尋日1500 坪洲

#天空藝廊

尋日1755（當地時間）
福岡機場
日落黃昏，BTH 了

#天空藝廊

⛑災害情報

緬甸曼德勒省於本港時間今日14時20分發生黎克特制8.2級猛烈地震，據一啲網絡片段所見，啲次地震對市內造成廣泛破壞，有樓宇倒塌，政府消息指最少造成50人死亡，數百人傷，軍政府宣佈多區進入緊急狀態。

地震亦為鄰國泰國帶嚟強烈震感，首都曼谷有興建中嘅大樓整棟倒塌，有大廈天台泳池有池水傾瀉，更疑似有人連同池水從高處墮下。地震暫已造成最少3人死亡，另有近百人失蹤，曼谷地鐵因地震需要全線停駛，消息指現時曼谷已進入緊急狀態。

地震亦影響到中国雲南瑞麗，消息指當地亦有樓宇倒塌，暫時未知傷亡情況。

各位如果身處泰國，請逗留於安全地方，請勿接近受災地區，以免阻礙救援工作，如果需要協助，可嘗試聯絡所屬國籍駐當地使領館。

#地震 #緬甸 #泰國

🏚地震報告

今日20時46分，中国廣東省茂名高州市黎克特制3.0級地震，震源深度約10公里。

另外，南太平洋湯加附近海域，於今日20時19分發生黎克特制7.1級強烈地震，其後湯加錄得0.3至1米高嘅海嘯。

#地震 #海嘯

氣象bot打似乎又壞咗，唔怪得呢個禮拜個青奴好似又瞓著咗咁啦😴😴

#巴打消息 #你個野又壞咗喇

🙇🏻畀啲時間我，因為就連@mean呢排都壞鬼咗（病咗），所以要等佢好返先再嘗試修復，不便之處，敬請原諒！

#巴打消息

🟢防災預報

香港天文台於昨日發表一篇文章，預計一道冷峰將於星期六（4月12日）下午橫過香港，峰面前沿嘅強烈對流可能會本港局部地區帶嚟劇烈天氣（猛烈陣風，短時暴雨，冰雹等）。

基於上述原因，氣象巴打於今日18時00分發出防災預警，建議民眾應取消於週末進行嘅高風險嘅戶外活動（登山遠足，輕量飛行，水上活動）。

氣象巴打亦建議星期六出門前（尤其是下午時間）應先留意天氣預報，並帶備雨具，如在身處戶外時遇到劇烈天氣，應儘快前往室內安全地方暫避。

#災害速報 #預報

⛴跨境渡輪停航

珠江客運宣佈，受強對流天氣影響，4月12日往來中港城至深圳機場，廣州南沙，中山，順德 ; 往來港澳碼頭至蛇口 ; 往來機場海天碼頭至深圳機場，東莞虎門，廣州南沙，琶洲，蛇口，中山嘅航班將會悉數停航。

#公共交通情報

🟡防災注意

氣象巴打於今日02時00分發出防災注意，冷鋒正繼續南下中，其所帶嚟嘅極端天氣於昨日為長江流域多個地區造成不少災害，武漢及南京均出現高達12至13級的猛烈陣風，冰雹暴雨天氣。

預料冷鋒會於今日日間南下至華南沿岸，廣東大部分地區將會出現劇烈天氣，廣州市政府已宣佈全市中考體育考試停考一日，部份渡輪宣佈停航。

本港方面，預料今日中午過後天氣開始出現明顯變化，冷鋒過境時，其前沿可能出現颮線，會導致出現9級以上嘅猛烈陣風及暴雨，局部地區有可能出現冰雹，局部水域亦有可能出現水龍捲。

當冷鋒過境後，本港將轉吹北風，離岸及高地風力可能高達8至9級。

⛑防災措施

1. 應取消於週末進行嘅高風險嘅戶外活動（登山遠足，輕量飛行，水上活動）
2. 儘快對戶外懸掛物件/容易被大風吹起嘅物件進行加固/移走
3. 如在身處戶外時遇到劇烈天氣，應儘快前往室內安全地方暫避
4. 在高速公路/大橋上行駛時應謹慎駕駛，減慢車速
5. 切勿接近山邊，河邊及樹底
6. 冷鋒過境後，氣溫驟降，應注意保暖

#災害速報 #注意 #做好預防措施

⛴渡輪停航

翠華船務宣佈，受惡劣天氣影響，今日15:30由馬料水開往東平洲之航班停航。
至於17:15由東平洲開往馬料水維持正常服務。

#公共交通情報

⛈颮線情報

冷鋒正繼續南下中，現時已南下至廣州附近，預計冷鋒將於今日黃昏時間進入本港範圍，並為本港帶來狂風大雨及雷暴。

#冷鋒 #災害注意

⛈颮線情報

另一方面，珠江口附近開始有雨區發展，本港地區將開始出現天氣轉變，陣中有雨。

各位出門前請先留意天氣情況，帶備雨具☔️。

#災害注意

香港天文台於今日14時27分發出雷暴警告。

#天文台官方資訊

⛈颮線到達預想(大約時間)

⚠️利申: 上述時間只是巴打利用外推法推算颮線到達時間，實際到達時間可能會比預想時間較早或較遲。

#災害注意 #颮線到達預想

🟡防災注意

颮線已於今日約17時左右通過本港，幸好未有好似預期為本港帶來劇烈天氣，各區只出現零散大驟雨，陣風亦唔及中国出現嘅猛烈陣風。

但冷鋒過境後，本港將轉吹北風，離岸及高地風力普遍增強。

不過另一方面，中国內陸嘅沙塵暴現正緊隨冷鋒後方南下中，根據空氣污染監測，廣東北部嘅空氣污染呈急劇惡化之勢，預計本港嘅空氣污染指數會於今晚夜後開始惡化。

基於上述原因，氣象巴打需繼續維持防災注意級別。

⛑防災措施

1. 應取消於週末進行嘅高風險嘅戶外活動（登山遠足，輕量飛行，水上活動）
2. 儘快對戶外懸掛物件/容易被大風吹起嘅物件進行加固/移走
3. 長者/長期病患應減少出外/進行體能活動
4. 在高速公路/大橋上行駛時應謹慎駕駛，減慢車速
5. 冷鋒過境後，氣溫驟降，應注意保暖
6. 呼吸系統較敏感嘅人士，出外時可配戴適當口罩

#災害速報 #注意 #做好預防措施