💞💝#ትንቅንቅ💞💝

ክፍል 5⃣2⃣

አንገታቸውን ደፍተው ሳቃቸውን ገታ አደረጉት። ተመልሶ ወደ ሀይሉ እየተመለከተ "እንኳን ደህና መጣህ ሲያዩህ ከሻማ መግዣ የዘለለ ደህና ነገር ማድረግ የምትችል ትመስላለህ የሻማ መግዣ ዱቅ አድርጊ እና ስለ ራስሽ አሪፍ ድርሰት ከሽነሽ አቅርቢልን" ብሎ ፀጉሩን አሻሸው። ሀይሉ አንድም ያለው ነገር አልገባውም እዛው ባለበት ቆሞ ቀረ "አባቴ ነቃ በይ ወንድሞችሽ ናቸው እ እናንተ ተነሱ አ አዲስ እንግዳ ተቀበሉ" ሲላቸው ከተቀመጡበት ተነስተው ግማሹ የራሱን ነጠላ ጫማ አውልቆ ሲሰጠው ግማሹ የሚተኛበትን ፍራሽ እና ብርድ ልብስ አቀረቡለት ሀይሉ በግርምት መመልከቱን ቀጠለ ቀረ የሚባል ነገር በሌለበት ሽር ጉድ ሲሉ ቆይተው ወደ ነበሩበት ቦታ ተመልሰው ተቀመጡ ሀይሉ አሁንም የቆመበት ቦታ እንዳለ ነው። ወጣቱ ወደ ቦታው ሄዶ ቁጭ ካለ በኋላ ሲመለከው ሀይሉ እንደቆመ ነው ከት ብሎ ሳቀበት ሳቁ ያስደነግጣል ከሱ አልፎ የፊት ለፊት ሶስት ጥርሶቹ የሉም ሀይሉ በሱስ እና በድብድብ ያለቁትን የወጣቱን ጥርስ ሲመለከት ነገም የኔ ተስፋ ይህ ነው ምን ያህል አመታት ነው እንዲህ አይነቱ ቀፋፊ ህይወት ውስጥ የምቆየው ቀጣዩ ዕጣ ፈንታዬ ይህ ነው ሲል አሰበ። ወጣቱ በድርጊቱ ተበሳጭቶ አንተ ብሎ ጮኸበት ሀይሉ "አቤት እሺ!" ብሎ እየተደናበረ የቀረበለትን ጫማ ከተጫማ በኋላ ከአንዱ ወጣት ጎን ሄዶ ተቀመጠ የተወሰኑት መፅሀፍ ሲያነቡ የተቀሩት እጥፍጥፍ ብለው ተኝተዋል ከቤቱ አለቃ ጎን የተቀመጡት ወጣቶች በፍራሹ ላይ ክብ ሰርተው ካርታ እየተጫወቱ ነው። አለቃ ተብዬው አንዲት ብጣሽ ወረቀት እግሩ ላይ አስደግፎ የሆነ ነገር ይቸከችካል እየቆየ እስክሪብቶውን አገጩ ላይ አድርጉ ወደ ጣራው ሽቅብ እየተመለከተ ይብሰለሰላል ሀይሉ በአይኑ ሲታዘባቸው ቆይቶ አማራጭ ስላጣ ባለበት እጥፍጥፍ ብሎ ተኛ። ትርሲት እና ገሊላ እቤት እንደገቡ ከተላኩት ደብዳቤዎች መካከል ስም የሌላቸውን ሁለቱን ፖስታዎች ከፈቷቸው አንደኛውን ሲከፍቱት ገነት ለቢኒ እንድትሰጠው ብላ የላከቹ #ዶላር ሲሆን ሌላኛው ፖስታ ውስጥ ግን ተለቅ ባለ ወረቀት የተፃፈ ፅሁፍ እና በሌላ አነስ ያለ ፖስታ ውስጥ ደግሞ የATM ካርድ እስከ የሚስጢር ቁጥሩ ተመለከቱ ሁለቱም ለተወሰነ ደቂቃ አይን ለአይን ተፋጠጡ ኤቲዬሙን ገልብጠው ስሙን ሲመለከቱ #ስዮም_መሀሪ ይላል። ወድያው የተፃፈው ነገር ምን እንደሆነ ለማወቅ አይናቸውን ከወረቀቱ ላይ ሰክተው ማንበብ ቀጠሉ..................

"የኔ ሳቂታ የኔ ውብ የኔ ልጁ ገሊላ እንዴት ነሽ እኔ በጣም ደህና ነኝ አለሜ ዛሬ ይህን መልዕክት ስፅፍልሽ የመጨረሻዬ እንደሆነ ጥርጥር የለውም። ለአንድ ቀን ጠረንሽን እያሸተትኩኝ ሳላቅፍሽ እየጓጓውልሽ ያሰብኩት ሳይሳካ ፈጣሪ ቀኔን ቆጥሮ ሊወስደኝ ቀጠሮ ይዞልኛልተ የኔ ውድ ልጅ እናትሽ ነፍሷን ይማረው እና በህይወት እያለች ከኔ የወለደችሽ #የበኩር_ልጄ ነሽ እሷ በነበረችበት ጊዜ ስላንቺ ደህንነት ትነግረኝ ነበር። ፎቶዎች በፖስታ ቤቱ በኩል ትልክልኝ ነበር። ልጄ እንደ አባት አቅፌ ባላሳድግሽም ምንም እንዳይጎልብሽ የቻልኩትን ሁሉ በእናትሽ በኩል አደርግልሽ ነበር። ገሊላ አሁን #እህህ ብለሽ አድምጪኝ የምኖረው #ለንደን ውስጥ ነው ካንቺ በኋላ የወለድኳቸው ሶስት ቆነጃጂት ልጆች አሉኝ። አስተዋውቄያችሁ ቢሆን በጣም እድለኛ ነበር የምሆነው ግን አልሆነም። እነሱ በፎቶ እና በስም ያውቁሻል ከዚህ በኋላ መልክት የሚልኩልሽ እነሱ ናቸው። የሚቸግርሽን ማንኛውንም ነገር በፖስታ ቤቱ በኩል ላኪላቸው። እኔ እንደ አባት ላደርግልሽ የምችለው አንድ ነገር ብቻ ነው። አዲስ አበባ ውስጥ ባለ ሁለት መኝታ አሪፍ የተንጣለለ ቤት ገዝቼልሻለሁ። አንዳንድ ያላለቁ ነገሮች አሉ ከትልቋ ልጄ ጋር አብራቹ ትጨርሱታላቹ ላሁን ግን ትንሿ ፖስታ ውስጥ ያለውን #የATM ካርድ በፈለግሹ ልክ ጊዜው እስከሚያልቅበት ቀን ተጠቀሚበት። ልጅ እያለሽ ለዛሬሽ አስቤ የከፈትኩልሽ ቡክ ነው የተወሰነ ገንዘብ አኑሬልሻለሁ አደራ ልጄ ቀነ ገደቡ ሳያልፍ ተጠቀሚበት መቼም ቢሆን እንደምወድሽ እንዳትረሺ"።

✍ከአባትሽ->ስዮም መሀሪ

ሁለቱም አይናቸው እንባ አቅርሮዋል በዝምታ ውስጥ ብዙ ቆዩ ገሊላ "ልጄ አለኝ ሰማሹ ትርሲት? እኔኮ አባት ልጁን አቅፎ ልጄ ሲል እቀና ነበር፣ አባቴ ደረት ላይ ሆኜ መተኛት እመኝ ነበር፣ አባቴን እንዳውቀው እንድስመው እፈልግ ነበር፣" ብላ አለቀሰች። ትርሲት አብራት አነባች "ለምንድነው እናቴ አባቴን እንዳየው እንዳቅፈው ያልፈለገቹ? ለምንድነው ያልወለደኝን ሰው አባቴ ብዬ እንድኖር ያደረገችኝ? እናንተስ ቆይ እናንተስ እህቶቼ አይደላቹም? ንገሪኝ ትርሲት ንገሪኝ ይሄን ነገር ታውቂ ነበር?" ትርሲት ምላሽ ሳትሰጣት ወለሉ ላይ ወድቃ ማልቀስ ጀመረች "እኔ የማውቀው አመሀ አባቴ እንደሆነ ብቻ ነው። የማስታውሰው እግሩ ስር ወድቄ ማታ ማታ እግሩን እንደማጥበው ብቻ ነው። አልጋ ላይ አቅፎኝ ተኝቶ ኳስ እንደምናይ እንደነበረ ብቻ ነው። ታዲያ ስዮም ማነው? ንገሪኝ ትርሲት ስዮም ማነው?" አላውቅም ገሊ ብላ ስቅስቅ ብላ አለቀሰች ገሊላም አጠገቧ ሄዳ ተንበርክካ እቅፍ አደረገቻት። "ለሰው ልጅ ገንዘብ አይደለም የሚያስፈልገው ዝናና ክብርም አይደለም ሰው ነው። ፍቅር ነው የሚያስፈልገው። አባቴ ከሰጠኝ ቤት እና ገንዘብ ይልቅ ለአንድ ቀን አቅፎኝ ልጄ ብሎኝ ቢሆን ኖሮ ምን ያህል እድለኛ ነበርኩኝ ግን አልሆነም። ዛሬም የማውቀው እናንተን ነው የኔ እናትም አባትም እህትም እናንተ ብቻ ናቹ" ብላ እቅፍ አድርጋት ተላቀሱ ወድያው የቤታቸው በር ተንኳኳ..................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

አርቲስት ጸጋዬ አበጋዝ ህይወታቸው አለፈ።

ረቡኒ ፊልምን ጨምሮ በበርካታ ተወዳጅ ፊልሞች እና ትያትሮችን በመተወን አንቱታን ያተረፉት አርቲስት ጸጋዬ አበጋዝ ወይም አቦይ ዛሬ ረፋድ ህይወታቸው ማለፉን ከታድያስ አዲስ ሰምተናል።

አርቲስቱ በቅርቡ በሰይፉ በኢቤኤስ የቴሌቪዥን ሾው ላይ ቀርበው ሁለት እጃቸው አልታዘዝ እንዳላቸው፣ ህይወታቸውን ያለ ረዳት እየገፉ መሆኑን መናገራቸው ይታወሳል።

አርቲስት ጸጋዬ በሰዎች እርዳታ በአዲስ አበባ አንድ ሆቴል ይኖሩ በነበሩበት ህይወታቸው ማለፉን ሰምተናል።

ኢትዮ ኤፍ ኤም በአርቲስት ጸጋዬ አበጋዝ ህልፈተ ህይወት ማዘኑን እየገለጸ ለአርቲስቱ ለአድናቂዎች እና ቤተሰቦች የመጽናትን ይመኛል።

በሳሙኤል አባተ
ጥር 16 ቀን 2013 ዓ.ም


@yeneta27

@yefkrtera_family

💞💝#ትንቅንቅ💞💝

ክፍል5⃣3⃣

ሁለቱም ወደ በሩ ተመለከቱ በድጋሜ ተንኳኳ ትርሲት እንባዋን እየጠራረገች ልትከፍት ሄደች ከፍታ ስትመለከት ሁለት መርማሪ ፖሊሶች የደንብ ልብሳቸውን እንደለበሱ ቆመዋል ከአንገቷ ጉንበስ ብላ "ሰላም" አለቻቸው። "ሰላም ወ/ሪት ገሊላ" አሏት። "እህቷነኝ ምን ነበር?" "ለጥያቄ ስለ ምንፈልጋቹ ወደ ጣቢያ በመሄድ እንድትተባበሩን ነው" ብሎ አነስ ያለች ወረቀት ከደረት ኪሱ አውጥቶ ሰጣት ተቀብላ የገረፍ ገረፍ ንባብ ካነበበቹ በኋላ ወደ ገሊላ ዞራ ተመለከተች ገሊላ እዛው ወለሉ ላይ እንደተቀመጠች ነው መለስ ብላ "እሺ አንዴ ጠብቁኝ" ብላ ወደ ውስጥ ገባች "ገሊ ፖሊሶች ናቸው ለጥያቄ ይፈልጉናል ተነሽ እና እንሂድ" ብላ ደግፋ አነሳቻት ከአልጋው አጠገብ ያለውን ነጠላ ጫማ እንድታደርግ አጠገቧ አደረገችላት ገሊላ ምንም ሳትል ጉንጮቿ ላይ የወረዱትን እንባዎቿን ጠራርጋ ተያይዘው ወጡ። ኢንስፔክተር አለምሰገድ ቢሮው ቁጭ ብሎ በቢሮ ስልክ ወደ ኤፊ ደወለ "ሰላም ወዳጄ" "ሰላም ኢንስፔክተር እንደምን አለህ" አለሁ "አምላክ ይመስገን ምነው ጠፍተሀል ከምን ደረሳቹ አይባልም እንዴ?" "አዎ ምን ባክህ አንዱን ስትለው አንዱ ምንም አይሞላልህም ችግር ነው እባክህ" "ይገባናል ሁላችንም እሩጫ ላይ ነን እኛም ስራችንን ያለ መታከት እየሰራን ነው ነገ ግን ቢሮ መተህ ብናወራ መልካም ነው" "እሺ ኢንስፔክተር ወደ ከሰዓት አካባቢ ትኖራለህ?" "አዎ ቀን ሙሉ አለሁ በቃ ከምሳ በኋላ ብቅ በል" "እሺ ኢንስፔክተር አመሰግናለሁ" 'ምንም አይደል መልካም ቀን ይሁንልህ" ተባብለው ስልኩ ተዘጋ። ኢንስፔክተር በእንዘንጥ ወርቅ እና ጌጣጌጥ መሸጫ መደብር ላይ አጥጋቢ የሚባል ምርመራ አድርገው ተጨባጭ የሆነ ነገር ላይ ለመድረስ ጥቂት ነገሮች ብቻ ነው የቀሩት አቶ ሀይሉ ይሄን ሁሉ አመት ሲሰራ የነበረበት ሱቅ ታሽጓል የሱቁ ሰራተኛ የሆኖት ትዝታ እና ምህረት ምርመራ እንዲደረግባቸው ታስቦ በማረሚያ ቤት ይገኛሉ። ሚኪ ወደ ቤቱ ሄዶ አልጋው ላይ ጋደም ብሎ ይብከነከናል የመርሀ ግብሩ ዋና አዘጋጆች ነገሩን ቀላል አድርገውበት ቢሄዱም ለሱ ግን ሀሳባቸው አልተዋጠለትም ቢሆንም አሁንም የቤት ስራውን በእርሱ ላይ ጥለውበት ነው የሄዱት በሀሳቡ የሳላትን ፎዝያን በገፀ ባህሪ እንዲወክላት እና ፎዝያን ሆና የምትተውን ተዋናይ መልምሎ እንዲያመጣ የቤት ስራ ተሰቶታል በርግጥም ማድረግ የሚችለው ነገር ባይኖረውም ስለ ድርጁቱ የሚያውቅ ሌላ ሦስተኛ ወገን አልፈለገም ምን አልባት ጉዳዮን አሳልፈው ቢያወጡብንስ ውሸታችን በአደባባይ ቢጋለጥስ ሲል አሰበ የማይወጣው ከባድ ውጥንቅጥ ውስጥ ገባ በአንድ በኩል ከባለቤቱ ጋር መዘጋጋታቸው አስጨንቆታል የሚያማክረው ሰው ጠፋ ለማንስ ምን ብሎ ይናገረዋል የኔ የሚላቸው የቅርብ ጓደኞቹ ሳይቀር እንዲህ አይነቱን አስነዋሪ ተግባር እንደምፈፅም ካወቁ በጣም ያዝንኑበታል አገጩ ላይ ያለችውን አነስ ያለች ጢም እየጎተተ ሲያብከነክል ሳያስበው እንቅልፍ ይዞት ሄደ። እነ ትርሲት ወረዳ 9 ፓሊስ ጣቢያ ሲደርሱ አንደኛው መርማሪ የአለምሰገድን ቢሮ ከፍቶ ገብቶ ሰላምታ ከሰጠው በኋላ እነ ትርሲት መምጣታቸውን ገልፆ እንዲገቡ ፍቃድ ጠየቀው "በሚገባ አስገባቸው" አለው። በተባለው መሰረት በሩን ከፍቶ አስገባቸው አለም ሰገድ ከወንበሩ ተነስቶ ተቀበላቸው ሁለቱም እየፈሩ ወደ ውስጥ ገቡ "እባካችሁ ቁጭ በሉ እናንተን ፍለጋ ቀን ከማታ ስንለፋ ነበር" አላቸው ወደ ወንበሩ እያመለከታቸው። እሺ ብለው ወደ ተባሉት መቀመጫ ሄደው ተቀመጡ። "እሺ አመሰግናለሁ መርማሪ" ሲለው በድጋሜ ሰላምታ ሰቶ ወጣ "እሺ እንዴት ናችሁ?" ከጀርባቸው ሆኖ እየተንጉራደደ ዝም አሉት "አውሩ እንጂ በነፃነት ማውራት ትችላላቹ ማንም የሚከለክላቹ ሰው የለም። ደግሞም እኔ ያዘጋጀሁላቹ የተወሰኑ ለምርመራ የሚያግዙን ጥያቄዎች አሉ ስለዚህ ፈታ ብላቹ ያለፍራቻ ምላሽ እንድትሰጡኝ እፈልጋለሁ። ካልተሳሳትኩኝ ገሊላ ማለት አንቺ ነሽ?" አላት ጣቱን ወደሷ ቀስሮ። "አዎ እኔ ነኝ" አለቹ ለስለስ ባለ ንግግር። "መልካም እሷ ገሊላ ከሆነች አንቺ ትርሲት ነሽ ማለት ነው። ጥያቄዬን ከትርሲት ልጀምር እና ባለቤትሽ ባሁን ሰዓት የት ነው ያለ?" "አላውቅም ግን ከጓደኞቹ ጋር ነው ሊሆን የሚችለው የት ሊሆን እንደሚችል ግን አላውቅም" "ዕቃው ጠፋ የተባለ ቀን ባለቤትሽ የት ነበር?" "እናቱ ታመውበት ወደ ክፍል ሀገር ሄዶ ነበር ትላንት ነው የተመለሰው" "አንቺስ ስሞኑን እቤትሽ አልነበርሽም ገሊላን ጨምሮ የስራ ገበታዋ ላይ አልነበረችም የት እንደነበራቹ ማወቅ ይቻላል?" #እእእ አለች ትርሲት ያልጠበቀቹ ጥያቄ ስለ ነበር። "ገሊላ ፈጠን ብላ እኔ ነኝ ጭንቀት ውስጥ ስለ ነበረች ወጣ ብለን እንድንዝናና የጠየኳት ከዛ ፍቃደኛ ስለነበረች ከከተማ ወጥተን እየተዝናናን ነበር" "ኧረ! እና እንዴት ነበር?" አለ ተሽከርካሪው ወንበር ላይ ሆኖ እየተሽከረከረ። "የባለቤቴ እናት ማረፋቸውን ወድያው ስለ ነበር የሰማሁት በቀጥታ ወደ ክፍል ሀገር ሄደን ለቅሶው ሲበርድ ነው የተመለስነው" "የአቶ ኤፍሬም ዕቃ ወደ አንቺ ቤት እንዲደርስ ፎርሙን የሞላሹ አንቺ ነበርሽ? ታዲያ እቃው አንቺ ጋር አለመድረሱን ስታውቂ ለምን ቀደም ብለሽ አላሳወቅሽም?" "እንደነገርኩህ ማታ ከፀጉር ቤት ስመጣ ቤት ማንም ሰው አልነበረም ባለቤቴ ቀን ተደውሎለት ነው ወደ ክፍል ሀገር የሄደው ለኔ ቀድሞ ስላላሳወቀኝ ይመጣል ብዬ እየጠበኩኝ ነበር። ማለትም እሱ ተረክቦ ከነበረም ለማረጋገጥ ማለት ነው። "እሱ አለመረከብን እንዴት እና በምን መልኩ ሰማሽ?" "ጠዋት ላይ ደውሎልኝ ስላጋጠመው ችግር ነገረኝ እቃ ስለመረከቡም ስጠይቀው ምንም የሚያውቀው ነገር እንደሌለ እና ምንም አይነት ዕቃ እንዳልተረከበ ነው የገለፀልኝ" በጣም ጥሩ ለዛሬ የሰማሁት በቂ ነው ብሎ በር ላይ ቆሞ የሚጠብቃቸውን መርማሪ ጠራው......................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

💞💝#ትንቅንቅ💞💝

ክፍል 5⃣4⃣

በአለምሰገድ አዛዥነት ወድያው የተባለውን ይዞ መጣ ትርሲት እና ገሊላ አላመኑም አፈጠጡበት "አቶ ታደሰ እባክህ ቁጭ በል" ብሎ ወደ ወንበሩ አመለከተው እሱም እነ ትርሲትን ሲያይ ደንግጦዋል "ስላገኘውህ ደስ ብሎኛል አንዳንድ ጥያቄዎች እጠይቅሀለው ሳትፈራ ትመልስልኛለህ" ብሎ ከወንበሩ ተነሳ። ትርሲትን የጠየቃትን ጥያቄዎች ደግሞ ጠየቀው ምላሹ ትርሲትን እና ገሊላል አሳፍሮ አንገት አስደፋቸው። አለምሰገድ በእነሱ በአፍረት መሸማቀቅ የበለጠ የተደበቀ ነገር ከጀርባቸው እንዳለ ተረዳ የሰጡትን ቃል Record አድርጎ ሲጨርስ "ወደ ቤታቹ መሄድ ትችላላቹ ሌሎች ጥያቄዎች ካሉን በድጋሜ እንገናኛለን" ብሎ አመስግኖ ሸኛቸው እንደወጡ ታደሰ ኮንትራት ታክሲ ጠርቶ ወደ ቤታቸው እንዲሄዱ አደረገ ንዴቱ ፊቱ ላይ ያሳብቃል እንዴት ስለ ጉዳዩ አላውቅም የሚል ነገር አይምሮውን አስጨንቆታል ግን እቤት እስኪደርስ ምንም ማለት አልፈለገም ገሊላ ብቻቸውን እንዲያወሩ መተው ያለባት ሰዓት እንደሆነ ስለ ተሰማት "እኔ ወደ ቤት ነው የምሄደው ብቻዬን መሆን እፈልጋለሁ እናንተን ያድርሳቹ ከዛ በኋላ እኔን ያደርሰኛል" ትርሲት የታዴን ቁጣ ፈርታለች ገሊላ አብራት ከሆነች እሷን ፍራቻ ምንም ላይላት እንደሚችል አስባ ስለጨረሰች "አይሆንም ብቻሽን በዚህ ሁኔታ ውስጥ ልተውሽ አልችልም" አለቻት። "አይ ማንንም አልፈልግም ብቻዬን ተይኝ" ብላ በእጇ ግንባሯን ደገፍ አደረገቹ። ታደሰ ቆጣ ብሎ "ብቻዋን መሆን ከፈለገች እንተዋት ተይ አታስገድጃት ሹፌር ወደ 22 ንዳው እሷን አድርሰን እኛ እንመለሳለን" ብሎ መንገድ እንዲቀይር ነገረው። ትርሲት መልስም ሳትሰጠው እጆቿን ደረቷ ላይ አድርጋ ዝም አለች። በዝምታ ውስጥ እንደተዋጡ ገሊላን አድርሰው ወደ ቤታቸው ገቡ። ታደሰ ገብተው እስኪቀመጡም አልጠበቀም "ምን ስታደርጊ ነው የሰነበትሹ? የምን እቃ ነው የሰረኩት? ብሎ ጮኸባት። "መጀመሪያ ተረጋጋ ልነግርህ ነበር ግን የተገናኘነው እንኳን ትላንትና ነው ታዲያ በምን ጊዜ ልንገርህ ደሞ ነገሩ የዚህን ያህል ይከራል ብዬ አላሰብኩም ነበር ለዛ ነው" "የምን እቃ ነው ኬት ነው እሱ ያመጣሹ?" "የገሊላ ስራ አስኪያጅ ለእህቱ ሰርግ ስጦታ ሊሰጣት የገዛላት የፎቶ ፍሬም ነው እኔና ገሊላ ስለ ነበርን ያጋዛነው እቃውን እኔ እንድረከብ እና ሰርጎ ላይ ይዤለት እንድሄድ ጠየቀኝ። ችግር አለው ብዬ ስላልጠበኩኝ በሀሳቡ ተስማማው ከዛ ግን ማን እንደተረከበው እንኳን ሳናውቅ እቃው ጠፋ በቃ አንተ በሰዓቱ ስላነበርክ አንተን ጠርጥሬህ ነበር" ታደሰ ንዴቱ ፊቱ ላይ ቁልጭ ብሎ ይታያል "አሀ! ከማንም ጋር አሸሼ ገዳም ስትይልኝ ነዋ የከረምሹ #እእእ ከዛስ እራት አልጋበዘሽም? እእእ ንገሪኝ ከከተማ አውጥቶስ አላዝናናሽም?" ብሎ ከሱሪ ኪሱ ውስጥ ሶፍት አውጥቶ ፊቱ ላይ ችፍ ብሎ የወጣበትን ላቡን ጠራረገ። ትርሲት ነገሩ እንዳሰበው እንዳልሆነ ብትነግረውም ታዴ የሚቀበለው ነገር እንዳልሆነ ስለገባት "ሰውዬ ደክሞኛል ተረጋግቶ ንዴትህ ሲበርድልህ ማውራቱ ሳይሻል አይቀርም" ብላ ወደ መኝታ ቤት ገባች። ገሊላ እቤቷ ገብታ አልጋዋ ላይ ከተዘረረች በኋላ ፊቷን በትራስ ሸፍና ስቅስቅ ብላ አለቀሰች። ውስጧ ላይ የብቸኝነት ስሜት ተሰማት ከሆዳ ጀምሮ ፈንቅሎ የሚወጣ ለቅሶ አነባች። ከልካይ በሌለበት አንድ ክፍል ውስጥ ብቻዋን እየጮኸች ፈጣሪን ለምን አለች። ሁል ጊዜ ፈጣሪን እታዘባለው ትላለች። ምክንያቷ በልጁነቷ ሁለቱንም ቤተሰቦቿን ማጣቷ ነው። ሁሌ በፀሎቷ መሀል ታዝቤሀለው ትላላች። እውነት ፈጣሪን መታዘብ ይቻል ይሆን?? ዛሬ ይበልጥ የታዘበቹ ትመስላለች ለቅሶዋን ልታቆም ፈፅሞ አልቻለችም። ወድያው አባቷ የላከውን ደብዳቤ አውጥታ ደግማ ደጋግማ አነበበቹ ከአባቷ ጋር እያወራች ያለች ያህል ተሰማት። ለሦስተኛ ጊዜ ደግማ ካነበበቹ በኋላ ለምን ብላ አልጋው ላይ ወረቀቱን ጥላ በእጆቿ መደብደብ ጀመረች የተወሰነ ሰዓት አልጋውን ስትደበደብ ቆይታ የሆነ ነገር ወረቀቱ ላይ ተመለከተች አልጋው ላይ ስታስቀምጠው ገልብጣ ነበር ያስቀመጠቹ የሶስቱ ልጆቼ ስልክ እና የኢሜል አድራሻ ነው ተብሎ ሙሉ ስማቸው ተፅፎ ከጉኑ የያንዳንዳቸው ስልክ ቁጥር ከኢሜል ጋር #ጎላ ተደርጎ ተፅፎአል። ከአልጋው ላይ ፈንጠር ብላ ተነስታ ቦርሳዋ ውስጥ ያለውን ስልኳን አወጣች የመጀመሪያዋ ልጄ ተብሎ #አቦጊዳ_ስዮም ይላል። ወድያው ቁጥሯን Save አድርጋ ማህበራዊ ድረ ገፅ ላይ የለጠፈቻቸውን ፎቶዎች መመልከት ጀመረች አብዛው ፎቶ የአቦጊዳ ፎቶዎች ቢሆኑም የተወሰኑ ፎቶዎች ግን ከአንድ በእድሜ ጠና ያሉ አባት ጋር የተነሳቻቸው ፎቶዎች አሉበት ከሁለት የማይበልጥ ደግሞ መልከመልካም የሆኑ እናት ከባለቤታቸው እና ከልጆቻቸው ጋር የተነሷቸው ፎቶዎች አሉ። ገሊላ ውስጧ አባቷ ሊሆን እንደሚችል ነገራት ሳታስበው ፎቶ ፎቶውን እያየች "አባቴ" አለች። የሱን ፎቶ ብቻ ቀረብ እራቅ እያደረገች ስትመለከት ቆይታ ወደ ደረቷ ስልኩን አስጠግታ አቅፋ ማልቀስ ቀጠለች። ለደቂቃዎች ስታለቅስ ቆይታ የቤቷ በር ተንኳኳ። ልትከፍት አልፈለገችም እዛው ባለችበት እያለቀሰች ነው አሁንም ተደጋግሞ የቤቷ በር ይንኳኳል። አሁንም በዝምታ ውስጥ ናት ያቀፈቹ ስልክ ጠራ ስታየው ቢኒ ነው ድምፁን አጥፍታ አስቀመጠቹ ቢኒ በር ላይ ቆሞ ስልኳ ሲጠራ ስለ ሰማ ግራ ተጋባ ደግሞ ሲሞክር ይጠራል ግን ቀድሞ የሰማው የነበረው ድምፅ አሁን አይሰማም ውስጥ መኖሯን አልተጠራጠረም በሩን እያንኳኳ "ገሊ እኔ ነኝ ክፈቺኝ" አላት። መልስ አልሰጠችውም "ገሊ" እያለ መደብደቡን ቀጠለ ምላሽ አላገኘም ወድያው ትርሲት ጋር ደወለ ትርሲትም የስልኳን ድምፅ አጥፍታ እረፍት ለማድረግ ጋደም ብላለች። ቢኒ በጣም ተጨነቀ ገሊላ ውስጥ ሆና በሱ ላይ እንደዚህ ለምን እንደጨከነች አልገባውም ነገሮች ከብደውበታል በማያውቀው ምክንያት ቤተሰቡ በፖሊስ እየተፈለገ ነው። በማያውቀው ምክንያት እህቶቹ ጠፍተውበት ነበር። እንደ ወንድም ለእህቶቼ መከታ መሆን አልቻልኩም ከጎዳት ልጠብቃቸው ሲገባኝ ተውኳቸው እንደ አባትም ወንድምም ልሆንላቸው ሲገባ እራሴን ብቻ በማለት እህቶቼን መጠበቅ መንከባከብ አቃተኝ ብሎ አዘነ የቤቷ በራፍ ላይ ካለው ደረጃ ላይ ሄዶ ቁጭ አለ.....................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

ብጠፋም አንዴ ልታይ
👇👇

#ባዶ_አካል

የነበረኝ የለም
ያለኝ አልነበረም
ወደፊት የሚታይ አንድ ተስፋ የለም

ከሰማይ ርቀት ስንዝር ተቀምጠሽ
ና ትይኝ ጀምሯል አንቺ ተስፋ ቆርጠሽ

እኔ....ግን...

ከተውሺኝ ቦታ ነኝ ከተቀመጥኩበት
ከንፋስ ውጪ ድምፅ ከማይሰማበት
የማዕበሉ ነውጥ ፀጥ እረጭ ካለበት
የአዕዋፍ ዜማ ከማይሰማበት
ሰው ፈርቶት ቦታውን ዝር ከማይልበት
ከተውሺኝ ቦታ ነኝ ሰዎች ከሌሉበት

ለየትኛው ተስፋ....

ኖሮኝ አጣው ፍቅር ሄደሽ ላትመለሽ
ካካላዊ ስጋ ህልምነትን ዘርተሽ
በደመ ነፍስ ትንፋሽ ተስፋዬን አሟጠሽ
በላሊበላ እድሜ ቆሜ እየጠበኩሽ
ካአክሱም ርዝማኔ እጅጉን አልቄሽ
በሄድኩት ቦታ በሐሳቤ ስስልሽ
አሁንም አለሁኝ ለመውጣት ስዳክር ከትዝታው ስሸሽ

አንቺ ግን.....

ላታይ ወደኋላ ላንዴ ላይዞር ፊትሽ
የነበረኝ ጠፍቶ ያለኝንም ይዘሽ
እኔን ካለኝ መንፈስ የለኝን አውርሰሽ
ምንምን ባዶ ልብ ህይወት አልባ አድርገሽ
ሄደሻል ርቀሽ ዳግም ላትመለሽ
ራርቶ እንኳን ሆድሽ ላይዞር ከኔ ፊትሽ

እና እኔ ምን ቀረኝ
ጠፍቷል የነበረኝ
ያለኝ ወድሞ ከኔ
ተስፋ ባጣ ወኔ
አንቺን እያሰብኩኝ ሳትኖሪ ከጎኔ
ሰው ከፈራው ቦታ ያለው በምናኔ
እኔ እኮ ነኝ እኔ

ያለኝ የማይኖረኝ
የኖረኝ የሌለኝ
እኔ እኮ ነኝ

ገጣሚ ሲሳይ አሰፋ #የኔታ
06/04/12 ዓም

የምታምኚው መልክሽ ተከታይ አብዝቶ
እኔ አለው ቢልሽም
ምሽቱ ሲቃረብ ቀን የፈካ ፀሐይ ማታ
አይኖርልሽም!
✍ ካሊድ አቅሉ


@yeneta27
@yeneta27

የቀረበን ሁሉ............

የቀረበን ሁሉ ወዶን አይደለም፤ የራቀን ሁሉም ጠልቶን አይምሰለን። ቀርበው ደካማ ጎናችን አጥንተው የሚጎዱን እንዳሉ ሁሉ በአብሮነታቸው እየጎዱን ስለመሰላቸው ብቻ በአካል እርቀውን ሌት ከቀን ስለእኛ መልካም እያሰቡና እየተመኙ የሚወዱንም አይጠፉም።


@yeneta27
@yeneta27

💞💝#ትንቅንቅ💞💝

ክፍል 5⃣5⃣

ሚኪ በጠዋት ተነስቶ ወደ ባለቤቱ ደወለ ይጠራል አታነሳም #Email ላይ ገብቶ "የኔ ውድ ከምታስቢው በላይ ከባድ የሆነ ውጥረት ውስጥ ነኝ የማማክረው ሰው ያስፈልገኛል እባክሽ ስልክሽን አንሺ" ብሎ መልዕክት ተወላት እና በሹፌሩ አማካኝነት ወደ ቢሮው ሄደ። ተሽከርካሪው ወንበሩ ላይ ቁጭ ብሎ ከኮምፒውተሩ ላይ ያለፋትን መርሀ ግብሮች መከታተል ጀመረ። ምን አለ አሪፍ ልቦለድ ታሪኮች እየፃፍኩኝ አምባቢ ትውልድ መፍጠር በቻልኩኝ ኖሮ ሲል ተመኘ። በሀሳብ ከአንዱ ወደ አንዱ ሲባዝን ቆይቶ ስልኩ ጠራ ሚስቱ የደወለች መስሎት ፈጠን ብሎ ወደ ስልኩ ሲመለከት የማያውቀው ቁጥር ነው የተወሰነ ሰዓት ቁጥሩን በመመልከት ቆይቶ አነሳው "ሰላም እንዴት አረፈድክ አቶ ሚኪያስ" አለው በእድሜ ጠና ያሉ አባት ድምፅ የሚመስል። "ሰላም ይቅርታ ማን ልበል?" "እረሳሁህ ባላልከኝ! እኔ ትደውላለህ ብዬ ስጠብቅህ አይ ሚኪያስ" ብለው እንደማዘን ሲሉ "ይቅርታ አባቴ ለስራ ጉዳይ በቀን ውስጥ ብዙ ስልክ ነው የሚደወለው ምን አልባት ማንነቶን ቢነግሩኝ ላስታውሶት እችል ይሆናል" "#አይይይ ተው ተው ትላንት መጥቼ አደራ ብዬ ቢዝነስ ካርዴን ሰጥቼህ!" "#ኦኦኦ አስታወስኮት አቶ ፋሚ በጣም ይቅርታ! ከቢዝነስ ካርዱ ወደ ስልኬ አልገለበጥኩትም ነበር ለዛ ነው" "መልካም ደግመህ ካረሳኸኝ ችግር የለውም" ሚኪ ሳቅ ብሎ "በፍፁም አቶ ፋሚ ለአሁን ብቻ ይቅርታ ያድርጉልኝ" "ስቀልድህ ነው ታዲያ ከምን ደረስክ? ልጅቷን አገኘህልኝ?" "#እእእ ምን መሰሎት አቶ ፋሚ ትንሽ የቤተሰብ ጉዳይ ቢዚ አድርጎኝ ስለ እርሶ አነገርኳትም። የአንድ ሳምንት ጊዜ አለኝ ስላሉኝ ብዬ ነው ያዘገየሁቦት" "እሱስ ብዬህ ነበር ግን ነገሮችን ቶሎ ለመጨራረስ ቢፈጥንልኝ ጥሩ ነው ካላስቸገርኩህ እባክህ" "ምንም አያስቡ አቶ ፋሚ ይሄ የኛ ግዴታ ነው ነገ እደውልሎታለሁ" "እሺ እጠብቃለሁ ስልክህን መልካም ቀን ወዳጄ" "አመሰግናለሁ ለእርሶም መልካም ቀን" ተባብለው ስልኩን ዘጉት። ቢኒ ገሊላን በስንት መከራ እንድትከፍተው አድርጎ እሷ ጋር ነው ያደረው። መለስ በጠዋቱ ደውሎለት 22 የሚገኘው ካፒታል ሆቴል ተቀጣጥረዋል። ቢኒ የገሊላ ቤት 22 ስለነበር ከመለስ ቀድሞ ሻይ እየጠጣ ጠበቀው። መለስ 30ደቂቃ ቀደም ብሎ ከቦታው ሲደርስ ቢኒን ሻይ እየጠጣ ተቀምጦ ተመለከተው። በፈገግታ የተሞላ ፊት እያሳየው "በጣም ገራሚ ሰው ነህ ባክህ" ብሎ ሞቅ ያለ ሰላምታ አቀረበለት "ምንም ማድረግ አይቻልም እንደ እኔ አይነት ጎበዝ ተማሪ ሲገጥምህ" ብሎ ፈገግታውን ተጋራው። "እኔን ቀጠሮ ላይ ቀድሞኝ የተገኘ ሰው እስካሁን አላጋጠመኝም በጣም #Surprise አድርገኸኛል" ብዙ አትደነቅ እዚሁ አካባቢ ስለ ነበርኩኝ ነው እንጂ አልቀድምህም ነበር" "አትሳሳት ብዙ ጊዜ እኮ የሚያረፍዱ ሰዎች ቤታቸው ከሚሰሩበት ወይም ከሚሄዱበት ቦታ ብዙም የማይርቅ ሰዎች ናቸው። ግን ይህ ለምን የሆነ ይመስልሀል?" "ቅርብ ነኝ እደርሳለሁ ብሎ በማሰብ" "በትክክል ልክ እኔ አሁን እጄን ወዳንተ ብዘረጋ አንተን እንደምነካህ እነሱም ያሉበትን ቦታ ከቀጠርካቸው ቦታ ጋር በዚህ distance ልክ ነው የሚለኩት። አንተ ግን ዛሬ የኔን #Record በጥሰሀል እንኳን ደስ ያለህ" "አመሰግናለሁ ሙገሳው ይበቃኛል እንዳልበላሽ ደግሞ" ሲለው ሁለቱም ሳቁ አስተናጋጁ አጠገባቸው መጥቶ ቆሞ "ሳቃቹን ብጋራ እንዴት ደስ ባለኝ ነበር" ብሎ ፈገግ ሲል መለስ "ይቻላል እባክህ" ብሎ ወንበር መዘዘለት አስተናጋጁ "አመሰግናለሁ ወንድም ለጨዋታ ነው እባክህ ምን ልታዘዝ" አለው። "#እእእ ካላስቸገርኩህ ጠቆር ያለ ማኪያቶ አመጣልኝ" እሺ ብሎ ሊሄድ ሲል "እሱንም ታዘዘው እንጂ" አለው ወደ ቢኒ እየጠቆመ። "ይቅርታ ወንድሜ ምን ላምጣልህ?" "አይ አመሰግናለሁ ይሄን ልጨርስ" ይሄ እኮ አለቀ ሌላ ቀዝቀዝ ያለ ነገር ያዝ" "አይ መሌ ይበቃኛል ባይሆን አንተ የሚበላ ነገር እዘዝ" ሲለው ከእጁ ላይ ሰዓቱን ተመለከተ "ምሳ ሰዓት እየደረሰ ስለሆነ ቆየት ብለን እኖስዳለን ላሁን ማኪያቶውን ብቻ አምጣልኝ" ብሎ ሸኘው። መለስ የነ ትርሲትን የፍርድ ቤት ጉዳይ ለመያዝ ፈልጎዋል ዛሬ ቢኒን በጠዋቱ ደውሎ ሊያገኘውም የፈለገው ስለዚህ ጉዳይ ሊያማክረው ነው "ሞጌ ስልክ አያነሳም በሰላም ነው?" "አዎ ፈተና አለኝ ብሎኝ ነበር ምን አልባት ፈተና ላይ ሆኖ ይሆናል" "እንደዛ ከሆነ ጥሩ ነው ሞጌ ልክ እንደ እህቱ ነው ጠንካራ ልጅ ነው ሰርቶ በመለወጥ የሚያምን" "አዎ በተለይ ከእህቱ ጋር ከተጣላ በኋላ እራሱን መቻል እንዳለበት ገብቶታል አሁን ሌላ ሰው ሆኖዋል ሁሉንም ያደረገው ለሷ ሲል እንደሆነ ቢገባት ጥሩ ነበር" "እውነትህን ነው በጣም ጨካኝ ናት ያለሷ ማንም እንደሌለው እያወቀች በአንድ ወንድሟ ላይ መጨከኗ ልክ አይደለም" "በቅርቡ ሄጄ ስለ እውነቱ ልነግራት እና የነፍስ አባቴን ይዤ ላስለምናት አስቤያለሁ" "#ኦኦኦ የምርህን ነው?" "አዎ ሞጌ የልብ ጓደኛዬ ነው ሲጎዳ ማየት አልፈልግም እኔ እንኳን እህቶቼን ለእነዛ በጣት ለሚቆጠሩ ቀናት ከጎኔ ሳጣቸው እንዴት ነው የተጎዳሁት የእውነት ያለ ሰው ሰው ብቻውን ባዶ #የቂቤ እቃ እንደማለት ነው። ላይህን ሰው አይቶ ትልቅ ግምት የሚሰጥህ እንጂ ውስጥህን የሚያይልህ የሚረዳህ አታገኝም ለሞጌ ከእኔ ይበልጥ ዝናሽ ታስፈልገዋለች" "በጣም ልክ ነህ ቢኒ በእውነት ውስጥህን የሚነካ ንግግር ነው የተናገርከው ቀጣይ ሳምንት ሆቴላቸው ይመረቃል ከዛ በፊት ልናስታርቃቸው እና የደስታዋ ተካፋይ ሊሆን ይገባል" ብሎ አስተናጋጅ ያመጣለትን ማኪያቶ አመስግኖ ተቀበለ። "መልካም ከፈጣሪ ጋር እናሳካዋለን ታዲያ ዛሬ በጠዋቱ ምን ቢገጥምህ ነው በእግር በፈረስ የፈለከኝ?" "የመጣሁበትን ጉዳይ ትተህ የመጣህበትን ጀምረህብኝ ነዋ" "ኦኦኦ #Am_sorry እባክህ አሁን መቀጠል እንችላለን?" "ግድ የለም ይቅርታ አያስጠይቅም ያመጣኸው ሀሳብ መሬት ጠብ የሚል አይደለም። ውሀ የሚያነሳ ሀሳብ ነው መሰለን የምትሉ?" ብሎ ፈገግ ሲል "የምንለው ሳይሆን የሚባለው በሚለው ይስተካከል" አለው በድጋሜ ጮክ ብሎ ሳቀ። "አንተ ልጅ ግን ህግ ብትሞክር ሳያዋጣህ አይቀርም አሪፍ ተሟጋች ነህ እኛን ታስንቃለህ" ሲለው በድጋሜ ሁለቱም ሳቁ በል የመጣሁበትን ጉዳይ ሳትሰማ ምሳ ሰዓት ደረሰ በቃ ምሳ ትንሽ ነገር እንውሰድ እና በዛው አማክርሀለው አይሻልም?" "ደስ ይለኛል እሺ እንዘዝ?" "ሞጌን እንደውልለት እንዴ ከቻለ እንዲመጣ?" "አዎ ምን ጥያቅ አለው ቆይ እንደውም እኔ ልደውልለት ብሎ ስልኩን ከኪሱ አውጥቶ ወደ ሞገስ ጋር ደወለ.........................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

ነጠብጣብ ሐሳቦች


ሰማይ ከሚመክን ፤ይጸንስ መከራ
ያርግፍ ！ ያርግፍ！ ያርግፍ ！ መኣት እያፈራ
የ’ሣት ዛፍ ባለበት ፤ ሰደድ አያስፈራ
.............
ከሐምሌት ጋር ሞቷል፤ የማመንታት ዓለም
ከሆኑ በኋላ፤ አለመሆን የለም
ሸክም ጸጋ ሆኗል፤ ጸጋህን አትግፋ
በጠባብ ዓለም ውስጥ፤ ትከሻህን አስፋ！
............
አንድ ሕልም እንደ ጠጅ፤ እየደጋገሙ
ንግር ፤ትንቢት ሳይሆን፤ ታሪክ እያልለሙ
ተኝቶ መነሣት
አቤት ሲያቅለሸልሽ
ጌታ ሆይ አትንሣት
ነፍሴን እንቆቅልሽ
（ከስብስብ ግጥሞች）

✍በእውቀቱ ስዮም


@yeneta27
@yeneta27

🙏 ሰላም ለእናንተ ይሁን 🙏

አንድ ጥንቸል ጥዋት ተነስታ እንደሁሌው የምትበላው ለማግኘት መሽከርከር ጀመረች። ዛሬ ግን ሰፈሯ ውስጥ ያለውን ምግብ መብላት አልፈለገችም። ሌላ ፈለገች፤ ሳታውቀው ብዙ ተጓዘች፤ አሻግራ ስትመለከት በጣም የሚያምር የአትክልት ቦታ ታያለች፤ ወደ ውስጥ ለመግባት ስለፈለገች ቀረብ አለች። ቦታው በሽቦ ታጥሯል፤ ዙሪያውን አየችው ዞረችው፤ በመጨረሻም አንድ ቀዳዳ አገኘች። በደስታ ወደ ውስጥ ለመግባት ስትሞክር ለካ እሷ ወፍራም ነች፤ ቀዳዳው እያስገባትም። እሁን አንድ ነገር አሰበች።
'2 ቀን ምንም ሳልበላ ብቆይ እኮ ስልምቀንስ መግባት እችላለው' አለች።
እንዳሰብችውም 2 ቀን ምንም ሳትበላ ቆይታ ስለከሳች በዛ ቀዳዳ መግባት ቻለች። የተመፕችውን አገኘች፤ እስኪመሽ የፈለገችውን በላች፤ ጠጣች፤ አሁን ወደ ቤቷ ልትሄድ ነው። በገባችበት ቀዳዳ ለመውጣት ስትሞክር ለካ አሁን ጨምራለች (ወፍራለች) ያ ቀዳዳ ሊያሶጣት አልፈቀደም።

ያቺ መፍትሔ ማታጣው ጥንቸል አንድ ሐሳብ መጣላት። ምን ይመስላኃል?
' 2 ቀን ምንም ሳልበላ ብቆይ እኮ ስልምቀንስ መውጣት እችላለው' አለች።
እንዳሰብችውም 2 ቀን ምንም ሳትበላ ቆይታ ስለከሳች በዛ ቀዳዳ ወደ ውጪ መውጣት ቻለች። ወደ ቤቷም ሄደች።

እስቲ አንድ ጥያቄ ልጠይቃችሁ?
ይህቺ ጥንቸል ምንድ ነው ያተረፈችው? ምንም። እንዲያውም ወደ አትክልት ቦታው ከመግባቷ በፊት የነበራትን ሰውነት አጥታለች፤ 'ኪሳራ' ስትገባ በባዶ ስትወጣም በባዶ።

እኛም ወደዚህ አለም ስንመጣ ምንም ነገር ይዘን አልመጣንም። ስንሄድም ምንም ይዘን እንሄድም። ስለዚህ ሁላችንም ዛሬ ያሉን ነገሮች ብዙ ናቸው፤ 'ያለኝ ይበቃኛል' የሚል ባህሪይ እናዳብር፤ ባለን እንርካ። ያሉንን መልካም ነገሮች የማናስተውል ከሆነ የሌሉንን ነገሮች ለማግኘት ከንቱ ድካም ማሳለፋችን አይቀርም። ትርፋችን ኪሳራ እንዳይሆን!!!

@yeneta27
@yeneta27

"ሕሊና እንጂ መልክ አያስብም፡፡ አንደበት እንጂ መልክ አይናገርም፡፡ መልካምነት እንጂ መልክ ከሰው አያኖርም፡፡ ስነ ምግባር እንጂ መልክ አያስከብርም፡፡ እምነትና ፍቅር እንጂ መልክ ሞትን አያሻግርም፡፡ መልክ የላይ ማንነትን እንጂ የውስጥ ሰብእናን አይገልጥም። ፊት ቀልቶ ውስጥ ሊጠቁር፣ ውጪ አጊጦ ልብ ሊቆሽሽ ይችላል፡፡

መልካም ስብዕናን ያላብሰን፡፡

@yeneta27
@yeneta27

💞💝#ትንቅንቅ💞💝

ክፍል 5⃣6⃣

"ወዬ ቢኒ እንዴት አረፈድክ?" "ይመስገን እንዴት ነህ?" "ደህና ነኝ ጠዋት የሚቀሰቅሶኝ ጠፍቶ አረፈድኩ እንጂ" "በእውነት እና ፈተና አመለጠህ?" "እሱ እንኳን አላመለጠኝም" "ዋናው እሱ ነው እና እንዴት ነበር?" "እንዳጠናሁት" "እንደዛ ከሆነ ውጤታማ ነህ ማለት ነው የት ነህ?" "ከፈተና ወጥቼ ወደ ቤት እየመጣሁ ነው ምነው?" "ከመለስ ጋር ለምሳ ተቀጣጥረን #ካፒታል_ሆቴል ነን መምጣት ከቻልክ ብዬ ነው" "ይሄ ሁሉ ነገር ምሳ አልሰራሁልህም ለማለት ነው?" "አዎ ጭራሽ ወደ ቤት አልሄድኩም እና ትመጣለህ ወይስ......"ምን አማራጭ አለኝ ገብቼ አላበስል እዛቹ ጠብቁኝ ከ20 ደቂቃ በኋላ እንደርሳለሁ" "መልካም እሺ ብሎ ስልኩን ዘጋው። ታደሰ ስለ ሁሉም ነገር ከትርሲት ሰምቶ ነገሩ በጣም አበሳጭቶታል ፆታዊ ጥቃት ሊፈፅሙባት እንደነበረ እና የሱ ሚስታ መሆንዋን በማወቃቸው እንደተረፈች ስትነግረው በጣም ተናደደ ሳሎን ሶፋው ላይ ቁጭ ብሎ መብከንከን ጀመረ። ፖሊሶቹ ምርመራቸውን ከቀጠሉ እነትርሲት የት እንደነበሩ ሊደርሱበት እንደሚችሉ ሲያስብ ግራ ተጋባ ትርሲት ሲያብከነክናት የቆየውን ቅሬታ ሙሉ በሙሉ አውጥታ ነግራዋለች። "አንተም ከእነሱ ጋር ሆነህ እነሱ የሚያደርጉትን የትኛውንም ነገር ለማድረግ ወደ ኋላ አትልም ንገረኝ ከምን ያህል ሴቶች ጋር አንሶላ ተጋፈሀል?" ያለቹ ነገር አይምሮው ላይ ደጋግሞ እየመጣ እረበሸው። እንደ እሱ አይነት ባል ሊኖራት እንደማትፈልግ ገለፀችለት፣እነሱን ባየችበት መነፅር እሱንም እንደገመተቹ፣ በነፃነት መኖር እንደምትፈልግ፣እጁን እያነሳ እንደፈለገ የሚመታት ባል እንደማትፈልግ፣ከዚህ በኋላ አብረው መቀጠል እንደማይችሉ፣ለሷ ምንም አይነት ክብር እንደሌለው እና እንደሚስቱ እንደማይቆጥራት አስረግጣ ነገረቹ። ትርሲት ያንን ወኔ ኬት እንዳመጣቹ ለእራሷ እስኪገርማት ለሰዓታት ብቻዋን አይን አይኑን እያየች እልህ በተሞላው ንግግር ተናገረቹ። ማታ ስታብከነክናቸው ያደረቻቸውን ጉዳዮች በአጠቃላይ አንድም ሳታስቀር። ሀዘንም ይሁን ደስታ ሲያጋጥመው እንደ ሚስቱ ቆጥሮ አማክሯት ስለማያውቅ ብዙ ጊዜ ትናደዳለች ስሜቷን ሳትደብቅ አንድ በአንድ ገልፃለት ጥላው ወደ መኝታ ቤት ገባች። ኤፊ ምሳውን ከተመገበ በኋላ ከኢንስፔክተር አለምሰገድ ጋር በያዘው ቀጠሮ መሰረት በሰዓቱ ቢሮው ደረሰ ከበር ጀምሮ ሞቅ ያለ ሰላምታ ተለዋውጠው እንዲቀመጥ ወደ ወንበሩ ጋበዘው። "እሺ" ብሎ ተቀምጦ "ይቅርታ! ኢንስፔክተር ጉዳዩን ጉዳዬ ብዬ ባለመከታተሌ" "ትቀጣለህ በይቅርታ ብቻማ አንፋታም" "በደስታ እቀጣለሁ" አለምሰገድ ፈገግ ብሎ "ጥሩ ዛሬ በሰዓትህ ስለተገኘህ ምሬሀለው ባይሆን ግን....... ሲለው #ኦኦኦ "አመሰግናለሁ እኔም ያን አስቤ ነው" ሲለው ሁለቱም ሳቁ። "ተጫዋች ነህ!" "አዎ እንዳንተ የሚያጫውት ሲገኝ" አለው ኤፊ። "ተግባብተናል አሁን ወደ ጉዳያችን እንግባ ወይስ.....?" "አዎ እባክህ" ብሎ እንዲናገር ጋበዘው። "እሺ በእነዚህ በተወሰኑ ጊዜያት ውስጥ ነገሮችን በጥራት ለመመርመር የቻልነውን ሁሉ አድርገናል በአንተ እና በአቶ ሀይሉ ዙሪያ ያሉ አንዳንድ ሰዎችንም ጠርተን አነጋግረናቸው ነበር ገሞላ ጎደል ጥሩ ላይ ነን የበለጠ ላንተም ለመከራከር እንደ ምስክር #ትዝታ የተባለች ልጁ አለች እሷ የሰጠችን መረጃ ሙሉ ለሙሉ ጉዳዩ በፍርድ ቤት እንዲታይ እንድንወስን አድርጎናል" አለው። ኤፊ ደነገጠ "እንዴ! ትዝታን ከዚህ ጉዳይ ጋር ምን አገናኛት? እንዴትስ ለእኔ ምስክር ልትሆን ትችላለች?" "ከዚህ በፊት ትተዋወቃላችሁ እንዴ?" "ምን ማለት ነው ኢንስፔክተር ትዝታ እኮ የእኔ #ፀሀፊ ነች ከአቶ ሀይሉ እና ከያዛቹት ጉዳይ ጋር ምን እንዳገናኛት ግን አልገባኝም?" አለምሰገድ ሳቅ አለና "ሲመስለኝ በስም መመሳሰል ሳትወዛገብ አልቀረህም #ትዝታ ማለት በአቶ ሀይሉ ሱቅ ውስጥ ለረጅም አመታት የሰራች ሰራተኛ ነች አብራት ምህረት የተባለች ሌላ ሰራተኛ ብትኖርም ስለ ሱቁ የበለጠ የተደበቁ ሚስጢሮች የምታውቀው ትዝታ ብቻ ነች" ኤፊ በነገሩ ተገርሞ "በጣም ይቅርታ ኢንስፔክተር አዎ የእኔም ፀሀፊ ትዝታ ነው ስሟ ድንገት ስሟን ስሰማ ግራ ስለተጋባሁ ነው" ገብቶኛል ስለ ገሊላ የተለያዮ መረጃዎችን ለመሰብሰብ ወደ ባንካቹ ስንመጣ በጥሩ ፈገግታ የአስተናገደችን እሷ ነበረች ስሟን ከጠረጴዛዋ ላይ ለማንበብ ችዬ ነበር" አዎ ይገርማል ተባብለው ተሳሳቁ "እና የተገኘው ሚስጢር ምን እንደሆነ ማወቅ እችላለሁ?" "በሚገባ ግን የሚቆምልህ አሪፍ #ጠበቃ ያስፈልግሀል ስለዚህ ከጠበቃህ ጋር አብራቹ ሆናቹ ብናወራበት መልካም ነው" "እሺ ኢንስፔክተር በቃ የማውቃቸው አንዳንድ ጠበቆች አሉ ላሳውቃቸው እና እንገናኛለን" በደስታ ነገሮች በአፋጣኝ ሊሄዱ ስለ ሚችሉ እንዳትዘናጋ ከቻልክ ከዛሬ ጀምር" "ምንም አያሳስብህ ኢንስፔክተር ከልብ አመሰግናለሁ" ብሎ ከወንበሩ ተነስቶ ተሰናብቶት ወጣ። እነ ቢኒ ምሳቸውን ከተመገቡ በኋላ መለስ ስለ መጣበት ጉዳይ አጫወታቸው ሞገስ ጉዳዩን መለስ ከያዘው ውጤቱ ጥሩ ሊሆን እንደሚችል ቢያስብም ግን ደግሞ መለስ ብዙ ጊዜ ህጋዊ የሆኑ ነገሮችን አይጠቀምም ለማሸነፍ ማድረግ መስራት ያለበትን ወንጀል ሁሉ ይሰራል ፎርጂድ ሰነዶች ያዘጋጃል፣ምስክር ብሎ የሚያቀርባቸው ሰዎች ሳይቀሩ በገንዘብ የተገዙ ሀሰተኞች ሊሆኑ ይችላሉ። ለእሱ ሽንፈት ከመሞት አይተናነስም ከባድ ቀላል የሚባል ወንጀል የለም ለአመነበት ሳይሆን ለፈለገው ነገር ጠበቃ ከቆመ ድል የእሱ እና የእሱ ብቻ ነች። ቢኒ በእህቶቹ መደራደር አልፈለገም ስለ መለስ ጥሩ ያልሆኖ ነገሮች ከሞገስ ሰምቶ የነበረ ቢሆንም የራሱ ጉዳይ ሲሆን ግን መጥፎውን ድርጊት እንደ ጥሩ መቀበል ፈለገ። ሞገስ በሁለት ሀሳብ ውጥረት ውስጥ ገባ ቢኒን ቀና ብሎ ሲመለከተው የመፈለግ ነገር አስተዋለበት ወድያው ዝምታን መረጠ። መለስ በሁለቱም በኩል ያለውን የመቀበል እና ያለ መቀበል ስሜት ከተረዳ በኋላ "ዛሬ መወሰን አይጠበቅባችሁም አውሩበት እና አሳውቁኝ እኔ የምሰራው አጥቼ አይደለም በቀን ውስጥ በጣም ብዙ የስራ ስልኮች ይደርሱኛል ግን ከዚህ በፊት ስለ ጉዳዩ ስላማከራቹኝ እንደ ጓደኛ ልረዳቹ ስለፈለኩኝ ነው" ሞጌ ከፊቱ ላይ ያለመፈለጉን ያወቀበት መስሎት "ኧረ እኛ አንተን ሳንፈልግ ቀርተን አይደለም ግን እስካሁን ምንም አልተባሉም ለዛ ነው" "ይገባኛል ከእናንተ ይልቅ ጉዳዩ ለእኔ ቅርቤ ነው ማን ምን እንደሚያስፈልገው እና ምን ሊጠየቅ እንደሚችል ቀድሜ መገመት እችላለሁ ሳትቀደም መቅደም ነው ጓደኛዬ" ብሎ ፊት ለፊቱ የተቀመጠውን የሀይላንድ ውሀ ተጎነጨ። "ልክ ነህ ግን ቀድመን ለእነትርሲት ብናሳውቀው አይሻልም? ቢኒ" ብሎ ወደ ቢኒ ተመለከተ። "አዎ አሁን አማክራቸው እና አሳውቅሀለው" "በጣም ጥሩ በሉ ልሂድ ዛሬ ቢኒ ቀድሞኝ ተገኝቶ #Record ብቻ ሳይሆን የሰበረው የንባብ ጊዜዬንም ጭምር ሰርቆኛል አሪፍ ጊዜ ነበረን አመሰግናለሁ" ብሎ ከወንበሩ ተነስቶ ጨበጣቸው "እኛም እናመሰግናለን ከዚህ በኋላ ከእኔ ጋር ስትቀጣጠር ለንባብ የሚኖርህ ሰዓት ላይ አስብበት" አለው ቢኒ ፈገግታ በተሞላው አነጋገር። መለስ ሳቅ ብሎ "አዎ አሁንማ ከስተቴ እማራለሁ በሉ መልካም ቀን ተባብለው ተለያዩ.............


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

ይህ ሰው:-
-----++++-----
☞በ5 ዓመቱ አባቱ ሞተ
☞በ16 ዓመቱ ትምህርቱን አቋረጠ
☞በ17 ዓመቱ 4 የተለያዩ ስራዎቹን አጥቶ ነበር
☞ከ18 እስከ 22 ዓመቱ የባቡር ትኬት ቆራጭ ሆኖ ሰራ ነገር ግን አልተሳካለትም
☞የሀገሩን መከላከያ ቢቀላቀልም ተባረረ
☞ህግ ለመማር አመለከተ አልተሣካለትም
☞ለአንድ ኢንሹራንስ ድርጂት ግብይት ሰራተኛ ሆነ..ይህም አልተሣካለትም፡፡
☞በ19 ዓመቱ ደግሞ ልጅ ወልዶ ነበር 2ዐ ዓመቱ ላይ ሚስቱ ልጃቸዉን ይዛ ጥላዉ ሄደች፡፡
☞በአንዲት ትንሽየ ካፌ ምግብ አብሳይና ሰሃን አጣቢነት መስራት ጀመረ
☞የራሱን ልጅ አግቶ ሚስቱን ወደ ቤት እንድትመለስ ለማግባባት ቢሞክርም ሳይሳካለት ቀረ፡፡
.
.
.
☞65 ዓመት ሲሞላዉ ጡረታ ወጣ
☞ጡረታ በወጣ በመጀመሪያዉ ቀን የ$105 ቼክ ከመንግስት ደረሠዉ..እሱ ግን የተረዳዉ መንግስት "ራስህን መመገብ አትችልም" እንዳለዉ ነበርና ከዚህ በኋላ መኖሩ ጥቅም እንደሌለዉ ራሱን አሣምኖ ራሱን የማጥፋት ሙከራ አደረግ....ይህም ሳይሆን ቀረ፡፡
☞አንድ እለት ዛፍ ስር ቁጭ ብሎ ምኞቶቹን ወረቀት ላይ ማስፈር ፈለገ የፃፈዉ ግን በህይወቱ ሊያደርጋቸዉ እየቻለ ሳያደርጋቸዉ ስለቀሩ ነገሮች ነበር...ከዝያም በእርግጠኝነት ማድረግ እንደሚችለዉ የሚያዉቀዉን አንድ ነገር አሰበ...ምግብ ማብሰል፡፡
☞ወዲያዉም የመንግስትን የዉለታ ቸክ መልሶ $87 ተበደረ፡፡
☞በዚያች ብድርም ቅመሞቹን ሸምቶ ፍራይድ ችክን አዘጋጀ...እናም በኬንታኬይ ለሚኖሩ ጎረቤቶቹ በራቸዉ ድረስ እየሄደ መሸጥ ጀመረ፡፡
☞አስታዉሱ ይህ ሰዉ በ65 ዓመቱ ራሱን የማጥፋት ሙከራ አድርጎ ነበር!!!
☞ግን በ68 ዓመቱ ኮሎኔል ሳንደርስ የኬንታኬይ ፍራይድ ችክን KFC ኢምፓየር መስራች ቢሊየነር ሆነ!!!
«ስለዚህ ወገን ከዚህ ሰው ብዙ መማር ይቻላል ተስፋ መቁረጥ የሰነፎች መፈክር መሆኑን ተገንዝበህ ሁሉንም ሞክር አንድ ቀን መክሊትህ የት እንዳለች ታውቃለህ ፣እሷም ስትቀርባት ትጠራሃለች።

@yeneta27
@yeneta27

🦅 ንስር አሞራ እና ......አንቺ👱‍♀.........አንተ👨.

🔖 ንስር አሞራ እስከ 70 አመት የሚኖር የእድሜ ባለፀጋ ነው ካልክ ልክ ነህ ... ግና 70 አመት ሙሉ በደስታ ከመኖሩ በፊት በእድሜው አጋማሽ ማለትም በ35 - 40 ባለው እድሜው ላይ ከባድ ነገር ይገጥመዋል ...

🍋 የመጀመሪያው :- ምግቡን ለማደን የሚገለገልበት ጥፍሮቹ ከመጠን በላይ ስለሚያድጉ ምግቡን ከመሬት ላይ ማንሳት ያቅተዋል ...

🍋 ሁለተኛው :- አጥንትን ሳይቀር መስበር አቅም ያለው አፉ(መንቁሩ) ስለሚታጠፍና ስለሚጣመም ምግቡን እንደወትሮው መመገብ ይሳነዋል ...

🍋 ሶስተኛው:- ክንፉና በአካሉ ላይ ያሉ ላባዎች ስለሚከብዱት ያ ሰማየ ሰማያትን እየሰነጠቀ ይበር የነበረው ሀይሉ ይክደዋል።

🔖 እነዚህ ሶስት ከባድ ነገሮች ንስር አሞራ በእድሜው አጋማሽ የሚያጋጥሙት ከባድ ችግሮች ናቸው። አሁን ንስር አሞራ ያለው ምርጫ ሁለት ነው።

♦ 1ኛ. ካረጀ አካሉ ጋር ዝም ብሎ በመቀመጥ ሞቱን መጠበቅ ?

♦ 2ኛ. አምስት ወር የሚፈጅ ስቃይና መከራ ያለበት መስዋዕትነትን ከፍሎ ቀሪውን 35 አመት በደስታ ማሳለፍ ?

👉 የመጀመሪያውን ከመረጠ በእድሜው አጋማሽ ይሞታልና ታሪኩ እዛ ጋር ያበቃል።

👉 ሁለተኛውን ምርጫ ከመረጠ ግን እነዚህን አምስት መስዋዕትነቶች ማለፍ ይኖርበታል።

🍋 ፩ኛ. ከፍተኛ ተራራ ላይ በመውጣት የብቻውን ጎጆ ይቀልሳል።

🍋 ፪ኛ. ጎጆ ከቀለሰ በኋላ የመጀመርያ ስራዉ የአፉን መንቁር ከአለት ጋር በማጋጨት ነቅሎ ይጥላል።

🍋 ፫ኛ. ይህን ካደረገ በኋላ አዲስ መንቁር ይወጣለታል፡፡ መንቁሩ እስኪያድግ ድረስ ታግሶ በጎጆው ምንም አይነት ምግብ ሳይመገብ መቆየት ግዴታው ይሆናል፡፡

🍋 ፬ኛ. አዲስ መንቁር ከበቀለለት በኋላ በአዲሱ መንቁሩ የገዛ እግሩን አሮጌ ጥፍር ነቃቅሎ ይጥለዋል።

🍋 ፭ኛ. አዲሱ የእግር ጥፍር ከበቀለለት በኋላ ደግሞ ይህንን አዲስ ጥፍር እንደ መሳርያ በመጠቀም በሰዉነቱ የተጣበቁትን እንዳይበር እንቅፋት የሆኑትን የገዘፉና ያረጁ ላባዎችን ነቃቅሎ ይጥላል። በምትኩ አዲስ ላባ ያበቅላል።

🔖 ይህን 5 ወር በዚህ መልኩ በጀግንነት ከተወጣ በኋላ እንደገና ራሱን በራሱ ወልዶና ወጣት ሆኖ ወደ ንስሮች መንደር ብቅ ይላል፡፡

•
•
🔥 ወዳጄ ሆይ:- 🔥

🔖 ችግር ገጠመኝ ብለህ ያዙኝ ልቀቁኝ አትበል ፣ ችግሬ ... ችግሬ ... እያልክም ነጠላ ዜማ አትልቀቅ ፣ ፊትህንም ችግር ፊት አታስመስል ፣ ጥቅም ላይ እያፈጠጠ የሚከተል ሰው በበዛበት አለም ላይ መውደቅህን መጥሪያ ካርድ አታሰራበት ፣ መራብ መጠማትህን ፖስት ለማድረግ አትቸኩል ፣ መገፋትህን እንደ ትልቅ ነገር ቆጥረህ ኡኡኡ አትበል ፣ ስንት ነገር መስራት የምትችልበትን አዕምሮ ለሃሜትና "አሉ ... አለች" መሳሪያ በመጠቀም "የውሸት እየኖርክ - የእውነት አትሙት" ...

🔖በቃ! ... ልክ እንደ ንስር አሞራ በህይወትህ አጋማሽ ላይ ምርጫ መቶልሃል ...

🍋 ፩ኛ. ችግሩን ታቅፎ መሞት ...

🍋 ፪ኛ. ለችግሩ መስዋትነት ከፍሎ ማለፍ ...

••• ♦ አስተውል ... ♦•••

🔖 ሁለተኛውን ከመረጥክ ልክ እንደ ንስሩ አምስት ዋጋዎችን መክፈል አለብህና ዝግጁ ሁን ...

🍋 ፩ኛ. ራስህን ከነገሮች አርቀህ በፅሞና ሃሳብህን መግራት ጀምር ... እዚህ ጋር ከወዳጅም ከጠላትም መራቅ ፍቱን መድሃኒት ነው ... ንስር አሞራው ከፍተኛ ተራራ ላይ የሚወጣው ከሁሉም ንስሮች እርቆ ለህይወቱ ዋጋ ለመክፈል ነው ... ይህን አይነት መላ ምሁራኑ "የስኬት ሱባኤ" ይሉታል።

🍋 ፪ኛ. አንገብጋቢ ችግርህን ለመፍታት ቁርጥ ያለ አቋም ይዘህ እስከ ሞት የሚያደርስ መስዋትነት መክፈል። ንስሩ አፉ ላይ ያለውን ምግብ ማምጫ መንቁሩን እንደሚያስወግደው ሁሉ።

🍋 ፫ኛ. መስዋት የከፈልክለት ነገር እስኪመጣ በትዕግስት መጠበቅ ... ይህ ደግሞ ንስሩ መንቁሩ እስኪያድግለት ድረስ ምግብ ሳይበላ እንደሚኖረው ሁሉ አንተም ዋጋ የከፈልክለት ነገር እስኪመጣ በትእግስት እና እምነት መጠበቅ።

🍋 ፬ኛ. በትእግስት ጠብቀህ ያሰብከው ነገር ከመጣ በዋላ ህይወትህን ጠፍንገው የያዙህን ነገሮች መፍታት ... ልክ ንስሩ መንቁሩ እንዳደገለት የእግሩን ጥፍሮች በመንቁሩ እየወጋ እንደሚያስወግዳቸው ሁሉ።

🍋 ፭ኛ. ሁሉን ካሳካህ በዋላ ወደ ህልምህ መብረር ... ይህ ማለት ንስሩ የእግሮቹን ጥፍር አስወግዶ እና አሮጌ ክንፎቹን አስወግዶ ከጠበቀ በዋላ አዲስ ክንፍ ፣ አዲስ መንቁር እና አዲስ ጥፍር ካበቀለ በዋላ እንደ አዲስ ጉልበታም ንስር ቀሪ ዘመኑን ይኖራል።

🔖 ሲጠቃለል ... 🔖

👉 አንተም ፣ አንቺም ፣ እኔም በዚህ ሁሉ መንገድ አልፈን ከባዱን ጊዜ ካለፍን በዋላ በአዲስ የህይወት መንቁር ፣ የተስፋ ጥፍር እና የስኬት ክንፍ ከፍ ብለን እንበር ዘንድ ..... ኑ ንስር አሞራን እንምሰል። ♥

@yeneta27
@yeneta27

💞💝#ትንቅንቅ💞💝

ክፍል 5⃣7⃣

ገሊላ አረፋፍዳ ስትነሳ ቢኒ ከተኛበት ቦታ ላይ የለም ስልኳን ከተኛችበት ትራስ ስር አውጥታ ስትመለከት 10:15 ሆኖአል እያዛጋች ከአልጋዋ ላይ ወረደች የቢጃማ ጋዎንዋን ደርባ ክፍሉ ውስጥ ወዳለው መስኮት ሄደች መጋረጃውን ከፈተቹ ፀሀይ ጥሩ ውሎ የነበራት ትመስላለች ወደ መጣችበት ለመመለስ እያዘገመች ነው ገሊላ እጅ በደረት አድርጋ ውጪ ላይ እታች እያሉ የሚተራመሱ በተለያየ የእድሜ ክልል ውስጥ ያሉ ሰዎችን ተመለከተች ይሄ ሁሉ ሰው በውስጡ ተሸክሞት የሚሄደው ጥሩ የሆነ እና ያልሆነ ታሪክ አለው ስትል አሰበች ወድያው ከሰማዮ ላይ ድምፅ ሰማች ቀና ብላ ስትመለከት አውሮፕላን ነው ወድያው አሜሪካ ያለው አባቷ ትዝ አላት ምን አለ አውሮፕላኑ ውስጥ ኖሬ ቢሆን ስትል ተመኘች ከአይኗ እስኪሰወር ስትከተለው ቆይታ ፈጠን ብላ አልጋዋ ላይ ያስቀመጠችውን ስልክ አነሳች አቦጊዳ ብላ #Save ያደረገችውን ቁጥር አውጣ ደወለች ጠራ የልብ ምቷ ጨመረ አሁንም በድጋሚ ጠራ አልተነሳም የገሊላ የልብ ምት የስልኩ ጥሪ በዘገየበት ልክ ይጨምር ጀመር ከብዙ መጥራት በኋላ ተነሳ "ሀሎ" አለቻት አዲት ለጆሮ የሚማርክ ድምፅ ያላት ሴት "ሰላም እንዴት ነሽ ይቅርታ አቦጊዳን ማግኘት እችላለሁ?" #Yes አቦጊዳ ነኝ ማን ልበል?" ስትላት ዝም አለች ምን እንደምትላት ግራ ገባት "ይቅርታ አይሰማም ማን ልበል እያልኩሽ ነው!" ገሊላ አሁንም ዝም ብላ ስልኩን እንደያዘች ቆማለች "ሄሎ "ሄሎ አይሰማም?" "#እእእ ይሰማል ገሊላ እባላለሁ ከኢትዮጵያ ነው የምደውለው" አለቻት። አቦጊዳ በተራዋ ደነገጠች "ገሊላ! አለቻት "አዎ ገሊላ የላካቹልኝ መልክት ትላንት ነው የደረሰኝ እውነት ለመናገር ለእኔ ዱብዳ ነው ምን እንደምልሽ አላውቅም ድምፅሽን ስለሰማው ደስ ብሎኛል" "ዳዲ ስልክሽ አልነበረውም ግን በፖስታ ቤት በላከልሽ ቁጥር ከዛሬ ነገ ትደውያለሽ ብሎ እየጠበቀ ነበር" "የምርሽን ነው አባቴ የኔን ድምፅ መስማት ጓጉቶ ነበር?" "አዎ! መልክቱን በላከልሽ በሁለተኛው ቀን ነው ያረፈው" ስተላት ገሊላ ልቧ ተሰበረባት አይኖቿ እንባ አቀረሩ "ከእናትሽ ጋር ነበር በፖስታ ቤቱ በኩል የሚያወሩት የነበረው ከአመታት በኋላ በፖስታ ቤቱ በኩል ለመላክ ሲያስብ አንቺ እየተጠቀምሽበት እንደሆነ አወቀ ግን ዝም ስትይው በጣም ተከፍቶ ነበር" ብላ እንባዋን ጠራረገች "በጣም አዝናለሁ የአባቴን ድምፅ መስማት ብችል ጥሩ ነበር አልሆነም" ብላ አልጋው ጫፍ ላይ ቁጭ አለች "ቢሆንም አሁን ስለደወልሽ ደስ ብሎኛል የአባቴ ትልቅ አደራ አለብኝ እሱን ሳሳካለት ነው በሰላም እንዳረፈ የሚሰማኝ" "እሱስ እውነትሽን ነው ግን በጣም ገርሞኛል ከእኔ የተሻለ አማርኛ ነው የምታወሪው" አቦጊዳ ሳቅ ብላ "አባትሽ ምን ያህል ሀገሩን የሚወድ ሰው እንደሆነ ስለማታውቂ ነው ኑሮን ለማሸነፍ እንጂ ማንም ሰው ሀገሩን አይጠላም አባዬ ወደ እዚህ የመጣው ኑሮ በከበደበት ጊዜ እንደሆነ አጫውቶኛል የእኛ እናት ናት በጋብቻ ወደ አሜሪካ ያመጣቹ ቢሆንም ለደቂቃ ባህሉን እረስቶ አያውቅም ከስሜ ስጀምርልሽ #አቦጊዳ የኔ ስም ነው ታናሽ አህቴ ደግሞ #ፊደል ትባላለች የመጨረሻው ወንድማችን ደግሞ #ቴዎድሮስ ይባላል ኢትዮጵያዊ የሆነ ነገር እንዲኖረው ይፈልግ ነበር ታሪኩ ብዙ ነው በስልክ የሚሆን አይደለም ኢትዮጵያ ለመምጣት ከሁለት ሳምንት በፊት #Process ጀምሬያለሁ እያለቀ ነው ማለት ይቻላል እደውልልሽ እና እንገናኛለን" "እሺ ደስ ይለኛል መልካም ቀን ይሁንልሽ" አለቻት "አሜን ላንቺም" ብላ ስልኩን ዘጋቹ ለደቂቃ ስላለቻት ነገር አሰበች እውነት ያልመሰላት ነገር እውነት እየሆነ መሰላት ሳታስበው ፈገግ አለች። ተመልሳ ፈገግታዋ አስደንግጧት ኮስተር ብላ ከተቀመጠችበት ተነስታ ልብስ ለመቀየር ቁም ሳጥኗን ከፈተች። መልህቅ ዛሬ ትልቅ #የቃለ_መጠይቅ ቀጠሮ ከአንድ የቴሌቪዥን ተቋም ጋር አለው በማህበራዊ #ድህረ_ገፅ ላይ እየተናፈሰ ስላለው ወሬ ጥሩ ማብራሪያ ለመስጠት ጥሩ እድል እንደሆነ ተሰምቶታል መርሀ ግብሩ የቴሌቪዥን ስለሆነ እራሱን ለማሳመር የተቻለውን ጥረት እያደረገ ነው ሙሉ ጥቁር ሱፍ በነጭ ሸሚዝ አድርጎ መስታወት ፊት ለፊት ቆሞ ደቂቃዎች ተቆጠሩ ብሌን በሰሀን ምግብ ይዛለት የመኝታ ቤቱን በር ከፍታ ገባች መስታወት ፊት ቆሞ የሸሚዙን ኮሌታ ሲያስተካከል ተመለከተቹ ኮመዲኖው ላይ ምግቡን አስቀምጣ "ቆይ እኔ ላድርግልህ" ብላ ፊት ለፊቱ ቆመች እሺ ብሎ ለእሷ ተወላት የቢራቢሮ ክራቫቱን አስተካክላ ኮቱን አቀበለቹ በእሷ እገዛነት ከአደረገ በኋላ "የእኔ ንጉስ ሁሌም ውብ ነህ ዛሬ ግን በተሻለ ውብ ሆነሀል" አለቹ የሸሚዞቹን ቁልፎች እየነካካች "አመሰግናለሁ የኔ ውድ አሁን መሄድ ይኖርብኛል" ብሎ ከእጁ ላይ ሰዓቱን ተመለከተ "ቆይ ትንሽ ላጉርስህ" ብላ ምግቡን ለማምጣት ልትሄድ ስትል እጇን ይዞ ወደ እራሱ ሳብ አደረጋት ፊት ለፊት ተፋጠጡ ለደቂቃዎች በመሀላቸው ዝምታ ሰፈነ አንዳቸው ወደ አንዳቸው እየተጠጉ ከንፈር ለከንፈር ተገጣጠሙ መኝታ ክፍል ውስጥ የፀደንያ ሙዚቃ በስሱ ተከፍቶአል

#ነካካው_ገላዬን_አካሌን_ደባብሰው
#በመዳፍህ_አይደል_የልብ_የሚገኘው

እያለች ታቀነቅናለች ብዙም ሳይቆዩ ብሌን "ይበቃል መሄድ ይኖርብሀል" ብላ አቋረጠቹ የሱሪ ኪሱን እየፈተሸ "ስልኬን የትነው ያደረኩት? አለ። "ይሄውልህ" ብላ ከተሰካበት ቻርጀር ላይ ነቅላ ሰጠቹ "ውይ እኔው እራሴ ነበርኩኝ የሰካሁት" ብሎ የመኪና ቁልፉን ከኮመዲኖ ላይ አንስቶ ሊወጣ ሲል "ቆይ የሰራሁልህን ሳትበላ በፍፁም አትሄድም" አለቹ። "ይቅርብኝ ስመለስ" ብሎ ሊወጣ ሲል በሩን ያዘችበት "አይሆንም የተወሰነ ጎርሰህ ነው የምትሄደው" "ውዴ አንቺ ደግሞ ከደረቅሽ መመለሻ የለሽም እሺ ሁለት ጉርሻ" ብሎ አልጋው ጫፍ ላይ ተቀመጠ ካስቀመጠችበት አንስታ ሁለት ጊዜ ካጎረሰቹ በኋላ "በቃኝ እናቴ ቶሎ ለመመለስ እሞክራለሁ በሩን ቆልፈሽ ቁጭ በይ ቻው" ብሎ ግንባሯን ስሟት ወጣ............


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

ዛሬ #ትንቅንቅ የተሰኘውን ድርሰት ክፍል 58 ባለማስተላለፌ ትልቅ ይቅርታ እጠይቃለሁ የማይመች ሁኔታ ላይ ስለነበርኩኝ ነው ያልፃፍኩት።🙏 ትንሽ በጥያቄ እራሳችንን እንፈትሽ👇👇👇

1, ቆዳ ሲወደድ____________

አይጠቅምም ገመድ😳
በሬህን እረድ😏
ከብትህን ስደድ😭

2, ቅቤ ይፍሰስ____________

ከገንፎ አይለፍ🙊
ውሀ አይታፈስ🙉
ከወጡ እንቅመስ🙈