مهيوبه العقيله…..... مهيوبه العقيله
&&&&&&&&&&&&&&&&&&&&&&&&&&&&&&
ياهو گال الحره مذلوله اجت
هاي زينب بالشجاعه توصفت
هاي ماينشاف ضلهه لو مشت
على ذلهه شكد أميه حاولت
رغم رحله الطويله...... مهيوبه العقيله
&&&&&&&&&&&&&&&&&&&&&&&&&&&&&&
هاي بت حيدر و حقها تفتخر
علمت كل النساء اعله الخدر
فضحت ايزيد وزمرته بالقصر
خطبت وجان الوضع كلش خطر
رغم ماهي نحيله…….... مهيوبه العقيله
&&&&&&&&&&&&&&&&&&&&&&&&&&&&&&
عافت بطف كربلاء كل الزلم
واعله اهالي الشام شدت العزم
او بحچيها الكون كلهه والنعم
سور اميه كام يبدي ينهدم
عالناكه الهزيله……. مهيوبه العقيله
&&&&&&&&&&&&&&&&&&&&&&&&&&&&&&
هيبة الحره ابد ما تنوصف
حرمه وحده بس يعدوهه بألف
من حجه وياها النذل صاحتله قف
عليكم اني اليوم اهدم هالسقف
ابحر دمهه وغليله….…... مهيوبه العقييله
&&&&&&&&&&&&&&&&&&&&&&&&&&&&&&
بزود ابو فاضل ابد ماتنولي
هاي بت طه النبي وشمعة علي
مكيده ومافاركت راس الولي
يا ملائكة السماء اتنزلي
للتكفلت العيله………. مهيوبه العقيله
&&&&&&&&&&&&&&&&&&&&&&&&&&&&&&
الى خادم الحسين وخادم اهل البيت (ع)
✍️الشاعر مصطفى النائلي

إجه عاشور خلينه إنتحضّر
لأن ابهالشهر تحضر الكوثر
أو يظل موقفنا ثابت بس للحسين
بغير حسين واحدنا إيتكبر
ومن طبع الخدم عدها تواضع
ابهالخدمه يظل شاهد المنبر
وبهاي الخدامه انوضح اسباب
اليخدم صدگ بالخدمه ايتأثّر
وكون ابهالشهر نبجي ونواسي
حسين وصدره بالحافر تكسّر
وإحنا إخدمته عالعهد باقين
وگلب كلمن يحب بيها تفطر..
✍️كلمات خادمكم : مصطفى النائلي

من زغرنه واحنه نعشگ هل خدامه
نخدم حسين السبط راعي الكرامه
العاف نهچ احسين تايه بالحياة
او ابجهنم يخلد ابيوم القيامه
عهد خطينه بدمانه للحُسين
ناخذ ابثاره او نطالب بالضلامه
من اجلنه حسين ضحه بالحياة
او من نضحي ارواحنه ماهو ندامه
عله امصابه بكل وكت ندمي الصدور
او اللطم بالآخره محله وسامه
✍️كلمات خادمكم: الشاعر مصطفى النائلي

مثل هالخـدمه اتْحَصَلْ ﭼـا گلي ويـن
تلـوگ بس لحسين والله الخِدامه
اليخـدم حسين بصـدگ يلبسله تـاج
عالي شانه ايصير ويـزيد احترامه
حسين رايـد واحـد گليبه نظيف
بي ترافـه وبي محنه وصادگ إبفعـله وكلامه
حسين ثـار اعله الظلم والـذله ثـار
حسين گـص إرگـاب عـدوانه بحـسامه
هـاي عِـبْـرَه وكـون يـاخذها الحليـم
وكـون تتنـاثـر علـه الـذلّـه سهامـه

الدنيه لومه حسين كلي أشبيها
ندري رب الكون ألــــه أمسويها
&&&&&&&&&&&&&&1&&&&&&&&&&&&&&&
لومه حــــب حـــــــسين دنيانه عدم
الأسم أبو الأحــرار صرنه أحنه خدم
كل سنه بعــاشور نرفـعله علـــــــــــم
وربنه خــــــدامه ترى أمعليها
&&&&&&&&&&&&&&2&&&&&&&&&&&&&&&
ونعتقدها الخدمه عز ومفخره
خــــدمة الطاهر وأبن الطاهره
نضل أحنه أوياه دنيه أو آخره
أبكل زمن هالكلمه هم نحچيها
&&&&&&&&&&&&&3&&&&&&&&&&&&&&&&
ابكل زمـــــــن لحسين نكتبله عهـد
احنه شيعه او حاشه نخلف بالوعد
حــــسين دين او صـار هو  المعتقد
شيعته او حگ  يفتخر هم بيها
&&&&&&&&&&&&&4&&&&&&&&&&&&&&&&
شيعته وحــــگ يفتخـر  بهل الوفه
حسين حبه أتعرفه اهـــــل المعرفه
بمجلس حسين أنخلق معنى الشفه
او فاطمه ابهذا العزه ايواسيها
&&&&&&&&&&&&&&5&&&&&&&&&&&&&&&
من نواسيها نحـس عشنه العمر
وما نعوفه ونبقى نلطم عالصدر
حسين علمنه شنو مــعنى النصر
وكل حوائجنه أبنصر يگضيها
&&&&&&&&&&&&&&&&&&&&&&&&&&&&&
الى خادم الحسين وخادم اهل البيت
✍️الشاعر مصطفى النائلي

راح عباس راح عباس راح عباس يزينب راح عباس
&&&&&&&&&&&&1&&&&&&&&&&&&&&
آه يا زينب يخيتي راح عنه الغالي
اعله الشريعه ابو فاضل طاح اشوفه اگبالي
بزوده چان البشر كله ما يشوف اخيالي

راح عباس راح عباس راح عباس يزينب راح عباس
&&&&&&&&&&&&&2&&&&&&&&&&&&&
شلون طايح ابن حيدر هذا راعي الغيره
عافچ الكافل يزينب طحتي بعده ابحيره
هالمصيبه علينه كلش يعباس اجبيره

راح عباس راح عباس راح عباس يزينب راح عباس
&&&&&&&&&&&&&3&&&&&&&&&&&&&
هذا اخويه يا هضيمه مگطعات اچفوفه
طاح ظامي اعله الشريعه والعيون تشوفه
بالعمد عباس وسفه هامته مخسوفه
راح عباس راح عباس راح عباس يزينب راح عباس
&&&&&&&&&&&&&&&4&&&&&&&&&&&
چانت اتخوف خزرته لو خزر بعيونه
هذا اخوي وانه اعرفه واشحلات امتونه
والعساكر من يطبها حگهم يهابونه
راح عباس راح عباس راح عباس يزينب راح عباس
&&&&&&&&&&&&&&5&&&&&&
گمر هاشم طاح وسفه وهوه حامي لوانه
انزرف جوده وبده مايه وكطعو ذرعانه
ردته يرجعلي يزينب يختي والله ويانه
راح عباس راح عباس راح عباس يزينب راح عباس
&&&&&&&&&&&&&&&&&&&&&&&&&
الى خادم الحسين وخادم اهل البيت
✍️الشاعر مصطفى النائلي

لحسين نمشي وحاضره اويانه
الزهره الزچيه او دوم ترعانه
•••••••••••••••••••••••••••••••••••••
لزيارتك كل عام نحييها
ابممسانه او الزهره نواسيها
او بكربله ننصب تعازيها
خدامها او ابداً متنسانه
••••••••••••••••••••••••••••••••••••••••••••
هاي التعازي حبكم اتظهره
بالأربعين او تعلن النصره
للثار تلهب بالگلب چمره
وللمهدي كلنه اليوم عوانه
••••••••••••••••••••••••••••••••••••••••••••
نهتف يبو اليمه يوالينه
راياتنه اترف او مواضينه
رهن الأشاره بأمر مهدينه
وننتظر يمته ايصدر اعلانه
••••••••••••••••••••••••••••••••••••••••••••
هاي الزياره گرب موعدها
او الخدم تنتظرك يقائدها
مشتاگه والدمعه عله خدها
او تتشرف ابشوفتك مولانه
••••••••••••••••••••••••••••••••••••••••••••••
او بحضرتك نصرخ يبو اسكينه
يمته الفرچ يحسين ملينه
يمته يكحل العين مهدينه
للأبد تبقى هاي دعوانه
••••••••••••••••••••••••••••••••••••••••••••••••
إلى خادم الحسين وخادم اهل البيت {ع}
✍️الشاعر مصطفى النائلي

عمه اسياط الشمر بمتوني
اليوم وافاني الأجل يعيوني
&&&&&&&&&&&&&&&&&&&&&&&
اليوم وافاني الاجل ابهالمسيه
عمه يا زينب اجه يوم المنيه
ابياوكت عمه اصبحت انا سبيه
طفله ما احمل عذاب الغاظريه
يم ابويه احسين اتدفنوني
اليوم وافاني الأجل يعيوني
&&&&&&&&&&&&&&&&&&&&&&&
يم ابويه حسين ريت الدفن وياه
لچن مجبوره اموت انه بلياه
يامحنه ويادلالي المكدر انساه
سلبوا مني تراچي وسفه اعداه
اعله المتن يا عمه هالطگوني
اليوم وافاني الأجل يعيوني
&&&&&&&&&&&&&&&&&&&&&&&
حيل مشتاگه لبويه والجفن هام
لفت اعليه المصايب وضيم الأيام
اني بنت حسين زحمه ادخل الشام
ابنص خرابه يا هضيمه يتامنه تنام
ابد ما غمض ترى اجفوني
اليوم وافاني الأجل يعيوني
&&&&&&&&&&&&&&&&&&&&&&&
گلبي من بعد الغوالي صار مكسور
بكربله عفته رميه الوالي مغدور
عمه يجرحني شفت هذا عاشور
الحزن بعيوني شفته صاير يدور
بالهجر عگب الأبو خلوني
اليوم وافاني الأجل يعيوني
&&&&&&&&&&&&&&&&&&&&&&&
بالخرابه اليوم احس حانت منيتي
اسمع اتناديني رقيه شو مشيتي
هيج وبلحظه رقيه انتي انتهيتي
سهام بس نكبات من لطف هديتي
ابهالجرح يا عمه هالكسروني
اليوم وافاني الأجل يعيوني
==========================
الى خادم الحسين وخادم اهل البيت {ع}
✍️الشاعر مصطفى النائلي

اليوم ظلمه الدار بغياب الحسن
غابت انوارك وشمعاتك طفن
••••••••••••••••••••••••••••••••
طفن شمعاتك يبو محمد شفت
ردت ترجع الي لو لحظه ردت
اكبالي جبدك صار خويه بالطشت
ريت عمري اوياك يا خويه أندفن
••••••••••••••••••••••••••••••••••
جـــبدك اتــفطر اتــنازع بالالــم
نعشك ادري ينرمي خويه بسهم
لجن باجر وحدي أبقه ابلاخــيم
وتهجم اعلينه يغالي اهــل الفتن
••••••••••••••••••••••••••••••••••
غــاب نـــورك عني لا لا مو سهل
على افراگك خويه لتضن احتمل
اشلون باجر بــيه لو أصعد هزل
وحدي أبــقه ومن يــباري للضعن
••••••••••••••••••••••••••••••••
سره السم بجسمك وهذا صعب
خويه وفـراگك كسر بيه الگلب
تروح اختك يبو محمد وي غُرب
تمشي والعدوان تــــضرب بالمتن
••••••••••••••••••••••••••••••••
يــبو محمد حــيف ممــرود الجبد
اليوم يذبل يل الحسن عطر الورد
لان انــته اليوم رايــح مـــا تـــرد
وســفه يا وســـفه غدر بينه الزمن
•••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

يا رسول الله انكسر ظهري بلياك
شلون اتراب الگبر يالغالي ضماك
شلون ضماك الترب..... افراگك اهوايه صعب

فرحتنا المحمد سيد الأكوان
أبد ماتنوصف بيها الفكر محتار
إنولد هالليله خاتم أنبياء الله
محمد هذا من عنده تشع أنوار
شعلنا شموع وبخور الحفل هاليوم
وبهاي الولاده امنوره عدنا الدار
محمد يامحمد هالهتاف يدور
مثل هذا الهتاف اليوم لاماصار
ابو الزهره محمد حگنه نفخر بي
شفيع الأمه منقذها صُفه المختار
✍️كلمات خادمكم: الشاعر مصطفى النائلي

متباركين في ولادة نبي الرحمه ومنقذ الأمه النبي محمد (ص)

انه فاطم يا علي دلحگ اعليه
اليوم حانت فزعتك يا ابو الحميه
طاح محسن ياعلي وبيك انتخي اليوم
وجهي غطيته بخجل بجفوف اديه
زمرة الكفار حركو عتبت الدار
زمرة الكفار تحمل بس اذيه
زحمه ياحمي الحمى من دفرو الباب
وآنه خلف الباب ما ظل حيل بيه
صرت اتنطر فقارك يا علي وين
جتفو سبع الوغى ابحبل الوصيه
آنه بنت المصطفى وانعصر حيف
همه اصحاب النبي الهجموا عليه
من وكع محسنها طاحت روحي وياه
ياحسافه التفت علينه المنيه
شلت نعشي اعله الچتفك انت يا حيد
هاي مو هينه يحيدر هل قضيه
من حفرت الكبر صارت لوعه واحزان
وكمت تنحب عالگبر صبح ومسيه
✍️كلمات خادمكم: الشاعر مصطفى النائلي

خادم الزچيه وافخر ابهاي
وابكل المجالس فاطمه اوياي
&&&&&&&&&&&&&&&&&&&&&&
خادم للزﭼـيه او بيه يدرون
وبحبها ام حسن هذا آنه مجنون
ميهمني الحـﭼـي وشما يڰولون
‏ومن انخه الزﭼـيه الكلفه الي اتهون‏
هاي ام الحسن بنت النبي هاي
وابكل المجالس فاطمه اوياي
&&&&&&&&&&&&&&&&&&&&&&&&
خدمتها ام حسن نعمه عليه
وافخر بل الخدامه للمنيه
حبها يا خلگ اصبح هويه
ماعوفن مجالسها الزچيه
بس الها اشتكي من ضيم دنياي
وابكل المجالس فاطمه اوياي
&&&&&&&&&&&&&&&&&&&&&&&&&&&
هنيـالي اصبحت خادمها كل عـام
وبسم الزهـره امشي ورافع الهـام
وحـگ اسم العقيله الكفلت ايتـام
أظـل خـادم لفاطم طول الايـام
وتـرخص الهـا روحي ويرخص ادمـاي
وبكل المجالس فاطمه اوياي
&&&&&&&&&&&&&&&&&&&&&&&&&&
انخـاهـا الـزﭼـيه ام الميامين
اظل خادم لبنها سلوة الـدين
التصب اعليه دم بكل سنه العين
ويظل صوتي ينـادي بـأسـم الحسين
الميت منـذبـح والماشرب مـاي
وبكل المجالس فاطمة اويـاي
&&&&&&&&&&&&&&&&&&&&&&&&&
أظل انصب عـزاها بلـوعه وآهـات
وأَجُـرْ طـور النعـي ابكل المقامات
وأحتـج عالكسر ضلـع السماوات
بمـواكب للعـزه تنـادي بهتافـات
كَسُرْ ضلعـﭻ يفاطم گَطَّـع إﭼـلاي
وبكل المجالس فاطمه اويـاي
&&&&&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي

ثار الضلع قائم يظل أمره
والمهدي باجر حتماً يجبره
••••••••••••••••••••••••••••••••
يجبر كسرها المهدي من يظهر
وترد عـزيزة فـاطمة الكوثر
اعله الطغاة ابسيفه من يثأر
او بسيفه باجر يقتل الزمره
والمهدي باجر حتماً يجبره
••••••••••••••••••••••••••••••••••
ثار الضلع والسطره والدفعه
وثار الجنين ولوعة الصفعه
باجر يردهن خلفة البضعه
ابهل الأمر الزهره تنتظره
والمهدي باجر حتماً يجبره
•••••••••••••••••••••••••••••••••••
بساعة ظهوره هالضلع يشفه
وكلمن تسبب بي يگص چفه
بسيفه ويسلمه رگبته وحتفه
ويظهر گبرها فاطمة الزهره
والمهدي باجر حتماً يجبره
•••••••••••••••••••••••••••••••••••
اعلى الگبر باجر يدلينه
ونتعنه مشايه ويه مهدينه
واعلى الگبر نرفع ترى ادينه
وتزيل من الزهره كل حسره
والمهدي باجر حتماً يجبره
•••••••••••••••••••••••••••••••••••••
ومـن يـظهر الغايب يبشرها
وأول ظهوره الزهره يحضرها
يبني گبرها ويشفي خاطرها
ساعة ظهوره بيها جم عبره
والمهدي باجر حتماً يجبره
••••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

شيعّها فاطم حيدر بدمعه
من بيته ظلت طافيه شمعه
•••••••••••••••••••••••••••••••
شال النعش يبجي وجرت عينه
ابهاي المصيبه الله اليعينه
بيده دفنّها زهرة اسنـيـنـه
ويم الگبر حامي الحمه ينعه
•••••••••••••••••••••••••••••••
صعبه اعله حيدر فرگة الزهره
عگب الزچيه منكسر ظــهـره
ابخدها يشاهد أثر للسـطره
وام الحسن رادت تره اتودعه
••••••••••••••••••••••••••••••••••
ودعّها لاجن دمـعـته تـجـري
وينادي يل الزهره انكسر ظهري
للباري عگبج سلمت أمري
ولمن يون فاطم تره اتسمعه
••••••••••••••••••••••••••••••••••
لوما الوصيه وملتزم بيها
چان العصابه بسيفه يمحيها
وحته الأرض بيمينه يجفيها
وعلى الزجيه منحني ضلعه
•••••••••••••••••••••••••••••••••
داره علي يا وسفه محترگه
مو سهله عد حيدر ترى الفرگه
روح الوصي يا ناس مختنگه
وبعينه حيدر ضاگت الوسعه
•••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

فدوه انروحلك يحسين تدرينه
يخيمتنه الچبيره الساتره اعلينه

مانترك طريقك واحنه عاهدناك
لو برگابنه تنحـــــــد السچينه

يظل حبك هوانه وبيك مجنونين
ياشمعة عمرنه وثمرة اسنينه

الك بالروح حصه وحصه الك بالعين
والك وسط الگلب تمثال سوينه

يربان السفينه العبرتنـه ابحور
غيــــرك بالدرب منهو اليدلينه

كل يوم اليمر ننصب عزانه اعليك
ودموع ومواكب لطم سوينه

سجلنه بسجلكم يبن حامي الجار
وبسجل الزجيه خلي اسامينه

خدم نبقئ لذكركم من يهل عاشور
عليكم كل حزنه وكل بواچينه

من غيرك شفيع اهناك يوم الدين
انته اعله السراط اهناك تلگينه

يبعد اعيونه وتفداك كلها الناس
يباب الله اليدلي ابنادم ابدينه
✍️كلمات خادمكم: مصطفى النائلي

ياعلي ام الحسن سطروها
او وره بابك ياعلي عصروها
•••••••••••••••••••••••••••••••••••••••••
اليوم زمره مجرمه ليها اعتنت
العين. مزركِه اضلوع اتكسرت
هاي بضعة طه من عدها اشبدت
بعد ابوها صحبته بجِوها
•••••••••••••••••••••••••••••••••••••••••••
بالعمد بجوها اشباه الزلم
ابد مابيهم اصيل اولا شهم
منهو يرضى اضلوع فاطم تنهشم
درو بيك اموصِه هل هشموها
•••••••••••••••••••••••••••••••••••••••••••
دروا بيك اموصه يا حامي الحمه
هالأجو هاليوم عصروا فاطمه
انطبع بالبسمار اثار الدمه
الدار وسفه بالحطب حرگوها
••••••••••••••••••••••••••••••••••••••••••••
الله ليعينك علي بهذا المصاب
اشلون فاطم تندفن تحت التراب
لو دخلت الدار وتشوف الخضاب
تحس فوك الجتف كل احمولها
•••••••••••••••••••••••••••••••••••••••••••••
عكب ام حسين تبكه بالحزن
اعله الكبر ويلاه ياحيدر تون
لشوفت ام حسين كل لحظه تحن
وهاي هيه اتعس بدايه ابدوها
••••••••••••••••••••••••••••••••••••••••••••••
✍️الشاعر مصطفى النائلي

شكتبلك علي ابميلادك ابهل يوم!
قوافي الشعر كلها الليله محتاره !!
.
ابيت الله الولاده ابكعبة الاسلام
وليد الكعبه واسمك الله مختاره!
.
الليله الحضرتك كصدولك الزوار
هاليله ابضريحك جنه الزياره
.
ابو طالب ( المؤمن ) ياعلي فرحان
لان ابمولدك صار الضوه ابداره
.
يدري ابهل وليد ايناصر المختار
علي الكرار هيبه وبيده فقاره
.
جذب مثلك يجيب ويعجز التاريخ
يا سيف الاله وحكمه واسراره!
.
نورك بالامام المهدي يابو حسين
راح الدنيا كلها اتضوي بانواره
راح الدنيا كلها اتضوي بانواره
✍️كلمات خادمكم: مصطفى النائلي