ميمر # للعباس ع




ياعُدَّتِي فِي كُرْبَتِي وَ العُسْرِ

عَبّاسُ قُمْ فَلَقَدْ حَنَيتَ ضهري




عباس اجيتك للــــنهر يلـــــكافل
اگعد يَنور اعيوني يابـــو فاضل
شو جسمك ابطعنِ وطبر متواصل
غيره ودموم اعله الگاع
يمّك اشاهد تجري





يلما رضيت ابــــــماي گلبك يبرد
بيك الجروحِ اهواي مــاضن تنعد
يا جرح اضمده ، ليا جرح يرهم شد
يا گُمر كلهن كلفــات
واتحيريت ابأمري





صابك عمد طر هامتك واجبينك
نابت سهم يابو الوفه ابنص عينك
يلحاير ابلا شوف آنه احسينك
خويه الـــــــــعُمر لو ينـــدار
درت اعله عمرك عمري






عينك عليها الدم جِمد يا وسفه
چانت حَرس لُم الخدر ما تغفه
مثلك لخوه بالكون محــــد وفّه
ومــــــــــا ينجبر ياعباس
كسرالأخوه ابصدري






بچفوفك الطاحت تِمَسّك ديــنك
وربّك يباهي ابيسرتك وايمينك
فاطم تطالب باچر ابــــــچفينك
اُحكُم يَــــرب بيني وبين
كلمن فجعني ابّدري






طبعك جبل ما يثني عزمك عامود
والكل تهابك حتى من غير ازنود
لاكن تضعضع حيلك ابسهم الجود
ساقي العَطاشه ابلا ماي
هذا اليجرحك ادري







يلچنت اشمك من تضيگ الأنفاس
واحد لَچن بعيوني اشوفنك ناس
بعدك على الدنيه العفا يا عبّاس
ضهري انكسر وابفرگاك
طاح وتِهدّم صبري






للخوه تبقه وللـــــوفاء الـــعنوان
يلجاوز احسانك حدود الأحسان
يا رب تقبل مني هذا الـــقُربان
واشْهَدْ لَحَدْ يوم الـــــدّين
ما ينطفي اعليه جمري

ــــــــــــــــــــــــــــــــــــــــ
سيد علي عبدالزهره الناجي

#زينب #والعباس     #احمد #العكيلي

اسكت واموت من الخجل
 لو شامتي عنك سأل
مابينك وبيني كلت    صار الوداع المحتمل
ــــــــــــــــــــــــــــــــــــــــــــــ
عباس يا شهكة نفس .. انه اختنك
والفركه جانت بس حجي .. وصارت صدك
عالعين حد ما تنعمي .. ظليت ادك
بعيوني ما يحله النظر .. من نفترك

صار الجنت اتوقعه
تسلك طريق المشرعه
ماترجع شما حاولت   صار الوداع المحتمل
ـــــــــــــــــــــــــــــــــــــــــــــ
اركض بقيت بلا وعي .. بين الخيم
كلما وصل منك خبر .. زاد الالم
كالولي عن عينك نبت .. بيها السهم
وجفوفك من اتكطّعن .. طاح العلم

ياخويه لو تدري شحصل
 لمّن خبر موتك وصل
كوه اعله روحي تحملت   صار الوداع المحتمل
ـــــــــــــــــــــــــــــــــــــــــــ
يسمع ونيني الناصبي .. لمّن اون
لسياطه مطبوع الاثر .. فوك المتن
لمّن عفتني مابقه .. غير الحزن
وتدري انت عالتفكد اخو .. محد يحن

فرصه وأجت عند الشمر
يتشمّت بحال الخدر
وبهذا وضعي تخيلت   صار الوداع المحتمل
ـــــــــــــــــــــــــــــــــــــــــــ
كلما كصر بيه الامل .. طال الدرب
ادري الوداع اويه الاخو .. كلش صعب
والحره المن تشتكي .. من تنضرب
ومن يخفي ظلها لو مشت .. بين الغرب

يمك فلا شافه بشر
بعدك خبر خدري انتشر
تفزعلي ياخويه ردت  صار الوداع المحتمل
ـــــــــــــــــــــــــــــــــــــــــــ
لحسين اشرح يا وضع .. شتذكّره
شفت الشمر من القفا .. حز منحره
احجي اعله خيل السحكته .. لو خنصره
لو جثّته بــ حر الشمس .. فوك الثره

بعدك شفت حيله انكسر
ويصيح يــحزام الظهر
 ساعتها آنه اتأكدت    صار الوداع المحتمل
ــــــــــــــــــــــــــــــــــــــــــــ
دمعة رقيه من تهل .. ترسم صور
واجدامها من الجمر .. بيهن اثر
كل لحظه تنشد ما وصل .. منك خبر
وتكلي عافاج شعجب .. عمي الكمر
 
تدريني آنه مدلـلّه  
 بس عذبتني كربله
بحبال هسه اتكيدت   صار الوداع المحتمل

 

حشمت عباس زينب خويه يا فارس مضر
كوم شيل العلم بيدك واكصد الصوب النهر
كوم رفرف رايتك            واحمي خدري بشيمتك
خويه يا فارس مضر
.........................
زينب بسابع محرم حشمت عباسها
شدت الجود اعله متنه وبيده خلت طاسها
كلها عد عيناج خويه وشاركاها احساسها
وصاح مابين المله             الا اكلب كربله
وشهر سيفه ابو فاضل مثل حيدر من شهر
...................
عزم واغتاض الكفيل وصال صوله حيدره
صاح وبكل عالي صوته انه سبع الكنطره
الجيش من شافه ايتجادح عن يمينه وميسره
كامت بكتره تحوف              من رعبها ما تشوف
الزلمه بيهم شهر سيفه وبيد عباس انسطر
...................
الكمر فاج وبيده جوده وبيده طاسه ورايته
وصل يم النهر وحده وجمر تلهب شفته
شال بيده الماي عاين سمع زينب نادته
خويه وين الماي وين             تصرخ ايتام الحسين
وبعد سكنه انته اوعدتها والوعد وكته عبر
....................
همهم بروحه الكفيل ودرعم بسيفه ورعد
وصفك يمناه بيساره وصوب المخيم كصد
الجيش  من شافه يتراجف واحد الوحد شرد
وابو فاضل كله زود       بيده سيف وبيده جود
بيده سيف الشطر مرحب والامر منه صدر
حشمت عباس زينب خويه يافارس مضر
..............................................
سرفن ازنوده ابو فاضل دخن وغيره اشتعل
هلهل اعله الزلم سيفه وكام يدناه الاجل
من وصل كاع المنيه ريت اخويه ما وصل
لون كطعوا يمنته               ومره كطعوا يسرته
ومثل حيدر راسه وبهامه انطبر
حشمت عباس زينب خويه يافارس مضر
.................................
الشاعر محمد الموالي

ياعباس

بعينك حسين .. والحسين .. يحب عيونك
سيد الناس .. والاحساس .. يعيـش بـلونك
الجـربـه ترتاح .. اذا لاح .. حضـنها مـتونك

من تدوس الصحره
كلها تـصبح خـضره
يــانهـر تـمـطر وفـه
ردنــه منـك گـطـره

ياعباس
__1__

الله حــيّــــاك .. يمحـلاك .. يـدرة هاشم
ضحكتك ماي .. يمولاي .. تفطر الـصايم
طولك العيد .. يصنديد .. تشوفـه الوادم

ياشمـس كـل ديـره
وجـهـك امن اديـره
عالكمر يا ابا الفضل
يعـرف بـتـقـصـيـره

ياعباس
__2__

چفوفك افياي .. يمولاي .. حـضن للـفقره
عـلي ينـاديـك .. يسـمّيك .. عـيون الزهره
الله سواك .. ضوه انطاك .. يهيبة وحضره

الله بــيــك اتــبـاهـا
رايـــتــك عــــلّاهــا
والكفاله اتلوگ الك
الــك الـلـه انـطاهـا

ياعباس
__3__

كربـله افعـال .. يـخـيّال .. ينـاصــر ديـنـك
بالحرب دوم .. يجيدوم .. غضب بجـبينك
ابيمنتك جود .. كشاهود .. تعيـش ايمينـك

وسيفك المايلـمـع
دوم وجه مـسـنّـع
والـمـچـانه مايـرد
الا بـي دم يـرجـع

ياعباس
__4__

كربله تـمـيل .. يـالاثكـيـل .. يراعـي الـرايـه
رايتك سيف .. شمس صيف .. يروح الغايه
والنـهـر حـار .. يـمـغـوار .. نـشف كـل مـايـه

والـتـخـزره بـخــزره
گبـالـه يـوگـع نـحـره
ياجــمر شـايـل جـمر
والتسـطره اتـطشـره

ياعباس
__5__

منـهو يدنـاك .. علي ويـاك .. كلـف بـالحـومه
اليشرد يموت .. بلا صوت .. تضـيع ارسـومه
اخيالك الشاف .. شرد عاف ..  رميه هدومه

كـربـلــــه زلـزالـهـا
خطوتك وأثـقالهـا
أخرِجَتها بطلعتك
هـيـبة يـاريّــالـهــا

ياعباس
__6__

#رزقهم_سلام_الله_عليهم
#احمد_رزاق_الاعرجي

خويه زينب   حيل متغيره مشيتج
خويه زينب    ماعرفتج من اجيتج
خويه عذريني تره بعيني السهم   وما اجيت وياج طفيت الخيم
*
متغيره ياخويه شكثر     زينب احجيلي اشلونج
محنيه تمشين شعجب    ومخطوف اشوفن لونج
اشبيها اديج امحركه       وشبيها حمره عيونج
ليش من اجيتج باوعت    بيدج لزمتي امتونج

خويه وينك     ليش من شفتيني صحتي
خويه وينك       عالهزل كالولي رحتي
صحتي وينك خويه يراعي الشيم    وما اجيت وياج طفيت الخيم
****
شلونج تكلي شغيرج        متكلي خويه شلوني
اشلوني وأكل أيدي الحبل   شلوني شكثر سبوني
شلوني واجه ليه الشمر    وخلاها زركه امتوني
شلوني وحركها خيمتي     شلوني وسبيه اخذوني

شلوني خويه    حيل هاليوجعني متني
شلوني خويه     هذا حالي من عفتني
خويه حته الطفل منهم ما سلم     وما اجيت وياج طفيت الخيم
*
من عندج اشكد مستحي    وخجلان خويه اهوايه
كتلج اجيب الماي الج         ونطيتج انه احجايه
من جودي صابوه بسهم        وتبده زينب مايه
خويه استحيت ارجع بعد       ابلا جفوف ورايه

ما اجيتج    خويه زينب سامحيني
ما اجيتج      بالعتب لا تجرحيني
حاولت ارجع لجن حيلي انهدم   وما اجيت وياج طفيت الخيم
*
شكالولك عليه بعد     من استحيت وماجيت
كالولك شكد حشمت       كالولك اشكد تانيت
كالولك عله التل رحت     وشكثر بسمك ناديت
كالولك أبين الزلم          ياخويه أركض ظليت

راح خدري     شسولفولك عني كلي
راح خدري    وجان ما ينشاف ظلي
من صحت عباس اشوفنه ابتسم      وما اجيت وياج طفيت الخيم
***
كل حيل مابيه بعد           فراكك تره شيبني
عباس لو انته عدل           ماجان واحد سبني
خويه اركضت للمشرعه    وينك صحت خال ابني
يا خويه اريدن فزعتك      كام الشمر يضربني

فاركتني   وعطشت اخيامي بغيابك
فاركتني   وطيفي مجروح عله بابك
طاح حيلي وياك من طاح العلم   وما اجيت وياج طفيت الخيم
*
اهتز وهز حته الرمح      يازينب من يضربوج
وياخويه ادنك واستحي     بذاك الحبل لو جروج
هيجي يصير بحالتج    وحيل انهضم لو شتموج
نظراتج تسولف عتب    وجم مره زينب فجعوج

من اشوفج    تسعر النار بدليلي
من اشوفج   ينهدم ياخويه حيلي
شما اعاين ناكتج انزف الم   وما اجيت وياج طفيت الخيم
**
تمت
#ميثم #العمري

بويه وينك يلجلمتك دافيه.   عمتي اعله النار ترگض حافيه
تركض وعثرت خطيه           هواي من شوغت رقيه
           طبت علينه الزلم مو صافيه
،،،،،،،،،،،،،،      ،،،،،،،،،،،،،،    ،،،،،،،،،،،،،،    ،،،،،،،،،،،،،
والله مامش خيمه تستر عگبك اتفيي الحرم
ناس ماعدهم حميه حرگو علينه الخيم
هذا طگني وذاك جرني وهذا ياباني شتم
عگب زودك يلحنين وعگب حمال العلم
ضيمهم بين عليه.    والحبل طابع بديه
    طبت علينه الزلم مو صافيه
،،،،،،،،،،،،،،،،     ،،،،،،،،،،،،،،،     ،،،،،،،،،،،،،،،،    ،،،،،،،،،،،،،
بياوكت عمتي العقيله تنوح وتهل الدمع
مدللت عباس جانت هسه محنيت ضلع
من كثر ضب الحبال الجلد يابوي شلع
وگام يتلوه اعله متني الصوط من طكهم طبع
والله صعبه هل قضيه.   عمتي تبجي خطيه
       طبت علينه الزلم مو صافيه
،،،،،،،،،،،،،،   ،،،،،،،،،،،،،،،،،      ،،،،،،،،،،،،،،،،     ،،،،،،،،،،،،،،،،،
نوخوها الناكه لينه وعمتي مابيها حيل
تصعد اعله الناكه وسفه والدهر بينه يعيل
بويه وي ميلت الريح الحره گامت هل تميل
وناحت الناگه اعله حالي وتبجي بنياح وعويل
عمتي تحضني هيه.       ريحتك شمته بيه
         طبت علينه الزلم موصافيه
،،،،،،،،،،،،،      ،،،،،،،،،،،،،،،     ،،،،،،،،،،،،،،،،    ،،،،،،،،،،،،،
بويه ششرحلك الحاله البيها زادت لوعتي
تتوجه عل ناكه يبويه وسفه كامت عمتي
ومن تصد لينه تكابر هيه تمسح دمعتي
اتگلي ياعمه تسكتي انتي روحي وجبدتي
اسكتي يابت الابيه.      لايسمعونج اميه
      طبت علينه للزلم مو صافيه

لخادم السيده رقيه
الشاعر محمد الماجدي

السيدة زينب ع تشكو الى أخيها محمد ابن الحنفيه


شسولفلك يخويه وروحي ملچومه
ويمحمد عضيدك سـلـبـوا اهـدومـه

                                      *---------------*---------------*

عفت حسين خويه اثياب ماعنده
وثـلـث تـيـام مـحـد وسده بلحده
والمـثـلـث اخـذ ثـلثـيـن من چبده

ابو السجاد ضل بساحـة الـحـومـه

                                      *---------------*---------------*

مـو خـيـال واحـد داسـته العشره
وشوف العين يمي ايروكن بصدره
أجيتك بالحزن يا جـيّـة الـگـشـره

عفته أجروح كله وتنزف ادمومـه

                                      *---------------*---------------*

اخـبـرنـك تـراهـي اتشيّب الحـالـه
وبراس الرمـح راسـه الشمر شـالـه
جرح گلبي العزيز ودمعي يـتـلالـه

ذبحوا كل أخوته وصحبته وگومه

                                      *---------------*---------------*

تـغـيـر حـيـل ذاك حـسـيـن ما چـنـه
بـدمـه الـسـال شـيـبـه الطاهر اتحنه
اصـبّـر روحـي مـره ومـره اجـر ونـه

بقت صورة وريده بعيني مـرسومـه

                                      *---------------*---------------*

أوياه الموت انـي اشگد تـمـنـيـتـه
شفت الشمر فوگه وقابض ألحيته
يمه امطرحهه صحبه واهل بـيتـه

مـاصـايـر كـبـل مـثلـه ومثل يومه

                                      *---------------*---------------*

عيونك بالحچي راح اهل جـاريـهـه
جثته  الخيل  ماخلت ضلـع  بـيـهـه
عندي اشكد مصايب ياهي احچيهه

جفني مــن يسيل ادموعه مـا لـومـه

                                      *---------------*---------------*

✍ خادم الحسين ع
   الشاعر رعد الجريخي

عمه هاي الروس ليش تباوعنه
خايفه يطلعون ياعمه من اهلنه
تبجي لو ضربوني ......يمكن يعرفوني
خايفه يطلعون ياعمه من اهلنه
*
عمه هاي الروس متغير رسمها
ماتبين وجوها غاطيها دمها 
مبينه بس عيونها وادري بالمها
من يضربوني احس يزيد همها
      عمه طول الدرب همه يراقبوني
     عمه شفتي شكد بجو من جتفوني
بلدمع واسوني......يمكن يعرفوني
خايفه يطلعون ياعمه من اهملنه
****
عمه بيهم واحديباوعلي شفته
بلحجرمصيوبه ياعمه جبهته
على حالي بعينه مانشفت دمعته
خاف عنده بكدي طفله ويضن بته
      دني يمهم واحجي كل الصاربيه
    وكولي بنت حسين هلطفله رقيه
الحالهم بجوني ......يمكن يعرفوني
خايفه يطلعون ياعمه من اهلنه
****
وبعد واحد بلسهم مصيوبه عينه
وراسه يمكن بلعمود مهشمينه
لوصحت ياعمي احس يكثرونينه
عمه من تبجين احسج تجرحينه
       راح ادنه عليهم واحجي همي
     خاف مايدرون بلعباس عمي
جنهم يجهلوني........يمكن يعرفوني
خايفه يطلعون ياعمه من اهلنه

من اجاني السوط وتقرب عليه
اثنينهم غمضو ياعمه سويه
ومن طحت واحد حجه اسم الله رقيه
ويصرخ الثاني وينادي وين اديه
     اعثر ومن عدهم اسمع صوت ونه
     روسهم فوك الرمح تهتز محنه
بصوتهم فجعوني......يمكن يعرفوني
خايفه يطلعون ياعمه من اهلنه
*
روسهم تنزف دمه وحيرني همهم
لون مامجتوفه اديه ادنه يمهم
بحضني اخلي الروسهم واكعد اشمهم
عمه اتمنى تصد عيني الرسمهم
      ماي ماعدنه نغسلهم يعمه
     حتى اغسل وجوهم دمعي المه
واهل دمع عيوني .......يمكن يعرفوني
خايفه يطلعون ياعمه من اهلنه


سيد موفق الموسوي طوريج

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
.2

قصيدة غربة رقيه ....تتكون من وزنين في النص....
............بحر طويل +4/3 الشيعتي ...........
.

دمـعه بخــيالــي....وجهـك يغـــالـي
يا بـــويه بعـدك....وحشه الليـــالـي
.
.
أنه الشـــمـعه...أنـــه الدمـعه.
رقـــيه آنــه يـا روحـــي
أنه بزغــري...كسر ظهري
ونيني ومــدمــــع أجروحي
.
عشــره وي عشــره وبعــد أربع ليــــالي
ضيــعن عمـــري وفخــر عــــــزي ودلالي
بويه من بعــدك لـون شــــفت اشجرالي
يســرونـي وشـــــتمـــوني وهــذا حالي
.
بويه الســـــــبوني....ولــيه ولــونـــي
راح اشكي هظمي...وألـي جـرالــــي
.
.ـــــــــــــــــ ❁ ❁ ❁ ـــــــــــــــــ
.
يكـل روحـي...الك نــوحـــي
أشوفن بالطـشت راسـك
على صدري...وسط حجري
أضمك وأشــتم أنفـــاسك
.
منهـو صـوب جبـهـــتك والحــز وريــدك
من گطـع چفـك يبـويه وخنــصر أيــدك
أرد أنـام ابحجـرك آنـــه اليـــوم أريــدك
ضيعيــتك مـن بعـــد طيـحت عضيــدك
.
يالضـيـعــيــتك....صـدفه  لگيـــتك
طابت جروحي....والوّن حـــلالــي

..ـــــــــــــــــ ❁ ❁ ❁ ـــــــــــــــــ
.
علــى خدّي....دمــه يــدّي
.كلهـم بـــويه ضــــربوني
على وجهي...على متـني
وسطره هــايـه بعـيوني
.
بويه من أعثـر وطيــحن أزحــف ازحـوف
محــد أيـناولـني أيــده والعــــــده اتشوف
تفزع وتركـضـلي عمتــي بين الصــــفـوف
والعليل ادموعه تجـــري ومثلي مچتــوف
.
دمي وجروحي....دمعي ويه نوحي
للبـــاري تنشـد....عنـــك ســؤالـي

.ـــــــــــــــــ ❁ ❁ ❁ ـــــــــــــــــ
.
يســــبوني....ويضــربوني
.أصيــحن عمــي يا عمي
يروعــني....ويلـــوعنــي.
شمـر مـن يقــترب منــي
.
دمعتي لبـــدر الهــواشم جمـــره بالعين
والشـــمر ينشــــدني عنـه هم تعرفين
هذا عــباس البطـل سبـــــع المــيـادين
هــذا راســــه يـــارقـيــه لا تنــــاديــن
.
منظر هظــمني...بويـه ولچـــمني
بعد الصمـــيده....آنــه أشبـــقالـي
.
.ـــــــــــــــــ ❁ ❁ ❁ ـــــــــــــــــ
.
خلص عمري...زمـن دهري
تنومني علــــى أزنـــودك
أرد ديــــــني....يضي عيـني
.أجيتك  أوفي بعهـــودك
.
اليـوم أضمك يـا حبيــبي يالتـضــمني
اليوم اشمك يالچنت أغفــى وتشـمني
يالنمت وي نومي بـويه ويــاك أخذني
من أفـــز كــون أبقـــى يمك يالعفتـني
.
خلصت دمــوعي....كسـرو ضلـوعــي
ماعنـــدي غيرك....واحــــد بــــرالـــي
.
.ـــــــــــــــــ ❁ ❁ ❁ ـــــــــــــــــ
.
بقـت عــبره....الك تبــــره.
.اوصــي بيها مهـــدينا
لــون لو ثـار...على الكــفار.
.يــــردنا  يـــم أهـــالينا
.
لو ظهـر وأعلــن جهــاده منتــظرنا
آنــه ويــتامــك يلملـمنه ويـــــردنا
بويه نشـتاگ الضـريحك يا فخـرنا
بحجرك أنام  ونشـــم تــربة گـبـرنا
.
هـاي المصـــيبه....وآنـه الغــــريـبه
أنظـــر و تـــاني...أيهـــل هـــــلالي

..ـــــــــــــــــ ❁ ❁ ❁ ـــــــــــــــــ
.
تمت ولله الحمد نسألكم الدعاء كتبت بتاريخ
2/ربيع الاول/1436
الخميس 25/12/2014

حسن الموالي الفاطمي

عفتوني.. شو عفتوني..طفله بغرب عفتوني.
انه رقيه ياهلي..طفله بغرب عفتوني.
""""""""""""""@@@""""""""""""""
هذا الهجر..لمن يمر..هيجلي بويه احزاني.
سوط اوأثر..جدمي عثر..بسمك ينادي لساني.
ازغيرة عمر..بويه الشمر..مرعوبه شو خلاني .
مو طفلتك..وابنيتك..ماضنتك تنساني.
بعيوني..ضل بعيوني..ايلالي الدمع بعيوني.
انه رقيه ياهلي..طفله بغرب عفتوني
"""""""""""""@@@""""""""""""""""
سولف الي..يابن علي..يابويه شو ما اشوفك.
فوك الارض..جفني ايغمض..جنت اغفه فوك اجفوفك.
طال البعد..جن ماترد..هيج انه شفت اطيوفك.
خيمة هلك..مشتاكه الك..يالماوجد معروفك.
ينطوني..لو ينطوني..عنك خبر ينطوني.
انه رقيه ياهلي طفله بغرب عفتوني.
"""""""""""""""""@@@"""""""""""""""""
زاد الحزن..واعليك اون .يابويه طال غيابك.
ماضنتي..ياسلوتي.بمحنه تعوف. احبابك.
روحي انته بس..عطرك نفس..الحكلي اشم اثيابك.
وبياوكت ..دمعي يكت..شوكلي شنهو الصابك.
منعوني ..شو منعوني..اعليك ابجي شو منعوني.
انه رقيه ياهلي..طفله بغرب عفتوني
""""""""""""""""@@@""""""""""""""""""
شخصك جفه..عني اختفه..وامشي أنه سبيه.
بحر الشمس...واذكر امس..رقيه يارقيه.
حتى الحبل..مايحتمل..من صار كيد اديه.
بنار الضمه ..وبلا حمه..ياوحشة المسيه.
اعله امتوني..اعله امتوني..سوط العده اعله امتوني.
انه رقيه ياهلي.طفله بغرب عفتوني.
""""""""""""""""""@@@""""""""""""""
عندي حجي..ووياه بجي..بويه ولو ثواني.
ترضى العده..واهل الرده..سلبو تراجي
اذاني.
مايحتمل..متن الطفل..سوط الشمر أذاني.
متلوعه...اومن يمنعه..لا انته لاخواني.
اتحضروني..اتحضروني ..ويالكافل اتحضروني.
انه رقيه ياهلي..طفله بغرب عفتوني
                  ::::""""""""":::
       للشاعر
ابو عبدالله الشمري