Yared Negu Official 165

"...እግዚአብሔር እኮ ታላቅ ነው.." |ያሬድ ነጉ|

አዲስ አበባ መቻሬ ሜዳ ላይ March 6 /የካቲት 27/2013 ዓ.ም/ ትልቅ ኮንሰርት ተዘጋጆቶ አንድ ድምጻዊ ከጎረቤት አገር ይጠራል። ድምጻዊው በመድረክ ስሙ ዳይመንድ ፕላትኒየም ይባላል። ወጣት ዘፋኝ ሲሆን ከአፍሪካ ወጣት አርቲስቶች መካከል ተጠቃሽ ነው። ወደ ኢትዮጵያ በውድ ክፍያ ሲመጣ ኢትዮጵያ ከደረሰ እና ካረፈ በኋላ ያሬድ ነጉ ስለ ተባለው ኢትዮጵያዊ ዘፋኝ ማጣራት ነበር የቀድሞ ስራው ያደረገው።

በቅርቡ ያሉት ኢትዮጵያውያንም ያሬድ ነጉ ብዙ ተከታይ ካላቸው ወጣት ድምጻውያን መካከል አንዱ ሲሆን በመድረክ አያያዙም የተዋጣለት ጎበዝ ስለመሆኑ በመጠኑ ነገሩት። ዳይመንድ በውስጡ ፍርኃት አድሯል። በሄደባቸው አገሮች ሁሉ የመድረኩ የበላይ እሱ ነበር። እዚህ ግን ፈራ! ቢሆንም የቅርቡ ሰዎች አበረታቱት። ከመቻሬ ኮንሰርት ቀድሞ በአንድ ክለብ ላይ ለሰዓት ያህል እንዲዘፍን ተስማምቶ ስለነበር March 5 /የካቲት26/ ወደዛ ክለብ ሄዶ ከመቶ የማይበልጡ ሰዎች ባሳዩት ፍቅር በራስ መተማመኑን አሳድጎ በቀጣይ ቀን በጥሩ ዝግጅት ወደ መቻሬ ሜዳ መጣ! ዳይመንድ በውድ መኪናዎች እና በጋርድ ታጅቦ ወደ ስፍራ እንደሚመጣ የታወቀ ነው። አሁን በኢትዮጵያ ያሉ ዘፋኞች በዛ ልክ ክብር "ተሰጥቷቸው ይመጡ ይሆን..?" የሚለው ስጋት በውስጡ ያላደረ አልነበረም። ቢሆንም ግን ያሬድ ነጉ በዕለቱ አስደናቂ በሆነ አለባበስ እና ልዩ በሆነ ዝግጅት መድረኩን ተቆጣጠረው። ወደ ስፍራውም ሲመጣ ከዳይመንድ ፕላቲኒየም በሚስተካከል እጀባ እና ጥንቃቄ በተሞላበት መልኩ ነበር። ይኽ ደግሞ በእንግዶቹ ላይ የሚፈጥረው አዎንታዊ ተፅዕኖ አለው።

በአርቲስቶቻችን የኑሮ ደረጃ ለሚንቁን የጎረቤት አገር ዘፋኞች ያሬድ ነጉ በቂ ምላሽ ሰጥቶ ከስፍራው በጋርዶች ታጅቦ ተሰወረ። በዕለቱ በነበረው ትዕይንት በስፍራው የታደሙ አርቲስቶች እና የቅርብ ጓደኞች እንዲሁም የሙያ አጋሮቹ ሲያወሩ በያሬድ ነጉ የተሰማቸው ደስታ ልዩ እንደሆነ ነው ያስተዋልኩት። እኔም ነገርየው ስላስደሰተኝ ለያሬድ ስልክ ደውዬ ከወዳጅነት ሰላምታ በኋላ "ስለ ኮንሰርታችሁ እየተወራ ያለው ነገር በጣም ደስ የሚል ነው። በተለይ በአንተ ሁሉም ሰው በዕለቱ በነበረክ የመድረክ አያያዝ እና ወደ ዝግጅቱ ስፍራ ስለተጓዝክበት ፕሮቶኮል እያደነቀ በመደሰት ስላንተ እያወራ ነው እንኳን ደስ አለህ ወንድሜ አልኩት። ያሬድም "...ወንድሜ እግዚአብሔር እኮ ታላቅ ነው አለኝ!" ደስ የሚል ቃል! አዎ እግዚአብሔር ታላቅ ነው! ምክኒያቱም እግዚአብሔር ሲባርክ እና ሲፈቅድ ነው ሁሉም ነገር የሚሳካው። ይኽ ቃሉ ነው ብዕር አንስቼ ይኼን ጦማር እንድጦምር ያደረገኝ።

እንደምትመለከቱት ያሬድ ነጉ በቀድሞ የባህር ኃይላችን ልብስ ዘንጦ ወደ መድረክ ወቷል። በልብሱ የደረት ኪስ እና ኮፍያው ላይ የይሁድ አንበሳ አርማ፣ የጎን ኪሶች ላይ በአገር ቀለማችን የፍሪካን ካርታ በመኃሉ ደግሞ የአንበሳ ምስል አኑሮበት ነበር ለብሶ የወጣው። በተጨማሪም በዚህ የተከበረ አለባበሱ ላይ የተወደደች ባንዲራችንን ከፍፍፍ አድርጎ አውለብልቧል። ወጣት አርቲስቶች በዚህ ልክ ሲረቁ ማየት ኩራት ነው!

✎✍#ታታ_አፍሮ /ነፃ ብዕር/

38.4K views17:44