﴿ يَهـدِي اللَّـهُ لِنـورِهِ مَـن يَشـاءُ ﴾.

‏﴿وَهُوَ عَلِيمُۢ بِذَاتِ ٱلصُّدُورِ ﴾ .

﴿ أَلّا تَخَافُوا وَلا تَحْزَنوا وَأَبشِرُوا ﴾🤍.

اللهُم بلغنا ما نود ، واجعل لنا دعوة لا تُرد ، وأفتح لنا بابًا إلى الجنّة لا يُسد 🤍.

وَأَنَّ سَعۡيَهُۥ سَوۡفَ يُرَىٰ ٠٤۝

تذكير يومي: 🤍

-استغفرالله.
- سُبحان الله.
- الحمدلله .
- لا إله إلا الله.
- اللهُ أكبر .
- سُبحان الله و بحمدهِ.
- سُبحان الله العظيم.
- استغفر الله و أتوبُ إليهِ.
- لا حول و لا قوة إلا بالله.
- اللهُم صلِ على نبينا محمد.

لاتنـسو صـلاة اليـل✨

(( مولا حسين ))


مولاي وهب بن حباب الكلبي (ع)

دين الكنيــسه وهم .... دينك لگيته صدگ
حبــك أزل شاهدت .... والباقي آفل عشگ
حــبك شربته عذب .... روآني رغـم الضمه
شفتك بعد ماشفت .... للدنيه گلــبي أنعمه

ديني هجـرته أعتنقتك يمحبوبي دين
هـايم اجيــتك انـادي حبــيبي حسين
حـبك لبسته صــليب وسحرني هوآك
مـن أمـــي گـــلبك اكثـر عــليه حـنين

شفت ابعيونك روحي
سيـــد غرام اجروحي
روحـي نذر يحــسيني
ترخص الك مـذبوحي

مولآ حسين مولآ .....
"" "" "" "" "" "" "" "" "" "" "" ""
مولاي الحر بن يزيد الرياحي (ع)

مولاي اجيت ابندم .... يشــملني عفؤك ردت
وگلبك فتــحته الي .... مثـلـك أبد ماشـــفت
شفـــتك إليـه وطن .... لآيذ اجــيتك حسين
رغـم الذنب وقبلت .... فاتحلي شفت الإدين

رغــم الذنوب وفتــحلي حبيبي اديه
لماني حضنه وحسبني حُسيني عليه
عايــش ندامه وجيــته أدور رضـــاه
وماكو أبرحـمته قبلني حبيبي اجيه

لآيــذ اجـــــيت البـــابه
وضمني ابحنان اعتابه
ماكو ابرحمــته حبيبي
عــــمري وقف لمصابه

مولآ حسين مولآ .....
"" "" "" "" "" "" "" "" "" "" "" ""
مولاي جون مولى (ع)


حبــك جذبــني الك .... يمــك لگــيت الأمان
ماچنت أحسن عبـد .... عيــشني حر الحنان
ماهمه لوني حسين .... والهـــمه أبيض گلب
طبع اليحب مايـهم .... عمـره ابقيود المحب

كل اليهــمه حبيبــي بيــاض الضـمير
رغم الســواد وأعـــيش ابحنانه أمير
اول حــبيب واخــير الاحبه حـــسين
محلاته عطره أشمه ابشهيقي الاخير

عيشني حب اعيونه
ماهـمه شكلي ولونه
لآخر حيـــاتي انادي
انه اضــل ممـــنونه

مولآ حسين مولآ .....
"" "" "" "" "" "" "" "" "" "" "" ""
مولاي زهير بن القين (ع)

ماعنــدي رآي ابــهواك .... فــارغ أجيت الادين
الدنيه خسرت وجيت .... حـبك أربحه حسين
جيت ابلهفتي عــليك .... ابركــبك اريداً مكان
بالدنيه كلشي عــــدم .... بس ابمحبتك ضمآن

حبك جذبني أشتريته ابروحي هوآك
ماعــندي غيرك حبيبي أعيشن سوآك
أنـت ضــمان اليـحبك حبيبي ويموت
شفـــته حبيبي طريق النجاة ابضوآك

ملكــيتي حـبك رايد
ماعندي غيرك واحد
هايم اجيــت ابحبك
عاش اليــحبك خالد

مولآ حسين مولآ .....
"" "" "" "" "" "" "" "" "" "" "" ""
مولاي حبيب بن مضاهر (ع)

مــن الـزغر شـاهدت .... عاش الـــيحبك حياة
أحيآني حبك حسين .... وانـــه بطريق الممات
منك عرفت الـيموت .... يعيش الحياة الصدگ
أول غرامي حــسين .... منــــك عرفت العشگ

عاش اليـــموت ويحبك حبيبي حسين
أحــــيأ وموت وأحيأ وجـــيك أستعين
مــن زغــــري أشــــــتم حبـــيبي هوآك
يامحلي موتي وچفوفك تغمضلي عين

يامحلى أغمض عيني
وأيدك تـــگض چفيني
وندب أخـــير أنفاسي
أنــــه أحب حســـيني

مولآ حسين مولآ .....
"" "" "" "" "" "" "" "" "" "" "" "

(( وحدك حسين ))



وحدك حسين .... راجع ومحني الضّهر
كافـــلي ويـن .... مايـرد مــــــن الـــنهر

ما أريــد الــمــــاي أريده
والله مشتاگه اللزم ايده
"" "" "" "" "" "" "" "" "" "" "" "" ""
ســـولفلي اشجره وراجع تِوِن سكته
اول مـــــره اشــوفك انتــه مــو انته
اعرفت طاح الگمر والدگ صدر لخته
من شفــتك عــمود الخـــيمه طيحته

صفنت الموت .... سـيرةّ وسط الخيم
كــلها تابـــوت .... ترسم اعيون الحرم

كسرته كــسره مِــــچيده
والله مشتاگه اللزم ايده
"" "" "" "" "" "" "" "" "" "" "" "" ""
اجه ويصفگ بدينه راحه وي راحه
وگف يمــــي وچفينه على اصفاحه
دنگ هامـــته ويبچي وعلى انياحه
يزينب وي عــيونه راحـــت الراحه

دمع الاعــيون .... بيه سوالف بينتّ
يگلي يم عون .... بيه كلها اتشمتتّ

اشما بچه جرحي يزيده
والله مشتاگه اللزم ايده
"" "" "" "" "" "" "" "" "" "" "" "" ""
يتــلفت بقه بــيـــن الـــزلم وحــده
حــيره تاخـذه وحيره بــقه اتـــرده
امدنگ راسه شفته ودمـعته ابخده
غـير المــوت حل حــسين ماعــنده

خطوه يعثر .... وخـطوه يرجع يلتفت
يآبــو الأكبر .... الصبح هيچي ماچنت

منـكـسر شــبلِ الصميده
والله مشتاگه اللزم ايده
"" "" "" "" "" "" "" "" "" "" "" "" ""
مـشدوه وشفت متــغيره احواله
وذاك حسين صاير يـشبه اخياله
شبر يمشي وشبر دمــعاته هماله
بعــد عــين الگــمر ياعـين تبراله

دمعته اطـيح .... بيهه قصه وفاجعه
ناضره يصيح .... عفـته يم المشرعه

مـن الدمع يخفگ وريده
والله مشتاگه اللزم ايده
"" "" "" "" "" "" "" "" "" "" "" "" ""
يتمـــــايل بقه لو جاســته الـــنسمه
هضــمني من بچه شــفته عزيز أمه
يتنــفس بــقه لچـــــمه وره لـــچمه
عَبره ابصدره ضل گوه الهوء يشمه

بالي نشــاد .... اشلون ابو اليمه صّبر
ثاري منراد .... روحه ضــــلت عالنهر

روحه ضلت يم عضيده
والله مشتاگه اللزم ايده
"" "" "" "" "" "" "" "" "" "" "" "" ""https://www.tg-me.com/xbmnngp

حسناً واه حسيناً واه حسيناه
...................................................
يا أول أو آخــــر نفس هويته
من الصبى أسمك حرز قريته
وي دمــي يجري سيدي لكيته
يا رحمة الباري علـــى البريه
حسناً واه حسيناً واه حسيناه
.........................................................
يا من على أعتابك تجي الحياره
وبسمك تناجـــي وتاخذ أستخاره
يا رحمة ألله ونعمته وخيــــــاره
منك ردت نضــــرة وتحن عليه
حسيناً واه حسيناً واه حسيناه
......................................................
كـل عمري لجلك سيدي نذرته
غيرك منـــو أليستاهل وعشكته
عالفطرة شخصك أفتخر خدمته
وأسمك صبح يا بو علي هويه
حسيناً واه حسيناً واه حسيناه
...............................................
يا من علـى الرمله جرت دمائك
عــــــــاري بقيت أتسلبت ردائك
يامن على أجروحك بكت سمائك
وداست على صدرك خيول أميه
حسيناً واه حسيناً واه حسيناه
.........................................................
أنحب وأون لجروحك المصابك
الزينب الضلت تنتضر جـــوابك
من شافتك دامـي بنزف خضابك
وشمر الوغى بيها حدى وسبيه
حسيناً واه حسيناً واه حسيناه
...................................................
خادم خدمة الحسين
الشاعر
محمد الموالي



https://www.tg-me.com/xbmnngp

ركَضُوا عَلَيْك وزَينَبْ تنُوح .

نزلت قصيده تفاعلكم فضلاً وليس أمراً