ممكن تدخلو هنا القناه دي حلوه ودينيه ومحتواها هادف والله 🩵

حد يشيل الموبايل من ايدي ويلحقني عشان انا مسحول قدام فيديوهات العجول الهربانه ومستقبلي بيضيع

↯︙لي مبقناش بنحس بفرحه العيد والحماس والبهجه بتاعت كل سنه والله الموضوع بيرجع لشويه عوامل منها ان انا كل ما بنكبر شويه في السن كل ما الشعور بتاع البهجه والحماس ده بيقل عندنا واحده واحده بمعنى انت العيد اللي فات مثلا كنت بتجهز وبتكوي الهدوم بتاعتك وبتكلم اصحابك وبتكلم جيرانك و بتعيد على ده طب العيد ده مثلا جاء لك شغل فقررت انك تبدل شغل عن اي حاجه ثانيه وهكذا كل عيد الشعور بتاعنا بيبدا يقل واحده واحده بس دي مش حاجه وحشه على فكره ليه بقى واحنا صغيرين احساس العيد بالنسبه لنا كان لبس الجديد وريحه اللبس الجديده والشوز الجديد وانك تاخذ العيديه وهكذا دلوقتي اصبح انت اللي مفروض تدي الهدايا دلوقتي اصبح موضوع اللبس بالنسبه لك عادي ممكن تلبس اي حاجه مش فارق معاك.. بس اهم حاجه برضو ان اللبس ان انت تلبسه يكون لبس مناسب لان صلاه العيد دي مش بتحصل كل يوم.. المهم ان انتقل من مرحله ان العيد بالنسبه لك هو لبس جديد وشوز جديد وعاديه الى اخره الى ان العيد عباره عن روح روح جميله مليئه بتكبيرات العيد الجميله عباره عن تجمع افواج من المسلمين في اماكن مختلفه حول العالم وكلهم بيردوا في وقت واحد الله اكبر كبيرا فما تضايقش ما تزعلش انت مافقدتش الاحساس بالبهجه والحماس بتاع كل عيد انت بس محتاج تغير معنى العيد من مجرد لبس جديد وهديه الى اخره الى روح جميله و بس يا رب تكونوا استفدتم مش عايز حد يتضايق الاحساس ده طبيعي جدا جدا حاول تجدد نيتك كده وتقضي العيد كل فرحه وامل وتفاؤل ويلا دمتم في رعايه الله وامنه🩵

النهارده كنت ماشي فـ الشارع، وشعري الطويل الكيرلي بيطير مع الهوا كأني طالع من كليب قديم أبيض وأسود. فجأة افتكرت إني محتاج فكة، ومعايا بس ورقة بـ 200 جنيه. قلت أول واحد أقابله هسأله.
قابلت واحد شكله كان مستني اللحظة دي من بدري. قلتله:
– "معاك فكة 200؟"
بمنتهى الجدية رد وقال:
– "آه معايا، بس بشرط… تقص شعرك اللي شبه جو الستينات ده. أنا شايفك رايح جاي من الصبح وعمال أقول لنفسي: مين الواد ده اللي عايش في جو الستينات؟ هو عامل في نفسه كده ليه؟"
بصيت له وضحكت وقلتله:
– "يا عم لو تعرف حد يطلعني من الحقبة الزمنية اللي أنا فيها دي، الحقني بالله عليك!" 😂
الحكمة من اللي حصلي النهارده ده:
مش كل اللي باين علينا "موضة قديمة" معناه إننا ضايعين… ساعات بتكون روحك متعلقة بحاجة بتحس فيها بالراحة، حتى لو العالم شايفها غريبة.
والموضوع أعمق من مجرد شعر طويل أو لبس غريب.مع ان انا شعري مش عامله زي بقيت الناس قزع انا مربيه كله ومش مقصر منه اي حاجه كله درجة واحده بس هو الحقيقه طويل جدا جدا يعني لما بسرحه بيعدي قفايا بكتير 😂
في ناس كتير، وأنا منهم، بتحب تعيش في الماضي… مش هروب، بس عشان هناك كانت الحاجات أبطأ، أبسط، أحن.
فيه أغنية بتحركك، فيلم قديم بيخطفك، أو حتى ستايل معين بتحس إنه بيعبر عنك أكتر من أي ترند جديد.
بس المشكلة لما الناس تفتكر إنك متعلق بالماضي عشان مش عايز تواجه الحاضر… مع إن الحقيقة إنك يمكن بتلاقي نفسك أكتر في اللي فات.
في الآخر،
مش غلط نحب الماضي… بس الأحلى نعرف ناخد منه اللي يخلينا نعيش الحاضر بروح مرتاحة، حتى لو شكلنا بالنسبة للناس "من جو الستينات".
بس اللي مش بياخدوا بالهم منه الناس،
إنك لما تعيش في الماضي، مش دايمًا معناها إنك "واقف مكانك"،
ساعات بيكون الماضي ده هو المساحة الوحيدة اللي لسه فيها أمان، فيها ريحة الناس اللي راحت، فيها صوتك اللي لسه مش متكسرش،
فيها نفسك قبل ما يتغير، وقبل الدنيا ما تبقى سريعة قوي، وفاضية جدًا.
يعني لما شعري يكون شبه جو الستينات، أو لبسي شبه عبدالحليم حافظ،
مش علشان أنا مش لاقي نفسي…
لأ، علشان أنا لاقيها هناك.
في الماضي، الأغاني كانت بتحس بيك،
والناس كانت بتضحك من قلبها،
والقعدة على الرصيف كانت بتشبع أكتر من كافيهات كتير دلوقتي.
كان فيه زمن بيفهمك من غير ما تشرح كتير.
بس الحقيقة؟
الحياة مش بترجع ورا، حتى لو قلبك قاعد هناك.
لازم تتعلم تعيش هنا، وتسرّب لمسة من الزمن الجميل في كل حاجة بتعملها،
تعيش الحاضر بس تلبسه ماضي،
تحب الجديد بس تزرع فيه روح القديم،
وتفضل ماشي… بشعرك الطويل، بروحك اللي بتحن،
وكل ما حد يقولك: "انت عايش في الماضي ليه؟"،
تبتسم وتقول:
"عشان هناك كنت بضحك من غير ما أبرر."
وفي الآخر…
الزمن بيتغير، بس ده مش معناه إنك لازم تمسح اللي كنت عليه.
خلي فيك لمسة من اللي فات،
بس متفلتش اللي جاي.

موقف عادي جداً وعدى وموقف خلص.!
محمود وهو بيحول الموقف لمشهد لاي كلام مهم وكلام يبان عميق عشان يجيب ريتش:

النهاردة بعد المغرب هتبدأ أهم ليلة في حياتك؛

من مغرب اليوم تبدأ ليلة عرفة، يوم التلاق المشهود!

لو ما تعرفش الفرق بين ليلة القدر ويوم عرفة؛
فالملائكة تنزل إلى الأرض في ليلة القدر.. تنزل الملائكة والروح فيها.. والروح هو جبريل عليه السلام.

أما في يوم عرفه فينزل الله جل جلاله نزول يليق بجلاله ويقول يا ملائكتي انظروا إلى عبادي؛ جاءوني يطلبون رحمتي ومغفرتي، أشهدكم أني قد غفرت لهم ♥️

فما مر على الشيطان يوم أشد عليه من يوم عرفه؛ فيقول أغويهم طول العام وتغفر لهم في يوم واحد وكأنهم ما عصوك!

لا تنسوا أنفسكم ولا أبنائكم ولا آبائكم ولا من تحبون من الدعاء لهم ولكم.

اللهم بلغنا يوم عرفة واجعل لنا فيه دعوة لا ترد ♥️

ذاكم يوم عرفة !

وما أدراك ما يوم عرفة !
يوم تسكب فيه العبرات وتنال فيه الرغائب والحاجات
وتفيض فيه الرحمات والخيرات والبركات

▪يوم الانتصار على الشيطان

قال النبي - صلى الله عليه وسلم - :

" ما رُئِي الشيطانُ أصغر ولا أغيظ ولا أدحر من يوم عرفة وما ذلك إلا لما تنزل من الرحمة ويتجاوز الله عز وجل فيه عن الذنوب العظام ...

▪أعظم فرصة للعتق من النيران

قال النبي - صلى الله عليه وسلم -
" ما من يوم أكثر من أن يعتق الله فيه رقابا من النار من يوم عرفة ..

فيا حسرة عبد غربت شمسُ يومِ عرفة ولم يُحرّم جسدُه على النار ! ولم تُعتَق رقبته من النار !

نعوذ بالله من الخذلان !

▪مباهاة الله - الغني - بعباده - الأذلاء الفقراء - وهو غني عنهم سبحانه وتعالى

قال النبي - صلى الله عليه وسلم -
" وإنه ليدنو سبحانه ثم يباهي بهم الملائكة يقول : ماذا أراد هؤلاء ! "

▪️صيامه يكفّر ذنوب سنتين :

روى مسلم أن النبي صلى الله عليه وسلم قال:
" صيام يوم عرفة أحتسب على الله أن يكفر السنة التي قبله والسنة التي بعده "

▪الدعاء فيه أفضل الدعاء

قال النبي - صلى الله عليه وسلم -
" خير الدعاء يوم عرفة وخير ما قلت أنا و النبيون من قبلي : لا إله إلا الله وحده لا شريك له له الملك وله الحمد و هو على كل شيء قدير "

فيا راجيًا لمغفرة ربه ورحمته ، وطالبًا لرضوانه ومنته
دونك عرفةَ
ليس بينك وبين العتق إلا دعوة !
ليس بينك وبين الجنة إلا خطوة !

أقبل ولا تخف .. إنك من المعتوقين المرحومين بإذن الله رب العالمين

هذه ساعات المغفرة .. هذه ساعات الرحمة .. هذه ساعات العتق من النيران .. هذه ساعات الروح والريحان والمنى والرضوان

بقدر انكسارك يكون دفعك ..
وبقدر بكائك يكون جبرك ..
وبقدر دعائك يكون صفوك ..

اغتنم كل لحظات يومك في القرآن و الذكر .. تسبيحا وتهليلا وتكبيرا
اغتنم من العصر إلى المغرب .. في الدعاء ثم الدعاء ثم الدعاء ..
اكتب حاجاتك وادخل على ربك بقلب منكسر ..
كالأم التي فقدت وليدها تدعو بقلب كله يقين أن يعود لها

ادعُ بما شئت من أمور دنياك وأخراك
ولا تستعظم .. فإن الله لا يتعاظمه شئ

اطرح جبهتك على عتبته ذليلا منكسرا تائبا مقبلا بقلبك عليه
مرددا قول القائل :

يا من يراني على ذنبي فيُمهلُني
جُد لي بعفوكَ إنّ الذنبَ أشقاني

يا رب هذي دموعي جئت أسكبها
فاغسل بجودك آلامي وأحزاني

اللهم أعتق رقابنا من النار
واجعلنا من اهل دار الخلد والقرار
برحمتك ومنتك وقوتك يا عزيز يا غفار !

مشربتش؟

عملتو ايه في العيد النهارده احكولي انا مش غريب🩵😂

وقد تكون النهاية بداية الحكاية لشيء أروع بكثير مما اعتقدت، فلا تحمل هُموم الأشياء واترك ​​حياتك بيدِ اللهِ فَلَهُ حَسَنُ التّدبير ولُطف المصير🤍