❗️Isroil va HAMAS tinchlik kelishuvining birinchi bosqichini imzoladi

AQSh prezidenti Donald Tramp Isroil va HAMAS uning 20 bandli tinchlik rejasi bo‘yicha kelishuvlarning dastlabki bosqichiga erishganini ma'lum qildi.

"Isroil va Hamas tinchlik rejamizning birinchi bosqichini imzolaganini e’lon qilishdan g‘oyat faxrlanaman. Bu shuni anglatadiki, barcha garovga olinganlar yaqin kelajakda ozod etiladi va Isroil o‘z qo‘shinlarini kelishilgan chegaraga qadar olib chiqadi", – deb yozadi u.

Kelishuvga binoan, HAMAS 13-oktyabr kuni barcha garovdagilarni (48 kishi, jumladan, ulardan 20 nafari tirik) ozod qiladi. Shundan so‘ng, Isroil 72 soat ichida bosqichma-bosqich o‘z qo‘shinlarini olib chiqadi, G‘azoga gumanitar yordam kiritiladi.

Shuningdek, Isroil umrbod qamoq jazosiga hukm qilingan 250 kishini va 1 ming 700 nafar falastinlik mahbusni ozod qiladi.

Donald Tramp ushbu kelishuv bo‘yicha shu hafta oxirida Yaqin Sharqqa tashrif buyurishi mumkin.


👉@xushnudbek👈

❌ O‘zbekistonda shaxsni ruxsatsiz tasvirga olish taqiqlanmoqda. Lekin istisnolar bor

Bu bo‘yicha qonun Oliy Majlis Qonunchilik palatasi tomonidan qabul qilinib, Senatga yuborildi. Unga ko‘ra, shaxsni tasvirga olish va undan foydalanish uchun rozilik olish majburiyligi belgilab qo‘yilmoqda.

🔴 Istisnolar

Quyidagi 8 ta holatda tasvirga olish va uni tarqatishda rozilik so‘rash talab etilmaydi:

➖ qidiruvdagi shaxsni aniqlash uchun tasvirdan foydalanganda;

➖ jamoat tartibini saqlash yoki xavfsizlikni ta’minlash maqsadida videokuzatuv orqali tasvirdan foydalanganda;

➖ davlat organlari o‘z xizmat vazifasini bajarish jarayonida tasvirdan foydalanganda;

➖ qonunbuzarlik holatlari haqida xabar berganda tasvirdan foydalanganda;

➖ davlat xizmatchilarini ularning xizmat vazifasini bajarish yoki jamoatchilik oldidagi faoliyati vaqtida tasvirga olishda.

➖ jamoat joylarida (ko‘cha, maydon, park, stadion, sohil, bozor, transport, aeroport, vokzal, kafe, kutubxona, muzey va h.k.) hamda mitinglar, yig‘ilishlar va namoyishlarda, ommaviy tadbirlarda umumiy jarayonlarni aks ettirish maqsadida shaxslarni tasvirga olishda;

➖ agar tasvir ochiq manbada joylashtirilgan bo‘lsa yoki undan hamma erkin foydalana olsa (tijorat maqsadida foydalanish bundan mustasno).

➖ shaxs haq evaziga tushgan surat yoki video faqat o‘sha maqsadda — ya’ni oldindan kelishilgan yo‘nalishda foydalanilsa.

🟢 Talablar:

🔹 tasvirga olishda va undan foydalanishda 16 yoshga to‘lmagan voyaga yetmaganlar nomidan rozilik ularning ota-onasidan biri yoki ota-onasining o‘rnini bosuvchi shaxslar tomonidan beriladi;

🔹 jamoat joylarida videokuzatuv tizimlari o‘rnatilgan taqdirda, bu haqda barchaga ko‘rinadigan joyda va shaklda ogohlantiruvchi belgi o‘rnatiladi;

🔹 insonning shaxsiy yoki oilaviy sirini tashkil etuvchi ma’lumotlarini uning roziligisiz yashirincha yozib olish yoki tarqatish maqsadida maxsus texnika vositalaridan foydalanganlar uchun ma’muriy javobgarlik belgilanmoqda. Boshqacha aytganda, yashirin kamera uchun javobgarlik belgilanyapti;

🔹 videokuzatuv kameralarini o‘rnatish mumkin bo‘lmagan joylar doirasi, xususan, kiyinish xonalarida, hojatxonalarda videokuzatuv tizimlari o‘rnatilishi mumkin emasligi aniq belgilab qo‘yilmoqda.


👉@xushnudbek👈

Til o‘rganmoqchi bo’lgan yoshlarga subsidiya ajratiladi

Bu haqda Hukumatning tehishli qarori (632-son, 08.10.2025-y.) qabul qilindi.

"2+6" dasturiga ko‘ra, sertifikatga ega bo‘lgan yoshlar avvalgi 2 oyni o‘z hisobidan, keyingi 6 oygachani esa Yoshlar ishlari agentligi jamg‘armasi hisobidan o‘qiydi.

Subsidiya miqdori:

Toshkent shahrida — BHMning 2 baravarigacha (824 ming so’m);

Viloyat markazlarida — 1,5 baravarigacha (618 ming so’m);

Tuman (shahar)larda — 1 baravarigacha (412 ming so’m).

2025–2026-yillarda 20 ming nafargacha yoshga, 2031-yilgacha har yili 20 ming nafargacha subsidiya ajratiladi. Limit to‘lsa, ajratish keyingi yilga qoldiriladi.

Subsidiya faqat elektron platformada ro‘yxatdan o‘tgan va dars qatnashuvi elektron nazorat qilinuvchi o‘quv markazlariga beriladi.


👉 @xushnudbek 👈

Shavkat Mirziyoyev amaliy tashrif bilan Tojikiston Respublikasiga keldi.

Dushanbe xalqaro aeroportida davlatimiz rahbarini Tojikiston Bosh vaziri Qohir Rasulzoda va boshqa rasmiy shaxslar kutib oldi.


👉 @xushnudbek 👈

Adabiyot bo‘yicha 2025-yilgi Nobel mukofotiga 🇭🇺vengriyalik yozuvchi Laszlo Krasznahorkai sazovor bo‘ldi.


👉@xushnudbek👈

Davlat xavfsizlik xizmati:

➖ Toshkent viloyati Bo‘stonliq tumanida yashovchi 5 nafar aka-ukalarning yashash xonadonlari xolislar ishtirokida ko‘zdan kechirilganda, yashirib qo‘yilgan jami 9 kg 14 gr marixuana, 1 tup kannabis, 1 dona pnevmatik qurol, ov quroliga tegishli 21 dona patron, 19 dona gilza, 1 dona rezina tayoqchasi (dubinka), 2 dona sovuq qurol ashyoviy dalil sifatida olib qo‘yildi.

Shuningdek, ularning sherigiga tegishli yashash manzili ham ko‘zdan kechirilganda, xonadon omborxonasi va oshxonasida jami 7 dona qog‘oz bo‘lagiga solingan quruq holatdagi kannabis va chekish uchun mo‘ljallangan moslama borligi aniqlandi.

Hozirda ushbu shaxslarga nisbatan jinoyat ishi qo‘zg‘atilib, tergov harakatlari olib borilmoqda.

***

Yana bir holatda Tojikistondan kontrabanda yo‘li bilan olib kelingan giyohvandlik vositasining aylanmasiga chek qo‘yilgan bo’lsa, boshqa holatda Farg‘ona tumanida 6 ming 880 dona “Zardeks” kuchli ta’sir qiluvchi dori vositasi aniqlandi.


👉@xushnudbek👈

❗️Jizzax viloyati Forish tumanidagi bog‘chalarda ham 37 nafar bola ovqatdan zaharlandi

Tuman hokimligining ma'lum qilishicha, kecha, 9-oktyabr kuni soat 09:00 lardan 16:00 ga qadar bo‘lgan vaqt davomida tumandagi 1, 3, 5 va 7-sonli davlat bog‘chalarining 3 yoshdan 7 yoshgacha bo‘lgan 37 nafar tarbiyalanuvchisi isitma ko‘tarilishi, ko‘ngil aynishi, qorin og‘rig‘i, ich ketish va holsizlik kabi shikoyatlar bilan tuman tibbiyot birlashmasiga murojaat qilgan.

Ma'lum bo‘lishicha, ular 8-oktyabr kuni bog‘chalarida biokefir, pishloq va sariyog‘ kabi mahsulotlarni iste’mol qilishgan. Bolalarga anamnez va birinchi tekshiruvlar asosida “o‘tkir diareya” tashxisi qo‘yilib, statsionar ravishda tibbiy yordam ko‘rsatilgan.

Dastlabki xulosalarga ko‘ra, bog‘chalarda ommaviy zaharlanish yuzaga kelishiga oziq-ovqat mahsulotlarini tashish, saqlash, ishlov berish jarayonlaridagi sanitariya qoida va normalarining buzilishi sabab bo‘lgan bo‘lishi mumkin.

Mazkur holat yuzasidan Forish tuman prokuraturasi tomonidan Jinoyat kodeksining 205-moddasi 1-qismi bilan jinoyat ishi qo‘zg‘atilib, surishtiruv ishlari olib borilmoqda.


👉@xushnudbek👈

Issiqxona xo‘jaliklari uzluksiz ishlashini ta’minlash uchun ularga quyidagi imtiyozlar berildi:

🔹 2026-yil 1-yanvardan boshlab 2028-yil yakuniga qadar ijtimoiy soliq stavkasi 1 foiz etib;

🔹 2025-yil 1-oktyabr holatiga mavjud soliq qarzi yuzasidan to‘lov muddati foizlarni hisoblamagan holda 2028-yil yakuniga qadar uzaytiriladi.

Bu haqda Prezidentning tegishli Farmoni (PF–181-son, 08.10.2025 y.) qabul qilindi.


👉 @xushnudbek 👈

🇻🇪Tinchlik boʻyicha 2025-yilgi Nobel mukofotiga venesuelalik Mariya Korina Machado sazovor bo‘ldi.

U Venesuela xalqi uchun "demokratik huquqlarni targ‘ib qilishdagi tinimsiz mehnati hamda diktaturadan demokratiyaga adolatli va tinch o‘tishga erishish yo‘lidagi kurashi" uchun taqdirlandi.

Donald Tramp endi keyingi yil uchun harakat qiladi.


👉 @xushnudbek 👈

SSV: Hozirgi paytda barcha bolalarning ahvoli barqaror, sog‘lig‘iga xavf yo‘q. Hozirda faqat 2 nafar bola profilaktika maqsadida shifokorlar kuzatuvida qolmoqda.

Dastlabki ma’lumotlarga ko‘ra, noxushlik holati oziq-ovqat omillari bilan bog‘liq bo‘lishi ehtimol qilinmoqda. Aniq sabab laboratoriya tahlillari natijalariga ko‘ra belgilanadi.


👉@xushnudbek👈

🏋‍♀Og‘ir atletika: Akbar Jo‘rayev Jahon chempionatida 3 ta oltin medalni qo‘lga kiritdi va 2 ta jahon rekordini yangiladi

🥇Akbar Jo‘rayev (110 kilogrammgacha bo‘lgan vazn toifasida) kecha, 10-oktyabr kuni 🇳🇴Norvegiyada o‘tayotgan Jahon chempionatida mutlaq chempionlikka erishdi.

U dast ko‘tarishda 196 kg (jahon rekordi), siltab ko‘tarishda 232 kg, umumiy hisobda esa 428 kg (jahon rekordi) bilan 3 ta oltin medalni qo‘lga kiritdi.

🥉Yana bir hamyurtimiz Ruslan Nurudinov esa dast ko‘tarishda 186 kg, siltab ko‘tarishda 228 kg va umumiy 414 kg bilan 2 ta bronza medaliga (siltab ko‘tarish va ikki kurash yakuniga ko‘ra) sazovor bo‘ldi.


👉@xushnudbek👈

Bojxona deklaratsiyasini endi mobil ilova orqali to‘ldirish mumkin

Bojxona qo‘mitasi bojxona deklaratsiyasini onlayn tarzda to‘ldirish va taqdim etish imkonini beruvchi yangi elektron xizmatni ishga tushirdi.

Endilikda fuqarolar “Yo‘lovchi-deklaratsiyasi” nomli mobil ilova orqali deklaratsiyani soddalashgan tartibda to‘ldirishi mumkin. Ilovaga pasport maʼlumotlari kiritilishi bilan deklaratsiyaning asosiy bandlari avtomatik toʻldiriladi, IMEI-kodni skanerlash imkoniyatiga ega va chegara postlarida bepul Wi-Fi orqali foydalanish mumkin.

Tizim dastlab “Toshkent” xalqaro aeroportida sinovdan o‘tkazilmoqda, 2025-yil 1-noyabrdan boshlab barcha chegara o‘tkazish punktlarida to‘liq joriy etiladi.


👉@xushnudbek👈

2026-yil uchun stajyor-tadqiqotchilik, tayanch doktorantura va doktoranturada oʻqitish boʻyicha qabul kvotasi tasdiqlandi.

Hujjatlar 5-noyabrgacha qabul qilinadi.


👉 @xushnudbek 👈

Oʻzbekistonning birinchi mudofaa vaziri, general-polkovnik Axmedov Rustam Urmanovich 82 yoshida vafot etdi.

Inna lillahi va inna ilayhi roji’un.


👉 @xushnudbek 👈

⚽️ Bugun — o‘yin kuni!

Futbol bo‘yicha O‘zbekiston milliy terma jamoasi bugun Malayziyada 🇺🇾Urugvay bilan o'rtoqlik uchrashuvi o'tkazadi.

⏰ Uchrashuv Toshkent vaqti bilan soat 17:45 da boshlanadi.

Ma’lumot uchun, bungacha O‘zbekiston Urugvay bilan ikki marta kuch sinashgan va har ikkala uchrashuvda ham 0:3 hisobida mag‘lub bo‘lgan edi.


👉 @xushnudbek 👈

❌ Ta'mirlash uchun yopilgan yerusti metro bekatlarining qayta ochilishi 1-noyabrgacha kechiktirildi.

Ma'lum qilinishicha, hozirda ushbu yo‘nalishda poyezdlar sinov tariqasida (yo‘lovchilarsiz) harakatlanmoqda.


👉 @xushnudbek 👈