‏وصلت بهواجيسي بلاد العجم والروم
‏وانا حوش بيتي ماتعديت بيبانه

‏ومن هالمنبر أعلن التخلّي التام عن التبرير يعني يا عزيزي إفهمها زي ماتحب وكوّن فكره مثل ماتبي لأن حرفيًا أنا صرت شخص ماعاد يهتم لـ شي ..في أربعه جدران والسقف خامس

في غيبتك كل الملا عندي اغراب .. لاحد ابي قربه ولاحدن يبيني

كيف خليتني عقب الجماعه وحيد
وكيف نزحتني عن ربعي وعن هلي "
أول الوقت متحرص وحذري شديد
خابر.. حيلة المحتال ماتنطلي

لا تخليني يارب اهتم في اي شي مو لي ولا تخليني استنزف مشاعِري وعقلي في شي ما يستاهل ولا تخليني اعطي في وُجهة غلط ولا احمّل قلبي ثقل مشاعر و ود لأحد مايبادلني نفس ثقلها ولا تحطني في مكان يخليني ابرر عفوّية مشاعِري ولايحسن فهمها ولا تخليني ابالغ في وُجهة وانسى نفسي وحقّها

احياناً الإنسان ودّه بشخص يفهم الحزن اللي يكنّه وسط جوفه من دون لا يستنطقه مثل مدى المعرفة اللي وصل لها عبدالله بن دايس لما قال:

"‏لا تتظاهر إنك طيب وماعليك خلاف
‏كلام الحزن بيّن وصوت الحزن بيّن
‏أنا مستعد أدفع ثمن ضحكتك أضعاف
‏لو أتسلّف الطائل من المال وأتديّن"

في ظل هذه المعمعة التي تسكن فكري ، تمنيت أكون مثل اللي : " قفل من دون هوجاسه الباب "
لكن للأسف صرت مثل حالة اللي
"غدت جدران بيته تفاكير " نسأل الله السلامة

‏يا أخوان أنا أخاف من الليالي الموحشه
‏أبيها تمرني بسلام

‏لكنها ما تبغى لازم تلعن خيري

الفتره هذي ماغير مقضيها اغاني وافلام وببجي لين ربي يفرجها .

لو إني من اول للغرابيل ثمنت
ما جيت حد حماه ولا طعني*

يقول خالد الفيصل:"يوم ودّك كل شيٍّ في يدينا" وهذا الشطر كفيل بإغلاق ابواب العتب

يا رب.. على قد ما تشيل هالكلمة من عطف ورأفه
بلغني إنبساط الحياة قدامي، بلغني اليسر والرحابة
بلغني يارب لذّة الوصول:(

‏الناس تعتقد إن العتاب هو الملاحقه والتشرّه لكن ماجربوا قوّة العتاب الصامت! لا أعطيك من وقتي في العتب ،تجاوزتك بيني وبين نفسي وهذا أقسى عتاب

شلون الصديق الحقيقي ممكن يكون علامة وعي فارقة في حياة الإنسان وياخذ بيده لكل ماهو جميل، وأعرف اليوم إني أفهم الحب وأعبر عنّه من بوابه الصداقة مش من بوابّة الرومانسية، لأن الصداقة كانت كريمة معاي ووهبتني المعرفة، والنمو، والتقبل، والفهم، والمحبّة، وليالي من الكلام الحقيقي من القلب*

‏أنا شكل السعادة ما أذكره من لوّحت يمناك
‏كأنك ماخذ الأفراح بـ يدينك .. عن أيّامي".

كل ذكرى تمر في باله
‏تلوّعه

" عزالله اني بالهواجيس غطّاس
‏وعزي لمنهو في بحَرهن يهيمي "

من يوم بديت أوفر الملامة في جيبي والدنيا ربيع أثاريني كنت أوزع راحتي.

تسيرني مقاديري
‏على القسوة
‏مع إني ما قسيت إلا على أحلامي
‏عسى ما بيني وبين الفرح
‏فجوة
‏عسى ما ينتهي صبري
‏وأنا ظامي*

وحنيه الشخص اللي يقول :
‏" إسندي راسك وجرحك على كتفي
‏وخليني الحيل إذا منهد حيلك "