Bugun Urgut tumani Dehqonobod mahallasida O’zbekiston Milliy axborot agentligi Bosh direktori Abdusaid Ko’chimovning kutubxonasi ishga tushdi.

Urgutliklarga yangi ilm maskani muborak bo’lsin.


👉 @xushnudbek 👈

❗️O‘zbekiston TIV Rossiyadagi fuqarolarimizni qalbaki hujjatlardan ogohlantirdi

Ma'lumotlarga ko‘ra, ayni paytda O‘zbekiston va boshqa davlatlarning turli xil qalbaki hujjatlarini tayyorlab berish “xizmatlari”ni taklif qiluvchi e’lonlar keng tarqalmoqda.

❌ Ta’kidlanishicha, ushbu jinoiy guruhlar faoliyati oqibatida bir holatda bir nafar fuqaroning O‘zbekistonga chipta olish jarayonida Vatanga qaytish guvohnomasi soxtaligi aniqlangan.

❌ Boshqa bir holatda esa yana bir fuqaro ushbu yo‘l bilan qalbaki nikoh asosida nikoh tuzilganligi to‘g‘risidagi guvohnomani rasmiylashtirgan va unga asosan Rossiyada o‘z farzandi uchun tug‘ilganlik to‘g‘risidagi guvohnomani olgan.

ℹ️ Vazirlik fuqarolarga bunday e’lonlarga aldanmaslik, hujjatlarni rasmiylashtirishda faqat O‘zbekistonning vakolatli davlat organlariga murojaat qilishni qat’iy tavsiya etdi.


👉 @xushnudbek 👈

🇺🇿🇷🇸🇫🇮Serbiya va Finlyandiya prezidentlari shu hafta O‘zbekistonga keladi

Prezident matbuot kotibi Sherzod Asadov davlatimiz rahbarining joriy haftadagi ish grafigini ma'lum qildi.

Unga ko‘ra, Shavkat Mirziyoyev:

➖ Bugun joriy yilda iqtisodiyotda kutilayotgan natijalar va 2026-yilga mo‘ljallangan asosiy makroiqtisodiy ko‘rsatkichlar yuzasidan kengaytirilgan yig‘ilish o‘tkazadi;

➖ Kunning ikkinchi yarmida 🇺🇸AQSh Prezidentining Janubiy va Markaziy Osiyo bo‘yicha maxsus vakili Serjio Gor boshchiligidagi delegatsiyani qabul qiladi;

➖ Shu hafta Samarqandga tashrif buyurib, ilk bor Parij shahridan tashqarida o‘tkazilayotgan UNESCO Bosh konferensiyasining 43-sessiyasi ochilishida ishtirok etadi, madaniyat, ilm-fan va ta’lim sohalaridagi xalqaro hamkorlikni mustahkamlash bo‘yicha tashabbuslarni ilgari suradi hamda qator ikki tomonlama uchrashuvlar o‘tkazadi;

➖ Bundan tashqari, joriy haftada mamlakatimizga 🇷🇸Serbiya Prezidenti Aleksandr Vuchich va 🇫🇮Finlyandiya Prezidenti Aleksandr Stubb tashrif bilan keladi. Sammitlar doirasida oliy darajadagi muzokaralar o‘tkaziladi.


👉 @xushnudbek 👈

❗️Tanqidlardan so‘ng: moped va skuterlar egalari uchun haydovchilik guvohnomasini olish jarayoni yengillashtiriladi

Bu haqda Hukumatning tegishli qarori qabul qilindi, deya xabar bermoqda Yo‘l harakati xavfsizligi xizmati.

Mazkur qaror bilan uchta katta yangilik joriy etilmoqda:

1️⃣ Moped va skuter uchun alohida kategoriya

• 2026-yil 1-yanvardan boshlab moped va skuterlarni boshqarish uchun yangi “A1” toifali haydovchilik guvohnomasi joriy etiladi, buni olish hozirgi A kategoriyadan ko‘ra osonroq bo‘ladi;

• “A1” olish uchun avtomaktablarda umuman o‘qish shart emas (ham nazariy, ham amaliy mashg‘ulotlarsiz), to‘g‘ridan to‘g‘ri imtihon topshirish mumkin;

• “A1” olish uchun nazariy imtihonda 20 ta testdan 16 tasiga to‘g‘ri javob topish kifoya. Boshqa toifalar uchun bu 18 ta edi;

• “A”, “B”, “C” yoki “D” toifadagi haydovchilik guvohnomasi (istalgan biri) egalari “A1” toifadagi transport vositalarini to‘g‘ridan to‘g‘ri boshqarishi mumkin bo‘ladi, ular “A1” olishi shart emas!

=========

2️⃣ Avtomaktablarda nazariy o‘qish bekor bo‘lyapti

➖ 2026-yil 1-fevraldan “A” va “B” toifa olish uchun avtomaktablarda nazariy o‘qish shart emas, faqat amaliy 20 soat o‘qilsa bo‘ldi;

➖ talabgorlar nazariy bilimlarni xohlasa uyida onlayn, xohlasa biron o‘quv markazida oflayn kurslar orqali olishi mumkin. Asosiysi imtihonga kirish uchun nazariy o‘qiganlikni tasdiqlovchi hech qanaqa hujjat so‘ralmaydi;

➖ endilikda “A” va “B” toifali haydovchilarni tayyorlashda guruhlarni YHXXda ro‘yxatdan o‘tkazish talabi bekor qilinadi. Hozirda avtomaktablarda toki bitta guruh to‘lmaguncha va uni “GAI”da ro‘yxatdan o‘tkazmaguncha darslar boshlanmas edi. Endi talabgorlar o‘ziga qulay istalgan vaqtda amaliy mashg‘ulotlarni boshlayveradi, hech kimni kutishi shart emas;

➖ agar talabgor 20 soatlik amaliy mashg‘ulotni tezda o‘ta olishsa, imtihonga ham tezroq kirish mumkin bo‘ladi, avvalgidek bir necha oy vaqt yo‘qotmaydi.

=========

3️⃣ Jarima ballari doirasi kengaytiriladi va uni taqsimlash imkoni yaratiladi

🔹 2026-yil 1-apreldan yo‘lda o‘rnatilgan avtomatlashtirilgan foto va video qayd etish tizimlari orqali qayd etilgan yo‘l harakati qoidabuzarliklari (12 turdagi) uchun ham jarima ballari hisoblanadi;

🔹 avtomobil egasi va uni boshqargan shaxs (ishonchnoma, sug‘urta polisi, yo‘l varaqasi orqali) aniqlanib, jarima ballari aynan ruldagi haydovchiga hisoblanadi;

🔹 agar jarima avtomobil egasiga yozilsa-yu, lekin aslida rulda boshqa inson bo‘lsa (ishonchnoma orqali, masalan), unda mashina egasi jarima balini o‘sha odam nomiga taqsimlash huquqiga ega bo‘ladi, ya’ni o‘zidan o‘chirib, narigi odamga yozdiradi. Bularning barchasi onlayn bo‘ladi, biron joyga borish shartmas;

🔹 agar mashinasini ijaraga berganlar bo‘lsa, unda E-jarimaball tizimi orqali “hozir mashinamni falonchi odam haydayapti” deb kiritib qo‘ysa bo‘ladi, shunda jarima ballari to‘g‘ridan to‘g‘ri ijaraga olib haydayotgan odamga yoziladi, mashina egasiga jarima bali kelmaydi.


👉 @xushnudbek 👈

Ko’p berilayotgan savolga javob:

• A, B, C yoki D kategoriyadan istalgan biriga ega haydovchilar A1 olishi shart emas, shundoq moped yoki skuter haydab ketaveradi.

Masalan, kimdadir faqat “B” kategoriya bo’lsa ham hisob, u A1 olmaydi.


👉 @xushnudbek 👈

🇰🇷Janubiy Koreyada noqonuniy muhojirlarga qarshi kuchaytirilgan reydlar o‘tkazilmoqda

Migratsiya agentligining xabar berishicha, Janubiy Koreya Adliya vazirligi, politsiya, dengiz politsiyasi, Bandlik hamda Transport vazirliklari hamkorligida olib borilayotgan reydlar 12-dekabrgacha davom etadi.

🚫 Reydlar noqonuniy yashovchilar, mahalliy aholining ish o‘rinlarini egallayotgan xorijliklar, vositachilar hamda axloq me’yorlariga zid faoliyat yurituvchilarni aniqlashga qaratilgan.

"APEC 2025" sammiti arafasida Gyonju shahri va unga yaqin hududlarda nazorat yanada kuchaytirilmoqda.

❌ Qonunbuzarlik aniqlansa, jarima, deportatsiya yoki mamlakatga kirishga taqiq qo‘yilishi mumkin.

❗️Ma’lumot uchun, 2025-yilning o‘tgan davri mobaynida Janubiy Koreyada E-9 vizasi asosida ishlab, qonunchilik talablarini buzgan 26 nafar O‘zbekiston fuqarosiga nisbatan noqonuniy yurilgan har bir oy uchun 2 ming AQSh dollari miqdorida jarima solingan.


👉 @xushnudbek 👈

❗️400 mln so’mlik ta’lim granti: kontraktda o‘qiyotan talabalar uchun XushnudbekUz kanali granti e’lon qilindi

Bir necha yil avval yaxshi niyatlar bilan MetsenatUz loyihasini boshlagandik. Loyihadan asosiy maqsad ta’limga investitsiya kiritish, ehtiyojmand talabalarga ilm olishlari uchun moddiy ko‘mak berish, jamiyatda metsenatlik (homiylik) madaniyatini shakllantirish edi. Bugunga qadar loyihamizda 6,5 mlrd so’mlik grant va stipendiyalar e’lon qilindi.

Allohga shukr, mamnuniyat bilan navbatdagi ta’lim grantini e’lon qilmoqchimiz.

XushnudbekUz Telegram kanali e’lon qilgan ta’lim grantida 50 nafar talabaga 8 mln so‘mdan, jami 400 mln so‘mlik mablag‘lar to‘lab berishni niyat qildik.

ℹ️ Ma’lumot uchun: mazkur ta’lim granti Ibrat farzandlari, UzChess, Mutolaa hamda Ustoz AI loyihalari bilan kelishuv asosida e’lon qilinmoqda. Men 1 yil davomida ushbu ijtimoiy loyihalarni targ’ib qilaman, evaziga esa ular 50 nafar talabaning kontrakti uchun 8 million so’mdan to’lab berishadi.

📲 ONLAYN ARIZA TOPSHIRISH

Taʼlim granti haqida maʼlumot:

🏢 Qaysi OTMlar uchun: barcha davlat, nodavlat, diniy taʼlim muassasalari uchun

📊 Qaysi bosqich uchun: bakalavriatning barcha bosqichi

📚 Qaysi taʼlim shakli uchun: kunduzgi, sirtqi, kechki va masofaviy

👥 Necha kishiga beriladi: 50 nafar (shundan kamida 5 nafari TDYU talabalari uchun)

💰Taʼlim granti miqdori: har bir kishiga 8 mln so‘mdan (jami 400 mln so‘m)

❓Qaysi jihatlarga ustunlik beriladi: o‘zlashtirish ko‘rsatkichi yuqori, ijtimoiy himoyaga muhtoj, yetim va chin yetim, nogironligi bor talabalar. Shuningdek, anketa oxirida yoziladigan esse ham juda muhim.

📲 ONLAYN ARIZA TOPSHIRISH

⏳Hujjatlar 31-oktyabr soat 23:59 gacha qabul qilinadi. Shundan so’ng jamoatchilik vakillaridan tuzilgan maxsus komissiya orqali g’oliblar aniqlanadi.

Eslatma: arizalar to‘liq elektron tizim orqali qabul qilinishi tufayli, mabodo hujjat topshirishda texnik muammo yoki tushunmovchilik bo‘lsa, mana bu yerda izohlarda yozib qoldirishingiz mumkin.

👉 @xushnudbek 👈