متلثم،،
عليي وجهي شـَ احشم وانه چتالي

محمد كوكب،،🩵

من لــوعتي،،
غنيت حـــد البچي

لـ الگاطع،،🩷

ماكلت،،
عنك عرگ چفك بچفي
ولاكلت جاسك زعل واشتعل دمي بنار دمك



عريان السيد خلف ،،🩷

اني خوف،،
وزغـر مهموم ومنـايه

علي الشباني، ،🩷

ذابل
وعطرك يهلهل
مَطَّر بگلبي الربيع
ورَگَّص بروحي النهار...

تدري
من دون الورد
عطرك يسولف؟
يمشي
ومحمّل فوانيس ومشاعل
عطرك البارد يطرّ الظلمه نار...

وتدري
كلما مدري شنهي يموت بيَّ
وياخذ الواني الخريف،
تمر ضحكتك
وي عصافير الشلب واگعد خضار...

مرّه
لمّيتك قصيده من الجروف
ورهّمتلك
ريشة بيضة
وريشة گلبي
ونورس ِمن الورقه طار....

ومرّه
ضمّيتك حبر
وي دم رگبتي

وگتلك
شما تگدر اكتب
مره وجهك،
مره نسمه...
وخلصت أوراق الشرايين
وعِفتها
محمّله أطفال وسنابل
والگلب جاهل يدوّر،
بلكي باغنيّة ضحكتك
يضحك اسمه...

ولالت بدفتر ضلوعي
شويه گمره
ونامت بصدري فراشه
وغرگت ِويه انفاسي چلمه....

وطلّعتها
ومن قريت
أوّل حرف
من فضّة اسمك
لمعت اعلى شفافي نجمه...
تذكر شگتلك گبل ما ننغلب
ويطش خبرنا؟
نلم حچينا
ونطفي شبّاچ الوعد...

ولو همّ مرّات أحبّك
من تگلهم عاشگين
ويضوي چفّك من تسولف
لا تملْ،
سولف بعد....

تدري مرّه
انرسم وجهك عالمرايه
وگابليته
وغيّم براسي وصعد...
ومرّه
طشّيت الورد فوگ الرسايل
والتهيت...
الورد مات
وعطرك البارد گعد! ...

ميثاق الهلالي،،🩷

يامواعيدك،،
جزني ولاشفتهن
جلبت بيهن خضار وجفي كاع ولايهدهن

عباس الغالبي،،🩷

شكو شفه،،

لمع لون الضحك بيهه
حزنها اسمر مثل لوني

احمد الطفيلي،،🩷

لَـف ،
ضوه الگمره الكحل ،
زتّتها روجه وغبشة عيونك بعيده
وانه باقي أتوسّل ارذاذ الضوه الظل بيّ منك

معتز سامي،،🩷

يارفت دليلي ،،
ورجفة اجفوني
من يحجي الگلب وياك وانه أسكت

شاكر السماوي،،🩷

شينسيني؟؟؟

يماي العين اخذ وجهك اخذ عيني


رسمتك علئ وجوه الناس
عوف الناس
رسمتك علئ الحياطين بدرابيني


امير فيضي،،🩷

روح،،
اترس فراغك بالبرود البيك
انا وجه الشمس بالملگه غطيته

علي رشم،،🩷

حِزن يَاكل حزن والرُوح مَلچومه

غميّچ ‏الجَرح مَايلتم

الوطـن ،،
بالوحشه حبيب
والحبيب يترس الوحـشه مطـر

َ
علي الشباني، ،🩷

يمتى ،،
اتعبد بنحرك

العبدلي،،🩷

سافرتلك،،
بآخر اجناحين عمري
وطحت فوگ امتونك من الهم گصيبه

وسولفتلك عني وشگد مشتهيك
انت يا روحي  الغريبه
كل روازينك غريبه

ومنين ماچهبك بعيد
اهناك اني وهاي روحي
اهنانه يمك بس غريبه

حسین شعلان،،🩷