✅ Бугунги кунда халқ билан мулоқот тизими фуқароларни ташвишлантираётган ижтимоий-маиший муаммоларга ечим топишда муҳим аҳамият касб этмоқда. Давлат идоралари раҳбарлари маҳаллаларга чиқиб фуқаролар билан юзма юз мулоқотда бўлиб уларнинг таклиф ва мурожаатларини ўрганиб, ҳар бир масаланинг ижобий ечимини топаётгани аҳолининг кайфияти, турмуш шароитлари яхшиланиб бораётганида ўз ифодасини топмоқда.

✅ Бугун Шовот туманида вилоят ҳокими Жўрабек Рахимовнинг навбатдаги сайёр қабули ўтказилди. Қабулда вилоятимизнинг барча ҳудудларидан келган фуқароларнинг қонуний ҳуқуқ ва манфаатларини ҳимоя қилиш, ижтимоий қўллаб-қувватлаш билан боғлиқ масалалар юзасидан мурожаатлари дахлдор идоралар, туман ва шаҳар ҳокимликлари вакиллари иштирокида ўрганилиб, амалий ёрдам бериш чоралари кўрилди.

Хоразм вилояти ҳокимлиги матбуот хизмати
Xorazm.uz | Telegram | Facebook | Instagram | Youtube

Урганчда битирувчи талабалар учун “Бизнес-марафон” ўтказилди

✅ Давлатимиз раҳбари жорий йил 30 июн куни мамлакатимиз ёшлари билан ўтказган учрашувида Хоразм вилояти ёшлар бандлигини таъминлаш бўйича илғор ҳудудга айланганини эътироф этди. Вилоятимизда олий таълим муассасалари битирувчиларини иш билан таъминлаш борасида “Келажакка қадам” дастури  муваффақиятли амалга оширилмоқда. 

✅ Жорий йилда Хоразм вилоятидаги  8 та олий таълим муассасаларини 9 124  нафар битирувчи тамомлайди. Уларни ўз мутахассисликлари бўйича иш билан таъминлаш мақсадида Урганч шаҳрида “Бизнес-марафон” ташкил қилинди. Хоразм вилояти ҳокимлиги, олий таълим, фан ва инновациялар бошқармаси, Камбағалликни қисқартириш ва бандлик бошқармаси, Савдо-саноат палатасининг вилоят бўлими, Ёшлар ишлари агентлиги ва “Миллий банк” ҳамкорлигида ўтказилган ушбу тадбир  битирувчилар ва иш берувчилар  ўртасида ўзига хос мулоқот кўприги бўлиб, ёшларга  ўз қизиқиши ва малакасига  мос иш топиш, шунингдек бизнес фаолиятини йўлга қўйишга ёрдам берди. Семинар-тренингга таклиф қилинган тадбиркорлар бизнесда муваффақиятга эришиш сирларини ўртоқлашдилар, ёшлар бўш иш ўринлари ярмаркасида ўзларига  маъқул иш топиш имкониятига эга бўлдилар.

Xorazm.uz | Telegram | Facebook | Instagram | Youtube

Сайёр қабул – аҳоли билан мулоқотнинг самарали усули

✅ Мамлакатимизда фуқароларни ташвишлантираётган муаммоларни ҳал этишнинг самарали механизми ва усуллари жорий этилгани, бугунги кунда давлатимиз раҳбари бошчилигида амалга оширилаётган кенг кўламли ислоҳотларнинг устувор йўналишларидан бирига айланди. Натижада аҳолининг таклиф ва мурожаатлари тезкорлик билан ўрганилиб, ҳар бир масала ўз ечимини топмоқда.

✅ Бугун Урганч туманида вилоят ҳокими Жўрабек Рахимовнинг навбатдаги сайёр қабули бўлиб ўтди. Қабулда вилоятимизнинг барча ҳудудларидан келган фуқароларнинг мурожаатлари тегишли соҳа мутахассислари иштирокида пухта ўрганилиб, ҳуқуқий маслаҳат ва амалий ёрдам кўрсатилди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram

✅ Бугун Урганч шаҳридаги “Ёшлик” спорт мажмуасида футбол ва мини-футбол бўйича “Давлат хавфсизлик хизмати кубоги” мусобақалари ғолибларини тақдирлаш маросими ўтказилди.

✅ Ёшларнинг бўш вақтларини мазмунли ташкил қилиш, иқтидорли спортчиларни излаб топиш ва тарбиялаш мақсадида “Беш ташаббус олимпиадаси” доирасида ташкил қилинган ушбу мусобақаларда вилоятимиздан 51 минг нафардан зиёд йигит-қизлар иштирок этишди.

✅ Тадбирда вилоят ҳокими Жўрабек Рахимов қатнашиб, мусобақанинг ғолиб ва совриндорларига кубок, диплом ҳамда қимматбаҳо совғаларни топширди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram