كلشي هان وفركتك صعبه"
الدار ضلمه والنزل غربه"
@@@@@@@@@@@@@@@@
شالو هلي وضليت اتانيهم
حته أبحلم شو ما ألاكيهم
أشكد الهج وأحجي بأساميهم
فرقنه دهري كلمن أبدربه
@@@@@@@@@@@@@@@@
ها ياهلي بطاريكم الونسه
أبعشرتكم الحلوه شريد أنسه
أبيا ديره صرتو ويا نزل هسه
ليش الزمان أعلي علن حربه
@@@@@@@@@@@@@@@@
آنه العليله وكلبي يهواكم
مكسور ضهري وهدني فركاكم
ردو علي وخذوني وياكم
هو اليفارك لوعته أبكلبه
@@@@@@@@@@@@@@@@
عبد الله صار أشكبره ما ادري
شو من أذكره ينلجم نحري
يا بعد روحي ويا بعد عمري
اتمنيته بين إيديه يتربه
@@@@@@@@@@@@@@@@
طبع المريض أهله يسلونه
مو وحده وي مرضه يخلونه
من البجي ما تسكت أعيونه
ما يلكه واحد من هله أبكربه
@@@@@@@@@@@@@@@@
المثلي ما تنعاف وحدهه
تعبانه روحي الله يساعدهه
المثلي أبوها أهواي يفكدهه
وما بين أديه ولطافه تتربه
@@@@@@@@@@@@@@@@
حسين باهض الحلفي

يا بو فاضل-- محد يسد خلتك
يابو فاضل-- لا تموت مروتك
محتاجك يا هيبة عمري
بطيحة جفك تكسر ضهري
@@@@@@@@@@@@@@@@
يا اخوي ويا صديقي وكل شي بيه
حزام ضهري وهيبتي ومعنه الخويه
الماي فدوه الغيرتك يا عم رقية
انه وجروح الخيام
أنصيح عباس السلام
عالشريعه لا تنام--عيونك
المثلك أيكض ضهر أخوه
الماله اخو يستوحدوه
الكافل وشمرة أبوه--يدرونك
يا عضيدي--وحارسي ودرعي الحصين
يا عضيدي--ويا أخو كلبي الحنين
ودعتك والحسره بصدري
بطيحة جفك تكسر ضهري
@@@@@@@@@@@@@@@@
تنتضر ضهري يخويه اشكد خناجر
وسهم عينك للخيم يكسر خواطر
بعد ساعه اتلكه بضلوعي الحوافر
كلشي من بعدك يموت
الخيل لخيامك تفوت
تصيح بس بليه صوت--،أعضيدي
وانه تسحك فوكي خيل
ما تخلي بروحي حيل
أومي لخيامي وأميل--بأيدي
تكضي روحي--بكثر ما دمي يسيل
تكضي روحي--بطعنه وبحافر ثكيل
شيسد أمجانك يا ذخري
بطيحة جفك تكسر ضهري
@@@@@@@@@@@@@@@@
الهوه وعيونك سوه بنفس المكانه
الموت وفراكك يخويه بفرد خانه
الاخو ياهو يعوضه ويسد مجانه
يا احن وترف اخو
والذي يعوضك منو
يا ذخيره امن الابو--الروحي
ترست الطف صيحتي
راح اخوي وتجوتي
الشامت يحب عثرتي--وجروحي
طيحه طيحه--جدمي ما وصلني ليك
طيحه طيحه--بيا وكت اعثر بديك
وتلكيت الكاع بصدري
بطيحة جفك تكسر ضهري
@@@@@@@@@@@@@@@@
وصلت يمك يا عضيدي وكلي حسره
أخ يا دهري كسرني شلون كسره
يا حزامي حسين اخوك انكسر ضهره
اخ يا ماي النهر
خذت من عندي الكمر
ارجع بكسرة ضهر--لخيامي
ضحكو اكبالي ودرت
وجهي الك وتحسرت
خويه والله اتحيرت--يحزامي
الخيمه طاحت--والمضيف ابلا عمود
الخيمه طاحت--شكل زينب من اعود
خوان وما انصف دهري
بطيحة جفك تكسر ضهري
@@@@@@@@@@@@@@@@
راح ارد الخيمتي ودمك بديه
وراح اكسر خاطر ابنيتي رقيه
امن اوصللهن كلهن يدورن عليه
يمهن اتبده دمع
وحسرتي اتهد الضلع
اويه الكمر ما ننجمع--يبناتي
مات شيال العلم
ونكسر ضهر الخيم
جفيل ما ضل للحرم--وخواتي
هيه صعبه--من اكول حزامي طاح
هيه صعبه--لجن العباس راح
ماكو اصعب من همي وكسري
بطيحة جفك تكسر ضهري
@@@@@@@@@@@@@@@@
حسين باهض الحلفي

لمن نشغ عبد الله من سهمه
حسيت بي فز ونطق جلمه
كلبي يكلي صاح يا يمه
يمه يمه يمه
@@@@@@@@@@@@@@@@
اوكفت وركد حيلي وطحت
ها يمه عبد الله صحت
رجليه ما شالني
طعم السهم برياكي مر
والجبدتي وكلبي فطر
وعيوني طاحن مني
عبد الله يوليدي-رف كلبي ووريدي-
أتخيلك بيدي--يمه
ما جنهه بس لحضه-كلبي وكف نبضه-
يالركبتك فضه-يمه
راسك تخيلته بحضن كلبي-
وبنبضي الوليلك وأحس تعبي-
ما أدري أضل الجيتك أربي-يمه
@@@@@@@@@@@@@@@@
أمن البارحه تلوج وتون
وماكو اعله كد حزنك حضن
أنشفت وتغير لونك-
هو العطش من ينفرض
إيثكل شكو بكلبك نبض
ويبدي ماي اعيونك-
يا مرهم الجرحي-يا رطبة البرحي-
يا فرحتي وصبحي-يمه
جان الحلم جلمه-أتناديني يا يمه-
مو ترجع أمدمه-يمه
أبحضن الحسين وحرمله إيغدرك-
أبحضن الحسين وما سلم نحرك-
المن أنطيك وينحفض عمرك-يمه
@@@@@@@@@@@@@@@@
إذا المؤؤدة سألت
بأيي ذنب قتلت
روحك يبعد امك-
يا نسمة الله الناعمه
يا ورده يبسهه الضمه
والسهم يشتمك-
رغم البجي فشله-وللحرمه ما يحله-
كسرتني النبله-يمه
البالخيمه لامني-ناديت عذرني-
جا هو مو أبني-يمه
يا نية الورده النده مسافر-
وضعك او وضعي يكسر الخاطر-
يم الله يبني نلتقي باجر-يمه
@@@@@@@@@@@@@@@@
أتأخر حسين وما رجع
نحروك لو نحره انكطع
لا ما يطمأن وضعي-
بس ردلي حت لو منذبح
آخر حضن منك يصح
وروي ضماك أبدمعي-
ضني يرحمونك-وميه ينطونك-
أتفقو يذبحونك-يمه
يالركبتك ترفه-ومفطر الشفه-
وسفه والف وسفه-يمه
رقة ركبتك رقة الورده-
والسهم يجوي أتلث شعب عنده-
ويه ركبتك حرمله أشعنده-يمه
@@@@@@@@@@@@@@@@
جابك حسين وكلبي حس
مكطوع نحرك والنفس
أتلكيته دمعه ولوعه-
نازف الحد ما يبست
شلتك بديه وأيست
لن ركبتك مكطوعه-
أتكطع احس جبدي-بيه الحزن يحدي-
بس هالولد عندي-يمه
أشكد انحبت يمك-أكعد يبعد أمك-
متخضب أبدمك-يمه
جلمة اليمه بركبتك ميته
ما أحبهه منك يولدي السكته
ياريت نحري النبله ذبحته-يمه
@@@@@@@@@@@@@@@@
من الله لا ينطي السهم
بجه الخيم واهل الخيم
وموت الشوف أبعيني-
فلش شكو بكلبي نبض
هد حيلي وشبكت الارض
كصرت ييمه أسنيني-
دفنوك وي سهمك-ما غسلو دمك-
ريت أنذبح يمك-يمه
مذبوحه مسبيه-وضلوعي محنيه-
يا كسرة البيه-يمه
مسبيه يمه وروحي خلصانه
وعيوني مثل أشفاك ذبلانه
تعبانه حد الموت تعبانه-يمه
@@@@@@@@@@@@@@@@
حسين باهض الحلفي

طبع الجنازه تريد شياله
مو بالحصير وأجمع أوصاله
ميت والخيل امطشراته
والدم مخضب شيباته
@@@@@@@@@@@@@@@
من جفي خذتني الآخ وكفتني عل مصابك
ودلتني جسم متعوب وزيح ابجفي اترابك
والشايل كلب جناز يجري ادموعه لغيابك
أو يحيلي أتكوه بجروحك ذوله العثره احبابك

خيل المطشره الحيد عميه وثجيله"
اوحافر يروك أعليه وحافر يشيله"

من كثر ما بالخيل مديوسه
أتراب ورمل وحجار متروسه

وبصدره انسحكن حسراته
ميت والخيل امطشراته
@@@@@@@@@@@@@@@
لكيتك دمعه فوك الكاع من الكاع شيلمك
شلت منك بقايه جروح منثورات عن جسمك
الخناجر خذت منك شوط الحوافر شاركه بدمك
على عرض الارض مسحوك مسلب عضمك وهدمك

يم جثتك أتبديت ماي وشبك ماي"
محتار ألمك بيش متطشر أهواي"

بس الجروح العرضن أعليه
عديتهن ألف وتسعميه

ما سلمت حته أهديماته
ميت والخيل مطشراته
@@@@@@@@@@@@@@@
النعمه التنسحك تنشال ضامي ومنذبح خلوك
اوگد شضرت الخاتم طبرو جسمك وداسوك
هذاكه المنشمر جفك سلبو خنصره السلبوك
طايح منذبح والناس ضحكه ابضحكه من عبروك

ملح الترب وحجار بجروحه فاتن
وسهام صدره اهواي وبصدره باتن

جروحك ابيات التعب بيهن
حر الشمس وتراب غاطيهن

والحافر توجع سحگاته
ميت والخيل امطشراته
@@@@@@@@@@@@@@@
لا صح غسل لا تجفين يالمتبدي ماي أبر
اطلع بالسهام وجان ابفية كل ضلع خنجر
الحوافر غفن بيك أوكوف لحد ما صدرك أتوذر
الرمل ماخذ مكان الراس سافي ودافن المنحر

لا اهل لا خوان لا في عشيرة
يا بويه والتابوت وصلة حصيره

رغم الجنازة أزغيرة وشويه
بس الدفنهه حيل ما بيه

يا لوعة كلبي وآهاته
ميت والخيل مطشراته
@@@@@@@@@@@@@@@
أشيلن والدمع يجزي جفي الجسمك الشاحب
تفج كلبي حوافر خيل عضمه من الصدر ناهب
واثار السحك خسفه بجسمه الحافر شلاعب
وذباحه السلب عمره هدمه من الجسم سالب

عشك الله فوك الكاع غطاء التراب
وطفاله كله اتدور وخيامه عطاب

ينكسر كلبه اليدفن ابروحه
ايهيل التراب ايغطي بجروحه

والفاكد تلجم وناته
ميت والخيل مطشراته
@@@@@@@@@@@@@@@
من وسط النحر صوتك طلع وتحيرت بمري
جسد عبد الله دفنه اوياي وحط صدره على صدري
هم مثلي أنذبح عطشان ونحره يشابه النحري

أدفنتهم ورجعت مكسور محني من الهضم ضهري

اتلكتني عمتي تصيح يا كرة العين
انه ادري جيتك هاي من دفن الحسين

بس كون كبره بماي رشيته
كلهه بحصيرة أوصال لميته
تنزف ما تكطع طعناته
والدم مخضب شيباته
@@@@@@@@@@@@@@@

حسين جابر السكيني
حسين باهض الحلفي

كتابة القصيدة مشترك

تطلع حرمكم بين الارجال
والسوط طيح جلد الاطفال
تكسر الخاطر ذلة الحال
هضيمه هضيمه
@@@@@@@@@@@@@@@@
طلعنه وكل شبر-مشيناه بدهر
أنكسرنه ابلا علم-مثل كسرة ضهر
على أجساد الاهل-شبحناه النضر
شنصد والمشرعه-خذت راس الكمر
نمشي بضعن حاديه ذباح
يضرب بناتي يله يرتاح
شمر بضعنكم حمل وشال
هضيمه هضيمه
@@@@@@@@@@@@@@@@
عمت عين الوكت-اخذ وين النفل
اخذ جف الكمر-وترك بيدي الحبل
صعدت أبلا نضر-عله ضهور الهزل
وشفت رأس الرمح-عليه رأس الطفل
كلشي أنتهه والناس مو ناس
يعيش الشمر ويموت عباس
اجبيره الحجايه وصعبه تنكال
هضيمه هضيمه
@@@@@@@@@@@@@@@@
أنتهه الطف وبده-درب كله سبي
السياط الما ترد-نشاكفها أبعبي
أبو فاضل بجه-أعله رمحه ويصطبي
صحتله أبشاربك-عباتي ومعصبي
بروس العوالي روس الحيود
متكشرات أجباه وخدود
إيميل الرمح لو محملي مال
هضيمه هضيمه
@@@@@@@@@@@@@@@@
هضمني حرمله-يروحي اتحملي
يصد صوب الكمر-ويعت بمحملي
يكلي كافلج -الأخذ هيبة علي
يزينب عايني-السهم البعينه ألي
شتدور بعد الدنيه ختدور
أكطعت بسهامي أجبود ونحور
آنه الطفيت أعيون كفال
هضيمه هضيمه
@@@@@@@@@@@@@@@@
سليبه مجتفه يحز بيدي الحبل
صعب وخت الكمر تدور اعله الهزل
أدنك مستحه وموت امن أنسال
يزينب كافلج الكمر ميت عدل
شبيهه العبايه ألوان ولوان
أرماد خيمه وعطر دخان
خان الدهر يا زينب ومال
هضيمه هضيمه
@@@@@@@@@@@@@@@@

حسين باهض الحلفي

أوليدي - طيح أعله كيفك - صلبه كاع الغاضريه"
أوليدي - أتجه أعله سيفك - مات حيل أمتوني بيه"
صوتك يبويه لمن أسمعته
من يا مكان الصوت تيهته
أوليدي
………….
يالربيتك بين اضلوعي - وسكيتك من ماي أدموعي - حد ما غصنك خضر عوده"

أعليك حسين أمن إيسألونه - إيكلوله الرمان أشلونه - عن اليحسد غطي أخدوده"

كبرت وأنه أكبر يبني ياتجوه-
شلون أتموت كبلي أيامك الحلوه-

بويه - يافي خواتك - أمنين أجتني هالمصيبه"
بويه - أشسويت بيه - يا أبن كلبي وحبيبه"
مو أنته التفاركني مو أنته
من يا مكان الصوت تيهته
أوليدي
……………
توكف طول أبطول أبصفي - أتدنك راسك وتحب جفي - بيك أحجايه وتخجل تحجي"
متغير شكلك والوانك - كتلك أحجي أتمد السانك - أمدنك بس أعيونك تبجي"

جبت ألساني خليته على شفتك-
نزيت ورجعت أبلا وعي شفتك-

حالي - من حالك اكثر - والعطش فلشلي كلبي"
حالي - الماي التريده - أمنين أجيبنه يتعبي"
ماي النهر لو بيدي جا جبته
من يا مكان الصوت تيهته
أوليدي
………………
ودعني أبريته المختنكه - وجوه أضلوعي أبهاي الشبكه - وضل يعثر كلبي أبنبضاته"

راح وجان الجيش شكثره - أوليدي أوحيد أواحد نحره - والواحد تكثر طعناته"

ورده وجان شوك أرماحهم يابس-
حربهم مال وليه يكسر الواهس-

مجروح - مال اعله مهره - إيمينه هدلت طاح سيفه"
مجروح - الفارس يجيله - متونس إيطكه أعله كيفه"
جا جم رمح طبو أبخاصرته
من يا مكان الصوت تيهته
أوليدي
…………………
صاح وصحت أوليدي أدخيلك - خل أوصل لا يضعف حيلك - موت أبحضني وأرحم حالي"
أطلعت أمن الخيمه أبلا فكره - عاليمنه أركض لو عاليسره - منا منا طاح الغالي"

أطلعت عكس أتجاه الصوت وتعثر-
ورقيه أتكلي منا طايح الأكبر-

وينك - سمعني صوتك. - خليني أسمعه"
وينك - بس أسمع الخيل - وطكات ضلعه"
لو ما الخيل أوليدي ما شفته
من يا مكان الصوت تيهته
أوليدي
………………
أوصلته أبأخر نبضه الكيته - لا أوصافه أولا عافيته - ملتم ويمسح بجروحه"

ينزف راسه وينزف نحره - طعنه أبضهره وطعنه أبصدره - أبفية أضلوعه حابس روحه"

دنك شفته طاحت وصله من راسه-
يلوح أمن الطبر والدوس بنفاسه-

أمكطعيه - ياوسفه جسمه - أمن أطراف اصابيعه الوريده-
أمكطعيه - هم الشبكتي - شال أيده أبني وطاحت أيده-
كتله الكلب من عندي كطعته
من يا مكان الصوت تيهته
أوليدي
………………
وأكثر موقف أثر بيه - من وصاني أبأخته ارقيه - أشكد إيحبهه وهيه تحبه"

وحسيت أبفد شي إيوجعه - عاينته ولن رمح أبضلعه - ثاري مجلب بي نص كلبه"

حلكي أبحلكه خليته وشهك شهكه-
أمكطع جسمه كلت أوليدي ماشبكه-

أحملته - وصله أعله وصله - أمطشر وحيرتي حيره"
أحملته - بس والله كوه - رغم ما جثته زغيره"
من التراب أوصال جمعته
من يا مكان الصوت تيهته
أوليدي
…………….

حسين باهض الحلفي

طفله وماعشت أيامي -
وماتت بعيوني أحلامي
يانبضة كلبي أو ياروحي المن غصباً فاركته"
مايلتم عمري البفراكك بغيابك طشرته"
……………..
رايح وين - بويه حسين - حاجي أبنيتك يالب الحشه"
آه أبأه - واويلاه - خلاني ابضيمي وخله أومشه"

هيج إيصير- أتعوفوني
وبهالدار- تخلوني

يالماخذ كلشي أوياك - حته البيت - حته الهوه
مكسورة خاطر جيت - وترجيت - كلبي أنجوه-

ماتسوه الدنيه أبدونك -
من فدوه النور عيونك
أتأسف لوعه وحركه وأبجي أبسكته
مايلتم عمري البفراكك بغيابك طشرته
……………….
أهواي افراك - والمشتاك - مكسور ويبجي الدمعه أبألم"
لا ترحون - وتبعدون - كل خطوه التبعد ترجع سهم"

سفرة أه -أبلا رجعه
والمشتاك -إيطك ضلعه

يالتارس خلك البيت - راحة بال - شيعوضك"
اتموت أورود البستان - الحنه أتموت - تتوسلك"

حته الحيطان اتفكدك -
ياهو اليتحمل بعدك
شيسد أمكانك يا بابا اويا مكبر فيته
مايلتم عمري البفراكك بغيابك طشرته
…………………
الدنيا أتريد - كلبي أوحيد - وانه أبعله وحانيني المرض"
هجرك حان - كالأذان - كوه أعله جروحي وروحي أنفرض"

أخ الليل- يتعبني
والعبرات- تخنكني

شيهود جرح الليل - ونته إبعيد - أه السهر"
أفراكك يا بابا أثكيل - إيهد الحيل - ويحني الضهر"

تذبل عين الما تغفه -
ويروح الشوف وتطفه
بفراكك حالي إيصبح مذبوحه بسكته
مايتلك عمري البفراكك بغيابك طشرته
………………….
كلشي إيهون - كلشي إيطيب - ياكسرة ضهري الما تنجبر"
عمري إيضيع - روحي أتغيب - الله إيساعد كلبي أعله الهجر"

مو عالبال- فركاكم
شلون اتهون- وأنساكم

أبجي اولا واحد كال- شتريدين - من هالبجي"
خجلانه أمسح الدموع - وعله الباب - كوه أنتجي"

مهضومه وعيني أربيه -
أتباوع لتراجي أرقيه
من هاي اللحضه إحسبني أخلاف عيونك ميته
مايلتم عمري البفراكك بغيابك طشرته
………………….
هوه حسين - ضي العين - وشتسوه العين إبدون الضوه"
أفراكك نار - كلبي أحتار - يالماخذ أهلي الطف نينوى"

كلبي يكول- تبعيهم
إبدرب أبعيد- أدريهم

حسراتي الماتنقاس - للماشين - حدر الضلع"
خلو عبدالله أوياي - إيسلي الروح - من نجتمع"

يا بابا أجروحي أتكابر -
أبجي ومكسورة خاطر

مايلتم عمري البفراكك بغيابك طشرته
…………………..
بالدمعات - بالأهات - تالي أتوادعنه أبكطع النفس"
أبحالي أشصار - حيلي إنهار - وموادعهم جن حافر فرس"

أغفه الليل-بالدمعه
والمذبوح-شيرجعه

يمسافر الله اوياك - هجرك هاذ - ماله دوه"
أنه أويه إجروحي أنعيش - ويتانيك طف نينوى"

ينتضرك سيف وحافر -
الله يايوم العاشر
ويتطشر جسمك عالغبره أبكل حافر داسته
مايلتم عمري البفراكك بغيابك طشرته
………………..

حسين باهض الحلفي

العليلة ع ترى أباها في الرؤيا بكربلاء

أجيتك- لكيتك- بلا راس بله ضلوع
بمنامي- وهيامي- بالحلام بالدموع
شلون ألمك
بيش اضمك
بالدموع بالدموع
...............
وسادتك جف بي نقص خنصر
فوك خدك منه دم يكطر
الرمل حار الشمس ماتعذر
عالترايب وذر متوذر
يبابه- الترابه- تجويك تأذيك
حبيبي- قريبي- أحن ليك واحاجيك
ارد اكلمك
بيش اضمك
بالدموع بالدموع
.................
شلون طيحه امن المهر طايح
ماهو خدك بالحجر رايح
الحافر ابصدرك حفر فاتح
حسين بالدم لو ترب سابح
تسلب- تخضب- الجسد اه تطشر
اعله ضلعك- يدرعك- بالخيول تكسر
شكد يألمك
بيش اضمك
بالدموع بالدموع
..................
حسين ملتم صاير شويه
ضلوع صدرك ليش ماهيه
طحت يمك بيه مابيه
شأرد الم يتعبن ايديه
انضرك- اعله ضهرك- بله ثياب يمذبوح
زغيره- وكسيره- احن ليك بلا روح
ابجي يمك
بيش اضمك
بالدموع بالدموع
.................
دورت عن راسك ألكيته
فوك نحرك جبته خليته
ماسمعني شكثر حاجيته
توسليته وبسته بلحيته
غربتك- ذبحتك- بالاحلام شفتها
المدينه- حزينه- تره اعليك عفتها
ما أهمك
بيش اضمك
بالدموع بالدموع
..................
الخيل ما ألها انكسر خاطر
ترف صدرك يكره الحافر
اعليك ساحك وشكثر عاثر
جم ضلع من الصدر طافر
شتطلبك- تسحكك- يمكسور الخواطر
تكسر- تطشر- بالضلوع الحوافر
ويجري دمك
بيش اضمك
بالدموع بالدموع
..................
السهم ماخذ كلبك وطالع
الحجر نص من جبهتك شالع
شكثر رفسات الصدر شابع
حسين صاير للسحك شارع
حريمه- ضليمه- يموتون النحبهم
نعاني- شنتاني- اذه الموت اخذهم
اه يسهمك
بيش اضمك
بالدموع بالدموع
....................

كلمات حسين باهض الحلفي

مالت يمنتك والسيف هدل
ومن كثر التعب لونك تبدل
الجسد --جريح
العطش--تصيح

@@@@@@@@@@@@@@@@
أخيامك ما سلم بيهه
حته اليرضع بمهده
اليدخل كون للميدان
أحزام امن الزلم عنده
رحت ونته بطرك روحك
وعفت اخيامك بشده
رقيه اتكلي جيش اهواي
وأبويه طالع الوحده
راح ويلتفت يا عمه شفته
مايل عالفرس وتهل دمعته
يضيك--الفسيح
العطش--تصيح
@@@@@@@@@@@@@@@@
لكيت الناس مو ناسك
مصطفه الكطع نحرك
يحسين الخيول تريد
تاكل من ضلع صدرك
لكيت السهم متلهف
يطلع من خرز ضهرك
الخناجر مو طعن تطعن
غشيمه وصارت أتطبرك
تلكيت الحجارة براس عالي
جبهتك هدف للرامي تلالي
للارض--تطيح
العطش--تصيح
@@@@@@@@@@@@@@@@
ملت فوك الفرس ميله
كسرت خاطر الزهرة
تجولك رمح مكسور
طحت صدرك شبك صدره
يرامونك اشكد أحجار
ونته حسين مو شجره
تأزم موقف خيامك
ابناتك ترسن الصحره
بقه عن الذبح مقياس خنجر
صرت للخيل والخياله معبر
ردت--تستريح
العطش--تصيح
@@@@@@@@@@@@@@@@
برهاوه يطكك ويمشي
أمكيف حيل ما عندك
أعله وجهك طكك بسيفه
طيح وصله من خدك
الخيل الجايه تجيبك
الخيل الرايحه تردك
يحسين المثلث حار
اتلث وصل كطع جبدك
تلوج من الالم مصيوب كلبك
اليجيك مسيطر بكيفه يضربك
الدمه--يسيح
العطش--تصيح
@@@@@@@@@@@@@@@@
عجيب السلب المحبس
كطع صبعك لجل محبس
وعجيب اللي كطع راسك
اعله جسمك بالفرس هوس
عجيب اليسلب هدومك
بقميص مشكك اتونس
يوجه الله اعله وجه الكاع
تنشم كون ما تنمس
تهز ركن العرش يمصايب الطف
تشكك ورقه ورقه حسين مصحف
بقيت--ذبيح
العطش--تصيح
@@@@@@@@@@@@@@@@
عثره ابدرب للعميان
ياهو اليعبر يسحكك
الحوافر وكت الملاكه
مشتاكه تجي تشبكك
كلبك بالسهم طالع
من فية خرز ضهرك
الخيل السحكتك يحسين
إذن سحكت على كلبك
بيك انترس بطن الوادي والبر
من هل وضع جلد الكاع كزبر
وخيم--تستبيح
العطش--تصيح
@@@@@@@@@@@@@@@@

حسين باهض الحلفي

يا أصغر جروح الاساره
ياعطر الحسين وسماره
أيامج قليله وكصيره
يسبونج يأجمل أميره
……………
وداع الحب بده - الورد وي النده - المدامع شاهده - على أجروح البعد"
حجه حال الدمع - النبض ضل ينسمع - صدع عضم الظلع - ومرد لب الجبد"

اليموت أول يموت الثاني بفراكه
يسافرله جرح ملجوم عالناكه
الحواس الخمسه كلهه أتصيح مشتاكه
الحنين إيموت إذا طعم الهجر ضاكه

يتعب وداع الغوالي
يهيج جروح الليالي
حيره ولا منهه حيره
يسبونج يأجمل أميره
………………
حجه حسين أبألم - وبجه من بالخيم - الجفن طك ونثلم - بأثر فيض الدمع"
يبابا شكد قهر - يفرقنه الدهر - يكطعولي نحر - ويكسرولي الظلع"

أنه المكطوع نحره وعينه لبناته
أنه الحركو خيامه وسلبو أخواته
أنه الدمه صبغ أطراف شيباته
أنه الماله نصير وكثره طعناته

أطيح أعله ذاري الترابه
وسمعج تصيحيلي بابا
شكوم وضلوعي كسيره
يسبونج يأجمل أميره
…………………
ينسمات العصر - يقرأن الفجر - إذا طيفك يمر - أرش دربك نضر"
يمعشوك الهوه - يفارس نينوى - غرام القل هو - ألك يحله السهر"

يبعد العافيه الماضلت أبدونك
عشت عمري وكبرت الخاطر عيونك
ياتعبي العزيز الما يعرفونك
أكبال أعيوني من ضهرك يذبحونك

أحبك وحك ذكرياتك
يواهس زغيرة بناتك
أبغرامك رقيتك أسيره
يسبونج يأجمل أميره
…………….
تماشين الرمح - وجرح يتبع جرح - المصايب تتضح - أعله خطوات اليسر"
الدرب ما ينحمل - عله أضهور الهزل - يأذيج الحبل - إذا عته الشمر"

يا أترف رقيه أبعالم أحساسي
يا نسمة محنه أتخالط أنفاسي
حنينه بكثر ما سوط الشمر قاسي
يا شيبة بخت ومخضره إبراسي

أبراس الرمح أختم حياتي
أمشي ويماشني بناتي
كلهن زغيره وجبيره
يسبونج يأجمل أميره
………………
ألك فدوه الإذن - وأثر سوط المتن - خلِ يطيح الجفن - فديته الخنصرك"
الرماح أتنشرت - الخيول أتحضرت - السيوف أتكاثرت - أعله كطعة منحرك"

أصد بعيونك وشفت الالم كاسر
جسد مسحوك فوك الكاع متناثر
ضلوعك جن يصيرن لكمه للحافر
وراسك يرتفع فوك الرمح باجر

تتسلب أجروح وملابس
وأصابع معاهن محابس
تلتم وذر فوك الحصيره
سيبونج يأجمل أميره
……………..

حسين باهض الحلفي

يحزام ضهري وبلسم جروحي
يالرايح وماخذ نفس روحي
أمودع يخويه وسهمك إيتاني
عكبك فلا يكطع لحن نوحي
…………….
حيد وأبن بدويه - يمكفل العلويه
ياعم رقيه يالكوي حيلك - تسهل الصعبه أبصعدتك خيلك

الخياله - الرجاله - مو كد املاكاك أولا كد همتك"
يعرفونك - يدرونك - ما تتكلف بيهه وتنزع صايتك"

عشاكها التثكل يبو الغيره - تتونس وما تعرف الحيره
سطراتك إيحسبولهه أهوايه - يابو الجفوف السمره الجبيره
………………..
ياهو اليكابل زودك - الله يسلم أزنودك
يخسه يزير وصحبته وجيشه - يرحون فدوه الشعره بالريشه

لخيالك - لذيالك - انت الشجاع وكلهه يمك صفر
أتبجيهه - وتدحيهه - امن أول عمر عدهم ولأخر شمر

تذبح النيه بكلب راعيهه - والصلفه عينه أتردله تطفيهه
ياسيف حار وهوه بكرابه - أمن أتجرده موت الله حل بيهه
…………………
هد بيهه وخذ الحومه - واليحجي كص بلعومه
بجيهه حد ما تشرك أبزودك - وراويهه بالطك همة أزنودك

خلخلهه - وحلحلهه - وضوكها الحنضل يالمرك ما ينجرع
بديهه - وراويهه - طكات الكرار السمعو بيهن سمع

انته القرار النازل امن الله - أوصيك بيهم هللة الهلله
أذبح الفين الدمعة أرقيه - وذبح الف لكماط عبدالله
………………….
جر النهر من ذانه - أوكله عباس انه
والجربه شمرها عله امتونك - امن ابعيد راح أسهام يرمونك

أتصيدهم - وطردهم - وكشف درب الماي وذل النهر
ودخلهه - أوروحلهه - لجهنم تتنطر جيتهم سقر

بيديك كلشي وفارقه أيديهم - كطع ركبهم ويه رجليهم
ياكمر هاشم وانته زلمتهه - إوداعة اعيونك زلمه مابيهم
………………….
يازلمة الله الهيبه - يابعد هاي الشيبه
تدري بأخيك شنهو يتمنه - سالم يبو الغيره ترد إنه

دعواتي - أبدمعاتي - تدري أفراكك لوعه وبي كسران الضهر
يادرعي - اويا ضلعي - ياحيلي وصمصام إيميني وماي النضر

تكسر خواطر روحتك هايه - أحزامي يطيح ابطيحة الرايه
محروسه زينب وانته كافلهه - لو ما ترد يسبونهه الأيه
…………………
خلص إوداع بسرعه - أتبادلنه دمعه أبدمعه
مثل الهوه شد اعله الكحيله - من عيني ضاع وقلة الحيله

باوعته - وضيعته - مامرتاح وكلبي المتعب ما مطمأن
بنفاسي - بحساسي - وبخاصرتي احس كل طعنه الينطعن

ها يالشجاع التارس اعيوني - هان الكم أوحيدي تخلوني
أبطيحة اجفوفك ياعمد بيتي - يسبون أخياتي ويذبحوني
…………………..

حسين باهض الحلفي

أنه بنت الغالي الما زعلني ولا بجاني"
أنت بنت الغالي الحطني بكلبه وما جافاني"
زلمة كربله--بت شيخ الهله
@@@@@@@@@@@@@@@@
أنه بنت المضيف-والنسل الشريف،-
اليثوب اللبن- ويخلي الرغيف
أنه شمت هوه-أبصحراء نينوه-
أنه شمس الوجود- لليطلب ضوه

وردة"وبالطف أذبلت
وردة-وبالصحراء ضعت
ثلاثه-عمري امن السنين
جنهه-لحضات ومتت

عيني"ما شبعت نضر
روحي-ذوبهه القهر
أجروحي-أبكد عمري وتزود
وعمري-دمعات وسهر

أنه أزغر طفله أبناكه هزيله أبجدمي الحافي"
أنه أزغر طفله السوط بطولي وطك جتافي"
جنت أمدلله-بت شيخ الهله بت شيخ الهله
@@@@@@@@@@@@@@@@
أنه رحمت رحيم-أنه هبت نسيم-
فراشة ورود-ونطية كريم"
مهداه للحسين-من رب حنين-
عله هيئة ملاك-نزلني الأمين"

أحلامي"مجموعة ألم
أيامي-ركضه امن الخيم
حزني-يملي الدنيا آه
وهمي-لا ما مثله هم

أدموعي"راح اتهل دمه
أشفافي-إيفطرها الضمه
السطره-التطفيلي النضر
تشبه-سطرة فاطمه

مكسورة خاطر إطلع من الخيمه أبنار ثيابي"
أركض للحومه أشكد أتعثر ما اندل أحبابي"
تركض بالفله--بت شيخ الهله-بت شيخ الهله
@@@@@@@@@@@@@@@@
ونزلنه الطفوف-شاهدنه الألوف-
ترست كربله-ومشهره السيوف"
المنضر فضيع-جم منحر قطيع-
من نحر الحسين-والنحر الرضيع"

طاحو"ضوه يتبع ضوه
ترسو-صحراء نينوه
وعمتي-طلعت تستغيث
أتحشم-شيال اللوه

كلشي"بالطف ما سلم
فزعو-حركوها الخيم
أطلعنه-والصايح يصيح
سلبو-أشما عند الحرم

كسرة خاطرنه أبكد لوعتنه وهم البينه"
حته اليسلبنه أتهل دموعه ويبجي أعلينه"
صعبه المسأله--بت شيخ الهله-بت شيخ الهله
@@@@@@@@@@@@@@@@
أركضت أبلا شعور-وسط الحومه أدور-
أتعثر وصيح-ما بين النحور"
ما بيهم جريح-يم جسمه أستريح-
الما مات بسهم-مسحوك وذبيح"

وينك"يابابا أنتهض
ضاكت-بعيوني الارض
الخيل-الطبت للخيام
جانت-بضلوعك ترض

سكته"شو محد حجه
حته السلبني بجه
الذبحو-اهله اعله التراب
خنجر بضلوعه أنتجه

ما ضلت خيمه وهاي الصحره تريد اليندل ويدليني"
يا حيرة روحي النار بثوبي السوط بضهري السطره بعيني"
ياهو التسأله-بت شيخ الهله-بت شيخ الهله
@@@@@@@@@@@@@@@@
ولكيتك طريح-بالمصرع ذبيح
متوسد التراب-وثوبك مستبيح"
مغطيك التراب-طعناتك عذاب
عاري أبليه راس-مسلوب الثياب"

جفك" مبتور الصبع
راسك-منك منكطع
نازف-حد ما يبست
الحافر-نابت بالضلع

أمشاكف"حد كسرت أديك
العسكر-أشكد ساحك عليك
كلبك-طالع من كفاك
المثلث-جا شمسوي بيك

أمطشرينك طعنه وطبره وحافر يتبع حافر"
يا وجه الله الخيل اتدوسك مو معقوله بيوم العاشر"
يفجع مقتله--بت شيخ الهله-بت شيخ الهله
@@@@@@@@@@@@@@@@
عله جسمك هويت-ولجروحك بجيت
كتلك بابا كوم-لا كمت وحجيت"
لا راس وتشوف-محتركه الجفوف
أبناتك يالحنين-هامن بالطفوف"

زينب" هامت بالفله-
أسكينه-يطكها حرمله
العسكر-من طب للخيام
أبناتك-ترسن كربله

أخواتك"يحتاجن أخو
أبناتك-يحتاجن أبو
جابو-يا بابا الهزل
اليحدي-بعيالك عدو

هاي أخر نضره وآخر ملكه ومن يمك راح يجروني"
الموت امن افراكك والله أشوالي وليبعدوني"
تصعد هازله--بت شيخ الهله-بت شيخ الهله
@@@@@@@@@@@@@@@@

حسين باهض الحلفي

بعد التصحيح

حياطين أربعه وباب-هذا البقالي
ياهو اليترس العين-بعد الغوالي
أحبابي الجفوني
شو جنهم نسوني--يدنيه
@@@@@@@@@@@@@@@@
يا دنيه والله الغربه مره-الفارك هله شله بحياته"
الما عنده أبو بالروح شله-الفارك هله تموت أمنياته"

تذبني الليالي ليله اعله ليله
جنت أوياكم أهون صرت كلش عليله
الهجر للحيله مهدوم يكطع دليله

تمر أعليه الايام-طعنة خناجر
طحني أفراككم حيل-طحن الحوافر
أهلي الفاركوني
شو جنهم نسوني--يدنيه
@@@@@@@@@@@@@@@@
أكعد أبنص البيت وبجي-وبهدوم ابوي حسين أشمن"
أغفه وعطرهن بيه يغفه-ياروحي المن ضاله ألمن"

دموعي أتبلل الكاع ودنك هضيمه
وكولن ما يردون وسفه وحريمه
رقيه أبيا ذره تبات أضن ماعدهه خيمه

وحشه وصفنت الدار-تهيج جروحي"
وكض كلبي وون حيل-وحجي اويه روحي"
وتدمع عيوني
شو جنهم نسوني--يدنيه
@@@@@@@@@@@@@@@@
ومره المهد عبد الله أهزه-وتخيل إيناغيلي صوته"
وسط المهد محلول الكماط-مثل السهم يرسملي موته"

دللول يخويه الزغيرون دللول
عدوك ي يريته عليل وساكن الجول
يمدلول الحسين يذبحوك يمدلول

كلبي يكلي عطشان-والنبله نصيبك"
أبنحرك بيد الحسين-ذباحك يصيبك"
أبذبحك يذبحوني
شو جنهم نسوني--يدنيه
@@@@@@@@@@@@@@@@
مزروعه يم الباب ورده-لكنهه ذبلت من جفاكم"
لا طارش اليلفيني منكم-ولا بيه حيل إطلع وراكم"

كتلني أنتضاري وخبركم تأخر
وعدتوني فتره ويجي ياخذني الاكبر
ونه كلبي يكلي علي جسمه توذر

يشوف الاكبر حسين-أهناك الله يعينه"
أوصاله تترس الكاع-ويشاهده أبعينه"
أهواي إيعذبوني
شو جنهم نسوني--يدنيه
@@@@@@@@@@@@@@@@
مشتاكه للعباس عمي-بعباس الله يعضم إجرك
إيطيح وعليه أتطيح كلك-تنكسر مو ينكسر ضهرك

عثرت أبيساره ومشيت وعثرت بيمنته
أوصلت يمه ولكيته السهم شارب جربته
وكعت اعله جثته وبجيت وشبكته

حكك تبجي وتصيح-لا محد يلومك"
الصوب عين عباس-سلبهن أهدومك"
وتصيح السلبوني
شو جنهم نسوني--يدنيه
@@@@@@@@@@@@@@@@
أيس يكلبي ما يردون-هالضل أبوي حسين وحده"
إينام المثلث بين الضلوع-أتسحكه الحوافر روحه رده"

الحجر جن أشوفه أبجبهتك يضربك
يكص خنصر إيدك اللئيم اليسلبك
خيول أعوجيه تدوس أعله كلبك

أتعور عثرة الخيل-سحكه اعله سحكه"
الحافر جنه مشتاك-صدرك يشبكه"
الراحو ما يجوني
شو جنهم نسوني--يدنيه
@@@@@@@@@@@@@@@@
حسين باهض الحلفي

حميده بنت مسلم ع

غريبه-يا شمس الضهاري
غريبه-ودور بالصحاري--غريبه
ضيعت أخوان أثنين
ماتو مدري متيهين--غريبه
@@@@@@@@@@@@@@@@
من ذبحو زلمنه-وحتركت خيمنه
سحكنه اعله الجمر يا وسفه والعسكر سحكنه"
لزمت أختي أمن أديهه-الحافر مر عليهه
فرينه وخيمنه أحتركت وإحنه أحتركنه"

ماتت بين إدي أختي-وصحت يهلي العذر منكم
بتكم فرهدتهه الخيل-ونتم هاي عازتكم
زغيره وترفه والحافر-شمسوي بعزيزتكم
أجرن والخيول أتجر-لما صارت وصل بتكم

زغيره-من ماتت خطيه
زغيره-وأخذتهه المنيه--زغيره
ما توصل خمس أسنين
--ماتو مدري متيهين-غريبه
@@@@@@@@@@@@@@@@
طلعنه امن المخيم-أشما طشرونه نلتم
وترد الخيل ونطش اعله عرض الغاضريه"
زينب تحمي بيه-وتشكف عن رقيه
وتصيح السكنه ياعمه تعي رجعي عليه"

نركض والسياط تدور-علينه وتلحك اليعثر
ومن دم المتون الطاح-يهلنه اترسنه كاع البر
ما نكدر نصيح حسين-نصيح حسين ما نكدر
تلمنه الخيل يا وسفه-ويطشنه صايح العسكر

عطاشه-وتعبنه وكعدنه
عطاشه-بس الدمعه عدنه--عطاشه
بني هاشم راحو وين
ماتو مدري متيهين-غريبه
@@@@@@@@@@@@@@@@
أفكدت بالطف أخوتي-وصحت بعالي صوتي
ياهو الشاف أخياني ويدليني بأثرهم"
نحيله وحيلي خاوي-وأحشم بالعلاوي
كومن خلي ننشد بلكي نسمع عن خبرهم"

رقيه أبكتر أبوها تصيح-وسكنه أتدور أعليهه
وزينب تنده العباس-تحاجيه ما يحاجيهه
ورمله تصيح يا جسام-حنتك وين أوديهه
ليله يم علي الاكبر-تلم أوصاله بيديهه

مصيبه-كلمن ين ولدهه
مصيبه-والأصعب والأدهه--مصيبه
الكل يصيح حسين
ماتو مدري متيهين-غريبه

@@@@@@@@@@@@@@@@
ترست الطف أصيحن-اكوم ومره أطيحن
أخوان أثنين الي بالغاره وادي الطف أخذهم"
أنذبحو بالبواتر-أنسحكو بالحوافر
ما أدري بأسر مدري العطش والحر ذبحهم"

لا حس لا خبر منهم-شدور وآنه ما بيه
من كثر الركض بالبر-ميت حيل رجليه
آنه أنشد عله أخواني-وزينب تنشد أعليه
وتايه يسأل أبتايه-هيج الضعن تاليه

هضيمه-الشمر يفتر علينه
هضيمه-ويربط بدينه--هضيمه
والسكنو وسط العين
ماتو مدري متيهين--غريبه
@@@@@@@@@@@@@@@@
يا رب البرايا-وعلام المنايا
عندك أمنتهم يا ألآهي أمن المخاطر"
فرو من رعبهم-ذابحهم عطشهم
واحدهم يلوذ بكتر إخيه وخايف اتدوسه الحوافر

الضعن للكوفه راح إيسير-وبده فرض السبي دوره
ألتفت وخواني أعوفنهم-وآنه بهاي مجبوره
إنكسرنه بطيحة العباس-ومشينه برايه مكسوره
وعفنه اعله التراب إجساد-ابلايه أثياب منحوره

وخوتي-ما ادري بخبرهم
وخوتي-بالكوفه أنتضرهم-أخوتي
ملكاهم بلكي إيحين
ماتو مدري متيهين-غريبه
@@@@@@@@@@@@@@@@
حسين باهض الحلفي

القصيده للسيد باهض الموسوي

يالفوك الرمح مثل الكمر طافي
حسين فتح عيونك لشوكت غافي
بيسر محد رحمنه
نسولفلك المنه
*
من تكربت لحسين احس حيلي نهدم يمه
لمن عاينت لراس سولفلي وشرح همه
لتفت عالخيم شاف اطفال من بعيد ملتمه
هذا يصيح يا بابا وذاك يصيح ياعمه
واحد يركض واحد يسلبونه
واحد مات من كد مايسحكونه

شكثر خويه نهضمنه --- نسولفلك المنه
*
عفت الخيمه خويه ارماد واطفالك خذاها البر
اجيتك لكن بيا حال حسره وعبره تتكسر
شراويك الصياط ثكال وانته عالرمح منحر
جبتهه من الخيم شوغات لوعه وجدم يتعثر
ولوني ودمعتي من الهضم سالت
وعباتي من المصايب كصرت ومالت

خيمه وماتلمنه --- نسولفلك المنه
*
اطفال من الخيم طلعت بجمر الخيم مجويه
وانه صوط الشمر يحسين ضل طابع عاليديه
يمرد كلبي من يكول زينب طلعي مسبيه
وكت خلاني يبن امي الخلك تتفرج عليه
عالناكه الهزيله يصعدوني
ومن الهضم اطحن يخلوني

نولينه ونهضمنه --- نسولفلك المنه
*
احشم وانته بس الراس ها يحسين ماتسمع
كلبي من المصايب ذاب حرمه ومتني يتكطع
كلهه تصيح زينب هاي مجتوفه بحبل تطلع
سبيه ولشماته عيون صلفه وبصخر تطبع
الم بروحي كوه عالهزيله
تنزف بدمه متون العقيله

ضعنه وضاع اسمنه --- نسولفلك المنه
*
سبيات وبدينه احبال ودروب السبي طويله
زحمه الحرمه فوك النوك بيهه تبين الميله
ردت واحد يكلي شبيج زينب حته اشكيله
انه اخت الكمر عباس العاكد اخته بالشيله
نكسر ظهري يخويه الناكه عرجه
وصرت لعيونهم ياخويه فرجه

ولا واحد رحمنه --- نسولفلك المنه
*
✍️باهض الموسوي

مشتاكه روحي للمجالس
شوك الشواطي للنوارس
وبروحي حنين"
عايش محرم أبجروحي
وداعة رقية مشتاكه روحي
ومنتضره يحين"
@@@@@@@@@@@@@@@@
انتضرك وكلي اشتياق-
طعم الهجر لا ما يطاق-
لذة محرم بالعراق-
تختلف-ما تنوصف
شوكي وحنيني للعزاء-
يوضحه الجزع ويه البكاء-
محبوبي مسلوب الرداء-
شرد أون-شرد أحن
والمنذبح من الكفه
وسهمه بوسط كلبه غفه
حته الضوه ابعينه أنطفه
وجبده أنفطر-
شرد أبجي شرد الطم شون
وشيعوض الهم والحزن
يطيح الدمع ويه الجفن
ويعمه النضر-
عيني الطريقك يامحرم
أبكلبي احسن نار المخيم
صارلهه سنين"
عايش محرم أبجروحي
أوداعة رقيه مشتاكه روحي
ومنتضره يحين"
@@@@@@@@@@@@@@@@
يا نعمة الله الحب جنون-
من غيرك آنه من أكون-
يا موسم أدموع العيون-
واللطم-والهضم
يا كلشي بيه إيحن عليك-
عبدك مضحي بين أديك-
يامن وجودي منك إليك-
ياهوه-يا ضوه
المجويه روحه أبخيمتك
إيعيش ويموت أبخدمتك
محد يعوض نعمتك
من البشر-
يا رحمة الله الواسعه
روحي بدونك ضايعه
أتعيش أبدليلي الفاجعه
كسرة ضهر-
بأول سنيني وروحي تنعه
عايش محرم دمعه دمعه
وكل عمري ونين"
عايش محرم بجروحي
وداعةرقية مشتاكه روحي
ومنتضره يحين"
@@@@@@@@@@@@@@@@
يا اول وآخر وغرام
حبيتك الحد الهيام
شوكي الخدمتك جمرة خيام
أبخاطري-أبضامري-
أخدم وجودك حد الدماء
والما يضحي الكربلاء
ما عنده ذره امن الوفاء
ولا صدك-للعشك-
يا قل هو الحب والدمع
ألطم ورخيلك ضلع
حبك يمكطوع الصبع
بنبضي يدك-
تحله البواجي أبمجلسك
تسري اويه نبضي أتحسسك
الدنيه شذره أبمحبسك
يابو العشك-
لابس سوادي وكلي دمعه-
بالمجلس اعلك روحي شمعه-
وكليبي حزين"
عايش محرم بجروحي
وداعة رقية مشتاكه روحي
ومنتضره يحين"
@@@@@@@@@@@@@@@@
فرض العزاء لمن يحين
أتهيج المواجع والحنين
ترعه المجالس ام البنين
بالدمع-تنفجع-
والزهره تحضر بالدموع
تلطم على كسر الضلوع
لمصاب أبنهه أشكد تلوع
للأبن-أشكد تحن-
ترفع قميصه بالسمه
متخضب أبفيض الدمه
آ يا مصيبة فاطمه
أتذوب الحجر-
فرض العزه لا ينكطع
روو أبني من فيض الدمع
لحد هسه صدره ينسمع
من أنكسر-
الزهره آنه وكلبي دامي
ووليدي مات وجبده ضامي
ولطفاله أنين"
عايش محرم بجروحي
وداعة رقية مشتاكه روحي
ومنتضره يحين"
@@@@@@@@@@@@@@@@
يا عشكي الأول والأخير
كلبي بقفص حبك أسير
يالساكن أضنون الضمير
يا عشك-من صدك-
ما شفتك بشوف العيون
او لا ما خدمتك عالضنون
بالفطرة والقلب الحنون
أتأكدت-وعرفت-
اول نبض بيه بده
بالدم احس حبك حده
يا ورده عطشت والنده
ما أنصفك-
الكضاها وياك أبصدك
يعرف شنو معنه العشك
والكلبه بس يمك يدك
ما خالفك-
يا سر وجود الدنيه انته
عمري بدونك شنهو لذته
بيك انه رهين"
عايش محرم بجروحي
وداعة رقية مشتاكه روحي
ومنتضره يحين"
@@@@@@@@@@@@@@@@
حسين باهض الحلفي

تطلع حرمكم بين الارجال
والسوط طيح جلد الاطفال
تكسر الخاطر ذلة الحال
هضيمه هضيمه
@@@@@@@@@@@@@@@@
طلعنه وكل شبر-مشيناه بدهر
أنكسرنه ابلا علم-مثل كسرة ضهر
على أجساد الاهل-شبحناه النضر
شنصد والمشرعه-خذت راس الكمر
نمشي بضعن حاديه ذباح
يضرب بناتي يله يرتاح
شمر بضعنكم حمل وشال
هضيمه هضيمه
@@@@@@@@@@@@@@@@
عمت عين الوكت-اخذ وين النفل
اخذ جف الكمر-وترك بيدي الحبل
صعدت أبلا نضر-عله ضهور الهزل
وشفت رأس الرمح-عليه رأس الطفل
كلشي أنتهه والناس مو ناس
يعيش الشمر ويموت عباس
اجبيره الحجايه وصعبه تنكال
هضيمه هضيمه
@@@@@@@@@@@@@@@@
أنتهه الطف وبده-درب كله سبي
السياط الما ترد-نشاكفها أبعبي
أبو فاضل بجه-أعله رمحه ويصطبي
صحتله أبشاربك-عباتي ومعصبي
بروس العوالي روس الحيود
متكشرات أجباه وخدود
إيميل الرمح لو محملي مال
هضيمه هضيمه
@@@@@@@@@@@@@@@@
هضمني حرمله-يروحي اتحملي
يصد صوب الكمر-ويعت بمحملي
يكلي كافلج -الأخذ هيبة علي
يزينب عايني-السهم البعينه ألي
شتدور بعد الدنيه ختدور
أكطعت بسهامي أجبود ونحور
آنه الطفيت أعيون كفال
هضيمه هضيمه
@@@@@@@@@@@@@@@@
سليبه مجتفه يحز بيدي الحبل
صعب وخت الكمر تدور اعله الهزل
أدنك مستحه وموت امن أنسال
يزينب كافلج الكمر ميت عدل
شبيهه العبايه ألوان ولوان
أرماد خيمه وعطر دخان
خان الدهر يا زينب ومال
هضيمه هضيمه
@@@@@@@@@@@@@@@@

حسين باهض الحلفي

ليش--تارك الوطن
وين--ماخذ الضعن
حسين--كلبي أنطعن
حسين بويه
@@@@@@@@@@@@@@@@
شايلين-ياحالي
ماخذين--كل غالي
والهجر ناره-وجاره--يا ضيم الهجر
الفارك احبابه-يم بابه--يكضيه العمر
أشما يطول-أفراك المحب
يبقه نار-وسط الكلب
تكسر اللوعه-بضلوعه--وعالهم ينتجي
إيعاشر الحسره-والكسره--ومدمع وبجي

هاي--عملة الزمن
حسين--كلبي أنطعن
حسين بويه
@@@@@@@@@@@@@@@@
الانتضار-ما ينحمل
صعب صار-لم الشمل
عيني تربيهم-وبجيهم--أبكسرة خاطري
من بجي عيوني-شوفوني--وشل ناضري
الرحله وين-يهل الشيم
ياحسين-أبهاي الحرم
يالخذت كلشي-من تمشي--وين ألكه الهوه
يا دوه أجروحي-والروحي-نسمات الهوه

آه-تبتدي المحن
حسين-كلبي أنطعن
حسين بويه
@@@@@@@@@@@@@@@@
والعليل-طيبته هله
والرحيل-الكربله
والدرب عثره-أشكد خطره--الرحله النينوه
كلبي لاجمني-إيخبرني--ما نلتم سوه
كلشي مات-كلشي أنطفه
بالضلوع-سهمك غفه
بويه حاجيني-إيبجيني--أفراكك مو سهل
دمعتي أبعيني-أتأذيني--أمن اتشد بالرحل

ريت-أعيوني أنعمن
حسين-كلبي أنطعن
حسين بويه
@@@@@@@@@@@@@@@@
والوداع-غصة رمح
بالضياع-راح أنذبح
أخذوني وياكم-طرواكم--بلسم للجرح
ياهوه الريه-محنيه--وعليكم ألح
ما يطيب-جرح الفكد
يالحنين-لا تبتعد
هلة الهله-أبعبد الله--ما يحمل شمس
أخذوني أفييله-ألوليله--أناغيله بهمس

أسهام-بخاطري غفن
حسين-كلبي أنطعن
حسين بويه
@@@@@@@@@@@@@@@@
البنات-كلهن مشن
الخوات-يترافكن
ليش جا وآنه-زعلانه--أبقه بحيرتي
بابا ما صدلي-ولا كلي--صعدي أبنيتي
أعله النياك-كلهه أصعدت
أو لا حنين-ليه ألتفت
أرقيه حاجتني-وبجتني--وكلتلي اعتذر
فركتج صعبه-والغربه--أتكصر العمر

ريت-أعيوني أنطفن
حسين-كلبي أنطعن
حسين بويه
@@@@@@@@@@@@@@@@
أمودعين-حان الهجر
إمسافرين-راح أنتضر
بويه رجعولي-أو ودولي--ياخذني علي
لا تخلوني-وبعيوني--دمعاتي أتهلي
ونتهيت-مثل الشمع
أبراسه نار-ويكضي دمع
دمعي كتالي-ويا حالي--يبجيله الصخر
أحبابي هجروني-ويدروني--محنية ضهر

أيام-عمري أنتهن
حسين كلبي أنطعن
حسين بويه
@@@@@@@@@@@@@@@@
حسين باهض الحلفي

مشايه-- ياهله بطرواهم
زواري--اشكد احب ممشاهم
@@@@@@@@@@@@@@@@
يا هله بيكم اشكد اتانيكم من داير سنه
هله بجيتكم-واليعزبكم بالجادر أنه
أبدمعتي-او وكفتي-يالكصدتو كربله
بكل جدم-يالخدم-هله بالزاير هله
احبابي--ورايتي الخفاكه
الجيتكم--مهجتي مشتاكه
عالعاده--صار عام اتناهم--مشايه
@@@@@@@@@@@@@@@
يالتواسوني-لا تجافوني-يحباب الكلب
روحي مجروحه-عيني مشبوحه-وتنضر للدرب
والعلم-من يرف-ينشرح كلبي ويسر
والعدد-اشما كثر-يطيب صدري المنكسر
خطاري--ابدمعتي أمباريكم
وعيوني-- بيهن مخليكم
ايذكروني--شلون جا انساهم--مشايه
@@@@@@@@@@@@@@@@
هله بجيتكم-احب دمعتكم-من دون المله
الزهره تحميكم--وعدهه أساميكم-كلهه مسجله
لليجي-جائزه-اموقعه امن ام الحسن
بالحشر-بجانبي-يسكن بجنة عدن
كل خطوه--حجة الكم عندي
جيتكم--نصره لبني المهدي
المهدي--يفرح ابملكاهم--مشايه
@@@@@@@@@@@@@@@@
عالجهد تؤجر--الشمس والحر--وكل تعب السفر
عدنه مضمونه-ابدمعة عيونه--وقعها الكمر
رايتك-ثورتك-عاليه بعلو النجم
خطوتك-دمعتك-تطفي نيران الخيم
حياكم-- وحيلكم من حيلي
وفيتله-- ابكلشي اليوفيلي
احبابي--بكل سنه تلكاهم--مشايه
@@@@@@@@@@@@@@@@
راشده النيه--هله بهالجيه ابكل نكلة جدم هله بخطاري--هله بزواري--ويا نعم الخدم
والكمر-عالنهر-بيده جوده وينتضر
مبتسم-وكل اسم-منه ابد ما يعتذر
ويكلكم--شربو يا وفايه
يرويكم--الكمر من مايه
عطشانين--والتعب أعياهم--مشايه
@@@@@@@@@@@@@@@@
اتبركو بترابي-الزاير أبابي-أعشك دمعته
حسينكم آنه-الذبحو اخوانه-او ولده وصحبته
من تصب-دمعتك-يعني تجبرلي ضلع
يا هله-ابغيرتك-يا هله أبصب الدمع
دمعتكم-أمسجله ومأجوره
وذنوبكم-أنحطت ومغفوره
عين الله--امن الخطر ترعاهم--مشايه
@@@@@@@@@@@@@@@@
حسين باهض الحلفي