" የነብያችን ﷺ ስም በክፉ ነገር ሲነሳ ነፍስያችንን መቆጣጠር ያቅተናል ፤ ሰብር ያሳጣናል። ሆኖም የምናደርገው ነገር ቢኖር ተንኳሾችን ለህግ እና ለህግ ማቅረብ ብቻ ነው " - ፌዴራል መጅሊስ

የፌዴራል መጅሊስ በእስልምና ሃይማኖት ላይ ትንኮሳ ፈጽሟል / በነብዩ ሙሀመድ ﷺ ላይ ክብረነክ ፀያፍ ንግግር አድርጓል ያለውን ግለሰብ ወደ ህግ ለማቅረብ እየሰራ መሆኑን ዛሬ በሰጠው መግለጫ አሳውቋል።

መጅሊስ ፤ " ህግና ህግን መሰረት ባደረገ መልኩ ክስ መስርተን እየሄድን ነው  " ያለ ሲሆን ምዕመኑ " በትዕግስት ዱአ በማድረግ እንዲጠብቅ ብሏል።

የኢትዮጵያ እስልምና ጉዳዮች ጠቅላይ ምክር ቤት ፕሬዜዳንት ሸይኽ ሀጂ ኢብራሂም ቱፋ ምን አሉ ?

" ነብያችን ሰለላሁ አለይሂ ወሰለም ከሁሉም በላይ ከማንም በላይ ከራሳችንም በላይ የምንወዳቸው እና የምናከብራቸው እስልምናችን እሳቸውን ካልወደድን እና ካልተቀበልን መኖር የማይችል ከነፍስያችን በላይ ህይወታችንን ለእሳቸው የምንሰጥ ነብያችን ስም በክፉ ነገር ሲነሳ ነፍስያችንን መቆጣጠር ያቅተናል ፤ ሰብር ያሳጣናል።

ሆኖም ግን የምናደርገው ነገር ቢኖር እንዲህ ያለ ተንኳሾችን የምናቀርበው ለህግ እና ለህግ ብቻ ነው። ህግ ባለበት ሀገር ለህግ ነው የምናቀርበው።

መጅሊሳችን ከዚህ በፊት ሲያደርግ እንደነበረው ሁሉ ዛሬም ሁለት ነገር ሰርቶ አሳልፏል። አንድ እንዲህ ያለ ትንኮሳ የማንቀበል መሆኑን እንደ ሙስሊም በሰፊ አውግዘናል ፤ ምንም ግለሰብ ቢሆንም። በሌላ በኩል መጅሊስ ህግና ህግን መሰረት ባደረገ መልኩ ክስ መስርቶ እየሄደበት ነው። መንግሥትም ቢሆን እየተናበብን እየሄድን እንደሆነ እያየን ነው።

ሀገር ለማበላሸት፣ አንድነትን ለማናጋት የሚተጋውን ትንሽ ቦታ ስለምትበቃ እስከዛሬ ተደብቆ ቢኖርም ነገ ከነገወዲያ መያዙ አይቀርም ኢንሻ አላህ ወተአላ። ስለዚህ እሱ ተይዞ በስርዓት ለፍርድ እስከሚቀርብ ድረስ ከኛ የሚጠበቀው በትዕግስት ዱአ እያደረግን መጠበቅ ነው።

በተለይ እኛ የሃይማኖት ተቋማት ደግሞ እንዲህ አይነት ትንኮሳ የሚፈጽሙት ሃይማኖትን ወክለው አይደለም፣ ተቋማትን ወክለው አይደለም፣ ተቋማት ልከዋቸው አይደለም፣ የተቋማትን ኃላፊነት ወስደው አይደለም የግል ትንኮሳ ነው። የግል ትንኮሳ ሰላም እንዲደፈርስ የማይሰራ ስራ ስለሌለ ይሄን ተከትለን እኛ አብሮነታችን፣ ትላንትና የነበረ የጋራ የአብሮ መተባበር ተጠናክሮ ይቀጥላል እንጂ እንደ ተንኳሾቹ ይሻክራል ብላችሁ የምታስቡ ከሆነ ተሳስታችኃል።

ማንም ይሁን ማንም የትኛውንም ሃይማኖት ወክሎ የተነገረ ስላልሆነ የግል ሚናው ስለሆነ በግሉ ባደረገው ዋጋ መጠን እርምጃ ይወሰድበታል እርምጃ ስንል ህጋዊ እርምጃ ማለት ነው " ብለዋል።

Tikvah

SHARE 🔗SHARE

JOIN: @yasin_nuru   
JOIN: @yasin_nuru 

💫💫 #ማንኛውም_ሰው_ከሞተ_በኃላ_የቀብር_ጥያቄ_አለበት_በአላህ_መንገድ_ላይ_ሸሂድ_ከሆኑት_በስተቀር!::

⭐️ይህ የወመል ቂያማ ከመቆሙ በፊት የመጀመሪያው ፈተና ነው::

ይሕን የረሱል (ሰ.ዐ.ወ) ሀዲስ አገኘን፦

“አንድ ሰዎ ሞቶ ከተቀበረ በኃላ ሩሁ ወደ ሰውነቱ ትመለሳለች።

ሁለት መላኢካዎች ይመጡና (1.ነኪር 2.ሙንከር)ሰውየውን በጥያቄ ያፋጡታል::

"#ጌታህ #ማነው"

#እሱም "ጌታዬ አላህ ነው"

እነሱም "እምነትህ ምንድነው?"

#እሱም "እምነቴ ኢስላም ነው።

እነሱም "ማነው ያ ወዳንተ የተላከው?

#እሱም "እሱ የአላህ መልዕክተኛ ነው።

እነሱም እንዴት አወክ?"

#እሱም የአላህን መፀሀፍ አነበብኩ አመኩኝም" ይላል።
ከሰማይ ድምፅ ይሰማል፦

"ባሪያዬ ሀቅ ተናገረ "የጀነት" ነው የጀነትን በር ክፈቱለት" ይባላል።

እሱም ደስታ ይሰማዋል::ቀብሩም አይኑ ማየት እስከሚችለው ድረስ ይሰፋለታል::

💐💐ረሱል (ሰ.ዐ.ወ) ሰለ ሀጢያተኞች ደሞ ሲናገሩ ሰውየው ተቀብሮ.. ሩሁ ወደሰውነቱ ከተመለሰች በኃላ

" #ማነው #ጌታህ ?"" አላውቅም""

ወዳንተ የተላከው ማነው?""

#አላውቅም"

ከሰማይ ድምፅ ይመጣና፦

ውሸት ተናገረ በእሳት ሳጥን ውስጥ አስገቡት የጀሀነምን በርም ክፈቱለት ከዛም በጀሀነብ እሳት ይጠመቃል።

።፨፨፨፨፨፨፨፨አለህ ጀነትን ከሚያገኙት ያድርጉን ከጃሀነም እሳት አላህ ይጠብቀን አሚን አላሁመ አሚን አሚን!

SHARE 🔗SHARE
╔════════════╗
☪ JOIN: @yasin_nuru         ☪
☪ JOIN: @yasin_nuru         ☪   ╚════════════╝

https://www.tg-me.com/MuradTadesse

አንድ ሆኖ ሺህ የሆነ የቴሌግራሙ አርበኛ!

አንዴ እስኪ ለእስልምናው አክቲቪስት ወንድም ሙራድ ታደሰ👏👏

500 reaction ያንሰዋል!

የዘካ ሒሳብ አሠራር‼
===============
√ አጠቃላይ ገቢህ = Cash + Gold & Silver + Debts Owed to You (ለሌሎች ያበደርከው) + Investment Property + Shares & Stocks + Investment & Saving Funds + Business Assets 


√ አጠቃላይ ወጪህ = Personal & Living Expenses + Debts You Owe (ያሉብህ እዳዎች) + Business Expenses

ዘካ የሚወጣለት ገንዘብህ = አጠቃላይ ገቢህ – አጠቃላይ ወጪህ

√ የምታወጣው የዘካህ መጠን = ዘካ የሚወጣለት ገንዘብህ × 2.5% = ዘካ የሚወጣለት ገንዘብህ × (2.5/100) = ዘካ የሚወጣለት ገንዘብህ × 25/1000 = ዘካ የሚወጣለት ገንዘብህ × 5/200 = ዘካ የሚወጣለት ገንዘብህ × 1/40


በአጭር አገላለፅ ዘካህ የምታወጣለትን ገንዘብ ለ40 አካፍለውና የምታገኘው ድርሻ የሚወጣው የዘካ መጠን ይሆናል።


♠
✔ ለምሳሌ፦ አጠቃላይ ገቢህ = 1,200,000 ብር
አጠቃላይ ወጪህ = 200,000 ብር

ዘካ የሚወጣለት ገንዘብህ = 1,200,000–200,000 = 1,000,000 ብር

የዘካው መጠን = 1,000,000 × 2.5% = 1,000,000 × 2.5/100 = 1,000,000 × 25/1000 = 1,000,000 × 1/40 = 1,000,000/40 = 100,000/4 = 25,000 ብር (25 ሺህ ብር)


ለምሳሌ፦ ከ100 ሺህ ብር ላይ የሚወጣው የዘካህ መጠን → 100,000 × 2.5% = 100,000 × 2.5/100 = 100,000 × 25/1000 = 100,000 × 1/40 = 100,000/40 = 10,000/4 = 2, 500 ብር (2 ሺህ 500 ብር) ማለት ነው።


በሉ እያወጣችሁ!

MuradTadesse


SHARE 🔗SHARE

JOIN: @yasin_nuru       
JOIN: @yasin_nuru     

#ሙስሊም ከሆንክ እነዚህን ነገሮች ግዴታ ማወቅ #አለብክ።

#አምስቱ_የእስልምና_መአዘኖች

(1) ከአላህ በስተቀር ነእውነት የሚገዙት አምላክ የለም; ሙሃመድም የአላህ መልዕክተኛ ናቸው" ብሎ መመስከር

(2) ሰላትን ማቆም (መስገድ)

(3) ዘካ መስጠት

(4) ረመዷንን መፆም

(5) ሃጅን መፈፀም (መንገዱን ለቻለ ሰው)

#ስድስቱ_የኢማን_መዐዘናት :

(1) በአላህ ማመን

(2) በመላኢካዎች ማመን

(3) አላህ ባወረዳቸው መፀሃፎች ማመን

(4) አላህ በላካቸው መልዕክተኞች ማመን

(5) በመጨረሻው ቀን (በየውመል ቂያማ) ማመን

(6) በቀደር(ውሳኔ) ኸይሩም ሸሩም ከአላህ መሆኑን ማመን

#ዘጠኙ_የሰላት_መስፈርቶች :

(1) ሙስሊም መሆን

(2) አይምሮ ጤነኛ መሆን

(3) ጥሩና መጥፎ መለየት እድሜ መድረስ

(4) ሃደስን ማንሳት

(5) ነጃሳን ማስወገድ

(6) ሃፍረተ-ገላን መሸፈን

(7) ጌዜው መግባት

(8) ወደ ቂብላ ( ከዓባ-መካ-) መቅጣጨት

(9) መነየት (በልብ ማሰብ)

#አስራ_አራቱ_የሰላት_መዓዘኖች :

(1) ከቻለ መቆም

(2) የመጀመሪያው ተክቢራ

(3) ፋቲሃን መቅራት

(4) ሩኩዕ ማድረግ (ማጎንበስ)

(5) ከሩኩዕ ተነስቶ ቀጥ ማለት

(6) በሰባት አካላት ሱጁድ መውረድ(መደፋት)

(7) ከሱጁድ መነሳት

(8) በሁለቱ ሱጁዶች መካከል መቀመጥ

(9) በሁሉም ሰራዎች ላይ መረጋጋት

(10) የነዚህን መዓዘኖች ተርታ መጠበቅ

(11) ሁለተኛው ተሸሁድ

(12) ለሁለተኛው ተሸሁድ መቀመጥ

(13) አታህያቱ ማለት

(14) ማሰላመት

#ስምንቱ_የሰላት_ግዴታዎች :

(1) ከመጀመሪያው ተክቢራ ውጪ ያሉት ሁሉም ተክቢራዎች

(2) ለኢማም አና ብቻውን ለሚሰግድ ሰው (ሰሚዓላሁ ሊመን ሃሚዳህ) ማለት

(3) ለሁሉም ሰው (ረበና ወለከል ሃምድ) ማለት

(4) ሩኩዕ ላይ (ሱብሃነ ረቢየል አዚም) ማለት

(5) ሱጁድ ላይ (ሱብሃነ ረቢየል አዕላ) ማለት

(6) በሁለቱ ሱጁዶች መካከል (ረቢግፊር ሊ) ማለት

(7) የመጀመሪያው ተሸሁድ

(8) ለመጀመሪያው ተሸሁድ መቀመጥ

#ስምንቱ_ሰላትን_የሚያበላሹ_ነገሮች :

(1) አውቆ ማውራት

(2) መሳቅ

(3) መብላት

(4) መጠጣት

(5) የሃፍረተ ገላ መገለጥ

(6) ከቂብላ አቅጣጫ በጣም መዞር

(7) ተከታታይ እና ብዙ የሆነ እንቅስቃሴ

(8) ጠሃራ መወገድ (ውዱዕ መፍታት)

ረሱል (ሰ.ዐ.ወ) እንዲህ ይላሉ:

"አንድን መልካም ስራ ያመላከተ ለእርሱ የሰራበትን ሰው ሁሉ አጅር የፃፍለታል። ከነሱ አጅር ላይ ምንም ሳይቀነስ"

@yasin_nuru @yasin_nuru

ታላቁ የጎዳና ላይ ኢፍጣርና የቁርዓን ውድድር ዛሬ ይካሄዳል

ውድድሩ ቁርዓንን በልቦናቸው የተሸከሙ ሃፊዝ ወጣቶችን ለማበረታታትና ቀጣይ ተተኪ ትውልዶችን ለመፍጠር ያለመ መሆኑም ተገልጿል።

በመሆኑም ዋናው ሀገር አቀፍ የቁርዓን ውድድር ዛሬ በአዲስ አበባ መስቀል አደባባይ ይካሄዳል ተብሏል፡፡ FBC

አሁን አንድነታችን በጣም የሚያስፈልገበት ወቅት ነው #አብዮት_አደባባይን እና አከባባቢውን በተክቢራ እና በሰለዋት ማደበላለቅ ይኖርብናል!

ዝግጁ ናችሁ?

fulan

ሼር እያደረጋችሁ ማንም የአዲስ አበባ ልጅ/ሰው እንዳይቀር

@yasin_nuru @yasin_nuru

የምንስ ማፈር ነው የምን አንገት መድፋት፣
ፍቅራቸውን ያወቀ ይደፋዋል ናፍቆት

ማክበርህ መድረሱ የትናንቱን እለት፣
ሴት ልጅ ማግኘቷ ይህንን ነፃነት

በሀቢብ ምክንያት ነው በነቢ ብስራት።

-- ከዛሬ ቡኋላ የሚወለዱ ልጆች ስማቸው ሙሃመድ ይሆናል ኢንሻአላህ🥰🥰

--ሴቶች ከሆኑ በሚወዷት ሚስታቸው አኢሻ አብሯቸው በቆመችው ኸዲጃ በሚስቶቻቸው ስም እንሰይማለን🤗🤗

--በሚወዷት ልጃቸው ፋጢማ ስም እንሰይማለን።❤️❤️

--አሁንም በነብዩ ስም ግጥም እንገጥማለን🫡🫡

--ስለሳቸው- ሙኋደራዎች ይደረጋሉ😍

--በሳቸው ዙሪያ ኮንፍረንሶች ይደረጋሉ😘

አለሁመ ሰሊ አላ ሙሀመድ🥰🥰

#ካሁን_ቡኋላ_የነብዩ_ስም_ተነስቶ_ሰለዋት_የማያረግ_የዚህ_ቻናል_ቤተሰብ_መኖር_የለበትም።

@yasin_nuru @yasin_nuru

……… ስድስቱ የተውበት መስፈርቶች ………
===========================

በህይወታችን ብዙ ጊዜ ወንጀሎችን እንፈፅማለን። አላህ ያደለው በወንጀሉ አላህ ፊት እንዳይጠየቅ ተውበት ማድረግን ያስባል። ግን ስንቱ ነው ተውበቱ መስፈርቶችን የሚያሟላ እንዲሆን የሚጨነቀው? እራሳችንን በሚገባ ጠይቀን እናውቃለን?! ለመሆኑ መስፈርቶቹን ምን ያህሎቻችን በሚገባ እንለያቸዋለን? ለማያውቁ ጥቆማ፣ ለሚያውቁ ማስታወሻ ይሆን ዘንድ እጠቅሳለሁ። የተውበት መስፈርቶች ስድስት ናቸው። እነሱም:–

① ኢኽላስ: – አላህን ብቻ በማሰብ ሊፈፀም ነው። አንድ ሰው ወንጀልን የሚቶወው ዱንያዊ ጥቅሞችን አስቦ ከሆነ የመጀመሪያውን የተውበት መስፈርት ዘንግቷል።

② ወንጀሉን ማቆም:– አንድ ሰው የሚፈፅመውን ወንጀል ባላቋረጠበት ሁኔታ "ቶብቻለሁ" ቢል ቀልድ ነው የሚሆነው። ስለዚህ ተውበት ያሰበ ሰው ጥፋቱን በቀጠሮ ሳይሆን ቀጥታ ሊያቆም ይገባል።

③ ወደ ጥፋቱ ዳግም ላይመለሱ ቁርጠኛ ውሳኔ ላይ መድረስ። አንድ ሰው ከወር ቡሀላ እንደሚመለስ እያሰበ ረመዳን ሊገባ ሲል አንድን ወንጀል ቢተው መስፈርት ስላላሟላ ተውበት አድርጓል ማለት አይቻልም።

④ በወንጀሉ መፀፀት። ሰውየው ሲፈፅመው በቆየው ወንጀል ላይ ደንታ ቢስ ከሆነ ተውበቱ የሐቂቃ አይደለም። ፀፀቱ "ሰው ምን ይለኛል" ወይም "ክብሬ ጎደፈ" በሚል ሳይሆን የጌታውን ህግ በመጣሱ ሊሆን ይገባል። ለምሳሌ ብዙ ሰዎች ዝሙት ፈፅመው ጌታቸው ዘንድ ካለው ሂሳብ ይልቅ ዱንያ ላይ ያለው የሰው ወሬ ሲያስጨንቃቸው ይፀፀታሉ። እንዲህ አይነት ፀፀት የተውበትን መስፈርት አያሟላም። ይልቅ ከዛሬው የበዛ ህዝብ ፊት ነገ በአኺራ መዋረድ ከመምጣቱ በፊት ትክክለኛውን ፀፀት እዚሁ ልናስገኝ ይገባል።

⑤ ተውበቱ ወቅቱን የጠበቀ መሆን። ይህም ሞት አፋፍ ላይ ከመድረሱ በፊት እና ፀሀይ በመጥለቂያዋ ከመውጣቷ በፊት መሆኑ ነው።

⑥ ወንጀሉ የሰው ሐቅ መግፋት ከሆነ ሐቁን ሊመልስ ወይም ይቅርታውን ሊያገኝ ይገባል። ወይም ኢስቲግፋርና ኸይር ስራ ሊያበዛ ይገባል።

"ወደ መልካም ነገር  ያመላከተ ሰው የሰራውን ሰው ያህል አጅር ያገኛል" ረሱል (ﷺ)

@yasin_nuru @yasin_nuru

            ከእኩዮቹ ተነጥሎ🥺🥺
           ያህፃን ሲያለቅስ ቁጭ ብሎ💔

ቢያዩት  የዐለሙ ጀማል🤗🤗
ነቢ አሉት ምንስ ሁነሃል👀👀

              ህፃኑም አለ ለዘይኔ❤️❤️
               አባቴ ሞቶብኝ እኔ 😭😭

ሌላ ባል አግብታ እናቴ🤷‍♂🤷‍♂
አባሮኝ የእንጀራ አባቴ 🤔🤔

         ምበላውም ምለብሰው የለኝ😔😔
          እህት  የለኝ ወንድምም የለኝ😔😔

ሚጫወቱት ልጆች በሙላ🏃‍♀‍➡️🏃‍➡️
አባት አላቸው በጠቅላላ 👨‍🍼🧑‍🍼


         ይህ ማልቀሴ  የኔ ማንባቴ🥹🥹
         ትዝ ቢለኝ ነው እኮ አባቴ💔💔

ይህንን ሲል እጁን ይዘውት💞💞
እኔ አባትህ አለሁህ አሉት❤️‍🔥❤️‍🔥

#እንዲህ_ናቸው_የኛ_ነቢ🥰🥰

@yasin_nuru    @yasin_nuru

🔖 ኢዕቲካፍ

ቀድመው በእውቀት ይዘጋጁ

✅የኢዕቲካፍ ዓላማ(ጥበብ)
✅ኢዕቲካፍ መች ነው ሚገባው ሚወጣውስ?
✅ኢዕቲካፍ ከሶስቱ መስጂዶች(መካ፣ መድዲና አቅሷ)ብቻ ነው ?
✅ሙዕተኪፍ ሊጠነቀቃቸው የሚጋባቸው ነገሮች
✅ኢዕቲካፍን የሚያቋርጡ ነገሮች

አጠር ባለ መልኩ የተብራራበት ትምህርት

🎙በሸይኽ ኢልያስ አሕመድ

@yasin_nuru_hadis

ይህን ሰምቶ ለይለቱል ቀድርን ለማግኘት የማይጓጓ የለም!

ከዛሬ ማታ ጀምሮ መተኛት የለም!

@yasin_nuru @yasin_nuru

ሶላቱ-ለይል ወል-ዊትር (የለሊት ሶላት)፡-

በአቡ ሀይደር

በአላህ ስም እጅግ በጣም ርኅሩህ በጣም አዛኝ በሆነው ክብርና ምስጋና ለዓለማቱ ጌታ ለአላህ የተገባ ይሁን፡፡(አል-ፋቲሓ 2) የአላህ ሰላምና ውዳሴ የሰው ዘር ታላቅ መሪ ለሆኑት ለነቢዩ ሙሐመድ (አል-አሕዛብ 56) ለመላው የአላህ መልክተኞች (አል-ሷፍፋት 181) የሐቅንም መንገድ በተከተለ ሁሉ ላይ ይሁን (ጣሀ 47)፡፡

• ከፈርድ ሶላት በኋላ የተወደደ የሶላት አይነት ቢኖር በለሊቱ ክፍል የሚሰገደው ሶላቱ-ለይል ነው፡፡ አቢ ሁረይራህ (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከረመዷን ቀጥሎ ከጾሞች ሁሉ በላጩ የአላህ ወር የሆነው የሙሐረም (ጾም) ነው፡፡ ከፈርድ ሶላት ቀጥሎ ከሶላት ሁሉ በላጩ የለይል ሶላት ነው" (ሙስሊም 1163)፡፡

• የለይል ሶላት አላህ ዘንድ ታላቅ ምንዳ ያለው የሷሊሖች ሃይማኖታዊ ልማድ ነው፡፡ አቢ ኡማመተል-ባሂሊይ (ረዲየላሁ ዐንሁ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "የለሊት ሶላትን አደራችሁ! እሱ ከናንተ በፊት የነበሩት የሷሊሖች ልማድ ነው፣ ወደ ጌታችሁም መቃረቢያ ነው፣ ኃጢአትንም ማስተሰረያ ነው፣ ከወንጀልም ከልካይ ነው" (ቲርሚዚይ 3549፣ ሐኪም አል-ሙስተድረክ 1/308፣)፡፡

• የለይል ሶላት የሙተቂኖች (አላህን ፈሪዎች) እና እውነተኛ የአር-ራሕማን ባሮች መገለጫ ነው፡፡ "አላህን ፈሪዎቹ በአትክልቶችና በምንጮቹ ውስጥ ናቸው። ያንን ጌታቸው የሰጣችውን ተቀባዮች ሆነው፤ (በገነት ውስጥ ይሆናሉ)። እነርሱ ከዚህ በፊት መልካም ሠሪዎች ነበሩና። ከሌሊቱ ጥቂትን ብቻ ይተኙ ነበሩ። በሌሊቱ መጨረሻዎችም እነሱ ምሕረትን ይለምናሉ" (ሱረቱ-ዛሪያት 51፡15-18)፡፡
"የአልረሕማንም ባሮች እነዚያ በምድር ላይ በዝግታ የሚኼዱት፣ ባለጌዎችም (በክፉ) ባነጋገሩዋቸው ጊዜ፣ ሰላም የሚሉት ናቸው። እነዚያም ለጌታቸው በግንባራቸው ተደፊዎችና ቋሚዎች ኾነው የሚያድሩት ናቸው።" (ሱረቱል ፉርቃን 25፡63-64)፡፡
"እርሱ የመጨረሻይቱን ዓለም (ቅጣት) የሚፈራ የጌታውንም ችሮታ የሚከጅል ሲሆን በሌሊት ሰዓቶች ሰጋጅና ቋሚ ሆኖ ለጌታው የመግገዛ ሰው (እንደ ተስፋ ቢሱ ከሐዲ ነውን?በለው)፤ እነዚያ የሚያውቁና እነዚያ የማያውቁ ይተካከላሉን? በላቸው፤ የሚገነዘቡት ባለ አእምሮዎቹ ናቸው።" (ሱረቱ-ዙመር 39፡9)፡፡

• የለይል ሶላት ሰዎችን ጀነት በሰላም ለማስገባት ምክንያት ከሚሆኑት መልካም ተግባራት አንዱ ነው፡፡ ዐብዱላህ ኢብኑ ሰላም (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "እናንተ ሰዎች ሆይ! (በመሐከላችሁ) ሰላምታን አብዙ፣ ምግብንም አብሉ፣ ሰዎች በተኙበት በለሊት ስገዱ፣ ጀነትን በሰላም ትገባላችሁና" (ቲርሚዚይ 2487)፡፡

• የዱንያም ሆነ የአኼራ ሐጃችንን አላህን በመለመን ቀጥታ ምላሽ የምናገኝበት አንዲት ሰዓት አለች የተባለችውም በዚሁ በለሊቱ ወቅት ነው፡፡ አላህ የባሮቹን ዱዓእ 24/7 ሰሚ የሆነ አምላክ ቢሆንም፡ ይህቺ ሰዓት ግን ምንም አይነት ዱዓእ ተመላሽ የማይሆንባት፡ ወዲያውኑ ምላሽ እንደሚሰጥባት ሙሉ ቃል የተገባላት ልዩ ሰዓት ናት፡፡ ጃቢር ኢብኑ ዐብዲላህ (ረዲየላሁ ዐንሁ) እንዲህ ይላል፡- "የአላህ መልክተኛ (ሶለላሁ ዐለይሂ ወሰለም)፡- ‹‹በለሊት ውስጥ አንዲት ሰዓት አለች፡፡ (ይህችን ሰዓት) ማንም ሙስሊም የሆነ ሰው አላህን የዱንያም ሆነ የአኼራን መልካም ነገር የሚጠይቅ ሆኖ አያገኛትም፡ አሱኑ (የለመነውን) የሰጠው ቢሆን እንጂ!፡ እሱም ሁሌም በየለሊቱ ነው›› ሲሉ ሰማኋቸው" (ሙስሊም 757)፡፡

• ሶላቱ-ለይልን መነሳት የሚፈልግ ሰው ማታ በሚተኛበት ጊዜ ነይቶ መተኛት አለበት፡፡ እንቅልፍ አሸንፎት እንኳ ለሊቱ ቢያመልጠው በኒያው አጅሩን ያገኘው ዘንድ!፡፡ አቢ-ደርዳእ (ረዲየላሁ ዐንሁ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከለሊቱ ክፍል ተነስቶ ለመስገድ የነየተ ኾኖ ወደ መኝታው የመጣ ሰው፡ እስኪያነጋ ድረስ እንቅልፍ ቢያሸንፈው፡ በነየተው ሰበብ ይጻፍለታል፡፡ እንቅልፉ ደግሞ ከጌታው የሆነ ሶደቃ ይሆንለታል" (ነሳኢይ 3/258፣ ሐኪም፡ አል-ሙስተድረክ 1/311)፡፡

• ለለይል ሶላት አላህ ወፍቆት የሚነሳ ሙስሊምም በነቃና በተነሳ ጊዜ እንዲህ ይበል፡-
ዑባደተ ኢብኑ-ሷሚት (ረዲየላሁ ዐንሁ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከለሊቱ ክፍል ነቅቶ፡- ‹‹ላ ኢላሀ-ኢልለላህ፣ ወሕደሁ ላሸሪከ-ለህ፣ ለሁል-ሙልኩ ወለሁል-ሐምድ፣ ወሁወ ዓላ-ኩሊ ሸይኢን ቀዲር፣ አልሐምዱ-ሊላህ፣ሱብሓነላህ፣ ወላ-ኢላሀ ኢልለላህ፣ ወላሁ አክበር፣ ወላ ሐውለ፡ ወላ ቁወተ፡ ኢልላ-ቢልላህ›› ያለ ሰው፡ ከዛም ‹‹አላሁመ-ኢግፊር ሊ›› ቢል ወይም ዱዓእ ቢያደርግ ተቀባይነትን ያገኛል፡፡ ዉዱእ አድርጎ ከሰገደም ሶላቱ ተቀባይነትን ያገኛል" (ቡኻሪይ 1154)፡፡

• ሶላቱ-ለይልን ለመስገድ የተነሳ ሙስሊም መጀመሪያ ቀለል ባሉ ሁለት ረከዓዎች ሶላቱን መክፈቱ የተወደደ ተግባር ነው፡፡ ከዛም አቅሙ የፈቀደውን ያህል መስገድ ይችላል፡- አቢ ሁረይራህ (ረዲየላሁ ዐንሁ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከናንተ አንዳችሁ ለሊት (ለሶላት) ከተነሳ፡ ሶላቱን ቀለል ባሉ ሁለት ረከዓዎች ይክፈት" (ሙስሊም 768)፡፡
እናታችን አዒሻህ (ረዲየላሁ ዐንሃ) እንዲህ አለች፡- "የአላህ መልክተኛ (ሶለላሁ ዐለይሂ ወሰለም) ለሊት ለመስገድ ሲነሱ ሶላታቸውን ቀለል ባሉ ሁለት ረከዓዎች ይከፍቱ ነበር" (ሙስሊም 767)፡፡

• ለለይል ሶላት የሚነሳ ሰው ቤተሰቡን ማንቃትና እንዲሰግዱ ማነሳሳት ሌላው ተወዳጅ ተግባር ነው፡- አቢ ሁረይራህ (ረዲየላሁ ዐንሁ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከለሊቱ ክፍል ተነስቶ የሰገደን አላህ ይዘንለት፣ ባለቤቱንም ቀስቅሶ በአንድነት ሁለት ረከዓ የሰገዱ ከሆነ አላህን በብዙ አወዳሽ ከሆኑ ወንዶችና ሴቶች ይመደባሉ" (አቡ ዳዉድ 2/147፣ ሐኪም 1/316፣ ነሳኢይ 3/205)፡፡

• የለሊት ሶላትን መስገድ የፈለገ ሙስሊም አቅሙ የቻለውን ያህል ይስገድ፡፡ እራሱን እንዳያስቸግር፡፡ መጠኑ በዝቶ እያቋረጠ ከሚሰግደው ሶላት፡ መጠኑ ያነሰ ሆኖ ሁሌም የሚዘወትርበት በላጭ ነውና፡- እናታችን አዒሻህ (ረዲየላሁ ዐንሃ) እንዲህ አለች፡- "የአላህ መልክተኛ (ሶለላሁ ዐለይሂ ወሰለም) ከሥራዎች ሁሉ አላህ ዘንድ ተወዳጁ የቱ ነው? ተብለው ተጠየቁ፡፡ እሳቸውም፡- ‹‹መጠኑ ቢያንስም የዘወተረበት›› ብለው መለሱ" (ሙስሊም 782)፡፡

• የለይል ሶላት ወቅቱ ከሶላቱል ዒሻእ መጠናቀቅ በኋላ እስከ ፈጅር ድረስ ያለው ነው፡፡ ከነዚህ ውስጥ ደግሞ የመጨረሻው የለሊቱ ክፍል ተወዳጅ ነው፡፡ ዐምሩ ኢብኑ-ዐበሰህ (ረዲየላሁ ዐንሁ) እንዲህ ይላል፡- "አንቱ የአላህ መልክተኛ ሆይ! ከለሊቱ ክፍል ይበልጥ (ዱዓዬ) ተሰሚነት ያለው የቱ ነው? አልኩኝ፡፡ እሳቸውም፡- ‹‹የመጨረሻው የለሊት ክፍል ነው፡ የፈለግከውን ያህል ስገድ›› አሉኝ…" (አቡ ዳዉድ 1279)፡፡

አቢ ሁረይራህ(ረዲየላሁ ዐንሁ) እንደነገረን የአላህ መልክተኛ(ሶለላሁ ዐለይሂ ወሰለም) እንዲህ አሉ፡- "ክብሩ ከፍ ያለውና የላቀው ጌታችን አላህ የለሊቱ መገባደጃ 1/3ኛ ሲቀር ወደ ምድራዊ ሰማይ ይወርዳል፡፡ ከዛም፡- ‹‹ማነው የሚማጸነኝ እኔም የምቀበለው? ማነው የሚጠይቀኝ እኔም የምሰጠው? ማነው ማረኝ የሚል እኔም የምምረው?›› ይላል" (ቡኻሪይ 1145፣ ሙስሊም 758)፡፡

• የሶላቱ-ለይል አስጋገድ ሁኔታ ሁለት ሁለት ረከዓህ ነው፡- ዐብደላህ ኢብኑ-ዑመር (ረዲየላሁ ዐንሁማ) እንደነገረን የአላህ ነቢይ (ዐለይሂ-ሶላቱ ወስ-ሰላም) እንዲህ አሉ፡- "የለሊት ሶላት ሁለት ሁለት (ረከዓህ) ነው" (ቡኻሪና ሙስሊም)፡፡

• የሶላቱ-ለይል አሰጋገድ መጠን የተገደበ ነገር የለውም፡፡ ሰውየው አቅሙ የፈቀደውን ያህል መስገድ ይችላል፡፡ የአላህ መልክተኛ የለይል ሶላትን ዊትርን ጨምሮ ከ11-13 ረከዓህ ይሰግዱ ነበር፡፡ ከዛ ጨምረው አያውቁም፡፡ ስለዚህ ከፊል ዑለማዎች ይህን መሠረት በማድረግ የሶላቱ መጠን ከዚህ ቁጥር መብለጥ የለበትም ይላሉ፡፡ አላህ ወፍቆት ለይል ተነስቶ ከዛ በላይ ለመስገድ የሚፈልግ ሰው ካለ በአቅራቢያው ያሉ ዑለማዎችን መጠየቅና መረዳት ይችላል፡፡ ወላሁ አዕለም፡፡

• የለይል ሶላትን ልምዱ ያደረገ መልካም የአላህ ባሪያ፡ የሆነ ቀን በእንቅልፍ ወይም በሌላ ምክንያት ለሊቱን ሳይሰግድበት ቢያመልጠው በቀኑ ክፍል ቀዷውን ሊያወጣና ሊሰግደው ይችላል፡- እናታችን አዒሻህ (ረዲየላሁ ዐንሃ) እንዲህ አለች፡- "የአላህ ነቢይ(ዐለይሂ ሶላቱ ወስ-ሰላም) በእንቅልፍ ምክንያት ለይልን ተነስተው ባይሰግዱ፡ በቀኑ ክፍል አስራ ሁለት ረከዓህ ይሰግዱ ነበር" (ሶሒሑ-ቲርሚዚይ 365)፡፡
ኢማሙ ሙስሊም በዘገቡት ሌላ ዘገባም እናታችን አዒሻህ (ረዲየላሁ ዐንሃ) በድጋሚ እንዲህ አለች፡- "የአላህ ነቢይ (ዐለይሂ ሶላቱ ወስ-ሰላም) በእንቅልፍ ምክንያት ወይም በህመም ለይልን ባይሰግዱ በቀኑ ክፍል አስራ ሁለት ረከዓህ ይሰግዱ ነበር" (ሙስሊም 746)፡፡

• የለይል ሶላትን የሚሰግድ የአላህ ባሪያ በአጠገቡ የተኛ ሰው ከሌለ ወይንም ሌላውን ሰው እስካልረበሸ ድረስ ድምጹን ከፍ አድርጎ መስገድ ይችላል፡፡ በተለይ ከፍ ባለ ድምጽ መቅራቱ ለሱ ነሻጣ አጋዥ ከሆነ ይወደድለታል፡- ዐብዱላህ ኢብኑ-አቢ ቀይስ፡- "እናታችን አዒሻን (ረዲየላሁ ዐንሃ) ስለ-መልክተኛው የቂርኣት ሁኔታ እንዴት እንደነበር ጠየቅኋት፡፡ እሷም፡- ‹‹አንዳንድ ጊዜ በሚስጥር (ድምጽ ዝቅ በማድረግ)፡ አንዳንዴ ደግሞ ከፍ በማድረግ ይቀሩ ነበር›› አለችኝ፡፡ እኔም፡- ‹‹ጉዳዩን በሁሉም መንገድ ሰፋ ላረገልን አላህ ምስጋና ይድረሰው አልኩኝ›› ይላል" (ሶሒሕ አቢ ዳዉድ 1291፣ ሶሒሑ-ቲርሚዚይ 369)፡፡ አላህ ይወፍቀን!

ሶላቱል ዊትር፡-

• ሶላቱል ዊትር ማለት ነጠላ (አንድ ረከዓህ) ሆኖ የሚሰገድ ሶላት ማለት ነው፡፡

• ሶላቱል ዊትር ጠንካራ ከሆኑ የሱና ሶላቶች ውስጥ የሚመደብ የሶላት አይነት ነው፡- ዐሊይ ኢብኒ-አቢ ጧሊብ (ረዲየላሁ ዐንሁ) እንዲህ ይላል፡- "ዊትር እንደ ፈርድ ሶላታችሁ ግዳጅ አይደለም፡፡ ነገር ግን የአላህ መልክተኛ (ሶለላሁ ዐለይሂ ወሰለም) ያሳዩን ሱና ነው፡፡ እንዲህም አሉ፡- ‹‹እናንተ የቁርኣን ሰዎች ሆይ! አላህ ዊትር(አንድ) ነውና ዊትርንም ይወዳል፡ ስለዚህ ዊትርን ስገዱ››" (ሶሒሒ-ቲርሚዚይ 374)፡፡

• የሶላቱል ዊትር ወቅት፡- ከዒሻእ በኋላ እስከ ፈጅር ወቅት መግባት ባለው መሐከል ነው፡- ኻሪጀተ ኢብኑ-ሑዛፈተል ዐደዊይ (ረዲየላሁ ዐንሁ) እንዲህ አለ፡- "የአላህ ነቢይ (ዐለይሂ ሶላቱ ወስ-ሰላም) ወደኛ ብቅ አሉና፡- ‹‹አላህ ሶላትን ጨመረላችሁ፡፡ እሷም ከቀያይ ግመሎች (ሰደቃ) የምትበልጥላችሁ ነች፡፡ በዒሻእና በፈጅር መካከል ያለችዋ ዊትር ነች›› ብለው ነገሩን" (ሶሒሑ-ቲርሚዚይ 373)፡፡

• የዊትር ሶላት የመጨረሻ ሶላታችን መሆን አለበት፡፡ ሶላቱ-ለይልን ተነስቶ የሚሰግድ ሰው ካለ ከሶላቱ ቀጥሎ የመጨረሻውን በዊትር መዝጋት አለበት፡፡ ለይል የማይነሳ ከሆነ ደግሞ ከዒሻእ በኋላ ከመተኛቱ በፊት በዊትር መዝጋቱ የተወደደ ተግባር ነው፡- ዐብዱላሁ ኢብኑ-ዑመር (ረዲየላሁ ዐንሁማ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከለሊቱ ክፍል የመጨረሻ ሶላታችሁን ዊትር አድርጉ" (ቡኻሪና ሙስሊም)፡፡

• ሶላቱል ዊትርን መስገድ የፈለገ ሰው በአንድ ረከዓህ ብቻ መስገድ ይችላል፡፡ ከፈለገም በሶስት፣በአምስት፣በሰባት፣በዘጠኝ መስገድ ይችላል፡፡ ዋናው መጨረሻ ላይ በአንድ ረከዓህ ዊትር ሆኖ መጠናቀቁ ነው፡- ዐብዱላሁ ኢብኑ-ዑመር (ረዲየላሁ ዐንሁማ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ዊትር በመጨረሻው ለሊት የሚሰገድ አንድ ረከዓህ ነው" (ሙስሊም 752)፡፡
አቢ አዩበል አንሷሪይ (ረዲየላሁ ዐንሁ) እንደነገረን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ዊትር በሁሉም ሙስሊም ላይ (ሊሰግደው) የተገባ ነገር ነው፡፡ የፈለገ ሰው በዘጠኝ፣ የፈለገ ሰው በሰባት፣ የፈለገ ሰው በአምስት፣ የፈለገ ሰው በሶስት፣ የፈለገ ሰው በአንድ ረከዓህ መስገድ ይችላል" (አቡ-ዳዉድ 1421)፡፡

• ሶላቱል ዊትርን በሶስት ረከዓህ አያይዞ መስገድ ይቻላል፡፡ ነገር ግን ከመግሪብ ሶላት ጋር እንዳይመሳሰል በመጨረሻው እንጂ በመሐል ተሸሁድ መቀመጥ የለበትም (ሐኪም አል-ሙስተድረክ 1/314)፡፡

• በአንድ ለሊት ሁለት ዊትር የለምና፡ ለይል የሚነሳ ሰው ከዒሻእ በኋላ ዊትርን አይስገድ፡፡ ወይንም ለይል ላልነሳ እችላለሁ ያለ ሰው ቀድሞ ዊትሩን ሰግዶ ይተኛ፡፡ ከዛም አላህ ወፍቆት ለይል ከተነሳ፡ የለይል ሶላቱን ሁለት ሁለት ረከዓህ አድርጎ በዛው ያለ ዊትር ያጠናቅቀዋል፡፡ ድጋሚ ዊትር የለምና!

• በሶላቱል ዊትር ላይ በመጀመሪያውና በሁለተኛው ረከዓህ ላይ ‹‹ሱረቱል-አዕላ›› እና ‹‹ሱረቱል ካፊሩን›› መቅራቱ የተወደደ ነው፡፡ በሶስተኛው ላይ ደግሞ ‹‹ሱረቱል ኢኽላስ›› አንዳንዴም ‹‹ሱረቱል ፈለቅ››ንና ‹‹ሱረቱ-ናስ››ን አብሮ ጨምሮ መቅራት ይወደዳል፡፡ ከዛ ውጪም ሰጋጁ የገራለትን የቁርኣን ክፍል መቅራት ይችላል፡፡- ኡበይ ኢብኑ-ከዕብ (ረዲየላሁ ዐንሁ) እንዲህ ይላል፡- "የአላህ መልክተኛ በሶስት ረከዓህ ዊትር ይሰግዱ ነበር፡፡ በመጀመሪያው ረከዓህ ‹‹ሱረቱል አዕላ››ን በሁለተኛው ደግሞ ‹‹ሱረቱል ካፊሩን››ን፡ በሶስተኛው ‹‹ሱረቱል ኢኽላስ››ን ይቀሩ ነበር፡፡" (ሶሒሑ-ነሳኢይ 1/371-372)፡፡

• ሶላቱል ዊትር ላይ ቁኑት ማድረግ ሱና ነው፡፡ ግዳጅ አይደለም፡፡ የአላህ መልክተኛ (ሶለላሁ ዐለይሂ ወሰለም) አንዳንዴ ይተዉ ስለነበር፡፡ የቁኑት አደራረጉ በሁለት መልኩ ነው፡-
1. ከሩኩዕ በፊት እዛው ቂያም ላይ እያለን የምናደርገው፡- ኡበይ ኢብኑ-ከዕብ (ረዲየላሁ ዐንሁ) እንዲህ ይላል፡- "የአላህ መልክተኛ ዊትርን ይሰግዱ ነበር፡፡ ከሩኩዕ በፊትም ቁኑት ያደርጉ ነበር" (ኢብኑ ማጀህ 1182፣ አልባኒይ፡ አል-ኢርዋእ 2/167)፡፡
2. ከሩኩዕ መልስ ሱጁድ ከመውረድ በፊት የሚደረግ ነው፡፡ (ቡኻሪይ 2010፣ አልባኒይ ሶላቱ-ተራዊሕ 41-42)፡፡ - ቁኑት ላይ ከሚደረጉ ዱዓዎች መካከል፡-

#ቀሪውን_ኮሜንት_ላይ

@yasin_nuru @yasin_nuru

የረመዿን የመጨረሻዎቹ 10 ቀኖች‼️
============================
✔️ የረመዳን የመጨረሻዎቹ አስርት ቀናት «ዐሽረል አዋኺር» ይሰኛሉ።
የረመዿን ቀናቶች ከሌሎቹ የአመቱ ቀናቶች የተለዩና የተባረኩ ናቸው።
የረመዿን የመጨረሻዎቹ አስርት ቀናት ደግሞ ከሌሎቹ የረመዿን ቀናት የተለዩና ድንቅ ናቸው።
*
የአላህ መልዕክተኛ ﷺ ከምንጊዜውም በላይ በእነዚህ ቀናት ውስጥ ለየት ያሉ እንደነበሩ ከእናታችን ዐኢሻህ ረዲየልሏሁ ዐንሃ የተገኘ ሐዲሥ ይጠቁመናል።
👉ዐኢሻህ ረዲየልሏሁ ዐንሃ እንዲህ ትላለች፥
"كان النبي - صلى الله عليه وسلم - إذا دخل العشر أحيا الليل وأيقظ أهله، وجدَّ وشدَّ المئزر"
"(የረመዿን የመጨረሻዎቹ) አስር (ቀኖች) በገቡ ጊዜ፣
ሌሊቱን ያነጉ (ሕያው ያደርጉ) ነበር፣ ቤተሰባቸውን ያነቁ ነበር፣ የሚጠነክሩና ሽርጣቸውን ያጠብቁ ነበር።"
[ቡኻሪ፥ 2014
ሙስሊም፥ 1174]

"ሽርጣቸውን ያጠብቁ ነበር!" የሚለው ገለጻ በዒባዳ ላይ ይታገሉና ይተጉ  ነበር ለማለት ነው ተብሏል።
አንዳንድ ዑለሞች ደግሞ ሚስቶቻቸውን ይርቁ ነበር ለማለት የተፈለገበት የአሽሙር አገላለጽ ነው ብለዋል።
*
👉 አሁን ከርሷው በተገኘ ሌላ ሐዲሥ ላይ እንዲህ ትለናለች፥
"كان رسول الله - صلى الله عليه وسلم - يجتهد في العشر الأواخر ما لا يجتهد في غيره"

"(በረመዿን) የመጨረሻዎቹ አስርት ቀናት ውስጥ ነብዩ ﷺ በሌሎች (ቀናት) የማይታገሉትን ይታገሉ ነበር። (በዒባዳ ይበልጥ ይበረቱ ነበር።)"
[ሙስሊም፥ 1175]
||
ከነዚህ ሁለት ሐዲሦች የምንረዳው፤
ነብያችን ﷺ በመጨረሻዎቹ የረመዿን ቀኖች ከምንግዜውም በላይ በዒባዳ ይተጉ እንደነበር ነው።
*
እነዚህን የረመዿን የመጨረሻ አስር ቀናት ይበልጥ ልዩ ከሚያደርጋቸው ነገሮች መካከል አንዱና ዋናው፣
የመወሰኛዋ ሌሊት (ለይለተል ቀድር) በነዚህ አስርት ቀናት ውስጥ የምትገኝ መሆኗ ነው።
በዚህች የተባረከች ሌሊት የሚሰራ መልካም ስራ ከሰማኒያ ሶስት አመት በላይ ከሚደረግ ስራ በላይ ይበልጣል።
||
ስለዚህ በእነዚህ የተባረኩ ቀናት ውስጥ፣
ከምንጊዜውም በላይ ራሳችንንና ቤተሰባችንን በዒባዳ ልክ እንደ ነብያችን ﷺ ልንነቃና ልናነቃ ይገባል።
||
በነዚህ ቀናት ውስጥ ነቅተን መስራት ካሉብን ስራዎች ውስጥ
የሚከተሉትን ነው።
✔️ ለይለተል ቀድርን መጠባበቅ፣
✔️ኢዕቲካፍ መውጣት፣
✔️ቁርኣን ይበልጥ ማብዛት፣
✔️በአላህ መንገድ ላይ ሶደቃ ማውጣት፣
✔️ሌሊቱን በዒባዳ ማሳለፍ (ሐይ ማድረግ)፣
✔️ቤተሰባችንን ማንቃት፣
✔️ተሀጁድና ሌሎች ትርፍ ሶላቶችንም ጠንቅቆ መስገድ፣

እንዲሁም ሌላም ተጨማሪ ማንኛውንም መልካም የሚባል ተግባር ከወትሮው ይልቅ ይበልጥ ማብዛት።

@yasin_nuru @yasin_nuru

#ዛሬ_ማታ_እኮ_ረመዳን_21_ነው_መተኛት_የለም_ኢንሻአላህ!

*""(በለይለተል ቀድር)""የሚደረግ ዱዓ_*

አኢሻ ረድየላሃ አንሃ የአላህ መልእክተኛን ሠለሏሁ ዐለይሂ ወሰለም *ለይለቱል ቀድርን ካወኩኝ ምን ብዬ ዱዓ ላድርግ?*
ብዬ ጠየኩኝ(አለች)። እርሳቸውም

_*اللهم إنك عفو تحب العفو فاعف عني*_
_አላሁመ ኢንነከ ዐፉውን ቱሒቡል_ዐፍወ ፈአዕፉ አን_ኒይ በይ" አሉኝ። (ቲርሚዚይ ዘግበውታል )

ትርጉሙ....
*""‘አላህ ሆይ አንተ ይቅር ባይ ነህ። ይቅርታንም ትወዳለህ። ይቅር በለኝ!፤""* ማለት ነው

አሽረል አዋኺር የረመዳን የመጨረሻዎቹ አስርቱ ቀናት!

ኡስታዝ አቡበክር አህመድ በነዚህ ምርጥ ቀናትን እንዴት ማሳለፍ እንዳለበን በአጭሩ ያስታውሰናል ይከታተሉ።

🔗SHARE 🔗SHARE
╔════════════╗
☪ JOIN: @yasin_nuru         ☪
☪ JOIN: @yasin_nuru         ☪   ╚════════════