Tarixiy natijamiz adolatsizlik bilan esda qolmasin, iltimos

Futbolchilarimiz erishgan tarixiy natija munosabati bilan davlat mukofotlari berish haqida farmon chiqdi. Qo‘shimchasiga bugun BYD avtomobillari ham beriladi (ularning soni 40 ta deyishmoqda).

Ammo futbol jamoatchiligi ushbu mukofotlar berilishida bir futbolchi qolib ketgani haqida yozmoqda (aslida qolib ketganlar ko‘p, ammo bittasini alohida ko‘rsatish joiz).

Gap shundaki, taqdirlangan 25 nafar futbolchi ro‘yxati BAA va Qatarga qarshi o‘yin uchun e’lon qilingan kengaytirilgan tarkibdan olingan.

Ammo avvalgi 8 ta o‘yinda tarkibda bo‘lgan va terma jamoamizga katta yordami tekkan Bobur Abduxoliqov ushbu ro‘yxatdan tushib qolgan. Chunki Temur Kapadze oxirgi 2 o‘yin uchun uning o‘rniga Islom To‘xtaxo‘jayevni tarkibga chaqirgandi.

Bobur Abduxoliqov saralash bosqichida 134 daqiqa o‘ynadi, BAAga qarshi bahsda penalti ishladi (1:0 ga yutganmiz), Shimoliy Koreyaga qarshi bahsda esa golga assistentlik qildi (1:0 ga yutganmiz). Ya’ni 2 ta muhim bahsda yagona gollarning urilishida va 6 ochko olishda Boburning hissasi katta.

Eng qizig‘i, avvalgi o‘yinda Oston O‘runov jarohat olgani sababli Bobur Abduxoliqov bugungi Qatar bilan o‘yinga tarkibga chaqirilgan.

Mukofotlanganlar orasida Botirali Ergashev, Islom To‘xtaxo‘jayev, Abduvohid Ne’matov va Igor Sergeyev bironta o‘yinda maydonga tushmagan.

Yo‘q, men yuqorida nomlari sanalgan futbolchilarning taqdirlanishiga mutlaqo qarshi emasman. Ular ham terma jamoa a’zosi va taqdirlanishga 100% haqqi bor. Ayniqsa Islom To‘xtaxo‘jayev terma jamoamiz uchun allaqachon katta hajmli ishni bajargan, gap yo‘q, haloli bo‘lsin..

Shunchaki, adolat ta’minlanishi uchun Bobur Abduxoliqov ham qo‘shimcha taqdirlanishi kerak, degan fikrdaman. Terma jamoamizning ikki muhim g‘alabasiga bevosita hissa qo‘shgan futbolchi chetda qolib ketishi noto‘g‘ri.

Bitta mashina va bitta unvon bilan davlatimiz qashshoqlashib qolmaydi. “Karnaychidan bir puf” degandek gap.

Hurmatli mas’ullar, tarixiy natijamiz to‘kis bo‘lishi uchun bir kishi chetda qolib ketmasin, iltimos.


👉 @xushnudbek 👈

🇺🇸American University of Technology (AUT) va Arizona State University (ASU) ikkita magistrlik diplomi bilan xalqaro karyerangizni quring.

AUT quyidagi yo‘nalishlar bo‘yicha 25 va 100% lik grantlar bilan magistraturaga qabul e’lon qiladi:

- Global Management
- Software Engineering
- MBA

Barcha dasturlar ASU bilan hamkorlikda amalga oshirilgan.

📌 O‘qish 10-sentyabrdan boshlanadi.
📅 Arizalar 15-avgustgacha qabul qilinadi.

📄Litsenziya (№ 522863, 16.09.2024-y)

🔗Hoziroq ariza topshiring: https://aut-edu.uz/masters

Reklama

Bugungi bayramona o’yin uchun boshlang’ich tarkibimiz e’lon qilindi.


👉 @xushnudbek 👈

Birinchi bo’limni to’liq ustunlikda o’tkazdik. Aslida hisob yanada kattaroq bo’lishi mumkin edi-yu, lekin ko’p vaziyatlar oxiriga yetmay qoldi.

Hozircha 1:0.

Hozircha yigitlar bayramni bayramdek o’tkazib berishmoqda, ko’z tegmasin.


👉 @xushnudbek 👈

O‘zbekiston milliy terma jamoasi murabbiylar shtabi va jamoa mas’ullariga Prezident sovg‘alari, davlat mukofotlari topshirildi.


👉 @xushnudbek 👈

3:0

Bunaqa yorqin o’yin O’zbekiston terma jamoasi tarixida sanoqli bo’lgan. Balki eng yorqini hozircha aynan shudir, kim bilsin.

Jahon chempionatiga chiqqan jamoa kamida shunaqa o’ynashi kerak. Barakalla yigitlar!!!


👉 @xushnudbek 👈

Bayramni “yorvorishdi”🔥 Futbolchilarimiz ham, tashkilotchilar ham. Super!!!

Biz 38 millionli katta xalqmiz! Va bu xalqqa mana shunday bayramlar yarashadi!

Quvonchli kunlarimiz bardavom bo’lsin, ilohim.


👉 @xushnudbek 👈

Islom To‘xtaxo‘jayev o‘z avtomobilini Bobur Abduxoliqovga sovg’a qilibdi. Bu haqda ChampionatAsia xabar bermoqda.

Barakalla, Islom! Tarbiya bergan ota-onangga ming rahmat👏


👉 @xushnudbek 👈

Srechko Katanets o‘ziga berilgan BYD mashinasini tarjimon Davron Ahmedovga sovg‘a qilibdi.

Barakalla, Srechko!

O‘zi umuman sendan juda minnatdormiz, tarixiy natijaga eng katta hissa qo‘shding, grand jamoalar bilan qo‘rqmay o‘ynaydigan terma jamoa shakllantirding. Barchasi uchun katta rahmat! Senga sog‘lik tilaymiz, Alloh o‘zi shifo bersin.


👉 @xushnudbek 👈

Iqtisodiyot va pedagogika universitetida 2025/2026-o‘quv yili uchun qabul jarayonlari boshlandi!

Iqtisodiyot va pedagogika universiteti nafaqat bilim maskani, balki orzular sari yo‘l ochuvchi mustahkam poydevor!

📌 Sizni bu yerda quyidagi afzalliklar kutmoqda:

✅ 40 ga yaqin bakalavriat yo‘nalishlari – bugungi mehnat bozorida talab yuqori bo‘lgan yo‘nalishlar;
✅ 5 ta magistratura dasturi – chuqur mutaxassislik va ilmiy izlanishlar uchun imkoniyat;
✅ Tajribali professor-o‘qituvchilar – 200 nafardan ortiq malakali ustozlar;
✅ Xalqaro hamkorlik – 26 ta xorijiy OTMlar bilan Erasmus+ loyihasi orqali almashinuv;
✅ Innovatsion darslar – raqamli texnologiyalar, sun’iy intellektga asoslangan ta’lim tizimlari;
✅ Yangi zamonaviy bino – qulay va keng majmua: auditoriyalar, laboratoriyalar, oshxona, sport maydonlari va yana ko‘plab sharoitlar!

📲 Onlayn hujjat topshirish uchun:
1. ipu.educon.uz ✅ saytiga kiring;
2. Ro‘yxatdan o‘ting;
3. Oʻz yo‘nalishingizni tanlang;
4. Arizani to‘ldirib, yuboring.

📞 Aloqa markazi:
Qashqadaryo: +998 75 230 60 60
Samarqand: +998 55 705 60 60

💻 Qabul boʻlimiga hujjatlaringizni qoldiring❗️

📄 Litsenziya (№ 332751, 16.08.2022-y.)

📍 Manzillar:
➖ Qashqadaryo: Qarshi shahri, “Ravoq” MFY, Islom Karimov ko‘chasi, 13-uy
➖ Samarqand: Samarqand tumani, “Jo‘yi Soy” MFY, Yasmin ko‘chasi, 11-uy

🎯 Kelajak shu yerdan boshlanadi!

Telegram | Instagram | Web-sahifa | Reklama

Osiyoda Jahon chempionati uchun saralashning uchinchi bosqichi yakunlandi

Kecha Eron ham o‘z uyida KXDRni 3:0 hisobida yutgani evaziga biz o‘z guruhimizda 21 ochko bilan 2-o‘rinni egalladik.

Uchinchi bosqich yakunlariga ko‘ra, quyidagi terma jamoalar mundialga to‘g‘ridan-to‘g‘ri yo‘llanmaga ega chiqdi:

🇮🇷Eron
🇺🇿O‘zbekiston
🇰🇷Janubiy Koreya
🇯🇴Iordaniya
🇯🇵Yaponiya
🇦🇺Avstraliya

Shuningdek, quyidagi 6 ta terma jamoa 3 tadan ikki guruhga bo‘linib, saralashni davom ettiradi va guruh g‘oliblari yo‘llanmani qo‘lga kiritadi:

🇦🇪BAA
🇶🇦Qatar
🇮🇶Iroq
🇴🇲O‘mon
🇸🇦Saudiya Arabistoni
🇮🇩Indoneziya

Ushbu guruhlarda 2-o‘rinni egallagan jamoalar o‘zaro bahs yuritadi, g‘olib jamoa qit'alararo pley-off o‘yinida ishtirok etib, yana bir yo‘llanma sohibini aniqlaydi.


👉 @xushnudbek 👈

❗️Fuqarolariga nisbatan noinsoniy munosabat yuzasidan O’zbekiston tomoni Rossiyaga nota yubordi

Kecha Tashqi ishlar vazirligida Rossiya tomoni bilan har oy migratsiya masalalari bo‘yicha o‘tkaziladigan navbatdagi uchrashuv tashkil etilgan.

Unda Rossiya hududida ayrim holatlarda O‘zbekiston fuqarolariga nisbatan ruxsatsiz tekshiruvlar, hurmatsizlik va qo‘pol muomalalar kuzatilayotgani to‘g‘risidagi xabarlar tashvish uyg‘otayotgani ta’kidlangan.

"O‘zbekiston Respublikasi xorijda yashayotgan va vaqtincha bo‘lib turgan fuqarolarining huquq va manfaatlarini himoya qilishni o‘zining ustuvor vazifasi deb biladi.

Ushbu masala yuzasidan O‘zbekistonning Moskva shahridagi elchixonasi tomonidan ham Rossiya tomoni bilan tegishli diplomatik kanallar orqali muloqot olib borilmoqda.

O‘zbekiston tomoni barcha fuqarolarga nisbatan xalqaro huquq va inson huquqlariga rioya qilinishini ta’minlashga chaqiradi", — deyiladi rasmiy xabarda.

Moskvadagi holat yuzasidan Rossiya Tashqi ishlar vazirligiga nota yuborilib, Rossiya TIVdan ushbu holatga izoh berish so’ralgan. Internetda tarqalgan videolarda inson huquqlari yaqqol buzilganligi aks etganligi, bu esa qabul qilib bo‘lmas holatligi ta’kidlanib, kuch ishlatar tashkilot vakillarining harakatlariga huquqiy baho berish so‘ralgan.

O‘zbekiston Tashqi ishlar vazirligi ushbu masalani o‘zining doimiy nazoratida ushlab turadi va kerakli hollarda qo‘shimcha choralar ko‘rishni davom ettiradi.


👉 @xushnudbek 👈

❗️O‘zbekiston va Qirg‘iziston o‘rtasida ozodlikdan mahrum etilgan shaxslarni jazoni o‘tashni davom ettirish uchun topshirish to‘g‘risidagi shartnoma ratifikatsiya qilindi.

Boshqacha aytganda, endi ikki davlat o’zaro mahbuslar almashishi mumkin.


👉 @xushnudbek 👈

"Rossiya O‘zbekiston yuborgan notani diqqat bilan ko‘rib chiqmoqda" — Mariya Zaxarova

Rossiya TIV rasmiy vakili Mariya Zaxarova O‘zbekiston tomonidan yuborilgan notada keltirilgan ma’lumotlar sinchkovlik bilan o‘rganilayotgani, O‘zbekiston tomonining tegishli murojaati vakolatli idoralarga yetkazilayotganini ma'lum qildi.

U, shuningdek, olingan xolis ma’lumotlar belgilangan tartibda Toshkentga yuborilishini bildirdi.


👉 @xushnudbek 👈

🎓 Oxus university’da qabul boshlandi

10 million so’mgacha grant yutib oling!

📘 Ta’lim yo‘nalishlari:
BA (Hons) – Davlat va jamiyat boshqaruvi
BSc – Iqtisodiyot va biznes tahlil
BA – Xorijiy mamlakatlar iqtisodiyoti va mamlakatshunoslik (Yaponshunoslik)
BSc – Kompyuter ilmlari
BSc – Raqamli marketing va menejment
BSc – Buxgalteriya hisobi va moliya
BA – Ingliz tili va uni chet tili sifatida o‘qitish.

Manzil: Toshkent shahri, Farg‘ona yo‘li ko‘chasi, 25-uy (Xarita)

Hujjat topshirish uchun:
🌐 Veb-sayt: admission.oxusuniversity.uz
📑 Telegram: @oxus_qabul_bot
☎️ Axborot markazi: 781133663

OXUS UNIVERSITY sizni orzularingiz sari yetaklaydi!

Telegram | Instagram | Facebook | YouTube | Veb-sayt | Reklama