بۆچ مایلی تەنهایی؟ سەودایێکە خۆڕایی...
ئەی مەردومی بینایی، لەم کولبەیی تارەت چی!

#نالی

مەردوم: گلێنەی چاو

#واتە : ئەی گلێنەی چاوم!
ئەی مایەی بیناییم! بۆچ حەزت لێیە وێنەت لە شوێنی تەنهایی و چۆڵایی ناو چاوما بژیی، کە مادەم خۆتی لە بەرچاو نیت وەک کەلاوە و وێرانە وایە. شوێنی وا شوێنێ نییە تیا بحەسێیتەوە... کەلاوەی تاریکی چاوم بەجێ ‌بێڵە کە خۆتی لێ دیار نیت...
با بە نەمانی وێنەشت لە چاوما کوێراییم بەجارێ دابێ...

بە بێ تۆ قەت نەژیم، شادیم نەمێنێ، دیدە بێ نوور بم!

دەمێک ئارامی ڕۆحم بە، حەیاتم، عومرەکەم، چاوم!

#وەفایی

ئەجەل تۆ بمکوژە و گۆڕیش
دەبا زوو تیکە تیکەم کا..

کە بەڵکوو بم بە خاشاکی
بەری دەرگانەکەی لەیلا...


#قانع

ئەگەر گاهێ تەڵەب کا، عاشقی زار

بە پێ نا، ڕەنگە "سالم" هەر بە سەر بێ


#سالم

شەوە مانندی قەترانە بەڵام لای من چراخانە
کە یادی یاری خۆم ئەمشەو لە دڵدا بوو بە پەروانە

چ یارێک شاھی شاھانە وە یا گوڵناری بوستانە
بە بەژن و قامەت و باڵا ئەڵێی سەوڵی خەرامانە


#ئەخۆل

با ڕەفیقانم بکەن شینم کە وەقتی زارییە
قەت مەکەن تەقسیر لە گریان شیوەنم یەگجارییە

تیرەکەی ئەوڕۆژە مەحبووبەم کەلتفی کرد بەمن
گەر نەبەخشێ مەرهەمی وەسڵی برینم کاییە

حەثسی چاهی میحنەتم کافر بەحالی من نەبێ
کار و پیشەم دائیمەن گریان و شین و زارییە


#نالی

گیان بە ئیستیقبالی
بۆ سەر لێوەکەم ھات و نەھات..

بوو بە شیوەن
شادمانی ڕۆحی من ڕۆژی مەمات..


#زاری

بە ئاوی سەلسەبیل و کەوسەر و تەسنیم قەت نابێ
سپی بەختێ قەزا ڕەنگی ڕەش و تاریکی لێ دابێ..


#زاری

تەمەن ڕۆیی و ئەمن هەر مام بە هیوات
نە هیواکەم وەدی هات و نە ئاوات
هەموو هەر دێن دەڵێن «هێدی» سەبر کە
لە سەر ئەو سەبرە بوو ئاوام بە سەر هات


#هێدی

ئەگەر هاتی لەگەڵ خۆتا
چەند هێشوەئەستێرەیەک بهێنە
لێرە شەوە.. ئاسمان هەمیشە تاریکە.



#جەلال_مەلەکشا

بەھارێ بوو جوانی، بوو بە سوخرەی پاییزی پیری

بە سەر چوو باغ و باقی ماوەوەی مشتێ چڵ و چێوە

#مەحوی

شیرین گیان من ئەگەر خودا بایەم
تەنیا تۆم دەخوڵقاند.


#جەلال_مەلەکشا

ئەگەر ڕەنجیدە بووی قوربان، لە وێرانەی دڵی تەنگم

وەرە سەر مەنزەرەی چاوم، تەماشای مەوجی دەریا که

#وەفایی

کە بێ لێوی لەسەر لێوم بنێ، ڕۆحم لەسەر لێوە

کە لێوی لابەرێ، ئەڵبەتتە ڕۆحم دەردەچێ پێوە


#مەحوی

وێنەکەش خۆم کێشاومە پێش دەساڵ

تاڵی بێیار و دیار و تار و مار
عەلقەمی چی؟ ئەرقەمی چی؟ سەم دەخۆم!

#نالی

عەلقەم: کاڵەکە مارانە
ئەرقەم: ماری شل(جۆرە مارێکی کوشندەیە)

#واتا: من تاڵی و ناخۆشییەک دەخۆم
کاڵەکە مارانە و ژاری ماری شل لە چاویدا هیچ نین. من تاڵی غەریبی و بێکەسی و دەربەدەری دەخۆم..واتا ژەهری ڕاستەقینە دەخۆم.

ڕۆیی دڵی مەحزوونم داخم ئەوە نەمزانی
دوو چاوی ڕەشت بردی یا زولفی پەرێشانت

باکم نییە مورغی دڵ بیکەی بە کەباب ئەمما
بیدە بە سەگ و مەیدە دەرخوردی ڕەقیبانت


#کوردی

باکم نییە ئەم چەرخە بڕووخێ کە بەسەرما
دنیا هەموو بێ بایەخ و قەدرە لە نەزەرما

هیوای نییە هەرگیز نە بە دنیا و نە بە عوقبا
کەی عاشقی شەیدا بەتەمای سوود و زەرەر ما

تۆ ڕۆحمی بۆیە کە ئەڕۆی دەسبەجێ ئەمرم
گەر بێیتەوە ڕۆح دێتەوە دووبارە بەبەرما

دائیم لە سەری ڕێگەکەتا کەوتووم ئێستا
بەم هۆیە کە ڕەحمت بێ بنێی پێیە بەسەرما

جەرگ و دڵی خۆم کردووە بە شاباشی بەری پێت
بۆ وەی کە فیدای تۆ ببێ هەر نووری بەسەر ما

تۆی مایەیی ئیلهامی قەسیدە و غەزەلی من
بێ تۆ نە قەسیدە نە غەزەل ما نە هونەر ما

#کەمالی