•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

من قصائد سقوط الكمر فوك النهر

قصيده لمولانا أبا الفضل العباس عليه السلام كأني بلسان حال أخيه سيدنا ومولانا ابا عبد الله الحسين عليه السلام... تقرأ بعدة اطوار

المستهل:

من شفت طاحت رايتك
خويه يا عباس
الروح گبلي اتعنتك
خويه يا عباس
ابجدمي اجيت اتعثر
الراس شفته امطبر
وتنوح يمك جربتك
خويه يا عباس خويه يا عباس

✿✿✿<><><>✿✿✿<><><>✿✿✿

فوگ المهر وآنه انتظر جيتك يوفاي
صوب النهر عيني تصد يا بدر دنياي
الروح مخموشه الگلب ايحسب اهواي
يحزام ظهري والسند يا حامل ألواي

أندعي اتردلي سالم
خويه يا گمر هاشم
تِفرَح العيله ابجيتك
خويه يا عباس خويه يا عباس

✿✿✿<><><>✿✿✿<><><>✿✿✿

شفتك گمت من عالنهر لجربه بيمينك
خليتهه فوك المتن وعالخيم عينك
ترويهه هميت ابعزم اطفال وحريمك
وجيوشهم وسط الدرب مترصدينك

مرعوبه منك يالحيد
يمجندل الصناديد
كالأسد اعليهم غرت
خويه يا عباس خويه يا عباس

✿✿✿<><><>✿✿✿<><><>✿✿✿

عيوني شافت غارتك يا ضنوة حسين
وحدك بميدان الحرب ولجيش صوبين
يالبيك شمرة حيدرا أبدر وحنين
والنعم من الجابتك الحره أم البنين

من منبع الشجاعه
ذخرتك الهالساعه
ضحتلي بيك وبخوتك
خويه يا عباس خويه يا عباس

✿✿✿<><><>✿✿✿<><><>✿✿✿

صارت معاره بالحرب والصيط عباس
بكربله الهاشم گمر بالخوه دك ساس
غيره وشهامه ومرجله بي ارفع الراس
بسهام صابوا جربته اتفايضت أحساس

مطرت غضب يا غيرته
ارعب الجيش ابغزرته
روس وجثث اطشرت
خويه يا عباس خويه يا عباس

✿✿✿<><><>✿✿✿<><><>✿✿✿

ابجم سهم او سيف او رمح امصوبينه
ما مهتم ابروس ايحصد حامي الضعينه
تالي وسف سهم الغدر صوبه ابعينه
أو بتروا اجفوف الكرم اشماله ويمينه

بعامود طبروا الراس
وختفه نور العباس
وما تدري زينب خيتك
خويه يا عباس خويه يا عباس

✿✿✿<><><>✿✿✿<><><>✿✿✿

لمن وصلت المشرعه شفتك رميه
أحنت ظهري امصيبتك أوجرت بيه
خجلان ما ترضه ترد من سكنه ورقيه
وطلَبِت مني تعذرك الهاشميه

حاير أشأنطيهه عذر
تسألني وينه للگمر
وگاعد تتاني ابخيمتك
خويه يا عباس خويه يا عباس

✿✿✿<><><>✿✿✿<><><>✿✿✿

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏

السلام على قمر العشيره

ابوذيه لأبي الفضل العباس عليه السلام

∞≈∞≈∞≈≈∞≈∞≈∞≈

كثر ما عضن ابهامي سني ابلاه
تعال افراگك مصوفر سنبلاه
وحگ امي اعيش اگدر سنه بلا
هوى ولا گطعة العباس بيه

✍الشاعرة الدكتورة
فرح الساعدي (الدرة الفاطمية )
∞≈∞≈∞≈≈∞≈∞≈∞≈
سهم العين من صابه ولحضاه
بخت أحوي ما عندي ولحضاه
اعيش بلا نفس عمري وله لحضاه
عني يبتعد راعي الحميه

✍أزهار جبار الجياشي

✶•┈‏​┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈┈•✶

اللهم صل على محمد وآل محمد 🥀


قصيده لعلي الاكبر كأني بلسان حال والدته تقرأ بطور المربوعه وبعدة اطوار

المستهل:

يمه يالرحت وياك أخذني
ما ظنيت يوليدي تذبني

✦•━•━••━•✦✦•━•━•━•✦

تذبني للمصايب يبني وهموم
عيني اتهل دمع يمه من ادموم
عفت امك گلبهه اعليك مالوم
فگدك يالولد يمه ضهدني

✦•━•━••━•✦✦•━•━•━•✦

يالفگدك ضهدني وهدم الحيل
عليك الروح تصرخ يمه يا ويل
تهيج احزاني يمه من يجي الليل
عيني امساهره ما طبك جفني

✦•━•━••━•✦✦•━•━•━•✦

جفني ما طبك سهرانه عيني
يبني عليك متفايض حنيني
اگظي عمري بحزاني او ونيني
وحسبات التوديني وتردني

✦•━•━••━•✦✦•━•━•━•✦

ما حسبت يبني مني اتروح
سليت الدليل وگلبي مجروح
ريت وياك يمه راحت الروح
ابلحظة الرحت يالولد مني

✦•━•━••━•✦✦•━•━•━•✦

سباح الگلب شمعة حياتي
من انطفت طفوا امنياتي
رتك يبني لو حانت وفاتي
النعش إنت التشيله وتشيعني

✦•━•━••━•✦✦•━•━•━•✦

ضاعت امنياتي ابكربله حيف
وبطعن الرماح وضربة السيف
نايم عالرمل بـحرارة الصيف
وتعوف أمك غريبه تالي يبني

✦•━•━••━•✦✦•━•━•━•✦


خادمة اهل البيت عليهم السلام
أزهار جبار الجياشي


نسألكم الدعاء
ولفاتحه لروح والدي


غير مبري الذمه من يحذف الاسم أو يغيره وينسب الكلام له


من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام



https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
جديد محرم 2022

من قصائد جراحات السبي
قصيده كأني بلسان حال مولاتي زينب عليها السلام وهي تخاطب وتشكو لرأس أخيها الحسين عليه السلام أثناء السبي...تقرأ على طور القصيده التراثيه( بيا حال من عفتوني ) للرادود الحسيني المرحوم الحاج وطن النجفي وبعدة اطوار

المستهل:

بين الغُرب عفتوني
يحسين فاركتوني
زينب بيا حال
تمشي وي الجتال
يحسين فاركتوني 2

☆ــــــــ☆¤(๏❀๏)¤☆ــــــــ☆

مليان كلبي بالحزن والآهات
شوف الفواطم باليسر متكيدات
يذبحني خويه نظر هاي الشمات
حامي خدرنه نايم عل المسنات

عينه بسهم طفوها
اجفوف الوفه بتروها
الكلهه حنيه
أكطَعَت بيه
يحسين فاركتوني 2

☆ــــــــ☆¤(๏❀๏)¤☆ــــــــ☆

ابدرب اليسر كل ساعه انصدع صدعه
الراسك انظره واشكي خويه ابدمعه
يحاجيك كلبي وادري بيك تسمعه
وضعن العقيله تشوف عينك وضعه

جان الاهل تحمينه
هسه العدو يسبينه
وليه ولونه
بسوط اظربونه
يحسين فاركتوني 2

☆ــــــــ☆¤(๏❀๏)¤☆ــــــــ☆

ظليت وي راسك اسولف سكته
وهاظمني جسمك بالطفوف العفته
يا شوغة الأخ بكلبهه الأخته
فوك الرمل متوذره ظلت جثته

خلاني بهم وحيره
يا كسرة كلبي جبيره
روحي نحيله
ومتكفله بعيله
يحسين فاركتوني 2

☆ــــــــ☆¤(๏❀๏)¤☆ــــــــ☆

يحسين شحجي يا هظم يا آلام
يا حال اشكيلك ابحركة الخيام
حال الحرم خويه لو حال الأيتام
لو اشكي حالي اركض بين الظُلام

آنه الما شافوا ظلهه
أجيوش التنظر إلهه
والزيَد همي
ينادوني بأسمي
يحسين فاركتوني 2

☆ــــــــ☆¤(๏❀๏)¤☆ــــــــ☆

ابحركة عبينه والجدم مجويه
ظليت ألم بعيالك المسبيه
وسياطهم تنزل يخويه اعليه
وحالة عليلك هِدَم حيل البيه

جسمه نحيل او وجعان
يحامينه من العدوان
منظر أذاني
وهيج احزاني
يحسين فاركتوني 2

☆ــــــــ☆¤(๏❀๏)¤☆ــــــــ☆

شحجي وي راسك يلأخو ما ادري
اوياك يسمع ريته كافل خدري
بين العدا عفتوني وناري تسري
ريته خلص يخوِتِي وياكم عمري

جيت ابهيبه ومحميه
وهسه امكيدات أيديه
وبدرب الآلام
مسبيه للشام
يحسين فاركتوني 2

☆ــــــــ☆¤(๏❀๏)¤☆ــــــــ☆

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

✶•┈‏​┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈┈•✶
جديد محرم 2022

آآآه يا زينب
هوسات ليوم العاشر بعد مقتل مولانا أبا عبد الله الحسين عليه السلام كأني بمولاتي زينب عليها السلام ذهبت الى مصرع أخيها ولسان حالها يقول 👇👇👇


تعنيت المصرعك ترجف أيديني
الحزن يكودني خويه وحنيني
وخفيت النوح بروحي او ونيني
من شفتك صحت وي عمت عيني

( أمطشرينه جسم القرآن )

•───✧◐🕊🖤🕊◐✧───•

من شفتك وذر مطشر ومنحور
ودمك يبو سكينه اعله لتراب يفور
وشفتهه امطرحه يمك يخويه بدور
هظمني من شفت خنصرك مبتور

( بحسيني والخيل شسوت )

•───✧◐🕊🖤🕊◐✧───•

هذا إنتَ؟ معقوله! حسين جاوبني
وهذا إنتَ؟ الشفته حين ودعني
متكطع وذر بيا وذره تسمعني
ويا خبط اللحم بالعظم فاجعني

( اندليته من عطر الخوه )

•───✧◐🕊🖤🕊◐✧───•

مذهولة فكر خويه اكعدت يمك
ألم بتراب مدري آنه ألم جسمك
مخبوط الرمل بالوذر وي دمك
صحت الغوث تحظر ريتهه أمك

( وتشوف ألي تشوفه اعيوني )

•───✧◐🕊🖤🕊◐✧───•

وين اليوجعك خبرني خويه حسين
بيا وذره الألم كلي ينور العين
وهم مثل اليموت أتجر بالونين
روح المنكطع راسه كلي تطلع منين

( وتراب امغمضهه اعيونك )

•───✧◐🕊🖤🕊◐✧───•

بسيف الشمر خويه روحك الطلعت
تسكت ونينك عشر خيول السحكت
بحوافرهه تدوس وللجسد طحنت
وجم مره عليك الراحت وردت

( بالحومه وتناثر جسمك )

•───✧◐🕊🖤🕊◐✧───•

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏

اللهم صل على محمد وآل محمد 🥀
جديد محرم 2022
آآآه يا زينب

نعي كأني بمولاتي زينب عليها السلام ذهبت ومعها الفاطميات الى ألاجساد الطاهره المرمله والمخضبه بالدماء ولسان حالها يقول👇👇👇


للحــــومه اجيناكم يهلنه
من اهمومنه يعثر جدمنه
نشكيلـكم يهل المــحــــنه
بــعدكم العــــــــدو هظمنه
وعله اجسادكم يهمل دمعنه

════ •⊰❂⊱• ════

يحسين من بعدك ولونـــه
حرگــــوا خيمنه وروعونه
وبسياطهم خويه اضربونه
عدوانكم يهلي سبونـــــــه
سبوا الزچيه وشتموا ابونه

════ •⊰❂⊱• ════

شفنه اجسادكم ولروح صاحت
وعله انحوركم يخواني ناحت
عباس خـــــــويه حسين نادت
تـــدرون زينبكم انشافــــــــت
اوياكم اختكم ريت مـــــاتت

════ •⊰❂⊱• ════

ميته ريت خويه ولا سبونــــي
الانذال باسمي ينـــــادونــــــــي
طلعوو زينب او طلعونــــــــــــي
وضــرب اسياطهم ورم امتونــــي
يضحكون وبنظرة شماته ينظروني

════ •⊰❂⊱• ════

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

✶•┈‏​┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈┈•✶
اللهم صل على محمد وآل محمد 🥀
جديد 2022

آآآه يا زينب
من قصائد ليلة الوداع ليلة العاشر
قصيده لوداع مولانا أبا عبد الله الحسين عليه السلام مع أخته الحوراء زينب عليها السلام...تقرأ بعدة اطوار

المستهل:

ليلة وداع احسين// وي زينب الحـــره
الخيمتهه راح ابو علي// ويجلب الحسره

✰───✰◐►((🔰))◄◐✰───✰

لمن وصلهه استأذن وسلم عـــليها
حياج كلهه يا أخت أو أُم الاخـــــيها
قَبَل الراس ودمعته نزلـــــــــت عليها
من شافت ادموع الاخو سجبت العبره

✰───✰◐►((🔰))◄◐✰───✰

بايده مسح دمعاتهه وكلــهه لتبجين
هالليله آخر ليله ويــــــــايه تگعدين
باجر ضحايا امجزره اخوانج تشوفين
والشمر الراسي يزينب يحـــــــــز نحره

✰───✰◐►((🔰))◄◐✰───✰

سمعيني يا لبوة علي خويه أرد احاجيج
بالخدر يختي وبناتي أم عون اوصيـــج
وصبري على كل الرزايا التنزل اعليــــج
وما اريد عدواني دمــــــع عينج تنظره

✰───✰◐►((🔰))◄◐✰───✰

شما صار باجر بالمعاره لا تطلعــــين
تبقين خويه بخيمتج ابداعة حسين
وحتى لو شفتي عليه الجيش صوبين
وجسمي تسحگه الاعوجيه وتـــــوذره

✰───✰◐►((🔰))◄◐✰───✰

خويه احفظي بعد مني هالوصــيه
وليه تصيرن باجر بأيـــــد آل أميه
الحرم حفظيهه أو بــــاري رقيــــه
أو علي السجاد خويه امشن بأمره

✰───✰◐►((🔰))◄◐✰───✰

باجر الوليان كلــــــــــهه منـــج اتروح
وتشوف عينج جم عزيز وغالي مذبوح
أتحملي يا خويه واخفيها الجــــروح
وصبري يزينب على كل الذي يــجره

✰───✰◐►((🔰))◄◐✰───✰

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

✶•┈‏​┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈┈•✶
اللهم صل على محمد وآل محمد 🥀
جديد محرم 2022

قصيده ليلة الوداع ليلة العاشر...تقرأ بعدة اطوار

المستهل:

يا ليلة اوداع الاهل آه شصعب هالليله
الوليان كلهه اتجمعت تتوادع اويه العيله

💔 ★═━━▒ ━═★💔

جمع الفواطم بالخيم كل وحده وي واليها
وعيون ما ترمش أبد اتصد الوجه غاليها
اهموم وي حزن وهظم أمبين أثرهه اعليها
وبسكته وبخنكة نفس الدمع من اتسيله

💔 ★═━━▒ ━═★💔

ابخيمة الحره گعد احسين ويجر بآهاته
وحاطنه اطيور وترف حول الابو بنياته
اگباله زينب جالسه ويمهه أگعدن خياته
ابعين المدامع نظرته ولروح منهه انحيله

💔 ★═━━▒ ━═★💔

ليلى الخيمتهه أجه الاكبر يوادع أمه
حظنته ابلهفه للولد وكامت ابنحره اتشمه
وجسام يم رمله گعد ما تظن حنته دمه
تتمنه عريس الولد اتشوفه وتهنيله

💔 ★═━━▒ ━═★💔

أم الرضيع مأمنه ما ودعت عبد الله
غافي ابحظنهه الولد لو فز تگله إسم الله
ما تدري باجر الظهر لنحره تتاني النبله
تحظن وريده للطفل هالنبله وتلوليله

💔 ★═━━▒ ━═★💔

احسين وياه الگمر يم زينب ايودعوها
سلمهه لكفاله العباس راية حسين انطوها
يحجون ويه أم الخدر وعن باجر ايوصوها
بعد الظهر يا بت علي بالظعن انتي اكفيله

💔 ★═━━▒ ━═★💔

السجاد وياهم گعد يسمع ابوه وعمه
گالوله يا زين العباد اتقود الظعن وتلمه
إنتَ وي زينب عمتك اتحزمو ابصبر وبهمه
وبيدك يبويه لو مشن اتصعدهن الهزيله

💔 ★═━━▒ ━═★💔

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏

اللهم صل على محمد وآل محمد 🥀
جديد محرم 2022

يا عزيزة الحسين يا رقيه

قصيده ... تقرأ بعدة اطوار
لمولاتي رقيه عليها السلام وكأني بها تبحث عن والدها الحسين عليه السلام عندما هجموا عليهم بعد قتله لتلوذ عنده وتشكو له ولسان حالها يقول 👇👇👇


حسين بويه صحت بسمك دوريتك
بالطفوف اعثر وانهض ما لگـــيتك

✿◕ ❀◕ ❀◕ ❀◕ ❀ ◕✿

بويه ما مر وقت لمن ودعتنــه
عالخيم أخيول وجيوش اللفتنه
بالمخيم نــــــــار شعلوا ارعبتنه
اركضت من لخوف يا بويه ونخيتك

✿◕ ❀◕ ❀◕ ❀◕ ❀ ◕✿

اركضت مرعوبه ونادي بويه يحسين
ابعازتك وينك يغالــــي يا ضوه العين
من رحت هجموا علينه هالملاعيـــن
ابسوط ضـربوني ابدمعتي حشميتك

✿◕ ❀◕ ❀◕ ❀◕ ❀ ◕✿

عمتـي زينب نادت الكافل ابدمعه
تشوف اطفال وحرم بويه متلوعه
صدت الابن الاخـــو هدمهه وضعه
صاحت انهض يالگمر داسوا ثنيتك

✿◕ ❀◕ ❀◕ ❀◕ ❀ ◕✿

نادت بصــوت الهظم وينك يعباس
شلون خويه تعوفنه بولية الارجاس
شلون ترضه عالحـــرم تتفرج الناس
يبو الغيره ما اظن ترضـــــه حميتك

✿◕ ❀◕ ❀◕ ❀◕ ❀ ◕✿

بين نار وضرب بويه وعجة الخيـل
اركضت بسمك انادي ودمعتي تسيل
صحت بويه الحك على هاي المداليل
وغصب عنــــي من الجرالي عاتبيتك

✿◕ ❀◕ ❀◕ ❀◕ ❀ ◕✿

بسمك اصرخ حيل بويه من انضرب
وشلون ترضه اتعوفنه ابين الغرب
وجيت ادورك وآنه منـدل الدرب
وبالعجل تـــــرجع يبويه ريتك

✿◕ ❀◕ ❀◕ ❀◕ ❀ ◕✿

خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




https://www.tg-me.com/azhar979

اخوتي واخواتي في الله وحب وخدمة محمد وآل محمد
السلام عليكم ورحمة الله وبركاته
لكي نستمر ونقدم الافضل فضلا وليس أمرا لايك +تعليق لهذا ☝️المقطع جزاكم الله خير الجزاء فبكم الاستمرار وبوجودكم الابداع

مهمه هذه البصمة ضروري تسمعو

👆🏻👆🏻👆🏻👆🏻👆🏻

بعض الناس اليله تحتفل بالتتويج وهذه ليلة احزااان 💔💔💔💔

*قصيدة لتعزية الزهراء والسيده زينب عليهما السلام*

*وزن خدري الچاي*
*مفاعيلن     فعولن.   مفاعيلن فعولن*

المستهل

*رحت لحسين ازوره... واعزّي امه الزچـــيه
*وواسيها الـعـقـيـلـه...  ابذبيــح الغاضــريــه
*✿────↻✿...✿↺────✿
.

حزن کل شیعي هليوم دمع من دم يسيله.
ويصيح ابـألـم ويـلاه يزهره .ویالعقیله
حنين النوگ والآه ويحن ویه الجلیله

وتنعه  ابگلب مکسور وتلعن گوم اميه

✍🏻الشاعرة ام  يحيى العبودي
*✿────↻✿...✿↺────✿
.
رحت بحسره وبآه.. للرضوا اعـــظامــه
ازوره وانعه المصاب.. وابجي عاليتامه
حــــزنه يظل بالروح.. إلى يوم القيامه
وارثـــي امصابه للدوم.. والحد المنيه

✍🏻 أزهار جبار الجياشي
*✿────↻✿...✿↺────✿
.
شبچت لوعـة الـروح.  يم بت الرساله
تسير بحسره وبنوح..  دمــعتها اتلالــه
الفواطم تكسر اگلوب.. وي اهل الظلاله
تصيح اهلي مطاريح.  مانشدوا عليه

. ✍🏻الشاعره مریم العبودیه اسيرةالاحزان💔
*✿────↻✿...✿↺────✿

وصلت الآرض الطفوف وتهيئلي منظر
زينب حايـره بليل وفوگ حسين تفتر
لاتـگـدر اتـلمـه ولا تـعـــوفـه امـطــشـر
تـحـاجـيـــه وتـگـلـه انـــه شـلـون بيــه

✍🏻الشاعره اسيل_الذهبي
*✿────↻✿...✿↺────✿

لـحـد الـمـوت ارثيه المـــظلـوم إمامــي
ابـن سيد الكونين حـيـف انذبح ظامــي
وحيد ابكربله حسين ولا عنده محامــي

انهـــدم حيلي بمصابه..محروم المــــيه 

أم عــ✍ــلــي الـحـلـفـي
*✿────↻✿...✿↺────✿
.

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/azhar979

وزن تجليبه قصيده للزهراء ع

عمت عيني عليج انهد ركن حيلج
عن حزني لمصابج حايره احجيلج
ــــــــــــــــــــــــ.      ــــــــــــــــــــــــــ

جان ايشـع ضـــواج وما طفــه نوره
وتزهي الدنيـــه بيج وبارقه الصوره
وسفه اشلون صرتي بلوعه مكسوره

وصــار انهار يومــــج يشبه اليلــچ

.✍🏻الشاعره مريم العبوديه اسيرة الاحزان 💔
⊰᯽⊱┈──╌❊╌──┈⊰᯽⊱

.من كــثر الحزن سهرانه ليل  انهار
وما تطفه تظــل  مستعره  بيه النار
لمصايج نون منه الــــــدمع  مدرار

ومن ظيم الزمــــن امجرح ادليلج

✍ سهـــام المالكي
⊰᯽⊱┈──╌❊╌──┈⊰᯽⊱

وسفه من الزجيه  مكسره الآضلاع
بحسره ونوح تكضي، ليلها باوجاع
غاب النور مــنها تغيرت الاوضـاع

کولـــي لیامصـــیبه حــایره  انعيلچ

✍خادمة الزهراء // ليلى زغيب
⊰᯽⊱┈──╌❊╌──┈⊰᯽⊱

مصـابج والضلع ميفارك احساسي
ويا صورة عصرتج راسخه براسي
او يا لوعة احزانج مالــيه انفاســي

وعيون الكلب بالحسره تبجـيلج

✍أزهار جبار الجياشي
⊰᯽⊱┈──╌❊╌──┈⊰᯽⊱

تبجــيلج  بقـــت لا ماتهـــيد  اللــيل
ودمعاتي المصابج يالحنينه اتسيل
يا زهــرة  محمد هدميتــي   الحيل

كلنه أبصوت صحنه فاطمه ادخيلج

✍🏻 وخادمه اباالفضل غدير الباهلي
⊰᯽⊱┈──╌❊╌──┈⊰᯽⊱

مجــروح الگلب وجروحه ما طابت
وعلى مصــابچ  سهم بالــعين نابــت
يحــــره اعلـــيچ هاي الروح شــــابت

بنص روحــي مأتم دوم ســـويلــج

✍مــــريم الحجيمي
⊰᯽⊱┈──╌❊╌──┈⊰᯽⊱

بروحي  مأتمـــج  تـــتلاهب الجــمره
ما ننســه  مصابج  والله يا الزهـــــره
لابــو  صــــالح  دعانا  يعجل  بامــره

ياخــــذ  ثارج  وكــبه  يسويلـج

✍ ام زيد. الهلالي
⊰᯽⊱┈──╌❊╌──┈⊰᯽⊱

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/azhar979

السلام عليكم ورحمة الله وبركاته
اخوتي وأخواتي الكرام
لظروف عابره نمر بها تم نقل كل القصائد الموجوده في هذه القناة الى قناة طف الرزايا وأصبحت قناة طف الرزايا هي القناة الرسميه لنا
لذا نرجوا من حظراتكم الاشتراك بالقناة فضلا وليس أمرا
فبدعمكم ووجودكم نستمر ونقدم الافضل
ودمتم في رعاية الله وحفظه
خادمتكم الاصغر شأن والاقل قدر وبكل فخر
أزهار جبار الجياشي

هذا 👇رابط قناة طف الرزايا وارجوا واتمنى من الجميع الأنضمام جزاكم الله خير الجزاء وجعلها في ميزان حسناتكم


https://www.tg-me.com/azhar979

#حـصـريـاً ولأول مره
#جـديد2023

تصدر الشاعره المبدعه ازهار جبار الجياشي
كتابها الاول #ديـوان {رثاء وارث الانبياء}

مختص بالعشرة الاولى من شهر محرم الحرام
يشمل جميع اطوار القصائد والنعي والاحاديث

من اصدار مكتبة حسن الطريحي للطباعه والنشر والتوزيع

ترقبو يصدر قريباً باذن الله

حسين وفقني الخدمتك واخدمك كل السنين
محله لو نادوني بسمي واسمي خادم للحسين

هذا من فضلك يحسين
سيدي اشكر فضلك

( مِنَكَ وإليكَ يا أبا عبد الله )