امنية خادم
الوزن ميمر
~~~
اقبلني اقبلني يبن الرضا من شيعتك
خادم الك طول العمر ياسيدي اقبلني

خادم الخدامك لون تقبلنـــــــــه
وبخدمتك الدنيــــــه تصبح جنه
كل يــــوم اروح الحضرتك اتعنه
وبخدمتك يــــــــوم الأجل اتمنه

سجلني سجلني من الخدم سجلني
خادم الشبلك وانتظر ياسيدي اقبلني

*✍️الشاعر فالح العامري*
✹✹<><><>✹✹✹<><><>✹✹✹
اذنوب عندي هواي يبن الطيبيين
هالخدمه ذخري سيدي اليوم الدين
انطي العمر والروح وعيوني اثنين
افخر باسمي يصير خادم للحسين

تشملني تشملني بيوم الحشر تشملني
منك شفاعه بالحشر ياسيدي اقبلني

✍🏻الشـــاعــره ام ليث المالكي
✹✹<><><>✹✹✹<><><>✹✹✹
خليني يا أبن الامـاجد عـــبدك
ماارتضي كوني عبد بس عندك
ماأحمل افراگ ومــرارة بُعـــدك
ابقى يــــباب الباري اعله عهدك

تشملني. تشملني. بلطفك لون تشملني
ميهمني لوصرت بخطر ياسيدي اقبلني

✍️الشاعره ام مجتبى الجزائري
✹✹<><><>✹✹✹<><><>✹✹✹
خــــادم الك يبن الرضا خليــــني
وللخدمه انطيلك حياتي وعيــــني
افديلك ايامـــي وجميع ســــنيني
هاي الخدامه مــن الجهل تحييني

تسألني تسالني عن طلبتي تسالني
من عدكم اتعلم صبر ياسيدي اقبلني

✍️الشاعره شيماء ام نور
✹✹<><><>✹✹✹<><><>✹✹✹
يا سيدي امنيتي اخدمكم دوم
يا مسعده خادمكم بنص الگوم
گلبه يضل مرتاح ميشوف هموم
وبالاخره تشفعوله ابذاك اليـــــوم

فرحني فرحني. يابـــو الكرم فرحني
حلفتك بگطع النحر ياسيدي اقبلني

✍️الشاعره ام مرتضى الموسوي
✹✹<><><>✹✹✹<><><>✹✹✹
اتمنه اســمي ايصـــير ويه الخدام
وبصدري اعلگ صورتك چن اوسام
تنــزاح مـــن گلبــــي جمـــيع الآلام
واصبــح ســعيده اشما تــمر الايـام

ترفعــني ترفعــني بس انتــه ترفعني
من زغري دلالي انكسرياسيدي اقبلني

✍️الشاعره ام عدنان سياحي
✹✹<><><>✹✹✹<><><>✹✹✹
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻

https://www.tg-me.com/yahassN

تجليبه
(مصيبة شباب الجواد)
▪️▪️▪️▪️▪️
عـــونه اللي بچه لبن الرضا الليله
ينصبله عزه ودمعه دمـــه يسيله
▪️▪️▪️▪️▪️▪️▪️▪️

شـــباب وبالورع ماينوصف علمه
ماخذ زود اهله وجــده بالحكمه
اليوم بغيبته الدنيا اصبحت ضلمة
واملاك السمه اعله النعش تنعيله

✍️الشاعره شيماء ام نور
🟰🟰🟰🟰🟰🟰🟰🟰
عليه ابگـــــه انوحن وسجب العبره
اويلي ياجواد اوتاســـــــــــع العتره
مات ابأرض غربــــــه محد اينصره
راح الجده ضيمه اوعظمه يشجيله

*✍️الشاعر فالح العامري*
🟰🟰🟰🟰🟰🟰🟰🟰
ياقصة الجواد وســمه ماموجود
عليك العين دم تهمل يابحر الجود
بابـــك للكرم يبگه يضل مگصود
نعزي اليوم ابنه الهادي نمشيله

✍🏻الشـــاعــره ام ليث المالكي
🟰🟰🟰🟰🟰🟰🟰🟰

عونه الي بجه اوهل الدمع لجله
نسيل ادموعنه وصدورنه اندكله
ماجور الرضـــــا بوليده انكله
كل احنه سوه هــــاليوم نبجيله

✍️العلوية ام عباس البطاط
🟰🟰🟰🟰🟰🟰🟰🟰

نبچيله ونـــون وانسيلها الدمعه
وابهوسة حزن مولانه انودعه
هالليله نعــــزي فاطمه البضعه
وابلطم الصدر عنها العزه انشيله

✍️الشاعره ام عدنان سياحي
🟰🟰🟰🟰🟰🟰🟰🟰

انعازيهه الزجيه بدمعه وبحسره
ولجل وليدها دم الدمــــع يجره
لبو الهادي تضل بگلوبنه جمــــره
اساس الديــن واركانه وتفاصيله

✍️الشاعره ام مرتضى الموسوي
🟰🟰🟰🟰🟰🟰🟰🟰
انوح اعله الشباب وننصب قرايه
نعلكله الشموع ونرفع الــــرايه
نتعنه بشغف لزيــــارته اعنايه
للمسموم گلبه وروحــــه انحيله

✍️الشاعره رياحين الحسينيه
▪️▪️▪️▪️▪️▪️▪️▪️

تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻

https://www.tg-me.com/yahassN

وداع الحسين ع
تجليبه
~~~~
لحسين ارد اودعه. واعلگ روحي شمعه
اروح انه ابأنينــــي. والجيــــة حنيني

يمته ارجع ازوره.

ودعتــــــــــــــــــه واحسن گلبي يتفطر
واتلفت الگبتـــــــــــــــــه واجمي يتعثر
صحت ابصوت ارحمنــــــــي يبو الأكبر
اريدن بالگبر تحضرنـــــــــــي والمحشر

وتقبل هالزيـــــاره. وتنطني بشاره
اريد اتگرها عيني. وابأخر سنيني
يمة ارجع ازوره

*✍️الشاعر فالح العامري*
❃❥❍✨❍❥❃ ✨.❃❥❍✨❃❥❍✨❍❥❃
طلعت وگــلــبي يتلفت يبو اليمـــــــــــه
يـــريـت ارجـــــع واقــبل گبره واشتــمه
ثگــــل جـــدمـي ماراد امــشي من يمـه
تبــگه زيارتـــك جنــــــه والي رحــــــمه

ياجـــنة حيــاتي ياالـــبـيـك امنيـاتــي
يزمزم تروينــٰـي بيـك اكتــمل ديـــني
يمــته ارجـــع ازوره

✍🏻الشـــاعــره ام ليث المالكي
❃❥❍✨❍❥❃ ✨.❃❥❍✨❃❥❍✨
ودعته وأنـــــــــــه مخنوگ بالعبــــــره
شــلون اگدر افارگ مهجــــــة الزهـــره
يا عظـــم الــــوداع وگلبـــــي شيصبره
هم ارجــع وازور العتبــــــــه والحضره

يالاسمه بروحـي يابلسم جروحـي
تعــاود وتجيني اســمع يحاچيني
يمته ارجع وازوره

✍️الشاعره شيماء ام نور
❃❥❍✨❍❥❃ ✨.❃❥❍✨❃❥❍
ودعته واحسن گلبـــــــــــــي يتگطع
وابسكتــــــه اونن واجري المدمـــــع
واتمنـــــى يمحبوبــــــي الك ارجـــع
راح اخذي دليلــــــــي اعليك يتوجع


يمته ارجــــــع يوالي تتحق ألأمالي
الـك شــوگي وحنـيني نهجك ينجيني

يمته ارجع ازوره

✍🏻الشاعره ام رحمه
❃❥❍✨❍❥❃ ✨.❃❥❍✨❃❥❍✨
طلعت وروحي ظلت عنده متلهـفـــــه
مثل محبوب يمشي ويشــهگ ابنفســه
مشت روحــــي وفارگ حضرتك وسفه
احـن واشتاگ الك والروح متـــلهــفــه

تظل انت نجاتي ياشمــعه بحــياتي
افديلك جنيني. بخدمتك تخلينــــي

يمته ارجع ازوره

✍🏻الشـــاعــره هديل المياحيه
❃❥❍✨❍❥❃ ✨.❃❥❍✨❃❥❍
ودعته وبگت ارويحتـــــــــــي ابـــابــه
تهل عيــني وذب روحـــي على اعتابه
حرت اشلون اودعك ناري لهـــابـــــــــه
اريد العوده الك يالتچرم احبابــــــــــه

اودعنك بالدموع گلــبي ليك موجـــوع
فراگگ يأذيني حبــك يغــــذيـنـي
يمته ارجع ازوره

✍🏻الشاعره ناعيه كربلاء ام محمد آل درويش
❃❥❍✨❍❥❃ ✨.❃❥❍✨❃❥❍
ودعتـــــــــــه الغالي وبالگـــلب جـــمره
اصيــحن آه وبالخاطـــــــــر الف حسـره
تقبل هالزياره وخاطــــــــــري اتــجــبـره
اريد العــوده الك يــحـســـين بالحــضره

جسد يفارگ الروح. گلبي اعليك مجروح
حبك ينــجيــنـي . بالمحــشــر تجيـنــي
يمته ارجع ازوره

✍️الشاعره ام البنين
❃❥❍✨❍❥❃ ✨.❃❥❍✨❃❥❍


تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻

https://www.tg-me.com/yahassN

باقر العلوم ع
تجليبه
~~~
عله باقر علوم الدين والمذهب
من ادموع عيني چفي اتخضب

من دمعي عيوني اعليهه اعمييهه
واسنين العمـــــــــر لو بيدي افديهه
وهل بيته ابونين وانوح اواسيهـه

اظل طــول العمر اتذكره وانحب

الشـــاعــره ام ليث المالكي ✍🏻
✹✹✹<><><>✹✹✹<><><>✹✹✹
اواسي الصادق ابهذا الجره والصار
واتوسد جمـــــر وافرش لهيب النار
على باقر علوم القبـــــــــــه المختار

الچبده اباسم بني ميــــــــه اتخذب

*✍️الشاعر فالح العامري*
✹✹✹<><><>✹✹✹<><><>✹✹✹
سمي المصطفى او لعلومه الباقر
مصابك سيدي ابحاضرنه والباجر
جفن الشيعي هالليله صبح ساهر

عله بحر العلوم الأبد ماينضب

✍️الشاعره ام مجتبى الجزائري
✹✹✹<><><>✹✹✹<><><>✹✹✹
عله الباقر الشيعه كلها حزنانه
لمصيبه تون والروح خلصانه
راح الجان الها شامل احسانه

وسفه هالمسيه متوسد الترب

✍🏻الشاعره ناعيه كربلاء ام محمد آل درويش
✹✹✹<><><>✹✹✹<><><>✹✹✹
على المسموم نبجي بعبره وبدمعه
هذا ابـــن الرسول وفاطمه البــضــعه
ما ننسه مصابه وبـالـگـلب فـجــعــه

نضل صبح ومسه لجل العلم نندب

✍️الشاعره ام مرتضى الموسوي
✹✹✹<><><>✹✹✹<><><>✹✹✹
على الباقر خل انعزي الزهره
ونهل ادموعنه عالغالي ابعبره
على مصابه نجذب ونه والحسره
وبكل عالم الجله هالعزه انصب

الشاعره ام زين العابدين المحمداويه
✹✹✹<><><>✹✹✹<><><>✹✹✹
اواسـي بالمصاب الفاطمه الزهره
على الباقر علـوم اجداده العتـــــره
اضل للموت انحب واسچب العبره

وما انســـه مصـابه للگلب يشــعب

✍️الشاعره شيماء ام نور
✹✹✹<><><>✹✹✹<><><>✹✹✹
علئ الباقر الشيعه كلهه محزونه
تصيح بصوت العتره حالهه شلونه
ابو الصادق بني اميه يغدرونه

اوگبله جده بالطف هدمه انتسلب

✍🏻الشـــاعــره ام رحمه
✹✹✹<><><>✹✹✹<><><>✹
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻

https://www.tg-me.com/yahassN

غدير الخير
نصاري
~~~
غدير الخير بالرحمـــــه اجـــــانـه
تمام النعمه والكمال الديانــــــه

هلـه ومــيـة هله ابيـــوم الولايـه
يوم البيــــــــــه انوار الهدايــــــه
علي بيـده رفـــع للرحمه رايـــــه

بـــيـــرغ للعدل والحگ لوانـــــه


الــبـاري نــصبه وســابـع سمــاوات
غيـــرت مارضــيـنه ابد هيــهـــات
ميـزان الــعــدل واصـــل العدالات

دنيه وآخـــره حيــــدر حمـــــانـــه

دين الله اكـتمل والفـرحـه عمــت
الشـيـعه بيــــك ياحــيدر تــسمـت
الأنس والجان بهذا اليوم فرحـــت
حبك معتـقــد وانـــت رجـــــانــــه


طــــــــه خــٰصصـه بهاي القـــيـاده
عليـــــه ايـــلـوگ تــــاج الســـياده
حبــــه الكـل موالـــٰي بيه ســعاده

ًيضل اسمك علي يجري بدمــــانه


رغما عالنواصب انت سلطــــــــــان
اليوم اهل السقيفه مكدره احـــزان
تضل بــاب العــــلم للحگ مـــيـزان

قســـيم الــــنــار حيدرنه وجـنــانه


غدير المـــــرتـضى عيد الله الأكبـر
نزل جــبريـل والطــــــــــــه بشــــر
الله والــنبــــــــي نصــٰبو حــــيــدر

سطع نـــور الولايه ارض وسمانـــه


اخو المختار هذا علـــــي المحبوب
كل انفاسنــــــه تـــــــهواه والگلوب
گبل يــــوم الغدير من الله منصوب

اليــــــــوم البيعتـــــــــه الله دعانه
🍃🍃🍃🍃🍃🍃🍃🍃🍃🍃

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tg-me.com/Yazahraaa655 ✦•

عيد الغدير
وزن الشموس
~~~~~
هل البشاره اليوم اجتـــنــه من غدير الخيـــر
بيعــٌـــه الحيدر علنــــــــــه بطــــريــــجـه انسير


بشـــــره جبريل اليزفـــه الأخـــر الأئــــــمه
يارســــول الباري بلــــغ انـهـض ابـــهــمـــه
الناس لاتــخـشـاهه انـــت اعلــــن بـــأســـــمـه
علي من بعــــدك وليـــهم الأمتك رحــــــمـه

والنكــــر هاي الولايــــه خـصـمك ايصيـــــــر

الماقبل حيدر اميــــره جاحــــــد وكـــــافــــر
حب الاصــــنـام ابنفسها اســـلام بالظاهــــــر
انزلت چــم آيـــه بيـــهــم كــشـف السرائــر
ذوله ماعدهــــم ولايــــه عــمـــيه البصايــــر

شهد جيــــل الجيل الهم يــــوم الغديـــــــر


احنـــه آمــــنـــــه ونبــــايع صاحب البيعــــه
علي من بعدك ولينــــه امــــره ونـــطــيـــعــه
بيعه وقعنه ابدمانـــــه والعلي شيـــــعـــــه
جنود نبگه اوياه نجـــاهــد. نحمي الشريعــــه

والغديره مانضيــــــــــع وهوه الأميــــــــر


ياهله ابعيد الولايــــه. وياهلـه ابحيـــــدر
هاذا عيد الماكو مثلـه عيدنــــه الأكبـــــــر
تحله بيه ايام حبنـــه والگلب ينســــــر
هالولايـــه الباري رايد الساچي الكوثــــــر

وحنه لبينه اوقبلنــــــه لاابد منحيـــر

مايحير المشه ابدربــــه راعــــي الـــولايــــه
احنــٰه نعرف ابو الحملــه. بيـــــه الهدايــه
بيعته ذمــــه ابعنقنـــــــــه نرفعـــــله رايـــــــه
هــــــوه اول هـــوه اخــــــر شاهده الأيـــــــــه

باچــــر احساب الرعيــه يم علــــــي ايصيـــــــر


تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tg-me.com/Yazahraaa655

✦•┈•✦✦•┈•✦✦•┈•✦✦•┈•✦ ✦•

شريفه بت الحسن ع
بحر الطويل
~~~
شريفـــه بت كــرم والجود هيه والنعم مـــنــهـه
ابوهاامـــعـزب الخطار هـــيه تشبهه چنــــهــه

يــحـس بالجود والاكــرام البت الحسن الـيگـصد
عدها الباب مفتوحه گاصــدها بــمـراده يــرد
چــفهه بالعطــه مشهودچــم واحــد الــه يشـهد

شفنـه الـها عطــايه اكبـــار
كرمــــه شــاع باالاقـــطــار
انشد عنـــــه كلمـــــن زار
يرد اوخاطـــره مجـبور ويسولف للنشد عنهــه
✨❃❥❍✨❍❥❃ ✨.❃❥❍
اخــذتـي الـزود من اهلــج بالحاجات موصــًوفــه
ابـــوچ معـــزب الخطــار چــريم يحي اضيــوفــه
طبـٰــيبه لكـل مــرض ميطيب دواچ الوصفه معروفــٰه

على اعتابچ ذرفــت دمـٰـوع
اجــيـتـچ والگلب مــوجــوع
روحــي اعــلگها الچ شـــموع
چبيره بالــمعـاجز دووم ماتنــٰعــد محــاسـنــهه
✨❃❥❍✨❍❥❃ ✨.❃❥❍
اناجـــيــچ بــدمع همــال واحلــفچ بالســبـي ويومـــه
واحـــلفـچ بالحســن اليوم وچبــده وشــدة سمـــومــه
وبالحـــره المــشــت للشـام واخـــوهــا مــسلـب اهدومـــه

اريــدن حاجــٰتي منـچ
ابداعـــة جدچ وعمـــچ
بأسرچ وبزغـــر ســنـٰـچ

من بابــچ أريد مراد اسمعي نحبــتي وأنهــــه
✨❃❥❍✨❍❥❃ ✨.❃❥❍
الـدخل عندچ شريــفه وصــاح يابنـت الحـــسن نــظـره
يـــقره الفاتـــحه ويــنـخــاچ ودمـــوع الحزن تجـــره
يم هــادي اعليـج اليوم يــذب حمـــولـــه من ظــهـره

روحـــي المــرض واليـهه
كل صــعــبه تـــحـليــهـه
دمـــوع العــين نشـــفيٰـهه

دليـــل الــكل گلــب محــتار طبيبـه من زغـــر سـنهه
✨❃❥❍✨❍❥❃ ✨.❃❥❍
هنياله اليـــزور اليوم شريفه ًيســجد ابابـــچ
يذكـــرچ بالخيم والنـــار ويبچي الحرگـــة أطنـــابــچ
يحــلـفـچ بالجــره والصـــار يهمــل دمـعه لــمصــابچ
نطوف بحــضـرتـــچ ونصـــيـح
على الظـــل بذراري الريــــح
دمـــه بالــطفــــوف ايطــــيح

آه ياحســـين يامــظـلوم نطــوف ابحـــظـرتــچ صحــنه
✨❃❥❍✨❍❥❃ ✨.❃❥❍
هنياله اليطب دارج وتشمله رحمة المعبود
شريفه يانسل اطياب. يابت الكرم والجــود
من عندج شفاعه انريد ابيوم المحشر الموعود

يبت الحسن ذكريــــنـه
دخيلج لاتخلينـــــــه
موقف صعب تدرينـــــه

يوم البي تخاف الناس شفاعتكــــم الـــتـشـملـنه
✨❃❥❍✨❍❥❃ ✨.❃❥❍

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tg-me.com/Yazahraaa655

✦•┈•✦✦•┈•✦✦•┈•✦✦•┈•✦ ✦•

ياهلال الشؤم

موشح
زينب بعـاشـــــــور تهــمل عيــنها
شافت اعله الارض راس حسينها


زينب بهذا الشهر شافت محــــن
شافت اكبر فاجعه بكل الزمـــــن
بدور عدهها تچتلت طـش الظعن
عاشت بغربه وعذاب سنيـــنــهــا


بيوم عاشـــر حرگو اعليـها الخيم
اطشـرت الاطفال ضاعـو بالـهيــم
تصيح ضعـنا عگـب شيــال العلـم
تصفج الراح اعله راح ايــديــنـــها


گصدت التله ومـلــسـوع الگلـــــب
حرمه زينـب حايــره بيـــن الـغرب
بگت وحدهـــه وضــع كلش صعب
بين ظلام وعـــــده مــخـــلــيــنـهـا



عيــن زينب من دمــه تهـــل الدمــع
تمشي مكســورة گلب مـحني الضلع
تصـيـــــح واويـلاه بـحسين انفـجـع
الزهره عنــــي بكـربله چــٰا ويـنـــهــا


وين امـــــي فاطمـــــــــــــــه تلفيني
ابمصايب كربلـــــــــــــــــه اتواسيني
تسگـــــــــــــي من ادموعنه لحسيني
چبده من الدمــــــــــــــــــــــع نرويها



ليش عني امـــــــــي الزچیه اتاخرت
خوتي صرعــــــــــه عالوطيه مادرت
حشمتــها يــــــــــــوم عاشر مسمعت
گـــــــــــــومي وياي الحرم اتحامينها



الحـــــرم بعد الأخوه هامت بالطفوف
ريت امـــــي ابعينــــــه المنظر تشوف
اطفال من العده ماخذها الخــــــــوف
والحـــــــــــــــــرم لبن الدعي سابينها


تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tg-me.com/Yazahraaa655

✦•┈•✦✦•┈•✦✦•┈•✦✦•┈•✦ ✦•

يافاطمه بنت الحسين ع
نعــــي نــصاري

شفت الضعن حمل بويه لاوين
اهلي حملو چاو وين ماشين


عمود البيت ياذخري ونجاتــــــــي
حضرت الهدم بويـــــــــــه وعباتي
اريد امشي اروح ويه خواتــــــــي
اروح بهالسفر شلــــــــــــي بحياتي
كون بحضنك بساعـــة مماتـــــــــي
چثيره جروح گلبـــــــــــي ونايباتي

تره گلبي انجسم يابويــــــــه نصين


يگلهه والدمــــــــــــع عالخد غدران
چملتـــــــــــي الگلب يبنيتي احزان
تره افراگـــــچ عليــــــــه ابد ماهان
صبـــــري والصبر ظل الــــچ عنوان
دربي الكربلـــــــــــــه عالبال ماچان
مغرب بالضعن واهجـــــــــر الديران

تصعب فــــــــرگتچ يم گلب الحنين


يبويــــــــــــه الروح ماتحمل بعدكم
شــــــايل وين ومحمل ضعنكـــــــم
تخلوني غريبــــــــه وانـــــــــه بتكم
شعبتو الگلب يابويـــــــــــه بسفركم
لاتعزل ضعنهــــــــــــــــــــه مدللتكم
بعد ياهو يرد ياخذنـــــــــــــي الكم

انسحن گلبــــــــي عليكم يالمضعنين


ذبل وردچ يبويـــــــــه يالعليلـــــــه
درب بعيد والسفره طويلــــــــــــــه
مريضـــــــــــه والدرب مابيچ حيله
اوديلچ الاكبــــــر ياالجليلـــــــــــــه
وعبــــــاس اليرد كافل العيلـــــــــه
اودعچ والگلب ونته ثجيلـــــــــــــه

بأمان الله يبويــــــــه وصبت العين


يبويـــــه اشلون ارد للبيت خالــــي
ونام اليل بويـــــــه اويهده بالـــــي
ويروح ابضعنكـــــم كل دلالـــــــــي
عليلـــــه اوبالهظم اگضــــــي اليالي
لمن ترجــــــــع جمر الدمع هالــــــي
يرد اوياك يالغالـــــــي جلالــــــــــي

اخــــافن ترد ليـــــــه بس نســـاوين


يگلهــــــــــــه اصبري عاليجره علينه
ابطف كربلــــــه لواحنـــــــــه انولينه
واتطيح اعلــــــه الثره اليوث العرينه
وتجيج اخبارنـــــــــــــه وي الضعينه
وعلينه اتنــــــــــــــــوح سكان المدينه
كل هذا لجل جدي اودينــــــــــــــــــه

عله هاذه الجــــــــــــــره لازم تصبرين

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tg-me.com/Yazahraaa655

✦•┈•✦✦•┈•✦✦•┈•✦✦•┈•✦ ✦•

وداع العليله ع والحسين. ع
بحر طويل

هذا اخر وداع وياك چنك رايح الليلـــــه
دمعه منك ومني چنهه الفرگه اطـــــويـــلـه

تنشده والدمع مدرار يبويه وياكم اخذوني
بعدك ماالي والي سلوتك وانت تدريني
لتشد الظعن وتشيل وانه تعزل ظعوني
عباتي ومحملي حاظر
يبويه ارجوك لتسافر
اظل مكسورة الخاطر
لتزيد الحزن يابوي وانه روحي اعليله


يگله والدمع بالعين يابنيتي سفرتي بعيد
عليله والجسم ناحل ويانه هالسفر ماريد
اخاف من السفر وياي. العله عليج تزيد
يصعب هالدرب تدرين
گلبي منجسم نصين
روحي بويه الچ والعين
افراگچ يابعد الروح بنيتي ماالي حيله


وداعك يصعب اعليه غريبه بعدك بحيره
اظلن وحدي بالدار عليله وعلتي چبيره
گلي سفرتك لا وين واسمهه شنهي الديره
وين ليا بلد نــــــاوي
ابوي وظلي وفيايي
بعدك منهو الي والي
اخذ روحي متاع وياك يالماخذ مداليله


اودعچ وبامان الله. يبويه ردي اهدومچ
لارض النايبه رايح اخافن تنعمي عيونچ
يفاطم والعطش ياذيچ. والعدوان يولونچ

ولا عوفـــــــچ ولا انساچ
وحگ جدچ وحگ عيناچ
كفـــــــــي دمعچ اترجاچ
ذوبتي الدليل اعليـــــــج واني اهمومي اثجيله


مودع بويه الله ويــاك من بعدك صعب ليلي
بعدك من يجيني الليل اگل العين دم سيلي
اظل افتر على الحيطان وحشه وظلمه ياويلي

اخليـــــــه الگلب ناطور
اطش سنيني الك انذور
لااطول عليـــــــه ادهور
اخاف اطول الغيبــــــه محد من اهلي اشچيله


تگله اشلون اظل وحدي عليله اومالي والي
اخافن ماترد ليــــــــــه يبويه ارحم الحالي
موهين ينـــــــور العين افراگك صعب يالغالي

اشلون اهجع وارد للدار
عنــــــي لو ظعنكم سار
وابگلبــــــــی لهیب النار

يبويه صبر ماعندي افراگك مالي حيله
ابـــــو ذيـــــــــــه
يبويــــــــه الروح ماتهجع وراكم
اخذنـــــــــي انت نتظرلي وراكم
عجاج الظعن صعبــه انظر وراكم
ارحم حالي اخذنــــــــي وي رقيه

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tg-me.com/Yazahraaa655

✦•┈•✦✦•┈•✦✦•┈•✦✦•┈•✦ ✦•