وينك خويه يحسين
حرگوهه الصواوين
گلي بعد عيناك
وين انطي الوجه وين
☆☆☆☆
اجيت انخاك يا صاحب النخوه
احشمنك واحلفك بالأخوه
من نار الخيم گلبي تچّوه
لاوين المفر ما عندي منوه

دخان الخيم صار
كحل بعيون الزغار
گلي بعد عيناك
وين انطي الوجه وين
☆☆☆☆
انه ام الخدر والهاشميّه
ما ترضه ابد عالصار بيّه
اطفي النار يالغالي ابأديه
واخنگ صوتي لاتسمع رقيّه

وضم دمعات العيون
ولا اشمت اليمرون
گلي بعد عيناك
وين انطي الوجه وين
☆☆☆☆
اهيم شلون ترضاها بالبرور
وانه امي الزچيه واخت البدور
عله افراگك يخويه الگلب مكسور
النهار اظلم عليه اوغايب النور

الجمر چوالي الجدام
هضيمه حرگ الخيام
گلي بعد عيناك
وين انطي الوجه وين
☆☆☆☆
اصبر الفاگده لو اصبر الاطفال
صبري ايهد يغالي صبر الجبال
اركض حايره واجمع بالعيال
بعد عينك تراهو يصعب الحال

كلهه اتصيح زينب
اوظهر اختك تحدب
گلي بعد عيناك
وين انطي الوجه وين
☆☆☆☆
يبو اليمه العليل شلون اخليه
نيران الخيم خافن تچويه
مكسوره لچن بيدي اتچيه
يصبرني واصبره وعيني اعليه

راح امشي سبيه
واني الهاشميه
گلي بعد عيناك
وين انطي الوجه وين
☆☆☆☆
حيدر بشار الدراجي

ودتلي رأيه من الصحن حمره
كتبتلي بيهه عله النحر إقره
هاي الهديه امن ام عون
سوتهه بس لليبچون
~~~
گوم شد حيلك يخادم وبچي وياي
انه اخوي انذبح بل طف ماشرب ماي
يلله گابلني ابدموعك وبچي لبچاي
الحافر اوياه اخذ روحي وتعبي ورباي

ياناس حلوه الدمعه نبچيهه
وكون العيون اعليهم اعميهه
بل خيمه احس ايطفون
سوتهه بس لليبچون
~
العاشَر الخيمات والطف يرسم اجروح
تلگه چلماته بيارغ فوگ السطوح
ولو سمع بل شام ينحب للسبي ايروح
العايش الچمه تشوفه ابكل عزه ينوح

هنيال گلب العايش الوعه
فاطمه ابچفهه تمسح ادموعه
يامن اجيتو اتواسون
سوتهه بس لليبچون
~~~
خلي بالك من تواسي وتهمل العين
حضرت ابمجلسك تبچي ام الحسين
انحب اشما إلك حرگه وزيد الونين
هل مصايب گلهه اجتچ فاطمه امنين

خلوهه تنحب يمنه خلوهه
ماتگدر ابوحدهه عينوهه
گون الضلعهه تنضرون
سوتهه بس لليبچون
~
امي من تحضر تدور دمعه ونياح
جايه لمجلس ابنهه مسنده الصفاح
والگلب مليان حسره وشابع اجراح
والمصيبه راس ابنهه فوگ الرماح

تصرخ ييمه احسين ياروحي
وينك يبعد امك يمذبوحي
وين العزاهه يركضون
سوتهه بس لليبچون
~
اتگلي يمه گابليني ونسي المتون
وعله المسحوگ ابحوافر نعمي العيون
ارد اخلص ادموع عيني لايخلصون
ا مفارگه والفارگتهم مايردون

لحسين مخلوقين احسنهم
گلتلي انه اهواي احبنهم

اي حاجه خلي يطلبون
سوتهه بس لليبچون
~~
الف هنياله النثر دمعات بل گاع
صاحت الزهره تعبكم عندي ماضاع
طيبيتو اجروح متني و كسر الاضلاع
ونور خدمتكم تضاهي كل كمر شاع

ادموعكم للضامي اوديهه
وفوك الشفاه العطشت ارميهه
انتو ابضعنه اتركبون
سوتهه بس لليبچون
~~~~
سلام البهادلي

أجه يوم أربعيني وماهم أخواني
لا مـنهم خـبـر لا نـاعـي يـنعـانـي
لو مدفونه يمهم چا غربتي تهون
بيـن أگبورهم لـو صـاير أمچاني

(بالشام السباني.. أندفن تاليها)

يل بـاريت ظـعـني ردت تـبرالي
أجـه يـوم أربعيني ومـاهـو كفالي
لا رايه الترف لا جاني أخوي حسبن
مـن ياخـذ أبـثاري الـشام كـتالي

(غربه وبس شماته.. الشام والبيها)

صعبه ياهلي وماتنحچي الصعبه
مـحـد عـالغريـبه يـنـكسر گـلبه
بگلبي أكثر جرح يلچمني حد اليوم
لسه ياهلي وما خلصت الغربه

(ألما يمها أهلها ...الغربه تاذيها)

أنه وميته وسمعهم حچو عني
الشماته بموتتي وما بطلو مني
ما وياها رايه أسمعهم يگولون
حتى وبعد موتي الشام هاظمني

(شو محد أجاها ..وين أهاليها)

بالغربه أربيعني ويكسر الخاطر
تمنيت وي اخوتي الموته بالعاشر
بگبري وحن دليلي وگلت هلبت عاد
وي زواري أشوف من اخوتي زاير

(كون أظعوني تجبل.. ويه واليها)

✍️حسين حمدان الدلفي

لصوب المدينة راجعه  وراح انصبلكم فاتحه
عذبني دربج كربله     ياراجعه ويارايحه
انشلع گلبي وعلي   
رجعت ابلا هلي 
ونسيته محملي
هجرته كافلي    
.
.
.

لحد يگلي اشلوچ       التفگد احسين اشلونها
اول مره اني وعلي     ملچومه من امتونها
اول مره شبعت شتم  واتراب عامي اعيونها
اول مره تركب هزل   و مو انتم تصعدونها
تره گلبي انصدم
تعبت من الألم
حقيقة مو وهم
دخيلك يا علي


ابنص الظلام اتعودت    امشي ويخوتي حاذره
هسه اني امشي ويالشمر  لا صايره ولا دايره
هاي الرباب أعله الگبر    مرت ليالي مساهره
عبد الله ما يرجع بعد    امه وتريد ابخاطره
والمدلل غفه
حلم عمره انطفه
على الدنيا العفه
دگومي وهللي 
.
.
.
بظهري عفتها كربله    گوه امشي عن اخواني
مو بس تره رجلي انه     گوه اشيل الساني
اعبر منازل بالدرب       موقف الك بچاني
اهنا گدنه من التعب     واحد يگود الثاني
واجتنه كربله
واجتني السلسله
چبيره المشكله
ردت ترجع الي  
.
.
.
بلدان جم دولة اعبرت واني مره وعلويه
يحسين تقبلها عليّ؟ اختك صدگ مسبيه
خويه الضعن ماينقبل وكلها تأشر عليه 
خمسين عمري وكربله شسوت يخويه بيه
ترا اني مره
عزيزة امخدره
عفتني امرمره
بعد عينك شلي
.
.
.
 
اتمنه اشوفك لو حلم وسفه اني گمت اتمنه
من چنت ابوسك اعتقد زينب تبوس الجنه
كل ليلي يگضي بالحزن حلوة عليك الونه
اذكر الجاسم حنته سحگ الخيل الحنه
رمح راسك طلع
على وجهه اندفع
وگع راسك وگع
الرماح التعتلي
.
.
.
النسوان تلطم عالوجه تعرف شنو موضوعها
شنهو اللي كاسرها الك واللي يزيد بلوعها
ماتنسه نسوانك ابد حگها  تسيل ادموها
خيل اللي داست جثتك الله يكسر ضلوعها
عسها بالعمه 
بحوافرها الدمه
صحت يا فاطمه
اخوي ابلا ولي
 


للشاعر محمد الظالمي

روحي هامت بيكم
وكلبي حن عليكم
ها يل غوالي
ها يل غوالي


؟؟؟؟؟؟؟؟؟

مثل ونت النوك اونن ونتظركم على درب
كاعده بدرب الخذاكم لا تضن اللدار اطب
كل صباح وكل مسيه بدربك انه الماي اصب
مفرفح كليبي بجفاكم بلله شيهيده الكلب

ردو فدوه ارجاكم
كلبي راح وياكم
ها يل غوالي
ها يل غوالي

؟؟؟؟؟؟

مثل يعقوب انه حالي انتظر ليل ونهار
مثل كهوت بدوي كلبي ما برد كل وكته حار
وجهي من حزنه عليكم ميتفسر لونه صار
وعيني ما نامت يغالي النوم من عيني انه طار

عيني تبقه مساهره
وعل دروب مناطره
ها يل غوالي
ها يل غوالي

؟؟؟؟؟؟

عادت اليفكدله غالي يروح يم كبره وينوح
وين انوح عليك كلي وين اهيده هل الجروح
انته روحي وفاركتني بجسمي ما ضلتلي روح
تحفظك الزهراء الزجيه ويوسف ونادينه نوح

نوح ردلي الغالي
وانته تدري بحالي
ها يل غوالي
ها يل غوالي

؟؟؟؟؟؟

عيوني كل مغرب تنادي وتحجي وي رب السمه
تكله رجع الغالي اليه عليك دمعة فاطمه
اني عطشانه على شوفه وروحي كاتله الظمه
وشفت يعقوب على يوسف النضر من عينه وعمه

بيت الحزان على يوسف باني
اثنينه بنفس الطريقه نعاني
ها يل غوالي
ها يل غوالي

؟؟؟؟؟؟

#الشاعره_بحر_الحزن

قصيده ثقيله
لمقتل امير المؤمنين عليه السلام

صوت وقلم يشرح الم
ونطبر راسه وما سلم
حيدر علي ابمحرابه
عجت سماها اترابه
يا علي.....يا علي
****
اشحال روح ام الحزن من شافت الراس
من جبهته دمه اليخر نادت يعباس
خبرني خويه علجره يابعد الانفاس
كللها طبراه النجس من ارذل الناس

والسيف عاف اكرابه
عجت سماها اترابه
يا علي..... يا علي
الفاطميه طالبه الزهراء
*
نادت تره شنهي الولي بشرني حاله
سولف عليها وبلدمع يشرح الحاله
زينب يخويه ايسي صعب الجراله
ظلت تون وبلبجي صوب الجلاله

ينزف دمايه اصوابه
عجت سماها اترابه
ياعلي ....ياعلي
✍️ام زهراءالفاطميه
*
اه يا مصاب الي جره يكلف يوضعي
متروعه الروح بوجع تشرح ابدمعي
مسموم سيف الي طبر يا دنيه اسمعي
افراكه صار وبلغصب بلحزن وسعي

والله عظيم مصابه
عجت سماها اترابه
ياعلي ...... ياعلي
ام محمد الخطيب الموسوي
**
نادت يعباس الجرح ينزف بالدموم
شافت وليها ابطبرته غركانه الهدوم
الحك الي حيلي انهدم خبرني العلوم
ليش الولي من هالشهر ماتمم الصوم

امفارك غصب احبابه
عجت سماها اترابه
ياعلي...ياعلي
✍ام اسعد الشمري
***
عباس يانبع الوفه خبرني عنه
حاجاهه ياخويه بالم كطعي الضنه
الحسن ينظر ضربته ويزيد حزنه
وحسين محتار على ابوه كلساع يدنه

ليش النذل ماهابه
عجت سماها اترابه
ياعلي ...... ياعلي
ام محمد الخطيب الموسوي

ليش الاحبهم ..طــول سفرهم
وبوحدي ضليت.. ما رد ضعنهم
〰️〰️〰️〰️
يتّمني الموادع محب من اغله الاحباب
ليش الاحبنهم مشـو عــن عيني غياب
فگـد الاحبنهم صعب
شبعان لجمات الگلب
يا لوعة الفرگة بغرب .. وتــريّـه بــلــباب

ضاگ الگلب ضاگ .. بگد ما اله اشتاگ
لو يدري آخ آخ .. شمسوي الفراگ
〰️〰️〰️〰️
سهرانه عيني بصورتك مـا تـگـدر اتـنام
گلـــــي اليفــاركله ابــو شتـنفـعه الايام
كلــبي ابعدكـم محـترگ
صعبة اليحن من يفترگ
يوجعني كلبي مـن يدگ .. من كثر الآلام

طول جفاهم .. لا من خبرهم
كلشي حلو صار .. مر من بعدهم
〰️〰️〰️〰️
من ضيم البگلبي صحت آخ بعلو الصـوت
رد هاك اخذ روحي البقت من دونك تموت

بوداعـكـم گلبي انجــوه
مـن دونكم شـح الــهـوه
درب الحزن ما بيه ضوه .. شايلني تابـوت

ليل البُـعـد آه .. ما خـذني وياه
الموت ارحم هواي .. والصعبه فركاه
〰️〰️〰️〰️
يا گلبي احبابك مشو لا مـا يــــردون
ما ينفع اعتابك بعد صعبة يرجعون
مــو مال اودعكم أبــد
مشتاگه اشوفنكم بعد
يابـويه والفـرگه اشـد .. لمّـن تطـولون

وي ليل الوداع.. نص العمر ضاع
وبلا ابو البيت .. كولو هوى الگاع
〰️〰️〰️〰️
عن حالي لا تسأل بعد يا بويه يحسين
جـذابه اكلك لــو گـلت حالــي بعـد زين
بالساني ودموعي الحــجي
عــدمــن اروحـــن والتـجي
من عيني اخذ شوفي البجي رِد كحّل العين
ما بيه فركاك .. يالروحي تهواك
من كونه هالموت .. ياخذني وياك
〰️〰️〰️〰️
ما عندي غالي بدنيتي بـس انـت لا غـيـر
موتي فــلا من المرض من صدمتي يصير
محرومه عيني بشوفتك
يوجعني كلبـــي بغييتك
ردلــي يــبويه بعـازتــك .. يا شجـرة الطير

يا گلبي وشلون ..لو عني يبطون
لاني اكدر انساه .. لا تنسه العيون
〰️〰️〰️〰️
✍️حيدر عبدالله السعيدي

بيك انت مني شجم جرح
سامحني يالكَلبك سمح
يالمنتظر يالمنتظر سامحني
₩₩₩₩
اني يوميه يبو صــــــــــالح اجرحك
وبس حــــــزن يلفيك مني ما مفرحك
عيني عاشـــت حلم رادت بس تلمحك
عمري ليل اشوكت جا يلفيني صبحك

ماعندي كلشي ابدنيتي
بس الله وانت ودمعتي
يالمنتظر يالمنتظر سامحني
₩₩₩₩
اشتكــــــــــيلك ســــــيدي كثرة ذنوبي
وماكـــــو غيرك انــــــت تسترلي عيوبي
انت نــــــــور الله التنورلـــــــــي دروبي
الــــــــــناس تعرف بيه احبك يمحبوبي

يهواي احبك من صدكَ
بــــي الذه وياك العشكَ
يالمنتظر يالمتتظر سامحني
₩₩₩₩
كل مسيت غروب يالمهدي اندعيلك
اخ مـــــن هجرك يمحبوبي اشتكيلك
فدوة دليني بمكانــــــــــك خل اجيلك
والله لو فوكَ القمر هــــــــــم اعتنيلك

وين انت ساكن يابلد
لعيونك الحلوه ارد اصد
يالمنتظر بالممتظر سامحني
₩₩₩₩
مــــــــــر عليّ مشتاكَ اشوفنك يغايب
ارد اعيــــنن كَلبك البـــــــــحزانه ذايب
ايعينك الله يالكَــــــضه عمرك مصايب
وتبجي مــــن دم على الباتن بالخرايب

مربيه وفديك بهلي
ياولفي مشتاك وعلي
يالمنتظر يالمنتظر سامحني
₩₩₩₩
تدري بالعاشكَ يغالي يذبحه الفراكَ
وانه كل لحظة التمر لعيونك اشتاكَ
بغيبتك ضحكاتي من اشفافي تنباكَ
افراكَ ما احمل بعد ضاكَ الصدر ضاكَ

ضاك الصدر ما احتمل
فركَاك ابد لا مو سهل
يالمنتظر يالمنتظر سامحني
₩₩₩₩
هاي جــــــــــم جمعه التمر واني اتاني
لجيتك احسب يمــــــــحبوبي الثواني
لا خبر مـــــــنـــــــك ولا طارش لفاني
يمته اشوفــــــــــك يلي هجرك تعباني

مر بيه لو خفكَة هوه
يالجيتك لجرحي دوه
يالمنتظر يالمنتظر سامحني
₩₩₩₩
احنه لــــــــــو ندعيلك بخالص النية
مابقيت لهسه غايــــــــــب عالبرية
ملتــــــــــهين بدنيا ما تسوه ودنية
والتكتلــــــــــك احنه شيعة ورافضية

بينه السبب هلكَد غبت
من عدنه حيل اتعذبت
يالمنتظر يالمنتظر سامحني
₩₩₩₩
#حسين عبد الزهرة الدراجي

يا صاحب الزمان ... الغوثُ والأمان
▪▪▪▪▪
يمته يا ناس احنه ندعي لبو صالح من صدكَ
المهدي كل ليلية خميس اعمالنا اتخنكَه خنكَ
احنه ما خيّطنه جرحه احنه كبّرنه الفتك
المهدي كل يوم اليمره ايعيشه جن يوم الطبك

يا صاحب الزمان ... الغوث والأمان
▪▪▪▪▪
المهدي هوّه المنتظرنه موش احنه الننتظر
اذنوبنه صارت بيادر وبعد ما ينفع عذر
ناس تعبانه يمهدي وشبّعوا كَلبك قهر
نبي بالظاهر شكلهم لجن بالباطن شمر

يا صاحب الزمان ... الغوث والأمان
▪▪▪▪▪
احنه لو باخلاص ندعي جا رحل فجر الظلام
وجان هسه بكل عزية اويانه موجود الأمام
الما يريد المهدي يظهر شارك بحركَ الخيام
ناس ما كَامت تميّز لا حلال ولا حرام

يا صاحب الزمان ... الغوث والأمان
▪▪▪▪▪
يا امامي اليندعولك بالألف واحد اظن
وذاك من ذاك اليريدك تجي يا ابن الحسن
ليش بس كَلبك يمهدي بيه الجروح اكَعدن
وياجرح ماذيك اعرف جرح البليل انسبن

يا صاحب الزمان ... الغوث والأمان
▪▪▪▪▪
المهدي من دم تبجي عينه على الحزو منحره
نار مــــــــو بخيام زينب لا بكــــــــلبه اموجره
لحد يـــــذكرره بـــــــرقيه اشصار بيها وشجره
خافــــــن اتخكنه عبرته لـــــــو ذكر المخدره


يا صاحب الزمان ... الغوث والأمان
00000
حسين عبد الزهره الدراجي

( ذكرياتي )


ذكـريـاتـي رسـمـن ابـالـي ضـعـن
ذكـريـاتـي والله ما ضـن يـنـسـن

وي ضلام اديـارهـم عـذبـتـنـي بـنـارهـم

ذكـريـاتـي ذكـريـاتـي

*-----------------------*----------------------*

ذكـريـاتـي ابليلي يلـفـن وحده وحده
چـنـه مـوجـود وضعـنـهم يـمـي بعده
تـخلـص الصفـنـة وتصير لروحي شده
ربـي يـالـرديـت يــوسـف صـبـري رده

يالعليله عفية دمعچ ما نشف
يالعليله هاجس اوهامي هتف

*------------------------*-------------------*

راحـو وخـلـونـي وحدي وگلبي جمره
انـحـب الـشـمـل الـحبـايب من اذكـره
صـورة ارقـيـة بـخـيـالي چـنهة زهـره
الينسهه احبابه بـثواني ينسهه عمـره

فارگوني وفارگت معنى الصبر
فارگوني وانه بـالـغـربة انتظـر

*-----------------------*-------------------*

مـطـرت اعيوني بـجـفاهم چـنهة غيمه
خـايـّفـة ايطـول الـهجـر واصبح يتيمه
اسئـل الــريـح واسـولـف وي نـسيـمـه
اهـلـي عـافـونـي عـليـلـه بـيا جـريمـه

ودعتهم ذبلت اغصان الامل
ودعتهم خاطري بيهه انشغل

*-----------------------*---------------------*

استـخـار الله بـكـتـابة وعمـري دمعه
من الـكـتـاب اتوضحـتلـي ماكو رجعه
مــره اصبـر لـلـمـصيـبـة ومــره انـعـه
نـفسـي مـخـنوگ بـهجرهم گوه اطلعه

عاشرتهه الفرگة تشبه للسهم
عاشرتهه حـوّلت دمـعاتي دم

*--------------------------*----------------------*

سـارح وجـيّـت ضعنهـم بـالي حِلمه
امـنـياتـي يـرد ابـويـه و مـره اكـلمه
گـلـبي ولـسـانـي بـغـيابـة يردد اسمه
وشمل الاحباب النسوني بعيني ارسمة

اشتياقي غرّگ اجفوني بدمع
اشتياقي وأدعي بلكت ننجمع

*-------------------------*--------------------*

يـجـرح اللـيـل الـيجـيني بظل ضلامه
صـبـري خـلّـص والحـزن جرّد حسامه
اهـلـي راحـو والسـفـر مـا بـي سـلامه
ربـي ربـي عـجـل الـعـمـري بـخـتـامـة

للمنية لشوگت ابقى ارتجي
للمنية واهلي غابت ما تجي

*--------------------------*----------------------*

✍خادم الحسين (ع)
الشاعر رعد الجريخى