قلوا لتارك صلاته ويش عاد عذره
وقد بينظر عيال ابليس بيصلوا😉

شاهت وجوه الخيانة ذي في الصورة
وقل للاتباع حمى من بتتولوا

*🖋️ #الشاعر_يحيى_عبيد_المطري

*#مناطشه 🥰*

*بدء الشاعر أبو عزت ابراهيم البخيتي ويليه الشاعر مجلي القبيسي ويليه الشاعر يحيى عبيد المطري*


الحرب لك يامجلي والمحبه لنا
من حظه الحرب مالَه فى المحبه نصيب

ياعيد كل الخلايق نامت الا انا
وكيف بانام والحناء بيد الحبيب

وكيف باكحل اعياني بنوم الهناء
وارقد وخِلي وراء ضهري محنا خضيب

هو عيد روحي وسلوة خاطري والمناء
وجوز عيدي ولوزه والقلّي والزبيب

الجوز واللوز عندي والتعب والعنا
عندالقبيسي مجلي والغُنيمي مجيب

ذي مايقيل ويسمر جنب غصن القنا
في مثل هذ الليالي ماروي شي حليب

ياخل قم طفي النشره وشغل لنا
طاب اللقاء طاب والا طيب وازين طيب

العمر ياخل يشتي طبطبه خلنا
نطبطب العمر قد يوم القيامه قريب

ماحد معه عمر ثاني تاليتها الفناء
ذي مايجي في شبابه مايجي في المشيب
ههه
عيدكم مبارك🤍
وكل عام وانتم في نعيم الصحه والعافيه

*الشاعر ابراهيم البخيتي*

ذي يسمعك بايقل جنبك غصون القنا
والا الحبيب المنقش حق وادي حريب

اسكت قد الحرب يا ابـو عزت احسن لنا
ولا الزبيب الذماري حقكم يا نقيب 😂😂

ههههههه اسعدك ربي وعادك كل عيد.

*الشاعر مجلي القبيسي*

أسود في الحرب بالفيسبوك انا قال انا
وهكذا أنت وابو نصر ولّا مجيب 🥰

مناطشه بس بالفيسبوك..ماحد جنى
عشاق لكن ولا عاشق وصل للحبيب

وان قدر الله ويقع صدق نيل المنى
خايف تضيع الهواجس بعد أول تريب😁

*#الشاعر_يحيى_عبيد_المطري

يا عكفة الحوثي وصبيان طهران
إذا ارتضيتوا الذل.. ما ناش راضي

والحق با يرجع رضى أو صميلان
والشعب يرجع وضعه الافتراضي

عاد الكرامة دونها احفاد قحطان
تنزل طقومه فُل وتعود فاضي

*#الشاعر_يحيى_عبيد_المطري

عشرين محافظ وأكثر من مائة نائب
وكم وزارات لكن ما بتفعل شي

ومائة سفارة وخمسمائة وكيل غايب
وحاشية بس حاشا أن يسووا شي

وكل قايد يشل أربعمائة راتب
غير اعتماداته اللي رسمياً تمشي

يتنغنوا والمواطن والوطن حانب
ويرقصوا وقت ماهم حاملين نعشي

قرابة العشر ما حلوا ولا واجب
كلين في بقعته راقد ومتغشي

يا جعل تقطع قدم ماتمشي الصايب
والخزي يلحق ورا العايش على نهشي

ماء الحياء جف من وجه الذي عايب
بارق لبقعاء إذا قد ذلني كرشي

*🖋️ #الشاعر_يحيى_عبيد_المطري

*#عفايا_الزمن*

بنوا البنايات للأبناء بإسم الوطن
أما الوطن ماسلم منهم ولا حد بناه

لأجل من تسرقونا؟!..قال لاجل اليمن
طيب وحال المواطن!! قال ربي معاه

قلنا خلاص امنحوا فرصة..فقالوا لمن؟!
قلنا لذي هم كفاءه !! قال تبت يداه

قلنا خلاص ما تهونوا...قالوا احنا هيَن
قلنا الحديث قال... قالوا بس من ذي رواه

قلنا خلاص افعلوا... قالوا أسف عند من ؟!
وطن يدوّر غثانا كيف يلقى سلاه

قلنا لهم بس عفّو يا عفايا الزمن
قالوا لنا العفو منكم يالحفاه العراه

قلنا لهم والحقوق.. قالوا لنا حق من؟!
قلنا حقوق المقاتل..قال حمى لحاه !!

قلنا الجريح يا جماعة قد جروحه عفن
قالوا خلاص ادعوا الله أن يعجل شفاه

لا شعب آمِن ولا مسؤولنا مؤتمن
وللأمانه بأيدينا صنعنا الطغاه

*🖋️ #الشاعر_يحيى_عبيد_المطري


https://x.com/Yahia_matari/status/1782189032237154689?t=qpSGHIiAIY2y8kxpDxY2_A&s=09

في يومه الأول استقبل رئيس البلاد
ويوم ثاني عزيز الجيش يستقبله

ويومه الثالث استقبل عروسه وعاد
يهناه يهناه هذا العرس ويحق له

*#الشاعر_يحيى_عبيد_المطري

ألف ألف ألف ألف مبروك للغالي *عبدالواحد*..الله يسعدك يا ولد أحمد وافي

https://www.facebook.com/share/p/rXPnh5nt3aogbhJb/?mibextid=xfxF2i

بإسم الاقصى وبسم الدين الاسلامي
ماشي سلم من أذاياهم ولا مسلم

مسلم في القول.. والأفعال حاخامي
واسأل بلاد العرب عن ذلك المجرم

*🖋️ #الشاعر_يحيى_عبيد_المطري

ولايتك كذبة وحبلك قصير
وافكاركم متشحرجه صدرها

دجّال والقطعان خلفه كثير
الله يكفي شعبنا شرها

يلاعن امريكا وهي له نصير
ويحارب اسرائيل وما ضرها

واهدافهم للشعب سوء المصير
جماعة الإرهاب ما غيرها

والله ما يجبر عظام الكسير
ياشعبنا الصامد سوى كسرها

والكل تحت الجاهزيه يسير
والالوية مستبشره نصرها

تعيش يا جيش البلاد الكبير
يا مخرج الجرذان من وكرها

*✍️ #الشاعر_يحيى_عبيد_المطري

جديد ٢٠٢٤👆👆