي
وراحت يم فواز وهي تكله
- - شسويتلها ولك فواز مو كافي الضيم الي عايشته تعاي وج
خيه وسيله شوفي ابنج الهرفه
الجبير شسوه وشيسوي
فواز ولا رد على خالته كاعد وخال ادينه على جهة راسه ويعض
بشفته طلعت الممرضه
وجابت السوار والعلك
السوار الي اشتريته والعلك الي تعاهدنه بي انا هم بعدني
لابسه هو والمحبس
ما نزعتهن شالتهن انطتهن الخالتي وكالت محتاجين دم انا
راسا نزيت من مكاني وراح فواز
وبهاءفواز كاللهم
اخذو من عندي انا زوجها
من رادو يأخذون منه كلوله ضغطك مرتفع ما نأخذ منك انا
تبرعت الها لان انا وياها حتى
نفس الفصيله وبقينا منتظرين اشوف فواز بس يسحب
بالجكاير وحده وره الثانيه
بعدين مر وكت طلع الدكتور رحنا خالتي كالت
يمه طمنا الله يطمنك
الدكتور //حجيه البنيه خسرت دم هواي وهي يا اما منتحره او
اكو واحد ضاربها بسجينه
فهسه راح نتصل بالشرطه وانتم تبقون اهنا
راحت خالتي يمها بالغرفه واحنا بقينا بره جانت نايمه وانا عيني
ما نزلت من فواز ودي اكوم
اموته ليش شسويت بيها وحاولت الانتحار هاي مو اول مره
وهي بت الكلب عليمن تنتحر
شنو حست بالذنب شنو
بقينا كاعدين إجت الشرطه واستفسرو كلهم فواز
هي زوجتي وكصت ايدها بالسجين جانت تريد تقطع فواكه
الضابط ما اقتنع كله
فواكه الساعه بالوحده بعد نص الليل
سأله عني كله اخوي إجه يسوق بسيارتي لان انا لازم ايدها
أحاول اوكف النزف
الضابط كال //خلي يروح بس اخذو اسمه وعنوانه ومن
نحتاجك تحضر وفواز يبقى
وهو بطبيعة الحال باقي يم زوجته رجعت للبيت ويه بهاء وجه
الصبح انا ما أخذت الموبايل وياي لاكتني
كوثر وجهه ثكيل عليه انا جنت تعبان حدي دخلت كبل للحمام
بس اخذت المنشف هي لحكتني كالت
كوثر/:شنو صار
::ما صار شي
هي بعصبيه /:لا صاير شي وهسه تكلي شنو انت حنيت كلبك
طار من صاحك فواز
انا من سمعت هيج راسا دفعتها وطلعتهامن الحمام وسديت
باب الحمام وانا ما عندي شي
أفكر بي غير رضوى ليش هيج سووت شنو السبب حاولت
تنتحر
سبحت وطلعت لكيتها متغطيه وتبجي جوه الفراش انا ادنيت
يمها بعد ان اخذت شهيق وزفير
اتقربت منها وحجيت

::كوثر تتذكرين اول يوم زواجنا لمن كتلج تحتويني ولا تحاولين
تستفزيني بقضية، ،
كوثر//كمل ليش سكتت كول اسمها شنو عبالك ما اشوفك
من صاح عليك فواز شلون كلبك
طار بس تريد تعرف شنو صار
نفخت ::وهسه شتردين
كوثر/:ليش رحت ويا انت مو قطعت علاقتك بي
::اي قطعتها بس هاي حاله انسانيه نخاني المره جانت أخت
الميته ولو ما ستر ربج جا هسه هي ميته
كوثر بعصبيه //عساها بالمووت الخاينه الجلبه ياريت تموت
وفواز ينسجن واطوي صفحةةالعار
انا من دعت عليها كوثر بالمووت ما اتحملت لزمتها من
شعرها وكتلها
::ولج كوثر انتي شنو موقعج بالاعراب وتطوين صفحة العار لو
ما الي سوته هي وفواز
الي تردينه هسه ينسجن تحلمين انا مأخذج لو اباوع بخلقتج
الحقيره
أدب سزز اتدعيين على اخوي كدامي بعدين انتي شدخلج
بكيفي انا لا انتي ولا اكبر
واحد يفرض علي شسوي
كوثر//انت ما كاتلك أخوك خايف على ست الحسن جي
دعيت عليها تلكى فواز لكاها تتراسل
ويه واحد لو مواعده صاحبها وهل كتلها
انا صكيت اسناني وحجيت ::اي هم صحيح مخلين الشرف الج
انتي بيج خير حافظي على شرفج ما عليج بالناس
كوثر /:انا الحمد محافظه ما ضحكت على رجال طول وعرض
وانوب اخذت اخو بفضيحه
جاوبتها وانا اتمن

ى اموتها ::مو اكلج حقيره وما تصيرلج جاره
وانا شمكعدني يمج لو ما الناس نايمه جا علمتج شلون
تغلطين
كوثر/:علمني هو انت ما عندك شي بس انا تغلط وتسب لان
محافظه على شرفي وسمعتي لو
من ذني الي يضحكن ع الزلم جا خليتني على راسك
::وبعد كوثر طلعي العندج بعد احچي بس تدرين مو صوجج
صوجي انا اخذت وحده مثلح
كوثر تخوصرت وتأشر بايدها /:والله تحلم تاخذ وحده مثلي انا
مو ثوبك ثوبك السكط الي تبيع شرفها
وتظل تمثل عليك
ما جاوبتها خليت وطلعت الغرفة امي حطيت فراشها ونمت
وانا صارن عيوني يجرن
واباوع الصورة امي واحجي واكول
::يمه هم تدرين رضوى كدامي تنزف وانا ما اكدر اسويلها شي
هي نايمه بحضن فواز
وفواز شابكها وانا ما اكدر اسوي شي تتذكرين يمه
شكد كعدنا انا ورضوى هنا يمج ومن أصير عصبي عليها انتي
تبقين تحجين علي وهي تبجي
انتي تكليلي
أسليم الله لا ينطيك بجيت البنيه خلي يجي أبوك إلا أكله
وأخلي يكسر رأسك
وترحين يمها تحضنينها وتكليلها بس لاتبجين اذاج الجلب انا
اله الا اخلي خالج من يجي
يطيح حظه وهي تناشغ وتكلج لا انا ما ابجي لان سلام حجى
عليه وراد يضربني
ابجي على سلام اخاف تكلين الخالي ويعاقبه ويصيح علي
فدوه عمه مو تكلين الخالي
وانتي يمه تتنرفزين وتغمينه اثنينه وتكولين
امداكم هاي وانتم زغار هيج مصايبكم من تكبرون شتسوون
وانتي ولج هلكد تحبينه ما ترضين
احد يسمعه كلمه انا امه من يحجون علي ما ابجي مثلج
وكبرنا يايمه وانتي رحتي وفواز ورضوى خانوني كسروني وانا
اخذت الي انتي ما تقبلين
أخذها بس صار أمر واقع على مود احافظ على بقايا رجولتي
وكرامتي وهسه عرفت شكد
انا غلطت بحق نفسي لان اخذت كوثر
تستمر القصة أدناه

ااااااه يا رضوى ليش ولج ليش سويتي هذا الشئ
ما جنتي تحبيني كليلي بس اتخونيني ويه اخوي هذا الشئ الي
ما سامحج علي ولو يبقى
من عمري ليله لازم انتقم وانتقم منج انتي بالذات لان ذليتيني
وخليتي بت صبيحه بالرايحه
والراده تحجي وتعير
وانتي كوثر انا الج انا الغلطان لان اخذتج بس صارت بعد
نمت وكعدت فأيت وكت لان كوثر ما كعدتني فتت اخذت
ملابس وسبحت وبدلت وطلعت لكيت
كوثر وامها وسهير وعطاء انا سلمت واجيت اطلع صبيحه //
اوكف يمه سلام شبيك
::ما بيه ام صلاح متأخر ع الشغل
- - اي مي خالف الشغل ما يطير شني البارحه شمفينه بت
عمتك
انا حكيت شعري وكلت ::الظاهر مرتي ما كدرت تتحملها
تمووت إذ ا ما تحجيها
سهير //شنو سلام تره ما مضمومه
::ها ام أنمار شعجب بعدج ما رحتي
سهير/:لا هالمره ما اروح اريد أثخن لبني ويه ام صلاح
ضحكن وام صلاح باوعت الكوثر//بسرعه صبي الرجلج ريوك
فاهيه عليمن
::لا عمه ما أشتهي متاخر ع الشغل
صبيحه //اي حقك من التعب إلى نص الليل يالله اجيت ما
تكلي وين رحت وين اجيت
::عمه لا رحت ولا اجيت الولد طلب مني أسوق السياره لان
مرته مغمي عليها وتنزف
صبيحه //وهذوله شمفينيين شبيهم
::ما ادري وع العموم همه بالمستشفى اذا تردن روحن
استفسرن يالله من رخصتكم
طلعت من البيت لحكتني كوثر //تروح للشغل
::لا اروح للمكبره ما تشوفيني وين رايح يعني
كوثر/:اكلك اشو ما تتحمل احجايه
::وانا اكلج روحي يم امج احسن
كوثر/:اهووو الاجيت ما عاجبتك والظليت ما عاجبتك
::كوثر شتردين كليلي خليني اروح
كوثربدلال /:ما اريدك تروح زعلان مو كافي مانمت بالغرفه
وحضنتني وظلت تبوس بيه وتكلي //احبك واغار عليك
ومستعده احارب العالم على مودك
لزمتها بستها براسها وكتلها::ادخلي اريد اطلع السياره
شغلت السياره وجانت مجموعة أفكار شاغله راسي مره افكر
بنفسي انا ليش اخذت كوثر
ومره أفكر شلوون انتقم ومره اكول لازم اكو سبب للانتحار
جنت اسوق وانا ما منتبه
للطريق مقهور وضايج وحزين ما احس الا السياره ما خذتني
للمستشفى رحت للغرفه مالتها
وانا ما اعرف المن اجيت او شريد اسوي مثلا وصلت شفت
الباب مردود مو مسدود وصلت سمعت فواز
يحجي وياها جنت اشوفه بس هو ما يشوفني يكلها
- - والى متى رضوى ليش ما تعقلين انتي شنو تردبن
هي ساكته ما تجاوب هو رد علبها
- - صدكيني الي تردي يجرالج بس اصطبريلي انطيني مجال
محتاج وكت وتدللين شكم رضوى عندي
ما تعرفين معزتج انتي تامرين امر ما تطلبين تامرين رضوى ما
تحسين الي تردينه صاير وابين اديج
انا من سمعت فواز انسحبت ورحت السيارتي كلبي يركض
كبل رجليه عركت وصرت ارجف
::يعني هي ما انتحرت لان متندمه لو انتحرت على مودي هي
جانت تريد شي من فواز وما سووا
الها هل انتحرت والله يارضوى اثاري مو هينه بس انا الج الا
ابجيج على زمانج انا الج يا خاينه

بعدين صفيت السياره ع الرصيف وانا احس بنفسي مختنك
وكلبي نار اريد اجر نفس
ما انتبهت جانت سياره واكفه انا طخيتها السياره جديده نزل
صاحبها جان ولد ازغر مني مخربط
راسا كلي
- - انت اعمى ماتشوف
انا كتله ::بلا غلط اسف وحقك على راسي واصلحها الك تدلل
الولد/:اه انوب انت ابو الراهي لا اشو اغلط واريد اشوفك
شتسوي
وظل يسب ويغلط انا ما اتحملت نزلت ضربته بوكسي خشمه
طك دم التمت الناس
هو

طلع النقال وخابر وانا الناس تهدي بيه واكلهم (انا مستعد
اصلحها بس ليش يغلط )
اشويه واجو عليه تلاثه وهو وياهم دارو علي وصارو يضربون
بيه بكل مكان ما كدرت ادافع
عن نفسي حاولت الناس الي جانو واكفين يحلوها وياهم بس
همه ابد المهم اجه المرور
وانا الغلطان واحد من الناس كلي اساعدك
كتله //اي ما اكدر اسوق
فعلا ما اكدر اسوق خشمي جاي ينزف واحس عيني ورمت
خليت خاولي عندي بالسياره
خليته على خشمي
اخذالولد سويج السياره وصعد واحد ثاني هم وياي وكال
- - خويه ما تسوه حلوها وصلح السياره
::ان شالله اصلح السياره بس هدتهم عليه ما افوتها
وصلوني للمستشفى اخذوني النفس المستشفى الي جنت
بيها قبل شويه دخلوني للطوارى انا فهمت الولد يكلون
ما سيطرت ع السياره من دخلت جانت خالتي ربيعه توها
جايه تشوف رضوى هي شافتني
وهي تخبلت عبالها متعارك ويه فواز راحت تركض اجت
عمتي عليه واجه فواز وراي وهو يكلي
::سلام منو سووا بيك هيج كلي منو وياك
انا ما حجيت ويا لان ما اريد احجي بس هو ما اتحمل واحد من
الاجو وياي طلع وحجاله الظاهر
يعرفهم راح فواز وبعد ما شفته عمتي عليه تباوعلي وتبجي
عيوني ظلت على باب الطوارئ اريد
اشوفها واشوف ردة فعلها بس ما اجت الحقيره خيطو الجرح
جان براسي وحاجبي وخشمي يصب دم
ناهيك عن الرضوض
وعمتي عليه واكفه وتبجي انا ما حجيت وياها بشي هي كلتلي
1
- - منو سووا بيك هيج عمه ان شالله ايده الكسر
انا ما جاوبتها ردت اكلها
::بتج سووت بيه هذا الشي بتج خبلتني وما خلتني اندل
طريقي
خليت وطلعت وانا انفخ من القهر مقهور لان ما شفت رضوى
هذيج الي لو انجرح باصبعي جرح
اقل من البسيط تتخبل هسه سمعت وما كلفت نفسها تجي
وتشوف شبيه
خليت وطلعت بعد ان كلت للي بالمستشفى ماكدرت
اسيطر ع السياره وطخيت بالاسترن
ما كدرت مشيت شويه وصلت الباب المستشفى ورجعت
ردت اعاتبها اخذتني رجليه اريد اعرف ليش
هيج سوت ليش من عرفت بيه مسوي حادث ما اجت
وصلت الغرفتها وكفت اجيت افتحوالباب لكيته مفتوح
دفعته على كيف وسمعتها تحجي ويه امها وخالتي
/اي اكرهه واموت منه واتمنى يموت انوب تردني اروح اشوفه
وين راح لو اسال علي
خالتي //هذا مو حجي رضوى لاتنسين هو ...
هي ما خلتها تكمل //شنو هو خاله هو انسان حقير كافي الي
اجاني كفاني كافي لا تجيبولي اسمه اكرهه
عمتي //ولج احجي عدل
رضوى //يمه اكرهه تعرفين شنو اكرهه واتمناله الموت
افتهمو كافي تره مليت
تستمر القصة أدناه

سمعت صوتها وهي تحجي لان هنا واكفات بجهة الجربايه
منهن للباب بس لفت نظري من اتحرك ايدها مو
المجروحه لا الثانيه وهي بعدهي لابسه السوار والعلك الاخضر
بعدهي لابستهن كل الي صار وما نازعتهن اكيد تكول
اي البسهن شخاسره بيهن استزوجته واشتراهن الي
رجعت للبيت ما اعرف شنو اسوي ودي اكسر كل الي كدامي
دخلت لكيتهن نفس كعدتهن بس
عطاء تنظف بلبيت وهنه كاعدات يسولفن دخلت شافني
خافن لان ملابسي كلها دم وبدا الاستجواب
انا كتلهن حادث بالسياره وزين ما بيه شي واريد انام
رحت الغرفتي اجت وراي كوثر وهي تكلي
- - سلام ويامن متعارك هاي مو شغلة حادث هاي عركه
شوف ملابسك شلون مشككات
::كوثر عوفيني كلت اريد انام
- - اي غير افتهم منو ضاربك ويامن متعارك
::مالي خلكج اطلعي وسدي الباب
- - اكيد مالك خلكي لان خلكك مو وياي بالاساس احنه ما
نشبه
- - ايا بت الكلب فوتي لا اجرم بيج تره كلش مشتهي اموتلي
واحد
طلعت وسدت الباب حييل ردت اكوم اطيح حظها بس
شسوي ما بيه حيل ومالي خلك يمكن الابره
الي انطوها الي هدئتني وخلتني انام فزيت على صوت صياح
وحجي عرفته فواز وعمي طاهر يصيح
علي من الحادث الهسه عمامي ما حاجين ويه فواز
طاهر //انت شلون هيج تسوي بسيارة العالم وانوب لازم
الولد زين ما موته انت زعطوط حتى
لو النه حق انت ضيعته برعانيتك
فواز//ما ضيعته المهم شفيت غليلي وذولاك الزمهم وين
يرحون
طاهر //ولك انت خبل ومو بعقلك واحد يفوت على سياره
جديده ويكسرها
فواز بعصبيه //واحركها وبعدهم ما شافو شي العلمك تره انا
حتى ع البيت دليتهم شنو خايف مثلا
تريدني اشوفهم معتدين على اخوي واسكت انت شتحجي
طاهر باستهزاء//عمي انت زايح الخجل لا عتب عليك خلي
اروح اشوف شلون احلها
فواز باستهزاءء//لاتروح ولاتجي انا اتصلت بحجي ريسان قبل
لا يتصل بيك وفهمته وهسه يجي
طاهر//اي انت معلم ع البلاوي هي هاي مو اول مره
فواز صار يزمخ //ومو اخر مره عمي على كيفك تره انا فواز ما
اسوي بلاوي بس ما انطي من حقي
اخذ حقي من حلك السبع
اجت كوثر وانا متمدد من شفتها غمضت عيوني كعدت يمي
وهي تهزني من جتفي وتكول
كوثر //اي انا حسيت مو حادث من شفت فواز اجه وطلع
وانوب انت اجيت وهسه فواز جاب
سياره مكسره وخلاهابالبيت ما تفهمني شنو الي صار
انا ما جاوبتها عرفت فواز من طلع ويه الولد الي اسعفني دلا
على بيتهم ولازم اجه
اخذ المسدس بقت كوثر تحجي
- - انا اريد افتك من فواز ومرته انوب يتعارك على مودك وانا
ما اعرف شصاير كادر بس
عليه بس احجي تكوم تحتار شتسوي

بيه سلام اكعد فهمني
كافي نووم
انا ما جاوبتها اندك باب الغرفه فتحته كوثر صوت ابوها
//اندهي رجلج وفوتي سوي جاي للزلم
اجت ندهتني كالت //ابوي يكوول اجو جماعه خلي يكعد
كعدت دخلت للحمام غسلت بس جسمي احس نار تطلع مني
لبست وطلعت رحت للديوان لكيت عمي
طاهر وحجي ريسان وياهم تلث زلم سلمت وكعدت بعدين
اجه فلاح جاب الجاي
تستمر القصة أدناه

عمي طاهر //وهسه حجي الراي شنو
الحجي //انا وديت عليهم رجال خيير ومعروف ينطينه عطوه
بهاي الاثناء اجه فواز سلم وكعد
حجي ريسان //ابني فواز انت العاقل هيج تسوي
عمي طاهر //لا وانوب جايب السياره يريد يدهرنا
فواز باوع العمي وضحك باستهزاء //عمي انت اتكتر ما عليك
السياره خالها ابيتي
عمي طاهر بعصبيه //شنو فواز اشو حجايه والثانيه بيتي كول
بعد لاتجوون تره واحنا هم ما
نجي لو ما المصيبه الي سويتها
فواز //يامصيبه ابو صلاح
طاهر //شنو يامصيبه ضاربلك ولد مدمي وسياره جديده
مفلشها وتكول يامصيبه
بعد المصيبه شلونها حمره خضره
فواز //اي صدك بس همه زلم ويضربون ويدمون شنو مو
بعينك احنه شنو مو زلم عمي والله
احرك بيوتهم اهججهم شنو عبالك افوتها الهم
طاهر //اي وتطيح بروسنا فصل وكعده اذا ما هدو
حجي ريسان //ابو صلاح خلي نفتهم شنو صار
طاهر //وداعتك شي بسيط وينحل بس فواز راد يسجل
موقف بلكي يرجع وع...
فواز وكف وهو نار وقاطع عمي //شوف ابو صلاح مو فواز الي
يسجل موقف لو محتاج فلان
لو علتان بس اعتدو على دمي وانا دمي حار رحت اخذت حقي
مربع منهم انت واولادك
واخوك واولاد عمك ما عليكم بكل شي انا اتحمل المسؤوليه
وانا الاخسر وحتى لو سلام ما يقبل ويكلي
انت ما عليك انا اخذ حيفي واندمهم باسمي لان ما اقبل
امشي بشارع ويكولون جبان
وسكت على حقه
طاهر //قصدك سلام واحنا جبناء
فواز/:انا ما جبت طاري سلام الرجال دايخ وتعبان ودايرين
علي اربعه والكثره تغلب القوه
وما طلبت منك او من واحد من ولدك مساعده رحت اخذت
حقي بايدي وانا الفصال
حجي ريسان //بس هذا اعتداء ولازم نروح ونكعد ونطيح
عليهم
فواز //لا حجي انتظر شويه هسه يدزون واحد ياخذ السياره
للتصليح راح اصلحها الهم
واصلا همه بجوون يعتذرون لان اعتدوا على سلام
طاهر يحجي ويه الشيخ //شوف ابو كاظم احنا ولا بعينه رايح
متعارك وانوب مودي ع الناس
حجي ريسان //لا ابو صلاح فواز سووا زين ما راد الشغله تكبر
فواز //اي حجي دزيت عليهم جماعه كتلهم ضربة ابنكم عن
ضربة اخوي وتكسيرة السياره بدال
التلاثه الي هدوا تردون اصلحها حاضر بس ذولاك وين ما
اشوفهم ادميهم وانتم ما تحجون لو
تطالبون وصدك وين يرحوون مني الزمهم الزمهم
حجي ريسان يضحك //والله عمي سبع ومن ظهر زلمه ما خلا
طكة اخو تفوت عليها لو نص يوم عفيه عليك
فواز //من رخصتكم شويه وارجع البيت بيتكم
طاهر //وين طالع تريد تبلينه
دار فواز على عمي ويباوع اله بنص عين ويضحك //سدك
امين ابو صلاح لاتخاف محد يوصلك لو يوصل ولدك
طاهر //شنو قصدك فواز
فوازبصوت عالي /:ماعندي قصد بس سلام اخوي حتى لو ما
يقبل اهد ورا انا اهد لان
اعتدو على شي يخصني
وطلع فواز انا ساكت ما حجيت ولا عقبت لان بدوامه اريد
احجي واگله انت ما عليك
لكن هو خصمها وكال اعتدو على شي يخصني ابدي اكوم علي
واحظنه لان جاب حقي بس لا السوا بيه مو قليل
كاعدين واجه تلفون الحجي ريسان جاوبهم كلوله

فواز اجه واتحمل تصليح السياره واحنا نعتذر لان ابنه هو
الغلطان ونريد نجي ناخذ من خاطر سلام
لان ولدنا همه الغلطانيين
ونهو المكالمه حجي ريسان باوع العمي وكله//والله ابو صلاح
الي سووا فواز عشر زلم ما يسوونه خلي زين
يسوي وياهم عرفهم وزنهم
عمي ظل ساكت ما حجى وراح الحجي وانا رجعت داخل
البيت كعدت بالصاله اندك الباب
اجت زينب وغدير رجل زينب ما اعرف منين سامع دخلن
واجن حضنني ويبوسن بيه
زينب /:خويه سلام ما تشوف شر
::شر ما يجيج منو جابجن
زينب /:ناصر بس راح كال بالليل اجي عليجن
غدير/: شنو سلام صدك جذب انت تتعارك
::صارت بعد
غدير /:الحمد لله ع السلامه
اندك الباب واجت خالتي ربيعه وعمتي عليه فتحت الباب
عطاء ودخلت لاكتهن كوثر سلمت عليها واجت لكني
بالصاله دنكت علي وباستني وعمتي عليه حسيت بيها حابسه
دمعتها
ام بهاء //يمه سلام ما تشوف شر
::الله يسلمج خاله
عمتي عليه //يمه سلام انت العاقل اول تالي تتهور وتتعارك
::صارت بعد عمه
زينب وغدير حضنن خالتي ام بهاء وسلمن على عمتي
سلامهن بارد بس عمتي ما حجت
اجت صبيحه وسلمت وكعدت وعطاء جابت ماي عاد ام صلاح
كالت // شعجب جايات سووا
ربيعه //اي ام صلاح جنه بالمستشفى
- - هاا انتي هم ام بهاء جا هي ما غدا شرها وتطلع بس خليها
بالمستشفى احسن اندري شجاها
كون يعرضونها على طبيب مال مسودنيين شمالها يوميه
مسويتلها فاينه
عليه //ام صلاح عيب هذا الحجي لا تنسين هي بتي
صبيحه باستهزاء //يابت هاي شنو ربيتيها تعبتي عليها اشو
انا او وسيله مت عيني انشلع كلبنا بتربية
بناتج بالله رقيه لحكنه عليها وانطيناها لابن خال

تها بس ...
ام بهاء//اكلج ام صلاح شنو هالحجي هذا تره اكو بخت ستار
وبخت شهار
صبيحه //شقصدج عيني ام بهاء
ام بهاء /قصدي ياما بنات سوون مصايب والله سترهن بيت
ورجل وجهال واكو بنات كل شي
ما مسويات والله شهرهن
صبيحه تغير لونها بس حاولت تبين هي ما مهتمه //شنو ام
بهاء انتي تغشميين روحج وتدافعين
انا ردت اقطع النقاش كلت //اروح ارتاح شويه راسي يوجعني
زينب /:شنو هالحجي هذا عمه مو تشوفن سلام تعبان
وبعدين احنا شلنه شغل بالي تريد تموت تريد تنتحر
بعد هي تلبست براس اخونا
خالتي ربيعه /:تره ام صلاح عيب هذا الكلام الما الا داعي
وانتي زينب شنو هالحجي
صبيحه //ياا ربيعه وانا شكلت
عليه بنفاذ صبر //اكلج صبيحه تره الببت هذا بيت اخوي صبار
وسلام ابن اخوي الي حق بي انا عمته
اهنا كوثر حجت وهي متخوصره//لا عيني سلوومي الي انا
وبس هو خط احمر اؤ اي احد ما اله بي
عليه //اخذي عمه بالعافيه عليج بس يمكن لو ما جايه اشوفه
جا عتبتن
كوثر باستهزاء //ما نعتب انتي اصلا ملتهيه بزوجج وجهالج فما
نعتب عليج لا تجين عمه
يجوز رجلج ما يقبل وحقه كافي عليج يوميه راكضه
للمستشفى
غدير /؛عمي زين منه الرجال ومتحمل يوميه الو بتج منتحره
اركضي للمستشفى
عليه //نعم الله عليجن يابنات اخووي وانتي ياكوثر يا متعلمه
يامثقفه انا بالاساس اريد
ارووح وبعد هذا البيت ما اطبه -اهنا عمتي اتكسرت العبره
بصدرها؛-
ام بهاء //استهدي بالرحمن ام رقيه شنو هالحجي مو بيت احد
بيت اخوج وقبلها هو بيت ابوج
عليه //لا ام بهاء كلمن يعرف حدوده وانا عرفت حدودي
صبيحه //عود عليه صدك عليمن تبچين ماكو داعي للبجي
كوثر وغدير ما حجن شي
عليه //هذا الحجي كله وماحجن مشكورات بنات اخوي
كوثر //شنو عمه شحجيت كلت رجلي الي انا وبس وما اريد
اي احد يشاركني بي
لا اخ ولا عمه ولا خاله
ام بهاء //وج صدك ما تستحيين انوب لا عمه ولا خاله اخذي
حبيبه بالعافيه عليج يالله
ام رقيه امشينا وبعد هذا البيت ما ندخله لان الظاهر بيد كوثر
وغدير
انا فتحت باب الغرفه وحجيت ::كوثر روحي ويه امج البيت
اهلج لا اقترف جريمه وانتي ولج زينب
خابري رجلج يجي ياخذج انتي واختج
اهنا كوثر وكفت وحجت //سلام شنو تقترف جريمه شمسويه

::كلت ما اريد اشوفج وباجر خط طلاكج يوصلج
💛يتبع

٩___١٠


#البارت_التاسع
////////////////////////////////
شگول عليك اگول انساك روحي وياك
شگول عليك اظل زعلان مر فرگاك
ومثل فزت طفل روحي تفز لو سمعت بطرواك
ومثل ورده وشحيحة ماي مزنة مطر تتنخاك
واگلك هاك ......شوف جفاك
شوف شسوى بيه جفاك
////////////////////
سلام
انا من سمعت صبيحه تحجي وخالتي تردها كلت خلي اكسر
النقاش كتلهن تعبان اريد ارتاح
لكن كلام كوثر نرفزني خصوصا من سمعت عمتي عليه شلون
اتكسرت العبره بصدرها وخالتي
ام بهاء هم قررت تروح وبعد ما يدخلن البيت بسبب كوثر
واخواتي ما اتحملت فتحت
الباب وكلت الزينب خابري رجلج خلي يجي ياخذج انتي وغدير
وباوعت الكوثر وگلت تطلع تروح ويه امها
هي راددتني وگلت اطلعي وخط طلاكج يوصلح
واتقربت من غدير وزينب :: ترحن البيتچن والي توصل لهنا
اكسر رجلها
صارت صبيحه تصيح وتغلظ على عمتي عليه وتدعي عل
رضوى بس عمتي اجتني وكالت
- - لا يمه سلام مرتك ما غلطت انا الغلطت
::عمه الخاطر ربج كافي ما تبقى يعني ما تبقى انا الغلطان من
البدايه تزوجتها شنو ما اعرفها
صبيحه عتت كوثر وكلتلها //امشي ولج مو مال شريفه وتلمه
مال وحده ساقطه ضحكت علي
وهسه صار يحن الها
عضيت على شفتي وصلت يمها ::احترمي نفسج واخذي بتج
لا والله انتي وياها ...
خالتي قاطعتني //سلام استهدى بالرحمن وانتي صبيحه
روحي منا هسه
صبيحه /:اي راح اروح واعرف شلون اخذ حق بتي امشي ولج
امشي
وراحت صبيحه اخذت كوثر وزينب وغدير دخلن الغرفة امي
وهنه يبجن ويحجن
- - شنو شدعوه علي سلام شنو شكناله وكل ما نجي يطردنا
خالتي ربيعه راحت الهن كالت //بسجن كافي جايات تشوفن
اخوجن لو تلطن ع الاكبر منجن ما تستحن
زينب/:شنو شكلنه سبينا العنب
ام بهاء/؛مع الاسف هاي تربية وسيله شمسويتلجن رضوى
وتسون بيها هيج من هي زغيره وهي وعطاء
ويه المرحومه ايدهن بايدها وانتن كاعدات وانوب تزوجتن
ليش هلكد تكرهنها
غدير /:اي نكرهه من هي زغيره وامي وابوي بس رضوى حبابه
ورضوى شاطره وام بيت وتاليتها رضوى
طلعت تلعب ع الحبلين كسرت كلب سلام
ام بهاء /:لا والله مو لان هيج بس هذا تدريس صبيحه
زينب/:خاله تدافعين عنها مو ضحكت عل سلام واخذت فواز
ليش بعد هالدفاع لو انتم الشريفه والتحجي
الحق ما تردونها
غدير /:كافي زينب لا تحجين انا خابرت رجلي كال شويه وجاي
شنسوي نجي لا سلام ولا فواز يردونه
حاطين عليه على كلبهم
ام بهاء /:ايا طايحات الحظ عليه منو مو عمتجن بس صدك ما
تستحن وزين يسوون وياجن
انا كعدت ع القنفه الي بصف الغرفه ومختنك وانا اسمع
الحجي وعمتي عليه بس دموع بسكته حسيت دخت
حتى الهوى انقطع عني صرت الهث اريد اسيطر على روحي ما
كدرت
شافتني عمتي صاحت /:يمه سلام اسم الله شبيك وج ربيعه
تعاي الحكي
اجت خالتي وياها زينب وغدير رادن يسندني انا نتلت ايدي
منهن وخليت
خالتي وعمتي عليه سندني وصلني للجربايه وانا الهث راحت
عمتي
جابت ماي وشربتني وغسلت وجهي وظلت تفرك بايدي
هدات شويه
تستمر القصة أدناه

عمتي كالت /:سوده عليه عمه سلام كله من وراي
انا كوه احجي /:لاعمه انا الغلطان من البدايه اكو واحد يتورط
ويه صبيحه
وظليت الهث عبالك جاي اركض عشر دقايق اكثر شويه
ارتاحيت خالتي كالت
- - لا تسكت على روحك شوفلك طبيب
::لا خاله بس تعب وما جاي هلكد انام
عمتي /:يمه على كيفك ويه روحك مو كله شغل
سمعت حركه طلعت خالتي لكت عمي طاهر وصبيحه وكوثر
واولادهم وعمي يصيح
- - وينه سلام الي يريد يكتل بتي ومرتي وينه
طلعت خالتي ام بهاء وهي تحجي
- - شنو هاي منك ابو صلاح تره سلام تعبان ما له خلك
طاهر /:لا اريده يطلع يفهمني شلون يكول اموت كوثر وامها
بعد انا ما تحملت طلعت وكفت بالباب كتله وانا الهث وكوه
احجي
::عمي واصله عدي فوك من راسي كافي اخذ بتك وعلمها
الادب
طاهر /:بتي متادبه غصبن ما عليك
::زين عمي اخذ بتك المتادبه لا تخليها يمي لان انا تربية
شوارع اخذها ما اريد اشوفها
طاهر/:ولك سلام شلون هيج تحجي
طلعت من الغرفه ::عمي احجي ويالله اخذها واخذ ولدك الي
جايبهم تهددني بيهم
اطاهر /:هاولك اسليم هيج صار الحجي الا اعلمك
استغربت من كلامه جاوبته باستهزاء ::اه انوب ولك واسليم
وتعلمني والله الك حق بس بالبدايه اخذ مرتك وبتك
علمهن الادب وانوب جيب ولدك وتعال هدد متانيك انا كاعد
وين اروح
طلعت عمتي عليه وحجت //طاهر شبيك خويه تره بتك
ومرتك اتجاوزن علي
طاهر بعصبيه ويأشر بايده //انتي بالذات ما اريد اسمع صوتج
من يوم الي تزوجتي جاسم واحنا محتارين
بيج وبمشاكلج
عليه // طاهر خويه هيچ صار الحجي شني شمسويلي
طاهر صار يزمخ على عمتي //بس لا تفكين حلكج خليها
مساتر وديري بالج تقارنين بناتج باظفر بتي تره
الگاع بعدهي طين ما يبست
عليه/:خلف الله عليك بس تره مرتك تكول هي ربت بناتي
يعني اذا بيهن شي من وره مرتك
صبيحه اتقربت من عمتي ولزمت چتفها //خايبه اسكتي شني
والحجي انتي لو بيج خير وابناتج خير
مو بتج يوميه منتحره غير بيها شي

عليه //سمعت طاهر مرتك شتحجي وانت كلتها هاي هي بعد
ما النه دخله عليك بهلبيت
واهنا اجه فواز ويا رضوى وهو يكول //ياهي بعد ما تدخل
للبيت انتي عمه !
الكل سكت فواز سال //شو ساكتين منو الي يطردج من
البيت گولي
عليه جرت نفس //لاعمه محد طردني بس صحيح انا السبب
كله من ابوك الله يرحمه كلي تزوجي بعدج
زغيره وبناتج امانتي وراح
فواز //وهسه عمه شلي صار
عمتي صارت تحچي بعصبيه وهي تبچي /:الصار يابني انو
هاي بتي (واشرت على رضوى )هاي بتي
المتعلمه المثقفه صار الي يروح ويرد يعيرني بيها والي يكلي
ما ربيت والي يكلي ما توصل لاظفر بتي صرت
عار من وراها ياريت بيوم الشمرت روحها من الدرج ماتت
وفكتني من عارها لو صاحب راميها بالمسدس
وميته جا بجيتلي يومين وسكتت
صبيحه تهز بيدها //وهي لو ما بيها شي تشمر روحها
عليه عضت على شفتها بحرگه //صح كلامج ام صلاح هي لو
ما بيها شي ما شمرت روحها

اهنا رضوى رغم مبين عليها التعب وايدها شادتها وكفت
بنص الصاله وحجت كالت
رضوى =شنو ماما اجرمت ابن خالي وحبيته وتزوجني على
سنة الله ورسوله (وصارت تباوع الصبيحه وكوثر )
انا ما سحلت نفسي على فواز ولا على اي احد وانتي ما دللتي
بيه ولا خليتيني حجه
وهديتيني بس كون ياخذني فواز ولاجبرو عليه ابن خالي والله
حلله والعده حجايه يضمها
لا يطلعها لان ما الها داعي
طاهر //والله طولان السانج انتي المثلج ما تراووين وجهج
فواز بنتر //عمي شنو هالحجي شو انا زوجها واكف وتغلط
ومن ساع مرتك شنو مو جنكم ماخذين
راحتكم بالبيت تره ما يصير
(رضوى دخلت الغرفتها )
صبيحه //البيت مو بس الك فواز سلام هم اله حصه بي وهو
ما خذ بتنا ونسال عليها ونجي نشوفها
فواز //عز الله تسالين عليها ام صلاح انتي مقيمه اهنا كاعده
عبالك بيتج كاعده وماخذه راحتج
طاهر //شنو انت جاي تطردنا انا ما كاعد ابيتك كاعد بحصة
صاحب اخوي
فواز //لا عمي انت ع العين والراس بس المفروض من تجي
انت او ولدك المفروض تكعدون بالهول
وبتك امها واختها يجن يشوفنها ولوهنه ليل ونهار كاعدات
يمها بالمطبخ او هي تروح تكعد يمكم
لا تنسوون احنه عدنا نسوان وما يصير يارايحين يارادين وهاي
الصاله داخليه
يعني اكعد بيها انا ومرتيى سلام ومرته تجي خالتي بالاسبوع
مره عمتي بالشهر مره مو مزار
كل ساع واحد يطلب منها مرااد
صبيحه /:شدعواكم على مود اليستفقرن حتى اخواتكم ما
تردوهن
فواز دار شاف زينب وغدير/:ها عمه ومنو خلاج محامي على
اخواتنا يجن باحترامهن هلا بيهن
لا والله حجي زايد ناقص اوديهن البيت ارجالهن بس كبلها
اجنزهن
زينب /:عليمن تجنزونا احنا رايحات ومن نريد نجي نروح البيت
عمي طاهر
صبيحه //والله بيت صبار صار فاال ال....استغفر الله ربي
خاف هسه الواحد يحجي يصير مو خوش
فواز رد عليها بصوت عالي //لا والله ام صلاح اذا تعرفين شي
احجي لا تضمينه احجي علوااه بلكي
انكتل وامووت علوااه بكد ما كاره الحياة ما اريدها
بس لاتصيرين مثل الحيه المزوهره تريد تذب سمها وما تكدر
صبيحه بنرفزه //انا حيه مزوهره اي حقك شتكول انغسل
بختك
طاهر //انت باي حق هيج تحجي ويا مرتي
فواز بعصبيه /:بحق انو هذا بيتي وبيت مرتي وهي جاي
تتجاوز الي يجي ويدخل للبيت يحترم اهله
طاهر //امشي صبيحه امشي خوش ابن اخوي تالي وكت
يطردني بدون خجل ولا مستحه
جيبي بتج وتعاي
صبيحه بصياح//عليمن اجيب بتي بتي عد رجلها شنو الزلم
تحجي وتدافع عن الفاسدات عاد
بتي ما لكو يمها واحد مصلخ وبحجره ابحدهم نص الليل
فواز //استغفر الله عمه كافينه شرج
عليه من سمعت هيج راحت للغرفه ولحكتها ام بهاء لزمت
رضوى من ايدها الي مخيطيها وهي تكلها
- - ياريت ميته ولا التسوى والما تسوى تحجي وتطول السانها
ياجلبه ياخاينه
اهنا رضوى جانت واكفه بصف ميز تواليت وامها لزمتها من
ايدها صاحت
=ااااااخ كافي مو مليت اكتلوني وخلصوني من هاي الدنيا
شكم مره اكول انا ما مسويه شي
انا مو خاينه سمعتو مو خاينه ما سويت شي
وصارت تضرب بوجها بمرايه الميز وتكول =انا مو خاينه ما
سويت شي

صبيحه /:يممه يمه شوف العياره ما مسويه شي لكو امي ويه
فواز بالغرفه الفوك
فواز سمعها اجه يركض شاف الدم مالي وجها والكزاز الزغير
نابت بكصتها ومراية الميز مصدوعه وامها
وام بهاء يبجن عليها وايدها تنزف اتدنى يمها شافته
اتهسترت صارت تصيح

=كله منك انت السبب الله لا يوفقك الله ياخذك الله لا
يهنيك حطمتني
اتقرب منها وحضنها وهي بعدهي تبجي وكلها //اشششش
كافي لا تبجيين انتي مو خاينه انتي تاج على كل راس
موجود بهذا البيت يكفي لاتاذين روحج
هي تشاهك وتكله //ششو شو ف حت حتى امي تكلي انتي
خاين خاينه ما ماريد اعيش موتني فواز خليني ار ارتاح
فواز دمعت عيونه //كل شي تردي يجرالج وهسه
ام بهاء /:فواز يمه داوي مرتك اخذها للطبيب كزاز هذا مو زين
وفتح الجراره طلع منها ملقط وراح الصيدلية الصاله طلع معقم
وكطن ورجع ما سد الباب وصار يطلع بالكزاز
وام بهاءءلازمه ايد بكصتها وايد بحنجها وعليه كاعده بالكاع
وبس تبجي
بهاي ال

اثناء طلع سلام
راح للمطبخ ومن رجع انتبه وشاف شلون هي كاعده وهو
واكف يطلع بالكزاز وام بهاء لازمتها اتمنى يجي يضرب
فواز ويكله --هاي ملكي ابعد عنها --بس ما كدر
وره عشر دقايق فواز عقم الجرح الي بوجهه والي بايدها طلع
راح يرجع المعقم وسد الباب
وراح يغسل ايده بالمغسله الي بالكلدور
شويه واندك الباب رضوى كانت متمدده ع الجربايه كامت ام
بهاء فتحت باب الغرفه لكتها كوثر
ها يمه تفضلي
لا خاله بس رايده عمه ام رقيه عمه شويه بلا زحمه --واجه
صوت فواز --
تفضلي كوثر تره احنه ما ناكل بشر
كوثر مدنكه /:لا شكرا رايده عمتي
كامت عليه وهي مقهوره والدمعه بعينها راحت للصاله
ها يمه كوثر ناسيه شي ما كلتي اليه على مود تحجينه اسمعج
شيجي على بالج احجي
كوثر/: عمه بس حبيت اكلج انا اسفه مو قصدي سامحيني انا
ما اعرف شبيه عفيه لا تزعلين مني
عمه/:روحي يمه الله يهديج --اهنا عليه صاحت --ام بهاء ترحين
لو بعدج لان انا اريد امشي
ام بهاء //اي خيه جايه
جانت زينب وغدير واكفات اباب غرفة امهن من طلعت ام
بهاء وطلع وراهن فواز على مود
يوصلهن وهو يكل العمته
فواز /:عمه ابقي باتي يم رضوى
اهنا عليه ما اتحملت كبت بوجهه
عليه/:اسكت فواز شسوي ابقى على مود كل الي يمر
يسمعني حجايه كافي الله يساعدها
رضوى الهسه ما ماتت ومتحمله الهسه ما حركت روحها
فواز //عمه على كيفج والله رضوى كل الي تريده يجرالها بس
محتاج وكت
عليه //وكتيش كلي ليش انت شضام كوول
فواز //كل شي بوكته حلو وبعد لو سمعتي احد واصل يمها
بالعظيم اجيب بانزين واحرك البيت
بالي بي واخذها اكعدها بقصر واخليها اميره
ام بهاء //كافي فواز كافي يمه امشي ودينا
فواز بنص الصاله وبصوت عالي
//خاله بعد اليوصل الرضوى لو عمتي عليه لو رقيه منو ما
يكون اكسر ظهره الكل يسمعني ما
اعرف لا عم ولا خال
واتدنه يم اخواته وكال /:الي تجي تشوفنا تجي باحترامها مو
فلانه وعلتانه يقرن باذنهن وهنه يصفكن والما
يعجبها تبقى ابيت رجلها
زينب // جايات البيت ابونا فواز
فواز // لا مشتبهات البيت بيتي انتن كل وحده قبضت
حصتها زايده مو ناقصه مني فالبيت بيتي وبيت مرتي
والي اله حصه وياي اذا يبقى يسوي مشاكل نتبايع وكل واحد
ياخذ حقه
هو يحجي بالصاله واكيد سلام وكوثر يسمعوون راح فواز وهو
نار وانا بدلت وجاي امشط اريد فواز بس يطلع
كوثر كلتلي وهي تعوج بحلكها //لازم .من رحت للمطبخ شفت
ست الحسن وهي مدمايه وهل وديتني
ردت تتاكد شبيها مو
بقيت ساكت ما جاوبتها وانا اربد اعرف رضوى شبيها بس
الصراحه انا من دزيت كوثر دزيتها على
مود تسامح من عمتي لان انا سمعتها من اتجسرت عليها
ولووما امها خلتها وما ردت الموضوع
يتطور انا ما خليتها لحظه
بقت كوثر تحجي وياي //اشو سكتت صفنت وين انت مو
على بعضك هاي من اخذتها للمستشفى وانت بس
ساكت لاتسكت حاجيني مو لابسني انت وديتني على مود
تطمن عليها مو
انا من سمعت هيج تحجي جاوبتها ::اي وشعدج بعد
كوثر //ايا حقيير وتكولها بوجهي

من سمعت كوثر غلطت لزمتها شمرتها بالكاع وقفلت الغرفه
بالمفتاح وصرت اضرب ببها اضرب بدون وعي
وانا اكلها
::انا حقيير اي انا اكبر حقيير لان اخذتج وانا اكرهج لان عفت
حب حياتي هسه اراويج الحقير شيسوي
هي بقت تصرخ وانا اضرب بيها وكفتها اريد اضربها بالحايط
غافلتني وفتحت الغرفه وطلعت صارت طلعتها
على غرفة فواز فتحتها ودخلت انا رحت وراها شفت الباب
مفتوح قليل دكيته طلعت رضوى انا ما باوعت
بوجهه كلت
::كوثر تعاي اطلعي لا هسه ادخل اقترف جريمه
رضوى خاله شال وكصتها عليها لاصق طبي تحجي والتعب
مبين عليها
=سلام كوثر يمي انت هسه روح
تدرون اول مره من يوم الحادث توجه كلامها الي مباشرةانا
سويت روحي ما اسمعها وما رديت عليها
::اطلعي كوثر لا هسه ادخل اكسرج
رضوى =خليها هسه وانت روح اطلع لو اكعد بالغرفه تهدا
وتجي
انا بعصبيه ::كوثر جاي اكلج اطلعي ادب سزز
اهنا سمعت صوت فواز //سلام منو هاي الادب سزز
انا درت شفت فواز ما جاوبته ::كوثر رايح للغرفه تلحكيني ع
السريع
ورحت وانا اغلي من الكل مو بس من كوثر الحقيره جان ابدي
ابجي واطلع ضعفي وكسرتي ودي اصرخ
واكول ::ياناس ياعالم اخوي وحبيبتي خانوني وذبحوني ع النص
لا قضوا علي ولا عالجوني
بس ما كدرت كابرت اجت كوثر دخلت انا بس شفتها طلعت
اخذت السويج ورحت الفارس يمكن هو متنفسي
الوحيد لان يخليني احجي واصيح وهو بس يسمعني
بالطريق شفت وحده واكفه تريد سياره هي بس شافتني
اشرت للسياره انا وكفت
اجت يمي //مرحبا اذا ممكن جنت اتسوك ونسيت جنطتي
بيها الفلوس والموبايل او ،،،
انا ما خليتها تكمل طلعت خمس تالاف وانطيتهن هي
اخذتهن وانا اريد احرك ضربت ع الباب
فتحت الجامه
- - شنو انت عبالك انا جاي اجدي منك شكد ما تفتهم جاي
اكلك الموبايل بالجنطه وبيها فلوسي
ومفاتبحي يعني اريدك توصلني لان بصراحه ما عندي فلوس
اخذ تكسي ومن الكاهن راح
انطيك توصيلتك
انا باوعت الها وكتلها //العفو اتفضلي وانا اسف
صعدت كعدت بصفي انتبهت الها بيضه كل

ش وانيقه لابسه
تنوره وقميص ولافه شال على راسها
ولابسه ساعه ومحابس اثنين ايدها بيضه بيضه بشكل بقينا
ساكتين كسرت الصمت بسؤالها
::تندلين وين اخر مره اشتريتي
- - اي محلات ال--
::تماام
وصلنا نزلت كالت- - شكرا تحب تنتظرني على مود تاخذ
اجرتك
ابتسمت :: انا راح انتظرج مو على مود الاجره لان انا مو
تكسي بس انتظرج اخاف ما تلكين الجنطه
شلوون ترجعين
هي بعجله //ماشي شويه وارجع
نزلت بقت تقريبا عشر دقايق ورجعت بس مبين ما لكتهن
سالتها
::ها بشري
جاوبت بحسره //ما لكيتهن دورت ماكو
::انتي حافظه رقمج
- اي حافظته
طلعت نقالي وكتلها //اخذي اتصلي علي
واخذت النقال واتصلت رن التلفون جاوب رجال انطتني
التلفون واشرت الي يعني احجي
::الو السلام عليكم
:: بلا زحمه نسينه يمك جنطه وبيها هذا الجهاز
هزيت راسي :... اي هي ناسيه الجنطه يمك وبن انت
:: تماام هسه شوويه ونجي

رجعت مره ثانيه النفس المكان بس مو نفس المحل نزلت انا
وهي بس دخلت اتصلت شافني ابو المحل
الرجال كان كلش امين على ما اتاكد من لون الجنطه وشكد
فلوس بيها وانطاها النه واتشكرنا
طلعنا وصلنه للسياره وكفت وطلعت فلوس وكلتلي
//اتفضل استاذ هاي اجرتك وانا اشكرك
انا باوعت الها وحجيت ::منو كلج انا اشتغل تكسي ع كل
مشكورة
هي بتاسف //عفيه لاتزعل علي بس هذا حقك
::حقي لازم اوصلج للبيت
- - شكرا اخاف عندك التزام واعطلك
جاوبتها وانا اجر النفس ::لا اصلا ما عندي شي
باوعتلي وكالت // اشبي وجهك
حمحمت :: حادث بسيط
الحمد لله ع السلامه
جانت انيقه بشكل ورشيقه وبيضه ومحجبه وتحجي بهدوء
رجعنا بالطريق شفت محل يببع
ماي وعصير نزلت اخذت من عنده رجعت انطيتها ماي وبطل
عصير هي اخذتهن وكالت شكرا
وتمينا ساكتين من وصلنا للمكان الي صعدت منه نزلت
وكالت
- - شكرا استاذ وفرصه سعيده
::العفو انسه بالخدمه
- - ها يعني من احتاج توصيله تجي توصلني
::ويه اول رنه بس كولي انا اا،،
- - ساره اسمي ساره
::تشرفنا انا اسمي سلام
- - النا الشرف شكرا مره ثانيه
:: ومن تحتاجيين توصيله شلون
مو انت اتصلت على رقمي من جهازك
:: هاا تدرين نسيت
ابتسمت // ياالله مع السلامه
مع السلامه
نزلت ودارت علي وسوتلي بايدها -باي-ورحت الشقة فارس
بعد ان خابرته وكلي موجود
وصلت وكعدنا فارس انا ما اضم علي شي لان هو صديقي
شافني كلي
- - سلام شبيك ياخي حاول تنسى انت مو اول واحد ولا اخر
واحد ما ياخذ حبيبته
جاوبته ::حبيبته منو حبيبته الي خانته ويه اقرب الناس اله
فارس //سلوم اتاكد يالله تحكم تره احيانا الي تشوفه شي
والحقيقه شي ثاني
:: والله تضحك انت فارس اكلك اخوي الي يعرف اريد بت
عمتي اخذها مني وهيه هسه زوجته
فارس // بس هذا الشي ما يمنع تفكر ليش هيچ سوا ما يمنع
اتسمعه
ضحكت وضربت على رجلي // انت جاي تحجي بالمثاليات
لان ما جربت الحب ولا جربت الخيانه
شفت فارس جر حسره جاوبته :: راح اطلع تروح وياي
هز راسه وطلعنا بسيارتي ورحنا للكوفي شربنا نركيله واتعشينا
افترينا ورجعنا للشقه كوثر كل ساع اتصال ومسج وانا ما
فكرت ارد عليهة برساله
ولا با تصال لان جنت كلش مخنوك وما يعجبني اسمع صوتها
چانت الساعه قريب ال 11 ونص ومنتظرين تبدي مباراة بين
برشلونه وريال فارس يحجي يكلي
- - ليش ما خليتنا نشوفها يم الشباب
::يمعود صياح وعياط ما نفتهم شي نشوفها اهنا احسن
جنا اذا اكو مباراة انا اشجع البرشه وفواز يشجع الريال طبعا
رضوى وياي وعطاء ويه فواز رغم ندري بيهن
ما يحبن الطوبه لكن على مودنا يشجعن ويصفكن انا افتقد
ذيج الايام لمن ما فريق الثاني يخسر ونبدي نطلع اعذار
ونتصايح وتجي امي تعيط علينه وابوي يجي يحجي ويرزل
واحنا ساكتين وهنا واكفات محتارات شيسوون جنت
اباوع وبالي مو يم اللعبه لمن ما وصلني مسج ع الواتساب
ردت ارزلها الكوثر لان هي تدري ما احب احد يضوجني
او يحجي وياي وانا اباوع اللعبه لكن تفاجات شفته رقم ساره
البنيه الي طلبت مني اوصلها انى فتحته قريت

الو مرحبا
رديت عليها ::اهلا منو
- - اهاا يعني ما حاجز رقمي يمك
ردت اخبث :: لا العفو منو معاي
- - اسفه الظاهر غلطانه بالرقم اسفه
وسدته للواتساب انا بدوري ::ساره لا تزعلين حبيت اتشاقى
وياج وانرفزج اسف
شفت الرساله وصلت لكن ما قرتها رجعت كتبت الها - - ساره
افتحي واتساب كلت انا اسف
هم ما ردت انا بعد ما راسلت وره تقريبا اكثر من ساعه ونص
اجتني رساله فتحتها رغم كل شويه
توصلني رساله من كوثر بس ما فكرت افتحها
ساره //اسفه استاذ سلام اتطفلت عليك وزاحمتك اكرر
اسفي
::لا تتاسفي ساره بالعكس بس انا حبيت اخبث وياج
ساره/:ليش شنو سويت لك
::لا ما سويتي شي بس انا خبيث
ساره/:لا لا انت مو خبيث بالعكس
::ها يعني انتي شتشوفيني
حاولت تغير الموضوع كتبت لي //انا راسلتك علمود اشكرك
لان وصلتني وبقيت وياي على ما لكيت
الجنطه تعبت وياي وردت اعبر لك عن شكري
::العفو ست ساره
ساره/:رجاءا ساره بس بلا هالالقاب الي ما الها داعي
::تمام ساره
ساره/:يال

له باي تصبح على خير
::اوكفي شويه يعني انتي كتبتيلي بس على مود تكليلي شكرا
لان وصلتني
ساره /:اي
::اااه اي شنو ساره انتي من نزلتي كلتيلي شكرا
ساره/:وهسه هماتين اكلك شكرا
::العفو بالخدمه انا حاضر سايق مجاني طيلة 24 ساعه ما
عليج الا مسج زغير
ساره/:ههههه انوب مجاني اعمل حسابك يوميه توصلني
::بالخدمه شكم ساره عدنا
ساره/:هي بس انا جان اكو وحده مثلي باليابان تشبهني بس
من عرفت انا شبيهتها انتحرت
وماتت وبقيت بس انا
::هههههههه
ساره/:دوم الضحكه استاذ سلام
::هاا مو توج كلتي ما احب الالقاب
ساره/:اي مو ردت احجيك
::ساره ممكن اتكلم معاج دائما لو اسبب الج احراج
- - لا بالعكس كل احراج ماكو
::تسلمين خو ما تعاقبتي لان نسيتي الجنطه
- - لا ههههه منو يعاقبني
::اهاا مبينه مسيطره
- - يعني بس مو كلش هسه تسمحلي
::لا ابقي اقصد اي براحتج
- بااي
::بااي
من طلعت من المحادثه بقيت گاعد اجاني اتصال من عمي
طاهر انا ما جاوبته مالي خلكه بعدين
اتصل عمي صاحب انا رديت
::هلا عمي
صاحب /:اكلك سلام انت وين
::خيير عمي شكو
صاحب/: اكلك انت وين تكلي خيير شكو
::ما متت عمي بعدني دايح بالشوارع احد اله عندي شي
مطلوب بطلابه
صاحب/:شنو هالحجي هذا بابا موعيب كل ما بالامر بالنا يمك
وهاي زوجتك المسكينه
بس تبجي اقلها رد عليها وعمك ابوصلاح اتصل ليش ما
رديت
:: العفو جنت بالحمام
صاحب/:بابا سلام تعال بات اهنا ابيتك
::عمي خليني براحتي اترجاك
صاحب/:براحتك بس خابر مرتك وطمنها
جاوبته بعصبيه :: اكلك عمي انت ليش تريدني حتى انت ما
ارد عليك
صاحب /:شبيك سلام ليش هيج تحاجيني
::شنو عمي انا كفرت من اخذت غلطة عمري بت طاهر اكلك
ابو انمار مالي خلك انت مو اتطمنت
انا ما بيه شي انت بدورك طمنها وطمن الجيش الي يسال
عليه بقياده صبيحه
صاحب/:ولك سلام شبيك شلي جرالك
::عمي والله مالي خلك يالله تصبح على خير

حسيت بنفسي مختنك ما اعرف شسوي اخذت الموبايل
ودخلت عل رقم ساره كتبت الها
::ساره مي خالف تتحمليني وتبقين تحجين وياي اذا ما نايمه
شويه واجاني ردها
ساره/:سلام شكو ياستار شنو صاير
::مختنك ساره وضايج
ساره/:على كيفك سلام لا تجهد نفسك اخذ شهيق وزفير على
كيفك انا وياك الحد ما انت تطردني
::مستحيل اطردج ما اعرف ليش ارتاح من احجي وياج
ساره/:اهاا هاي وانت قبل ساعتين تعرفت علي
::منو يكول ساعتين قصدج سنتين مو
ساره/:هههه مدام كمت تحشش هاي هي صرت زين اروح
انام
::منو صار زين اصلا كل احوالي مكلوبه
ساره/:كل شي ولا احوالك تنكلب انوب ننزل بنص الشارع
ونحتار شلون نقنعك ترجع للبيت
......زين يعني مو بس انا احشش انتي هم
وتمينا نسولف للساعه اربعه الفجر عرفت عنها انها منفصله
وعدها ولد وعايشه هي وامها وابنها
وعدها اخت وحده متزوجه وزوجها عنده محل اكسسوارات
موبايلات شريك ويه واحد وهي تشتغل
بدائره حكوميه وابنها عدها لان زوجها عافها واتزوح وحده
جانت اله علاقه بيها
هنه بس اثنيين بنات ما عدهن اخ بقيت اسالها وهي تجاوب
بس هي ابد ما سالتني
::انتي اسالي وانا اجاوب
هي كالت //لا خليها للوقت انت تسولف براحتك لان احس
بيك تعبان ما اريد تسولف وياي مجبور
وبعدين تتندم
::اتندم منو اليتندم هذا غبي اليتندم من يسولف وياچ
ساره/:هههه الله يخليك
::زين مثل ما انتي كلتي خليها للظروف وتحجيلي عن نفسك
انا هم اكلج خليها للظروف اعزمج
على فنجان كهوه بس اريد وعد من اطلبه منج توافقين
ساره/:تماام بس خليها للظروف
::ان شالله حاعتبرها موافقه مبدئيه
- تمام
بعدها ما حسينا نمنا انا كعدت تقرببا الساعه بالتسعه فتحت
النقال لكيت ساره دازه
صباح الخير اليوم انا متاخره عن الدوام لان اكو واحد عطلني
هاي دازتها قربب الساعه 8
انا كتبت الها //صباح العسل حقج وانا مستعد الاي شي
تطلبينه
هي ما جاوبتني انا طلعت للشغل بقيت بالمحل والظهردزيت
على غدا جابولنا انا والعمال اتغدينا تقريبا
الساعه اربعه رجعت للبيت دخلت لكيت صبيحه وسهير وكوثر
وعطاء بالمطبخ دخلت كلت
السلام عليكم
وفتت للغرفه ما انتظرت اسمع ردهن دخلت واجت وراي كوثر
على اساس هي زعلانه انا ولا عبالك اشوفها
فتحت الكنتور وطلعت ملابس وفتت للحمام سبحت وبدلت
واخذت السويج وطلعت بدون ما احچي ولا كلمه وهنه
بس ايباوعن
رحت يم فارس وانا كل شويه اباوع للنقال واشوف ساره ما
الها ظهور بعدها طلعنا وسهرنا ورجعنا
فارس باوعلي //شنو سلام ليشءماتروح البيتكم يم زوجتك
شعلت جگاره :: انا اجي اهنا للشقه ارتاح وابقى ابحدي انت
اذا متضايق انا اروح اكعد بفندق لو اروح
للمحل اكعد تره عادي ما يهمني
فارس //تعرف سلام هاي الشقه مالتك قبل ان تكون الي ما
انسى انت اشتريتها الي بعد
ان طلعت من بيت عمي انا كل همي تعيش حياتك ويه
زوجتك

هزيت ايدي. :: زوجتي فكنا الله يخليك زوجتي الي تكلها
روحي يمين تمشي يسار الي تكلها هذا الكلاام
لا يطلع الكا ع الفضائيات يا زوجه هاي هاي غلطة عمري
قارس //سلام زوجتك واقع حال

ولازم ترضى بي
هزيت راسي :: ادري واقع حال بس انا عاقبت نفسي ما
عاقبت احد ثاني ياريتني يافارس مثلك طلعت
واستقليت ولا كل شويه اشوف ذباحي بعيني
فارس //سلوم خويه هسه انت نام وارتاح والصبح روح
الشغلك ومناك روح راضي زوجتك
ما جاوبته رحت للغرفه واتمددت ع الجربايه وفتحت النقال
هالمره كوثر دازه رساله وحده
انام لو انتظرك
ما جاوبتها دخلت على ساره ما متصله دزيت كلمه--مرحبا--
هي عبالك جانت منتظره راسا ردت علي
هلاو
وبقينا نسولف هالمره امور عامه شنو الهوايات والاكلات
والالوان ع الساعه تلاثه الفجر نمنا كعدت
الصبح لكيتها دازه تحيه صباحيه وكاتبتلي
- - اتريك يالله تنزل صحتك تهمني
وفعلا تريكت ونزلت رحت للشغل طبعا عمي طاهر ما بطل
اتصال وانا بدوري خليت العامل يجاوبه ويكله
راح بشغل ونسى نقاله
الساعه بالوحده راسلت ساره كتلها بيش الساعه تطلعين من
الدوام
هي كالت الساعه بالثنتين ركبت سيارتي وكبل يم الدائره
الساعه بالثنتين وعشره طلعت تتمشى
ويه صديقاتها هي شافتني اجت يمي وهي متفاجئه وبوجهه
ابتسامه
ساره/ هلاو شجابك
انا فتحت الباب وكتلها ::كنت قريب ع الدائره ومريت اخذج
ساره/:اي بس خاف تتاخر
::اصعدي ما عندي شي
وصعدنا تمينا ساكتين بعدين كتلها ::اليوم انا عازمج ع الغدا
ساره/:لا ياغدا ما اريد اتاخر
::خابريهم وطلعي اي عذر
ساره/:مو جنك تامرني
وكفت السياره ودرت عليها وكتلها ::انا اسف بس اتمنى
نتغدا اليوم سووا
هي ما جاوبتني طلعت التلفون من جنطتها وخابرت
- - الو جنان شلونج
اكلج جنه امي تغدت
تماام وعلاوي
زين فدوه جنان ام ارشد تعبت شويه واخذتها البيتهم ويمكن
العصر اروح وياها للطبيب لا يظل بالكم
الله يسلمج بس اي احد يسال علي كولي عد خالتي احسن
وسدت النقال وباوعتلي انا ابتسمت ورحنا للمطعم كعدنا
وبعدين طلبنا اكل واتغدينا واحنا نشرب جاي
ساره باوعتلي وحجت //سلام شبيك ليش حزين
انا دخنت جكاره وسالتها ::ها يعني انتي السعيده رغم
تبتسمين بس الحزن مالي وجهج
ساره/:اي ما كو احد مرتاح وهسه كلي سلام شلي قاهرك
::شلون تعرفين بيه مقهور
ساره/:احساسي يكلي
::وممكن تكلين الاحساسج يخلينه شويه ناخذ راحتنا
ساره/:شلون يعني
::ساره انا شويه من اشوفج انسى همومي وارتاح وانا بحاجة
الراحه رجاءا ساعديني
ساره وهي تبتسم وتهز براسها // لا سلام اذا من تشوفني بس
شويه تنسى همومك ما اقبل اريد من تشوفني تنسى
كل همومك تمام
ابتسمت :: ماشي
ساره/:يالله لازم اروح
:: وين
ساره // وصلني للبيت
:: هاي شنو سمعتج تكلين الاختج راح ترحين تاخذين ام
ارشد للطبيب والمره خطيه تعبانه لازم تبقين يمها
هي ضحكت هزت راسها بالموافقه ورحنا للسياره صعدنا
ظلينه نمشي ونزلنا يم كوفي هي كالت
ساره/:هاي شنو سلام مو تونا جنا بالمطعم
::يعني وين نروح نكعد بالكوفي والعصر نفتر بالسياره
ساره/:ليش هسه مو عصر
لا عزيزتي هسه بعد الظهر
وكعدنا هالمره طلبنا كهوه ونركيله الي جابولي انا سحبت هي
باوعتلي كتلها تجربين هزت راسها وانطيتها
سحبت نفس جانت سحبتها كلها اغراء بصراحه هي مغريه
باوعتلي وكلتلي
ساره/:سلام انت شتريد مني بالظبط
انا تفاجئت من كلامها جريت نفس وجاوبتها
::انا ما اريد منج شي مجرد صداقه واحد يفضفض للثاني اذا
جان هذا الشي يضايقج انا اسف وهسه اوصلج البيتكم
ساره/:سلام مو هذا قصدي بس انت تعرف وضعي انا
منفصله وعندي ولد
::اي اعرف او بالاحرى انت كتيلي
هي بابتسامه/:او كي ياصديقي ما عندي مشكله
بقينا بالكوفي والعصر طلعنا رحنا للكورنيش اتمشينا عرضت
عليها نبقى نتعشى بس هي كالت لا ترجع للبيت
وصلتها قريب فرع بيتهم نزلت وراحت وانا رحت للبيت دخلت
لكيت رضوى كاعده بالصاله تباوع ع التلفزيون
وايدها مشدوده رحت بالغرفه انا دخلت اتمددت ع الجربايه
بدون ما اسلم اجت كوثر كعدت يمي 👹


#البارت_العاشر
/////////💔💔💔//////////
سلام
بعد ما اجيت العصر للبيت دخلت للصاله شفت رضوى
كاعده ع التلفزيون حسيت بيها تباوعلي بس تمثل
عدم الانتباه انا من شفتها تنرفزت على الرغم انا جنت شويه
احس براحه لان ساره من النوع الي كلامها
وتصرفاتها تريح المقابل لكن من شفت رضوى استذكرت
كل الي صار دخلت للغرفه شفت كوثر كاعده
ع القنفه وبيدها النقال انا راسا اتمددت بملابسي ودرت
وجهي حسيت بكوثر اجت تمددت يمي وخلت ايدها
عل خصري وكالت
- - ليش داير وجهك وحتى ما سلمت انت زعلان والمفروض
انا ازعل عليك
انا ما جاوبتها هي هم حجت وكالت
- - ليش سلام اني مو زوجتك حتى ما كلفت نفسك ترد عليه
لو بمسج
انا كنت مقرراعاقبها بس من سمعت كلامها شويه رخيت
اجيت احجي وياها هي حچت بس هالمره كأنما
تزمخ بكلامها
- - انا سلام تره مليت متت من تصرفاتك شنو شبيك
تخربطت امورك بس شفت ست الحسن
كاعده بالصاله اريد اعرف انا الى متى ابقى هيج ملي