مالك؟!
ده أكتر سؤال بيعجزني وملوش إجابه عندي
حقيقي أنا مبقتش عارف مالي أو فيا إيه
كل اللي أعرفه إني إتغيرت وانطفيت
ومبقتش زي الأول.

مُتعِبٌ مِن كُل تِلكَ الخَيبَاتِ ، التي قَد تَكُونُ أنتَهَت
بالفِعلِ ، ولكِن أستَمِرَ ألمُهَا بِداخِل قَلبِي

تُثقلني الدُنيا،
فأميل عليكَ بِكُل ثِقلي

عَقلِي لَا يَهدَأُ أبدًا لم أستَطِع النومَ ، الكثِيرُ من الحُزنِ والخَيبَاتِ تَجثُوا على قَلبِي ، حتى النومُ لم يَعُد كَافِيًا لِمَحوِ ما أشعُرُ بهِ

مُُعظمنا عايش في الحياة مُجبر على حاجات كتير؛ اللي هو ماشيين بالمُتاح مش باللي إحنا عايزينه، كُل المواقف والأحداث اللي بنعيشها مش على هوانا حرفيًا ولكن مَفيش بدائل أساسًا، وأصبحت حياتنا عبارة عن أمر واقع وبدائل لحاجات كنا بنتمناها .. وللأسف ولا مرة كنا بنملُك زمام الأمور أو عندنا رفاهية الإختيار!

في لحظةٍ ما من العمر أخشى أن أصل إلى ما
قاله بسّام حجّار هنا: لم أعد حنونًا لم أعد عصبيًا،
لم أعد شيئًا، أنتظرُ انقضاء الوقت فحسب !

من الحاجات اللى بتريحني وتهدّي تفكيري فى عِز منا مخنوق ومضغوط نفسياً .. هيه إني مُتأكد مليون فى الميّة إن مَفيش حاجه إسمها حظ على الإطلاق؛
لكن فى حاجه إسمها "توفيق ربنا" ، وإن اللى نفسي فيه حالياً ومحصلش مؤكد هيتعوض فى حاجات أفضل واحلى من اللى اتمنيتها بكتير... الفكرة كلها مُتعلقة بإستعابك وتقبُلك لترتيبات ربنا مهما كانت عكس مُتطلباتك.

خليك على يَقين إن "ربُ الخير لا يأتي إلا بالخير".❤️⁩

حابب أقولكم قبل ما تنامُوا إن مفيش حاجة بتروح غير لصاحب نصيبها، وإن اللى مفيش منه خير هو بس اللى بيروح، ربنا رحيم ومش ممكن يرضى لك بالحُزن أبدًا .. كل ما فى الأمر إنه بيختبر صبرك ورضاك بحكمته وأمره، وفى جميع الأحوال ربنا رب قلوب وطول ما قلبك معاه خير الدنيا كله هيجيلك.. سلمها لربنا وسيب كل حاجة عليه وخليك معاه واصبر هتفرج من وسَّع {وَاسْتَعِينُوا بِالصَّبْرِ وَالصَّلاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ} .

وارد فى وقت من الأوقات تختلف مع أقرب المقربين ليك ووارد تكونوا بعيد عن بعض فى لمح البصر وبعيدا عن الأسباب ده يرجعنا لأهم نقطه في العلاقات من وجهة نظري وهي "الأثر" وجودك كان عبارة عن إيه لفلان وتأثيرك عليه فى حياته، هل إيجابي أم سلبي، وهل كنت بتضيف ليومه ولو شوية من السعادة والطمأنينة هي دي الأشياء اللى بتحدد مين خسر ومين كسب بالبعد، وهي دي الأفعال اللى بتقول مين يستحق مين وبأي شكل "كلنا بندخل أماكن جديده لكن مش هنستمر فيها ولا هنفكر نزورها مره تانيه إلا لو كنا انبسطنا وارتاحنا فيها فعلياً" وصلت؟

أنا عايز أقولك متخفش من أى حاجه طول ما أنتَ بتقول {يارب}اللى ظلمك مهما الوقت فات فهو جايله يوم يتحاسب فيه .. ربك "يُمهِل ولا يُهمِل" كلمة "حسبي الله ونعم الوكيل" .. مش هينة، دى معناها إن وكيلك ربنا ومحدش هايجيب حقك غيرُه .. وربنا عادل لا بيجامل ولا بيظلم حد، فأنت تأكد حقك جاي جاي متقلقش.♥️

أنت مُميز وجميل وفيك حاجات كتير تتحبّ، أنت محدش أحسن منك عشان تحاول تقلّده أو تكون زيِّه.. أنت ربنا خلقك كامل مش ناقصك حاجة، وإن كان عندك شوية عيوب وده أكيد لأن محدش فينا كامل، لكن فى جميع الأحوال خليك عارف إنك شخص مُميز يتحبّ ومش هيشوفك كده إلا اللى حَبك لشخصك مش لأي شيء تاني، أنت لو مطلوب منك حاجة فمش مطلوب منك غير إنك فى كل يوم تحاول تطور من نفسك لنفسك عن اليوم اللى قبله... وده لأجلك أنت مش لأجل حد " نفسك زي ما تشوفها إن قدرتها الناس هتقدرها وإن قللت منها محدش هيعملك حساب ولا قيمه ".

بتفرحني جدًا محاولات اللى قدامي فإنّه عايز يفرحني، بفرح وبكون مُمتنّ آوي ليه لمُجرّد إن حُزني مش هاين عليه و بيحاول يعمل اللى يقدر عليه عشان مبقاش زعلان، كلنا بنزعل ونفسيتنا بتتعب ومودنا بيبقى تحت الصفر وممكن جدًا كل ده يبقى بدون أسباب ,, لكن أهم ما فى الموضوع ده كله إنك تحس إن زعلك فارق عند اللى بيحبوك وإنه مش حاجة عادية هتعدّي مع الوقت ,, صحيح إنها أكيد هتعدّي بس هتغيَّر كتير فى اللى جوانا للي حوالينا وهتخلينا نعرف إحنا ولا حاجة عند مين ومُهمين وغاليين جدًا عند مين .

تبقى بتظلم نفسك لو أخدت الناس كلها بذنب شخص مريض آذاك ووصلك فكرة مؤذية عن الناس؛ مش كلنا بنشبه بعض ولا كلنا عندنا عُقد نقص نطلعها فى غيرنا ، على قد ما فينا حاجات مقرفة وأشخاص متعبين فينا برضه ناس كتير كويسين ومتربيين على الحب والكرم والأصول فينا ناس تعرف تصون العشرة ويبقوا "قد كلامهم" فينا ناس تقدر تنضف اللى غيرنا وسخوا وتصلّح اللى غيرنا كسروا، احنا ممكن نكون بنشبه بعض من برا بس اللى جوانا عكس بعضه وزي ما فيه شر فى خير وزي ما فيه وحش فيه حلو وحلو جدًا كمان بس أنت ركز فى اختياراتك عشان تختار صح.

‏متهيألي السبب الحقيقي لاكتئاب اي شخص هو احساسه بإنه مش مهم او مفيش حد مهتم لأمره .. وده شعور اصعب من الوحده، لأنه ممكن يحصلك وانت حواليك ألف شخص عادي، اللحظه الحقيقية اللي بيحس فيها الشخص انه سعيد انه يحس انه مرغوب فيه واموره مهمة بالنسبة لشخص ما بيحسسك بوجودك وانك شخص مميز تتحب."

وقت ما تحس إن اللى قدامك بدأ يستهين بيك أو بزعلك بطل تعتب عليه أو تلومه أو تكمل معاه فى أي شيء، لإن فكرة إنك تطلب من حد يخاف على مشاعرك أو يقدرك. فكرة مش حلوه وغالباً ومع الوقت نفسيتك هتتعب منه و بسببوا لدرجة ممكن تخليك "تطيق العمى ولا تطيقُه" فـ عشان متدخلش فى دوامة الزعل النفسي من حد أو على نفسك خد نفسك وامشي أول ما تلاقي قيمتك بتقل.

معايا قناه ٣ آلاف مشترك والسعر قابل للتفاوض ولو حد حابب يشتري أو يتفاوض يكلمني 🤍🤍🤍
@Ma7moud1428