قصائد منبرية لشهري محرم الحرام وصفر الخير
محرم ١٤٤٧
قصائد اساسية +نزلات +زنجيل +شوط كربلائي +موشح نجفي +ابوذيات
الشاعر ياسر العارضي
الرابط 👇👇👇
https://www.tg-me.com/yasralardy
محرم ١٤٤٧
قصائد اساسية +نزلات +زنجيل +شوط كربلائي +موشح نجفي +ابوذيات
الشاعر ياسر العارضي
الرابط 👇👇👇
https://www.tg-me.com/yasralardy
قصيدة الهلال
يحسين الك هذا الدمع وي طلعة اهلالك
يجري وبده عام الحزن وانهضمت ارجالك
من للسمه للثره
بالدنيا والاخره
يجري وبده عام الحزن وانهضمت ارجالك
..................
ذوله الرجال اهل العزه وي ما يهل محرم
تبجيلك ارواح ابدمع اكثر بعد من الدم
هلال ابسمه ودمعه ابجفن صوت البجي بالمأتم
ايامك وصوت الحزن من كل وفي يتألم
قوس الهلال اعله الظهر
جن مو على اسماهه
كل شايب ايتعبه الحدَب
بس هيه تتباهه
شيعتك متفاخره
بالدنيا والاخره
يجري وبده عام الحزن وانهضمت ارجالك
..................
كل خادم ابشهرك بده يلبس ثيابه السوده
وايلف غترته ابهامته جن بس الك معكَوده
هاي المواكب تنُصب كل موكب ومجهوده
اذن اذان اهل الجرح لمتنه هالمريوده
نصطف جماعه باللطم
مأمومك العادل
اجمل اذا طال العزه
عكس الصلاه باطل
والخادم اتبشره
بالدنيا والاخره
يجري وبده عام الحزن وانهضمت ارجالك
..................
لو شافو اهلالك يهل حيرتهم اكبر حيره
يردونه يومك مو امس يا ليتنا تفسيره
مو مستتر حزنك تره ظاهر بقه تقديره
واعرابك اتضل للأبد مرفوع باعظم سيره
والدنيه لو ما كربلا
ديره وبلا وادم
عطشانه لهفه كل الك
يازمزم الخادم
ويابخت كل منبره
بالدنيا والاخره
يجري وبده عام الحزن وانهضمت ارجالك
..................
يحسين ابد ما تنسي وامحرمك ما يكفي
جمره ابكَلب كل شيعتك شهرين ابد ماتشفي
صح كربله كل الارض عاشورك المامنفي
بس هالحزن ماينتهي وكل السنه مامخفي
نهج الوفاء ابقصتك
والكل كَلب راحه
اول حزن يحيي أمم
والدمعه مفتاحه
وابعلمك التنشره
بالدنيا والاخره
يجري وبده عام الحزن وانهضمت ارجالك
..................
هذا الاقل من الوفه من تنحيي ايامك
ميسد فعل كل الخدم قطرة دمع لايتامك
ماطاح بالطف هالعلم يالحافظ انت اسلامك
ابكل موكب ابكل الارض مرفوعه تبقه اعلامك
وترفرف اشما هب هوه
رغما على العاذل
طايح باراضي نينوى
ومنتصر عالقاتل
هذا الحجي ومصدره
بالدنيا والاخره
يجري وبده عام الحزن وانهضمت ارجالك
الشاعر ياسر العارضي
يحسين الك هذا الدمع وي طلعة اهلالك
يجري وبده عام الحزن وانهضمت ارجالك
من للسمه للثره
بالدنيا والاخره
يجري وبده عام الحزن وانهضمت ارجالك
..................
ذوله الرجال اهل العزه وي ما يهل محرم
تبجيلك ارواح ابدمع اكثر بعد من الدم
هلال ابسمه ودمعه ابجفن صوت البجي بالمأتم
ايامك وصوت الحزن من كل وفي يتألم
قوس الهلال اعله الظهر
جن مو على اسماهه
كل شايب ايتعبه الحدَب
بس هيه تتباهه
شيعتك متفاخره
بالدنيا والاخره
يجري وبده عام الحزن وانهضمت ارجالك
..................
كل خادم ابشهرك بده يلبس ثيابه السوده
وايلف غترته ابهامته جن بس الك معكَوده
هاي المواكب تنُصب كل موكب ومجهوده
اذن اذان اهل الجرح لمتنه هالمريوده
نصطف جماعه باللطم
مأمومك العادل
اجمل اذا طال العزه
عكس الصلاه باطل
والخادم اتبشره
بالدنيا والاخره
يجري وبده عام الحزن وانهضمت ارجالك
..................
لو شافو اهلالك يهل حيرتهم اكبر حيره
يردونه يومك مو امس يا ليتنا تفسيره
مو مستتر حزنك تره ظاهر بقه تقديره
واعرابك اتضل للأبد مرفوع باعظم سيره
والدنيه لو ما كربلا
ديره وبلا وادم
عطشانه لهفه كل الك
يازمزم الخادم
ويابخت كل منبره
بالدنيا والاخره
يجري وبده عام الحزن وانهضمت ارجالك
..................
يحسين ابد ما تنسي وامحرمك ما يكفي
جمره ابكَلب كل شيعتك شهرين ابد ماتشفي
صح كربله كل الارض عاشورك المامنفي
بس هالحزن ماينتهي وكل السنه مامخفي
نهج الوفاء ابقصتك
والكل كَلب راحه
اول حزن يحيي أمم
والدمعه مفتاحه
وابعلمك التنشره
بالدنيا والاخره
يجري وبده عام الحزن وانهضمت ارجالك
..................
هذا الاقل من الوفه من تنحيي ايامك
ميسد فعل كل الخدم قطرة دمع لايتامك
ماطاح بالطف هالعلم يالحافظ انت اسلامك
ابكل موكب ابكل الارض مرفوعه تبقه اعلامك
وترفرف اشما هب هوه
رغما على العاذل
طايح باراضي نينوى
ومنتصر عالقاتل
هذا الحجي ومصدره
بالدنيا والاخره
يجري وبده عام الحزن وانهضمت ارجالك
الشاعر ياسر العارضي
قصيدة زنجيل هلاليه
شوط كربلائي
اهلال امحرم الليله هَل وزادت احزاني
على حسين الكَصد للطف هاجت حمره نيراني
اله ما تخمد الوَّنه
ادك والطم الضعنه
والزنجيل اله معنه
على حسين الكَصد للطف هاجت حمره نيراني
……………
شفت وكت الغروب اهلال وعلى خدي نزل دمعي
المحرم هل واجه عاشور لحسين انعلكَ شمعي
ابزنجيلي أجيت اهنا أدك والطم على ضلعي
وي الموكب اتعنيت حزين وينعرف وضعي
اريد احيي العزه الليله
على اللي منهدم حيله
وابد ما أنوي تأجيله
على حسين الكَصد للطف هاجت حمره نيراني
……………
عزائي يستمر للموت وأوَّصي اهلي يضل بعدي
وابد عن الدرب ماميل كذلك أدعي الولدي
أعز من روحي يبقه حسين وغيره والله ماعندي
اعيش احلامي جن بالطف ومن دمه الحلم وردي
وابحلمي اضل خادم
واسولف قصته للوادم
يهجم وسفه هالضالم
على حسين الكَصد للطف هاجت حمره نيراني
……………
ايام الحزن حانت واجت يهل الحزن حيهم
خل يلتم عزه الزنجيل واهل حيدر نعزيهم
خل نترك ضلام الكون نجي نتنور ابضيهم
باجر بالحشر والله نلوذ ونكَعد ابفيهم
اهل حسين ابو اليمه
عليهم تحله هاللجمه
واحدنه حجه ابهمه
على حسين الكَصد للطف هاجت حمره نيراني
……………
كل ايام ابو اليمه اساس الدين والمذهب
عزائي هيبه كون ايصير حسيني شيعي ومرتب
وابد ما أقبل الاحداث هاي بفكره تتغيب
يضل واضح شعار حسين بالدم كل زمن يُكتب
اعتقادي وهالامر واضح
اليعادي بكل زمن رايح
ويضل اللطم والصايح
على حسين الكَصد للطف هاجت حمره نيراني
……………
بهلال الحزن والصوت مني بالحزن كَّبر
هاي ايامك الحانت لبيك يبو الاكبر
يشرفني عزه الزنجيل وابوس ابشفتي المنبر
وعسه هذا العزه كل عام اشوفه بعيني من يكبر
واضل اعله العهد عمري
حسين وهالأمر ذخري
جزوع ولو طفح صبري
على حسين الكَصد للطف هاجت حمره نيراني
الشاعر ياسر العارضي
شوط كربلائي
اهلال امحرم الليله هَل وزادت احزاني
على حسين الكَصد للطف هاجت حمره نيراني
اله ما تخمد الوَّنه
ادك والطم الضعنه
والزنجيل اله معنه
على حسين الكَصد للطف هاجت حمره نيراني
……………
شفت وكت الغروب اهلال وعلى خدي نزل دمعي
المحرم هل واجه عاشور لحسين انعلكَ شمعي
ابزنجيلي أجيت اهنا أدك والطم على ضلعي
وي الموكب اتعنيت حزين وينعرف وضعي
اريد احيي العزه الليله
على اللي منهدم حيله
وابد ما أنوي تأجيله
على حسين الكَصد للطف هاجت حمره نيراني
……………
عزائي يستمر للموت وأوَّصي اهلي يضل بعدي
وابد عن الدرب ماميل كذلك أدعي الولدي
أعز من روحي يبقه حسين وغيره والله ماعندي
اعيش احلامي جن بالطف ومن دمه الحلم وردي
وابحلمي اضل خادم
واسولف قصته للوادم
يهجم وسفه هالضالم
على حسين الكَصد للطف هاجت حمره نيراني
……………
ايام الحزن حانت واجت يهل الحزن حيهم
خل يلتم عزه الزنجيل واهل حيدر نعزيهم
خل نترك ضلام الكون نجي نتنور ابضيهم
باجر بالحشر والله نلوذ ونكَعد ابفيهم
اهل حسين ابو اليمه
عليهم تحله هاللجمه
واحدنه حجه ابهمه
على حسين الكَصد للطف هاجت حمره نيراني
……………
كل ايام ابو اليمه اساس الدين والمذهب
عزائي هيبه كون ايصير حسيني شيعي ومرتب
وابد ما أقبل الاحداث هاي بفكره تتغيب
يضل واضح شعار حسين بالدم كل زمن يُكتب
اعتقادي وهالامر واضح
اليعادي بكل زمن رايح
ويضل اللطم والصايح
على حسين الكَصد للطف هاجت حمره نيراني
……………
بهلال الحزن والصوت مني بالحزن كَّبر
هاي ايامك الحانت لبيك يبو الاكبر
يشرفني عزه الزنجيل وابوس ابشفتي المنبر
وعسه هذا العزه كل عام اشوفه بعيني من يكبر
واضل اعله العهد عمري
حسين وهالأمر ذخري
جزوع ولو طفح صبري
على حسين الكَصد للطف هاجت حمره نيراني
الشاعر ياسر العارضي
ليلة الهلال
افــتـتــاحـية مـجـالـسنه
ابـذكـر حـسين ومصابه
آه يحسين ومصابه
.......................................
على حسين وعلى مصابه الدمع يهمل
ومـئـاتـمـنـه نـشـيـدهـه وأبـد مـنـمــل
وعدنه كَلوب جمره من الحزن تحمـل
أبد ماتـطفي وسـنـيـن العـمـر تـحـمـل
ونبين هـذا مـوقـفـنه
ابذكر حسين ومصابه
.........................................
اعله بو فاظل وابو الاكبر نون وانوح
وعلى الاكبر شبيه المصطفى المذبوح
اعله جبدحسين ذاك البالسهم مجروح
اعله عبدالله الرضيع المابقت بي روح
ننوح وكل الم عدنه
ابذكر حسين ومصابه
........................................
ومِشــت زيـنـب بـعـد كافلها متيسره
كَـطـيـعه اجـفـوفه ظلُ ومنكَطع نحره
مجبـوره مـشـت واخـوتـها عـالـغبره
وراس حسين الهه اعله الرمح يبره
اويه زينب هالعزاء النه
ابذكر حسين ومصابه
........................................
اعله عــرس الـقـاسم الماتمم ايـــامه
او وي نحره الشريف انذبحت احلامه
ابـريـحـانــة شـبـابـه وهــاجـت آلامـه
مِـن وحده الـحـسيـن ايـشـوفه جدامه
الـه والـعـمه مأتمنه
ابذكر حسين ومصابه
......................................
وطفل بعده ابعمر ورده انذبح مظـلـوم
انذبح عطشان كَلبه من العطش مالوم
ظل جرح اُمه من هذا الوضع ملجـوم
تهز كاروكه من تنعه ابكَلب مهضـوم
الرضيع وحاله يفجعنه
ابذكر حسين ومصابنه
الشاعر
ياسر العارضي
افــتـتــاحـية مـجـالـسنه
ابـذكـر حـسين ومصابه
آه يحسين ومصابه
.......................................
على حسين وعلى مصابه الدمع يهمل
ومـئـاتـمـنـه نـشـيـدهـه وأبـد مـنـمــل
وعدنه كَلوب جمره من الحزن تحمـل
أبد ماتـطفي وسـنـيـن العـمـر تـحـمـل
ونبين هـذا مـوقـفـنه
ابذكر حسين ومصابه
.........................................
اعله بو فاظل وابو الاكبر نون وانوح
وعلى الاكبر شبيه المصطفى المذبوح
اعله جبدحسين ذاك البالسهم مجروح
اعله عبدالله الرضيع المابقت بي روح
ننوح وكل الم عدنه
ابذكر حسين ومصابه
........................................
ومِشــت زيـنـب بـعـد كافلها متيسره
كَـطـيـعه اجـفـوفه ظلُ ومنكَطع نحره
مجبـوره مـشـت واخـوتـها عـالـغبره
وراس حسين الهه اعله الرمح يبره
اويه زينب هالعزاء النه
ابذكر حسين ومصابه
........................................
اعله عــرس الـقـاسم الماتمم ايـــامه
او وي نحره الشريف انذبحت احلامه
ابـريـحـانــة شـبـابـه وهــاجـت آلامـه
مِـن وحده الـحـسيـن ايـشـوفه جدامه
الـه والـعـمه مأتمنه
ابذكر حسين ومصابه
......................................
وطفل بعده ابعمر ورده انذبح مظـلـوم
انذبح عطشان كَلبه من العطش مالوم
ظل جرح اُمه من هذا الوضع ملجـوم
تهز كاروكه من تنعه ابكَلب مهضـوم
الرضيع وحاله يفجعنه
ابذكر حسين ومصابنه
الشاعر
ياسر العارضي
ابوذيات نعي حسينيه
عسه اهلالك يالمحرم ولاهَل
لأن بيك الزمن عطفه ولاهل
بلا كافل بقت زينب ولا اهل
وتلم ظلت يتامه الغاضريه
.....................................
ابدليل حسين ابو الأكبر يمر من
عطش وابوحده ظل اعليه يمر مَن
والاعظم سهم المثلث يمر مِن
جبده ويكَع ضامي اعله الوطيه
.....................................
ها طبهه الكَمر عباس ها لا
كَمر وعليه سحابه وجيش ها لا
اله الماي وتناشد ناس ها له؟
أله ولهله وسكَه اعدائه المنيه
......................................
المصايب ربت وي زينب من امهه
تهز كاروكهه ورادت منامهه
المصايب لون تسألهه من امهه
تكَلك زينب الحره الأبيه
......................................
لتاريخ الستر زينب ستِرهه
عنوان ولرَد غيهُم سترهى
أخبرك حين ضربوهه ستَرهه
جفهه البي ترد اسياط اميه
........................................
ابعطفه اعله الجيوش حسين منهال
عليه ردو مطر بسهام منهال
برز يوم الطفوف اهلال من هل
غيمه اداوروه جيش آل اميه
.....................................................
عــن مــاي الـفـرات حسيــــــن منـهي
وسحكَـ وسفه اعله صدره الخيل من هي (ج)
بـعـده اعـله اخـته صـاح ايـزيـد منهاي
وعِله صوته ابضحك زينب سِبيه
.....................................................
رجس ماعنده كل وجدان لاذات
يزيد ابعينه دنـيـه الـزور لاذت
تـطـبـلـه ايتام من الخوف لاذت
وره الحره العقيله الهاشميه
.....................................................
تـبـات اعــداك خـويه لاهم الهه
واملها الله آنه روحي الهي املهه
مــو دَم عيـنـي تهمل لا همِلهه
ماي اعيوني وي شوفي سويه
الشاعر ياسر العارضي
عسه اهلالك يالمحرم ولاهَل
لأن بيك الزمن عطفه ولاهل
بلا كافل بقت زينب ولا اهل
وتلم ظلت يتامه الغاضريه
.....................................
ابدليل حسين ابو الأكبر يمر من
عطش وابوحده ظل اعليه يمر مَن
والاعظم سهم المثلث يمر مِن
جبده ويكَع ضامي اعله الوطيه
.....................................
ها طبهه الكَمر عباس ها لا
كَمر وعليه سحابه وجيش ها لا
اله الماي وتناشد ناس ها له؟
أله ولهله وسكَه اعدائه المنيه
......................................
المصايب ربت وي زينب من امهه
تهز كاروكهه ورادت منامهه
المصايب لون تسألهه من امهه
تكَلك زينب الحره الأبيه
......................................
لتاريخ الستر زينب ستِرهه
عنوان ولرَد غيهُم سترهى
أخبرك حين ضربوهه ستَرهه
جفهه البي ترد اسياط اميه
........................................
ابعطفه اعله الجيوش حسين منهال
عليه ردو مطر بسهام منهال
برز يوم الطفوف اهلال من هل
غيمه اداوروه جيش آل اميه
.....................................................
عــن مــاي الـفـرات حسيــــــن منـهي
وسحكَـ وسفه اعله صدره الخيل من هي (ج)
بـعـده اعـله اخـته صـاح ايـزيـد منهاي
وعِله صوته ابضحك زينب سِبيه
.....................................................
رجس ماعنده كل وجدان لاذات
يزيد ابعينه دنـيـه الـزور لاذت
تـطـبـلـه ايتام من الخوف لاذت
وره الحره العقيله الهاشميه
.....................................................
تـبـات اعــداك خـويه لاهم الهه
واملها الله آنه روحي الهي املهه
مــو دَم عيـنـي تهمل لا همِلهه
ماي اعيوني وي شوفي سويه
الشاعر ياسر العارضي
نزلة في ليلة الهلال
عهد البقاء
نـنـعــاه مــوبـس بـمـحـرم
ابـكَـد حـسرة زيـنـب نـنـعاه
.....................................
حسين اشما نذكرهه ايامه ونـتـصور مـسـبـيه ايتامه
نلطم وانـدكَـ اعـله الهـامه ونـسـاهِـر لـيـل الـما نامه
وانشييد لمصابه المأتم
ابكَد حسرة زينب ننعاه
......................................
ضـامـي وطـاح وحـزو نحره وخيل العدوان اترض صدره
اتــولـو طبـره تـتـبـع طـبــره واثـلـثـت ايــام اعــله الغـبره
ونضحي لمصابه ونحلم
ابكَد حسرة زينب ننعاه
......................................
ذبحـوهه اخـوانـه وانصاره واتـمـنـو يـمـحـون آثــــاره
رادو ما توصــل أخـبــاره الـنـه ونـسـتـلهـمهه افكاره
وموبدروسه بس نتعلم
ابكَد حسرة زينب ننعاه
.....................................
ابـدَم عـبدالله وعـرس القاسم والاكـبر واكـثر مـن هـاشـم
ضحى وبس راد ايظل سالم ديــن الله ويـظـهـر بـي قـائم
لولاه جان الدين اتهدم
ابكَد حسرة زينب ننعاه
......................................
وحـسـيـن ايـجـود ابـأنفـاسه ويتفايض وي دمه احسـاسه
وحـده وظـل ابـلا عبــــاسه ابسيف الحاقد كَطعو راسـه
وصدره ابخيل الجيش اتهشم
ابكَد حسرة زينب ننعاه
الشاعر
ياسر العارضي
عهد البقاء
نـنـعــاه مــوبـس بـمـحـرم
ابـكَـد حـسرة زيـنـب نـنـعاه
.....................................
حسين اشما نذكرهه ايامه ونـتـصور مـسـبـيه ايتامه
نلطم وانـدكَـ اعـله الهـامه ونـسـاهِـر لـيـل الـما نامه
وانشييد لمصابه المأتم
ابكَد حسرة زينب ننعاه
......................................
ضـامـي وطـاح وحـزو نحره وخيل العدوان اترض صدره
اتــولـو طبـره تـتـبـع طـبــره واثـلـثـت ايــام اعــله الغـبره
ونضحي لمصابه ونحلم
ابكَد حسرة زينب ننعاه
......................................
ذبحـوهه اخـوانـه وانصاره واتـمـنـو يـمـحـون آثــــاره
رادو ما توصــل أخـبــاره الـنـه ونـسـتـلهـمهه افكاره
وموبدروسه بس نتعلم
ابكَد حسرة زينب ننعاه
.....................................
ابـدَم عـبدالله وعـرس القاسم والاكـبر واكـثر مـن هـاشـم
ضحى وبس راد ايظل سالم ديــن الله ويـظـهـر بـي قـائم
لولاه جان الدين اتهدم
ابكَد حسرة زينب ننعاه
......................................
وحـسـيـن ايـجـود ابـأنفـاسه ويتفايض وي دمه احسـاسه
وحـده وظـل ابـلا عبــــاسه ابسيف الحاقد كَطعو راسـه
وصدره ابخيل الجيش اتهشم
ابكَد حسرة زينب ننعاه
الشاعر
ياسر العارضي
الشاعر ياسر العارضي pinned «قصائد منبرية لشهري محرم الحرام وصفر الخير محرم ١٤٤٧ قصائد اساسية +نزلات +زنجيل +شوط كربلائي +موشح نجفي +ابوذيات الشاعر ياسر العارضي الرابط 👇👇👇 https://www.tg-me.com/yasralardy»
ليلة الخدامة
ليلة الخدام
يا عشكي ياقبل الهوه انت اغلى من روحي
يحسين اذا ما اذكرك تتزايد اجروحي
خدمتك غرامي
خدمتك أمامي
كل وجودي كل وجودي
.........................
مستفعلن مستفعلن مستفعلن مفعولن
مشتاك احس بيه النبض يبجي ابدمه شرياني
ولأجلك ابطول السنه ما فاركَت احزاني
موبس محرم هالعشك ضل عايش بوجداني
ليلة اثنين امحرمك ممزوجه وي اشجاني
واتأذه كل ما بالعطش
تتيبس اشفافي
وسفه النده ابوكتي غبش
وانت ابضمه غافي
الشِفِتك سلامي
خدمتك أمامي
كل وجودي كل وجودي
.........................
بيك اني اسولف قصتي يا كل تمام ايامي
واتمنه وياك التقي يا سيدي باحلامي
بلكي وتسولفلي اشجره من جنت بالطف ضامي
من جبدك الضامي ابسهم منصاب لجل اسلامي
واروي الحلم وي دمعتي
قصة شخص عاشك
اذكر فرس وي كلمتي
ابصدرك وِسَف ساحك
قصتك وسامي
خدمتك أمامي
كل وجودي كل وجودي
.........................
منتظرك ابعين الامس ياغايتي اشمحلاتك
ابصف خيمه واكف واستلذ من استمع كلماتك
اكتاب الله وجهك بالحرب بس حاربو آياتك
وي كل رمح من تنطعن توكَع حروف آهاتك
واتطشرت مثل الخرز
دره ابأثر دره
شيلمك الماي ابنهر
وانت ابوسط صحره
وشارتك يضامي
خدمتك أمامي
كل وجودي كل وجودي
.........................
خليني احس بشوغتك وبروحك المتعوبه
محبوبي من فدوه الك كل عاشك ومحبوبه
انت الوحيد اليعشكك يمك تطيح اذنوبه
ياوسفه غطاك الترب وانت التسلب ثوبه
ياوسفه وانشق القمر
وبساعه متشوفه
كل شق وكَع جف عالنهر
من طاحن اجفوفه
حسرتك اسامي
خدمتك أمامي
كل وجودي كل وجودي
.........................
يا أغله ماكو ايرخصك من تنعه يومك زينب
مثل امي ابجي امصيبتك اتكَبع الهه وأنحب
طين وتراب ابثوبي احط استحي من يترتب
انت البقيت اعله الارض جسمك طريح اتعذب
لطم الصدر مابي سهم
من الطم ابراحه
لا كون الي هذا الالم
نحرك وذباحه
وسيرتك ختامي
خدمتك أمامي
كل وجودي كل وجودي
الشاعر ياسر العارضي
ليلة الخدام
يا عشكي ياقبل الهوه انت اغلى من روحي
يحسين اذا ما اذكرك تتزايد اجروحي
خدمتك غرامي
خدمتك أمامي
كل وجودي كل وجودي
.........................
مستفعلن مستفعلن مستفعلن مفعولن
مشتاك احس بيه النبض يبجي ابدمه شرياني
ولأجلك ابطول السنه ما فاركَت احزاني
موبس محرم هالعشك ضل عايش بوجداني
ليلة اثنين امحرمك ممزوجه وي اشجاني
واتأذه كل ما بالعطش
تتيبس اشفافي
وسفه النده ابوكتي غبش
وانت ابضمه غافي
الشِفِتك سلامي
خدمتك أمامي
كل وجودي كل وجودي
.........................
بيك اني اسولف قصتي يا كل تمام ايامي
واتمنه وياك التقي يا سيدي باحلامي
بلكي وتسولفلي اشجره من جنت بالطف ضامي
من جبدك الضامي ابسهم منصاب لجل اسلامي
واروي الحلم وي دمعتي
قصة شخص عاشك
اذكر فرس وي كلمتي
ابصدرك وِسَف ساحك
قصتك وسامي
خدمتك أمامي
كل وجودي كل وجودي
.........................
منتظرك ابعين الامس ياغايتي اشمحلاتك
ابصف خيمه واكف واستلذ من استمع كلماتك
اكتاب الله وجهك بالحرب بس حاربو آياتك
وي كل رمح من تنطعن توكَع حروف آهاتك
واتطشرت مثل الخرز
دره ابأثر دره
شيلمك الماي ابنهر
وانت ابوسط صحره
وشارتك يضامي
خدمتك أمامي
كل وجودي كل وجودي
.........................
خليني احس بشوغتك وبروحك المتعوبه
محبوبي من فدوه الك كل عاشك ومحبوبه
انت الوحيد اليعشكك يمك تطيح اذنوبه
ياوسفه غطاك الترب وانت التسلب ثوبه
ياوسفه وانشق القمر
وبساعه متشوفه
كل شق وكَع جف عالنهر
من طاحن اجفوفه
حسرتك اسامي
خدمتك أمامي
كل وجودي كل وجودي
.........................
يا أغله ماكو ايرخصك من تنعه يومك زينب
مثل امي ابجي امصيبتك اتكَبع الهه وأنحب
طين وتراب ابثوبي احط استحي من يترتب
انت البقيت اعله الارض جسمك طريح اتعذب
لطم الصدر مابي سهم
من الطم ابراحه
لا كون الي هذا الالم
نحرك وذباحه
وسيرتك ختامي
خدمتك أمامي
كل وجودي كل وجودي
الشاعر ياسر العارضي
نزله في الخدامه
فدوه الك يحسين كل ايامي
فدوه الك يحسين كل ايامي
.............
اني خادم وافتخر بالخدمه
وابقه لازم بالفعل والكلمه
مو اخدمك والامر مافهمه
انت يحسين الهوه واشتْمَه
خدمتك دارين هاي أحلامي
فدوه الك يحسين كل ايامي
.............
كون احط بالخدمه عقلي وروحي
هيه بس هالخدمه تشفي اجروحي
وابقه اصيح حسين يامذبوحي
كون الك ابقه العمر وي نوحي
وابجي دم كل حين هذا اوسامي
فدوه الك يحسين كل ايامي
.............
لجل ذيج العائله المضلومه
اوجِر ابكٌلبي الجمر واهمومه
زينب من الماي جا محروم
ابجي والدمعه فلا ملزومه
تجري عالخدين دم عالضامي
فدوه الك يحسين كل ايامي
.............
اخدمك مولاي ما اتوانه
وتبقه روحي الكربله حزنانه
انت منهج ربنه وي قرأنه
واليعاديك ارتمه ابنيرانه
ويخسَرك يادين روح اسلامي
فدوه الك يحسين كل ايامي
.............
كون لجلك سيدي يالغالي
يبقه يلهب جمري وي دلالي
وابمحرم تختلف احوالي
جبل حزنك بيه كون وعالي
لو اعيش اسنين نبع اقلامي
فدوه الك يحسين كل ايامي
الشاعر ياسر العارضي
فدوه الك يحسين كل ايامي
فدوه الك يحسين كل ايامي
.............
اني خادم وافتخر بالخدمه
وابقه لازم بالفعل والكلمه
مو اخدمك والامر مافهمه
انت يحسين الهوه واشتْمَه
خدمتك دارين هاي أحلامي
فدوه الك يحسين كل ايامي
.............
كون احط بالخدمه عقلي وروحي
هيه بس هالخدمه تشفي اجروحي
وابقه اصيح حسين يامذبوحي
كون الك ابقه العمر وي نوحي
وابجي دم كل حين هذا اوسامي
فدوه الك يحسين كل ايامي
.............
لجل ذيج العائله المضلومه
اوجِر ابكٌلبي الجمر واهمومه
زينب من الماي جا محروم
ابجي والدمعه فلا ملزومه
تجري عالخدين دم عالضامي
فدوه الك يحسين كل ايامي
.............
اخدمك مولاي ما اتوانه
وتبقه روحي الكربله حزنانه
انت منهج ربنه وي قرأنه
واليعاديك ارتمه ابنيرانه
ويخسَرك يادين روح اسلامي
فدوه الك يحسين كل ايامي
.............
كون لجلك سيدي يالغالي
يبقه يلهب جمري وي دلالي
وابمحرم تختلف احوالي
جبل حزنك بيه كون وعالي
لو اعيش اسنين نبع اقلامي
فدوه الك يحسين كل ايامي
الشاعر ياسر العارضي
قصيدة زنجيل ليلة الخدمة
شوط كربلائي
ليلة خدمه والخدام التمو عالعهد كلهم
باقين اشتمر اسنين ماينسونه موعدهم
ابدما منهم الغايب
الوجه من الحزن شاحب
تجديد العزه واجب
باقين اشتمر السنين ماينسونه موعدهم
................
هالليلة اليخدم حسين يحضر بالعزه امحزم
بعزائه الهيئة الخدام غيور ابهيبه يتقدم
على حسين الوكَع مذبوح كَلبه المخلص اتألم
و مدارس هالعزاء ايصير كل اليحضر اتعلم
نهج حسین ابو اليمه
كل اليحضر ايفهمه
ينطي للسبط كلمه
باقين اشتمر السنين ماينسونه موعدهم
................
حضرو والبچي مسموع وال ياليتنا انسمعت
اتمنت هالخدم والله بالطف لو قبل حضرت
سعاده الطيحه يم حسين وي كل صحبته الوكَعت
هذوله انصار ابو اليمه كل الوادم الخدمت
ماعافو قضيتهم
من دم تجري دمعتهم
ابد ماتطفي شمعتهم
باقين اشتمر السنين ماينسونه موعدهم
................
عزاء حسين ابو الاكبر يتجدد ولا يخلص
وكل اليذكر الحوراء من عباس يترخص
الامام المنتظر حاضر ويسمع هالقصص تنقص
ويزود العدد بالخدام ابد ميقل ولا يخلص
هذوله الخدمو المذهب
عنهم و سفه يتغیب
عزاهم باقي وامرتب
باقين اشتمر السنين ماينسونه موعدهم
................
يذكرونه الخِدم لحسين ما ينسونه كلمن مات
يهدوله ثواب احساس من الدمعه والاهات
صاحبهم فلا منسي أهل غيره وأهل كلفات
يبجون اعله بو السجاد الهم بالنعي وكَفات
ضجه وصرخه لجل الطف
دمعهم نهر ماينشف
حلفو كلهم ابمصحف
باقين اشتمر السنين ماينسونه موعدهم
................
عليهم من غبار احزان تربة فاكَد الغالي
لبسو هالثياب السود علمهم بالسمه عالي
واحدم يكَل لحسين الترابك فدوه دلالي
يبجون بنحيب الصوت السبْط الهادي الوالي
بكَلوب الخدم غيره
وعدهم هالعزه الديره
كل عام اعله هالسيره
باقين اشتمر السنين ماينسونه موعدهم
الشاعر ياسر العارضي
شوط كربلائي
ليلة خدمه والخدام التمو عالعهد كلهم
باقين اشتمر اسنين ماينسونه موعدهم
ابدما منهم الغايب
الوجه من الحزن شاحب
تجديد العزه واجب
باقين اشتمر السنين ماينسونه موعدهم
................
هالليلة اليخدم حسين يحضر بالعزه امحزم
بعزائه الهيئة الخدام غيور ابهيبه يتقدم
على حسين الوكَع مذبوح كَلبه المخلص اتألم
و مدارس هالعزاء ايصير كل اليحضر اتعلم
نهج حسین ابو اليمه
كل اليحضر ايفهمه
ينطي للسبط كلمه
باقين اشتمر السنين ماينسونه موعدهم
................
حضرو والبچي مسموع وال ياليتنا انسمعت
اتمنت هالخدم والله بالطف لو قبل حضرت
سعاده الطيحه يم حسين وي كل صحبته الوكَعت
هذوله انصار ابو اليمه كل الوادم الخدمت
ماعافو قضيتهم
من دم تجري دمعتهم
ابد ماتطفي شمعتهم
باقين اشتمر السنين ماينسونه موعدهم
................
عزاء حسين ابو الاكبر يتجدد ولا يخلص
وكل اليذكر الحوراء من عباس يترخص
الامام المنتظر حاضر ويسمع هالقصص تنقص
ويزود العدد بالخدام ابد ميقل ولا يخلص
هذوله الخدمو المذهب
عنهم و سفه يتغیب
عزاهم باقي وامرتب
باقين اشتمر السنين ماينسونه موعدهم
................
يذكرونه الخِدم لحسين ما ينسونه كلمن مات
يهدوله ثواب احساس من الدمعه والاهات
صاحبهم فلا منسي أهل غيره وأهل كلفات
يبجون اعله بو السجاد الهم بالنعي وكَفات
ضجه وصرخه لجل الطف
دمعهم نهر ماينشف
حلفو كلهم ابمصحف
باقين اشتمر السنين ماينسونه موعدهم
................
عليهم من غبار احزان تربة فاكَد الغالي
لبسو هالثياب السود علمهم بالسمه عالي
واحدم يكَل لحسين الترابك فدوه دلالي
يبجون بنحيب الصوت السبْط الهادي الوالي
بكَلوب الخدم غيره
وعدهم هالعزه الديره
كل عام اعله هالسيره
باقين اشتمر السنين ماينسونه موعدهم
الشاعر ياسر العارضي
ليلة الخدامه
ياحسيــن شما اذكـرك يجري دمعي
تنولد حسراتي لاجلك هــــذا طــبـعي
إنــتَ نـبـراس الاُمم
شما احط بيدي القلم
تنولد حسراتي لاجلك هــــذا طــبـعي
.............................................................................
كَـلـبـي اصغـر مِـن جرح حـزنـك جبيـر
والملح من جرحي اصغر كَـلـي شيصير
مِـن يـمـر عـاشورك اني يـدري القديـر
انـعـصـر عـصـر الزجيـه وهذا المصير
من راسي ولحَد القـدم
كــل جــزء بـيـه انهدم
هذا حزني وما ابالغ هذا طبعي
.............................................................................
أذكـر انـي مـن محرم يـطـرق البــاب
تنسد بوجهه السعاده وتبجي الاحباب
ينفتحله الباب ويطب شــايــل اكـتاب
بي قصص جدا اليمه وتنزف اخضاب
بيهه صدرك منهشم
والهه جرحي ينلجم
ولو لجم جرحي مصابك هذا طبعي
...........................................................................
شلون ياحسيـن المـنـايا اتزيح الغبار
تنتصر مكَـطـوع راسـك بين الاشرار
هـذي مـعـجـزتـك يملهم كــل الاقـدار
عــنـفـوانـك بـالـشهـاده ودمـك الحار
حتى جسمك ما سِـلَم
صدرك ابخيل انهـشم
الصدرك المهشوم انوحاً هذا طبعي
......................................................................
ينـسمع صـوت الفجيعه الــكـل تـسمعـه
ابكثر ماتضوي ابليـالي الضلمه شـمعـه
قـطـعــو جـسـمـك يثائر قـطـعـه قـطـعـه
قـصـتـك بـيهه المأسي وبـيـهـه دمـعـه
بيهه أنهــــار الـقـيـم
والهضم حته انهضم
وينهضم كَلبي لمصابك هذا طبعي
.....................................................................
مصيبتك اعظم مصيبه اتذوب العيـون
ويومك يزيد الهـمــوم اعلينه ميهـون
نلطم ونخسف صدرنه انطيح المتون
ومن يطيح الدمع باجر هــذا مضمون
نبجي وبحسره والم
وابخيــال ومو وَهـَم
واني من أبجي ابمشاعر هذا طبعي
الشاعر
ياسر العارضي
ياحسيــن شما اذكـرك يجري دمعي
تنولد حسراتي لاجلك هــــذا طــبـعي
إنــتَ نـبـراس الاُمم
شما احط بيدي القلم
تنولد حسراتي لاجلك هــــذا طــبـعي
.............................................................................
كَـلـبـي اصغـر مِـن جرح حـزنـك جبيـر
والملح من جرحي اصغر كَـلـي شيصير
مِـن يـمـر عـاشورك اني يـدري القديـر
انـعـصـر عـصـر الزجيـه وهذا المصير
من راسي ولحَد القـدم
كــل جــزء بـيـه انهدم
هذا حزني وما ابالغ هذا طبعي
.............................................................................
أذكـر انـي مـن محرم يـطـرق البــاب
تنسد بوجهه السعاده وتبجي الاحباب
ينفتحله الباب ويطب شــايــل اكـتاب
بي قصص جدا اليمه وتنزف اخضاب
بيهه صدرك منهشم
والهه جرحي ينلجم
ولو لجم جرحي مصابك هذا طبعي
...........................................................................
شلون ياحسيـن المـنـايا اتزيح الغبار
تنتصر مكَـطـوع راسـك بين الاشرار
هـذي مـعـجـزتـك يملهم كــل الاقـدار
عــنـفـوانـك بـالـشهـاده ودمـك الحار
حتى جسمك ما سِـلَم
صدرك ابخيل انهـشم
الصدرك المهشوم انوحاً هذا طبعي
......................................................................
ينـسمع صـوت الفجيعه الــكـل تـسمعـه
ابكثر ماتضوي ابليـالي الضلمه شـمعـه
قـطـعــو جـسـمـك يثائر قـطـعـه قـطـعـه
قـصـتـك بـيهه المأسي وبـيـهـه دمـعـه
بيهه أنهــــار الـقـيـم
والهضم حته انهضم
وينهضم كَلبي لمصابك هذا طبعي
.....................................................................
مصيبتك اعظم مصيبه اتذوب العيـون
ويومك يزيد الهـمــوم اعلينه ميهـون
نلطم ونخسف صدرنه انطيح المتون
ومن يطيح الدمع باجر هــذا مضمون
نبجي وبحسره والم
وابخيــال ومو وَهـَم
واني من أبجي ابمشاعر هذا طبعي
الشاعر
ياسر العارضي
قصيدة في حق فاطمة العليلة (ع)
محتاجه كَعدة عائله واحبابي كلهه بكربله
ياوسفه راحو كل هلي
ياوسفه راحو كل هلي
.....................................
وكت العصر حين اليمر بيه اختنِك مِــن الهوه
عودي الذبل بعد المشو كل ساعه بالحركَه التوه
خلصت حياتي جن سجل يوم المشو عني انطوه
صحراء بيهه استوطنو كَالولي اسمهه نينوه
احساسي واني مدللـه
راح وبقيت ابمشكله
منهو اليكَلي ادللي ياوسفه راحو كل هلي
.....................................
تخنكَني وحشتهم واحس بحروف اساميهم عطش
كل ساعه باحساسي يمر يم عيني من عدهم نعش
حالي احس مثل المشت ميته وعمرهه اثمنطعش
بس انعصر ضلعي ابهجر حاديهم البيهم غبش
ولاشفته رد المنزله
تنتظره كلمة يا هله
لاردلي عباس وعلي ياوسفه راحو كل هلي
.....................................
حيلي انهدم بيه المرض ماخذلي حيلي وقوتي
انه العليله وشنتظر بفراكَ اخوتي محنتي
بالكَوه تطلع يــا بشر من البواجي كلمتي
واصرخ تعالولي ومشو محد سمعهه صرختي
وابعدت عني القافله
وانه ابأثرهم نازله
بِسْت التراب اليعتلي ياوسفه راحو كل هلي
.....................................
اربع حيـــاطين وصمت يملي الغرف بعد الاهل
كل من يعيش بهالوضع يـتـمـنـه والله الاجـــل
لا بي حسـين ولا كَـبـر يضويلي بالضلمه نزل
وكلهن خــواتي ابعدن بضعون اهل خير العمل
بالخد نهر دمعي اعتله
طحت ابمصيبه قاتله
تغلي ابوسط روحي غَلي ياوسفه راحو كل هلي
.....................................
كلتــلهم ابـيـوم المشو رجعولي من عدكم خبر
وآنه على الباب انتظر ضليت احس راح النظر
لا عمي ردلي ولا علي وعيـوني ضـلـت للسهر
جن طيراحس روحي بقت عطشانه واحتاج المطر
روحي الخيمهم راحله
كون الوكت بيهم حِله
محتاجه شبكَات الولي ياوسفه راحو كل هلي
الشاعر ياسر العارضي
محتاجه كَعدة عائله واحبابي كلهه بكربله
ياوسفه راحو كل هلي
ياوسفه راحو كل هلي
.....................................
وكت العصر حين اليمر بيه اختنِك مِــن الهوه
عودي الذبل بعد المشو كل ساعه بالحركَه التوه
خلصت حياتي جن سجل يوم المشو عني انطوه
صحراء بيهه استوطنو كَالولي اسمهه نينوه
احساسي واني مدللـه
راح وبقيت ابمشكله
منهو اليكَلي ادللي ياوسفه راحو كل هلي
.....................................
تخنكَني وحشتهم واحس بحروف اساميهم عطش
كل ساعه باحساسي يمر يم عيني من عدهم نعش
حالي احس مثل المشت ميته وعمرهه اثمنطعش
بس انعصر ضلعي ابهجر حاديهم البيهم غبش
ولاشفته رد المنزله
تنتظره كلمة يا هله
لاردلي عباس وعلي ياوسفه راحو كل هلي
.....................................
حيلي انهدم بيه المرض ماخذلي حيلي وقوتي
انه العليله وشنتظر بفراكَ اخوتي محنتي
بالكَوه تطلع يــا بشر من البواجي كلمتي
واصرخ تعالولي ومشو محد سمعهه صرختي
وابعدت عني القافله
وانه ابأثرهم نازله
بِسْت التراب اليعتلي ياوسفه راحو كل هلي
.....................................
اربع حيـــاطين وصمت يملي الغرف بعد الاهل
كل من يعيش بهالوضع يـتـمـنـه والله الاجـــل
لا بي حسـين ولا كَـبـر يضويلي بالضلمه نزل
وكلهن خــواتي ابعدن بضعون اهل خير العمل
بالخد نهر دمعي اعتله
طحت ابمصيبه قاتله
تغلي ابوسط روحي غَلي ياوسفه راحو كل هلي
.....................................
كلتــلهم ابـيـوم المشو رجعولي من عدكم خبر
وآنه على الباب انتظر ضليت احس راح النظر
لا عمي ردلي ولا علي وعيـوني ضـلـت للسهر
جن طيراحس روحي بقت عطشانه واحتاج المطر
روحي الخيمهم راحله
كون الوكت بيهم حِله
محتاجه شبكَات الولي ياوسفه راحو كل هلي
الشاعر ياسر العارضي
ليلة عزاء فاطمة العليلة (ع)
جرح العمر فكَد الاحباب
ماضل صبر يالهوه الهاب
جيب من عدهم خبر
والله مو راح النظر
ماضل صبر ماضل صبر
..............
كل مسيه اكعد واعاتب بلكي يا أهلي تعودون
ابجاه كلمن عنده ادعي جاه يحبابي تردون
خاطر الله العنده خاطر كَلبي عدكم لاتموتون
كل هوه ياخذ عتابي ما أضنكم ما تسمعون
يدري الهوه شهكتي موت
وانتم دوه جرحي اله صوت
خجل من دمعي المطر
والله مو راح النظر
ماضل صبر ماضل صبر
..............
موجرح واحد واطيبه كَد عدد خطواتي بالبيت
رايحه البابه ورجوعي جن جمر اسحك تجويت
جن احس ابروحي ديره من البواجي ابلا توابيت
المثلي كون ابحظن ابوهه مو على فراكَه تربيت
وي الاهل يحله الوكت
هسه الاجل دمعي يكت
اثنينه ابنفس الخطر
والله مو راح النظر
ماضل صبر ماضل صبر
..............
بكل صلاه دمعي ودعائي ربي يامن خالق الروح
ربي ما تاخذهه مني والله مو مليت الجروح
لشوكت وي صبري اعاني طير جني ابعشه مذبوح
من الزغر واني العليله والتمامه حملي مطروح
ياما حجي وي النسيم
اشبع بجي وجسمي سقيم
والنِفَس بيه احتظر
والله مو راح النظر
ماضل صبر ماضل صبر
.............
كَلبي نار من المصايب وانتظر طارشهم هواي
مثل ضامي ابكاع صحره من السمه يتنطر الماي
عتبة الباب الهضمتي شما اجيهه تبجي وياي
تنسحن روحي الفكَدهم بالبواجي اطحن اجلاي
واذرف دمه لا مو دمع
هالمظلمه تذوب الشمع
دمي عالوجنه عبر
والله مو راح النظر
ماضل صبر ماضل صبر
.............
بلكت يعودون وارجع كل وكت وياهم اكعد
هوه اذا مو يمي هُمه نارهُم بفادي تمرد
كل فرد من عدهم اشتم عطره كَبله يمي يكَصد
لو اخذهم موت مني بكل جزء من روحي يرقد
ريح العِلل هجر الاهل
كون الاجل صار ابعَجَل
لاشمسهم لاقمر
والله مو راح النظر
ماضل صبر ماضل صبر
الشاعر
ياسر العارضي
جرح العمر فكَد الاحباب
ماضل صبر يالهوه الهاب
جيب من عدهم خبر
والله مو راح النظر
ماضل صبر ماضل صبر
..............
كل مسيه اكعد واعاتب بلكي يا أهلي تعودون
ابجاه كلمن عنده ادعي جاه يحبابي تردون
خاطر الله العنده خاطر كَلبي عدكم لاتموتون
كل هوه ياخذ عتابي ما أضنكم ما تسمعون
يدري الهوه شهكتي موت
وانتم دوه جرحي اله صوت
خجل من دمعي المطر
والله مو راح النظر
ماضل صبر ماضل صبر
..............
موجرح واحد واطيبه كَد عدد خطواتي بالبيت
رايحه البابه ورجوعي جن جمر اسحك تجويت
جن احس ابروحي ديره من البواجي ابلا توابيت
المثلي كون ابحظن ابوهه مو على فراكَه تربيت
وي الاهل يحله الوكت
هسه الاجل دمعي يكت
اثنينه ابنفس الخطر
والله مو راح النظر
ماضل صبر ماضل صبر
..............
بكل صلاه دمعي ودعائي ربي يامن خالق الروح
ربي ما تاخذهه مني والله مو مليت الجروح
لشوكت وي صبري اعاني طير جني ابعشه مذبوح
من الزغر واني العليله والتمامه حملي مطروح
ياما حجي وي النسيم
اشبع بجي وجسمي سقيم
والنِفَس بيه احتظر
والله مو راح النظر
ماضل صبر ماضل صبر
.............
كَلبي نار من المصايب وانتظر طارشهم هواي
مثل ضامي ابكاع صحره من السمه يتنطر الماي
عتبة الباب الهضمتي شما اجيهه تبجي وياي
تنسحن روحي الفكَدهم بالبواجي اطحن اجلاي
واذرف دمه لا مو دمع
هالمظلمه تذوب الشمع
دمي عالوجنه عبر
والله مو راح النظر
ماضل صبر ماضل صبر
.............
بلكت يعودون وارجع كل وكت وياهم اكعد
هوه اذا مو يمي هُمه نارهُم بفادي تمرد
كل فرد من عدهم اشتم عطره كَبله يمي يكَصد
لو اخذهم موت مني بكل جزء من روحي يرقد
ريح العِلل هجر الاهل
كون الاجل صار ابعَجَل
لاشمسهم لاقمر
والله مو راح النظر
ماضل صبر ماضل صبر
الشاعر
ياسر العارضي
ابوذيات حسينيه نعي
يهل ما
نهر بعيوني لمصابك يهل ما
يماي الينكرك بالطف يهل ما
كل عمري اضل ابجي يهل ما
املهه اعليك دمعاتي السريه
..........
يلمنه
جنه ابيتنه وعزكم يلمنه
وجرح افراكَم هسه يلمنه
رحلتو اشلون جا وامنه يلمنه (ام البنين)
تون بجفاكم ابصبح ومسيه
...........
ون رحه الهه
بعد ما روح عدهه ون رحه الهه
مشت والونه تطحن ون رحه لهه
بعد اخوتهه بالطف ون رحه الهه
الديوان الكفر بنت الزجيه
........
حسين هلال ساطع نور ينهل
وبعطفه علينه احساس ينهل
صدك وبلا جفن وتراب ينهل
على جثته وصبح تحت الوطيه
الشاعر
ياسر العارضي
يهل ما
نهر بعيوني لمصابك يهل ما
يماي الينكرك بالطف يهل ما
كل عمري اضل ابجي يهل ما
املهه اعليك دمعاتي السريه
..........
يلمنه
جنه ابيتنه وعزكم يلمنه
وجرح افراكَم هسه يلمنه
رحلتو اشلون جا وامنه يلمنه (ام البنين)
تون بجفاكم ابصبح ومسيه
...........
ون رحه الهه
بعد ما روح عدهه ون رحه الهه
مشت والونه تطحن ون رحه لهه
بعد اخوتهه بالطف ون رحه الهه
الديوان الكفر بنت الزجيه
........
حسين هلال ساطع نور ينهل
وبعطفه علينه احساس ينهل
صدك وبلا جفن وتراب ينهل
على جثته وصبح تحت الوطيه
الشاعر
ياسر العارضي
قصيدة نزال في ليلة عزاء فاطمه العليله( ع)
فاطمه الزهراء ضلت بالمدينه
مو بس عليله مو بس عليله
باُم حسن تنقاس من كَد ما حنينه
مو بس عليله مو بس عليله
...............................................
ماخذوهه وجانت ازغيرت عمر بالهم وحيده
جرعت اعله افراكَهم مر الصبر لجل العقيده
بس هوه اعله الباب تسمع من يمر طاري نشيده
من كثر ما ونت الحسره شعُر تسمع قصيده
والكَلب من عدهه مايسكت ونينه
مو بس عليله مو بس عليله
...............................................
تشكي هم افراكَهه لأم البنين يبجن سويه
هذا ابوي اتكَلهه هذا ابني الحسين راح من اديه
كل دقيقه اتمر عليهن جن سنين جنهه المنيه
للعليله الروح تحدي بالانين للغاضريه
تشعر ابهَم زينب ولوعة سكينه
مو بس عليله مو بس عليله
...............................................
وحشه جانت دارهه ابدون الأهل من فاركَوهه
علي الاكبر الهه لو كافل يهل ويطمنوهه
تمنت ابهالحاله يوفيهه الاجل جا ما أجوهه
منهو ميت تعرف ومنهو العدل ويخبروهه
عاشت ابيت الاهل غربه وحزينه
مو بس عليله مو بس عليله
...............................................
عينهه اعله الدرب ضلت تنتظر تسأل عليهم
اتصب دمعهه اعله الوجن يوكَع جمر بس اشبديهم
اهناكه عطشانين وبحر الهجر ذبحو وليهم
يسره ويجرعون باليجري الصبر طول مشيهم
كل عمرهه ألآم أكثر من سنينه
مو بس عليله مو بس عليله
...............................................
اتخيلت رجعتهم ابلايه ولي بس الارامل
اتكَول اسمع بس بواجي من هلي فوك المحامل
بالمدينه اشراح اجاوب سائلي لو عني سائل
خاف شامت لو اكَله بس علي لدياري نازل
تعرف الشمات منتظره الضعينه
مو بس عليله مو بس عليله
الشاعر
ياسر العارضي
فاطمه الزهراء ضلت بالمدينه
مو بس عليله مو بس عليله
باُم حسن تنقاس من كَد ما حنينه
مو بس عليله مو بس عليله
...............................................
ماخذوهه وجانت ازغيرت عمر بالهم وحيده
جرعت اعله افراكَهم مر الصبر لجل العقيده
بس هوه اعله الباب تسمع من يمر طاري نشيده
من كثر ما ونت الحسره شعُر تسمع قصيده
والكَلب من عدهه مايسكت ونينه
مو بس عليله مو بس عليله
...............................................
تشكي هم افراكَهه لأم البنين يبجن سويه
هذا ابوي اتكَلهه هذا ابني الحسين راح من اديه
كل دقيقه اتمر عليهن جن سنين جنهه المنيه
للعليله الروح تحدي بالانين للغاضريه
تشعر ابهَم زينب ولوعة سكينه
مو بس عليله مو بس عليله
...............................................
وحشه جانت دارهه ابدون الأهل من فاركَوهه
علي الاكبر الهه لو كافل يهل ويطمنوهه
تمنت ابهالحاله يوفيهه الاجل جا ما أجوهه
منهو ميت تعرف ومنهو العدل ويخبروهه
عاشت ابيت الاهل غربه وحزينه
مو بس عليله مو بس عليله
...............................................
عينهه اعله الدرب ضلت تنتظر تسأل عليهم
اتصب دمعهه اعله الوجن يوكَع جمر بس اشبديهم
اهناكه عطشانين وبحر الهجر ذبحو وليهم
يسره ويجرعون باليجري الصبر طول مشيهم
كل عمرهه ألآم أكثر من سنينه
مو بس عليله مو بس عليله
...............................................
اتخيلت رجعتهم ابلايه ولي بس الارامل
اتكَول اسمع بس بواجي من هلي فوك المحامل
بالمدينه اشراح اجاوب سائلي لو عني سائل
خاف شامت لو اكَله بس علي لدياري نازل
تعرف الشمات منتظره الضعينه
مو بس عليله مو بس عليله
الشاعر
ياسر العارضي
قصيدة زنجيل فاطمة العليلة ع
شوط كربلائي
بقت بين اربعة جدران وحَّدهه وتدير العين
مريضه فاطمه ازغيره مشه عنهه ابوهه حسين
بس ام البنين الهه
بقت واتشارك ابهمهه
واعله الوَن تساعدهه
مريضه فاطمه ازغيره مشه عنهه ابوهه حسين
............
بجت وحسين ابو اليمه بجه دم اعله مبجاهه
ابوهه والحنين اشلون يحمل والله فركَاهه
بس هذا القدر يحتاج والطفله حجه اوياهه
فهمت منه هالمقصود لجل دين النبي طه
بقت بالعله مهمومه
الفكَدهم والله مهضومه
الجروح اهوايه ملجومه
مريضه فاطمه ازغيره مشه عنهه ابوهه حسين
............
بقت وياهه هَم بالدار بس ام البنين اتون
مثلهه امفاركَه لحسين الشوفة هالغيور اتحن
وحده اتكَابل الوحده الحايط يبجي من ونهن
وبهذا العزه الطيبات احنان ومنهو يمنعهن
فكَدهن مو سهل جمره
العليله اتخاطب الحره
تجرع هالأمر مرُه
مريضه فاطمه ازغيره مشه عنهه ابوهه حسين
............
تتنطر يجي مكتوب يجيبه الهه علي الاكبر
لو إلهه الكَمر عباس يرد الدارهه ويحضر
بعد هذا الغياب الطال تصبر والله ما تكَدر
وي علتهه فكَد حسين ويتحمل عطش وي حر
باهله وأربعه اخوانه
تارك داره واوطانه
ابفكرهه الطفله حيرانه
مريضه فاطمه ازغيره مشه عنهه ابوهه حسين
............
بسجدتهه الطويله اتنوح وتغفه من البجي ابسجده
طفله هاشميه وجان عمرهه من عمر ورده
سيف الفركَه جن والضيم ابكَلبهه ابلا جف ايحده
تميل من المرض والهم وغصنهه ابحايط اتسنده
العمر اصغر من الفركَه
بجيهه بالنفَس شهكَه
ابكَلبه من الجره حركَه
مريضه فاطمه ازغيره مشه عنهه ابوهه حسين
............
مضت ايام ابوهه ورَد بس طاريه للناعي
يصيح. ابكربله مقتول حسين الناصر الداعي
صاحت وسف ابوي ايروح للأمه سبط راعي
كَبل ذني العشتهن هيج ذني أكبر اوجاعي
المهه ابفكَد اهاليهه
سهم حاقد يأذيهه
راح اللي يناغيهه
مريضه فاطمه ازغيره مشه عنهه ابوهه حسين
الشاعر ياسر العارضي
شوط كربلائي
بقت بين اربعة جدران وحَّدهه وتدير العين
مريضه فاطمه ازغيره مشه عنهه ابوهه حسين
بس ام البنين الهه
بقت واتشارك ابهمهه
واعله الوَن تساعدهه
مريضه فاطمه ازغيره مشه عنهه ابوهه حسين
............
بجت وحسين ابو اليمه بجه دم اعله مبجاهه
ابوهه والحنين اشلون يحمل والله فركَاهه
بس هذا القدر يحتاج والطفله حجه اوياهه
فهمت منه هالمقصود لجل دين النبي طه
بقت بالعله مهمومه
الفكَدهم والله مهضومه
الجروح اهوايه ملجومه
مريضه فاطمه ازغيره مشه عنهه ابوهه حسين
............
بقت وياهه هَم بالدار بس ام البنين اتون
مثلهه امفاركَه لحسين الشوفة هالغيور اتحن
وحده اتكَابل الوحده الحايط يبجي من ونهن
وبهذا العزه الطيبات احنان ومنهو يمنعهن
فكَدهن مو سهل جمره
العليله اتخاطب الحره
تجرع هالأمر مرُه
مريضه فاطمه ازغيره مشه عنهه ابوهه حسين
............
تتنطر يجي مكتوب يجيبه الهه علي الاكبر
لو إلهه الكَمر عباس يرد الدارهه ويحضر
بعد هذا الغياب الطال تصبر والله ما تكَدر
وي علتهه فكَد حسين ويتحمل عطش وي حر
باهله وأربعه اخوانه
تارك داره واوطانه
ابفكرهه الطفله حيرانه
مريضه فاطمه ازغيره مشه عنهه ابوهه حسين
............
بسجدتهه الطويله اتنوح وتغفه من البجي ابسجده
طفله هاشميه وجان عمرهه من عمر ورده
سيف الفركَه جن والضيم ابكَلبهه ابلا جف ايحده
تميل من المرض والهم وغصنهه ابحايط اتسنده
العمر اصغر من الفركَه
بجيهه بالنفَس شهكَه
ابكَلبه من الجره حركَه
مريضه فاطمه ازغيره مشه عنهه ابوهه حسين
............
مضت ايام ابوهه ورَد بس طاريه للناعي
يصيح. ابكربله مقتول حسين الناصر الداعي
صاحت وسف ابوي ايروح للأمه سبط راعي
كَبل ذني العشتهن هيج ذني أكبر اوجاعي
المهه ابفكَد اهاليهه
سهم حاقد يأذيهه
راح اللي يناغيهه
مريضه فاطمه ازغيره مشه عنهه ابوهه حسين
الشاعر ياسر العارضي
قصيدة زنجيل خروج ضعن الحسين الى كربلاء
شوط كربلائي
ترك ذيج الديار الحيد عايف بيته والقِبله
مشه عن المدينه حسين اجه الطف كربله بأهله
وثبت بالطف اخيامه
يعيش بأخر ايامه
ينصر بالدم اسلامه
مشه عن المدينه حسين اجه الطف كربله بأهله
................
وكَف وسط المدينه وصاح انه طالع لجل ديني
التبعني فايز ومقتول شفيع اذنوبه يلكَيني
يقتلني يزيد ايريد لو بالكَعبه يلكَيني
ابايع مثله لا هيهات ابد ماكو ابعناويني
يحشمهم على الحمله
طلع والتتبعه قله
دربهه نينوى اندله
مشه عن المدينه حسين اجه الطف كربله بأهله
................
سار بأهله واخوانه وعدد سبعين بانصاره
واولاده الشباب اوياه ويوصل كربله اخباره
حط ابتربه بيهه احساس من جده النبي اسراره
وبعكس اتجاه الجيش حفر حفره ونفق داره
حط خطه دفاعيه
عرف بالقصه مكَضيه
القتال اهل الكراهيه
مشه عن المدينه حسين اجه الطف كربله بأهله
................
اطفال ونساء وياه حراير كلهه مستوره
ومثال الكل حجاب الكون زينب اعظم اسطوره
بعد قتل الحسين اتصير قائد تستلم دوره
جايبهه الغيور اوياه يريد الثوره معموره
ابخلود احجاية الحره
تبقه خالده الثوره
اويه خوهه وشاركت بامره
مشه عن المدينه حسين اجه الطف كربله بأهله
................
من وصلو لكَاع الموت بنه اخيامه ابو اليمه
والشوك اعله وجه الكَاع ابو الاكبر اجه لمَّه
يعرف بالحرب أطفال تسحكَه ابساعة الهجمه
وكَعد يبجي اعلحال الناس كَلبه اعله الخلك رحمه
يبجي اعله اليذبحونه
وعلى الغبره يوذرونه
ابخيل المُر يدوسونه
مشه عن المدينه حسين اجه الطف كربله بأهله
................
بعد ما تمم البنيان كَعد وي كلهم اصحابه
يكَللهم غشاكم ليل كلمن يمشي لحبابه
هذا الجيش المجيش عليه واضحه اسبابه
يريدوني ابايع ذاك الابد مو طاهر انسابه
والهم موقف الصحبه
ما تركو ابد حربه
زلم ماتو على دربه
مشه عن المدينه حسين اجه الطف كربله بأهله
الشاعر ياسر العارضي
شوط كربلائي
ترك ذيج الديار الحيد عايف بيته والقِبله
مشه عن المدينه حسين اجه الطف كربله بأهله
وثبت بالطف اخيامه
يعيش بأخر ايامه
ينصر بالدم اسلامه
مشه عن المدينه حسين اجه الطف كربله بأهله
................
وكَف وسط المدينه وصاح انه طالع لجل ديني
التبعني فايز ومقتول شفيع اذنوبه يلكَيني
يقتلني يزيد ايريد لو بالكَعبه يلكَيني
ابايع مثله لا هيهات ابد ماكو ابعناويني
يحشمهم على الحمله
طلع والتتبعه قله
دربهه نينوى اندله
مشه عن المدينه حسين اجه الطف كربله بأهله
................
سار بأهله واخوانه وعدد سبعين بانصاره
واولاده الشباب اوياه ويوصل كربله اخباره
حط ابتربه بيهه احساس من جده النبي اسراره
وبعكس اتجاه الجيش حفر حفره ونفق داره
حط خطه دفاعيه
عرف بالقصه مكَضيه
القتال اهل الكراهيه
مشه عن المدينه حسين اجه الطف كربله بأهله
................
اطفال ونساء وياه حراير كلهه مستوره
ومثال الكل حجاب الكون زينب اعظم اسطوره
بعد قتل الحسين اتصير قائد تستلم دوره
جايبهه الغيور اوياه يريد الثوره معموره
ابخلود احجاية الحره
تبقه خالده الثوره
اويه خوهه وشاركت بامره
مشه عن المدينه حسين اجه الطف كربله بأهله
................
من وصلو لكَاع الموت بنه اخيامه ابو اليمه
والشوك اعله وجه الكَاع ابو الاكبر اجه لمَّه
يعرف بالحرب أطفال تسحكَه ابساعة الهجمه
وكَعد يبجي اعلحال الناس كَلبه اعله الخلك رحمه
يبجي اعله اليذبحونه
وعلى الغبره يوذرونه
ابخيل المُر يدوسونه
مشه عن المدينه حسين اجه الطف كربله بأهله
................
بعد ما تمم البنيان كَعد وي كلهم اصحابه
يكَللهم غشاكم ليل كلمن يمشي لحبابه
هذا الجيش المجيش عليه واضحه اسبابه
يريدوني ابايع ذاك الابد مو طاهر انسابه
والهم موقف الصحبه
ما تركو ابد حربه
زلم ماتو على دربه
مشه عن المدينه حسين اجه الطف كربله بأهله
الشاعر ياسر العارضي
عزاء دخول ضعن الحسين الى كربلاء
(زينب تخاطب الحسين عليهما السلام)
ياخويه يامهجة هَلي ياللي جبتني ابمحملي
هاي الطفوف
هاذي صحاري نينوى بيهه اختلف طعم الهوه
هاي الطفوف
هاي الطفوف
....................................................
خويه أمسه هالمِسه
اعذيبي كَوه اتنفسه
خويه أمسه هالمِسه ومخنوكَه حيل
باجر لوطر الفجر
تمشي واحمل ياصبر
باجر لوطر الفجر دربي طويل
يحسين خويه الهوه بعدك ماأريده
يحسين لتخليني بدروب البعيده
واتكفل بهذا الضعن منهو يردنه للوطن
يلفيني خوف
هاي الأراضي ابلا ضوه والجرحي مابيهه دوه
يلفيني خوف
يلفيني خوف
.........................................................
غربه واكَبالي الكفر
امشي واعثر بالصبر
غربه واكَبالي الكفر وحشه الديار
بعدك انت وكافلي
همي ماضن ينجلي
بعدك انت وكافلي بكَليبي نار
واحتار من ابقه وحيده ابلايه والي
واحتار نظر عيني انتم اشكد عندي غالي
بيكم اشوفن دنيتي وابلا ضواكم محنتي
بيمن اشوف
كَلتولي دوم ادللي كل واحد انتم عين الي
بيمن اشوف
بيمن اشوف
.........................................................
حالي ما يحمل بُعِد
وادري تمشي وماترد
حالي ما يحمل بُعِد لا تمشي لا
يمي يا كل الاهل
ابقه لا يدنه الأجل
يمي يا كل الاهل في كربلا
وياي من يبقه اذا صارت منيتك
وياي كلت انتَ واجيت انه ابحميتك
الكاتبوك ابلا وفه للذبح مو للعاطفه
كلهه الصفوف
واني اعله نار اموجره مجتمعه تذبحكم تره
كلهه الصفوف
كلهه الصفوف
.........................................................
عمري من دونك وهم
بعدك عيني اتصبه دم
عمري من دونك وهم وبلا حياة
ننزل شفت ابكربله
شفتك عينك هامله
ننزل شفت ابكربله وتدري الممات
والعين ساعه اليمنتك ساعه الشمالك
والعين عن انصارك اتوقع سؤالك
سبعين مو اكثر اضِن منهو بعد كَلبه يحِن
رغم الظروف
بهاي الديار الموحشه لحظاتي يمك منعشه
رغم الظروف
رغم الظروف
.........................................................
تنعه روحك ياشهم
موتك بي عندك علم
تنعه روحك ياشهم جا وين اروح
يمك عباس الكَمر
وانتَ يا بعد النظر
يمك عباس الكَمر غيره يفوح
لتروح انتَ وياه خيام الكل خيامي
لتروح ياباقي هلي وكلهم عمامي
ومصيبتك ماتنحمل ياخيمه وتلم الشمل
يمك نطوف
كلما نشوفك ننكتب جن كعبه انتَ وننحسب
يمك نطوف
يمك نطوف
ياسر العارضي
(زينب تخاطب الحسين عليهما السلام)
ياخويه يامهجة هَلي ياللي جبتني ابمحملي
هاي الطفوف
هاذي صحاري نينوى بيهه اختلف طعم الهوه
هاي الطفوف
هاي الطفوف
....................................................
خويه أمسه هالمِسه
اعذيبي كَوه اتنفسه
خويه أمسه هالمِسه ومخنوكَه حيل
باجر لوطر الفجر
تمشي واحمل ياصبر
باجر لوطر الفجر دربي طويل
يحسين خويه الهوه بعدك ماأريده
يحسين لتخليني بدروب البعيده
واتكفل بهذا الضعن منهو يردنه للوطن
يلفيني خوف
هاي الأراضي ابلا ضوه والجرحي مابيهه دوه
يلفيني خوف
يلفيني خوف
.........................................................
غربه واكَبالي الكفر
امشي واعثر بالصبر
غربه واكَبالي الكفر وحشه الديار
بعدك انت وكافلي
همي ماضن ينجلي
بعدك انت وكافلي بكَليبي نار
واحتار من ابقه وحيده ابلايه والي
واحتار نظر عيني انتم اشكد عندي غالي
بيكم اشوفن دنيتي وابلا ضواكم محنتي
بيمن اشوف
كَلتولي دوم ادللي كل واحد انتم عين الي
بيمن اشوف
بيمن اشوف
.........................................................
حالي ما يحمل بُعِد
وادري تمشي وماترد
حالي ما يحمل بُعِد لا تمشي لا
يمي يا كل الاهل
ابقه لا يدنه الأجل
يمي يا كل الاهل في كربلا
وياي من يبقه اذا صارت منيتك
وياي كلت انتَ واجيت انه ابحميتك
الكاتبوك ابلا وفه للذبح مو للعاطفه
كلهه الصفوف
واني اعله نار اموجره مجتمعه تذبحكم تره
كلهه الصفوف
كلهه الصفوف
.........................................................
عمري من دونك وهم
بعدك عيني اتصبه دم
عمري من دونك وهم وبلا حياة
ننزل شفت ابكربله
شفتك عينك هامله
ننزل شفت ابكربله وتدري الممات
والعين ساعه اليمنتك ساعه الشمالك
والعين عن انصارك اتوقع سؤالك
سبعين مو اكثر اضِن منهو بعد كَلبه يحِن
رغم الظروف
بهاي الديار الموحشه لحظاتي يمك منعشه
رغم الظروف
رغم الظروف
.........................................................
تنعه روحك ياشهم
موتك بي عندك علم
تنعه روحك ياشهم جا وين اروح
يمك عباس الكَمر
وانتَ يا بعد النظر
يمك عباس الكَمر غيره يفوح
لتروح انتَ وياه خيام الكل خيامي
لتروح ياباقي هلي وكلهم عمامي
ومصيبتك ماتنحمل ياخيمه وتلم الشمل
يمك نطوف
كلما نشوفك ننكتب جن كعبه انتَ وننحسب
يمك نطوف
يمك نطوف
ياسر العارضي
مجلس عزاء ليلة ام البنين( ع)
اربع جهات اولادهه وهيه القطب
اتهب رياح العاتيه وتجلي الحرب
من تنتفظ
فوك الارض
اتهب رياح العاتيه وتجلي الحرب
.....................
يحتار حته الوفه من كثر ماعدهه وفه
جمار ابيض كَلبهه وكله غيره وعاطفه
طشار صارت اعادي من زلمهه المكلفه
يا نار سوده وعمت كل القلوب الواجفه
ضرمو جهنم بالاعادي ابكربله
واتصيح امهم بالمدينه ياهلا
وتسمع نبض
فوك الارض
اتهب رياح العاتيه وتجلي الحرب
.....................
مجروح كل شي ولا تسمع بالحسين انجرح
مذبوح كل مِن ولدهه او لا ابو اليمه انذبح
مبحوح صوت الدعاء ابكل حبل صوت انقرح
وايفوح عالوجنه نهرين اعله كل خد يتضح
ام البنين ومو بجيهه اعله البنين
تدعي ابدمعهه سالم ايرد الحسين
لاما تفض
فوك الارض
اتهب رياح العاتيه وتجلي الحرب
.....................
يالون مختلفه الوان ابوجهه من السهر
والكون بالعاشر احمر صاير وبين خبر
يرحون مايرجعون اولادهه اطويل السفر
ويهون عدهه اذا يبقه الحسين ابلا خطر
والزينب ايدور الوكت وترد بعد
فدوه الهه لو جانو بعد اكثر عدد
طول وعرض
فوك الارض
اتهب رياح العاتيه وتجلي الحرب
.....................
مالاح جفهه بعيد وماوصل طف الزلم
ارماح لو جانت اهناك الجبل ماينهدم
فلاح هيه وزرعهه احساسهه ابقمة فهم
واصياح سمعت بعيد من الخيام التنهدم
جم طفل وي طفله تتيه من الحرك
واتخاف اذا جتهه الخيول وتنسحك
فوك الرمض
فوك الارض
اتهب رياح العاتيه وتجلي الحرب
.....................
مهجور بيت المدينه ابنص وطن وابلا وطن
معمور حيطانه جانت زاهيه بنور السِكن
مهدور دم اهله بالطف سايل ابسيف الوثن
مجمور ام البنين اكَليبه ابطول الزمن
راحو بعد شيردهم السجه ابعدت
وسفه الوجوه الحلوه ذيج اتغيبت
ادت فرض
فوك الارض
اتهب رياح العاتيه وتجلي الحرب
الشاعر ياسر العارضي
اربع جهات اولادهه وهيه القطب
اتهب رياح العاتيه وتجلي الحرب
من تنتفظ
فوك الارض
اتهب رياح العاتيه وتجلي الحرب
.....................
يحتار حته الوفه من كثر ماعدهه وفه
جمار ابيض كَلبهه وكله غيره وعاطفه
طشار صارت اعادي من زلمهه المكلفه
يا نار سوده وعمت كل القلوب الواجفه
ضرمو جهنم بالاعادي ابكربله
واتصيح امهم بالمدينه ياهلا
وتسمع نبض
فوك الارض
اتهب رياح العاتيه وتجلي الحرب
.....................
مجروح كل شي ولا تسمع بالحسين انجرح
مذبوح كل مِن ولدهه او لا ابو اليمه انذبح
مبحوح صوت الدعاء ابكل حبل صوت انقرح
وايفوح عالوجنه نهرين اعله كل خد يتضح
ام البنين ومو بجيهه اعله البنين
تدعي ابدمعهه سالم ايرد الحسين
لاما تفض
فوك الارض
اتهب رياح العاتيه وتجلي الحرب
.....................
يالون مختلفه الوان ابوجهه من السهر
والكون بالعاشر احمر صاير وبين خبر
يرحون مايرجعون اولادهه اطويل السفر
ويهون عدهه اذا يبقه الحسين ابلا خطر
والزينب ايدور الوكت وترد بعد
فدوه الهه لو جانو بعد اكثر عدد
طول وعرض
فوك الارض
اتهب رياح العاتيه وتجلي الحرب
.....................
مالاح جفهه بعيد وماوصل طف الزلم
ارماح لو جانت اهناك الجبل ماينهدم
فلاح هيه وزرعهه احساسهه ابقمة فهم
واصياح سمعت بعيد من الخيام التنهدم
جم طفل وي طفله تتيه من الحرك
واتخاف اذا جتهه الخيول وتنسحك
فوك الرمض
فوك الارض
اتهب رياح العاتيه وتجلي الحرب
.....................
مهجور بيت المدينه ابنص وطن وابلا وطن
معمور حيطانه جانت زاهيه بنور السِكن
مهدور دم اهله بالطف سايل ابسيف الوثن
مجمور ام البنين اكَليبه ابطول الزمن
راحو بعد شيردهم السجه ابعدت
وسفه الوجوه الحلوه ذيج اتغيبت
ادت فرض
فوك الارض
اتهب رياح العاتيه وتجلي الحرب
الشاعر ياسر العارضي
نزله في ام البنين
(عليها السلام)
بدويه منهه والنعِم
والكربله جابت زلِم
.................
هاي الكلابيه ونعم بدويه
من صلب طاهر من بطن حوريه
من هيه جانت عد اهلهه ابنيه
يغلي ابدماهه المبدأ وثوريه
واختارهه ذاك الشهم
والكربله جابت زلم
.................
طاعت أئمتهه ولا خذلتهم
واولادهه ابحب الاخو ربتهم
من در طهور الاربعه غذتهم
والزينب الطف كربله ودتهم
متفهمه وعدهه عِلم
والكربله جابت زلم
.................
عاشت غيوره وطاهره وامينه
وابيت حيدر نشرت السكينه
مثل الزجيه صادقه وحنينه
ورادت يعيش ابو الاكبر سنينه
فدوه اربعه التردم ردم
والكربله جابت زلم
.................
مفجوعه بالطف عاشت ومحزونه
تتذكر حسين وركض ميمونه
صح هيه ماحضرت لجن مأمونه
تعرف يصير اللي جره اشيحجونه
جا عدهه ادراك وفهم
والكربله جابت زلم
.................
يوم ابن حذلم طب نعه بأشعاره
كالتله كلبي هذا شبت ناره
سولفلي عن حسيني شنهو اخباره
احجيلي عنه ارويحتي محتاره
منهو المثلهه بهالحجم
والكربله جابت زلم
الشاعر ياسر العارضي
(عليها السلام)
بدويه منهه والنعِم
والكربله جابت زلِم
.................
هاي الكلابيه ونعم بدويه
من صلب طاهر من بطن حوريه
من هيه جانت عد اهلهه ابنيه
يغلي ابدماهه المبدأ وثوريه
واختارهه ذاك الشهم
والكربله جابت زلم
.................
طاعت أئمتهه ولا خذلتهم
واولادهه ابحب الاخو ربتهم
من در طهور الاربعه غذتهم
والزينب الطف كربله ودتهم
متفهمه وعدهه عِلم
والكربله جابت زلم
.................
عاشت غيوره وطاهره وامينه
وابيت حيدر نشرت السكينه
مثل الزجيه صادقه وحنينه
ورادت يعيش ابو الاكبر سنينه
فدوه اربعه التردم ردم
والكربله جابت زلم
.................
مفجوعه بالطف عاشت ومحزونه
تتذكر حسين وركض ميمونه
صح هيه ماحضرت لجن مأمونه
تعرف يصير اللي جره اشيحجونه
جا عدهه ادراك وفهم
والكربله جابت زلم
.................
يوم ابن حذلم طب نعه بأشعاره
كالتله كلبي هذا شبت ناره
سولفلي عن حسيني شنهو اخباره
احجيلي عنه ارويحتي محتاره
منهو المثلهه بهالحجم
والكربله جابت زلم
الشاعر ياسر العارضي