السلام عليكم ست وجدان
من اول يوم سجلت عندج قبل سنتين وحجاية وحدة جانت تتكرر بمعظم محادثاتنا
" ما يلوكلك انت بس طب بغداد"
اجيت افرحج واطمنج واكلج حجايتج جانت صحيحة
والف الحمدلله والشكر انقبلت بطب بغداد
كل الشكر والتقدير والاعتزاز الج ستنا الفاضلة♥️
U.O.B.C.OM 🩵

انقبلت طب بغدادد🥹🥹🤍🤍🤍🤍🤍🤍🤍🤍

ستتتتت

طب بغدادددددددددددد

الحمدلله ست طلع طب واسط اول رغبة ❤

ستت🥹🥹🥹

الحمدلله ست نفس الي قدمت عليه طلعلي
معدل 99.9

الف الف الحمد الله التخصص الي جنت أريده بالجامعه الي جنت اريدها والحمد لله يعني حطير من الفرح 🩷🩷🩷

سلام عليكم ست ❤️
اني طالبتك تبارك اباء ثانوية نازك الملائكة للمتميزات
بفضل الله وفضل جهودك معنا تحقق حلمي كلية طب جامعة كربلاء

الحمدلله اليوم اقطف ثمرة تعب السنين
✨ تم القبول في كلية طب بغداد ✨
شكرا لمدرستي ست وجدان كانت السبب الي عرفت بي طب بغداد والسبب الي خلاني احبها واسعى احقق هذا الهدف
ودائما كانت تذكرني بيها وتذكرني بهدفي وتغرس فينا الاصرار على الوصول حتى اصبح الحلم حقيقة 🩷🩷🩷

السلام عليكم ست
الاسم: نرجس جاسم محمد
المدرسة: ثانوية رقية للمتميزات
المعدل: 99 ومأجلة 3 مواد
الكيمياء: 99

هيج چان بالدور الاول وشاءت الاقدار واكمل المواد الي أجلتها وينزل معدلي بالدور الثاني من معدل 100 مع اضافة الفرنسي الى معدل 97.21 مع الفرنسي... نكسرت.. عاتبت.. انقهرت وقررت اعيد السنة
بس
اهلي ساندوني وگلولي قدمي ع قناة المتميزين عسى ولعل... واليوم وبعد تعب سنتين بالسادس لان من اني بالخامس درست للسادس.. وبعد انكسار وضياع الاحلام تحقق الحلم... وصرت اول حفيدة بالعائلة طبيبة اسنان... كل الشكر والامتنان لست وجدان لان فعلا ام ومُدّرسة ومَدْرسة.. چانت خير من ساندتني وشجعتني طول السنتين الي راحوا... راح تبقين ذكرى دائما تعيشين وياي بكل لحضة بالمستقبل ويا رب كل التوفيق بحياتج ويا رب يبعد عنچ كل شر
طالبتج وبنتج صارت طبيبة ❤️💋

الحمدلله اليوم اقطف ثمرة تعب السنين
✨ تم القبول في كلية طب بغداد ✨
شكرا لمدرستي ست وجدان كانت السبب الي عرفت بي طب بغداد والسبب الي خلاني احبها واسعى احقق هذا الهدف
ودائما كانت تذكرني بيها وتذكرني بهدفي وتغرس فينا الاصرار على الوصول حتى اصبح الحلم حقيقة 🩷🩷🩷

السلام عليكم ست
الحمدلله الحلم طبغداد 🤍🤍

طب بغداااااد واخيررررًا

اسفة ع تأخير بس حبيت ابشرج ست بقبولي الحمدلله والشكر بس حبيت اكول كلش مُمتنة الج على كل جهودج ويانه طول السنة ما قصرتي بكلشي لا من تدريس ولا امتحان حتى من تمرضتي ماعفتينه وظليتي ويانه لاخر يوم لحد ماخلصنه المنهج على خير وسلامة وهاي كلها جهود تعبج ويانه وكلامج الجان محفز النه اني جنت اتأثر بي هواي من اسمعة احس طاقتي تنشحن واعيد حساباتي رغم جنه نمر بضغط بس جنتي دائما تنصحينه لحد ماتخرجنه من سادس بأعلى شهادات فرحانة كُلش لان رفعت راسج وصرت دكتورة...وأسفة لان طولت اعتبريها رسالة من القلب لفيو كُلش هواييي💋💋💋💋💋💋💋💋

سلام عليكم ست..❤️
ابشرچ بقبولي…طب واسط🫀🩺
ما انسى فضلچ الية على مدار سنتين
ولا انسى وجودچ ويانة ليوم الوزاري ولا تحفيزچ على طول السنة..❤️

ما عفتينة لحد يوم الوزاري..
كُلشي انطيتينة و لكُلشي حضرتينة
و هسة اني احصد ثمرة التزامي بكلامچ
اشكرچ ست كُلش هواي على كُلشي قدمتي النة…

من صدگ queen of chemistry 🫀

مساء الخير حبيبتي ست 💗

صحيح ما اجيت ابشرج ايام نتائج الدور الاول و الثاني و هذا لانني جنت انتظر تطلع القبولات لان دائما اكول نخلي الفرحة ويه اشخاصنا الغالين للنهاية
واليوم و بكل فخر و اعتزاز احب ابشرج انو بنتج قبل لا تكون طالبتج انقبلت بكلية الطب
الف الحمدلله و الشكر يا ربي
ما ضاع تعبج ويانا و لن يضيع باذن الله ويه الدفعات الجاية

دائما يكولون هذه الاية { وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ} للاطباء بس اني حابة اهديج اياها لان انتي حرفيا بالايام الي جانت روحي بيها طافية و القهر و الحزن ماخذ معظم ايامي انتي جنتي تفرحيني و تنطيني كل الطاقة الايجابية و لولا فضل الله سبحانه و تعالى ثم فضلك اني ما اوصل للي وصلته اليوم

احبج حيل و اتمنالج كل الخير والله 💗