كل سنه وانتم بخير يارب

لقد طوينا عاما مليء بالافراح والاحزان
وها نحن نستقبل عامنا الجديد نسال الله ان يكون عامنا الجديد بعيدا عن الاحزان

والتوفيق لكل امة محمد

#سنة_سعيدة عليكم 😻❤️

2024/1/1

لا تستغرب من شعب يخلي شخص جذاب ترند ويتابع سوالفه وبثوثه ويتداول كلماته بأرض الواقع، هذا الشعب اتعوّد على ناس تضحك عليّ صار 20 سنة، وصار الجذب هويّة رسمية للكثير من العراقيين مع الأسف.

بيني وبينكم
اليحجي صدك بهل وكت مالي خلگه
شلون الكم خلك تتابعون واحد جذاب!

وكلكم عيوني.

الناس صارت نسخ متكررة من الآخرين، اي ترند يصير كلها تسوي، أي سفينه تركب الموجة كلها تصعد بيها، سواء فيديو او صورة او لبسة او كلمة گالها واحد تافه، او حتى من الجانب الديني، صار الموضوع تصنّع علني بالمشاعر.
صرت نادرًا ما اشوف المميز والمُختلِف بهل كومة من البشر.
وهاي أحد الأسباب التخليني شخصيًا أعتزل الناس، وما اتقرب بس من اليسوّه.

وكلكم عيوني.

ماكدر اخذ رأي احد وامشي بذوقه
اذا لگيته منزل تيك توك بجهازه.

بلعبتنا السابقة ويه اندونيسيا انتشر مقطع لبنية يابانية جانت كاعدة بالمدرجات وتحلل لواعيب منتخبنا ، تشوف نقاط ضعفهم ونقاط قوتهم واسلوب اللعب وتسوي تقرير كامل تشوفه لمدرب اليابان.

مسكينة هالبنية، ما تدري بأهم سبب خلانا نفوز عليهم
ما تدري ويانه علي بن ابي طالب عليهِ السلام🙏🏼

مبارك الفوز التأريخي ، فرحة مابعدها فرحة.
وكلكم عيوني

شلون تعرفين انتي وية الشخص الصح ؟

١- ما تغير، كل انسان عنده عمل وانشغال والتزامات ولكن الرجل الحقيقي قادر على ترتيب اولوياته وابراز اهتمامه ولو بكلمة ايضا سلوكياته مواقفه انفعالاته اذا كانت راح تتغير ف للأفضل وليس الاسوء.

٢- لا يأبه الاعتذار ، يمتلك دائماً الشجاعة للأعتذار والاعتراف باخطاءه، ابتعدي الف ميل عن الرجل النرجسي، الي دائما يبرر اخطائه على حساب كرامتج واحترامج.

٣- فخور دائماً بانجازاتج ، وما يتردد عن الدعم والتشجيع حتى تكونين افضل نسخة من نفسج ، ودائماً يكون بظهرج لما يكون الامر متعلق بطموح او السعي نحو حلم الج .

٤- صاحب قلب جبير وحنين اتجاهج ، دائماً يسمع الج بكل حالاتج سواء كنتي حزينة ام معصبة فرحانه او بحالة نفسية سيئة ، ببساطة الشخص الي ما يقلل من مخاوفج ويسخر من طريقة تفكيرج او قلقج مهما جانت تافهه.

٥- الصدق ثم الصدق ، الرجل الصادق الواضح بهذا الزمن كنز .الرجل الصادق بوعوده وكلامة والتزاماته وياج
ما ينطي وعد الا وهو يكون متأكد هو كد هذا الوعد
الرجل الي اثبت صدقه بعدة مواقف وتصرفات تراكمية على فترة طويلة (وليس مجرد احاسيس).

الرجل الكاذب كثير الاعذار راح يبين خلال فترة جداً قصيرة ، الرجل الكاذب دائماً يتميز بالغباء وراح ينكشف مراراً وتكراراً ولازم تكونين واعية بوقتها!!.

✨اخر كلمة : صحصحي من تختارين ، لان شريك الحياة مسؤول عن 90% من سعادة الانسان✨

صور الألبومات القديمة تنطيك شعور غريب، تفصلك عن الواقع لثواني معدودة، بهل ثواني تقرّب الصورة على ملامحك، يمر عليك شريط الطفولة، وفجأة يجيك حنين على كسران خاطر لشخصك القديم الموجود بالصورة، قبل ميدخل بمعمل الحياة المتعب وتتشوّه ملامحه، شعور أنك تشوف ورقتك البيضة قبل ما تتلطخ بسواد الدنيا
شعور غريب.

وكلكم عيوني.

كل انسان الله خلقه انطاه بحياته انسانة يختصر بيها الحياة بالنسبه اله
بنظرك تطلع حبيبتك، وبنظر غيرك أمة، وبنظر واحد ثالث اخته
المهم راح تشوفها مهمة، بتفكيرها وكلامها وبصمتها داخلك راح تترك أثر دائم.

المرأة بطفولتها تفتح باب الجنة لأبوها، ومن تصير زوجة تبني حياة أسرة بصبرها وبتضحياتها وتربيتها لأبناءها.
ومن تصير حبيبة الكلمة منها تهون عليك امور بعز تعبك، لمسة منها كافية حتى تنطيك سبب للحياة ومقاومة هواي ظروف
كل القصص تبدي منها وتنتهي بيها.

لكل امرأة تحت اَي سماء وفوك كل ارض،
كل سنة وانتن طيبات وحنينات
وتبقن عَل عين والراس.

وكلكم عيوني.

‏مبارك عليڪم الشهر، وڪل رمضان وأنتم إلى الله أقرب، أعاننا الله وإياڪم على صيامه وقيامه، وجعلنا وإياڪم من عتقائه، وتقبل منا ومنڪم صالح الأعمال 💗.
#رمضان_ڪريم

اللهمَّ في أول جمعة من رمضان نسألك أن تجعل لنا نصيبًا من الرحمة والمغفرة واستجابة الدُعاء، واجعل اللهمَّ سعينا مشكورًا، وذنبنا فيه مغفورًا، وعملنا فيه مقبولًا

الامام علي عليهِ السلام يكول
( كن في الدنيا كعابر سبيل ) يعني استمتع بالتجارب بس لتتورط بيها لدرجة غيابها يأذيك، وتقلل سعادتك وتغير وجهة نظرك بالحياة.
عيش بس لتدور عالكمال او القيمة الابدية. اتّقن التعلم مو التملك، أتعلم شلون توكف عالحافة بس ما توكع،
بالنهاية كلنا مراحل بحياة الثاني
والحياة نفسها مرحلة برحلة الديمومة،
ولو دام شي للقبلنا ماجان وصلنا
فأخذ نفس ، ولا تهتم لشي مؤقت.

وكلكم عيوني.

الى من أحببت .. الى المرأة التي تأسر قلبي ..
الى الوحيدة التي تتقبلني بكامل عيوبي .. وتستقبلني بكامل أخطائي
الى الوحيدة التي لا تمّل ولا تضجر مني ..
الى من سهرت ليالٍ لأجلي ..
الى الفلاحة التي تزرعُ الطمأنينة داخلي بمجردِ رؤيتها
الى مصنع الضحكة الخاص بي ..
الى أمي
احبكِ كثيرًا ..
وكُلّ عام وأنتِ حبيبتي الأولى والأخيرة.

"وَهُوَ الَّذِي يُنَزِّلُ الْغَيْثَ مِن بَعْدِ مَا قَنَطُوا وَيَنشُرُ رَحْمَتَهُ ۚ وَهُوَ الْوَلِيُّ الْحَمِيدُ".

صدق الله العليّ العظيم.

عندي قناعة مرتبطة بين الفكر والملامح، من شخص تعجبني أفكاره أرتاح لملامحة وأحس بيها إنعكاس للفكر الراقي،
اكو إنسان تشوف ملامحة حلوه وشكله مقبول لكن تتفاجئ بعقله الصغيّر وشخصيته تعبانه، فتلقائيًا راح يختفي إعجابك بشكله لو جان ملك جمال،
وكذلك نفس الشي ينطبق على البنية.

صح للجمال سطوة، بس سطوة الفكر والروح أكبر وأرقى.

وكلكم عيوني.

خيرُكَ إلينا نازل ، وشرنا إليكَ صاعد
يا أرحم الراحمين أعفو عنّا واغفر لنا 🙏🏼

قربنا من اخر 10 ايام من رمضان والي بيها ليلة القدر

شنو المميز بليلة القدر بختصار ؟ اجرها يعادل 1000 شهر زين شنو افضل شي تسوي ❗️

يعني تخيل اذا تبرعت ب الف دينار تعادل 29 مليون بهاي الايام الفضيله

اذا حصلت حسنه تعادل 29 الف حسنه اخواني الغوالي كثرو من الصدقات من قرأ القران من الاستغفار ومن اي شي تكسبون بي اجر لان راح يتضاعف 29 الف مره

للاسف ممعروف اي يوم بالضبط من العشرة الاخيرة فحاولو تستغلون الايام ال 10 كلها

( نشروها لعلها تكون سبب دخولكم الجنه )

الليلة حتى العنده أهل ينام يتيم
الليلة كل اليتامة مجتمعين بباب حوش الإمام
شايلين حليب لأن سمعوا عبالهم يطيّب جرح الإمام
الليلة كل الناس فطرة وتدعي لو راسها ولا راس الإمام
الليلة كل الناس مكسورة
الليلة حتى الورد يبجي
الليلة بيها الگمر أسود
الليلة حتى الصخرة الچان يشدها الإمام بحبل على بطنه إذا جاع
تبجي عليّ.
الليلة ما بقى ملك بالسماء
إلا وأذرف الدموع عليك يا أبا الحسنين
الليلة ثاني ليلة ينكسر بيها ظهر النبي
حتى وهو شهيد.
الليلة أول مرة ينام جوعان اليتيم
أول مرة.

مثل ما تحب الإمام بكلامك الظاهر إلنا وستورياتك المتعاطفة مع الفاجعة، لازم تقتدي بأفعاله وبسيرته وبأخلاقة ولو بالجزء القليل، لأن هذا القليل من الأمير هو كثير جدًا علينا.
فيلا يا بطل المُحب للإمام گوم احيي شعائر يوم القدر هسه ، واتذكر.
الإمام كل غايته وهمّه هو وصول الدين الك، الدين الي عاموده الصلاة.