Қўшни давлатлардан контрабанда йўли билан олиб келинган 8,2 кг наркотик моддалар тўхтатиб қолинди

Давлат хавфсизлик хизматининг Қашқадарё вилояти бўйича бошқармаси ва ички ишлар органлари ҳамкорлигида ўтказилган тезкор тадбирда Сурхондарё вилоятининг Узун туманида яшовчи, 1995 й.т. шахс Тожикистон Республикасидан контрабанда йўли билан олиб келинган 896 гр “гашиш” моддасини келгусида сотиш мақсадида Денов тумани ҳудудидаги хуфия жойга яшириш учун олиб бораётган вақтида қўлга олинди.
Шунингдек, тезкор тадбир давом эттирилиб, унинг яшаш хонадонидан ҳам 2 кг 260 гр “опий” моддаси тегишли тартибда расмийлаштириб олинди.

ДХХ Наманган вилояти бўйича бошқармаси, божхона ва ички ишлар органлари ҳамкорлигида ўтказилган тезкор тадбирда эса Наманган шаҳрида яшовчи, 1987 й.т., муқаддам судланган фуқаро бошқарувидаги автомашина тўхтатилиб, кўздан кечирилганда, унинг салон қисмида 2 кг 990 гр “гашиш” моддаси борлиги маълум бўлди.
Терговга қадар текширув давомида аниқланишича, Қирғиз Республикаси фуқароси томонидан айланма йўллар орқали Янгиқўрғон тумани ҳудудига етказиб берилган мазкур гиёҳвандлик воситаси Наманган шаҳрида сотилиши режалаштирилган.

Фарғона вилоятида кузатилган ҳолатда эса Марғилон шаҳрида яшовчи, 1973 й.т. ва Тошлоқ туманида истиқомат қилувчи, 1971 й.т. икки нафар фуқаро ўзаро жиноий тил бириктириб, Тожикистондан олиб келинган 487 гр “гашиш” моддасини 5000 АҚШ долларига сотган вақтларида ДХХ ва ички ишлар органлари ходимлари томонидан қўлга олинди.
Шунингдек, Тошлоқ туманилик фуқаронинг яшаш хонадонидан 599 гр “гашиш” моддаси процессуал тартибда расмийлаштириб олинди.
Таъкидлаш лозимки, мазкур шахслар муқаддам бир неча маротаба судланган бўлишларига қарамасдан, ўз хатоларидан тўғри хулоса чиқаришмаган.

Бу каби қонунбузилиш ҳолати Самарқанд вилоятида ҳам қайд этилиб, хусусан, Ургут туманида яшовчи, 1983 й.т., муқаддам гиёҳвандлик воситалари савдоси билан боғлиқ жинояти учун бир неча маротаба судланган шахс Тожикистон Республикасидан контрабанда йўли билан олиб келинган 982 гр “опий” моддасини ўзининг жиноий шериги бўлган, 1991 й.т. фуқаро билан бирга харидорга 8000 АҚШ долларига сотган вақтларида ушланди.

Ҳозирда барча ҳолатлар юзасидан мазкур шахсларга нисбатан жиноят ишлари қўзғатилиб, қамоқ эҳтиёт чораси қўлланилди.

✈️Каналга аъзо бўлинг ✅ www.tg-me.com/xavfsizlik_uz

Урганч шаҳар прокуратураси терговчисига нисбатан жиноят иши қўзғатилди

Урганч шаҳар прокуратураси катта терговчиси мансаб мавқеидан фойдаланиб, Бош прокуратура ҳузуридаги Департаментнинг вилоят бошқармаси томонидан маҳаллий фуқарога нисбатан қўзғатилиб, ўзининг ҳамкасби томонидан дастлабки тергов ҳаракатлари олиб борилаётган жиноят ишини айблов хулосаси билан судга юборилмасдан, терговда тугатиб бериш эвазига 3000 АҚШ доллари талаб қилади.

Натижада, катта терговчи 2025 йилнинг 16-28 май оралиғида 1000 АҚШ доллари, 10 млн. сўм, қиймати 1000 АҚШ долларига тенг бўлган 1 дона сейф ва 1 млн. 300 минг сўмлик 1 дона иш столи жамланмасини фирибгарлик йўли билан қўлга киритади.

Аммо, фуқаро ўзига нисбатан Жиноят Кодексининг 25,168 моддаси 1-қисми ва 28,211-моддаси 1-қисми билан қўзғатилган жинояти иши дастлабки терговда тугатилмасдан, айблов хулосаси билан судга юборилганлигини билгач, терговчидан муқаддам берилган пул маблағлари ва ашёларни қайтариб беришини талаб қилади.

Шундан сўнг, терговчи 1000 АҚШ доллари, қиймати 1000 АҚШ долларига тенг бўлган 1 дона сейф ва 1 млн. 300 минг сўмлик 1 дона иш столи жамланмасини фуқарога қайтариб берган вақтида ДХХнинг Хоразм вилояти бўйича бошқармаси ҳамда вилоят прокуратураси ходимлари томонидан ашёвий далиллар билан ушланди.

Ҳозирда терговчига нисбатан жиноят иши қўзғатилиб, қамоқ эҳтиёт чораси қўлланилди.

✈️Каналга аъзо бўлинг ✅ www.tg-me.com/xavfsizlik_uz

Республикамизда 2024-2025 йилларда жами 8 та нарколаборатория аниқланиб, ташкилотчиларига нисбатан жиноят ишлари қўзғатилди ва тегишли чора-тадбирлар амалга оширилди.

✈️Каналга аъзо бўлинг ✅ www.tg-me.com/xavfsizlik_uz

Интернет наркогуруҳ ташкилотчилари хорижда ёлланган курьерларни Ўзбекистонга юбориш ва уларни наркожиноятга жалб қилиш ҳолатлари кузатилмоқда. ДХХ томонидан ўтказилган фаол тадбирлар натижасида 2024 йилда 6 нафар хориждан келган Интернет-наркогуруҳ аъзолари қўлга олинди.

✈️Каналга аъзо бўлинг ✅ www.tg-me.com/xavfsizlik_uz

Бугунги кунда "Прегабалин" кучли таъсир қилувчи моддаларини Қирғизистон ва Қозоғистон орқали Ўзбекистонга контрабанда қилиш ва цех шароитида кучли таъсир қилувчи дори воситаларини тайёрлаб, “хуфиёна жой”ларга қўйиш орқали тарқатиш ҳолатлари кузатилмоқда.

✈️Каналга аъзо бўлинг ✅ www.tg-me.com/xavfsizlik_uz

Афғонистон, Тожикистон ва Эронда яшовчи наркоишбилармонлар йирик миқдордаги гиёҳванд моддаларни Ўзбекистон ҳудуди орқали халқаро ўтказиш пунктларидан турли хилдаги маҳсулотлар орасига яширган холда Россия ва Қозоғистонга етказишга уриниш ҳолатлари ҳам ортиб бормоқда. Бу борада 141 кгдан ортиқ наркотиклар мусодара қилинди.

✈️Каналга аъзо бўлинг ✅ www.tg-me.com/xavfsizlik_uz

Халқаро ҳамкорлик доирасида 2024-2025 йиллар кесимида Россия Федерацияси, Қозоғистон, Қирғизистон ва Тожикистон Республикалари ваколатли органлари билан ҳамкорликда 32 та фаол тадбирлар ўтказилди. Натижада 43 нафар шахс қўлга олиниб, улардан 639 кгдан ортиқ наркотик моддалар олинди.

✈️Каналга аъзо бўлинг ✅ www.tg-me.com/xavfsizlik_uz