أنا بحس معاه إني جميلة، جميلة جدا وكأن جمال الدنيا كله موجود فيا وبدون أي مجهود مني!
عينه بتحسسني قد إيه أنا حلوة فيهم وقد إيه بيلمعوا عشاني، طفولتي اللي بتظهر بشكل تلقائي جدا معاه رغم نضجي الكافي والعقلانية اللي الكل شايفني فيها، مكنتش أتخيل إني هتحول لكده فيوم عشان حد وإن هييجي اليوم اللي أبص لنفسي فيه فالمرايا وأنا مستغربة أنا ازاي فعلا شايفاني حلوة كده!
كانوا بيقولوا إن الحب بيغيرنا وأنا فعلا اتغيرت، اتغيرت بيه ومعاه، اتغيرت عشان لقيت نفسي فعينه غير ما كنت بلاقيها فعيون الناس.. أظن إن كلمة بحبه هتبقى قليلة أوي قصاد كل شعور حلو هو بيتسبب فيه ليا.❤

شفتو سابت الغني واللي بيحبها بجد وراحت للفقير اللي هيخزوقها اهو ده زوق البنات 🙂🙂😂

بشوف إن الإكتفاء والقناعة من أهم العناصر اللي بتساعد على نجاح أي علاقة؛ طول ما أنا مُكتفي بالشخص اللي معايا سواء صديق أو حبيب دا هيخليني سعيد جدًّا معاه.

في بداية أي علاقة بيبقى في فضول وشغف رهيب بيدفعك لإستكشاف الشخص اللي معاك. "مُميزاته، عيوبه، بيحب إيه، بيكره إيه، ميوله، إهتماماته" وبيبقى في طابع إنبهار كبير بكُل حاجة هو بيحبها وبنبدأ نتشكل ونحب الحاجات اللي الطرف التاني بيحبها.. نسمع مزيكتهُم المُفضلة نستخدم بعض كلماتهم وحركاتهم وهكذا.

بعد فترة بيبدأ طرف من الطرفين بالنفور أو الملل وبيبدأ يشوف عيوب الطرف التاني، وكُل الحاجات الحلوة بتبدأ تختفي من قُدام عينيه، كلمات الغزل بتتحول لنقد دائم، نظرة العشق بتتحول لنظرة عابر وهروب من تلامُس نظرات العيون، بيبدأ طرف من الطرفين يوجه سهام إنبهاره تجاه حد تاني خالص ويمكن يكون الحد التاني دا معدوم المُميزات وأقل بكتير من الشخص اللي معاك بس هو بيبقى فضول ورغبة في التغيير.

طبعًا دا بيحصل عشان الطرفين إفتقدو أهم عُنصر وهو القناعة والإكتفاء، لو فيه قناعة بالشخص اللي معايا تلقائيًا هبقى مُقتنع إنه قدري ونصي التاني ويوم بعد يوم هنطور علاقتنا، اللي بيبحث عن إرضاء فضوله مش هيخلص لأنه هيبقى ذليل لفضوله طول الوقت وهيحب ياخُد من كل شجرة ثمرة، ولو هندور على الشكل فمقاييس وأشكال الجمال مُتعددة وبرضو مش هنخلص.

خُلاصة الكلام الحُب إكتفاء وقناعة، لو حسيت إنك مش مُكتفي بالشخص اللي معاك تبقى عُمرك ما حبيت.. الإكتفاء ثم الإكتفاء ثم الإكتفاء.

- حَنيّن سَيد

بعد فترة من بعدك عن شخص كنت بتحبه، هتحس إنه واحشك أوي وعاوزه يكون معاك دلوقتي، بس لو جالك هتحس ب إيه دا خلاص أنا زهقت وهيكون شخص عادي بالنسبة لك، معندكش نفس اللهفة إلي كانِت في الأول أو حتى كانت في البعد أو مش واحشك زي ما كان واحشك.
أنت بس وحشك إحساسك معاه وكل حاجة حسيتها معاه، الحب، السعادة، الأمان، الثقة، تقريبًا الأربع حاجات دول هما أساس الحب!
في إحساس خامس ودا مالوش إسم أو وصف، بتكون أنت وحدك إلي حاسس بيـه مش حد غيرك، " إني وأنا بعيد عنك ميت، وإني وأنا فِ قُربك مش مبسوط "
الجملة دي إختصارًا لكلام كتير أوي، أغلبية الناس حاليًا قلبهم مكسور بسبب حاجة أو حد ..
محدش بقى عنده نفس الشغف أو اللهفة محدش بقى متطمن أصلًا، الشخص دا بياخد جزء منك وبيمشي وبتفضل فاقد الجزء دا دايمًا..
وعمره ماهيتعوض حتى لو الشخص دا رجعلك..
'' حنين سيد ''

العالم مليان حاجات حلوة أولها وأخرها أنتَ.

رسايل بحر "٩٩٨".

يبدأ الانطفاء من الوجهِ والأعيُن، قد تكون شابًا ولكن تشعر وكأنّك في سن الشيخوخة، ثمّ ينطفئ قلبك بعد أنّ يتحطم بالكامل؛ لأنهُ لم يستمع إلى حديث مَعسُول كانت دائمًا الكلمات تخدش في هذا القلب البريء من كُل شيء، وقد تَلهَّف كثيرًا دون أن يَجد ما لم يُرِد الحُصول عليه، تَلهَّف إليه مشاعرُه رَقيقةٌ جدًا حتّىٰ أن الهواء يَخدِشُ اوتارهُ فماذا عن كلماتٌ تُكتَب؟، تعرض للكثير من الأذَى، وفقدان الشغف أصبح أمرًا عاديًا بالنسبة له..
أما الأعيُن فَهي رأت الكَثِير تكاد أن تفقد بصرها رأت حبيبًا يترُك، ويذهب للأخرى، رأت حبًا لم يَكُن لها وتنظر إلية كثيرًا لم تشعر بِأنها تمتلك شيء تُطيل النظر إلية إلا الخيبات.
أما الجسد فأصبح جثة هامدة لا تُصلح حتى للإصلاح، أما أنا فَسقطت ولا تستطيع الوقوف مرةً أخرى تلاشى كُل شيء بداخلي إلا الذِكريات•.

• حَـنِـيـن سـيّـد •

كُله بيبعد عنك إلا الحزن بالعكس دا مع كل بعد بيزيد الحزن وكأنه صاحبك ومأنسك الوحيد!
وبعد خذلان كتير بنعرف إن هما فاتوا، ذكراهم ضلت، ضلت.
كنتي بتشاركيني المزيكا مشيتي أنتي وفضلت المزيكا.
أنا مش شخص مجنون أو مريض نفسي أنا بس ضعفت ف بعدك أصبحت أضعف بكتير من أني أنساكي..
دورت عليكي ف السما، ف البحر، ف البيوت القديمة إلى تشبه لقلبي، بس أنا ملقتكيش غير بقلبي!
أنا كل ليلة قتيل ف أوضتي من الذكريات!
ولكن ‏مش كل حاجة بتروح ينفع ييجي مطرحها ..
الحياة لسة فيها كلمات مبنعرفش نشرحها
وحزن وتعب حاجات مش هنقدر نوضحها.
ولسة برضو في اسئلة بنطرحها.
والسؤال دايمًا بيبقي "لية"؟
وأنا هلك قلبي كان لية دا أنا مجرد عاشق يعني مأذنبتش!
الشوارع بتكُح تراب ريحته ذكريات.
وإن كُل إلى فات مش دايمًا بيكون فات.
وإن البُعد بيتحضر ف سلام الأيادي.
وإن بُعدك أنت مش عادي.
وإن الحب أكبر لعنة خلقوها البشر!
وإن الطريق مش آخره لحن حزين الطريق مالوش آخر طول ما أنت لوحدك.
مش كُنا بنتقاسم الحُب؟ لية تركتيلي الحزن لوحدي؟
وأن كلمة كُنا مش سهلة!.
وجودك ليا كان دوا لية تخليني مريض؟
الوقت فِبُعدك مُمِيت مش بيفيد
بَعدِك أيقنت إنى وحيد.
طب أروح فين وكل الشوارع والمباني والبيوت، السعادة والحزن، كل شيء مفكرني بيكي، فييجي صوت الست وهي بتقول " أهرب من قلبي أروح على فين؟"
أنا مغيرنيش عذابي ف حبها يا ست، أنا حياتي كلها أتغيرت، إلا عذابي:"
أنا ملعون بداء التفاصيل الذي ليس له أيّ دواء:"
بشوفك معايا، ولو مش معايا، بدور، الغريب مش بلاقيكي!.
كانوا يظنون بأنها أحدهم، ولكن هي جميعهم، ورحلت، لم يعد يبقى شيء، إلا الذكرى:"
وجدت طريقة حتى أنهي الذكريات ويتم محوّها، لن تنتهي إلا بإنتهائي، فأنهيني علشان أتهنى!.
المر لم يمر مثلما يقولون الكثير، المر يأخذ أرواحنا ويمر.
بس أنا هنسىٰ، هنسىٰ.
-حنين سيد.

لن ينتهي حبي إليك إلا بإنتهائي.💜
- حنين سيد.

أغنية حسين الجسمي.."بحبك وحشتيني"
الأغنية دي المفروض انها وطنية، انا مبعرفش اسمعها على اساس كده، هي أغنية فيها من الحب ما يكفي لاي شخص فارق حبيبه وعايز يرجعله..
أول الاغنيه بيقول "وبحبك وحشتيني" أنت مستني تسمع ايه تاني ؟ ❤️
" بحبك وانتي نور عيني " مفيش ارق من الوصف ده لواحد بيحب حد انتي نور عيني ❤️
" ده وانتي مطلعه عيني بحبك موت ! " بيقولها هنا انك مهما عملتي انا بحبك والتعبير ده كان جامد من حسين الجسمي بصراحة يعني ❤️
"لفيت قد ايه لفيت ؟ ما لاقيت غير ف حضنك بيت ❤️" الحقيقه الجمله دي كفاية اوي أنها تعبر عن الحب اللي جواك لأي شخص ، هو مهما قابل ناس وعاش معهم هو مبيعرفش يرتاح غير معاها، هو وصفها بالبيت وده كفاية اوي ❤️
"وبقولك انا حنيت بعلّو الصوت..!" ها أنا حنيت ؟ وبقولها وأنا مش مكسوف بعلو الصوت قولتي ايه ؟ ❤️
"وكأن الوقت ف بُعدك واقف مابيمشيش" عايز تسمع إيه تاني أحسن من كده ؟ بيوصفلها أن الوقت من غيرها مكنش بيعدي بذمتك دي اغنيه وطنيه ؟ ❤️
"وكأنك كنتي معايا بعدتي ومبعدتيش" إحنا آه كنا بعيد عن بعض بس انتي كنتي معايا وأنتي مش معايا ❤️
"في دمي حبيبتي وامي وزي ما اكون ببتدي اعيش!" احنا المفروض نقفل عليى كده خلاص هو وصفها هنا بأنها زي امه عايز ايه تاني ❤️
"بعدت وكنت هعمل ايه؟ مين اختار غُربته بأيديه"الكوبليه ده جامد بطريقه غبيه ، بعدت اه عنك بس مكانش بايديا .. محدش بيختار غربته، والكلمة دي هنا وصفها بالوطن انتي الوطن ❤️
"لكن حبك ده منستهوش وعاش فيا..!" هنا بقى بيطمنها احنا اه بعدنا بس حبك ميتنسيش هو الوحيد اللي عاش جوايا وياسلام هنا بقى على إحساس الامان ده ❤️

رجعنا بقى لبعض..
" ليه هتأسف على الغيبه؟ مغبتيش لحظة وقريبة" أنا مكنتش غايب عنك اصلا انتي كنتي معايا طول الوقت ف أنا مغبتش عنك من الأساس علشان اتأسف ❤️

وطنية ايه ياجماعة والنبي هو في كده ؟ ❤️
"وبحبك وحشتيني"❤️

م الذي حدث لتتجمع ف عينك كل تلك الهزائم؟

‏غالبا الواحد ملوش حد غير نفسه.

‏أنا متصالح جدا مع فكرة إن فيه ناس هحبهم ومش هيبقوا ليا مع فكره إن فيه أصحاب هيختفوا فجأة ومن غير سبب مع فكرة إن فيه ناس بتكرهلي الخير ومش عايزة تشوفني ناجح مع فكرة اني لوحدي مهما كان حواليا ناس مع فكرة إني مش هعرف أكره أول حب في حياتي.بس للأسف لسة بزعل واتوجع من الحاجات دي ..

‏عارف لما تبقي عاوز تنهار بس مش وقته؟

"أن تهرب إلى النوم من تلك الأفكار المُزعجة وتستيقظ بعد ساعة لتجد أن الشعور تضاعف إلى درجةٍ كبيرة، أن تنام في اليوم ثلاثِ أو أربع مرات هروبًا من ذلك الشعور المُثقل، أن تهرب من شوقك، والناس، واليأس، والإكتئاب، لتكتشف بعد ذلك أن لاشيء على الإطلاق يخفف من هذا."

‏ولا مرة إتسألت "مالك ؟" وكُنت قادر أحدد أنا مالى فعلًا ، عُمر وقت زعلى ما عرفت إيه مزعلنى ، بيعدى عليا مواقف كتير تهد أى حد بس أنا لا .. بس ممكن تفصيله هبلة تحصل فى اليوم تهدني ، مبحبش حد يسألنى مالك وقتها علشان مببقاش عارف!

‏عمري م اقتنعت بجمله سيبوه لوحده يمكن محتاج يقعد شويه لوحده، الإنسان لما يقع وميلاقيش حد جنبه ويقوم لوحده بيدرك وقتها أن كل اللي فحياته مينفعوش سند، وبيفكر انهم مكانوش معاه فالوقت اللي كان محتاجهم فيه حتي لو قال مش عاوز حد بس من جواه نفسه حد يقوله الا انا هفضل جمبك حتي لو غصب عنك.

العجيب في حياه ما بعد التخرج والعشرينات عموما هو شعور انك بقيت ف مرحله انا لسه صغير ع مرمطه الشغل دي بس انا بردو كبرت ع قعدتي عواطلي ..
انا كبرت وجه وقت الارتباط لكن ما انا لسه صغير بردو ع الجواز والمسؤليه دي ..
انا صغير ولسه عاوز انبسط واتفسح لكن انا كبير وعندي مسؤليات ومحتاج احوش من دخلي عشان الزمن ..
انا كبير علي اني اتنطط واجري والعب بس بردو صغير ع الجد والفورمال ..
هو انا كبير ولا صغير ..
انا حر ولا انا مسئول ..
لماذا نحن هنا ..!

اهم حاجة الفشه العايمة فى اى علاقة والله انا بيجيلى ضيق تنفس لما بقعد مع ناس مبتهزرش

تِعرف !
بيقولوا "مطرح ما تلاقي ضحكتك ، ابني بيت واسكن فيه" .. وانا لقيتك بس هنبني البيت دا سوا عارف لما تكون قاعد سنين عُمرك كلها علشان تحقق حاجه وتدعي وتلح وتبذل كل طاقتك علشانها وفجأه وبدون أي مقدمات تلاقي الحلم كأنه جالك لحد عندك، اهو ده الِي حسيتُه أول ما طَليت عليا وع دنيتي، ومِش ضحكتي بس الي لقيتها معاك، أنا لقيت نفسي كُلها كمان !♥️

Mood :
حاسس إني محلو اليومين دول ههه بهزر معاكوا أنا حلو علطول ربنا يحفظني.