#Muhim_sana

🇺🇿30 IYUN – O'ZBEKISTONDA YOSHLAR KUNI⭐️

💖Ma’lumki, 2017 yili "Yoshlarga oid davlat siyosati samaradorligini oshirish va O‘zbekiston Yoshlar ittifoqi faoliyatini qo‘llab-quvvatlash to‘g‘risida"gi Prezident Farmoniga asosan 30 iyun – Yoshlar kuni sifatida belgilangan.

🟠 Yoshlar kuni arafasida O‘zbekiston Respublikasi Prezidentining farmon va qaroriga muvofiq, azmu shijoati, bilim va salohiyati bilan mamlakatimiz rivojiga munosib hissa qo‘shayotgan bir guruh faol yoshlar «Kelajak bunyodkori» medali hamda «Mard o‘g‘lon» davlat mukofoti bilan taqdirlandilar.

O‘zbekiston Respublikasi Konstitutsiyasining 79-moddasida qayd etilganidek:

🇺🇿 “Davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishini ta’minlaydi, ularning jamiyat va davlat hayotida faol ishtirok etishini rag‘batlantiradi.
Davlat yoshlarning intellektual, ijodiy, jismoniy va axloqiy jihatdan shakllanishi hamda rivojlanishi uchun, ularning ta’lim olishga, sog‘lig‘ini saqlashga, uy-joyga, ishga joylashishga, bandlik va dam olishga bo‘lgan huquqlarini amalga oshirish uchun shart-sharoitlar yaratadi”.

🟠 Bugungi kunda yoshlarimiz orasida bilim va salohiyati bilan nafaqat yurtimiz, balki jahon miqyosida o‘zlarini namoyon etayotganlar juda ko‘pchilikni tashkil etadi. Yurtimiz qadimdan ziyo maskani bo‘lib kelgan. Alloma ajdodlarimizning dunyo tamadduni rivojiga qo‘shgan hissasi, hozirgi O‘zbekiston mintaqasida tarixda ilm-fan, madaniyat o‘chog‘i bo‘lgani barchamizga ma’lum.

🟠Davlatimizning yoshlarga oid siyosati xalqaro miqyosda tan olinmoqda. Yoshlarni qo‘llab-quvvatlash, ularni davlat va jamiyat boshqaruviga, muhim ijtimoiy-iqtisodiy masalalarni hal etishga keng jalb etish bo‘yicha 60 dan ziyod tashabbuslar xalqaro hamjamiyat tomonidan ma’qullandi.

✅ "Xadichai Kubro" ayol-qizlar o’rta maxsus islom ta’lim muassasasi matbuot xizmati

🔗 www.tg-me.com/xadichauz - diniy-ma'rifiy kanal!

Telegram 🕊| Instagram📱
Facebook📱| Youtube 📺‌‌