❗️Вазир ёки ҳокимликка номзодлар коррупцияга қарши режа тақдим этади

Қонунчилик палатасида ҳукумат ва маҳаллий ҳокимият раҳбарларининг коррупцияга қарши масъулиятини оширишга қаратилган қонун лойиҳаси биринчи ўқишда маъқулланди.

Янги тартибга кўра:
— ҳокимликка номзод ҳудудни ривожлантириш дастури билан бирга коррупциянинг олдини олиш бўйича ҳаракатлар режасини тақдим этади;
— Вазирлар Маҳкамаси аъзолигига номзодлар эса тизимда коррупцияга қарши чоралар режасини ўз фаолият дастури билан бирга тақдим қилади.

Батафсил 👉 @XORAZM

❗️Яширин камера ўрнатганлик учун жавобгарлик белгиланмоқда

Ўзгаларнинг шахсий ёки оилавий сирини билиш мақсадида яширин камера, диктофон ёки бошқа қурилма ўрнатиш учун жавобгарлик жорий этиш таклиф қилинмоқда.

Қонун лойиҳасига кўра, бундай ҳаракатлар шахснинг шаъни, қадр-қиммати ва шахсий ҳаёти дахлсизлигини бузиш сифатида баҳоланади ҳамда маъмурий ёки жиноий жавобгарликка сабаб бўлиши мумкин.

Батафсил 👉 @XORAZM

Фарғонада трансчегаравий уюшган нарко-жиноий гуруҳ фош қилинди

ИИВ хабарига кўра, Данғара туманида Қўқон—Тошкент автомагистрал йўлининг четидаги далага кўмиб кетилган 4 кг. “опий” наркотик моддасини олаётган уч киши ушланди.

Суриштирув давомида гуруҳ аъзолари Тожикистон ва Қирғизистонда ҳам фаолият юритиши аниқланди.

Ҳолат юзасидан Жиноят кодексининг 246 ва 273-моддалари 5-қисми билан жиноят иши қўзғатилган. Ҳозирда қолган жиноий гуруҳ аъзоларини қўлга олиш чоралари кўрилмоқда.

Батафсил 👉 @XORAZM

Тошкентда талаба фоҳишани уйига таклиф қилиб, бўғиб ўлдирди

Тергов маълумотларига кўра, 10 июнь куни Яшнобод туманида 20 ёшли иккинчи курс талабаси эълон орқали танишган қизни ижарага олинган уйга жинсий алоқа учун таклиф этган. Айбланувчининг айтишича, учрашув пайтида қиз олдиндан келишилган 100 доллардан кўпроқ пул талаб қила бошлаган ва шантаж қилиш билан қўрқитган. Бунга жавобан у қизни бўғиб ўлдирган, жасадни чойшабга ўраб, Сурхандарё вилоятига жўнаб кетган.

Суд уни қасддан одам ўлдиришда айбдор деб топди (Ўзбекистон Республикаси Жиноят кодексининг 97-моддаси 1-қисми) ва 10 йил муддатга озодликдан маҳрум қилиш жазосини тайинлади.

Батафсил 👉 @XORAZM

Бухоро ва Навоийда олтин қазиётган 37 нафар шахс қўлга олинди

Шофиркон туманидаги «Қулжуқтов» ва Конимех туманидаги «Товшан» тоғ массивларида жойлашган «Олтин Кон» МЧЖ тасарруфидаги ҳудудларда бегона шахслар томонидан ноқонуний олтин қазиб олиш ҳолатлари аниқланган. «Қулжуқтов» массивида ўтказилган тадбир давомида 37 нафар шахс ноқонуний фаолият юритаётган пайтда қўлга олинди.

Тадбир давомида, 3 та Форд автомашинаси, 8 та перфоратор, 6 та компрессор ва таркибида олтин моддаси мавжуд бўлган 400 қопга яқин руда ва бошқа қўлбола ясама асбоб-ускуналар ашёвий далиллар сифатида олинди ҳамда ноқонуний фаолият орқали давлат ва жамият манфаатларига жами 20 млрд сўмдан ортиқ етказилган зарар аниқланди.

Батафсил 👉 @XORAZM

#ТЕЗКОР
Ўзбекистонда ярим йил ичида 50 га яқин талабалар наркотик моддалар савдосида иштирок этгани аниқланди😨

Президент Администрацияси ҳузуридаги Наркотикларни назорат қилиш миллий маркази мамлакатда гиёҳванд моддаларнинг ноқонуний айланиши ва уларнинг ёшлар орасида тарқалиши ҳолатлари ҳақида маълум қилди.

УНВЕРСИТЕТДАГИЛАРГА ЮБОРИБ ҚЎЙИНГ

Батафсил 👉 @XORAZM

🇺🇿 Ўзбекистонда сунъий интеллект жорий этилиши муносабати билан 2 141 нафар давлат хизматчиси қисқартирилади.

Қисқартиришлар асосан Солиқ қўмитаси, Қишлоқ хўжалиги, Экология, Адлия ва Меҳнат вазирликларини қамрайди. Ташаббуснинг мақсади — бошқарувни автоматлаштириш ва давлат аппарати самарадорлигини ошириш.

Батафсил 👉 @XORAZM

Самарқандда бошланғич координата нуқтаси ўрнатилди

Чўпон-отададаги Расадхона қишлоғида ўрнатилган махсус белги “0 нуқта” ҳисобланади. Яъни у республикада геодезия ва кадастр соҳасида барча ўлчовлар учун асосий бошланғич таянч нуқта вазифасини бажаради.

Кадастр агентлиги маълумотларига кўра, келажакда ушбу нуқтани халқаро координаталар тизимига мослаштириш режалаштирилган.

Батафсил 👉 @XORAZM

Фавқулодда вазиятларнинг 70 фоизи аҳоли хонадонларида содир бўлмоқда

Бу ҳақида Шавкат Мирзиёев ҳузурида бўлиб ўтган тақдимотда айтиб ўтилди.

Шу сабабли маҳаллаларда хавфсизлик маданиятини ошириш бўйича профилактик чора-тадбирлар ўтказиш зарурлиги таъкидланди.

Шунингдек ФВВ соҳасини замонавий техник воситалар билан жиҳозлаш ҳамда рақамлаштириш бўйича топшириқ берилди.

Батафсил 👉 @XORAZM