Davlat tilida ish yuritish – nafaqat qonuniy talab, balki milliy ĝurur masalasi

Bugungi globallashuv davrida millatning o‘zligini ko‘rsatib beradigan eng muhim qadriyat – bu uning tilidir. Ayniqsa, davlat boshqaruvida, hujjatlar yuritishda, xalq bilan muloqotda davlat tilining to‘liq va to‘g‘ri qo‘llanishi nihoyatda muhim.

🇺🇿 O‘zbekiston Respublikasi Konstitutsiyasi va “Davlat tili to‘g‘risida”gi Qonun o‘zbek tilining davlat tili sifatidagi maqomini mustahkamlab berdi. Prezident farmon va qarorlarda ham davlat tilida ish yuritish bo‘yicha aniq talablar belgilangan.

📑 Rasmiy hujjat — bu shunchaki matn emas. U: davlat idorasining intizomini, xodimlarning mas’uliyatini, eng muhimi, xalq bilan muloqot madaniyatini ifodalaydi.

Shu bois hujjatlarning aniq, ixcham va imlosi to‘g‘ri bo‘lishi – davlat tiliga bo‘lgan hurmatimiz ko‘rsatkichidir.

⚠️ Afsuski, ba’zi joylarda hali ham hujjatlar boshqa tillarda yuritilishi yoki imloviy xatolar bilan tayyorlanishi uchraydi. Bu esa nafaqat qonunga zid, balki tilimiz nufuziga ham putur yetkazadi.

✅ Muammolarning yechimi esa aniq:
📌xodimlarni hujjatshunoslik va imlo qoidalari bo‘yicha doimiy o‘qitib borish,
📌elektron ish yuritish tizimlarida o‘zbek tili uchun qulay dasturlarni keng joriy etish,
📌davlat tilida ish yuritishni nazoratni kuchaytirish.

Davlat tilida ish yuritish – bu milliy g‘ururimiz. Har bir hujjat, murojaatnoma yoki qaror o‘zbek tilida yozilganda, u xalqimiz qalbiga yaqinroq, davlatimiz sha’niga mosroq bo‘ladi.

📢 Keling, barchamiz davlat tilida ish yuritishga e’tiborli bo‘laylik! Zero, bu nafaqat qonuniy talab, balki kelajak avlod oldidagi mas’uliyatimizdir.

ICTWeek 2025 doirasidagi “Raqamli ta’limda sun’iy intellekt” forumiga taklif etamiz!

⭐24-sentabr ICTWeek 2025 doirasida Raqamli ta'limni rivojlantirish markazi tomonidan “Raqamli ta’limda sun’iy intellekt: G‘oyadan natijagacha” forumi o'tkaziladi.

Bu yil ham forumda Sizni:

➡ Mahalliy va xorijiy mutaxassislarning ma’ruzalari;
➡ O‘quv markazlar uchun maxsus yangilik;
➡ Taqdirlash marosimi;
➡ Sun’iy intellekt bo‘yicha mahorat darslari;
➡ Maxsus tanlov va qiziqarli sovg‘alar kutmoqda.

📍 Manzil: CAEx Ko‘rgazma Markazi, Main Hall 1
⏰Vaqt: 9:30 (ro‘yxatdan o‘tish 9:00 dan boshlanadi)

Ro'yxatdan o'tish