آحہٰٰآسٰٓيِٰہسٰٓ سًسًـوُدُآنٌيّهِ😴🌸✿⇣ 46212

لا تَمل أكمِل طريقكَ إن الله يحبُ العبدَ اللحوح ♥️♥️.!

166 viewsㅤㅤ 🍒., 11:52

السفاح البريئ
بقلم :محمد ياسر
جريمه:7(رساله إنتحار)

(السودان- ام درمان-قصر الشباب والرياضه- عند نهايه شارع النيل ام در مان نجد بعض المناظر اليوميه، نرى بائع الاقاشي(اكله سودانيه مصدرها غرب السودان، تتكون من بهارات ومسحوق الفول السوداني واللحم(ما معروف لحم شنو المهم من اللحم) ونري بائعات الشاي و بعض الشباب يمارسون رياضه الجري ونري شاب يرتدي شورت ويلبس(شرابات مع سفجنه ابو حمامه) يمسكه بيده اليسري mp3 وبيده اليمني يجر كلب مهجن(كلب راكب طياره) ونرى عند الجانب الذي يحازي النيل مجموعه من الشباب ملمومين حول شاب شعره طويل مثل شعر الفتيات(تظنه من بعيد فتاه وعندما تقترب تظنه فتاه ايضا ولكنه شاب) يرتدي جاكيت اسود وسلسل ذهبي ويلبس نظارات شمسيه يحمل بيده جيتار، تنصت له جيدا فتسممع كلمه(السيسبااااانه) وبعدها لا تستطع سماع شي ،تظنه بأن معدته تؤلمه بسبب الاصوات التي يخرجها، يظن انه يغني وحتى الشباب الذين معه يظنون انه يغني، فهم لا ينطقون الا جمله(خضره ورويانه) ،لايهم وتري من الجهه الغربيه شاب لديه شعر كثيف(مربي بوب) يرتدي نظارات دائريه(اولاد الرياض)يحمل في عنقه كاميرا نيكون مهمته الاساسيه تصوير الفتيات بالمجان او يمكن مقابل رقم هاتفها وتصوير الشباب بمبالغ طائله ..
وعند قصر الشباب كان هناك شاب في بدايه العمر ،يحمل حقيبه ظهر كبيره،عندما تنظر عليه تظن انه على سفر،شعره خفيف عيناه ناعستان وتحتهما سواد لونه اسمر مائل للون البني،من بعيد تقتعد ان عمره 13 سنه او شي من هذا،وعندما تقترب ترى تلك العينان،عينان بهما شقاء عينان، طفل استحمل الكثير واصبح رجل ف عمر صغير)..
(وعند موظفه الاستقبال ساره )

:السلام عليكم، انا اسمي معتز الطيب وداير اشترك في مسابقه الادب السوداني
ساره :وعليكم السلام، وانا اسمي ساره، طيب يا معتز المطلوب منك الاتي،انا حاديك مجموعه من الصور،وانتا اختار الصوره البتعجبك،واكتب عنها خاطره،بعداك اكتب اسمك هنا والرقم الصوره الاخترتها وجنبها الخاطره وساكن وين،واذا دخلت معانا حنتصل عليك.
معتز:طيب حلو شديد،اديني الصور
ساره:انتا صغير شديد يا ولد
معتز:(بقي يحاول يغطي وشو)،لالالا دا شكلي ساي ،انا كبير كبير شديد،انا عمري20 سنه
ساره:ممكن يا معتز تديني بطاقتك القوميه؟
معتز:ما شايلها معاي والله معليش..
ساره:طيب ممكن تديني اي اثبات يا معتز؟
معتز:(مسك يد ساره) يا اختي ،انا حافوز،انا لازم اشترك،عليك الله خليني اشترك،صاح عمري صغير،بس انا كاتب شاطر جدا،عليك الله خليني اشترك،عليك الله
ساره:يا معتز،نحنا عندنا اسس وقوانين لازم.نمشي عليها واول قانون العمر لازم يكون فوق لل15 وانتا ظاهر عليك لسه صغير..
(صوت بقاطع ساره)
؟:هو لو عندو الموهبه،العمر ما بفرق،وبعددين اعملي رايحه لو سالوك قولي ليهم عمرو15 ، اتفقنا يا سرو؟؟
ساره:تهاني ،كيفك يااااخ،هسي في بالي
تهاني:يا سرو ،معليش لاني اتاخرتا عليك،كنت في محاضره مهمه ..
ساره: يا زوله ولا تشيلي هم ..
تهاني:ما يكون دا مازن الحكيتي لي عنو؟
ساره: لالا يابت بالمناسبة ذكرتيني مازن لسه ما جا،المفروض يجي عشان اديهو الكتب،لازم اتصل عليو
معتز:انا معتز الطيب، شكرا ليك جدا يا تهاني بفضلك حاشارك في المسابقه وباذن الله حافوز فيها.
تهاني:(بقت تضحك) أنا منافسه شرسه ما حاسمح لاي زول انو يفوز علي،اجتهد يا معتز لاني حاانافسك وما حااديك فرصه للفوز..
ساره:اتفضل يا معتز الصور،واخد راحتك في الكتابه..
معتز:(بتكلم مع نفسو) دا شنو، جماجم لون ازرق وحديقه محروقه ،انا حاكتب شنو، ..اهدا ،د،عشان اختي،وعشاني امي،اهدا..
( فتح الدفتر وبدأ يكتب)

أكتفيت..
اظن ان النهايه قد حانت لكي اتوقف عن التمثيل،انت لسه بخير،انني اسف جدا لانني كذبت عليكم ،حقا انا لست بخير،صدري ثقيل جدا وكأنك اطنان من الحديد عليه،حتي الصداع اصبح يقيم سهرات داخل رأسي،انا انطفئ،لقد عشت سنين وانا أضيئ البشر وانا الان انطفئ ولا اجد من يُضيئني،والله انه حرام في حقكم يابشر،استهنتم بأحزاني،ولعبت بمشاعري،سحقتم كرامتي،وكسرتم قلبي،وما زلت اعيش انها لمعجزه ،احس بأنني انسان خارق احس بأني بطلا في روايه،احس بأن حياتي عباره عن مسرحيه وانتم يا أصدقائي المشاهدين ،وكلما اضُرب وكلما ابكي ،وكلما يحدث شئ دراميا في حياتي ،تقفون انتم ايها الساده المشاهدين وفجاه يشتعل مسرح حياتي تصفيقا،مهلا..،انا لم انتهي،تبا لكم وخسئت ولا بارك الله فيكم ،انني اكرهكم يا كاسرين الجناح يا محطمين الاحلام ، كما تفعل سيفعل بك فقد انتظر..، لقد اعتزلت التمثيل يا ساده ،اعتزلت الحب ،اعتزلت التعاطف ،اعتزلت كوني بشريا ،حين تسألني كيف حالك،كنت ارد بروتينه انا بخير ،فكنت اريدك انا تعيد السؤال مره اخري،والله لكن انفجرت من البكاء ،كنت اريد الحاحك علي سؤال اذا كنت تهتم بحالي لسألتني عشره الف مره ،انا لست بخير،اقولها لاول مره بعد حرب اهليه ..

لمتابعه القراءه الرجاء الإنضمام إلى القناه:
https://www.tg-me.com/Rouhhee

بــِروحــــي فتـــۘ❀ـَٰـآہ𓆩💙𓆪

💙هذا المُستخدم مصاب بفرط الحب لأحدهم، فلا تعتبوا عليه، بل اغفروا له إن جُنَّ بحبّه، وإن تسلّل سهمُ كلماته إلى أعماقكم وأرهق قلوبكم💙

174 viewsHΜADA𓆩💙𓆪ッ, 10:59