كعديه للامام السجاد ع
عاش ابحياته السجاد يجرع حسراته
لحسينه ايهل فوك الماي دمعه واهاته
ماينقاس بأي مقياس
كلما يعطش بين الناس
لحسين ايهل فوك الماي دمعه واهاته
..........................
عايش ايام الفجيعه ومانسه حسين ومصابه
علي جان اشما تذكر ذبح ابو اليمه وغيابه
يبجي وايبّجي اليجونه ومن يسألونه جوابه
شلون انسه حسين واني عشت بعده بالخرابه
والخرابه الهه ألم
بيهه اتذكر سهم
صاب الحسين ابجبدته
وبعد مارد للخيم
عايش ذكريات الموت واكثر لوعاته
من يشرب ماي وعطشات تلهب جمراته
ومخنوكَه اتضل الانفاس
كلما يعطش بين الناس
لحسين ايهل فوك الماي دمعه واهاته
..........................
شاف الحسين اعله رمله والخيول اتدوس صدره
وجان لون الدنيه صاير من عجاج الخيل صفره
يرتفع دمه المطهر بحافر اخيول وينظره
اشما ترض صدره اعوجيه تكَلبه من يمنه اعله يسره
وعلي السجاد ابوضع
يحجي بس ماينسمع
هم مريض ومخفي صوته
وهم عِله صوت الضلع
وماينسه صوت الاضلاع من ايكسروهه
بعشر اخيول اعوجيه هجمو طحنوهه
ويذكر جثه ابدون الراس
كلما يعطش بين الناس
لحسين ايهل فوك الماي دمعه واهاته
..........................
عايش ايامه ابفجيعه وسلطة الظالم تشوفه
علي السجاد ابوجوده تنسمع كلهن حروفه
نصبو عدائه وشتتو كلهم احبابه وضيوفه
لارعو حق الامامه ولارعو كلهن ظروفه
بالغربه وابنص وطن
عايش احزانه بمحن
لا يواسونه ابمصابه
ولا عله روحه ائتمن
يدريهه ابياليله ويوم تخلص حياته
والحاكم عاده السجاد قرر مماته
متحمل ضلم الارجاس
كلما يعطش بين الناس
لحسين ايهل فوك الماي دمعه واهاته
..........................
علي الماينسد مظيفه من الحسن عمه طِباعه
جن سفينه من المكارم عالي ماينهد شراعه
مايسد باب ابمظيفه امعّرفه كلهه أوضاعه
للضيوف السُفره مدهه ابعمره كله مو بساعه
بالكرم كَظه العمر
بالجزع و بالصبر
يجزع اعله مصاب أهله
ويصبر الغدر الكفر
ويتنطر سم الاشرار يكَطع احشائه
تتوقف انفاسه ابموت من سم اعدائه
ويعيش ابموته الاحساس
كلما يعطش بين الناس
لحسين ايهل فوك الماي دمعه واهاته
..........................
ابن عبدالملك صرح يكَطع انفاسه الاخيره
سممه وانهى حياته حاقد وماعنده غيره
ياحسافه الساجد اصبح بالسم ابحاله خطيره
واختنك مسموم ضامي مثل ورده ودم عبيره
فارك اهله وصحبته
وبجت من دم عيلته
افراكَه يصعب عاليحبهم
وصعبه كلش طيحته
واستشهد مسموم وراح للباري ابحزنه
من نعشه الصوت اعله حسين مسموعه الونه
واعله النعش عود الياس
كلما يعطش بين الناس
لحسين ايهل فوك الماي دمعه واهاته
الشاعر ياسر العارضي
عاش ابحياته السجاد يجرع حسراته
لحسينه ايهل فوك الماي دمعه واهاته
ماينقاس بأي مقياس
كلما يعطش بين الناس
لحسين ايهل فوك الماي دمعه واهاته
..........................
عايش ايام الفجيعه ومانسه حسين ومصابه
علي جان اشما تذكر ذبح ابو اليمه وغيابه
يبجي وايبّجي اليجونه ومن يسألونه جوابه
شلون انسه حسين واني عشت بعده بالخرابه
والخرابه الهه ألم
بيهه اتذكر سهم
صاب الحسين ابجبدته
وبعد مارد للخيم
عايش ذكريات الموت واكثر لوعاته
من يشرب ماي وعطشات تلهب جمراته
ومخنوكَه اتضل الانفاس
كلما يعطش بين الناس
لحسين ايهل فوك الماي دمعه واهاته
..........................
شاف الحسين اعله رمله والخيول اتدوس صدره
وجان لون الدنيه صاير من عجاج الخيل صفره
يرتفع دمه المطهر بحافر اخيول وينظره
اشما ترض صدره اعوجيه تكَلبه من يمنه اعله يسره
وعلي السجاد ابوضع
يحجي بس ماينسمع
هم مريض ومخفي صوته
وهم عِله صوت الضلع
وماينسه صوت الاضلاع من ايكسروهه
بعشر اخيول اعوجيه هجمو طحنوهه
ويذكر جثه ابدون الراس
كلما يعطش بين الناس
لحسين ايهل فوك الماي دمعه واهاته
..........................
عايش ايامه ابفجيعه وسلطة الظالم تشوفه
علي السجاد ابوجوده تنسمع كلهن حروفه
نصبو عدائه وشتتو كلهم احبابه وضيوفه
لارعو حق الامامه ولارعو كلهن ظروفه
بالغربه وابنص وطن
عايش احزانه بمحن
لا يواسونه ابمصابه
ولا عله روحه ائتمن
يدريهه ابياليله ويوم تخلص حياته
والحاكم عاده السجاد قرر مماته
متحمل ضلم الارجاس
كلما يعطش بين الناس
لحسين ايهل فوك الماي دمعه واهاته
..........................
علي الماينسد مظيفه من الحسن عمه طِباعه
جن سفينه من المكارم عالي ماينهد شراعه
مايسد باب ابمظيفه امعّرفه كلهه أوضاعه
للضيوف السُفره مدهه ابعمره كله مو بساعه
بالكرم كَظه العمر
بالجزع و بالصبر
يجزع اعله مصاب أهله
ويصبر الغدر الكفر
ويتنطر سم الاشرار يكَطع احشائه
تتوقف انفاسه ابموت من سم اعدائه
ويعيش ابموته الاحساس
كلما يعطش بين الناس
لحسين ايهل فوك الماي دمعه واهاته
..........................
ابن عبدالملك صرح يكَطع انفاسه الاخيره
سممه وانهى حياته حاقد وماعنده غيره
ياحسافه الساجد اصبح بالسم ابحاله خطيره
واختنك مسموم ضامي مثل ورده ودم عبيره
فارك اهله وصحبته
وبجت من دم عيلته
افراكَه يصعب عاليحبهم
وصعبه كلش طيحته
واستشهد مسموم وراح للباري ابحزنه
من نعشه الصوت اعله حسين مسموعه الونه
واعله النعش عود الياس
كلما يعطش بين الناس
لحسين ايهل فوك الماي دمعه واهاته
الشاعر ياسر العارضي
موشح نجفي للإمام السجاد ع
يحتظر وعيونه شبحت للدرب
بلكي يندك بابه وحسين اليطب
.......................
من كثر ما شوك عنده للسبط
روحه مثل الطير وابابه تحط
حبر جن دمعه وعله خدوده يخط
يرجع حسين اشتياقه اشكد صعب
.......................
علي زين العابدين اشما يمر
وكت بي ومصاب يتحمل جمر
كضه لحسين ابواجي هالعمر
ويذكر اشما طفله بالطف تنضرب
.......................
اخر انفاسه وشبح عينه بحزن
ايريد ابوه والناس لمصابه تون
مثل حَن ام الفصيل اعليه تحِن
وهو ماناسي اشجره بذيج الحرب
.......................
يعرك اجبينه وتنشفه عيلته
لجن هاللحضه يجدد هضمته
بقه وحده حسين بالطف غربته
وانذبح من الكَفه ابين الغُرب
.......................
اينكَطوله الماي ويهل الدمع
روحه ذابت بالحزن مثل الشمع
حسين ضامي وانجتل باصعب وضع
ولاكو جادر عزه الروحه ينُصُب
.......................
ابو الباقر يحتظر وابسِم كَضه
اينازع ابأنفاسه وزغير الفضه
جا حفيد الذاكه جده المرتضه
ادخل الكَلب العده الوان الرعب
.......................
تالي بالسم فتتو جبد الولي
رادو ايموتون ذرية علي
وتسعه صارو صيتهم بي يعتلي
رغماً اعله اعدائهم وِلده وغصُب
.......................
روح زين اعبادهه فاضت ضوه
وابنه باقر علم دين الله التوه
الفكَد ابوه روحه تعنت نينوه
توارث الطف والجفن من دم يصب
الشاعر ياسر العارضي
يحتظر وعيونه شبحت للدرب
بلكي يندك بابه وحسين اليطب
.......................
من كثر ما شوك عنده للسبط
روحه مثل الطير وابابه تحط
حبر جن دمعه وعله خدوده يخط
يرجع حسين اشتياقه اشكد صعب
.......................
علي زين العابدين اشما يمر
وكت بي ومصاب يتحمل جمر
كضه لحسين ابواجي هالعمر
ويذكر اشما طفله بالطف تنضرب
.......................
اخر انفاسه وشبح عينه بحزن
ايريد ابوه والناس لمصابه تون
مثل حَن ام الفصيل اعليه تحِن
وهو ماناسي اشجره بذيج الحرب
.......................
يعرك اجبينه وتنشفه عيلته
لجن هاللحضه يجدد هضمته
بقه وحده حسين بالطف غربته
وانذبح من الكَفه ابين الغُرب
.......................
اينكَطوله الماي ويهل الدمع
روحه ذابت بالحزن مثل الشمع
حسين ضامي وانجتل باصعب وضع
ولاكو جادر عزه الروحه ينُصُب
.......................
ابو الباقر يحتظر وابسِم كَضه
اينازع ابأنفاسه وزغير الفضه
جا حفيد الذاكه جده المرتضه
ادخل الكَلب العده الوان الرعب
.......................
تالي بالسم فتتو جبد الولي
رادو ايموتون ذرية علي
وتسعه صارو صيتهم بي يعتلي
رغماً اعله اعدائهم وِلده وغصُب
.......................
روح زين اعبادهه فاضت ضوه
وابنه باقر علم دين الله التوه
الفكَد ابوه روحه تعنت نينوه
توارث الطف والجفن من دم يصب
الشاعر ياسر العارضي
ياساجد اهل الغيره حزنك صعب تفسيره
كلما تصد ليتامك حزنك صعب تفسيره
...........................................................
شوغاتك ابكل مغرب اعله احبابك
اللهُ أكبر صعب حيل امصابك
ابحزنك وضوح وبارزات اسبابك
جن شجره واحزانك غصن باعتابك
من يوم طحت ابحيره حزنك صعب تفسيره
...........................................................
بروحك خيال الساعة الفجيعه
من كَمر ضامي اتوسد الشريعه
وجثَت الأكبر عالترب صريعه
ويطيح ضامي القاسم الوديعه
وضعك يحيير الديره حزنك صعب تفسيره
...........................................................
كلما تشوف الماي جفنك دامي
تتذكر حسين الذبيح وضامي
صاح اقصدوني واتركوهه اخيامي
بظلوعي شِبو النار مو بايتامي
عندك بقه تصويره حزنك صعب تفسيره
...........................................................
بعد الطف انفاسك بقت مهمومه
والروح لجل الودعك مهضومه
من شوفت اهلك عينك المحرومه
وجروح عندك بالكَلب ملجومه
كلما ذكرت السيره حزنك صعب تفسيره
...........................................................
ياوسفه ابن عبد الملك ضد حيلك
وايريد يذبح هذا نجمة ليلك
بالسم يقران انقتل ترتيلك
ويانعش يكَدر يالعليل ايشيلك
بثكل الحزن تقديره حزنك صعب تفسيره
...........................................................
ذاب الجبد والشوف قل ابعينك
ياما جريت ادموعك اعله حسينك
يارحمت الله بكل وجودك وينك
شيعتك صاحت ياعمود الدينك
وبدينك وتعبيره حزنك صعب تفسيره
...........................................................
عمرك خلص من سم حقود وضالم
جان اعله سَمك هالمنافق عازم
امصيبه عظيمه وبيهه ربنه العالم
دم و دمع تبجي عليك الوادم
عاللي جره وتبريره حزنك صعب تفسيره
ياسر العارضي
كلما تصد ليتامك حزنك صعب تفسيره
...........................................................
شوغاتك ابكل مغرب اعله احبابك
اللهُ أكبر صعب حيل امصابك
ابحزنك وضوح وبارزات اسبابك
جن شجره واحزانك غصن باعتابك
من يوم طحت ابحيره حزنك صعب تفسيره
...........................................................
بروحك خيال الساعة الفجيعه
من كَمر ضامي اتوسد الشريعه
وجثَت الأكبر عالترب صريعه
ويطيح ضامي القاسم الوديعه
وضعك يحيير الديره حزنك صعب تفسيره
...........................................................
كلما تشوف الماي جفنك دامي
تتذكر حسين الذبيح وضامي
صاح اقصدوني واتركوهه اخيامي
بظلوعي شِبو النار مو بايتامي
عندك بقه تصويره حزنك صعب تفسيره
...........................................................
بعد الطف انفاسك بقت مهمومه
والروح لجل الودعك مهضومه
من شوفت اهلك عينك المحرومه
وجروح عندك بالكَلب ملجومه
كلما ذكرت السيره حزنك صعب تفسيره
...........................................................
ياوسفه ابن عبد الملك ضد حيلك
وايريد يذبح هذا نجمة ليلك
بالسم يقران انقتل ترتيلك
ويانعش يكَدر يالعليل ايشيلك
بثكل الحزن تقديره حزنك صعب تفسيره
...........................................................
ذاب الجبد والشوف قل ابعينك
ياما جريت ادموعك اعله حسينك
يارحمت الله بكل وجودك وينك
شيعتك صاحت ياعمود الدينك
وبدينك وتعبيره حزنك صعب تفسيره
...........................................................
عمرك خلص من سم حقود وضالم
جان اعله سَمك هالمنافق عازم
امصيبه عظيمه وبيهه ربنه العالم
دم و دمع تبجي عليك الوادم
عاللي جره وتبريره حزنك صعب تفسيره
ياسر العارضي
Forwarded from الشاعر ياسر العارضي
يالشفت ابوك حسين فوك الوطيه
جبدك حسافه انصاب سم المنيه
مظلوم كضيت العمر
يالصبرك اتعدى الصبر
جبدك حسافه انصاب سم المنيه
........
من بعد لوعة كربله وذيج المصايب
باليسر متكيد صرت شفت العجايب
واتحملت حقد العده وهم النوايب
تاليها جبدك بالطشت مسموم ذايب
مثل الحسن صار الامر
يالصبرك اتعده الصبر
جبدك حسافه انصاب سم المنيه
........
ابكربله شفت الماجره ولايجري مرتين
ومصيبتك صعبه وشفت مذبوح الحسين
بس الأرامل بالخيم تنطي الوجه وين
وحركوهه الخيام العده يبن الميامين
واتحملت نار وجمر
يالصبرك اتعده الصبر
جبدك حسافه انصاب سم المنيه
.........
دم ركبتك سال وجره وبللها الهدوم
انت العليل وباليسر وبذيج الهموم
ما غفت عينك ياعلي من الراحه محروم
واكثر جروحك لونعد من حته النجوم
وجرح الكلب ماينجبر
يالصبرك اتعده الصبر
جبدك حسافه انصاب سم المنيه
.............
وابسم ابن عبدالملك ضكت الرزيه
مسموم جبدك من طحت فوك الوطيه
فرحت اكلوب العادتك والناصبيه
لمصيبتك اهتز عرش عرش البريه
يالماخذ آهات اليسر
يالصبرك اتعده الصبر
جبدك حسافه انصاب سم المنيه
........
نلت الشهاده ابمهجتك لجل العقيده
واحنه اعله نفس المعتقد يبن الصميده
انصار خدام وحشد مجدك نعيده
من عدنه جم شاب انذبح كطعو وريده
وجم شاب ضل ابلا قبر
يالصبرك اتعده الصبر
جبدك حسافه انصاب سم المنيه
ياسر العارضي
جبدك حسافه انصاب سم المنيه
مظلوم كضيت العمر
يالصبرك اتعدى الصبر
جبدك حسافه انصاب سم المنيه
........
من بعد لوعة كربله وذيج المصايب
باليسر متكيد صرت شفت العجايب
واتحملت حقد العده وهم النوايب
تاليها جبدك بالطشت مسموم ذايب
مثل الحسن صار الامر
يالصبرك اتعده الصبر
جبدك حسافه انصاب سم المنيه
........
ابكربله شفت الماجره ولايجري مرتين
ومصيبتك صعبه وشفت مذبوح الحسين
بس الأرامل بالخيم تنطي الوجه وين
وحركوهه الخيام العده يبن الميامين
واتحملت نار وجمر
يالصبرك اتعده الصبر
جبدك حسافه انصاب سم المنيه
.........
دم ركبتك سال وجره وبللها الهدوم
انت العليل وباليسر وبذيج الهموم
ما غفت عينك ياعلي من الراحه محروم
واكثر جروحك لونعد من حته النجوم
وجرح الكلب ماينجبر
يالصبرك اتعده الصبر
جبدك حسافه انصاب سم المنيه
.............
وابسم ابن عبدالملك ضكت الرزيه
مسموم جبدك من طحت فوك الوطيه
فرحت اكلوب العادتك والناصبيه
لمصيبتك اهتز عرش عرش البريه
يالماخذ آهات اليسر
يالصبرك اتعده الصبر
جبدك حسافه انصاب سم المنيه
........
نلت الشهاده ابمهجتك لجل العقيده
واحنه اعله نفس المعتقد يبن الصميده
انصار خدام وحشد مجدك نعيده
من عدنه جم شاب انذبح كطعو وريده
وجم شاب ضل ابلا قبر
يالصبرك اتعده الصبر
جبدك حسافه انصاب سم المنيه
ياسر العارضي
Forwarded from الشاعر ياسر العارضي
زين العباد اليوم
كربت منيته
...........
شاف الظلم والجور وامصايب اهله
وجناته للدمعات سواهه قبله
وشسوت الايام عملتهه عمله
جارت عليه ماشاف غير المسله
ابشهكة نفس للموت
وصه ابوصيته
زين العباد اليوم
كربت منيته
......
من كربله الاهات بنفاسه تسري
واعله السبط من طاح دمعاته تجري
بهمومه محد جان من ناسه تدري
بعد الحسين ايكول ماريده عمري
وراح ابهظم ودموع
عاف اهل بيته
زين العباد اليوم
كربت منيته
........
ابهمس الدعاء اهموم عايش فجيعه
من طاح ابو النوماس فوك الشريعه
ومن الحسين اهناك ذبحو رضيعه
ومن الشباب اهناك طاحت صريعه
ويه الدمع والدم
صارت هويته
زين العباد اليوم
كربت منيته
..........
بالسم مهجته شلون ذابت حسافه
سم جبدته غييب رسمه واوصافه
وابن الرجس ملعون بيده الخلافه
حارب امام الكون هاي الكلافه
ياشيعه والسجاد
اول ضحيته
زين العباد اليوم
كربت منيته
....
عاش العمر محزون وابحسره وابهم
من عينه لو يبجي عالخد نزل دم
وشما يشوف الماي بانفاسه مأتم
وبلا ذنب ياحيف تاليهه ينسم
جن شمس بين الغيم
حانت مسيته
زين العباد اليوم
كربت منيته
ياسر العارضي
كربت منيته
...........
شاف الظلم والجور وامصايب اهله
وجناته للدمعات سواهه قبله
وشسوت الايام عملتهه عمله
جارت عليه ماشاف غير المسله
ابشهكة نفس للموت
وصه ابوصيته
زين العباد اليوم
كربت منيته
......
من كربله الاهات بنفاسه تسري
واعله السبط من طاح دمعاته تجري
بهمومه محد جان من ناسه تدري
بعد الحسين ايكول ماريده عمري
وراح ابهظم ودموع
عاف اهل بيته
زين العباد اليوم
كربت منيته
........
ابهمس الدعاء اهموم عايش فجيعه
من طاح ابو النوماس فوك الشريعه
ومن الحسين اهناك ذبحو رضيعه
ومن الشباب اهناك طاحت صريعه
ويه الدمع والدم
صارت هويته
زين العباد اليوم
كربت منيته
..........
بالسم مهجته شلون ذابت حسافه
سم جبدته غييب رسمه واوصافه
وابن الرجس ملعون بيده الخلافه
حارب امام الكون هاي الكلافه
ياشيعه والسجاد
اول ضحيته
زين العباد اليوم
كربت منيته
....
عاش العمر محزون وابحسره وابهم
من عينه لو يبجي عالخد نزل دم
وشما يشوف الماي بانفاسه مأتم
وبلا ذنب ياحيف تاليهه ينسم
جن شمس بين الغيم
حانت مسيته
زين العباد اليوم
كربت منيته
ياسر العارضي
زيد حليف القران
زيد بن علي بن الحسين( عليه السلام )
مثل حيدر بالحرب تنوصف حملاته
سيفه جان الزلزله نازل بثاراته
زيد صاح بكل أنين
يا لثارات الحسين
سيفه جان الزلزله نازل بثاراته
.....................................................
بي شجاعه من الجهبهه المشرعه وجاب النهر
صاح زيد وكلهه تسمع صوته بركان انفجر
ما اخلي حسين جدي ابلا ذنب دمه انهدر
إلا اخلي اليوم سيفي يكَطع اركَاب الزمر
وصال بيهم جن اسد
حار دمه ومابرد
عنده سهله المساله نازل بثاراته
.............................................................
ثار دم حسين جده مختلط وي دمعته
مانسه ذيج المصيبه اشلون ينسه مصيبته
يذكر امصاب المخيم والايادي الحركَته
وجسم الحسين التسلب والخيول الرضته
ما نسه كل الجره
ونزل بيهم قسوره
بالشجاعه المذهله نازل بثاراته
.................................................................
مَهَد الثار المغيب صاحب العصر الامام
يا لثار حسين يهتف رتَل آيات الغرام
من هجم جيش ال اميه بكربله لحركَـ الخيام
زيد صاح بكل عقيده كوني بردا وسلام
يقره آيات البرد
وينضح بكَصته المجد
سيفه الركَاب اعتله نازل بثاراته
....................................................
بالسهم صابو جبهته استشهد بعزة نفس
جثته الصلبوهه صارت للزمان اعظم درس
والحَمام بجثته عشعش لان بجروحه يحس
وبجت من حركَوهه جثته حته لمصابه الشمس
وبجت من اجله الارض
ثورته تنعد فرض
وهاي أعظم منزله نازل بثاراته
................................................
منه نتعلم درسنه وصرنه للمذهب حشد
انعاهد حسين اعله ثاره من المهد حتى اللحد
وعن وطنه بكل عقيده ندافع و ما نبتعد
والشهاده اعضم مراتب بيهه كل معنه المجد
حاضره وكل ماضِيهَ
زيد رمز التضحيه
سيفه بجفوفه حِله نازل بثاراته
الشاعر ياسر العارضي
زيد بن علي بن الحسين( عليه السلام )
مثل حيدر بالحرب تنوصف حملاته
سيفه جان الزلزله نازل بثاراته
زيد صاح بكل أنين
يا لثارات الحسين
سيفه جان الزلزله نازل بثاراته
.....................................................
بي شجاعه من الجهبهه المشرعه وجاب النهر
صاح زيد وكلهه تسمع صوته بركان انفجر
ما اخلي حسين جدي ابلا ذنب دمه انهدر
إلا اخلي اليوم سيفي يكَطع اركَاب الزمر
وصال بيهم جن اسد
حار دمه ومابرد
عنده سهله المساله نازل بثاراته
.............................................................
ثار دم حسين جده مختلط وي دمعته
مانسه ذيج المصيبه اشلون ينسه مصيبته
يذكر امصاب المخيم والايادي الحركَته
وجسم الحسين التسلب والخيول الرضته
ما نسه كل الجره
ونزل بيهم قسوره
بالشجاعه المذهله نازل بثاراته
.................................................................
مَهَد الثار المغيب صاحب العصر الامام
يا لثار حسين يهتف رتَل آيات الغرام
من هجم جيش ال اميه بكربله لحركَـ الخيام
زيد صاح بكل عقيده كوني بردا وسلام
يقره آيات البرد
وينضح بكَصته المجد
سيفه الركَاب اعتله نازل بثاراته
....................................................
بالسهم صابو جبهته استشهد بعزة نفس
جثته الصلبوهه صارت للزمان اعظم درس
والحَمام بجثته عشعش لان بجروحه يحس
وبجت من حركَوهه جثته حته لمصابه الشمس
وبجت من اجله الارض
ثورته تنعد فرض
وهاي أعظم منزله نازل بثاراته
................................................
منه نتعلم درسنه وصرنه للمذهب حشد
انعاهد حسين اعله ثاره من المهد حتى اللحد
وعن وطنه بكل عقيده ندافع و ما نبتعد
والشهاده اعضم مراتب بيهه كل معنه المجد
حاضره وكل ماضِيهَ
زيد رمز التضحيه
سيفه بجفوفه حِله نازل بثاراته
الشاعر ياسر العارضي
زيد حليف القرآن
قصيدة تجليبة
اعله زيد ابن العليل اجري الدمع بحساس
واكَــولاً يـــــاعـلـي مـن اجــذب الانـفـاس
يـنـادي والـدمـع بالعـين
يجري ابدمي ثار حسين
واكَـولاً يـــاعـلــي مـن اجـذب الانـفـاس
......................................................
اريد انحب على ابن الســاجد المظلوم
كَلبه من الجره ابطف كربــلـه مـالوم
على حسين واخوته وكل هله مهضوم
ودمعه اعله الوجه طعنة رمح مرسوم
حِجه وبينهه جلماته
حُسين آخذهه ثاراته
واكَولاً ياعلي من اجذب الانفاس
.......................................................
ياثـــار السبـط واهله ومصـايبهم
ورسول الله محمد بالنســب جدهم
الظلمو جدي آخذ ثاري من عدهم
بذو الفقار سيف اجدادي مصرعهم
وعندي ابهالامر راده
اعيــد الحيـدر امجـاده
واكَولا ياعلي من اجذب الانفاس
......................................................
نِدب لبيك ابو الاكـبــر يـمـاي العيـن
إلك ترخص ركَبتي ودمعتي يحسين
تضحيتي إلـك والـصــاحـب الجفيـن
ولو كلــشـي نطيـتك ما أوافي الدين
راح اهجم على الكوفه
عندي الغيره معروفه
واكّولاً ياعلي من اجذب الانفاس
.......................................................
عظيم امصاب زيد وهمه بعد اعظم
جرحه ابكَلبه ماينفـعـله اي مـرهـم
بحـزام الـكَـمـر شــد ظهـره واتحزم
وعلى الكوفه ابجيوش السِندِته اتقدم
اريداً يهتف ابها الناس
ثــار حسـيـن والعبـاس
واكَولاً ياعلي من اجذب الانفس
.......................................................
انغدر زيد ابفعال اهل الحقد والزور
والعدهــم سقـيـفة جـدهــم الدستور
صابو جبهته ابسهم الغدر والجور
وحركو جثته ابجمرة خيم عاشور
ابـــد مــا ينـحـمـل يـومه
جروحي ابذكره ملجومه
واكَولاَ ياعلي من اجذب الانفاس
الشاعر ياسر العارضي
قصيدة تجليبة
اعله زيد ابن العليل اجري الدمع بحساس
واكَــولاً يـــــاعـلـي مـن اجــذب الانـفـاس
يـنـادي والـدمـع بالعـين
يجري ابدمي ثار حسين
واكَـولاً يـــاعـلــي مـن اجـذب الانـفـاس
......................................................
اريد انحب على ابن الســاجد المظلوم
كَلبه من الجره ابطف كربــلـه مـالوم
على حسين واخوته وكل هله مهضوم
ودمعه اعله الوجه طعنة رمح مرسوم
حِجه وبينهه جلماته
حُسين آخذهه ثاراته
واكَولاً ياعلي من اجذب الانفاس
.......................................................
ياثـــار السبـط واهله ومصـايبهم
ورسول الله محمد بالنســب جدهم
الظلمو جدي آخذ ثاري من عدهم
بذو الفقار سيف اجدادي مصرعهم
وعندي ابهالامر راده
اعيــد الحيـدر امجـاده
واكَولا ياعلي من اجذب الانفاس
......................................................
نِدب لبيك ابو الاكـبــر يـمـاي العيـن
إلك ترخص ركَبتي ودمعتي يحسين
تضحيتي إلـك والـصــاحـب الجفيـن
ولو كلــشـي نطيـتك ما أوافي الدين
راح اهجم على الكوفه
عندي الغيره معروفه
واكّولاً ياعلي من اجذب الانفاس
.......................................................
عظيم امصاب زيد وهمه بعد اعظم
جرحه ابكَلبه ماينفـعـله اي مـرهـم
بحـزام الـكَـمـر شــد ظهـره واتحزم
وعلى الكوفه ابجيوش السِندِته اتقدم
اريداً يهتف ابها الناس
ثــار حسـيـن والعبـاس
واكَولاً ياعلي من اجذب الانفس
.......................................................
انغدر زيد ابفعال اهل الحقد والزور
والعدهــم سقـيـفة جـدهــم الدستور
صابو جبهته ابسهم الغدر والجور
وحركو جثته ابجمرة خيم عاشور
ابـــد مــا ينـحـمـل يـومه
جروحي ابذكره ملجومه
واكَولاَ ياعلي من اجذب الانفاس
الشاعر ياسر العارضي
استشهاد الامام الحسن( عليه السلام )
مسموم الحسن ... مسموم الحسن
والعقيده اتألمت بمصابه
............................
كل نبي يموت الرساله تبقه بعده ابمشكله
الحسن لجل العقيده انطه عمره ومنزله
والكرم محتاج منه يبقه حته ايكمله
من يروح الجوع يكثر والفقير المنهو اله
والجان الوطن .... والجان الوطن
صعب كلش من يروح اغيابه
مسموم الحسن .... مسموم الحسن
والعقيده اتألمت بمصابه
............................
حاربو نهجه الاعادي ومارضو نوره يشع
بالخيانه وخنجر الهم نابت ابصف الضلع
جيشه باع الدين يَمه والحسن باصعب وضع
واضطراري الصلح عنده يحفظ الدم بالمنِع
عالائمه ائتمن .... عالأئمه ائتمن
ونار ألهم تسعر ولهابه
مسموم الحسن .... مسموم الحسن
والعقيده اتألمت بمصابه
............................
سال دمه من غدرهم مثل ما هَم دمعته
جرت لمصايب زمانه وخنكَه تكتل غربته
صاح بيهم هاي فتنه بس الاغلب رفضته
واليسمعونه ابفعلهم جن ولا هم سِمعِته
واعيونه البجن .... واعيونه البجن
عالشريعه الحاربوهه اصحابه
مسموم الحسن .... مسموم الحسن
والعقيده اتألمت بمصابه
............................
جعده بنت الاشعث اكثر عدو حقق هالأمر
بالسِم اتكَطع ابجبده وانتهه ابلوعه العمر
من ابوهه ومن اخوههه ومن فعلهه تنتظر
تسكن اقصور الاعادي وتشرب وياهم خمر
عبّاد الوثن .... عبّاد الوثن
سمموو والموت حط ابابه
مسموم الحسن .... مسموم الحسن
والعقيده اتألمت بمصابه
............................
كَضه عمره بالكرامه وجفه ينطي بالطلب
يلزم اتراب ابجفوفه يحوله الناسه ذهب
هذا مو شي وارد ابالغ وابد ماعندي عَجب
كن يقُل للشيء ربه وّ يَكون اله السبب
واسبابه الحسن ... واسبابه الحسن
نيته بيضه يخدم الطلابه
مسموم الحسن .... مسموم الحسن
والعقيده اتألمت بمصابه
الشاعر ياسر العارضي
مسموم الحسن ... مسموم الحسن
والعقيده اتألمت بمصابه
............................
كل نبي يموت الرساله تبقه بعده ابمشكله
الحسن لجل العقيده انطه عمره ومنزله
والكرم محتاج منه يبقه حته ايكمله
من يروح الجوع يكثر والفقير المنهو اله
والجان الوطن .... والجان الوطن
صعب كلش من يروح اغيابه
مسموم الحسن .... مسموم الحسن
والعقيده اتألمت بمصابه
............................
حاربو نهجه الاعادي ومارضو نوره يشع
بالخيانه وخنجر الهم نابت ابصف الضلع
جيشه باع الدين يَمه والحسن باصعب وضع
واضطراري الصلح عنده يحفظ الدم بالمنِع
عالائمه ائتمن .... عالأئمه ائتمن
ونار ألهم تسعر ولهابه
مسموم الحسن .... مسموم الحسن
والعقيده اتألمت بمصابه
............................
سال دمه من غدرهم مثل ما هَم دمعته
جرت لمصايب زمانه وخنكَه تكتل غربته
صاح بيهم هاي فتنه بس الاغلب رفضته
واليسمعونه ابفعلهم جن ولا هم سِمعِته
واعيونه البجن .... واعيونه البجن
عالشريعه الحاربوهه اصحابه
مسموم الحسن .... مسموم الحسن
والعقيده اتألمت بمصابه
............................
جعده بنت الاشعث اكثر عدو حقق هالأمر
بالسِم اتكَطع ابجبده وانتهه ابلوعه العمر
من ابوهه ومن اخوههه ومن فعلهه تنتظر
تسكن اقصور الاعادي وتشرب وياهم خمر
عبّاد الوثن .... عبّاد الوثن
سمموو والموت حط ابابه
مسموم الحسن .... مسموم الحسن
والعقيده اتألمت بمصابه
............................
كَضه عمره بالكرامه وجفه ينطي بالطلب
يلزم اتراب ابجفوفه يحوله الناسه ذهب
هذا مو شي وارد ابالغ وابد ماعندي عَجب
كن يقُل للشيء ربه وّ يَكون اله السبب
واسبابه الحسن ... واسبابه الحسن
نيته بيضه يخدم الطلابه
مسموم الحسن .... مسموم الحسن
والعقيده اتألمت بمصابه
الشاعر ياسر العارضي
موشح نجفي للامام الحسن المجتبى ع
يالحسن باب المضيف وعتبته
ماكو خطار انتظرهه فتحته
.............................
عادت اليكَصد لبيت اهل الكرم
يطرق الباب وسمع جلمة نَعَم
وانت بابك ماتسده ولا خَدم
عندك وانت اليخدمه صحبته
.............................
كعدتك بالباب تنتظره اليمر
والجفوف من الكرم صارن سمر
خلص عمرك بالمضيف وتنتظر
فرحة الخطار ساعة جيته
.............................
لا تدور صيت لا مال وذهب
بالكرم وجه الله رايد هالسبب
كبل ما سائل يسولف بالطلب
اتكرمه واكثر ما يريد ابطلبته
.............................
يبو محمد وانت تدري بهالامر
بس جفن واعمال تمشي للقبر
والكريم العاش ماراد العمر
هذا دنيه واخره انحب عشرته
.............................
ياحسافه ايحاربوك اهل الرجس
بدل ميوافوك لعمالك أمس
سمموك الجانو اضعاف النفِس
وانت زادك بالبطون الخانته
.............................
جبدك اتفتت يمسموم بألم
عمرك ابسِم ياحسافات انختم
ولاكو واحد منهم ايحس بالندم
كلهم السموك ذكرك ضدته
.............................
بروحك الفاضت لوجه الله ومشت
جم ألم واحزان عالفقره البقت
واليتامه بعدك انت اتيتمت
جا ابوهم انت من دم طيبته
.............................
حسين ينظر فكَدك ابلوعه وجرِح
يبجي لفراكَك يبو ملكَه السمِح
شال نعشك والتوه الطوله رمح
وتوكع اعله الكَاع من دم دمعته
.............................
مارضو بارض المدينه تندفن
وبسهام ارموك نحجيهه ابحزن
كل سهم بالنعش واصل للمتن
وانت ميت والاعادي جرحته
.............................
وانت الموصيهم ابحقن الدمه
ماكَدر عباس يجدح صارمه
جان يكَطعهه الرؤوس المجرمه
وبالمدينه اتصير غصبن دفنته
الشاعر ياسر العارضي
يالحسن باب المضيف وعتبته
ماكو خطار انتظرهه فتحته
.............................
عادت اليكَصد لبيت اهل الكرم
يطرق الباب وسمع جلمة نَعَم
وانت بابك ماتسده ولا خَدم
عندك وانت اليخدمه صحبته
.............................
كعدتك بالباب تنتظره اليمر
والجفوف من الكرم صارن سمر
خلص عمرك بالمضيف وتنتظر
فرحة الخطار ساعة جيته
.............................
لا تدور صيت لا مال وذهب
بالكرم وجه الله رايد هالسبب
كبل ما سائل يسولف بالطلب
اتكرمه واكثر ما يريد ابطلبته
.............................
يبو محمد وانت تدري بهالامر
بس جفن واعمال تمشي للقبر
والكريم العاش ماراد العمر
هذا دنيه واخره انحب عشرته
.............................
ياحسافه ايحاربوك اهل الرجس
بدل ميوافوك لعمالك أمس
سمموك الجانو اضعاف النفِس
وانت زادك بالبطون الخانته
.............................
جبدك اتفتت يمسموم بألم
عمرك ابسِم ياحسافات انختم
ولاكو واحد منهم ايحس بالندم
كلهم السموك ذكرك ضدته
.............................
بروحك الفاضت لوجه الله ومشت
جم ألم واحزان عالفقره البقت
واليتامه بعدك انت اتيتمت
جا ابوهم انت من دم طيبته
.............................
حسين ينظر فكَدك ابلوعه وجرِح
يبجي لفراكَك يبو ملكَه السمِح
شال نعشك والتوه الطوله رمح
وتوكع اعله الكَاع من دم دمعته
.............................
مارضو بارض المدينه تندفن
وبسهام ارموك نحجيهه ابحزن
كل سهم بالنعش واصل للمتن
وانت ميت والاعادي جرحته
.............................
وانت الموصيهم ابحقن الدمه
ماكَدر عباس يجدح صارمه
جان يكَطعهه الرؤوس المجرمه
وبالمدينه اتصير غصبن دفنته
الشاعر ياسر العارضي
اويلاه على الحسن
اويلاه على الحسن
.............
ممرود جبده ابلاذنب اويلاه على الحسن
وانفاسه كَوه تنجذب اويلاه على الحسن
حقه من ادينه ينسلب اويلاه على الحسن
من كَوم عباد الوثن
اويلاه على الحسن
..............
روحه الامينه الطاهره اويلاه على الحسن
من الحصل متمرمره اويلاه على الحسن
مكسور حيله وخاطره اويلاه على الحسن
وعيونه بالسم غمضن
اويلاه على الحسن
............
وصه الحسن بوصيته اويلاه على الحسن
للقاسم ابنه وهيبته اويلاه على الحسن
وبالحسين اوصييته اويلاه على الحسن
من يحدي باجر بالضعن
اويلاه على الحسن
...........
شويه ودنه من الأجل اويلاه على الحسن
مسموم ابن خير العمل اويلاه على الحسن
وتبقه اليتامه بلا أهل اويلاه على الحسن
جان الهم اكثر من وطن
اويلاه على الحسن
.........
يم جده رفضو دفنته اويلاه على الحسن
بسهام صابو جثته اويلاه على الحسن
آه شكبرهه مصيبته اويلاه على الحسن
مصيوب جسمه واندفن
اويلاه على الحسن
ياسر العارضي
اويلاه على الحسن
.............
ممرود جبده ابلاذنب اويلاه على الحسن
وانفاسه كَوه تنجذب اويلاه على الحسن
حقه من ادينه ينسلب اويلاه على الحسن
من كَوم عباد الوثن
اويلاه على الحسن
..............
روحه الامينه الطاهره اويلاه على الحسن
من الحصل متمرمره اويلاه على الحسن
مكسور حيله وخاطره اويلاه على الحسن
وعيونه بالسم غمضن
اويلاه على الحسن
............
وصه الحسن بوصيته اويلاه على الحسن
للقاسم ابنه وهيبته اويلاه على الحسن
وبالحسين اوصييته اويلاه على الحسن
من يحدي باجر بالضعن
اويلاه على الحسن
...........
شويه ودنه من الأجل اويلاه على الحسن
مسموم ابن خير العمل اويلاه على الحسن
وتبقه اليتامه بلا أهل اويلاه على الحسن
جان الهم اكثر من وطن
اويلاه على الحسن
.........
يم جده رفضو دفنته اويلاه على الحسن
بسهام صابو جثته اويلاه على الحسن
آه شكبرهه مصيبته اويلاه على الحسن
مصيوب جسمه واندفن
اويلاه على الحسن
ياسر العارضي