حبيبي يالحسن
*
يباب الله الوسيع وسيد الاسياد
كلها الناس منك تاخذ امراد
اعيادك تختلف عن كل العياد
علكنه اشموعك وسوينه ميلاد

حبيبي يالحسن
****
جفك سيد اتصدق عله الغير
وبصينيته ينزل ياكل الطير
امخلي الناس كلها عاشت بخير
وحته اهل الكرم يم بابك اتحير

حبيبي يالحسن
*
انته بكل وكت عامر مضيفك
والجوعان ياكل من رغيفك
ما سديت باب بوجه ضيفك
تتفايض هله وشوكك حليفك

حبيبي يالحسن
*
يلي بصايته اتلوذ المساكين
وللخطار فاتح كلبه والعين
وطبعك جان يشبه طبع الحسين
واليمك اجه ما كتله بعدين

حبيبي يالحسن
***
تمت
#تحسين الخفاجي

تفز كلمن يجي وجاسك
اسم الله الزهرة لحساسك
ابراسك طاحن برمضان
فَتِح مكة وفَتِح راسك
============
عزيزة گلبك انه ام عون .. من يومين مختنگة
تاخذ وين اليحبنة .. برد حيلچ يهالفرگة

طريح افراشك وما تگدر تگوم
وضيّج خلگك امن الطبرة ذايب
چذب فوگ الحواجب تعله العيون
طبرتك هسه تعله اعله الحواجب

شلونك يابعد لوني .. يالمگدّر عله اعيوني
اريد اشبع بچي لروحك .. گلهم لا يوخروني
===========
علي فتحّهن اعيونك .. يالما سادهن ليلة
علي ذاك الكسر خيبر .. يدور ع اليتچيلة

الجرح من ثوب أمي الزهرة مشدود
عله ريحة الزهرة اتطيب اريدك
ثواب اعيوني اثوبهن للايتام
اذا تحچي صدگ واتحرّك ايدك

يفاهم كل حچي البية .. دمك آيه مچفية
احرّك ايدك بأيدي .. واگولن اشّر اعلية
================
سولف ياحچي القران .. لحچيك اذني محتامة
يوخرونه ويرد يطلع .. جرحك هذا لو شامة

علي عيني ودليلي ايرفن اعليك
وصوت ايرن بذاني ايخوف الصوت
زينب حبّي ابوچ براسة وبساع
بعد چم ساعة احسبي وحيدر ايموت

وافز و اتعوّذ بألله .. و احس براسك اسم الله
يخلّف بس صِفاگ الايد .. موت اعزازك الغفلّه
=============
حنانك عابر اضلوعك .. حن عليه واشبگني
الهوه بعدك عدل يمي ..واحس من هسه يخنگني

تسلمْ اعلينة واحد واحد اليوم
عله اهل الطف اشوفك تلقي نظرة
اختصاراً للسلام لولد الحسين
درتْ احسين ضهرة وبست ضهرة

گلتلي اتدني احچيلچ .. عله طف كربلة ارويلچ
زينب صبري لعيوني .. وشدي للسبي حيلچ
============
مالك عرف بالدنيا .. عِرفك كلها بالجنّة
اتيهن تيهة امغربين .. اذا طولك اتيهنّة

يمضياف الهلا التنگط مراسيل
املثم تطلع وترجع املثم
يشايلني اعله راسك شيلة الشيب
أشو هسه اعلة هامك شايل الدم

امان الله حدر سدك .. ضوه الجنة ترس خدك
شليلك فَي شجر بالصيف .. يكتلني الدمع بعدك
=============
#علي هادي الخزعلي

طفل يتيم يسأل أمه ليلة مصاب أميرالمؤمنين
******

وينه وينه وين أبو الروح الحنينه
وينه وينه الليلـه شو ما مر علينه
وين أبو حلو الكــلام
البيده يطعمنه الطعام
وينه وينه .. وينه وينه
******
عجبه هاي الليله عجبه ما أجه اليبهر حنانه
ما اجه اليطعمنه بيده ويكعد وياكل معانـه
أعلينه راح الفجر ينطر وبعده يمه ما أجانـه
مستحيل أعقلها ناسي وهوه ماليله نسانــه
بنتظاره عيوني مشبوحه أعلى دربه
بنتظاره اللحظـــه مثل سنين غربه
أتعودت في حجره أنام
البيده يطعمنـــه الطعام
******
وين أبو كل اليتامه الغيره ماواحد فكدنــه
ليش يايمه تأخــــر وأحنه لاماغيره عدنه
بهيجي ساعه هوه يمنه هذا يايمه عهدنـه
شنهي أكلنه وأشربنه الليله ماواحد نشدنه
وين بعده تروح وين الفقره بعده
وين بعده يشتكي الماغيـره عنده
منهو يوصله السلام
البيده يطعمنه الطعام
******
أختنك من أخفي شوكي يمه وشكد شوك عندي
راح أظل بالباب كاعد أنتظر وأيدي أعلى خدي
مـو طعام الليله أريدن لا ابد مـوهذا گصدي
المهم عندي كون أشوفه وتبرد النار البچبدي
ما أجانه الليلـه من دون الليالي
ما أجانه وبعده حال الظيم حالي
ما أجــه خيـــر الانام
البيده يطعمنه الطعام
******
بلكت ايبيــن علينه أبوالفقـــره وتاج راسي
ولو شو كلبي كرصني وماأظن هالليله ناسي
ريت مامكروه صابه وريت سالم اعز ناسي
ياهو بعده يحن علينه وطبعه هذا الدهر قاسي
صوت أسمع هدموا ركن الهدايه
صوت أسمع صوبوا خير البرايه
غدروا الليلـــه الامام
البيده يطعمنه الطعام
******
يمه يمه أشهالـمصيبـه يمه وشهاي الظُلامه
بالسمـــه اسمع منادي ينادي أواضح كلامــه
صوبوا راس أخو الهادي الجان أبو الكل اليتامه
وهالرزيه الكون رجت وأظلم وجلجل ظلامـه
وين أروحن ريت موتي العمري ينهي
وين أروحن وين أروحن وأنطي وجهي
بعــده هالدنيـــه ظلام
البيده يطعمنه الطعام
******
أتيتمت كل اليتامه الليله من فكدت وليها
من يباريهــــا ييمه وبعده من ينشد عليها
والمساكيـن بغيابه يمه شنهي يصير بيها
ومنهو يفتر على الفقره بعد من يتعنه ليها
حيره حيره حيره وشهاي المصيبه
حيره حيره أحتارت الامــــه بمغيبه
وأنفجع شهر الصيام
البيده يطعمنه الطعام
******
سلام المشعل

انت شيخ الطايفه وهيبة عربنه
ياعلي وبس انت التعيش بكلبنه
ياعلي ياعلي
00000000
علي ياهيبة سلفنه وبيك شنهج راسنه
علي يملوحة حجينه وياشريج انفاسنه
علي حبك بالولاده طب كلبنه وجاسنه
علي بيك الدين كاشخ يالملكة حساسنه


انت نور الله علي الضوه دربنه
ياعلي وبس انت التعيش بكلبنه
ياعلي ياعلي

0000000
علي سر الله العظيم المايصح تفسيره
علي واحد علي قائد علي مامش غيره
علي حته الطير ياكل جان من يم خيره
علي من يعله عليك وانت شيخ الديره


انت شيخ وصايتك هيه التلمنه
ياعلي وبس انت التعيش ابكلبنه
ياعلي ياعلي

000000
علي بامر الله ورسوله الكون كله ابكيفه
علي كــــض الفلك بيده مثل كضت سيفه
علي بس حيدر يعرفه وسر صعب تعريفه
علي جفنك الله بــــــــــس لي يمر ابطيفه


واحنه جي نهواك ياحيدر ربحنه
ياعلي وبس انت التعيش ابكلبنه
ياعلي ياعلي
0000000
علي المايهــــــــواك والله غيره ماكو براسه
علي وكلمن عاده شخصك هاذا اشك بساسه
علي الجدمك فدوه يغدي عمر هوه وناسه
علي جبرائيل جـــفك نــــــزل ليه وباسه


بس لـــــك ياحيدر انبين عشكنه
ياعلي وبس انت التعيش ابكلبنه
ياعلي ياعلي
0000000
علي يمبجي زلمها مـــــــن تطب للحومه
علي المنك راد يخلص ركض ذب اهدومه
علي سيفك بالمـــــعارك هوه غالب دومه
علي يالبس انت وحدك الله حب ارسومه


وي لبن امنه علي حبك شربنه
ياعلي وبس انت التعيش ابكلبنه
ياعلي ياعلي
00000000
#حسين عبد الزهرة الدراجي

قصيدة بحق الامام علي عليه السلام جديد



اه يغالي.. يالعفتني بحيرتي وناوي الرحيل
اه يغالي .. من بعد عينك يظل دمعي يسيل
يبوية فارگتني وبگلبي صوبتني
اه يغالي اه يغالي
======================
بوية دمع العين ما يگطع مسيلة
يالعفتني وغيبتك صارت طويلة
يالخذت عافيتي بغيابك عليلة
آه يا فگد الابو ماكو مثيلة
ماشي عني .. والله منك شوف ما شبعانة عيني
ماشي عني ... للمات وما اكف دمعي او ونيني
يتيمة يالعفتني وبگلبي صوبتني
اه يغالي اه يغالي
=======================
راح خيمتنا وبگينا ابلاية خيمة
يا ابو الايتام تتركني يتيمة
حالي حال الضيم والعيشة اليمة
رحت عني بساع يابوية هضيمة
يا حسافة... بوية وبفركاك گلبي امن الهضم ذاب
يا حسافة ... رسومك الحلوات صارن حدر التراب
بالفرگة عذبتني وبگلبي صوبتني
اه يغالي اه يغالي
=======================
من اطب للبيت ادور وين وانشد
بس صدى الحيطان لو ناديتك ايرد
لا ابو لا ام اطب للبيت واگعد
گمت اشوفك طيف لو فزيت يبعد
من تجيني گلبي ينصاب وعلي ليلي يطول
من تجيني انت وامي وانضر لحال البتول
اتمنى لو خذتني وبگلبي صوبتي
اه يغالي اه يغالي
======================
من يجينا العيد گلي انعيد شلون
وبصباح العيد ايتامك ينشدون
ابوجهك الايتام چانوا من يعيدون
حيرة عدهم وبدمع متروسة العيون
ماهو ابونا هذا عيد الله اجة والوالي بي غاب
ماهو ابونا حدر التراب اصبحت يا ابو التراب
هالحالة آلمتني وبگبلي صوبتي
اه يغالي اه يغالي
========================
مرتين اتصير ايتامك يتامة
يا ابونا امودع الله وبالسلامة
الليل كلة انوح بعدك ما ننامة
الحزن والنوح صار الهم علامة
يتمتنا بوية وبفرگاك دنيانا مضلمة
يتمتنا وكل يتيم وياك ظل مدفون حلمة
مكسورة لو شفتني وبگلبي صوبتي
اه يغالي اه يغالي
==================
أسألكم الدعاء رائد الاسدي

علي شيخ على الحرب لمن يصول
علي تربات النبي وفحل الفحول
علي شاطر بالحرب روس الكبار
غير ابن عم النبي وزوج البتول

يامولاي ياعلي … يامولاي ياعلي
____
علي ميرجع ابد ضيف اليجيه
عــلي للايـــتام والفقره اديــه
سوه من قمصانه للفقره خيام
غير ابو تراب ويلفي من يجيه

يامولاي ياعلي … يامولاي ياعلي
____
علي من گد الامان الصار بيك
حتى من نموت هم نفتر عليك
عـــلي ايـــــه من الاله مـــنزله
واجب من انصلي انسلم عليك


يامولاي ياعلي … يامولاي ياعلي
____
علي حيرت الشعر واهل الشعر
علي منوصفك ابد طول العمر
علي للفقره حنان انته تصير
وبالحرب جفك اليوجع بالسطر

يامولاي ياعلي … يامولاي ياعلي
____
خادم امير المؤمنين (عليه السلام)
✍🏻 #حسن الكريماوي

أعمال_ليالي_القدر_مع_فهرس_إلكتروني_يأخذك_إلى_العمل.pdf

ماشفت طبره تشبهه طبرتك
يل طحت. ولله تجرح نضرتك
يابويه اخرنضره
خلتني اعيش ابحسره
ياعلي ياعلي

يابويه احس روحي اطلعت
وبريتي نسمه مابقت
ابنيتك هضيمه اتيتمت
وضليت اجرالحسره
منا جرح منا يتم
كل ساعه اطيح والچم
الفرگه تهدمني هدم
وگلبي شيصبره

اتعذبت ابزغري رافگني الحزن
اتمرمرت. وياك اخذني اندفن
ابدلالي خلت جمره
يابويه اخرنضره

من زغري بيه اكبرجرح
ليلي طويل ابلا صبح
والفرح يم عيني يشح
يادنيه شلچ وياي
ايامي تگضي بلاطعم
الشافاني والله ينهضم
مخلصتهه بس نوح ولطم
اذتني كلش دنياي

وين اروح تعبتني الذكريات
وبل جروح. راح اخلصهه الحيات
الضيع ابوشيصبره
يابويه اخرنضره

ضليت ادور كم نضر
بعيوني احس كلشي انكسر
تعبانه من كثرالسهر
اكسرالخاطرياناس
گدامي ماتت فاطمه
شنهي الجروح القادمه
وجهي المصايب لاطمه
يامالطمت اعله الراس

حزني صار. ينحچي بيه المثل
ابگلبي نار. لجَمتك ماالهه حل
يم گبرك اعثرعثره
يابويه اخرنضره

بل بيت ماضل شي الي
لا فاطمه لاضل علي
بل يتم بلوه ابتلي
اكسرالخاطرربويه
انه وخوتي اشبع دمع
عل طبره نبچي وعل ضلع
موكافي گلبي ينشلع
وحسين يصرخ خويه

والحسن يصيح مامرنه الحنين
بل محن. عشنه كل هاي السنين
جرحت اعيوني العبره
يابويه اخرنضره


سلام البهادلي

لحد يــعايدني يجي بهذ العيد
غير الدمع ماظل بعد شي يفيد

غير الدمع ماظل بعد شي عدي
بمصباحه خلهه الدمعه تاكل خدي
موبدي اكل اليامي هوني وردي

وراح الحبه وهوه هل صار بعيد

راح الگبل عــيدي ويغطي تراب
ولكلي عيدك خير ماعدي جواب
شيفيد اعاتب هسه ماظل عتاب

وياوكتي مادري بعد شنهو يريد

ياوكتي خلاني وحــــــيد بحيره
اخلاف ابوي وحشه هس الديره
اشتم هــــدومه وعدل بتصويره

ويه الحــــزن ظليت احط ايد بيد

حطيت جفــــي ويلحزن خاويته
والبيت وحــــشه منين ما طبيته
افكد بجــــــــــانه وبلدمع حنيته

وياگلبي بــــــفراكه بعد لا ميهيد

ياگلبي بفــــراكه نترس بس بلهم
طشر شملــــــــــنه ولا بعد مايلتم
راح البو والخــــال الي وهوه العم

وكام الدهر بهــــمومه وزياده يزيد


ابو سلام الجابري

. لسان حال زينب ع

كلشي بهل عمر ضاع

لمن صار الوداع

.......
بنيتك ياعلي هاي انه زينب

من ذاك الجرح گلبي يتعذب

ما اريد الهجر مني يتكرب

لان نيران أمي لهسه تلهب


ليش تهيج الوجاع

كلشي بهل عمر ضاع
.......

تمنيت بحلم كل الجره وياك

وفز من الصبح وكبالي الكاك

شكثر ربك محنه وعاطفه انطاك

شلون انساك گلي شلون انساك

شلون اتضمك الگاع

كلشي بهل عمر ضاع
......

يا بويه الگلب ما يحمل افرگ

راح اكضي العمر لعيونك اشتاگ

أحس ثوب المصايب بس علي لاگ

عمري والفرح يا حيدر انباگ

صار فراگك بساع

كلشي بهل عمر ضاع

.......

فراگك جم جرح بگليبي خله

فگدك مو سهل حط بيه عله

السائل لو نشد عنك شكله

من دم الدمع لجلك لهله

صيتك بالشرف شاع

كلشي بهل عمر ضاع
.......

وحدك بالكبر مو سهله اعوفك

وأنه تعلمت كل يوم اشوفك

يا كعبت حياتي شلون اطوفك

ترد الحيل يا لمست جفوفك

يابو جفوف الوساع

كلشي بهل عمر ضاع

......
ياسيف المنيه ها كثر حاد

الحياة بدون ابوي شلون تنراد

من جفك اريد العلتي مراد

انا تمنيت الگه الجرحك اضماد

علاجك وين ينباع

كلشي بهل عمر ضاع

الشاعرعلي زيدان البصري