⚡️QMUda 21-oktyabr – Ózbek tiline Mámleketlik til biyligi berilgen kún múnásibeti menen bayram ilajı bolıp ótti

🔵Búgin Berdaq atındaǵı Qaraqalpaq mámleketlik universitetinde 21-oktyabr "Ózbek tili bayramı kúni"ne baǵıshlanǵan saltanatlı bayram ilajı bolıp ótti. Ilajǵa "Milliy tiklanish" demokratiyalıq partiyası Qaraqalpaqstan Respublikası Keńesiniń Baslıǵı, Qaraqalpaqstan Respublikası Joqarǵı Keńesiniń deputatı T.Romanov, universitettiń professor-oqıtıwshıları hám student-jasları qatnastı. Bul áhmiyetli sáne - 1989-jıl 21-oktyabrde "Mámleketlik til haqqında"ǵı nızam qabıl etilgen kún - mámleketimizde ózbek tiline mámleketlik til biyligi berilgen, milliy maqtanısh hám ózlikti ańlaw belgisi bolǵan tariyxıy sáne sıpatında keńnen belgilenedi.

🔵Bayram ilajın universitet rektorı wazıypasın waqtınsha atqarıwshısı O.Dúysenbaev ashıp berdi. Ol óziniń shıǵıp sóylegen sózinde jıynalǵanlardı usı qutlı sáne menen qızǵın qutlıqlap, ózbek tiliniń bay tariyxın, onıń mádeniyatımız hám milliy qádiriyatlarımızdı saqlawdaǵı sheksiz áhmiyeti haqqında sóz etti. Sonday-aq, mámleketlik til tek ǵana baylanıs quralı emes, al xalqımızdıń ruwxıy baylıǵı, ǵárezsizligimiz hám milliy birligimiz tımsalı ekenin atap ótti.

🔵Ilajda sózge shıqqanlar ózbek tiliniń mámleketlik til sıpatında jámiyetlik turmıstaǵı ornı, til siyasatın rawajlandırıw jolında ámelge asırılıp atırǵan reformalar, sonday-aq, jas áwladtı ana tiline muhabbat ruwxında tárbiyalaw baǵdarında islenip atırǵan háreketlerge ayrıqsha itibar qarattı. Sonıń mene birge, búgingi kúnde mámleketlik tildiń abırayı jıldan-jılǵa artıp atırǵanın, tilge húrmet - milletke húrmet ekenin ayrıqsha atap ótti.

🔵Ilajda universitettiń qábiletli studentleriniń qatnasıwında qosıqlar, saxnalıq kórinisler, muzıkalıq shıǵıwlar da kórsetildi. Ózbek tili hám ádebiyatı baǵdarındaǵı jas dóretiwshilerdiń shıǵarmaları tıńlawshılarda úlken tásir qaldırdı. Bayram sońında joqarı oqıw orınları student-jasları arasında bolıp ótken "Ǵalabalıq diktant" tańlawı jeńimpazları sıylıqlandı.

➡️Tolıq oqıw

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook