Урганчда судлар ўртасида мини-футбол бўйича "Хоразм вилоят суди раиси кубоги" спорт мусобақаси ўтказилди

Каналга уланиш: @xorazmviloyatisudlari

#биласизми

Маъмурий жавобгарлик тўғрисидаги кодекснинг 90-моддаси. Ов қилиш ва балиқ овлаш қоидаларини, шунингдек ҳайвонот дунёсидан фойдаланишнинг бошқа турларини амалга ошириш қоидаларини бузиш

✅Ов қилиш ва балиқ овлаш қоидаларини, шунингдек ҳайвонот дунёсидан фойдаланишнинг бошқа турларини амалга ошириш қоидаларини бузиш, жиноят аломатлари мавжуд бўлмаса, —

фуқароларга БҲМнинг 20 бараваридан 30 бараваригача, мансабдор шахсларга эса — 30 бараваридан 40 бараваригача миқдорда жарима солишга сабаб бўлади.

✅Ушбу модданинг биринчи қисмида назарда тутилган худди шундай ҳуқуқбузарликни маъмурий жазо чораси қўлланилганидан кейин бир йил давомида такрор содир этиш, —

шу ҳуқуқбузарликни содир этиш қуроли ва ашёларини мусодара қилиб, фуқароларга БҲМнинг 30 бараваридан 40 бараваригача, мансабдор шахсларга эса — 40 бараваридан 50 бараваригача миқдорда жарима солишга сабаб бўлади.

✅Ушбу модданинг биринчи қисмида назарда тутилган худди шундай ҳуқуқбузарликни маъмурий жазо чораси икки марта қўлланилганидан кейин бир йил давомида такрор содир этиш, –

шу ҳуқуқбузарликни содир этиш қуроли ва ашёларини мусодара қилиб, фуқароларга БҲМнинг 40 бараваридан 50 бараваригача, мансабдор шахсларга эса — 50 бараваридан 70 бараваригача миқдорда жарима солишга ёхуд шу ҳуқуқбузарликни содир этиш қуроли ва ашёларини мусодара қилиб, 3 йилгача муддатга ов қилиш ҳуқуқидан маҳрум этишга сабаб бўлади.

✅Тегишли рухсати бўлмай туриб ёки тақиқланган жойларда ёхуд тақиқланган муддатларда, тақиқланган қуроллардан ёки усуллардан фойдаланган ҳолда ов қилиш ёхуд балиқ овлаш (бундан электр токини, портловчи, кимёвий моддаларни ёки биологик препаратларни қўллаш ҳоллари мустасно), —

шу ҳуқуқбузарликларни содир этиш қуроли ва ашёларини мусодара қилиб, фуқароларга БҲМнинг 50 бараваридан 70 бараваригача, мансабдор шахсларга эса — 70 бараваридан 100 бараваригача миқдорда жарима солишга ёхуд шу ҳуқуқбузарликларни содир этиш қуроли ва ашёларини мусодара қилиб, 3 йилгача муддатга ов қилиш ҳуқуқидан маҳрум этишга сабаб бўлади.

❗️МАЪЛУМОТ ЎРНИДА:

✔️2020-2024 йиллар давомида Маъмурий жавобгарлик тўғрисидаги кодекснинг 90-моддаси билан 1 081 нафар шахс маъмурий жавобгарликка тортилиб, уларга жарима жазоси қўлланилган.

✔️Жорий йилнинг биринчи ярмида ушбу моддада назарда тутилган ҳуқуқбузарликни содир этган 87 нафар шахс маъмурий жавобгарликка тортилиб, уларга жарима жазоси қўлланилди.

Telegram

БРИФИНГ / Хоразм вилоят суди раисининг ўринбосари - иқтисодий ишлар бўйича судлов ҳайъати раиси Илёс Тешаев иқтисодий ишлар бўйича судларнинг 2025 йил 9 ойидаги фаолияти ҳақида ахборот берди

Каналга уланиш: @xorazmviloyatisudlari

Экологияни асраш юзасидан очиқ мулоқот

Урганч туманлараро иқтисодий суди ва фуқаролик ишлари бўйича Урганч туманлараро судлари томонидан вилоят Экология, атроф-муҳитни муҳофаза қилиш ва иқлим ўзгариши бошқармасида очиқ мулоқот ўтказилди.

Унда Урганч туманлараро иқтисодий суди раиси Б.Давлатов ҳамда судьялар Н.Аллаберганова, М.Бобоназаров, Ё.Алмосов, М.Матякубовлар маъруза қилиб, экология ва атроф муҳитга етказилган зарарларни суд орқали ундириш, экологияни ифлослантираётган корхоналар фаолиятини тўхтатиб туриш юзасидан тушунтириш беришди.

Мулоқотларда Республикамизда сўнгги йилларда экологик соҳада тизимли ислоҳотлар амалга оширилиб, тегишли қонун ҳужжатлари қабул қилинаётгани ва бу ўз навбатида мамлакатда атроф муҳитни муҳофаза қилиш соҳасидаги давлат сиёсатининг амалий самарасини оширишга хизмат қилаётгани таъкидланди.

Экологик назорат олиб борувчи ходимлар жамоатчиликнинг экологик маданиятини ошириш ва мазкур йўналишда жавобгарликни мустаҳкамлаш юзасидан таклифларини билдиришди.

“Атроф-муҳитни асраш ва “яшил иқтисодиёт” йилида мазкур йўналишга алоҳида эътибор қаратилмоқда. Судлар томонидан экология соҳасидаги ҳуқуқбузарлик ва жиноятларга жазо муқаррар эканлиги таъминланмоқда. Иқтисодий судлар томонидан ҳавони ифлослантираётган корхоналар фаолиятини тўхтатиб турилиши таъминланмоқда.

Очиқ мулоқотда бошқарма томонидан судга тақдим этиладиган ҳужжатларни қонунчилик талабидан келиб чиқиб шакллантириш ва иловаларда табиатга етказилган зарарларни аниқ кўрсатиш масалаларига ҳам тўхталинди.

Бугун атроф муҳитни муҳофаза қилиш ҳар бир давлатнинг барқарор ривожланиш стратегиясининг ажралмас қисми ҳисобланади. Табиат инъомларидан фойдаланиш билан бирга, уни асраб-авайлаш, биологик хилма-хилликни сақлаш, инсон саломатлиги учун қулай экологик муҳитни таъминлаш — бугунги куннинг долзарб вазифаларидан биридир.

Каналга уланиш: @xorazmviloyatisudlari

ДИҚҚАТ, ЭЪЛОН !

Хоразм вилояти ҳуқуқни муҳофаза қилувчи органлари ҳамда вилоят судлари ва адлия бошқармаси раҳбарияти томонидан 17 октябрь куни Қўшкўпир туманида соат 10:00да оммавий сайёр қабул ўтказилади.

Манзил: Қўшкўпир тумани, “Чаманзор” маҳалласида жойлашган 10-сонли болалар мусиқа ва санъат мактаби биноси.

Каналга уланиш: @Xorazmviloyatisudlari