#القاسم

دخل نوماس هاشم والرعب حل
القاسم بالحرب للحومه زلزل
دخيل ابن الحسن
ــــــــــــــــــــــــــــــ
بيا علي طب للحرب الحومه كالبها كلب
ضاع مشراد الزلم روس فارش بالدرب

ملثم بجفيه خضره وتارس الحومه دمه
هذا قاسم بالمعاره لو علي حامي الحمه
هوسه صارت والكتائب صنته ما تسمع حجي
كربله صارت عجاجه وروس مطرها السمه

بحيث الرعب فوك الحومه يمطر
جبل فوك الجماجم جدمه يهطر
دخيل ابن الحسن
ـــــــــــــــــــــــــــــــ
هذا ابن سيد العرب لجفه ما واحد كرب
خالس اكبار الزلم عالمهر لمن ركب

يشبه العباس عمه زلزلاها كربله
بغيرة العباس نازل كله هيبة ومرجله
جيش كامل مايمهم حاسهم طكهم عطش
يبس ارياك الزلم الحومه صارت قاحله

هاشم لو برز من عدها خيال
ترج الحومه جدمه تكول زلزال
دخيل ابن الحسن
ـــــــــــــــــــــــــــــــ
الحسن جنه من نزل مثل ابوه لمن حمل
الهاشمي طب كربله دخيل جفه لو زعل

ايده عالسيف قبضها عالحروب معلمه
زحزح الجيش دخيله الموت شاهر صارمه
بني هاشم بالحروب اجبال ما تهتز ابد
ثابت الحيد وسطهم وغرگ الحومه دمه

تنقاس الزلم بالموقف الحار
معدل ابن ابوه يشبه الكرار
دخيل ابن الحسن
ـــــــــــــــــــــــــــــــ
من نزل صار الركض بكربله طول وعرض
ما ثبت يمه بشر زاحهم من الارض

ملگه لاگه الجيش وحده وما يديرلهم ضهر
افنون حيدر بالمعارك وزوده من زود الكمر
صغير حير جيش كامل دخيله ودخيل الحسن
فنه واحد وصل سيفه وسلم من سيفه وعبر

ابطال الزلم بالحومه جندل
شجاع وليه محد كدر يوصل
دخيل ابن الحسن
ـــــــــــــــــــــــــــــ
الله يستر من يهد برق سيفه و يرتعد
تنحني لجدمه الزلم القاسم الهم من يصد

من يصد الهم دخيله موت اجدام الزلم
عدد هائل كله ضده وعلي بيهم ما يهم
مثل موج البحر خله الجيش يتلاطم سوه
طوگ صار اعليه بالطف منين رادت تنهزم

دخيل الهاشمي لو سيفه يزعل
منتهيه الحرب ما بيه اي حل
دخيل ابن الحسن
ــــــــــــــــــــــــــــ
تمت بعون أسد الله الغالب
العبد الذليل علي الكعبي

#القاسم

كلـبي يون مـامرتاح
طولك يالمدلل طاح
يبني يبني
ـــــــــــــــــــــــــــــــــ
يبني جاسم كلبي مايحـمل غيابك
لحظة لحظة يكبر بروحي مصابك
ليش من دم منحرك صاير خظابك
ليش ميت يبني وانتة ابعز شبابك

هـمـي جبل ماينزاح
طولك يالمدلل طاح
يبني يبني
ـــــــــــــــــــــــــــــــــ
اه مـن ضـيـمي الابـد مامـر مـثيله
الفركة كسرتني يغالي اشكد ثكيله
روحي من همـومهه صارت نحيله
جرحي ويـنك يالـولد نـاده مسيله

يا أمـل دنـياي وراح
طولك يالمدلل طاح
يبني يبني
ــــــــــــــــــــــــــــــــ
بالحـزن نـاديت والهضمه وغربتي
فـاركتني وشيبت روحي بصفنتي
يادمعتي ويامـحنتي وياحـسـرتي
كلشي يطفه وتلهب بكلبي جمرتي

تنعاك يالغالي ارواح
طولك يالمدلل طاح
يبني يبني
ــــــــــــــــــــــــــــــــ
ياعرس بالحومه أول مـرة صـاير
حزن كاسر ظهري لا مو حزن عابر
حكي لو انحب وون يبني واكـابر
شفت تـاخذ بيك وتـرد والحـوافر

ونيت مكسوره جناح
طولك يالمدلل طاح
يبني يبني
ــــــــــــــــــــــــــــــــ
تـفاركينه وبـعد مـا اضن بيك جيه
انتـة نـايـم عـالـتـرب وانـي ســبيه
بحبل شامت يبني مجتوفات اديه
وين أشوفك كلـبي ناده كل مسيه

دلالي مجروح وناح
طولك يالمدلل طاح
يبني يبني
ــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#علي #الاكبر ع

عيني تحجي والگلب
ياعـلي فراكك صعب
ناديتك ابصوت
ينتظرك المـوت
يبني علي ــ يبني علي
ـــــــــــــــــــــــــــــــــــ
عيني يالغالي تسولف ــ عايف ابكلبي الجمر
يالـنويت أعلة الـمنية ــ ظهري عكـبك ينكسر
ياسند روحي حسبتك ــ وردتك اتـضل للكـبر
حـالـتي حـال الـغريبه ــ الفاكده اسنين العمر

وين أشكي أحزاني ــ ياعلي حاجيني
فراكك وجهك جمرة ــ بالگلب تجويني
ومن أشوفك يبـني ــ شـوفتك تحيني

ابـالي ارسـم غـربتك
والله صعبه طحيتك
تفـاركني وتـروح
بعيوني الاجروح
يبني علي ــ يبني علي
ــــــــــــــــــــــــــــــــــــ
كربله وطفهه أشوفه ــ يذبح احلام الگلب
والدمع لو سال سكته ــ يعني انتة بالحرب
بالشجاعه اموصفينه ــ جـدك الـمـايـنغـلب
من يغرونك وتوكـع ــ حزن روحي ينكتب

يبو طـول الهيبه ــ وطولك مطشرينه
علة فراك عيونك ــ كلـبي الله يـعـينه
قاسـية هـالـدنية ــ اوياي ابد مو زينه

يبني مــيت يـاعـلي
وآنة بعدگ ياهو الي
محتاره وانعـاك
تجاوبني ارجاك
يبني علي ــ يبني علي
ــــــــــــــــــــــــــــــــــــ
بيه لـوعه وبيه حـيره ــ وبين بـروحي الحزن
علي موذر ليش جسمك ــ وبعد ترجع ما اضن
شوف احزاني الجبيرة ــ شوف كلبي الي يون
عشت عمري بالمصيبة ــ وابقى مشتاكة واحن

طافي نور ايـامي ــ عمري صاير ظلمه
جرح فركه ابكلبي ــ عـلي وينـك يـمه
أعلة الترب يالغالي ــ خــدك الأشـتـمه

ويلي عالتفكد ابن
سالفتهه بس حزن
لو موتي وياك
جان اكدر انساك
يبني علي ــ يبني علي
ــــــــــــــــــــــــــــــــــــ
علي مـن ترجـع اكلك ــ شـوفـتك هـيه الـدوه
كلبي مايحمل غيابك ــ كلـبي بالفـركة انـجوه
كون اعميهن عـيوني ــ ومـايـضل بيهن ضوه
كون ميته وياك يبني ــ وننـدفـن احـنه سـوه

من تسيل الدمعه ــ يعني ميت غالي
مـنذبـح يـولـيدي ــ والـهظـم يبـرالي
كلـبك معـطشينه ــ حزني ظل للتالي

كـربله ترسـم جرح
راس مرفوع برمح
مايبقن اخيام
سفرتنه للشام
يبني علي ــ يبني علي
ــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#علي #الاكبر ع

علي الاكبر من نزل ميدانها
ثغيب بالحومه اعتله بفرسانها
ـــــــــــــــــــــــــــــــــــــــــــــــــ
من نزل للحومه مغضب عدل لف الثامه
داسها اكبار الشوارب دوس حدر اجدامه
تخيل المهره وتحزم بيده ضب صمصامه
سيفه ما يخطه اليريده عدل نص الهامه

حفاي ركضت للنجف شجعانها
علي الاكبر من نزل ميدانها
ــــــــــــــــــــــــــــــــــــــــــــــــ
جنه حيدر من نزل وزلزلاها الحومه
عاد صولات الصميده وذكرها بيومه
سبع بالطف ماتكلم وخوف صك زردومه
والوكف ميت تحسبه شرد ذب اهدومه

هذا حيدر بالحرب فنانها
علي الاكبر من نزل ميدانها
ــــــــــــــــــــــــــــــــــــــــــــــ
مبتسم طب للحرب وفنهم يلاكونه
هذا شبل حسين بالطف كلهم يعرفونه
علي الاكبر عالي اسمه وهمه كلهم دونه
جبل ونبص العساكر شلون ويزيحونه

وآل اميه حتارت بشجعانها
علي الاكبر من نزل ميدانها
ـــــــــــــــــــــــــــــــــــــــــــــ
غار شبل الغضنفر وتيهت مشرادها
الراي بيده بكفيه هوه شلون تمشي رادها
لا مفر من يده يحصل الطرق كلها سادها
تحت امره الحومه كلها الزلم بالطف كادها

طوگ صار عليها سد بيبانها
علي الاكبر من نزل ميدنها
ـــــــــــــــــــــــــــــــــــــــــــ
هذا ابن هاشم وهاشم سباع كلهم قاده
بالحرب نار ومراجل هيبة ولد الساده
نزل طوفان المگابر الموت شد عناده
الشرد لاحه بعيونه خزرته صياده

حارت الوادم علي دفانها
علي الاكبر من نزل ميدانها
ـــــــــــــــــــــــــــــــــــــــــــــ
من نزل صكت الحومه وضيعاها انفاسها
خربط اصفوف العساكر طشراها وحاسها
دنكت ليده الكتائب تريد سالم راسها
طأطأت يمه القبائل تريد تحفظ ناسها

تغيرت كل الزلم الوانها
علي الاكبر من نزل ميدانها
ــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#علي #الاكبر ع

علي علي علي الاكبر
علي علي علي الاكبر
ــــــــــــــــــــــــــــــــــ
طول النبي وشكل النبي ــ
للحومه من طب مبتسم
من خـزرته مـن صـولـته ــ
فـاتـح جهـنم عالـخصـم
وهـذا عـلي كـال وعـلي ــ
مـاشـوف جـدامي زلـم

علي علي علي الاكبر
علي علي علي الاكبر
ــــــــــــــــــــــــــــــــــ
يترادم الـعسـكر شفت ــ
وتخير الـروس الشهم
خلـه الـعـادي مطـشره ــ
صاحله الحسين ونعم
عمه الكمر اسمـع عدل ــ
يـهزم ابـد مـا ينـهـــزم

علي علي علي الاكبر
علي علي علي الاكبر
ــــــــــــــــــــــــــــــــــ
طـبهم أبابيل الحـرب ــ
والسيف سـجيل ونزل
هـذا الـقـلع خـيبر اجه ــ
لو علي الاكبر من حمل
الحومه صباغهه بدمه ــ
من هجمته هذا الحصل

علي علي علي الاكبر
علي علي علي الاكبر
ــــــــــــــــــــــــــــــــــ
شفته يتبختر بالمشي ــ
ما جنه داخل بالحرب
مــا دور الســهلـه ابـد ــ
سيفه يدور عالـصعب
السبعين الف ما هزته ــ
زلمه علي كلش صلب

علي علي علي الاكبر
علي علي علي الاكبر
ــــــــــــــــــــــــــــــــــ
ذل الجـحافـل وارتجز ــ
للكلفه بس احنه الأهل
آنه علي ابـن الحـسين ــ
ابـن عـلـي ذاك الـجبل
خبيره تظل شـاهد اله ــ
صفين وي حرب الجمل

علي علي علي الاكبر
علي علي علي الاكبر
ــــــــــــــــــــــــــــــــــ
يامحلى طوله وشمرته ــ
زلـزلهه بالـناس الأرض
والحومه كلهه حومته ــ
ماخذهه بطول وعرض
زلـمـه جبير وهـاشـمـي ــ
موت العده عنده فرض

علي علي علي الاكبر
علي علي علي الاكبر
ــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#عبدالله #الرضيع

صاحت رباب بدمع العيون
ميت حبيبي بحالتي شـلون
عبدالله من يذبل
يامـاي مـاتـخـجـل
ميت حبيبي بحالتي شـلون
ـــــــــــــــــــــــــــــــــــــــــــــ
شلت عبدالله بجفوفي مشيت وللنهر كـاصد
ابني من العطش ذابل وسهم وي نحره متواعد
بديت اتـقرب واحجي سـوالف مـن گلب فـاكد
عجيبه يموت عبدالله وعجيبه الماي ظل راكد

تخالف رايهة الـناس كـطرة مـاي منطـوه
فوك العطش والضيم تالي بسهم ذبحوه

خليني اسـولف عنـه للناس
عبدالله شيخ وعمه عباس
بسيل الدمه تبلل
يامـاي مـاتـخـجـل
ميت حبيبي بحالتي شـلون
ـــــــــــــــــــــــــــــــــــــــــــــ
يبعد العافية وروحي شـكلهة امك من ارجع
اذا شافت كسر طولي وثـوبي بـدمك مـنـكـع
هاي الهضمه والحيره خبر مـوت اذا تسمـع
مـاضـنهه بعـد توكـف عليهة ينـغــمي وتـوكع

خضر شيب الجفون والدمـعات بالـعين
اجمل طفل بالكون كاسر ظهر الحسين

لمن شفت دم ركبته يفيض
عبدالله كلت الماله تعويض
بنحره الزمن منجل
يامـاي مـاتـخـجـل
ميت حبيبي بحالتي شـلون
ـــــــــــــــــــــــــــــــــــــــــــــ
مثل الطير من فرفح بين اجفوفي أشوفنه
عـبدالله نــذبح ضـامي بشـربة مـاي مـتهنه
والله زحمه من فاطـم مـخضب راح للـجنه
دمـع العـين سـالـفتي بـعد الكسر خـاطـرنه

كلبي صاح مذبوح وبعده ابعز الاسنين
واجب صاير النوح مثلـه يحصل امنين

خلاني احـير ادك عـالـراس
كوه اجرهن صرت الأنفاس
معضله وماتنحل
يامـاي مـاتـخـجـل
ميت حبيبي بحالتي شـلون
ـــــــــــــــــــــــــــــــــــــــــــــ
هذا موعد اجروحي وموعد دمعتي وحزني
راح اشـلون عـبـدالله بعد عينه الدهر ذبني
بروحي تكـبر الغـربه فارك الـغالي الشيبني
نـار ابـكلـبي ماتـطـفه وصحت ابحيرتي يبني

يبني عايف الـروح بيهه اهوايه الأهـات
كلبي ينعه ويكول عبدالله والولد مات

يابـعد حـيلي رايح اشـلون
دمع الحزن ماعاف العيون
مثلك ولا يحصل
يامـاي مـاتـخـجـل
ميت حبيبي بحالتي شـلون
ـــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#الامام #الحسين

شيخ انذبح والخيمة حـركـوهه
واعظام صدره بخيل سحكوهه
غريب ــ حسين
سليب ــ حسين ــ حسين حسين
ــــــــــــــــــــــــــــــــــــــــــــــــــــــ
تخيل اوياي الموقف وارسم الصوره الكبرى
شـيخ وامـير الـعالـم وأنـذل بـشر حز نحـره
بغـضـآ بحـيـدر نـاده محضر الخـيل الـعشره
ويلاه عله محبوبي صدره انطبك وي ظهره

اسمـع كلامـي وحـضر الـدمعه
احسين الغريب الماسلم ضلعه
جريح ــ حسين
ذبيــح ــ حسين ــ حسين حسين
ــــــــــــــــــــــــــــــــــــــــــــــــــــــ
تخيل اوياي الخيمة بيهه الـحرم وحتركت
زينب امـيرة هـاشم بالحومه ويلاه ركضت
وينك يعـباس الحك اطـفالـهم من صرخت
تخيل اوياي اسكينه بنص الزلم من عثرت

زينب غـريبه والخيـم طاحت
يبن امي وينك بالحزن ناحت
أريــد ــ حسين
بعـيد ــ حسين ــ حسين حسين
ــــــــــــــــــــــــــــــــــــــــــــــــــــ
تخيل اوياي الخنصر بالخـنجر يـكـصـونه
راس المروه اكبالي برمح العـده يشيلـونه
راس الحنين أنضرله ضيم الـيسر بعيـونه
جلمة صعب احجيهه جث برمل مدفـونه

ياخيل هذا الغالي أبو الرحمة
الماصار شـفته صايـر بجسمة
خضيب ــ حسين
تريب ــ حسين ــ حسين حسين
ـــــــــــــــــــــــــــــــــــــــــــــــــــــ
تخيل رقية وخولة وي عاتـكة مـوقفهن
تخيل رباب ورمـلة حبل الهظم كـايدهن
جلمة سباية تروحن مثل الرمح تطعنهن
وهايه ام الأكبر هايه بدمعتها وتصبرهن

نسوان هاشم حـيره حيرتهن
طاح الحسين وهايه غربتهن
جروح ــ حسين
ننــوح ــ حسين ــ حسين حسين
ـــــــــــــــــــــــــــــــــــــــــــــــــــــ
تخيل اوياي الزهره شافت ابنها مـسلب
بالحومه كعدت يمه بحيره تون وتنحب
آنة الامام السجاد بعيوني جمره وتلهب
ياجرح گلب الزهراء خد الحـنين مترب

مـذبـوح ومـطـشرينه عالـغبره
وتسمع سوالف گلبه من نحره
ونين ــ حسين
حزين ــ حسين ــ حسين حسين
ــــــــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

بالـمـهـد جـان يهـزه جبريل
بضلوعه ليش اطشر الخيل
ــــــــــــــــــــــــــــــــــــــــــ
آنة علـي ابـن الحسـين ابـن علي
واحـزان كلـبي للابـد مـا تنـجـلي
فوك الترب شايفها مذبوحه هلي
دفان اجيت لكـربله بـون معـتلي

دمعـي نهـر ياناس ويسـيل
بضلوعه ليش اطشر الخيل
ــــــــــــــــــــــــــــــــــــــــــ
ياربي ادعي كـون تلهمني الصبر
اه أعله ابوي الماسلم منه الصدر
فوك العطش من الكفه شو منحر
انظرله والـمدمع يهل مثل الجمر

شفته ذبيح وما بقى الحيل
بضلوعه ليش اطشر الخيل
ــــــــــــــــــــــــــــــــــــــــــ
فوك الحصيره بيدي لميته الترف
أمطشر ومن كل كتر شفت النزف
أجروح الجسم فوك ال ٩٠٠ وألـف
كل وصله من كثر الالم ماتنوصف

صـدره الـمكسر مال تـقبيل
بضلوعه ليش اطشر الخيل
ــــــــــــــــــــــــــــــــــــــــــ
أسمع كلامه امن النحر قبل الدفن
ابصدري اريدك ياعلي توسد الابن
عبدالله ذاك اليبس ڰلبه وظل يون
بدمعاتي كلمة صار كتله ابيا حزن

يا كـربـله يالحـزنچ اثـكـيل
بضلوعه ليش اطشر الخيل
ــــــــــــــــــــــــــــــــــــــــــ
نزلت ابوي ابحفـرته وصاح الڰلب
طول العمر يالغالي واجب انتحب
صار الجمال الحيدري تحت الترب
فقد الاحبه غـربة يانـاس وصعب

رتلت جـرح امـصابه ترتيل
بضلوعه ليش اطشر الخيل
ــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

راجـع نحيل
دمعك يسيل
دافـن قـتيل •• ابجسمه مثلوا
ــــــــــــــــــــــــــــــــــــــــــــــ
راجع وثكـل المصيبة امبين بخطواتك
حمرة فوك الخد شفتها جاريه دمعاتك
من بعيد ويـمي وصلت اه يـاحـسراتك
اجبال وبصدرك احسهن ياعلي عبراتك

أسمـع نحـيب
وصرخة غريب
شايف سليب •• ابجسمه مثلوا
ــــــــــــــــــــــــــــــــــــــــــــــ
منـك اتنطر اجابه لـيش نوحك عـالي
بالشمس نايم لكيته الجان امس يبرالي
هيه هايه الدنية ادري تقسى وي الغالي
ياعلي اشلونه حبيبي وهيبتي وامالي

لـونك يكـول
حزني يطول
روح الـبتول •• ابجسمه مثلوا
ــــــــــــــــــــــــــــــــــــــــــــــ
ماتجاوب ليش ساكت ابو اليمه اشلونه
اشلونه كافلها الفواطم وشالهن بعيونه
وين الاكبر وين جاسم بالغرب عـافونه
ازغير واجبير بضعنه يشكي من متونه

شفتك جريح
دمعك يطيح
يكـتب ذبيح •• ابجسمه مثلوا
ــــــــــــــــــــــــــــــــــــــــــــــ
جاوب السـجاد عـمـته بدمعـته الهـماله
طابكه صدره أعله ظهره الخيل والخياله
من وصلته وشفته دامي اه ذيج الحـاله
جرح فوك الجرح ويلي وصرختي تتعاله

حزني الجبير
ليـش الامـير
تحت الهجير •• ابجسمه مثلوا
ــــــــــــــــــــــــــــــــــــــــــــــ
ويلي يا حالة الـوالد بـحر فايـض دمه
طعنه فوك الطعنه ذني صايرات بجسمه
والمطـشر بالحـوافر صـعب كلـش لـمه
بالحصيره صرت ألمه وبالوريد أشتمه

خنصـر كـطيع
مصابه فضيع
صوت الجميع •• ابجسمه مثلوا
ــــــــــــــــــــــــــــــــــــــــــــــ
بالكبر من نزليته من وريده أسمع كلام
ياعلي بويه يكلي حيل تاذيني السـهام
كتله اه ودمعي نازل كتله مـاضلن خيام
كل جماد ينوح الأجلك اه ياثالث إمام

دافـن حبيب
موذر عجيب
باقي النحيب •• ابجسمه مثلوا
ــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

النار النار النار ••• وصلت للخيمه
احا احا احا ••• ياضيم الهيمه
ـــــــــــــــــــــــــــــــــــــــــــــــــ
فـزعـتكم تـمـنـيـت ــ وحدي بغرب ضليت
وين اخوتي ناديت ــ مهظومه وشـتاكيت

بيـكم أشـيل الراس ــ يحســين والـعباس
هجمت علينا الناس ــ حد الخيام انداس

ياصـاحب الكلـفات ــ حركـوهن الخيمات
من وصلوا الشـمات ــ عباسي كالـوا مات

بعازة كمر وافياي ــ جرح المصيبه هواي
مـاردت كطرة ماي ــ عباس اريده وياي

الزود الزود الزود ••• كله بعباسي
الحيل الحيل الحيل ••• هوه وانفاسي

النار النار النار ••• وصلت للخيمه
احا احا احا ••• ياضيم الهيمه
ـــــــــــــــــــــــــــــــــــــــــــــــــ
كلبي اليون مجروح ــ ما ادري وين انروح
وين الكلـفه مذبـوح ــ فوك الترب مطروح

اعثر واكول احسين ــ هـسـة اجيبه منين
فاض الدمـع بالـعين ــ باجر سـبي ماشين

احزاني مثل الطوك ــ كلبي يكتله الـشوك
جفي بجمر محروك ــ وتاليتي فوك النوك

صحت بعلاة الصوت ــ وين الحنين يموت
بصدره السهام تفوت ــ شفت الرمل تابوت

الروح الروح الروح ••• كلـش متـعوبه
شلون شلون شلون ••• تبچي المهيوبه

النار النار النار ••• وصلت للخيمه
احا احا احا ••• ياضيم الهيمه
ـــــــــــــــــــــــــــــــــــــــــــــــــ
راحولي اعز اخوان ــ شفت العذاب الوان
من ماتوا الشجعان ــ وكت الدموع الحان

شيخ الزلم من طاح ــ بكلبي انكطع سباح
روحــي فـلا تـرتـاح ــ فراك الـشهـم ذبـاح

عندي اطهر ابنيات ــ ركضن عله الجمرات
من السوط متأذيات ــ خـافن ومـحتارات

عـباس يرجـع كـون ــ كـلنه نصـير عـيـون
بينه العده يشتمون ــ بلا رحمه ويضربون

الخيل الخيل الخيل ••• سحكن اطفاله
النوح النوح النوح ••• عالي من عياله

النار النار النار ••• وصلت للخيمه
احا احا احا ••• ياضيم الهيمه
ـــــــــــــــــــــــــــــــــــــــــــــــــ
كومولي خويه بساع ــ شنهي الحلو بالكاع
فوكـاها نوم اسـباع ــ حرمه وكصيره ذراع

بيه الـوكت هل مال ــ دمعي يخـوتي سال
حالي صـفه يا حال ــ حرمه وكفلت اعيال

جلمـه وتهـد الحـيل ــ شفت الهظم والويل
حملي اشوفه اثكيل ــ بالممشه طولي يميل

وين اليشيل حمول ــ ودك الـصدر ويكول
عنج اضل مسئؤول ــ جرحي بغيابه يطول

الصوت الصوت الصوت •• ياكافل زينب
جروح جروح جروح ••• بعيوني وانحب

النار النار النار ••• وصلت للخيمه
احا احا احا ••• ياضيم الهيمه
ـــــــــــــــــــــــــــــــــــــــــــــــــ
يهل المحنه اشلون ــ صارت غريبه ام عون
بيهه الـعده يعيلون ــ وتتـامـل تـفـزعـون

وين التفت بس نار ــ خوف ورعب واخطار
عـباس راسك حـار ــ ومـايحـمل الي صـار

خدري الكبل ينهاب ــ وتاليتي بين اجـنـاب
مـوتك فـتح ابـواب ــ حزني وجبير مصاب

هيبة علي المهيوب ــ منهه المتن مضروب
متعوبه اخت متعوب ــ ذبحوه ومامطلوب

الناس الناس الناس ••• ركضوا سبوني
الشام الشام الشام ••• كالوا يسبوني

النار النار النار ••• وصلت للخيمه
احا احا احا ••• ياضيم الهيمه
ـــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

جرح رمح ــ ذني اكبالي يبني الغالي
كلمة ابعيني ذبحوا نحرك مصيبة

كلبي الـطايح عالـغبره
والحافر دايس صدره
يالتسمـع نوح الـزهره ــ ذبحوا نحرك مصيبة
ــــــــــــــــــــــــــــــــــــــــــــــــــــــــــــــــــــــ
جرحك دامي طول ايامي ابـچي وانـعاه
يبني مسلب ويلي مخضب خل تعله الاه

وين ارسومك شـو متغير
كلبي الشافك ظل متحير
وابيا حاله اتحمل واصبر ــ صعب الحال

ذاك الخنصر جوه الحافر
شفت الخاتم بيد الفاجر
يالجسمك مـابعد العاشر ــ فوگ ارمال

هظم عظم ــ ماظل سالم مدمي ونايم
يبني احسيني جرحك ينزف عجيبه
صحت طحت ــ يمك انحب كلبي اليلهب
نحرك جاري وزينب صارت غريبه
ـــــــــــــــــــــــــــــــــــــــــــــــــــــ
طولي المايل حزنك شايل وأحزان هواي
يمه احسيني ياضي عيني شسوت دنياي

بيك اجروح هواي انظرها
يـمــك ابـچي ومـا اعبرها
امـك متـجـرح خــاطـرها ــ دمعه تكول

هذا الغالي ووين ارسومه
طايح مسلوبات اهدومه
واويلي امطشر بالحومه ــ جوه خيول

علي الي ــ يحضر ريته يشوف الحاله
النور امطشر فوك الـغبره حبيبه
كسر عمر ــ ماكو اضماده شيخ الساده
الجان امدلل جثه وضلت سليبه
ــــــــــــــــــــــــــــــــــــــــــــــــــ
ذاك الحافر صدرك حافر وماخذله اضلوع
ساحك خدك مارد جبدك نوحي المسموع

دورت اوصالك لملمتك
يمك انحب لا مـاعفتك
اسيوف العدوان موذرتك ــ كلبي الصاح

يالراسك مسلوب عمامة
امك والطم فوك الـهامه
كلبي تكسر مثل الجامة ــ وبروحي نياح

قهر دهر ــ مافاركني بدمعي وحزني
شفت الغربه هاي الحاله العصيبه
الم خيم ــ من حركوهه والشتموهه
زينب ويلي وكـلبي تسمـع نحيبه
ــــــــــــــــــــــــــــــــــــــــــــــــــــ
صوب الشاطي رحت بدمعه وشفت العباس
ابلا جـفينه وسهم ابعـينه ومضروب الراس

شميت اجفوفه وناديته
عـهدك يالـكافـل وفـيته
دمك لحسينك ضحـيته ــ راعي الزود

يومك لا مـافـارك بـالـي
عالشاطي انذبحت امالي
دمعة عيني اتكول احوالي ــ تبده الجود

تـون اضـن ــ زينب هـسة وين الـكافل
يشوف الصاير وهيه ابحالة رهيبه
گلب صعب ــ عايش احزانه من عافانه
كطعوا جفه ــ جرحي ميته طبيبه
ـــــــــــــــــــــــــــــــــــــــــــــــــــــــ
زينب ذيجه ومامش خيمه ويمهه الحراس
تندب يمه وتندب حيدر هـضمـوني الـناس

يمهه تقربت ابـكل حزني
وألتفتت من سمعت وني
كالت يمه الطف ضاهدني ــ ماكو اخيام

مذبوحين اخواني اكبالي
وتعرفين شصار ابحـالـي
متعوبه ومتكفله اعـيـالي ــ وباجر شام

أسم شهم ــ وفـه بعـهـده وكـت الـشـده
لا مـاقـصر عـبـاس ابـن الـنجيبه
قمـر علـي ــ راعي الغيره وشيخ الديرة
فدوه لأسمك زلمه وطاهر حليبه
ــــــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#الامام #علي #السجاد ع

يامصيبة •• كـلـبك الـطاهر تـكسره
يامصيبة •• فوك ابوك الخيل كثره
ـــــــــــــــــــــــــــــــــــــــــــــــــــــ
كل لحظه •• عشتها بهم طويل ••
يبو جرح الثكيل •• دمع عينك سبيل
كل لحظة •• شــفتها ابـكـربلاء ••
قمت نوح وعزاء •• شفت ضيم وبلاء

ياعلي السجاد ويلي العايش أكبر غربه
دمعك بخدك ينادي الحاله كلش صعبه
شفت اهوال •••••••••••• تـهـز اجبال

يامصيبة •• اعليك مرت دون حسره
يامصيبة •• فوك ابوك الخيل كثره
ـــــــــــــــــــــــــــــــــــــــــــــــــــــ
كل ساعه •• شفت طيحت حبيب ••
عله صوت النحيب •• غريب يون غريب
كل ساعة •• الـتـمـر واحـد يـروح ••
نملي كـلبك جـروح •• دليلك بس ينوح

ذاك الاكبر هذا جاسم والانصار الطاحت
ياحزن مـامر مثيله روحك بـهم صاحت
عطر ويفوح •••••••••••• الورد مذبوح

يامصيبة •• كسرتك كسرت الزهره
يامصيبة •• فوك ابوك الخيل كثره
ـــــــــــــــــــــــــــــــــــــــــــــــــــــ
كل يومك •• جرح دمعه ومـصاب ••
عذاب الطف عذاب •• كمر عالشاطي غاب
كل يومك •• حسين الضل طريح ••
بحزن كلبك يصيح •• وكع ضامي وذبيح

بالمخيم من اجالك صوت كسر ضلوعه
وطلعت شفت الحوافر عالصدر مجموعه
العزيز اشلون •••••••••• طحن مطحون

يامصيبة •• احسينك الماسلم صدره
يامصيبة •• فوك ابوك الخيل كثره
ـــــــــــــــــــــــــــــــــــــــــــــــــــــ
سالفتك •• بـعـد ذبح الـنحور ••
شفت حرك الـخدور •• زمـن بيـكم يـدور
سالفتك •• جبيره تـهد جبال ••
سبي وسوط وحبال •• انهظم ذاك الدلال

يامصيتكم مصـيبة وكلشي ناح اعليها
يجرح گلوب وخواطر من يمر طاريها
سياد الكون ••••••••• وسبي تمشون

يامصيبة •• الدنيا بعد الكمر صحره
يامصيبة •• فوك ابوك الخيل كثره
ـــــــــــــــــــــــــــــــــــــــــــــــــــــ
يالمظلوم •• ذني ساعات الأجل ••
وانت ماليك الخجل •• سهم كلبك ماوصل
يالملظوم •• أخر انـفاسك جرح ••
صور من يوم الذبح •• تنعه راس البالرمح

يبو الـباقر كلـها تبچي ابليلة إستشـهـادك
وانتة عمرك كله جبته تنحب اعله اجدادك
ابگلب مهظوم •••••••••••• على المظلوم

يامصيبة •• ونزلت مدمع الصخره
يامصيبة •• فوك ابوك الخيل كثره
ـــــــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#الامام #علي #السجاد ع

مصابك جرحي
عـذابـك ذبـحي
يبو الـباقر يمهـمـوم

اعـد اجـروحك
واساعد نوحك
دليلك ادري ملجوم
ــــــــــــــــــــــــــــــ
بالدموع •• ابدي اكول
مصابك جرحي والحسره ماتموت
علـيك بكـل وكـت عـبـره ماتموت
حزين ابكلـبي الك كسـره ياتموت

دمعاتي تنزل والحزن ••
بعيوني يرسم غربتك
مولاي أشوفنك جرح ••
كلـش جبيره حـيـرتك
شـايف ابوك الـينذبح ••
وشايفها توكع خيمتك
طول الزمن ماتنكطع ••
حفرت اخدودك دمعتك

شفت بعيونك
تـفـر اضعونك
عليل وكلبك يكول

يزينب صبرج
مصايب دهرج
اخوج ترضه الخيول
••••••••••••••••••••
بالنياح •• هذا صوت
شفت عـباسك الـواكـع عالفرات
طفه نوره القبل ساطع عالفرات
جرح ويشـيب السـامع عالفرات

مولاي يالشايف هظم ••
مثله ولا مر عالبشر
اجفوف الحميه امكطعه ••
عليهن يون حتى النهر
عباس غيرة حيدره ••
اعظم كفيل اعظم كمر
من غاب ماضلت خيم ••
عنده اخو ظهره نكسر

جروحك صاحت
يزينب طاحت
جفوف الغالي عباس

جبيره الحيره
يشيخ الـغيره
صحت ومهبط الراس
•••••••••••••••••••••
بالحبال •• جتفوك
رحت ويه الحرم شايل ياجروح
أشـوفن دمعـك السايل ياجروح
بسياطه يضربك العايل ياجروح

للكوفه من طب الضعن ••
كلبك تحس بيه ينعصر
مثل السهم وسط الگلب ••
ضحكات عدوان الخدر
نسـوان كـلها مـجـتفهه ••
وعاشن عـذابات اليسر
امن الكوفه للشام الضعن ••
يطلع قصر ويطب قصر

بأمر هالـعسكـر
بحبل من تنجر
غربتك صعبه مولاي

كيضت ايامك
تنوح اخيامك
وتون من تنظر الماي
•••••••••••••••••••••
يالغريب •• يالحزين
كرب موتك جرح عينك ياحسين
مصايب خلصت اسنينك ياحسين
غـريب ومـاكـو الـيعينك ياحسين

أسبلت الـيدين وكلت ••
للـباري اروح ابـغـربتي
عايش متاعب بالسبي ••
لا ماحصل من حيرتي
آنـة الغـريب الـمنهظم ••
ومايوم نشفت دمعتي
ما انسه منحر منذبح ••
لآخر انفاسي وموتتي

الأخير أنفاسك
يكول حساسك
حسينا واحـسيناه

ذبيح وضامـي
يحـزن ايـامـي
غـريبـا واغـريبـاه
•••••••••••••••••
بالجروح •• والعويل
ننوح وتـجري يـادمعه ياغريب
الزمن نار الـعمر شمعه ياغريب
العوالم كـلـهه منفجعه ياغريب

مظلوم خلـصت الـعمر ••
وبعد الدفن هم مظلوم
مـهـدوم كـبرك سـيدي ••
وأنفاسك لهسة اهموم
أرض البقيع ابكل حزن ••
ضـلت تون ابكـل يـوم
صاحت الزهره بالـدمع ••
ويلاه عله ابني المسموم

طلبنه الواحد
يجينه الـقائد
بدينه نبني الكبور

يجي خطارك
بدمـع يتبارك
ننوح براحه ونزور
•••••••••••••••••••
تمت بعون أسد الله الغالب
العبد الذليل علي الكعبي

#السيدة #رقية #عليها #السلام

رحلت عشك رقية
ضيم وسبي واذية
طفله بزغر سنها
مذبوح مـوطنها
ــــــــــــــــــــــــ
من المدينة من بدت رحلت سفرها
جابها والـدها واجه بـزهرة عـمـرها
طبت نواحي كـربله وهـيه بـزغرها
كالت يبويه لخاطرك احمل خطرها

تبوس الابو وتشمه
والجرح ينزف دمه
من يستمع ونها
مذبوح مـوطنها
ــــــــــــــــــــــــ
شافت الضيم بكربله وذبح المناحر
شافت ابوها بس جسد ويسحكه حافر
طعمه الحبيب اتشوف صاير للبواتر
دمعتها سـالت والكلب بهمومه حاير

نحر الوفه يذبحونه
والـحر يـغـيـر لـونـه
ويعود كل ضنها
مذبوح مـوطنها
ــــــــــــــــــــــــ
شافت خيمهم تحـترك ماظل محامي
ركضت تره فوك الجمر وتنادي امامي
مـتعـوبه تجرح غربته والجبد ضامـي
احمل جروحي وحيرتي وابلغ مرامي

يـاريت يـرجع سـالـم
الساتر بـهدمه الـوادم
تتـمـنه يحـضنها
مذبوح مـوطنها
ــــــــــــــــــــــــ
رحلت عشـكها متعبه وراحت اسيره
زيـنب اريـدن والـدي تصيح الزغيره
يـاحيـرتچ يـم الـخدر حـيـره جبيـره
دمـعـة رقية ســايـله ديره اعله ديره

بالكـوفـه لـمـن طـبت
يم بيت ابوها نكسرت
النسوة يصبرنها
مذبوح مـوطنها
ــــــــــــــــــــــــ
اسياط وحبال وهظم بالشام شافت
من طبت الذاك القصر يابويه صاحت
ويـنك تعال بـعازتـك ملجومه نادت
بنتك يبويه وداعتك يالغالي ضاعت

تالي بـخرابه النومه
ولمن تفـز مهظـومه
يـكثر بـعد حـنها
مذبوح مـوطنها
ــــــــــــــــــــــــ
لمن اجه الراس بطشت هاي المسيه
حضنت الـراس وحاجته بونه خفيه
يابويه مشـتاكـة الك وانتة ادره بيه
شمته وشـهكت بالدمـع مـاتت رقيه

مأجور كلمن ينحب
يذكر مصـيبة زينب
صـعبات كسرنها
مذبوح مـوطنها
ــــــــــــــــــــــــ
تمت بعون أسد الله الغالب
العبد الذليل علي الكعبي

#الامام #الحسن #المحتبى ع

كلام ــ احسينك آنة يالحسن لا لا تروح
كلام ــ تخضر بعيني الـمصيبة والجروح

خويه الـبعد مايـنحـمل ــ
لا تمشي آنة بعازة حيل
فكدك جرح والمعضله ــ
طولي العدل ذاك يميل

مكسور ــ بالنوح ــ والعين
منهه دمعـتـي حمرة
بكلبي ماطفت جمرة
حزن الـغـربه بعيـوني
بروحي بانت الكسره
ذبلت بالبجي جفوني

وحك ضلع الزجية
الغـياب يعـز علـية
جرح مايـشـفه بية ــ يا حيرتي

يبو القاسم غريب
يضل وحده الحبيب
ـــــــــــــــــــــــــــــــــ
مصاب ــ هايه سالفتي الجبيره الفركة موت
مصاب ــ يالحسن هذا كلامي دمعي صوت

گلب الحنين الي يون ــ
عالخوه جمرة بعيناي
عشرة عمر من تندفن ــ
ماتسوه أشوفن دنياي

احزان ــ أيام ــ واسنين
جرحك هـذا كدامي
أشوفه وتـكبر الامي
دمعه بخدي واحجايه
بيدي دافن احـلامي
صـعبه يالاخــو هـايه

شلت نعشك يروحي
طفح دمهن جروحي
تسمع الدنيه نوحي ــ يا ضيعتي

يبو القاسم غريب
يضل وحده الحبيب
ـــــــــــــــــــــــــــــــــ
اخـوي ــ هاي صيحه امن الگلب رايح يخوي
اخـوي ــ يـاجبيـري وشـوفـتك شـوفـت ابـوي

ياخـويه جـاوب دمعتي ــ
صوتك دوه للمجروح
ياحـالتي تفطـر الحجر ــ
واكف آنة بس مذبوح

ويلاه ــ ياخوي ــ مسموم
حسرة كلبي يالـغالي
جبدك هـذا الكبالي
ويلي بالطشت شفته
خويه وغـيرت حـالي
جرحي كلفه سالفته

اجت يمنه الـعـقيـلة
اجت تبچي ونـحـيلة
وتــون ونــه ثـجـيـلة ــ ياهظمتي

يبو القاسم غريب
يضل وحده الحبيب
ـــــــــــــــــــــــــــــــــ
نحيب ــ يبتدي ضيمي وعـذابي والنحيب
نحيب ــ صرخة ماترحم دليلي آنة الغريب

حسرة جبيره بالگلب ــ
بعيوني فاضت أحزان
وزينب تنادي يالحسن ــ
كلـبي خيم بيه نـيران

انعاك ــ والحال ــ والحيل
رايـح خـويه بـغيابك
وسفه كاسر احبابك
ويلي وجـلمة الويلي
كلبي تلجمه بمصابك
بعدگ مـايظل حيلي

حـزن زيـنب غـريبه
گبر جرح المصيبه
يخي رايـح عـجيبه ــ ياكشختي

يبو القاسم غريب
يضل وحده الحبيب
ـــــــــــــــــــــــــــــــــ
وداع ــ ناصـب بروحي عزية خـويه تـدري
وداع ــ والمصيبة من اشيع بيدي عمري

ياخوية شلتك بالـنعش ــ
وعكسـت تـراها الايـام
كعبة حزن صار الگلب ــ
نعشك يضربونه اسهام

افلان ــ وافلان ــ بحقاد
هاي أم الجمل هـايه
تبغضك اعرف هوايه
ذوله شجره ملعـونه
وعنهم سـولـفـت آية
حتى أسمك يكرهونه

يخويه ابهل المسيه
الحبيب يودع اخـيه
وصـل يـوم الـمـنيه ــ ياكسرتي

يبو القاسم غريب
يضل وحده الحبيب
ـــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#المشاية

رفت •• راية المشايه
كـلها •• لكربله عـنايه
كـلها •• لكربله عـنايه
••••••••••••••••••••
رايه تسبك رايه •• والحسين الـغايه
الخدم كها تنادي •• احنه الك مشايه

فزعت اعروبيه •• وياك بيضة النية
اشما نقدم نهتف •• للحبيب اشوية

رايات للحب ترتفـع كل خطوة ثورية
كاع الله متروسه خدم كلهه حسينية
عشاك مشايه اجت هالكورة الارضية
تفضل يزاير بالـدرب هالكلـمة عربية

أهلا •• هاي احلى احجايه
كـلها •• لكربله عـنايه
كـلها •• لكربله عـنايه
••••••••••••••••••••
دربك المنعوفه •• والله جنة نشوفه
بالمشي مانتعب •• ارواحنه ملهوفه

ياقـتيل الـعـبرة •• فضل منك نقره
نخدم ونكتبلك •• يـاعـزيز الـزهره

هاي المواكب والخدم والخدمة رسمية
مشايه مـن كل طائفة ايران ومسيحية
ابكل الدول صاحت هله الكاع العراقية
الخيرات كلها من علي اعزوبية شيعية

نخدم •• احنه بينه اكفايه
كـلها •• لكربله عـنايه
كـلها •• لكربله عـنايه
••••••••••••••••••••
شايب ابكل عزمه •• گلبه شايل همه
شـامـر الـعـوجية •• وناده وصل يمه

للحـبيب الـغـالي •• سـفـرتي تحلالي
بالدرب جـلماته •• المشي راحة بالي

عفنها البيوت واجينه احجايه منطينك
ابكل العصور احنه معاك احنه مجانيك
هذا التعب هذا السـهر بس ما موافينك
ذاك الخدم هذا الركض وتشوفهم عينك

نهتف •• ترتفع هالرايه
كـلها •• لكربله عـنايه
كـلها •• لكربله عـنايه
••••••••••••••••••••
اطفالنه ايحبونك •• سيدي ايخدمونك
هاي أجمل فطـرة •• عاشكين اعيونك

الزاير المر يمهم •• يبوسهم او يشمهم
مـايعـوفـنـه اله •• يكعد ابموكبهم

اهـلا وسـهلا بالـيجي نسـمـعـها يومية
واليدخل الموكب هوا جن يدخل الرية
من ياكل ويشرب نحس براحه نفسية
ننتظرك الـعام اليجي نكله بصدق نية

احنه •• سيدي الوفايه
كـلها •• لكربله عـنايه
كـلها •• لكربله عـنايه
••••••••••••••••••••
تمت بعون أسد الله الغالب
العبد الذليل علي الكعبي

#إستشهاد #الرسول ص

اويلاه ــ مات الرسول الون عله
اويلاه ــ جن عاشـر بطف كربله
علـي ينحب والسـبية فاطمه
بالمدينة طف تره ابلايه دمه
اويلاه ــ اويلاه
ــــــــــــــــــــــــــــــــــــــــــــــــ
صاح دلالي الحزين
يوم جن يوم الحسين ــ صرت أشوفه
من غمض جفنه الرسول
شفت دمعات البتول ــ ابهم تتطوفه
نفس زينب بالنحيب
تنادي فاركني الحبيب ــ وما اعوفه
علي نفس ابنه العليل
ناحـل ودمعـه يسـيل ــ ياضروفه

مسافات ــ نفس الجرح نفس الهظم
مسافات ــ بيهن حزن لا ما اضم
هذا نفس الموقف ومابيه ضمه
بالمدينة طف تره ابلايه دمه
اويلاه ــ اويلاه
ــــــــــــــــــــــــــــــــــــــــــــــــ
سوط بيد الحزن صار
دمع شفته يجري حار ــ أمن الزجية
عن رسول الله شتكول
والالـم جنه الـخـيـول ــ الـعـواجية
هذا طف مابيه خيام
وجارح اگلوب الأنام ــ ابهل المسية
علي ناده راح اخوي
اتخيلت نهـر الـفـرات ــ وغاضرية

معانات ــ ظهري العدل ذاك انكسر
معانات ــ ليش الشمس تـفكد كمر
يامصيبة فطرت گلب السمه
بالمدينة طف تره ابلايه دمه
اويلاه ــ اويلاه
ــــــــــــــــــــــــــــــــــــــــــــــــ
جن أشـوفن كـربلاء
موت وجروح وبكاء ــ بالـمديـنه
علي فـاكـدله عضيد
فوك ظهره مخلي ايد ــ يا ونينه
جنها مكسورة ضلوع
هسة وتـهل الدمـوع ــ هالحزينه
وداع والـمدمـع كـلام
روح شبت جن خيام ــ ما تجينه

بالاصوات ــ أسمـع عبارات الـدمع
بالاصوات ــ لو رحت يتكسر ضلع
منحني طولك يحماي الحمه
بالمدينة طف تره ابلايه دمه
اويلاه ــ اويلاه
ــــــــــــــــــــــــــــــــــــــــــــــــ
يوم جن يوم الـغريب
يا اخذ الـغالي ويروح ــ أمن الحبيبه
مثل زينب مـن تصيح
يالعفت كـلبي الجريح ــ والمصيبه
حيـدره كـض الـصفاح
صاح نبض الگلب راح ــ ويا نحيبه
سـيـد أكـوان الـزمـان
موته هـاي الليلة حان ــ من يجيبه

اشارات ــ ترسم الحيره الـقادمه
اشارات ــ مقصوده بيهن فاطمه
الباري اعلم ياعلي بالخـاتـمه
بالمدينة طف تره ابلايه دمه
اويلاه ــ اويلاه
ــــــــــــــــــــــــــــــــــــــــــــــــ
من بعد موت الضياء
صـورة اجـروح وبـلاء ــ اباب داره
كـمره محنية أشـوف
عايشه أصعب ضروف ــ هاي اشاره
اباب خير الـمرسلين
ضلع ودمـوع وجنين ــ يا خساره
صور متروس الخيال
تكسر اظـهور الجبال ــ يالغياره

يزهراء ــ ماتسلم ضلـوعچ نعم
يزهراء ــ والـنار تـوصل للـخيم
يعينچ الله يالـزجيه الـعالمه
بالمدينة طف تره ابلايه دمه
اويلاه ــ اويلاه
ــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#الامام #الرضا ع


شـوكي ياسلطان روحي مايموت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
صوتي مولاي الرضا بحب وغرام
يمتى ازورك سيدي ابذاك المقام
بالصباح وبالمساء اهـدي السلام

مرتفع طول الزمن مولاي صوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
سـهل امري كـون اتـعـنه واجيك
ابجاه زينب يا أبو النخوه انتـخيك
كلبي مجروح وضماده ابين اديك

ادري ذكرك عـامر ابـكل الـبيوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
شوك روحي طافح ودمعه تسيل
ليك يمـهيج احـزان أعـظـم قتيل
فـراك مايتحـمل اهـواي الـدلـيل

روح ياخذ ذكر أسمك من يفوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
يا حـنـان الله ويـسـلطان الـقلـوب
كلبي طهره امن الذرائل والذنوب
رايـد اوصـل اني يـم بابك واتـوب

اجري دمعي ابابك بهيئة سكوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
سيدي ومولاي كل حلمي ابوس
ذاك شباك الذي امطهر النفوس
كون ابكه غاد واسكن كاع طوس

والصحن يصبح عليه بطن حوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
ياأنيس الروح ياشمس الشموس
منك اتعلم جرح ضـامي بدورس
حزن كلبك سيدي الحافر يدوس

بصدر الحسـين ويون المـلكـوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
ويلي يوم احسين أقرحلك جفون
أسبل الدمعات يومه وهزله كون
ضيمك ون الـگلب سبي الضعون

والدمع يمحي الذنب هـذا ثبوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
يا امـامي الـغـالي يالكـلبك رؤوف
ريت اوصل كبرك بلهـفه واطـوف
ضيفك اصبح وانتة مترد الضيوف

ومـن أدي ازيـارتك خلـيني امـوت
كون ازروك دعوتي وكت القنوت
ــــــــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

#إستشهاد #الامام #الحسن #العسكري ع


الله يعظم اجرك دمعك ابعينك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
فـاكد والـدك ودموعك ابـخدك
وغير الـنوح ادري مابـقى عندك
نار الفركة ويلي وتـاكل ابجبدك

حـاير سيدي وتصـفك ابجفينك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
الله يعينك كلبك جرحك شكبره
تنادي راح ابوي وتجذب الحسره
تواسيك ابمصابك فاطمة الزهره

حمره الدمعه تجري فوك خدينك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
يالمـهدوم حيـلك والـگلب ناحل
شفت الضـيم قـادم والأبـو راحل
من ثكل المصايب طولك المايل

عشت الاه وانتة بخامس اسنينك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
صار اهلال ظهرك منحني وحاير
مكسـور وغـريب وتنـحب تكـابـر
انتة الـغايب الـمهـظوم والصـابر

وادعي الباري يامـولاي الـيعينك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
يالمعتوب ويلاه من صغر سنك
ماشفت الفرح ومرافكك حزنك
مصباح ومسيه آنه استـمع ونك

ومنك نعـتذر لـو يـوم نـاسـيـنك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
يالـغـالي الحنين ودافـن الغـالي
اواسيك بدمعتي وحـزني للـتالي
ودمعك يالغـريب ابخـدك يـلالي

كون انحسب آنه من مواسينك
سابع جار وصلت صرخة ونينك
ـــــــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

بسم الله الرحمن الرحيم
* يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ * صدق الله العلي العظيم

–نُصرةً لِأُمِّ أئِمَّةِ الهُدى وَحَلِيلَةِ صاحِبِ اللِّواءِ وَالكَرِيمَةِ عِندَ المَلاءِ الأعلى التي على معرفتها دارت القرون الأولى وبولايتها كمال التصديق والايمان بمحمد و علي صلوات الله عليهما وعلى آلهما اجمعين
–وإحياءً لِليالي شهادتها المَروعة ومقتلها الفجيع ستقام حملة لنشر راية الحزن على الزهراء صلوات الله عليها
إظهاراً لإمرِها ومُصابها وظُلامتها ،

وَلْتَكُنْ سُنّةً شعائرية لرفع راية السيدة الزهراء صلوات الله عليها سنوياً على البيوت وفي الشوارع كما الحال في محرم الحرام ولله عاقبة الأمور ومنه التوفيق وعليه الإتكال .

اللهم عجل فرج ولدها وكن الطالب لها ممن ظلمها

#الرايه_الفاطميه